Thrissur Live

എരുമപ്പെട്ടി കടങ്ങോട് മണ്ടംപറമ്പ് സ്വദേശി കോഴിക്കാട്ടില്‍ വിജയന്‍ മകന്‍ 26 വയസുള്ള വൈശാഖിനെ രാജസ്ഥാനിലെ റെയില്‍വെ ട്രാക്കില്‍ മരിച്ച നിലയില്‍ കണ്ടെത്തി.
രാജസ്ഥാനിലെ ഓയില്‍ കമ്പനിയില്‍ ജോലിക്കാരനായ വൈശാഖ് എം.ബി.എ വിദ്യാര്‍ത്ഥിയാണ്. മൂന്ന് വര്‍ഷമായി രാജസ്ഥാനിലെ ബര്‍മറിലുള്ള വൈശാഖ് , ഒരാഴ്ച മുന്‍പ് നാട്ടിലെത്തിയിരുന്നു. ഇന്ന് രാവിലെ പതിനൊന്ന് മണിയോടെയാണ് മരണവിവരം രാജസ്ഥാന്‍ പോലീസ് ബന്ധുക്കളെ അറിയിച്ചത്. വിവരമറിഞ്ഞതിന് ശേഷം അഹമ്മദാബാദിലുള്ള ബന്ധുക്കളും സുഹൃത്തുക്കളും സംഭവസ്ഥലത്തേക്ക് തിരിച്ചിട്ടുണ്ട്.
ചാലക്കുടി എറണാകുളം ഇടപ്പിള്ളിയിലുണ്ടായ ബൈക്ക് അപകടത്തില്‍ കൊരട്ടി വാളൂര്‍ സ്വദേശിയായ യുവാവ് മരിച്ചു.
മഴുവഞ്ചേരി ജോര്‍ജ്ജിന്റെ മകന്‍ 30 വയസ്സുള്ള ജോസിനാണ് മരിച്ചത്. വെള്ളിയാഴ്ച വൈകീട്ട് ജോസിന്‍ സഞ്ചരിച്ചിരുന്ന ബൈക്കില്‍ കണ്ടെയ്‌നര്‍ ലോറിയിടിക്കുകയായിരുന്നു.
തൃശൂര്‍ നീന്തല്‍ കുളത്തില്‍ അരങ്ങേറിയ പൂള്‍ പ്ലേയും, കാര്‍ഷെഡില്‍ അരങ്ങേറിയ ആക്ടിംഗ് ബഗുമടക്കമുള്ള വേറിട്ട നാടക പരീക്ഷണങ്ങളുമായി ഇറ്റ്‌ഫോക്ക് അന്താരാഷ്ട്ര നാടകമേളയുടെ അഞ്ചാം ദിവസം സമ്പന്നമായി.
കഴിഞ്ഞ ഇറ്റ്‌ഫോക്കില്‍ ഖസാക്കിന്റെ ഇതിഹാസങ്ങള്‍ ഒരുക്കിയ ദീപന്‍ ശിവരാമന്റെ ദി കാബിനറ്റ് ഓഫ് ഡോ. കാലിഗിരി എന്ന നാടകം കാണികള്‍ ആവേശത്തോടെയാണ് വരവേറ്റത്. ഡല്‍ഹിയിലെ പെര്‍ഫോമന്‍സ് സ്റ്റഡീസ് കളക്ടീവിന്റെ ബാനറില്‍ ഇംഗ്ലീഷിലാണ് നാടകമൊരുക്കിയിട്ടുള്ളത്. ഇതേ പേരിലുള്ള ജര്‍മന്‍ ചലചിത്രത്തിന്റെ നാടകാവിഷ്‌ക്കാരമാണ് ദീപന്‍ ശിവരാമന്‍ അവതരിപ്പിച്ചത്. മഹാഭാരതത്തിന്റെ പശ്ചാത്തലത്തില്‍ സമകാലീന ഇന്ത്യന്‍ രാഷ്ട്രീയം വിഷയമാക്കി ഒരുക്കിയ 'അന്ധയുഗ' എന്ന ബംഗാളി നാടകവും അരങ്ങിലെത്തി. പ്രാണികളുടെ ലോകം ഫ്‌ളീ സര്‍ക്കസിന്റെയും പാവനാടകത്തിന്റെയും പശ്ചാത്തലത്തില്‍ ഒരുക്കിയ 'ദി ആക്ടിംഗ് ബഗെന്ന നാടകവും, നീന്തല്‍ കുളത്തിലരങ്ങേറിയ പൂള്‍ പ്ലേയെന്ന നാടകവും അവതരണം കൊണ്ട് പുതുമ സമ്മാനിച്ചു. ബാരോ എന്ന പെണ്‍കുട്ടിയുടെയും അമ്മയുടെയും ജീവിതം ആവിഷ്‌ക്കരിച്ച സദ്സ്ര വാക്യങ്ങള്‍, ദി സ്റ്റേറ്റ് എന്നീ നാടകങ്ങളും, തെരുവു നാടകമായ അറൈവ്ഡിന്റെ പുനരവതരണവും ഇറ്റ്‌ഫോക്കിന്റെ അഞ്ചാം ദിനത്തില്‍ അരങ്ങേറി. സംഗീത പരിപാടികളും, സംവാദവും, മീറ്റ് ദ് ആര്‍ട്ടിസ്റ്റുമടക്കമുള്ള പരിപാടികളും മേളയുടെ ഭാഗമായി ഒരുക്കിയിരുന്നു.
തൃശൂര്‍ തൃശൂര്‍ പൂരം നിലവിലുള്ള രീതിയിലും മറ്റ് പൂരങ്ങള്‍ ഉള്‍പ്പെടെയുള്ള ആഘോഷങ്ങള്‍ എല്‍.ഡി.എഫ് തൃശൂര്‍ ജില്ലാ കമ്മിറ്റി തീരുമാനം അനുസരിച്ചും നടത്തണമെന്നുള്ള സംസ്ഥാന സര്‍ക്കാരിന്റെ തീരുമാനത്തെ ഒരു കാരണവശാലും അംഗീകരിക്കാന്‍ കഴിയില്ലെന്ന് അനില്‍ അക്കര എം.എല്‍.എ പ്രസ്താവനയില്‍ പറഞ്ഞു.
പൂരത്തിന്റെ മുഴുവന്‍ ആചാരങ്ങളും കഴിഞ്ഞ വര്‍ഷങ്ങളിലെ പോലെ നടത്താന്‍ ഉത്രാളിക്കാവിലെ മൂന്ന് ദേശക്കാരും തയ്യാറാകണമെന്നും അനില്‍ അക്കര അഭ്യര്‍ത്ഥിച്ചു.
തൃശൂര്‍ ശിവരാത്രിയോടനുബന്ധിച്ച് ക്ഷേത്ര സംരക്ഷണ സമിതിയുടെ ആഭിമുഖ്യത്തില്‍ വടക്കുന്നനാഥക്ഷേത്രത്തിലെ ശ്രീമൂല സ്ഥാനത്ത് മഹാപരിക്രമ പ്രദക്ഷിണം നടത്തി.
സമിതി സംസ്ഥാന ഉപാധ്യക്ഷന്‍ വി.കെ.വിശ്വനാഥന്‍ മുഖ്യ പ്രഭാഷണം നടത്തി. സ്വാമി പുരുഷോത്തമാനന്ദ, പ്രൊഫ.മാധവന്‍കുട്ടി തുടങ്ങി നിരവധി പേര്‍ പങ്കെടുത്തു.
തൃപ്രയാര്‍ ഏങ്ങണ്ടിയൂര്‍ തിരുമംഗലം ശ്രീ മഹാവിഷ്ണു ശിവക്ഷേത്രത്തില്‍ ശിവരാത്രി മഹോത്സവം ഭക്തിനിര്‍ഭരമായി.
തന്ത്രി പഴങ്ങാംപറമ്പ് ദിവാകരന്‍ നമ്പൂതിരിയുടെ മുഖ്യകാര്‍മ്മികത്വത്തിലായിരുന്നു ചടങ്ങുകള്‍. തുടര്‍ന്ന് ശീവേലി എഴുന്നള്ളിപ്പും നടന്നു. ഏങ്ങണ്ടിയൂര്‍ യൂണിറ്റി കോര്‍ണര്‍, പോളക്കല്‍ സെന്റര്‍ കമ്മിറ്റികളുടെ ആഭിമുഖ്യത്തില്‍ നടന്ന കാവടിവരവ് വര്‍ണാഭമായി. വിഭവ സമൃദ്ധമായ പ്രസാദ ഊട്ടും ഉണ്ടായിരുന്നു. വൈകീട്ട് ദീപാരാധനക്ക് ശേഷം ചുറ്റുവിളക്കും, സമ്പൂര്‍ണ നെയ്യ് വിളക്കും നടക്കും. രാത്രി എഴരയ്ക്ക് വിവിധ നൃത്ത നൃത്യങ്ങളും തായമ്പകയും അരങ്ങേറും. നാളെ പുലര്‍ച്ചെ രണ്ടരയ്ക്ക് നടക്കുന്ന എഴുന്നള്ളിപ്പോടെ ശിവരാത്രി ആഘോഷങ്ങള്‍ക്ക് സമാപനമാകും.
പൊങ്ങണംകാട് കോലഴി എക്‌സൈസ് സംഘം പൊങ്ങണംകാട് കമ്പനിപ്പടി - തളിയമ്പാടം മേഖലയില്‍ നടത്തിയ പരിശോധനയില്‍ 200 ലിറ്റര്‍ വാഷ് പിടിച്ചെടുത്തു.
വനമേഖലയോട് ചേര്‍ന്ന കരിങ്കല്‍ ക്വാറിയിലാണ് ചാരായം നിര്‍മ്മിക്കുന്നതിനു പാകപ്പെടുത്തിയ വാഷ് അസിസ്റ്റന്റ് എക്‌സൈസ് ഇന്‍സ്‌പെക്ടര്‍ എസ്.രാമദാസിന്റെ നേതൃത്വത്തില്‍ കണ്ടെടുത്തത്.
കയ്പമംഗലം സംസ്ഥാന സര്‍ക്കാര്‍ റേഷന്‍ വിതരണം അട്ടിമറിച്ചെന്നാരോപിച്ച് ബി.ജെ.പി പെരിഞ്ഞനം പഞ്ചായത്ത് കമ്മിറ്റിയുടെ ആഭിമുഖ്യത്തില്‍ 24 മണിക്കൂര്‍ പട്ടിണി സമരം ആരംഭിച്ചു.
പെരിഞ്ഞനം സെന്ററില്‍ ആരംഭിച്ച സമരം യുവമോര്‍ച്ച ജില്ല ജനറല്‍ സെക്രട്ടറി ഷൈന്‍ നെടിയിരിപ്പില്‍ ഉദ്ഘാടനം ചെയ്തു. പഞ്ചായത്ത് കമ്മിറ്റി പ്രസിഡന്റ് ഗിരീഷ് പറപറമ്പില്‍ അധ്യക്ഷത വഹിച്ചു. കെ.ബി.അജയ്‌ഘോഷ്, കെ.കെ.രാധാകൃഷ്ണന്‍, ടി.ജി.നിബിന്‍ എന്നിവര്‍ സംസാരിച്ചു.
കൊടകര ആളൂര്‍ ഗ്രാമപഞ്ചായത്തിലെ വിവിധ വിദ്യാലയങ്ങളില്‍ ഹൈസ്‌കൂള്‍ ക്ലാസുകളില്‍ പഠിക്കുന്ന പട്ടികജാതി വിദ്യാര്‍ത്ഥികള്‍ക്ക് പഞ്ചായത്തിന്റെ പട്ടികജാതി വികസന ഫണ്ടില്‍ നിന്നുള്ള തുക വിനിയോഗിച്ച് സൈക്കിളുകള്‍ വിതരണം ചെയ്തു.
പ്രൊഫഷണല്‍ കോഴ്‌സുകള്‍്ക്ക് പഠിക്കുന്ന പട്ടികജാതി വിദ്യാര്‍ത്ഥികള്‍ക്ക് ലാപ്‌ടോപ്പുകളും വിതരണം ചെയ്തു. പ്രൊഫ.കെ.യു.അരുണന്‍ എം.എല്‍.എ. വിതരണോദ്ഘാടനം നിര്‍വഹിച്ചു. ഗ്രാമപഞ്ചായത്ത് പ്രസിഡന്റ് സന്ധ്യ നൈസന്‍ അധ്യക്ഷയായിരുന്നു. വൈസ് പ്രസിഡന്റ് എ.ആര്‍.ഡേവിസ്, സി.ജെ.നിക്‌സന്‍, സി.എം.മജീദ് തുടങ്ങിയവര്‍ സംസാരിച്ചു.
അന്തിക്കാട് നെല്ല് മാത്രമല്ല ഇടവിളയായി മറ്റു ധാന്യങ്ങളും സൂര്യകാന്തിയും നമ്മുടെ കാലാവസ്ഥയില്‍ കോള്‍ പാടങ്ങളില്‍ വിളയുമെന്ന് തെളിയിച്ചിരിക്കുകയാണ് അന്തിക്കാട് സ്വദേശിയായ സോമന്‍.
അന്തിക്കാട് രാമന്‍കോളിലെ ഒന്നര ഏക്കര്‍ സ്ഥലത്താണ് കര്‍ഷകനായ പീച്ചേടത്ത് സോമനും കുടുംബവും ഇടവിളയായി ചോളം, സൂര്യകാന്തി എന്നിവ കൃഷി ചെയ്ത് നൂറ് മേനി വിളവ് നേടിയത്. പാരമ്പര്യമായി കര്‍ഷകനായ സോമന്‍ പരീക്ഷണാടിസ്ഥാനത്തിലാണ് രണ്ട് വര്‍ഷം മുമ്പ് സൂര്യകാന്തിയും മുതിരയും കൃഷി ചെയ്തത്. കൃഷി വിജയിച്ചതോടെ നെല്‍കൃഷി കഴിഞ്ഞാല്‍ ഇടവിള കൃഷിയായി സൂര്യകാന്തിയും, മുതിരയും ശീലമാക്കിയതിന് പുറമെ ഉഴുന്ന്, എള്ള്, ജീരകം, കടല, ഉള്ളി കപ്പലണ്ടി, വെളുത്തുള്ളി, കൊത്തമര, ചോളം എന്നിവയും കൃഷി ചെയ്തു. ഇവയും സോമന്റെ കൃഷിയിടത്തില്‍ വന്‍ വിജയമായി. പൂര്‍ണമായും ജൈവവളങ്ങള്‍ ഉപയോഗിച്ചാണ് സോമനും കുടുംബവും സമ്മിശ്ര കൃഷിയെല്ലാം ചെയ്തത്. സമീപത്തെ കോള്‍ ചാലില്‍ നിന്നാണ് കൃഷിക്കാവിശ്യമായ വെള്ളം ഉപയോഗിച്ചു. വേനല്‍ കടുത്തതോടെ ചാലുകള്‍ വറ്റിയത് കൃഷിയെ ബാധിച്ചെങ്കിലും ഇവയെല്ലാം തരണം ചെയ്ത് ഈ കര്‍ഷക കുടുംബം വിജയം കൊയ്യുകയായിരുന്നു. ജില്ലയിലെ പ്രധ്യാനകോള്‍ മേഖലയായ അന്തിക്കാട് കോള്‍ പടവിലെ സോമന്റെ സമ്മിശ്ര കൃഷിയുടെ വിജയം മറ്റ് കര്‍ഷകര്‍ക്കും പ്രചോദനമായിട്ടുണ്ട്. ടി.സി.വി. അന്തിക്കാട്
കുന്നംകുളം കുന്നംകുളത്ത് റോഡരികില്‍ ഉപേക്ഷിക്കപ്പെട്ട ഓട്ടോറിക്ഷയില്‍ അനധികൃതമായി സ്വകാര്യ ഗ്യാസ് ഏജന്‍സി സിലിണ്ടറുകള്‍ സൂക്ഷിക്കുന്നതായി പരാതി.
ടൗണ്‍ഹാള്‍ റോഡില്‍ നഗരസഭയുടെ പുതിയ കെട്ടിടത്തിന്റെ മുന്‍ഭാഗത്തായി നിര്‍ത്തിയിട്ടിരിക്കുന്ന പഴയ ആപ്പേ ഓട്ടോറിക്ഷയിലാണ് സിലിണ്ടറുകള്‍ സൂക്ഷിക്കുന്നത്. റോഡിന്റെ എതിര്‍ദിശയിലാണ് ഗ്യാസ് ഏജന്‍സി പ്രവര്‍ത്തിക്കുന്നത്. വിദ്യാര്‍ത്ഥികളുള്‍പ്പെടെ നിരവധി പേര്‍ കാല്‍നടയായും നിരവധി വാഹനങ്ങളും സഞ്ചരിക്കുന്ന ഈ പാതയോരത്ത് ഗ്യാസ് സിലിണ്ടറുകള്‍ സൂക്ഷിക്കുന്നത് അപകടമാണെന്നാണ് പരാതി.
കൊടകര കേരളത്തിലെ പാറമടകള്‍ സൃഷ്ടിക്കുന്ന പാരിസ്ഥിതിക പ്രശ്‌നങ്ങളെ ആസ്പദമാക്കി സി.കെ.എം.നബീല്‍ എഴുതിയ മുറിവേറ്റ മലയാളം എന്ന പുസ്തകത്തിന്റെ പ്രകാശനവും ഫോട്ടോ പ്രദര്‍ശനവും കോടാലിയില്‍ നടന്നു.
കോടാലി െ്രെഡവേഴ്‌സ് വെല്‍ഫെയര്‍ ട്രസ്റ്റിന്റെ ആഭിമുഖ്യത്തില്‍ സംഘടിപ്പിച്ച ചടങ്ങില്‍ കേരള വന ഗവേഷണ കേന്ദ്രത്തിലെ ശാസ്ത്രജ്ഞന്‍ ഡോ: ടി.വി.സജീവ് പുസ്തക പ്രകാശനം നിര്‍വ്വഹിച്ചു. റോബിന്‍ കേരളീയം ആമുഖ പ്രഭാഷണം നടത്തി. മറ്റത്തൂര്‍ ഗ്രാമപഞ്ചായത്ത് വൈസ് പ്രസിഡണ്ട് ബീന നന്ദകുമാര്‍ അധ്യക്ഷയായിരുന്നു.
കയ്പമംഗലം കയ്പമംഗലം കേന്ദ്രീകരിച്ച് കലാ സാംസ്‌ക്കാരിക സാഹിത്യ പരിസ്ഥിതി രംഗത്ത് പ്രവര്‍ത്തിക്കുന്നവരുടെ കൂട്ടായ്മ 'സംസ്‌കാര' എന്ന പേരില്‍ രൂപീകരിച്ചു.
സംസ്‌കാരയുടെ നേതൃത്വത്തില്‍ ഞായറാഴ്ച വൈകീട്ട് 4ന് കാളമുറിയില്‍ 'നവോത്ഥാന കേരളത്തില്‍ നിന്ന് നവ കേരളത്തിലേക്ക്' എന്ന വിഷയത്തില്‍ എ.പി.അഹമ്മദ് പ്രഭാഷണം നടത്തുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ഭാരവാഹികളായ പി.വി.ഗോപി, ടി.എം.മഹേഷ്, പി.എ.ഫസല്‍, എം.എ.റഷീദ് എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
പുന്നയൂര്‍ക്കുളം കപ്ലിയങ്ങാട് ഭഗവതി ക്ഷേത്രത്തിലെ പ്രതിഷ്ഠാ ദിനാഘോഷവും കുംഭഭരണി മഹോത്സവവും മാര്‍ച്ച് 1, 2, 3 തിയതികളില്‍ നടക്കുമെന്ന് ഭാരവാഹികള്‍ പുന്നയൂര്‍ക്കുളത്ത് അറിയിച്ചു.
മാര്‍ച്ച് 1ന് 25 ദേശങ്ങളില്‍ നിന്ന് താലം വരവ്, മാര്‍ച്ച് 3ന് 43 പ്രാദേശിക കമ്മിറ്റികളില്‍ നിന്നുള്ള തറ കയറ്റം, നാടന്‍ കലാരൂപങ്ങള്‍. തെയ്യം എന്നിവ ഉണ്ടായിരിക്കും. പ്രസാദ ഊട്ട്, ഗുരുതിപൂജ എന്നിവയും ഉണ്ടാകുമെന്ന് ക്ഷേത്രം ഭാരവാഹികളായ പ്രമോദ് കിളിയം പറമ്പില്‍, പ്രദീപ് ചമ്മന്നൂര്‍, കെ.എ.ബാലന്‍,അഭിഷേക്, മോഹനന്‍ മമ്പറമ്പത്ത് എന്നിവര്‍ വാര്‍ത്താസമ്മേളനത്തില്‍ പറഞ്ഞു.
പുന്നയൂര്‍ക്കുളം സ്‌കൂള്‍ മൂത്രപ്പുരയില്‍ നിന്നുള്ള ദുര്‍ഗന്ധവും മാലിന്യങ്ങളും മൂലം സമീപത്ത് താമസിക്കുന്ന കുടുംബം ദുരിതത്തിലായി.
വടക്കേക്കാട് പഞ്ചായത്തിലെ പതിനാറാം വാര്‍ഡിലെ തിരുവളയന്നൂര്‍ ഹയര്‍ സെക്കണ്ടറി സ്‌കൂളിന് സമീപം താമസിക്കുന്ന നരിയംപുള്ളി വീട്ടില്‍ ശിവദാസനും കുടുംബവുമാണ് ദുര്‍ഗന്ധം മൂലം കഷ്ടപ്പെടുന്നത്. വിദ്യാലയത്തിന്റെ പ്രവൃത്തി ദിനങ്ങളില്‍ ഈ കുടുംബം തൊട്ടടുത്തുള്ള വീട്ടില്‍ അഭയം തേടുകയാണ്. ദുര്‍ഗന്ധം ശ്വസിച്ച് കുടുംബാംഗങ്ങള്‍ക്ക് അലര്‍ജി മൂലം ചികിത്സ തേടേണ്ടിവന്നു. പഞ്ചായത്തിലും സ്‌കൂള്‍ അധികൃതര്‍ക്കും ഗ്രാമസഭയിലും ആരോഗ്യ വകുപ്പിനും പരാതി നല്‍കിയിട്ടും ഈ നിര്‍ധന കുടുംബത്തിന് നീതി ലഭിച്ചിട്ടില്ല. വടക്കേക്കാട് പോലീസില്‍ പരാതി നല്‍കാനുള്ള ഒരുക്കത്തിലാണ് ഈ കുടുംബം.
പാവറട്ടി ഏനാമാവ് കരുവന്തല ഭഗവതി ക്ഷേത്രത്തില്‍ കുംഭഭരണി മഹോത്സവത്തിന് കൊടികയറി.
ക്ഷേത്രം കോമരം മുരളി മാടമ്പില്‍ കൊടികയറ്റു കര്‍മ്മം നിര്‍വഹിച്ചു. പൂജാ കര്‍മ്മങ്ങള്‍ക്ക് ക്ഷേത്രം പൂജാരി പ്രകാശന്‍ എമ്പ്രാന്തിരി കാര്‍മികത്വം വഹിച്ചു.കുംഭഭരണി മഹോത്സവം മാര്‍ച്ച് 3, 4 തിയ്യതികളില്‍ ആഘോഷിക്കും.
കുന്നംകുളം കുന്നംകുളം നഗരസഭയുടെ അനുമതിയില്ലാതെ പൊളിച്ചു മാറ്റിയ കാല്‍നടപ്പാത വ്യാപാരികള്‍ പുനര്‍ നിര്‍മ്മിച്ചു.
കുന്നംകുളം-വടക്കാഞ്ചേരി റോഡില്‍ ബസ് സ്റ്റാന്റിന് അടുത്തായുള്ള കെട്ടിടങ്ങള്‍ക്ക് മുന്നിലാണ് കാല്‍നടപ്പാതയിലെ സ്ലാബുകള്‍ പൊളിച്ചുമാറ്റിയിരുന്നത്. നടപ്പാത പൊളിച്ചതു മൂലം യാത്രക്കാര്‍ ദുരിതമനുഭവിക്കുകയായിരുന്നു. പ്രതിഷേധങ്ങള്‍ക്കൊടുവില്‍ വ്യാപാരികള്‍ തന്നെ സ്വന്തം ചിലവില്‍ നടപ്പാത പൂര്‍വസ്ഥിതിയിലാക്കി്. ഗുരുവായൂര്‍ റോഡില്‍ നഗര സൗന്ദര്യവല്‍ക്കരണത്തിന്റെ ഭാഗമായി നിര്‍മ്മിച്ച നടപ്പാതകള്‍ പല കച്ചവടക്കാരും പൊളിച്ച് തങ്ങളുടെ സൗകര്യത്തിലേക്ക് മാറ്റി പണിതിരുന്നുവെങ്കിലും ഇപ്പോഴും പ്രതിഷേധം നിലനില്‍ക്കുന്നുണ്ട്.
കുന്നംകുളം കുന്നംകുളം - തൃശൂര്‍ റോഡില്‍ കാണിപ്പയ്യൂരില്‍ 2 കാറുകള്‍ കൂട്ടിയിടിച്ചു.
അപകടത്തില്‍ ആര്‍ക്കും പരിക്കില്ല. വാഹനങ്ങള്‍ക്ക് കേടുപാടു പറ്റി.
ചേര്‍പ്പ് ചേര്‍പ്പ് ലൂര്‍ദ് മാതാ വുമണ്‍സ് കോളേജില്‍ സ്ത്രീ സുരക്ഷാ പരിശീലന പരിപാടി നടത്തി.
സി.ഐ.- പി.കെ മനോജ് കുമാര്‍ ഉദ്ഘാടനം ചെയ്തു. കോളേജ് പ്രിന്‍സിപ്പാള്‍ സിസ്റ്റര്‍ ഗ്രേസി ചിറമ്മല്‍ അധ്യക്ഷയായിരുന്നു. വനിതാ സി.പി.ഒ.മാരായ ഷാജമോള്‍, നിഷി, സജിനിദാസ് തുടങ്ങിയവര്‍ ക്ലാസെടുത്തു.
ചേലക്കര ബി.ജെ.പി. കര്‍ഷക മോര്‍ച്ചയുടെ നേതൃത്വത്തില്‍ പാമ്പാടി പമ്പ് ഹൗസിലേക്ക് മാര്‍ച്ചും ധര്‍ണയും നടത്തി.
ചേലക്കര നിയോജക മണ്ഡലം കമ്മിറ്റി പ്രസിഡന്റ് പി. കെ. മണി ഉദ്ഘാടനം ചെയ്തു. ബി. ജെ. പി. തിരുവില്വാമല പഞ്ചായത്ത് കമ്മിറ്റി പ്രസിഡന്റ് പി. വിശ്വനാഥന്‍ അദ്ധ്യക്ഷനായിരുന്നു. കര്‍ഷക മോര്‍ച്ച നിയോജകമണ്ഡലം പ്രസിഡന്റ് രാധാകൃഷ്ണന്‍, കര്‍ഷക മോര്‍ച്ച ജില്ലാ ജനറല്‍ സെക്രട്ടറി പ്രഭാകരന്‍ മാഞ്ചാടി തുടങ്ങിയവര്‍ സംസാരിച്ചു. പാമ്പാടി കുടിവെള്ള പദ്ധതി പുനഃസ്ഥാപിക്കുക, പഞ്ചായത്ത് ഭരണസമിതിയുടെ ജനദ്രോഹ നയം അവസാനിപ്പിക്കുക എന്നീ ആവശ്യങ്ങള്‍ ഉന്നയിച്ചായിരുന്നു മാര്‍ച്ച്.
കുന്നംകുളം കുന്നംകുളം നഗരസഭ കെട്ടിടത്തിലെ കോണ്‍ക്രീറ്റ് പൈപ്പ് യാത്രക്കാര്‍ക്കും ഓട്ടോറിക്ഷ തൊഴിലാളികള്‍ക്കും അപകടഭീഷണിയായി.
ബസ് സ്റ്റാന്റിനോട് ചേര്‍ന്നുള്ള സി ഷേപ്പ് കെട്ടിടത്തിനു സമീപമാണ് യാത്രക്കാര്‍ക്ക് ഭീഷണിയായിട്ടുള്ള കോണ്‍ക്രീറ്റ് പൈപ്പ് നില്‍ക്കുന്നത്. സമീപമുള്ള തെരവുവിളക്കിനു മുകളിലാണ് പൈപ്പ് തങ്ങിനില്‍ക്കുന്നത്. ദിനംപ്രതി സ്‌കൂള്‍ വിദ്യാര്‍ത്ഥികളടക്കം നൂറുകണക്കിന് യാത്രക്കാരാണ് ഇതിലൂടെ സഞ്ചരിക്കുന്നത്. ഇതിനു സമീപമാണ് ഓട്ടോറിക്ഷ പാര്‍ക്കും . പൈപ്പിന്റെ അപകടാവസ്ഥ മനസ്സിലാക്കി നിരവധി തവണ അധികൃതരെ സമീപിച്ചെങ്കിലും ഇതുവരെ നടപടിയൊന്നും ഉണ്ടായിട്ടില്ലെന്ന് ഓട്ടോറിക്ഷ തൊഴിലാളികള്‍ പറഞ്ഞു.
കൊടുങ്ങല്ലൂര്‍ കേരള ഭാഗ്യക്കുറി സംരക്ഷണ സമിതി രാജ്ഭവന്‍ മാര്‍ച്ചിന്റെ ഭാഗമായി സംഘടിപ്പിക്കുന്ന സംസ്ഥാന ജാഥയ്ക്ക് കൊടുങ്ങല്ലൂരില്‍ സ്വീകരണം നല്‍കി.
വേണു വെണ്ണറ അധ്യക്ഷത വഹിച്ചു. ജാഥാ ക്യാപ്റ്റന്‍ എം.വി.ജയരാജന്‍, ഫിലിപ് ജോസഫ്, വി.എസ്.മണി എന്നിവര്‍ സംസാരിച്ചു
കുന്നംകുളം കുന്നംകുളം തലക്കോട്ടുക്കര മഹാദേവ ക്ഷേത്രത്തില്‍ ക്ഷേത്രക്ഷേമസമിതിയുടെ ആഭിമുഖ്യത്തില്‍ ശിവരാത്രി മഹോത്സവത്തിന്റെ ഭാഗമായി വിപുലമായ പരിപാടികള്‍ സംഘടിപ്പിച്ചു.
നിര്‍മ്മാല്യ ദര്‍ശനം, എണ്ണയാടല്‍, വാകച്ചാര്‍ത്ത്, അഭിഷേകം എന്നിവ ഉണ്ടായി. തന്ത്രി കരകന്നൂര്‍ വടക്കേടത്തു മന നാരായണന്‍ നമ്പൂതിരിയുടെ മുഖ്യകാര്‍മികത്വത്തില്‍ വിശേഷാല്‍ പൂജകള്‍ നടന്നു. ജ്യോതിദാസ് കൂടത്തിങ്കലിന്റെ അഷ്ടപദിയും കലാപീഠം ഹരീഷ് പശുപതിയുടെ ചാക്യാര്‍കൂത്തും അരങ്ങേറി. ശിവദാസ് ചിത്രാംബരിയുടെ നേതൃത്വത്തില്‍ അരങ്ങേറിയ ത്യാഗരാജ പഞ്ചരത്‌നകീര്‍ത്തനാലാപനവും കലാമണ്ഡലം ചിത്ര ബാലചന്ദ്രനും സംഘവും ഓട്ടന്‍തുള്ളലും അവതരിപ്പിച്ചു. വൈകീട്ട് വിവിധ പൂരാഘോഷങ്ങള്‍ ക്ഷേത്രത്തിലെത്തി കൂട്ടിയെഴുന്നെള്ളിപ്പ് നടത്തും. തുടര്‍ന്ന് ദീപാരാധന, നാഗസ്വരം, ലക്ഷദീപം എന്നിവയുണ്ടാകും. ഏഴരയ്ക്ക് ക്ഷേത്ര ക്ഷേമ സമിതി അംഗങ്ങളുടെ തിരുവാതിരക്കളി അരങ്ങേറും. രാത്രിയില്‍ എടപ്പാള്‍ വിശ്വനാഥന്‍ നയിക്കുന്ന ഭക്തിഗാനമേളയും അരങ്ങേറും. ക്ഷേത്രത്തില്‍ അന്നദാനവും ഉണ്ടായിരുന്നു.
ചേലക്കര മായന്നൂര്‍ കൊണ്ടാഴി തൃത്തംതളി ശിവപാര്‍വ്വതി ക്ഷേത്രത്തിലെ ശിവരാത്രി മഹോത്സവം ഭക്തി നിര്‍ഭരമായ ചടങ്ങുകളോടെ ആഘോഷിച്ചു.
പള്ളിയുണര്‍ത്തല്‍, വിശേഷാല്‍ പൂജകള്‍, ശീവേലി എഴുന്നെള്ളിപ്പ് എന്നിവ നടന്നു. ശിവരാത്രി മഹോത്സവത്തോടനുബന്ധിച്ച് ചേലക്കര പങ്ങാരപ്പിള്ളി പരിഹാരം ശിവക്ഷേത്രത്തില്‍ ശിവസഹസ്ര നാമപാരായണം, ഗണപതിഹോമം, അഭിഷേകങ്ങള്‍, അര്‍ച്ചന എന്നിവ നടന്നു. വൈകീട്ട് ചെണ്ടമേളം അരങ്ങേറ്റം, ചാക്യാര്‍കൂത്ത്, നൃത്ത നൃത്ത്യങ്ങള്‍ എന്നിവ നടക്കും. ചേലക്കര വെങ്ങാനെല്ലൂര്‍ മഹാശിവക്ഷേത്രത്തില്‍ ഗണപതിഹോമം, വിശേഷാല്‍ പൂജകള്‍ എന്നിവ നടന്നു. കൊച്ചിന്‍ ദേവസ്വം ബോര്‍ഡ് പ്രസിഡന്റ് ഡോ.എം.കെ.സുദര്‍ശന്‍ മഹോത്സവം ഉദ്ഘാടനം ചെയ്തു. വൈകീട്ട് 4 ന് കാഴ്ച ശീവേലി എഴുന്നെള്ളിപ്പ്, ചുറ്റുവിളക്ക്, ദീപാരാധന തുടര്‍ന്ന് നൃത്ത അരങ്ങേറ്റം, ഗാനമഞ്ജരി, തായമ്പക എന്നിവയും നടക്കും.
കൊടുങ്ങല്ലൂര്‍ കൊടുങ്ങല്ലൂരില്‍ ആളില്ലാത്ത വീട് കുത്തിത്തുറന്ന് സ്വര്‍ണം കവര്‍ന്ന കേസില്‍ ഒരാള്‍ പിടിയില്‍.
മട്ടാഞ്ചേരി ചുള്ളിക്കല്‍ തുണ്ടിപീടികയില്‍ റിജാസിനെയാണ് കൊടുങ്ങല്ലൂര്‍ പോലീസ് തോപ്പുംപടിയില്‍ നിന്ന് അറസ്റ്റ് ചെയ്തത്. കേസില്‍ രണ്ട് പ്രതികളെ കൂടി പിടികൂടാനുണ്ടെന്ന് പോലീസ് പറഞ്ഞു. ചേരമാന്‍ ജുമാ മസ്ജിദിന് സമീപം ദേശീയ പാതയോരത്ത് കാട്ടില്‍ രശ്മി ഭവനില്‍ കമലോല്‍ഭവന്റെ വീട്ടില്‍ ഇക്കഴിഞ്ഞ പതിനാലിനാണ് മോഷണം നടന്നത്. അലമാരയില്‍ സൂക്ഷിച്ചിരുന്ന പന്ത്രണ്ടര പവന്‍ സ്വര്‍ണ്ണം കവരുകയായിരുന്നു. കേസന്വേഷണത്തിനിടയില്‍ വീട്ടുമുറ്റത്ത് നിന്നു കിട്ടിയ കടലാസ് തുണ്ടാണ് തുമ്പായി മാറിയത്. റിജാസിനെ മോഷണം നടത്തിയ വീട്ടിലെത്തിച്ച് തെളിവെടുപ്പ് നടത്തി. കൊടുങ്ങല്ലൂര്‍ എസ്.ഐ-ഇ.ആര്‍ ബൈജു, അഡീഷണല്‍ എസ്.ഐ- മുകുന്ദന്‍ , എ.എസ്.ഐ- സി.എ.സാദത്ത്, എന്നിവരുടെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്. പിടിയിലായ റിജാസ് ജ്വല്ലറി കവര്‍ച്ച ഉള്‍പ്പടെ നിരവധി കേസുകളില്‍ പ്രതിയാണ്
കുന്നംകുളം കുന്നംകുളം തലക്കോട്ടുക്കര മഹാദേവ ക്ഷേത്രത്തില്‍ ക്ഷേത്ര ക്ഷേമ സമിതി നിര്‍മ്മിച്ച് നല്‍കിയ ക്ഷേത്രഗോപുര കവാട സമര്‍പ്പണം ഗുരുവായൂര്‍ ദേവസ്വം ചെയര്‍മാന്‍ പീതാംബരക്കുറുപ്പ് നിര്‍വഹിച്ചു.
ഗജരാജന്‍ ഗുരുവായൂര്‍ പത്മനാഭന്‍ ഗോപുരവാതില്‍ ഭക്തര്‍ക്കായി തുറന്നുകൊടുത്തു. ദേവസ്വം അഡ്മിനിസ്‌ട്രേറ്റര്‍ സി.സി.ശശിധരന്‍ സ്മരണിക പ്രകാശനം ചെയ്തു. ചടങ്ങില്‍ കവാടം രൂപകല്‍പ്പന ചെയ്ത കാണിപ്പയ്യൂര്‍ കൃഷ്ണന്‍ നമ്പൂതിരിപ്പാടിനേയും, തന്ത്രി വടക്കേടത്ത് നാരായണന്‍ നമ്പൂതിരിപ്പാടിനെയും മേല്‍ശാന്തി നാരായണന്‍ നമ്പൂതിരിയേയും ആദരിച്ചു. ക്ഷേത്ര ക്ഷേമസമിതി പ്രസിഡണ്ട് ജി.ഗോപകുമാര്‍ അധ്യക്ഷത വഹിച്ചു.
ഇരിങ്ങാലക്കുട ഇരിങ്ങാലക്കുട മേഖലയിലെ ഇതര സംസ്ഥാന തൊഴിലാളി ക്യാമ്പുകള്‍ രൂക്ഷമായ പരിസര മലിനീകരണം സൃഷ്ടിക്കുന്നതായി പരാതി.
ഗെയില്‍ പൈപ്പ്‌ലൈന്‍ നിര്‍മ്മാണത്തിനെത്തിയ തൊഴിലാളികളെ അടിസ്ഥാന സൗകര്യമില്ലാതെ കൂട്ടമായി താമസിപ്പിക്കുന്നതിനാലാണ് പരിസരമലിനീകരണം രൂക്ഷമാകുന്നത്. കാറളം പഞ്ചായത്തിലെ താണിശേരിയിലും കാട്ടൂര്‍ പഞ്ചായത്തിലെ പൊഞ്ഞനത്തുമുള്ള ക്യാമ്പുകളില്‍ ആരോഗ്യ പ്രശ്‌നങ്ങള്‍ സൃഷ്ടിക്കുന്നതായാണ് പരാതി. പഴയ ഗോഡൗണുകളിലും ഹാളുകളിലുമാണ് ഇവരെ കുത്തിനിറച്ച് താമസിപ്പിക്കുന്നത്. ഓരോ കെട്ടിടത്തിലും 200 മുതല്‍ 500 വരെ തൊഴിലാളികളെ താമസിപ്പിച്ചിട്ടുണ്ട്. കെട്ടിട ഉടമയ്ക്ക് മാസത്തില്‍ 27,000 മുതല്‍ 50,000 രൂപവരെ വാടകയും നല്‍കുന്നു. രാഷ്ട്രീയ നേതാക്കളും ഇതിന്റെ പങ്കുപറ്റുന്നതായി ആരോപണമുണ്ട്. അതിനാല്‍ പഞ്ചായത്ത് നോട്ടീസ് നല്‍കിയാലും തൊഴിലാളികളെ ഒഴിപ്പിക്കാന്‍ ഉടമകള്‍ തയ്യാറാകുന്നില്ല. സെപ്റ്റിക് മാലിന്യങ്ങളും മലിനജലവും ഈ ക്യാമ്പുകളില്‍ നിന്ന് വ്യാപകമായി പുറത്തേക്കൊഴുകുന്നുണ്ട്. ക്യാമ്പുകളുടെ അശാസ്ത്രീയ പ്രവര്‍ത്തനം മൂലം പ്രദേശവാസികള്‍ക്ക് പകര്‍ച്ചാവ്യാധി പിടികൂടാന്‍ സാധ്യതയുണ്ടെന്ന് ആരോഗ്യവിഭാഗം നടത്തിയ പരിശോധനയില്‍ കണ്ടെത്തിയിരുന്നു.
എരുമപ്പെട്ടി വെള്ളറക്കാട് പ്രവര്‍ത്തിക്കുന്ന കടങ്ങോട് പഞ്ചായത്ത് ആയൂര്‍വേദ ആശുപത്രിക്ക് മുകളില്‍ മരത്തിന്റെ വലിയ കൊമ്പ് പൊട്ടി വീണത് പരിഭ്രാന്തിക്കിടയാക്കി.
ആശുപത്രിയിലെ കിടത്തി ചികിത്സ വാര്‍ഡിന് മുകളിലേക്കാണ് പ്ലാവിന്റെ കൊമ്പ് പൊട്ടി വീണത്. ഉറക്കത്തിലായിരുന്ന രോഗികള്‍ ശബ്ദംകേട്ട് ഭയന്ന് പുറത്തേക്ക് ഓടി. മേല്‍ക്കൂരയുടെ ഷീറ്റും കിണറിന്റെ മുകളിലെ ഇരുമ്പ് ഗ്രില്ലും തകര്‍ന്നു.
ചാവക്കാട് മത്സ്യത്തൊഴിലാളി ഫെഡറേഷന്‍-സി.ഐ.ടി.യു. ചാവക്കാട് ഡിവിഷന്‍ മെമ്പര്‍ഷിപ്പ് കാമ്പയിന്‍ പുത്തന്‍ കടപ്പുറം സെന്ററില്‍ യൂണിയന്‍ ജില്ലാ സെക്രട്ടറി ഐ.കെ.വിഷണ്ണുദാസ് ഉദ്ഘാടനം ചെയ്തു.
പ്രസിഡന്റ് കെ.വി.അബ്ദുല്‍ കാദര്‍ എം.എല്‍.എ അധ്യക്ഷനായി. കെ.എം.അലി, കെ.പുരുഷോത്തമന്‍, എന്‍.വി.സോമന്‍ തുടങ്ങിയവര്‍ സംസാരിച്ചു.
തൃശൂര്‍ നീന്തല്‍കുളം അരങ്ങാകുന്ന 'പൂള്‍ പ്ലേ' എന്ന നാടകമടക്കമുള്ള പുതുമകള്‍ വെള്ളിയാഴ്ച ഇറ്റ്‌ഫോക് നാടകമേളയെ സജീവമാക്കും.
ഹര്‍ത്താലിന്റെ ആലസ്യത്തിലായിരുന്നു വ്യാഴാഴ്ച ഇറ്റ്‌ഫോക് നാടകമേള അരങ്ങേറിയത്. മേളയുടെ മുഖമുദ്രയായ തെരുവുനാടകാവതരണത്തിന് 'അറൈവ്ഡ്' എന്ന നാടകത്തോടെയാണ് തുടക്കം കുറിച്ചത്. സെര്‍ബിയന്‍ നാടകമായ 'ഫ്രീഡം ദ മോസ്റ്റ് എക്‌സ്‌പെന്‍സീവ് കാപ്പറ്റലിസ്റ്റ് വേര്‍ഡ്' എന്ന നാടകം തോപ്പില്‍ ഭാസി ബ്ലാക് ബോക്‌സിലാണ് അരങ്ങേറിയത്. പൂനെയില്‍ നിന്നുമുള്ള 'മേ ഹൂ യൂസഫ് ഓര്‍ യേ ഹൈ മേരാ ഭായ്' എന്ന മറാത്തി നാടകവും ഷേക്‌സ്പിയറിന്റെ കിംഗ് ലിയറെ ആസ്പദമാക്കിയുള്ള 'ഫോള്‍ ഓഫ് എ കിംഗ്' എന്ന നാടകവും പോളണ്ടില്‍ നിന്നുള്ള 'നോട്ട് അവര്‍ ബിസിനസ്' എന്ന നാടകവും അരങ്ങിലെത്തി. 'കൊളോക്യം' എന്ന സംവാദ വേദിയില്‍ 'സമകാലിക രംഗവേദിയും നാടക പരികല്‍പനകളും' എന്ന വിഷയത്തില്‍ സംവാദം നടത്തി.
തൃശൂര്‍ തൃശൂര്‍ ഗവണ്‍മെന്റ് മെഡിക്കല്‍ കോളേജില്‍ നിന്ന് എട്ട് സീനിയര്‍ റസിഡന്റ് ഡോക്ടര്‍മാരെ മഞ്ചേരി മെഡിക്കല്‍ കോളേജിലേക്ക് സ്ഥലംമാറ്റി.
തൃശൂര്‍ ഗവണ്‍മെന്റ് മെഡിക്കല്‍ കോളേജില്‍ സീനിയര്‍ ഡോക്ടര്‍മാരുടെ ഒഴിവ് നിലനില്‍ക്കെയാണ് എട്ട് ഡോക്ടര്‍മാരെ സ്ഥലം മാറ്റിയത്. ജനറല്‍ സര്‍ജറി വിഭാഗത്തില്‍ മൂന്ന് ഡോക്ടര്‍മാരെയും, ജനറല്‍ മെഡിസിന്‍, ഓര്‍ത്തോ, അനസ്‌തേഷ്യ, റേഡിയോ ഡയഗ്നോസിസ്, ഗൈനക്കോളജി എന്നി വിഭാഗങ്ങളില്‍ നിന്ന് ഓരോരുത്തരെയുമാണ് സ്ഥലം മാറ്റിയത്. സീനിയര്‍ ഡോക്ടര്‍മാരെ സ്ഥലംമാറ്റിയത് മെഡിക്കല്‍ കോളേജിലെ ചികില്‍സയേയും, പി.ജി. സീറ്റുകളുടെ അംഗീകാരത്തേയും ബാധിച്ചേക്കുമെന്ന് ആശങ്കയുണ്ട്.
തൃശൂര്‍ മഹാശിവരാത്രി ആഘോഷങ്ങളോടനുബന്ധിച്ച് വടക്കുംനാഥ ക്ഷേത്രം ശ്രീമൂലസ്ഥാനത്തെ ശിവരാത്രി മണ്ഡപത്തില്‍ അരങ്ങേറുന്ന നൃത്ത സംഗീതോത്സവം തുടരുന്നു.
വടക്കുംനാഥ ക്ഷേത്ര ക്ഷേമസമിതിയുടെയും കൊച്ചിന്‍ ദേവസ്വം ബോര്‍ഡിന്റെയും സംയുക്താഭിമുഖ്യത്തില്‍ സംഘടിപ്പിക്കുന്ന ആഘോഷ പരിപാടികളുടെ 8-ാം ദിനമായ വ്യാഴാഴ്ച ചെന്നൈ നാട്യകലാ ചൂഢാമണി ശ്രുതി ഷോബിയുടെ മോഹിനിയാട്ടം, കാര്‍ത്തിക മേനോന്റെ കുച്ചിപ്പുടി, വൈഷ്ണവി സായിനാഥിന്റെ ഒഡീസി എന്നിവ അരങ്ങേറി. മഹാശിവരാത്രി ദിനമായ വെള്ളിയാഴ്ച രാവിലെ ശിവരാത്രി മണ്ഡപത്തില്‍ ഭജന, വൈകീട്ട് 4ന് ഓട്ടന്‍തുള്ളല്‍ തുടര്‍ന്ന് 6ന് ശിവമഹിള നൃത്തശില്പം, 7.30ന് സംഗീതാര്‍ച്ചന, സംഗീതാഞ്ജലി എന്നിവ ഉണ്ടാകും.
തൃശൂര്‍ കാത്തിലിക് ടീച്ചേഴ്‌സ് ഗില്‍ഡ് സംസ്ഥാന സമ്മേളനത്തിന് തൃശൂരില്‍ തുടക്കമായി.
സമ്മേളനത്തിന് തുടക്കംകുറിച്ച് സമ്മേളന നഗരിയായ തൃശൂര്‍ സെന്റ് തോമസ് കോളേജില്‍ മാര്‍ ജോസഫ് പാസ്റ്റര്‍ നീലങ്കാവില്‍ പതാക ഉയര്‍ത്തി. കാത്തിലിക് ടീച്ചേഴ്‌സ് ഗില്‍ഡ് സംസ്ഥാന പ്രസിഡന്റ് ജോഷി വടക്കന്‍, ജനറല്‍ സെക്രട്ടറി സാലു പതാലില്‍, അതിരൂപത കോര്‍പറേറ്റ് മാനേജര്‍ ഫാ. ആന്റണി ചെമ്പകശ്ശേരി തുടങ്ങിയവര്‍ സന്നിഹിതരായിരുന്നു. സമ്മേളനത്തോടുനുബന്ധിച്ചുള്ള പ്രതിനിധി സമ്മേളനം അതിരൂപത വികാരി ജനറാള്‍ മോണ്‍സിഞ്ഞോര്‍ തോമസ് കാക്കശേരി ഉദ്ഘാടനം ചെയ്തു. വെള്ളിയാഴ്ച രാവിലെ സമ്മേളനത്തോടുനുബന്ധിച്ചുള്ള റാലി നടക്കും. തുടര്‍ന്ന് നടക്കുന്ന അദ്ധ്യാപക സമ്മേളനം കെ.സി.ബി.സി വിദ്യാഭ്യാസ കമ്മീഷന്‍ ചെയര്‍മാന്‍ മാര്‍ ആന്‍ഡ്രൂസ് താഴത്ത് ഉദ്ഘാടനം ചെയ്യും.
പുന്നയൂര്‍ക്കുളം പുന്നയൂര്‍ക്കുളം നായരങ്ങാടിയില്‍ ഓടിക്കൊണ്ടിരുന്ന കാര്‍ കത്തി നശിച്ചു.
പുക ഉയരുന്നതുകണ്ട് കാര്‍ നിറുത്തി ഇറങ്ങിയപ്പോഴേക്കും തീ ആളിക്കത്തുകയായിരുന്നു. ഗുരുവായൂരില്‍ നിന്ന് ഫയര്‍ഫോഴ്‌സും നാട്ടുകാരും ചേര്‍ന്ന് തീ അണച്ചു. കാര്‍ യാത്രക്കാരായ കീഴൂര്‍ സ്വദേശി സനില്‍, ചെറുവത്താനി സ്വദേശി രാഹുല്‍ എന്നിവര്‍ പരിക്കേല്‍ക്കാതെ രക്ഷശ്രപ്പെട്ടു. പെട്രോള്‍ പമ്പിന് സമീപത്തായിരുന്നു തീപിടിത്തം.
ഗുരുവായൂര്‍ ഗുരുവായൂര്‍ ശ്രീകൃഷ്ണ കോളേജ് എന്‍.എസ്.എസ്. യൂണിറ്റിന്റെ ആഭിമുഖ്യത്തില്‍ ആശുപത്രികളിലേക്ക് മരുന്ന് പൊതിയാനുള്ള കവറും എക്‌സറേ കവറുകളും നല്‍കി.
മറ്റം ഹെല്‍ത്ത് സെന്റര്‍, കുന്നംകുളം താലൂക്ക് ആശുപത്രി എന്നിവിടങ്ങളിലേക്കാണ് ഇവ നല്‍കിയത്. ദിശയുമായി സഹകരിച്ച് കണ്‍വെട്ടംപദ്ധതി പ്രകാരം നൂറോളം വിദ്യാര്‍ത്ഥികള്‍ നേത്രദാന സമ്മത പത്രം കൈമാറുകയും ചെയ്തു. പ്രിന്‍സിപ്പാള്‍ ഇന്‍ചാര്‍ജ് ഡോ.പി.ഗോപിനാഥന്‍ ചടങ്ങ് ഉദ്ഘാടനം ചെയ്തു. സാമൂഹിക പ്രവര്‍ത്തക ഷീബ അമീര്‍ ക്ലാസെടുത്തു. എന്‍.എസ്.എസ്.പ്രോഗ്രാം ഓഫീസര്‍മാരായ ഡോ.ആര്‍.ബ്രിനേഷ്, വി.സുചിത്ര തുടങ്ങിയവര്‍ സംസാരിച്ചു.
പുന്നയൂര്‍ക്കുളം പുന്നയൂര്‍ക്കുളം പാപ്പാളി ബീച്ചില്‍ കടലാമ സംരക്ഷണ സമിതി സംരക്ഷിച്ച് വന്നിരുന്ന കടലാമ മുട്ടകളില്‍ വിരിഞ്ഞ 70 ഓളം കുഞ്ഞുങ്ങളെ കടലിലേക്ക് ഒഴുക്കി വിട്ടു.
ബ്ലോക്ക് പഞ്ചായത്തംഗം ആലത്തയില്‍ മൂസ, വാര്‍ഡ് അംഗങ്ങളായ ആബിദ സഹദ്, എ.എം. അലാവുദ്ധീന്‍ എന്നിവര്‍ പങ്കെടുത്തു. 8 കൂടുകളില്‍ നിന്നായി 1000-ലധികം മുട്ടകളാണ് ഇപ്രാവശ്യം ലഭിച്ചത്. ഇതില്‍ 300-ഓളം കുഞ്ഞുങ്ങളെ വിവിധ സമയങ്ങളിലായി കടലിലേക്ക് വിട്ടയച്ചു.
അന്തിക്കാട് കാരമുക്ക് ഏമൂര്‍ ശിവ-പാര്‍വ്വതി ക്ഷേത്രം ഏര്‍പ്പെടുത്തിയ ശ്രീരുദ്രം പുരസ്‌കാരം തോല്‍പാവ കൂത്ത് കലാകാരന്‍ രാമചന്ദ്രപുലവര്‍ക്ക് സമ്മാനിച്ചു.
ശിവരാത്രി മഹോത്സവത്തിന്റെ ഭാഗമായി അരങ്ങേറിയകലാ സംസ്‌കാരിക പരിപാടിയില്‍ വൈക്കത്ത്മന സതീശന്‍ നമ്പൂതിരി പുരസ്‌കാരം സമ്മാനിച്ചു. ക്ഷേത്രം ട്രസ്റ്റി വൈക്കത്ത് നീലകണ്ഠന്‍ ഷാജികുമാര്‍ അദ്ധ്യക്ഷത വഹിച്ചു. തുടര്‍ന്ന് തോല്‍പാവ കൂത്ത് അരങ്ങേറി.
പാവറട്ടി രാഷ്ട്രീയ സംസ്‌കൃത സന്‍സ്ഥാന്‍ ഡീംഡ് യൂണിവേഴ്‌സിറ്റി ഗുരുവായൂര്‍ കേന്ദ്രത്തിന്റെ സ്ഥാപകന്‍ പി.ടി. കുരിയാക്കോസ് മാസ്റ്ററുടെ സമാധിദിനം വിദ്യാപീഠം സംരക്ഷണ സമിതിയുടെ ആഭിമുഖ്യത്തില്‍ ആചരിച്ചു.
പാവറട്ടി സെന്റ് ജോസഫ്‌സ് തീര്‍ത്ഥകേന്ദ്രത്തിലെ കുരിയാക്കോസ് സമാധിയില്‍ വിദ്യാപീഠ സംരക്ഷണ സമിതി പ്രസിഡന്റ് തോമസ് പാവറട്ടിയും കുരിയാക്കോസ് മാസ്റ്ററുടെ പൗത്രന്‍ കുരിയന്‍ പുലിക്കോട്ടിലും പുഷ്പാര്‍ച്ചന നടത്തി. കെ.എസ്. സുധീഷ്, സി.ഡി. ടോണി, പി.സി. മെല്‍വിന്‍, പി. എക്‌സ്. ഷജീഷ് എന്നിവര്‍ സംസാരിച്ചു.
ഗുരുവായൂര്‍ പ്ലാസ്റ്റിക് ക്യാരിബാഗ് നിരോധനത്തിന്റെ ചുവടുപിടിച്ച് ഗുരുവായൂര്‍ നഗരസഭയിലെ വാഴപ്പുള്ളി എ.യു.പി സ്‌കൂളും പ്ലാസ്റ്റിക് മാലിന്യ വിമുക്തമാകുന്നു.
പ്ലാസ്റ്റിക് മാലിന്യ മുക്തമാക്കുന്നതിന്റെ ആദ്യ ഘട്ടം അദ്ധ്യാപകരും വിദ്യാര്‍ത്ഥികളും പേനയില്‍ നിന്ന് തന്നെയാണ് തുടക്കം കുറിച്ചത്. വിദ്യാര്‍ത്ഥികള്‍ പ്ലാസ്റ്റിക് പേനയ്ക്ക് പകരം കടലാസ് നിര്‍മ്മിത പേനകളും അദ്ധ്യാപകര്‍ മഷിപേനകളുമാണ് ഉപയോഗിക്കുന്നത്. 'എന്റെ വിദ്യാലയം പ്ലാസ്റ്റിക് വിമുക്ത വിദ്യാലയം' എന്ന പദ്ധതി പ്രകാരം സ്‌കൂള്‍ സമ്പൂര്‍ണ്ണ പ്ലാസ്റ്റിക് മാലിന്യ വിമുക്തമാക്കുന്നതിന്റെ ആദ്യ ഘട്ടമെന്ന നിലയിലാണ് വാഴപ്പുള്ളി എ.യു.പി സ്‌കൂളില്‍ അദ്ധ്യാപകരും വിദ്യാര്‍ത്ഥികളും പ്ലാസ്റ്റിക് പേന ബഹിഷ്‌കരിക്കുന്നത്. വാര്‍ഡ് കൗണ്‍സിലര്‍ ആന്റോതോമസാണ് പദ്ധതി നടപ്പിലാക്കുന്നത്. ഇതിന്റെ ഭാഗമായി സ്‌കൂളിലെ മുഴുവന്‍ കുട്ടികള്‍ക്കും കൗണ്‍സിലര്‍ തന്നെ പേനകള്‍ നിര്‍മ്മിച്ച് നല്‍കി. സ്‌കൂളില്‍ മറ്റു പ്ലാസ്റ്റിക് ഉത്പന്നങ്ങളുടെ ഉപയോഗവും കര്‍ശനമായി നിയന്ത്രിക്കും. നഗരസഭയിലെ മുഴുവന്‍ സ്‌കൂളുകൡലക്കും പദ്ധതി വ്യാപിപ്പിക്കണമെന്ന് പ്രതിപക്ഷനേതാവ് കൂടിയായ ആന്റോ തോമസ് ആവശ്യപ്പെട്ടു. വിദ്യാര്‍ത്ഥികള്‍ക്ക് കടലാസ് പേന നിര്‍മ്മിക്കുന്നതിനു പരിശീലനവും ഇതോടൊപ്പം നല്‍കി.
പുതുക്കാട് വയലൂര്‍ മഹാദേവക്ഷേത്രത്തിലെ ശിവരാത്രി മഹോത്സവത്തോടനുബന്ധിച്ച് എഴുന്നള്ളിപ്പിനുള്ള കൊമ്പന്മാര്‍ക്ക് സ്വീകരണം നല്‍കി.
വയലൂര്‍ ദേവസ്വം പരമേശ്വരന്‍, തെച്ചിക്കോട്ടുകാവ് രാമചന്ദ്രന്‍, മംഗലാംകുന്ന് അയ്യപ്പന്‍, തിരുവാണിക്കാവ് രാജഗോപാല്‍, പാമ്പാടി സുന്ദരന്‍, പാലാ കുട്ടിശങ്കരന്‍, തെച്ചിക്കോട്ടുകാവ് ദേവീദാസന്‍ എന്നീ ഗജവീരന്മാര്‍ക്കാണ് സ്വീകരണം നല്‍കിയത്. സ്വീകരണത്തിന് കോട്ടപ്പടി സുരേന്ദ്രന്‍ നയിക്കുന്ന നാഗസ്വരമേളം കൊഴുപ്പേകി. തുടര്‍ന്ന് പെരുവനം സതീശന്‍ മാരാരുടെ നേതൃത്വത്തില്‍ പഞ്ചാരിമേളവും നടന്നു.
ചാവക്കാട് കടപ്പുറം മുനയ്ക്കക്കടവ് അഴിമുഖത്ത് കടലാമയെ ചത്തടിഞ്ഞ നിലയില്‍ കണ്ടെത്തി.
പ്രജനന സമയത്ത് തീരത്തേക്ക് വരുന്ന കടലാമകള്‍ ബോട്ടുകളുടെ പ്രപ്പല്ലറുകളില്‍ തട്ടിയും പാഴ്‌വലയില്‍പ്പെട്ടും അപകടത്തില്‍ പെടുന്നത് പതിവാണ്. ഈ വര്‍ഷം 13-ാ മത്തെ കടലാമയെയാണ് ചത്തടിഞ്ഞ നിലയില്‍ മേഖലയിലെ കടല്‍തീരങ്ങളില്‍ കണ്ടെത്തിയത്.
എരുമപ്പെട്ടി എരുമപ്പെട്ടി കരിയന്നൂര്‍ കാവില്‍വട്ടം മഹാദേവ ക്ഷേത്രത്തിലെ ശിവരാത്രി മഹോത്സവത്തോടനുബന്ധിച്ച് വിഗ്രഹഘോഷയാത്ര സംഘടിപ്പിച്ചു.
കാശിയില്‍ നിന്നു കൊണ്ടുവന്ന വിഗ്രഹം ശിവ വിഷ്ണു ക്ഷേത്രത്തില്‍ നിന്നു ഘോഷയാത്രയായി മഹാദേവ ക്ഷേത്രത്തില്‍ എത്തി. തുടര്‍ന്ന് പ്രതിഷ്ഠ, ചുറ്റുവിളക്ക്, നാഗസ്വരത്തോടു കൂടി നിറമാല, ദീപാരാധന, നാമസങ്കീര്‍ത്തന ഭജന്‍ എന്നിവ നടന്നു.
വടക്കാഞ്ചേരി റോഡരികില്‍ നിന്ന് വീണ് കിട്ടിയ പണമടങ്ങിയ പേഴ്‌സ് തിരികെ നല്‍കി യുവാവ് മാതൃകയായി.
പാമ്പൂര്‍ കിഴക്കിവീട്ടില്‍ സതീഷ് മേനോനാണ് വാഴക്കാട് വളവില്‍ നിന്ന് പണവും, മറ്റ് രേഖകളുമടങ്ങിയ പേഴ്‌സ് കളഞ്ഞ് കിട്ടിയത്. വടക്കാഞ്ചേരി പോലീസ് സ്റ്റേഷനില്‍ ഉടനെ പേഴ്‌സ് ഏല്‍പ്പിക്കുകയായിരുന്നു. തുടര്‍ന്ന് പേഴ്‌സിന്റെ ഉടമസ്ഥനായ മുള്ളൂര്‍ക്കര കൊല്ലാമാക്കില്‍ രതീഷിന് പോലീസിന്റെ സാന്നിദ്ധ്യത്തില്‍ പേഴ്‌സ് കൈമാറി.
തൃശൂര്‍ ചെറുതുരുത്തി ജ്യോതി എഞ്ചിനീയറിംഗ് കോളേജിന്റെ ആഭിമുഖ്യത്തില്‍ സംഘടിപ്പിക്കുന്ന ടെക്‌നോ കള്‍ച്ചറല്‍ ഇവന്റിന്റെ ഭാഗമായി തൃശൂരില്‍ ബുള്ളറ്റ് റാലി സംഘടിപ്പിച്ചു.
ഫാ. റോയ് ജോസഫ് വടക്കന്‍ റാലി ഫ്‌ളാഗ് ഓഫ് ചെയ്തു. നഗരം ചുറ്റി നടന്ന റാലിയില്‍ 150 ഓളം ബുള്ളറ്റുകള്‍ അണിചേര്‍ന്നു. ശനിയാഴ്ച തൃശൂര്‍ ലുലു കണ്‍വെന്‍ഷന്‍ സെന്ററിലാണ് ജ്യോതി ടെക്‌നോ കള്‍ച്ചര്‍ ഇവന്റ് അരങ്ങേറുന്നത്.
പാവറട്ടി അര നൂറ്റാണ്ടോളം പഴക്കമുള്ള എളവള്ളിഗ്രാമപഞ്ചായത്തിലെ പണ്ടറക്കാട് പാലം പൊളിച്ചു നീക്കി തുടങ്ങി.
പുതിയപാലം നിര്‍മ്മിക്കുന്നതിന്റെ ഭാഗമായിട്ടാണ് കൊച്ചിയേയും മലബാറിനേയും തമ്മില്‍ ബന്ധിപ്പിക്കുന്ന കൊച്ചിന്‍ ഫ്രോണ്ടിയര്‍ തോടിനു കുറുകെയുള്ള പണ്ടറക്കാട് പാലം പൊളിക്കുന്നത്. ബ്രഹ്മകുളം, എളവള്ളി വില്ലേജുകളെ തമ്മില്‍ ബന്ധിപ്പിക്കുന്ന ഈപാലം പണ്ടറക്കാട് മേഖളയുടെ വികസനത്തിന്റെ നാഴികകല്ലായിരുന്നു.എന്നാല്‍ വര്‍ഷങ്ങള്‍ പിന്നിട്ടതോടെപാലം ജീര്‍ണിച്ചു. കൂടാതെ എട്ടടി മാത്രം വീതിയുള്ള ഇപ്പോഴത്തെ പാലത്തിലൂടെ വലിയ വാഹനങ്ങള്‍ക്ക് കടന്നുപോകാന്‍കഴിയാതെ വന്നത് വികസനത്തിന് വിലങ്ങു തടിയുമായി. ഇതോടെ പഴയപാലം പൊളിച്ച് 8 മീറ്റര്‍ വീതിയിലും 15 മീറ്റര്‍ നീളത്തിലും പുതിയ പാലം നിര്‍മ്മിക്കാന്‍ തീരുമാനിക്കുകയായിരുന്നു. 54 ലക്ഷം രൂപ ചിലവിട്ടാണ് പുതിയ പാലം നിര്‍മ്മിക്കുന്നത്. ഒരു ഗ്രാമത്തിന്റെ ജീവനാഡിയായി നിലകൊണ്ട പണ്ടറക്കാട് പാലം ചരിത്രത്തിന്റെ ഭാഗമായി തീരുന്ന മുഹൂര്‍ത്തത്തിന് സാക്ഷിയാകാന്‍ എളവള്ളി ഗ്രാമപഞ്ചായത്ത് പ്രസിഡന്റ് യു.കെ.ലതിക, വൈസ് പ്രസിഡന്റ് ടി.സി.മോഹനന്‍ എന്നിവരുടെ നേതൃത്വത്തില്‍ ഒട്ടേറെ ഗ്രാമവാസികള്‍ എത്തിയിരുന്നു.
ഒല്ലൂര്‍ ഫാ. ടോം ഉഴുന്നാലിന്റെ മോചനത്തിനായി കേന്ദ്ര-സംസ്ഥാന സര്‍ക്കാരുകള്‍ അടിയന്തിരമായി ഇടപെടണമെന്നാവശ്യപെട്ട് ഒല്ലൂര്‍ ഫൊറോന സമിതിയുടെ നേതൃത്വത്തില്‍ പ്രാര്‍ത്ഥനായജ്ഞവും ധര്‍ണയും നടത്തി.
ഒല്ലൂര്‍ മേരിമാത പള്ളിയില്‍ നടന്ന പ്രാര്‍ത്ഥനായജ്ഞം എ.കെ.സി.സി. ഒല്ലൂര്‍ ഫൊറോന ഡയറക്ടര്‍ ഫാ. ജോസ് തെക്കേകര ഉദ്ഘാടനം ചെയ്തു. തൊമ്മി പിടിയത്ത്, റാഫി തൈവളപ്പില്‍, ബിജോയ് മൂക്കന്‍ തുടങ്ങിയവര്‍ സംസാരിച്ചു.
കുന്നംകുളം കുന്നംകുളം കാണിപ്പയ്യൂരില്‍ നിയന്ത്രണം വിട്ട കാര്‍ തലകീഴായി മറിഞ്ഞു.
ആര്‍ക്കും പരിക്കില്ല. കാണിപ്പയ്യൂര്‍ യൂണിറ്റി ആശുപത്രിക്ക് സമീപത്തുള്ള വളവിലാണ് അപകടമുണ്ടായത്. ചൂണ്ടല്‍ ഭാഗത്ത് നിന്നു വരികയായിരുന്ന കാറിന്റെ ഡ്രൈവര്‍ പെട്ടെന്ന് മൊബൈല്‍ ഫോണില്‍ സംസാരിക്കാന്‍ ശ്രമിച്ചതിനിടയില്‍ കാര്‍ റോഡിന്റെ വശത്തുള്ള നടപ്പാതയില്‍ കയറി മറിയുകയായിരുന്നു. നാട്ടുകാരും, ഫയര്‍ ഫോഴ്‌സും ചേര്‍ന്ന് രക്ഷാപ്രവര്‍ത്തനം നടത്തി. പുതുശ്ശേരി സ്വദേശിയായ കാര്‍ ഡ്രൈവര്‍ യൂണിറ്റി ആശുപത്രിയില്‍ പ്രാഥമിക ചികിത്സതേടി.
തൃശൂര്‍ മഹാശിവരാത്രിയാഘോഷങ്ങളുടെ ഭാഗമായി തൃശൂര്‍ മിഥുനപ്പിള്ളി മഹാദേവക്ഷേത്രത്തില്‍ നടന്ന തിരുവാതിരക്കളി ഹൃദ്യാനുഭവമായി.
പുല്ലഴി നായര്‍ വനിതാ സംഘത്തിന്റെ ആഭിമുഖ്യത്തിലാണ് തിരുവാതിരക്കളി അരങ്ങേറിയത്. നിരവധി പേര്‍ കലാപരിപാടി ആസ്വദിക്കാനായി ക്ഷേത്രാങ്കണത്തിെലത്തി.
തൃശൂര്‍ നടിയെ ആക്രമിച്ച കേസില്‍ അറസ്റ്റിലായ പ്രതികളെ ഉടന്‍ അന്വേഷണ ഉദ്യോഗസ്ഥന് കൈമാറണമെന്ന് എറണാകുളം അഡീഷണല്‍ സി.ടി.എം. കോടതി ഉത്തരവിട്ടു.
കോടതിയില്‍ നിന്ന് പ്രതികളെ അറസ്റ്റ് ചെയ്തതിനെതിരെ പ്രതിഭാഗം അഭിഭാഷകന്‍ സമര്‍പ്പിച്ച ഹര്‍ജിയിലാണ് കോടതിയുടെ ഉത്തരവ്. കോടതിയില്‍ നിന്നു പ്രതികളെ അറസ്റ്റ് ചെയ്ത നടപടി കോടതി അംഗീകരിച്ചു. പ്രതികളെ സി.ജെ.എം കോടതിയില്‍ ഹാജാരാക്കേണ്ടതില്ലെന്നും കോടതി അഭിപ്രായപ്പെട്ടു. കോടതി ഉത്തരവ് പ്രതിഭാഗം അഭിഭാഷകര്‍ക്ക് തിരിച്ചടിയായി.
തൃപ്രയാര്‍ ഇത്തവണത്തെ ദേശീയ സ്‌കൂള്‍ മീറ്റില്‍ വെങ്കലം നേടിയ നാട്ടിക ഫിഷറീസ് സ്‌കൂളിലെ പി.എ അതുല്യക്ക് സ്വന്തമായൊരു വീടെന്നത് യാഥാര്‍ഥ്യമാകുന്നു. നാട്ടിക സ്‌പോട്‌സ് അക്കാദമി താരമായ പി.എ അതുല്യക്ക് പദ്മശ്രീ എം.എ യൂസഫലിയാണ് വീട് നിര്‍്മ്മിച്ചു നല്‍കുക.
ഇത് നാലാം വര്‍ഷമാണ് പി.എ അതുല്യ എന്ന കായിക പ്രതിഭ നാട്ടിക സ്‌പോട്‌സ് അക്കാദമിയുടെ അഭിമാനമാകുന്നത്. നാട്ടിക ഫിഷറീസ് സ്‌കൂളില്‍ എട്ടാം ക്ലാസ്സില്‍ പഠിക്കുമ്പോഴാണ് അതുല്യ, അക്കാദമി താരമാകുന്നത്. കൊടുങ്ങലൂര്‍ മൂത്തക്കുന്നം സ്വദേശി പരുവക്കന്‍ അജയഘോഷ് - രതി ദമ്പതികളുടെ മകള്‍. ഡിസ്‌ക്കസ് ത്രോയിലും, ഷോട്ട്പുട്ടിലുമെല്ലാം അതുല്യ മികച്ച പ്രകടനം കാഴ്ച വെച്ചു. എട്ടാം ക്ലാസ്സില്‍ പഠിക്കുമ്പോള്‍ ദേശീയ-സംസ്ഥാന സ്‌കൂള്‍ മീറ്റുകളില്‍ സ്വര്‍്ണ്ണം ഉള്‍പ്പെടെ അതുല്യ മെഡലുകള്‍ സ്വന്തമാക്കി. മൂന്നു വര്‍ഷത്തിനിടെ അതുല്യ നേടിയത് പത്തിലേറെ മെഡലുകളാണ്. ഇന്റര്‍ക്ലബ്ബ് ഉള്‍പ്പെടുന്ന മറ്റ് മത്സരങ്ങളില്‍ നിന്നുള്ള മെഡല്‍ നേട്ടം ഇതിലേറെ വരും. വിവിധ ഇടങ്ങളിലായി വാടക വീടുകളിലായിരുന്നു അതുല്യയുടെയും കുടുംബത്തിന്റെയും താമസം. നാട്ടിക ഫിഷറീസ് സ്‌കൂള്‍ വിദ്യാര്‍ത്ഥിനിയായ അതുല്യക്ക് നാട്ടികയില്‍ തന്നെ വീട് വേണമെന്നതായിരുന്നു ആഗ്രഹം. അനില്‍ പുളിക്കല്‍ നാട്ടിക ഗ്രാമപഞ്ചായത്ത് പ്രസിഡണ്ടായിരിക്കെ പദ്മശ്രീ എം.എ യൂസഫലി രണ്ട് വീടുകള്‍ സൗജന്യമായി നിര്‍മ്മിച്ചു നല്കുകമെന്ന് പ്രഖ്യാപനം നടത്തിയിരുന്നു. ഇതില്‍ ഒരു വീടിനായി പി.എ.അതുല്യയെ അനില്‍പുളിക്കല്‍ ശിപാര്‍ശ ചെയ്യുകയായിരുന്നു. നാട്ടിക ചേര്‍ക്കരക്ക് കിഴക്ക് അഞ്ച് സെന്റ് ഭൂമി അതുല്യയുടെ വീടിനായി വാങ്ങിച്ചെന്ന് സ്‌പോര്‍ട്‌സ് അക്കാദമി ചെയര്‍മാന്‍ ബി.കെ ജനാര്‍്ദ്ദനന്‍ പറഞ്ഞു. നേരത്തെ നാട്ടിക ഗ്രാമപഞ്ചായത്ത് ആശ്രയ പദ്ധതി പ്രകാരം വീട് നിര്‍്മ്മാണത്തിനായി ഒരു ലക്ഷം രൂപ അനുവദിച്ചിരുന്നു. കൂടാതെ പുത്തന്‍പീടിക സ്വദേശി സത്യന്‍ മേലേടത്ത് ഒരു ലക്ഷവും നാട്ടിക ബീച്ച് ഫെസ്റ്റിവല്‍ സംഘാടക സമിതി അമ്പതിനായിരം രൂപയും നല്കി്. ഫെസ്റ്റിവല്‍ ആഘോഷ പരിപാടിക്കിടെ നടന്‍ മമ്മൂട്ടിയാണ് തുക അതുല്യക്ക് കൈമാറിയത്. നാട്ടിക ചേര്‍ക്കരയില്‍ അമ്മ വീടിന് സമീപം വാടക വീട്ടിലാണ് അതുല്യയും കുടുംബവും ഇപ്പോള്‍ താമസിക്കുന്നത്. വാടക വീട്ടില്‍ നിന്ന് മാറി സ്വന്തം വീടിനുള്ളിലെ അലമാരയ്ക്കുള്ളില്‍ തന്റെ മെഡലുകള്‍ സൂക്ഷിക്കണമെന്ന ആഗ്രഹമാണ് അതുല്യക്കുള്ളത്. ദേശീയ മീറ്റ് കഴിഞ്ഞ് അടുത്ത ദിവസം നാട്ടിലെത്തുന്ന അതുല്യക്ക് ഫിഷറീസ് സ്‌കൂളില്‍ നടക്കുന്ന ചടങ്ങില്‍ സ്ഥലത്തിന്റെ ആധാരം കൈമാറുമെന്ന് ബി.കെ ജനാര്‍ദ്ദനന്‍ പറഞ്ഞു. ഈ അതുല്യ പ്രതിഭക്ക് ജനകീയ പങ്കാളിത്തത്തോടെ വീടെന്നതാണ് അക്കാദമിയുടെയും ഫിഷറീസ് സ്‌കൂള്‍ അധികൃതരുടെയും ലക്ഷ്യം.
തൃശൂര്‍ ചിറയ്ക്കല്‍ മഹാദേവന്റെ വിയോഗം പൂരപ്രേമികള്‍ക്കും ആനപ്രേമികള്‍ക്കും ഒരുപോലെ തീരാനഷ്ടമാണ്. സംഭവബഹുലമായ ഗജരാജ കഥയ്ക്കാണ് അന്ത്യം കുറിച്ചത്.
ഇരുട്ടിനെ പോലും വെല്ലുന്ന കറുപ്പഴകിന്റെ തമ്പുരാനായിരുന്നു ചിറയ്ക്കല്‍ മഹാദേവനെന്ന കരിവീരന്‍. ഇവന്റെ ജീവിതവും സംഭവ ബഹുലമായിരുന്നു. ജന്മം കൊണ്ട് ബീഹാറിയായ മഹാദേവന്‍ ആദ്യം കേരളത്തിലെത്തുകയും പിന്നീട് ആന്‍ഡമാനിലേക്ക് കതുടിയേറുകയായിരുന്നു. എന്നാല്‍ ആന്‍ഡമാനില്‍ നിന്ന് കേരളത്തിലേക്ക് അയക്കുന്ന ഈ കൊമ്പന്റെ സകുടുംബമുള്ള രണ്ടാം വരവ് വാര്‍ത്തകളില്‍ ഏറെ ഇടം നേടിയതുമാണ്. ഇണയായ പിടിയാനയോടും കുട്ടിയാനയോടൊപ്പം ആന്‍ഡമാനില്‍ നിന്നു കേരളത്തിലെ ഗജമേളയ്ക്കാണ് മഹാദേവന്‍ എത്തിയത്. പിന്നീട് പൂരനഗരിയിലെ താരമായി മാറുകയായിരുന്നു ഈ ഗജവീരന്‍. ഒടുവില്‍ കുട്ടികൊമ്പന്റെ വഴിയെ മഹാദേവനും വിട പറയുകയാണ്. ആദ്യമായി മാലയിട്ട് ഇരുമുടിക്കെട്ടേന്തി ശബരിമല കയറിയ കൊമ്പനെന്ന പ്രത്യേകതയും മഹാദേവന് മാത്രം സ്വന്തമായിരുന്നു. 2010 മാര്‍ച്ച്4ന് തിരുവമ്പാടി ക്ഷേത്രത്തില്‍ നടന്ന കൊമ്പന്റെ കെട്ടുനിറയും മറ്റ് ക്ഷേത്രങ്ങളിലെ സന്ദര്‍ശനവും തുടര്‍ന്നുള്ള മലക്കയറ്റവും ഏറെ വാര്‍ത്താപ്രാധാന്യവും നേടിയതുമാണ്. 2002ല്‍ പൂമുള്ളി തമ്പുരാന്റെ കയ്യില്‍ നിന്നാണ് മഹാദേവനെ തൃശൂര്‍ സ്വദേശി ചിറയ്ക്കല്‍ മധു സ്വന്തമാക്കുന്നത്. 13 വര്‍ഷമായി മധുവിന്റെ ഉടമസ്ഥതയിലുള്ള കൊമ്പന്‍ കേരളത്തിലെ എല്ലാ ഉത്സവങ്ങളിലും നിറ സാന്നിധ്യമായിരുന്നു. തൃശൂര്‍ പൂരം, ആറാട്ടുപുഴ പൂരം തുടങ്ങി എല്ലാ പൂരങ്ങളിലേയും അവിഭാജ്യഘടകമായ ഈ കറുത്തമുത്തിന് നിരവധി ആരാധകരുമുണ്ട്. ആരെയും ആകര്‍ഷിക്കുന്ന ലക്ഷണത്തികവുളെല്ലാം ഒത്തിണങ്ങിയ മഹാദേവന്‍ തലയുയര്‍ത്തി മാത്രമേ നടക്കുകയുള്ളൂ എന്നതും സവിശേഷതയാണ്. അരങ്ങൊഴിഞ്ഞ ആനപ്പിറവികളുടെ കൂട്ടത്തിലേക്ക് ചിറയ്ക്കല്‍ മഹാദേവന്‍ കൂടി. ആനപ്രേമികള്‍ക്കും പൂരപ്രേമികള്‍ക്കും ഉത്സവങ്ങള്‍ക്കുമെല്ലാം തീരാനഷ്ടം സമ്മാനിച്ചുകൊണ്ട് വിടപറഞ്ഞെങ്കിലും ഓര്‍മ്മകളില്‍ ഒളിമങ്ങാതെ തലയെടുപ്പോടെ തന്നെ ചിറയ്ക്കല്‍ മഹാദേവനെന്ന എണ്ണകറുപ്പിന്റെ പര്യായം നിലകൊള്ളും.
തൃശൂര്‍ ഗുണ്ടാ വേട്ട തൃശൂരില്‍ തുടരുന്നു.
തൃശൂര്‍ റൂറല്‍ പോലീസ് 200 -ഓളം പേരെ കരുതല്‍ തടങ്കലിലാക്കി.. വിവിധ ഗുണ്ടാ സംഘങ്ങളില്‍പ്പെട്ട കൊടുങ്ങല്ലൂര്‍ സ്വദേശികളായ ബാഷിക്, സുബിന്‍, മതിലകം സ്വദേശികളായ ജാഫര്‍, പ്രകാശന്‍, സുജിത്, എന്നിവരെയാണ് പോലീസ് തടങ്കലിലാക്കിയത്. കഴിഞ്ഞ മൂന്ന് ദിവസങ്ങളിലായി നടത്തിയ റെയ്ഡില്‍ ഗുണ്ടാ സംഘത്തില്‍പെട്ട ഇരുന്നുറോളം പേരെ റൂറല്‍ പോലീസ് പിടികൂടിയിരുന്നു.
കൊടുങ്ങല്ലൂര്‍ മറ്റൊരു ക്ഷയരോഗ പ്രതിരോധ വാരം കൂടി ആചരിക്കുമ്പോള്‍ കൊടുങ്ങല്ലൂര്‍ മേഖലയില്‍ ക്ഷയരോഗികളുടെ എണ്ണത്തില്‍ ആശങ്കാജനകമായ വര്‍ദ്ധനവെന്ന് കണക്കുകള്‍. ഒരു കാലത്ത് മലേറിയ പോലെ പൂര്‍ണ്ണമായും ഇല്ലാതായ ക്ഷയരോഗം ഇപ്പോള്‍ പലയിടങ്ങളിലും സാധാരണമാണ്.
കൊടുങ്ങല്ലൂര്‍ താലൂക്ക് ഗവണ്‍മെന്റ് ആശുപത്രിയുടെ പരിധിയില്‍ മാത്രം നിലവില്‍ പതിനേഴ് പേര്‍ ക്ഷയരോഗത്തിന് ചികിത്സ തേടിവരുന്നുണ്ട്. പല പ്രാഥമികാരോഗ്യ കേന്ദ്രങ്ങളിലും ഈ രോഗത്തിന് ചികിത്സ തേടുന്നവരുടെ എണ്ണം ഏറി വരുന്നുവെന്നാണ് കണക്കുകള്‍ വെളിപ്പെടുത്തുന്നത്. ജനസംഖ്യയിലുണ്ടായ വര്‍ദ്ധനവ്, രോഗലക്ഷണത്തെ അവഗണിക്കല്‍, ഇതര സംസ്ഥാന തൊഴിലാളികളുടെ തള്ളിക്കയറ്റം എന്നിവയാണ് ക്ഷയരോഗം വീണ്ടും പകര്‍ന്നു പിടിക്കാന്‍ കാരണമായതെന്ന് ചൂണ്ടിക്കാണിക്കപ്പെടുന്നു. ഇതര സംസ്ഥാന തൊഴിലാളികള്‍ തിങ്ങിപാര്‍ക്കുന്ന ഇടങ്ങളില്‍ രോഗം പടരാനുള്ള സാധ്യത നൂറ് ശതമാനമാണ്. കൂട്ടത്തില്‍ ഒരു ക്ഷയരോഗിയുണ്ടെങ്കില്‍ അയാളില്‍ നിന്നും നിരവധി പേര്‍ക്ക് രോഗം പകര്‍ന്നു പിടിച്ചേക്കും. ഒട്ടുമിക്ക ആളുകളുടെയും ശരീരത്തില്‍ ക്ഷയം വരുത്തുന്ന ട്യൂബര്‍കുലോസിസ് രോഗാണു ഉണ്ടാകാനിടയുണ്ടെന്നും ശരീരത്തിന്റെ പ്രതിരോധശേഷി കുറയുമ്പോഴാണ് രോഗലക്ഷണങ്ങള്‍ പ്രകടമാകുകയെന്നും ആരോഗ്യ വിദഗ്ദ്ധര്‍ പറയുന്നു. രോഗം ബാധിച്ചയാള്‍ ചികിത്സ ആരംഭിച്ച് രണ്ട് മാസം കഴിയുംവരെ രോഗാണു മറ്റുള്ളവരിലേക്ക് പകരാന്‍ സാധ്യതയുണ്ട്. രണ്ടാഴ്ച്ചയില്‍ കൂടുതലായി നീണ്ടു നില്‍ക്കുന്ന ചുമ , ശരീരത്തിന് തൂക്കക്കുറവ് , രാത്രിയില്‍ പനി എന്നിവയാണ് ക്ഷയരോഗത്തിന്റെ പ്രധാന ലക്ഷണങ്ങള്‍. ആറ് മാസം മുതല്‍ ഒമ്പത് മസം വരെ നീണ്ടു നില്‍ക്കുന്ന ചികിത്സയിലൂടെ രോഗം പൂര്‍ണ്ണമായും ഭേദമാക്കാനാകും ,എന്നാല്‍ ഇടയ്ക്ക് വെച്ച് ചികിത്സ നിറുത്തുന്നതും , മരുന്ന് കഴിക്കുന്നതില്‍ ഇടവേളകളുണ്ടാകുന്നതും രോഗം മൂര്‍ച്ഛിക്കുന്നതിനും മരണത്തിനും വരെ കാരണമാകുമെന്ന് ചൂണ്ടിക്കാണിക്കപെടുന്നു. പണ്ട് കാലത്ത് കൊടുങ്ങല്ലൂര്‍ താലുക്ക് ഗവണ്‍മെന്റ് ആശുപത്രിയില്‍ ക്ഷയരോഗികള്‍ക്കു മാത്രമായി വാര്‍ഡ് ഉണ്ടായിരുന്നു. ഈ വാര്‍ഡിന്റെ പരിസരത്തേക്ക് പോകാന്‍ പോലും ആളുകള്‍ക്ക് പൊതുവെ ഭയമായിരുന്നു. കാലക്രമേണ ഈ വാര്‍ഡ് അടച്ചു പൂട്ടി. എന്നാലിപ്പോള്‍ ക്ഷയരോഗം വീണ്ടും തലയുയര്‍ത്തുമ്പോള്‍ പ്രതിരോധിക്കാന്‍ കൂടുതല്‍ വഴികള്‍ തേടുകയാണ് ആരോഗ്യ വകുപ്പ്.
തൃശൂര്‍ തൃശൂര്‍ ഗവണ്‍മെന്റ് എഞ്ചിനീയറിംഗ് കോളേജിലെ സിവില്‍ വിഭാഗത്തിന്റെ ആഭിമുഖ്യത്തില്‍ സംഘടിപ്പിക്കുന്ന 'കോണ്‍സെറ്റോ' ടെക് ഫെസ്റ്റിന് തുടക്കമായി.
കോളേജ് ഓഡിറ്റോറിയത്തില്‍ നടന്ന ചടങ്ങില്‍ ഡല്‍ഹി മെട്രോ പ്രിന്‍സിപ്പല്‍ അഡൈ്വസര്‍ ഡോ. ഇ. ശ്രീധരന്‍ ഉദ്ഘാടനം ചെയ്തു. ആത്മസമര്‍പ്പണവും, ആത്മാര്‍ത്ഥതയും കൈമുതലാക്കിയാല്‍ ഏതൊരു ലക്ഷ്യത്തിലേക്കും ആര്‍ക്കും എത്തിച്ചേരാനാകുമെന്നും കേരളത്തിലെ സ്വപ്ന പദ്ധതിയായ കൊച്ചി മെട്രോ ഉടന്‍ യാഥാര്‍ത്ഥ്യമാകുമെന്നും ശ്രീധരന്‍ പറഞ്ഞു. സ്വന്തം അനുഭവങ്ങളും പദ്ധതി പൂര്‍ത്തീകരണങ്ങളും വിദ്യാര്‍ത്ഥികളുമായി ഇ. ശ്രീധരന്‍ പങ്കുവെച്ചു. കോളേജ് പ്രിന്‍സിപ്പാള്‍ ഡോ. കെ.പി. ഇന്ദിരാദേവി അധ്യക്ഷയായി. സിവില്‍ വിഭാഗം മേധാവി ഡോ.എന്‍.സജികുമാര്‍, അസോസിയേറ്റ് പ്രൊഫസര്‍ പി.പി.ശിവന്‍, ഡോ. ആര്‍.പി. രാജഗോപാലന്‍നായര്‍, അലീന ജോയ്, പ്രൊഫ. ടി. കൃഷ്ണകുമാര്‍, ഡോ. സി.വി. ലാല്‍ തുടങ്ങിയവര്‍ സംസാരിച്ചു. അഞ്ചുദിവസങ്ങളിലായി നടക്കുന്ന ദേശീയ ടെക് ഫെസ്റ്റില്‍ ഇതര സ്ഥാപനങ്ങളിലെ വിവിധ കോളേജുകളില്‍ നിന്നുള്ള നിരവധി വിദ്യാര്‍ത്ഥികളാണ് പങ്കെടുക്കുന്നത്.
ചാവക്കാട് പാലയൂര്‍ മാര്‍ത്തോമ അതിരൂപത തീര്‍ത്ഥകേന്ദ്രത്തില്‍ അതിരൂപതാ തല വ്രതാരംഭ കൂട്ടായ്മ ഈ മാസം 27ന് നടക്കുമെന്ന് ഭാരവാഹികള്‍ അറിയിച്ചു.
വൈകീട്ട് അഞ്ചിന് നടക്കുന്ന തിരുക്കര്‍മ്മങ്ങള്‍ക്ക് ആര്‍ച്ച് ബിഷപ്പ് മാര്‍ ആന്‍ഡ്രൂസ് താഴത്ത് മുഖ്യ കാര്‍മ്മികത്വം വഹിക്കും. പാലയൂരിലെ ചരിത്രപ്രസിദ്ധമായ തളിയക്കുളം ചാപ്പലിലാണ് വ്രതാരംഭ കൂട്ടായ്മ ആരംഭം കുറിക്കുക. പാലയൂര്‍ തീര്‍ത്ഥാടനത്തിന്റെ ഭാഗമായുള്ള ഏകദിന പ്രാര്‍ത്ഥനാ കൂട്ടായ്മകള്‍ക്ക് 28ന് തുടക്കമാകും. അമ്പത് നോമ്പുകളിലെ വെള്ളിയാഴ്ചകളില്‍ രാത്രി ഒന്‍പതിന് തൃശൂര്‍ പുത്തന്‍ പള്ളിയില്‍ നിന്ന് ആരംഭിക്കുന്ന ജാഗരണ പദയാത്ര പുലര്‍ച്ചെ 3.30ന് തീര്‍ത്ഥ കേന്ദ്രത്തിലെത്തും. തുടര്‍ന്ന് ദിവ്യബലിയുണ്ടാകും. അതിരൂപതയിലെ മറ്റ് സ്ഥലങ്ങളില്‍ നിന്നുള്ള ജാഗരണ പദയാത്രകളും ഇതോടൊപ്പം അണിചേര്‍ന്ന് തീര്‍ത്ഥകേന്ദ്രത്തിലെത്തും. ഫാ. ജോസ് പുന്നോലിപ്പറമ്പില്‍, ഫാ. ജോസ് പുലിക്കോട്ടില്‍, ഫാ. ജിന്റോ കുറ്റിക്കാട്ട്, പി.എ.ലാസന്‍ എന്നിവര്‍ പരിപാടികള്‍ വിശദീകരിച്ചു.
തൃശൂര്‍ തൃശൂര്‍ പൂരത്തിന് അനുമതി നല്‍കിയതുപോലെ ഉത്രാളിക്കാവ് അടക്കമുള്ള ആഘോഷങ്ങള്‍ക്ക് കൂടി അനുമതി നല്‍കണമെന്നാവശ്യപെട്ട് ഹൈക്കോടതിയില്‍ തിങ്കളാഴ്ച ഹര്‍ജി നല്‍കുമെന്ന് അനില്‍ അക്കര എം.എല്‍.എ.
തൃശൂരിലെ ആഘോഷങ്ങളുടെ ഭാഗമായുള്ള ആചാരങ്ങളും, അനുഷ്ഠാനങ്ങളും നടത്താന്‍ വേര്‍തിരിവ് കൂടാതെ തീരുമാനം എടുക്കുകയാണ് സര്‍ക്കാര്‍ ചെയ്യേണ്ടതെന്നും എം.എല്‍.എ പ്രസ്താവനയില്‍ പറഞ്ഞു.
കയ്പമംഗലം മതിലകത്ത് മനോനില തെറ്റിയ മധ്യവയസ്‌കനെ ക്ഷേത്ര വളപ്പില്‍ മരിച്ച നിലയില്‍ കണ്ടെത്തി.
മതിലകം സി.കെ.വളവ് സ്വദേശി തൊട്ടുപുറത്ത് വീട്ടില്‍ 55 വയസുള്ള സത്യനെയാണ് തൃപ്പേക്കുളം മഹാദേവ ക്ഷേത്രത്തിന്റെ സ്‌റ്റേജില്‍ മരിച്ച നിലയില്‍ കണ്ടെത്തിയത്. കഴിഞ്ഞ 4 ദിവസമായി സത്യന്‍ ക്ഷേത്രത്തില്‍ തന്നെ ഉണ്ടായിരുന്നു. വര്‍ഷങ്ങള്‍ക്ക് മുമ്പ് പോലീസ് മര്‍ദ്ദനത്തെ തുടര്‍ന്ന് മനോനില തെറ്റിയ സത്യന്‍ മതിലകത്തും സമീപ പ്രദേശത്തും അലഞ്ഞു തിരിഞ്ഞു നടക്കുകയായിരുന്നു. മൃതദേഹം കൊടുങ്ങല്ലൂര്‍ താലൂക്ക് ആശുപത്രിയില്‍ പോസ്റ്റ്‌മോര്‍്ട്ടം നടത്തിയ ശേഷം വീട്ടുവളപ്പില്‍ സംസ്‌കരിക്കും. മതിലകം പോലീസ് സ്ഥലത്തെത്തി മേല്‍ നടപടികള്‍ സ്വീകരിച്ചു.
തൃപ്രയാര്‍ ഗുജറാത്തിലെ വഡോദരയില്‍ നടന്ന ദേശീയ ജൂനിയര്‍ സ്‌കൂള്‍ മീറ്റില്‍ നാട്ടിക ഫിഷറീസ് സ്‌കൂളിന് സ്വര്‍ണം ഉള്‍പ്പടെ രണ്ട് മെഡല്‍ കൂടി.
400 മീറ്റര്‍ റിലേയില്‍ ഫിഷറീസ് സ്‌കൂളിലെ ആന്‍സി സോജന് സ്വര്‍ണം ലഭിച്ചു. 200 മീറ്ററില്‍ ആന്‍സി സോജന്‍ വെങ്കലവും സ്വന്തമാക്കി. ആന്‍സിയുടെ രണ്ടാം സ്വര്‍ണമാണിത്. കഴിഞ്ഞദിവസം നടന്ന ലോങ്ങ് ജംപില്‍ ആന്‍സിക്ക് സ്വര്‍ണം ലഭിച്ചിരുന്നു. മീറ്റില്‍ ഫിഷറീസ് സ്‌കൂളിലെ പി.എ.അതുല്യ ഡിസ്‌കസ് ത്രോയില്‍ വെങ്കലം നേടിയിട്ടുണ്ട്. ദേശീയ സ്‌കൂള്‍ മീറ്റില്‍ ഫിഷറീസ് സ്‌കൂളിന്റെ മെഡല്‍ നേട്ടം നാലായി.
തൃശൂര്‍ ഗജവീരന്‍ ചിറയ്ക്കല്‍ മഹാദേവന്‍ ചരിഞ്ഞു.
പെരുമ്പാവൂര്‍ പൊതി ശ്രീകൃഷ്ണ ക്ഷേത്രത്തില്‍ വെച്ചായിരുന്നു ആന ചരിഞ്ഞത്. രാവിലെ 11ന് ശീവേലി എഴുന്നള്ളിപ്പ് കഴിഞ്ഞ് പറമ്പില്‍ തളച്ചിട്ടിരുന്ന കൊമ്പന്‍ അസ്വസ്ഥത കാട്ടി പെട്ടെന്ന് വീഴുകയായിരുന്നു. ഹൃദയാഘാതമാണ് മരണകാരണമെന്ന് സംശയിക്കുന്നു. തൃശൂര്‍ ചിറയ്ക്കല്‍ മധുവിന്റെ ഉടമസ്ഥതയിലുള്ളതാണ് കൊമ്പന്‍.
തൃപ്രയാര്‍ വലപ്പാട് ഗവണ്‍മെന്റ് വൊക്കേഷണല്‍ ഹയര്‍സെക്കന്ററി സ്‌കൂളിന്റെ ശതാബ്ദി ആഘോഷങ്ങള്‍ക്ക് ശനിയാഴ്ച്ച തുടക്കമാകുമെന്ന് സംഘാടക സമിതി ഭാരവാഹികള്‍ അറിയിച്ചു.
ശനിയാഴ്ച വൈകീട്ട് 5ന് നടക്കുന്ന ചടങ്ങില്‍ കൃഷി മന്ത്രി വി.എസ് സുനില്‍കുമാര്‍ ആഘോഷപരിപാടികള്‍ ഉദ്ഘാടനം ചെയ്യും. പരിസ്ഥിതിയും മനുഷ്യനും തമ്മിലുള്ള ജൈവബന്ധത്തിന്റെ കഥ പറയുന്ന കനി എന്ന ഫീച്ചര്‍ ഫിലിമിന്റെ സ്വിച്ച് ഓണും ചടങ്ങില്‍ നടക്കും. വലപ്പാട് സ്‌കൂളിന് വേണ്ടി വാടാനപ്പള്ളി പൊലീസ് സ്‌റ്റേഷനിലെ സി.പി.ഒ -സാന്റോ തട്ടിലാണ് ചിത്രം തയ്യാറാക്കുന്നത്. വലപ്പാട് ഗ്രാമപഞ്ചായത്ത് പ്രസിഡണ്ട് ഇ.കെ.തോമസ്, ടി.എ പ്രേംദാസ്, പ്രധാനാധ്യാപകന്‍ ടി.എം.രാജീവന്‍, എന്‍.ടി.ജയന്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
തൃശൂര്‍ തൃശൂര്‍ വിവേകോദയം ബോയ്‌സ് ഹയര്‍സെക്കന്ററി സ്‌കൂളില്‍ പത്താം ക്ലാസ് പൊതുപരീക്ഷയ്ക്ക് തയ്യാറെടുക്കുന്ന വിദ്യാര്‍ത്ഥികള്‍ക്കായി രാത്രികാല പഠനക്യാമ്പ് ആരംഭിച്ചു.
പഠനക്യാമ്പിന്റെ ഉദ്ഘാടനം ജില്ലാ വിദ്യാഭ്യാസ ഓഫീസര്‍ ഇ. നാരായണി ഉദ്ഘാടനം ചെയ്തു. മുന്‍ സ്പീക്കര്‍ തേറമ്പില്‍ രാമകൃഷ്ണന്‍, ഹെഡ്മിസ്ട്രസ് ലത തുടങ്ങിയവര്‍ സംസാരിച്ചു. ക്യാമ്പ് മാര്‍ച്ച് 6 വരെ നീണ്ടു നില്‍ക്കും.
എരുമപ്പെട്ടി ഫെസ്റ്റിവല്‍ കോര്‍ഡിനേഷന്‍ കമ്മറ്റി ജില്ലയില്‍ ആഹ്വാനം ചെയ്ത ഹര്‍ത്താല്‍ എരുമപ്പെട്ടി മേഖലയില്‍ പൂര്‍ണം.
സര്‍ക്കാര്‍ ഓഫീസുകളും വ്യാപാര സ്ഥാപനങ്ങളും തുറന്ന് പ്രവര്‍ത്തിക്കുന്നില്ല. ചില സ്വകാര്യ വാഹനങ്ങള്‍ ഓട്ടം നടത്തുന്ന തൊഴിച്ച് ബസ്, ഓട്ടോ, ടാക്‌സി എന്നിവ നിരത്തിലിറങ്ങിയില്ല.
വടക്കാഞ്ചേരി ഉത്രാളിക്കാവ് പൂരം വെടിക്കെട്ട് നിയന്ത്രണം ഏര്‍പ്പെടുത്തിയതില്‍ പ്രതിഷേധിച്ച് ഫെസ്റ്റിവല്‍ കോര്‍ഡിനേഷന്‍ കമ്മിറ്റി നടത്തിയ ഹര്‍ത്താലില്‍ വടക്കാഞ്ചേരിയില്‍ അക്രമം.
വടക്കാഞ്ചേരിയില്‍ നടന്ന പ്രകടനത്തിടെ പ്രാദേശിക മാധ്യമപ്രവര്‍ത്തകര്‍ക്ക് മര്‍ദ്ദനമേറ്റു. പരുത്തിപ്ര സ്വദേശിയും പ്രാദേശിക ചാനല്‍ പ്രവര്‍ത്തകനും ഫോട്ടോഗ്രാഫേഴ്‌സ് അസോസിയേഷന്‍ ഏരിയാ സെക്രട്ടറിയുമായ സിജോ, പ്രാദേശിക ചാനല്‍ പ്രവര്‍ത്തകനായ മനോജ് എന്നിവര്‍ക്ക് പരിക്കേറ്റു. ഇവരെ ഓട്ടുപാറ ജില്ലാ ആശുപത്രിയില്‍ പ്രവേശിപ്പിച്ചു. വടക്കാഞ്ചേരി പോലീസ് സ്റ്റേഷനു മുന്നില്‍ വെച്ച് ഓടിക്കൊണ്ടിരുന്ന കെ.എസ്.ആര്‍.ടി.സി. ബസിന്റെ ചില്ല് പ്രകടനക്കാര്‍ എറിഞ്ഞു തകര്‍ത്തു. കല്ല് ബസിനുള്ളിലേക്ക് വീണെങ്കിലും യാത്രക്കാര്‍ പരിക്കേറ്റില്ല. വടക്കാഞ്ചേരി ബോയ്‌സ് ഹൈസ്‌കൂളിനു സമീപം വെച്ചിരുന്ന ഉത്രാളിക്കാവ് പൂരം എക്‌സിബിഷന്റെ കമാനങ്ങള്‍ ഹര്‍ത്താല്‍ അനുകൂലികള്‍ നശിപ്പിച്ചു. ഓട്ടുപാറയില്‍ നിന്ന് വടക്കാഞ്ചേരിയിലേക്ക് നടന്ന പ്രകടനത്തിന് പി.ജി.രവീന്ദ്രന്‍, പൂരകമ്മിറ്റി ഭാരവാഹികളായ പി.എന്‍.ഗോകുലന്‍, സി.എ.ശങ്കരന്‍കുട്ടി, തുളസികണ്ണന്‍, പി.ആര്‍.സുരേഷ്, ടി.പി.പ്രഭാകരമേനോന്‍ എന്നിവര്‍ നേതൃത്വം നല്‍കി.
തൃശൂര്‍ ഉത്രാളിക്കാവ് പൂരത്തിന്റെ ഭാഗമായി ഈമാസം 28 ന് വടക്കാഞ്ചേരി നഗരസഭ പരിധിയിലെ സര്‍ക്കാര്‍ ഓഫീസുകള്‍ക്കും, വിദ്യഭ്യാസ സ്ഥാപനങ്ങള്‍ക്കും ജില്ലാ കളകടര്‍ അവധി പ്രഖ്യാപിച്ചു.
മുന്‍ നിശ്ചയപ്രകാരമുള്ള പരീക്ഷകള്‍ക്കും കേന്ദ്ര-സംസ്ഥാന അര്‍ദ്ധ സര്‍ക്കാര്‍ സ്ഥാപനങ്ങളിലേക്ക് നടത്തുന്ന പൊതു പരീക്ഷകള്‍ക്കും ഉത്തരവ് ബാധകമല്ല.
കുന്നംകുളം ഹര്‍ത്താലിനെ തുടര്‍ന്ന് കുന്നംകുളത്തും പരിസര പഞ്ചായത്തുകളിലും കടകമ്പോളങ്ങള്‍ അടഞ്ഞു കിടന്നു.
സ്വകാര്യ ബസ്സുകളും, ടാക്‌സികളും സര്‍വ്വീസ് നടത്തിയില്ല. സ്വകാര്യ വാഹനങ്ങളും ഇരു ചക്ര വാഹനങ്ങളും നിരത്തിലിറങ്ങി. കോ ഓര്‍ഡിനേഷന്‍ കമ്മിറ്റിയുടെ നേതൃത്വത്തില്‍ നഗരത്തില്‍ നടന്ന പ്രതിഷേധ ജാഥയ്ക്ക് ഭാവാഹികളായ പ്രൊഫ. രാധാകൃഷ്ണന്‍, സുരേഷ് ആനായ്ക്കല്‍, സി.ബി.ശ്രീഹരി തുടങ്ങിയവര്‍ നേതൃത്വം നല്‍കി.
മാള ഹര്‍ത്താല്‍ മാളയില്‍ പൂര്‍ണമായിരുന്നു.
വ്യാപാര സ്ഥാപനങ്ങളും സര്‍ക്കാര്‍ ഓഫീസുകളും വിദ്യാലയങ്ങളും പ്രവര്‍ത്തിച്ചില്ല. ചുരുക്കം ചില കെ.എസ്.ആര്‍.ടി.സി.ബസുകള്‍ സര്‍വ്വീസ് നടത്തി. സ്വകാര്യ വാഹനങ്ങള്‍ നിരത്തിലിറങ്ങി.
പുന്നയൂര്‍ക്കുളം പുന്നയൂര്‍, പുന്നയൂര്‍ക്കുളം മേഖലയില്‍ ഹര്‍ത്താല്‍ പൂര്‍ണം.
വിദ്യാഭ്യാസ സ്ഥാപനങ്ങളും, സര്‍ക്കാര്‍ സ്ഥാപനങ്ങളും പ്രവര്‍ത്തിച്ചില്ല. വടക്കേക്കാട് എസ്.ഐ.-മോഹിതിന്റെ നേതൃത്വത്തില്‍ വടക്കേക്കാട്, പുന്നയൂര്‍, പുന്നയൂര്‍ക്കുളം മേഖലയില്‍ പട്രോളിങ്ങ് നടത്തി.
പാവറട്ടി പാവറട്ടി മേഖലയില്‍ ഹര്‍ത്താലിനെ തുടര്‍ന്ന് കടകമ്പോളങ്ങള്‍ അടഞ്ഞു കിടുന്നു.
സ്വകാര്യ വാഹനങ്ങള്‍ മാത്രമാണ് നിരത്തിലിറങ്ങിയത്. പാവറട്ടിയില്‍ നടന്ന പ്രതിഷേധ പ്രകടനം തീര്‍ത്ഥകേന്ദ്രം സംയുക്ത വെടിക്കെട്ട് കമ്മിറ്റി പ്രസിഡന്റ് കെ.എഫ്.ലാല്‍സണ്‍ ഉദ്ഘാടനം ചെയ്തു. എന്‍.ജെ.ലിയോ അധ്യക്ഷനായിരുന്നു. സുബിരാജ് തോമസ്, പി.കെ.രാജന്‍, എന്‍.പി.ഖാദര്‍മോന്‍ തുടങ്ങിയവര്‍ സംസാരിച്ചു. പ്രകടനത്തിന് ശേഷം കമ്പിത്തിരിയും മൂളിയും കത്തിച്ചു.
ചേലക്കര ഹര്‍ത്താല്‍ ചേലക്കര മേഖലയില്‍ പൂര്‍ണം.
ഹര്‍ത്താലനുകൂലികളുടെ നേതൃത്വത്തില്‍ ചേലക്കര ടൗണില്‍ പ്രകടനം നടത്തി. ചേലക്കര മേഖലയിലെ ഉത്സവ നേര്‍ച്ച പെരുന്നാള്‍ കമ്മിറ്റി ഭാരവാഹികളും, ബിജെപി, കോണ്‍ഗ്രസ് പ്രവര്‍ത്തകരും പ്രകടനത്തില്‍ പങ്കെടുത്തു. പ്രകടനത്തിനിടെ ഹര്‍ത്താലനുകൂലികള്‍ ചില വാഹനങ്ങള്‍ തടഞ്ഞെങ്കിലും പിന്നീട് വിട്ടയച്ചു. ലോഡ് കയറ്റി വരികയിരുന്ന ടിപ്പര്‍ ലോറിയുടെ സൈഡ് മിറര്‍ ഹര്‍ത്താലനുകൂലികള്‍ തകര്‍ത്തു. ചേലക്കര സെന്ററില്‍ നടത്തിയ യോഗം കോണ്‍ഗ്രസ് ബ്ലോക്ക് പ്രസിഡന്റ് ടി.എം. കൃഷ്ണന്‍ ഉദ്ഘാടനം ചെയ്തു. ചേലക്കര അന്തിമഹാകാളന്‍ കാവ് വേല കോഓര്‍ഡിനേഷന്‍ കമ്മിറ്റി ചെയര്‍മാന്‍ രാജേഷ് നമ്പ്യാത്ത് അധ്യക്ഷനായിരുന്നു. വേല കോഓര്‍ഡിനേഷന്‍ കമ്മിറ്റി കണ്‍വീനര്‍ കെ. സന്താനഗോപാലന്‍, കേരള ഫെസ്റ്റിവല്‍ കോഓര്‍ഡിനേഷന്‍ കമ്മിറ്റി ജില്ലാ വൈസ് പ്രസിഡന്റ് പി.കെ. സുനില്‍ കുമാര്‍, ബിജെപി ന്യുനപക്ഷമോര്‍ച്ച ജില്ലാ വൈസ് പ്രസിഡന്റ് ജോണ്‍, ഇ. വേണുഗോപാലമേനോന്‍ തുടങ്ങിയവര്‍ സംസാരിച്ചു.
ചാവക്കാട് ചാവക്കാട് മേഖലയില്‍ ഹര്‍ത്താല്‍ പൂര്‍ണം.
കടകമ്പോളങ്ങള്‍ അടഞ്ഞു കിടന്നു. സ്വകാര്യ വാഹനങ്ങളും കെ.എസ്.ആര്‍.ടി.സിയും സര്‍വ്വീസ് നടത്തി. ഹൈന്ദവ ആചാരാനുഷ്ഠാനങ്ങള്‍ക്കും ഉത്സവാഘോഷങ്ങള്‍ക്കും സര്‍ക്കാരും പോലീസും ചേര്‍ന്ന് വിലക്ക് കല്‍പ്പിക്കുയാണെന്നാരോപിച്ച് ഹര്‍ത്താല്‍ ദിനത്തില്‍ ഹൈന്ദവകൂട്ടായ്മയുടെ നേതൃത്വത്തില്‍ പ്രതിഷേധ പ്രകടനവും യോഗവും നടത്തി. വിശ്വനാഥക്ഷേത്ര പരിസരത്തു നിന്നാരംഭിച്ച പ്രകടനം ടൗണ്‍ ചുറ്റി സമാപിച്ചു. കെ.എസ്.അനില്‍കുമാര്‍ ഉദ്ഘാടനം ചെയ്തു. കെ.എ.ബിജു, എന്‍.ജി. പ്രവീണ്‍കുമാര്‍, യു.ആര്‍.സനീഷ് തുടങ്ങിയവര്‍ നേതൃത്വം നല്‍കി.
പുതുക്കാട് ഫെസ്റ്റിവല്‍ കോര്‍ഡിനേഷന്‍ കമ്മിറ്റിയുടെ നേതൃത്വത്തില്‍ ആമ്പല്ലൂരില്‍ നിന്ന് പുതുക്കാട് സെന്ററിലേക്ക് പ്രതിഷേധ പൂരവും പ്രകടനവും നടത്തി.
മടക്കിയ കുടയും, ഒറ്റ ചെണ്ടയും, ആനയും,കെടുത്തിയ പന്തവും കൊണ്ടാണ് പ്രതിഷേധ പൂരം സംഘടിപ്പിച്ചത്. ക്ഷേത്രം ഭാരവാഹികളും, ഉത്സവ പ്രേമികളും വിവിധ രാഷ്ട്രീയ-സാമൂഹിക സാംസ്‌കാരിക പ്രവര്‍ത്തകരും പ്രകടനത്തില്‍ പങ്കെടുത്തു. തുടര്‍ന്ന് ആമ്പല്ലൂരില്‍ നടന്ന പ്രതിഷേധയോഗത്തില്‍ കെ.ഗോപാലകൃഷ്ണന്‍, എ.ജി.രാജേഷ്, ശ്രീകുമാര്‍ ആമ്പല്ലൂര്‍ തുടങ്ങിയവര്‍ സംസാരിച്ചു.
കൊടുങ്ങല്ലൂര്‍ എറിയാട് മീന്‍ ലോറിക്ക് നേരെ ആക്രമണം.
കല്ലേറില്‍ ലോറിയുടെ ചില്ല് തകര്‍ന്നു. എറിയാട് ചേരമാന്‍ ലൈബ്രറിക്ക് സമീപം നിര്‍ത്തിയിട്ടിരുന്ന അണ്ടുരത്തില്‍ സേതുലാലിന്റെ ഉടമസ്ഥതയിലുള്ള ലോറിക്ക് നേരെയാണ് രാത്രിയില്‍ ആക്രമണം നടന്നത് . ഫ്രീസര്‍ ഘടിപ്പിച്ച മീന്‍ ലോറിയുടെ മുന്‍വശത്തെ ഒരു ചില്ലാണ് തകര്‍ന്നത്. കൊടുങ്ങല്ലൂര്‍ പോലീസ് കേസെടുത്ത് അന്വേഷണമാരംഭിച്ചു
പുതുക്കാട് ആമ്പല്ലൂര്‍ കെ.എസ്.ഇ.ബി ഓഫീസിലേക്ക് സിപിഐ പ്രവര്‍ത്തകര്‍ മാര്‍ച്ച് നടത്തി.
സിപിഐ ജില്ലാ കൗണ്‍സില്‍ അംഗം പി.ജി.മോഹനനോട് കെ.എസ്.ഇ.ബി ജീവനക്കാര്‍ അപമര്യാദയായി പെരുമാറിയെന്നാരോപിച്ചാണ് മാര്‍ച്ച് നടത്തിയത്. സി.പി.ഐ പുതുക്കാട് മണ്ഡലം സെക്രട്ടറി കെ.എം.ചന്ദ്രന്‍ ഉദ്ഘാടനം ചെയ്തു. അസിസ്റ്റന്റ് സെക്രട്ടറി പി.കെ.ശേഖരന്‍ അധ്യക്ഷത വഹിച്ചു. വി.എസ്.ജോഷി, പി.എം.നിക്‌സന്‍, കെ.സത്യവൃതന്‍ എന്നിവര്‍ സംസാരിച്ചു.
പുന്നയൂര്‍ക്കുളം വടക്കേക്കാട് ഐക്യവേദി ദോഹ, ഖത്തര്‍ കമ്മറ്റിയുടെ ആഭിമുഖ്യത്തില്‍ ധനസഹായം നല്‍കി.
ഞമനേങ്ങാട് കരുവത്തില്‍ മിഥുന്‍ , മുപ്പാടത്ത് സുബ്രു ഭാര്യ ലക്ഷ്മി എന്നിവര്‍ക്കാണ് ധനസഹായം നല്‍കിയത്. വടക്കേക്കാട് ഐക്യവേദി ചെയര്‍മാന്‍ എ.ടി. ഉസ്മാന്‍, ജനറല്‍ സെക്രട്ടറി എം.ബി.ബക്കര്‍, വടക്കേക്കട് പഞ്ചായത്ത് വൈസ് പ്രസിഡന്റ് എന്‍.എം.കെ.നബീല്‍ എന്നിവര്‍ സന്നിഹിതരായിരുന്നു.
തൃശൂര്‍ മഹാശിവരാത്രിയോടനുബന്ധിച്ച് വടക്കുന്നാഥ ക്ഷേത്ര ക്ഷേമസമിതിയുടേയും കൊച്ചിന്‍ ദേവസ്വം ബോര്‍ഡിന്റേയും സംയുക്താഭിമുഖ്യത്തില്‍ വടക്കുന്നാഥക്ഷേത്ര ശ്രീമൂല സ്ഥാനത്ത് ശിവരാത്രി മണ്ഡപത്തില്‍ നടത്തുന്ന നൃത്ത സംഗീതോത്സവം തുടരുന്നു.
ഏഴാം ദിവസമായ ഇന്നലെ വൈകീട്ട് നര്‍ത്തകന്‍ ആര്‍.എല്‍.വി.ജോളി മാത്യു അവതരിപ്പിച്ച മോഹിനിയാട്ടം ശ്രദ്ധേയമായി. പുരുഷവേഷത്തില്‍ ഗണപതി സ്തുതി മുതല്‍ തില്ലാനവരെയുള്ള ഇനങ്ങളാണ് ജോളി മാത്യു അവതരിപ്പിച്ചത്. കൈതപ്രം രചിച്ച അയ്യപ്പ സ്തുതി ഏറെ ഹൃദ്യമായി. കണ്ണൂര്‍ ദേവിക സജീവന്റെ ഭരതനാട്യവും അരങ്ങേറി. തുടര്‍ന്ന് രഞ്ജിനി, ഗായത്രി എന്നിവരുടെ സംഗീത കച്ചേരിയും ഉണ്ടായിരുന്നു. ഇന്ന് വൈകീട്ട് മോഹിനിയാട്ടം, ഒഡീസി എന്നിവ അരങ്ങേറും. ശിവരാത്രി മഹോത്സവത്തോടനുബന്ധിച്ച് ശങ്കരനാരായണന് ലക്ഷാര്‍ച്ചന നടന്നു. തുടര്‍ന്ന് ശ്രീരാമന് ലക്ഷാര്‍ച്ചനയും അദിശങ്കരന് സഹസ്രാര്‍ച്ചനയും കലശപ്രദക്ഷിണം, അഭിഷേകം എന്നീ ചടങ്ങുകളുമുണ്ടായി. പുലിയന്നൂര്‍ ശങ്കരനാരായണന്‍ നമ്പൂതിരി കാര്‍മ്മികത്വം വഹിച്ചു.
എരുമപ്പെട്ടി കുന്നംകുളം സബ് ജില്ലയിലെ മികച്ച സ്‌കൂളിനുള്ള അവാര്‍ഡ് എരുമപ്പെട്ടി ഗവണ്‍മെന്റ് എല്‍.പി.സ്‌കൂളിന് ലഭിച്ചു.
സബ് ജില്ലയില്‍ ഏറ്റവും കൂടുതല്‍ വിദ്യാര്‍ത്ഥികള്‍ പഠിക്കുന്ന വിദ്യാലയമെന്ന ബഹുമതി ഈ സ്‌കൂളിനാണ്. സ്മാര്‍ട്ട് ക്ലാസ് റൂം, പാര്‍ക്ക്, മികച്ച കമ്പ്യൂട്ടര്‍ ലാബ്, ബുള്‍-ബുള്‍ യൂണിറ്റ്, യോഗ പരിശീലനം, കലാകായിക പരിശീലനം, സ്‌കോളര്‍ഷിപ്പ് പരിശീലനം എന്നിവ സ്‌കൂളിന്റെ യശസ് ഉയര്‍ത്തി കാട്ടുന്നു. 2010 ല്‍ ജില്ലയിലെ ഏറ്റവും നല്ല പി.ടി.എയ്ക്കുള്ള അവാര്‍ഡും 2015ല്‍ കുന്നംകുളം സബ് ജില്ലയിലെ മികച്ച പി.ടി.എയ്ക്കുള്ള അവാര്‍ഡും സ്‌കൂള്‍ സ്വന്തമാക്കിയിട്ടുണ്ട്.
ചെറുതുരുത്തി 8 വയസുകാരിയെ ലൈംഗികമായി പീഡിപ്പിച്ച കേസിലെ പ്രതിയായ 77 കാരനെ വടക്കാഞ്ചേരി ജുഡീഷ്യല്‍ മജിസ്‌ട്രേട്ട് കോടതി റിമാന്റ് ചെയ്തു.
ദേശമംഗലം പല്ലൂര്‍ സ്വദേശി മുടന്നയില്‍ കുഞ്ഞുമുഹമ്മദിനെയാണ് വടക്കാഞ്ചേരി സി.ഐ-ടി.എസ്.സി നോജ്, ചെറുതുരുത്തി എസ്.ഐ.പത്മരാജന്‍ എന്നിവരുടെ നേതൃത്വത്തിലുള്ള സംഘം അറസ്റ്റ് ചെയ്ത് കോടതിയില്‍ ഹാജരാക്കിയത്. പെണ്‍കുട്ടിയുടെ പിതാവ് നല്‍കിയ പരാതിയുടെ അടിസ്ഥാനത്തിലാണ് പോലീസ് കേസെടുത്തത്. ചെറുതുരുത്തി സ്‌റ്റേഷനിലെ സി.പി.ഒ.മാരായ സുനില്‍, സുഭാഷ് എന്നിവരും അന്വേഷണത്തിനു നേതൃത്വം നല്‍കി
തൃശൂര്‍ മെഡിക്കല്‍ കോളജ് ആശുപത്രിയക്ക് സമീപം കൂറ്റന്‍ വാക മരത്തിന്റെ അടിയില്‍ തീപിടിത്തം.
വഴിയാത്രക്കാരാണ് യാദുശ്ചികമായി മരത്തിന്റെ അടിയില്‍ തീകണ്ടത്. ഇതിനകം മരത്തിന്റ മൂക്കാല്‍ ഭാഗവും കത്തി ഗുഹ പോലെയായി മാറിയിരുന്നു മരത്തിന്റെ സമീപത്താണ് 34 കെ.വി ട്രാന്‍സ്‌ഫോര്‍മറും 11,000 വാട്‌സിന്റെ ഫിഡറും നില്‍ക്കുന്നത് . ഇതിന്റെ അടുത്തുകൂടിയാണ് 11 കെ.വിയുടെ ലൈനും കടന്ന്‌പോകുന്നത്. വൈദ്യുതി ബന്ധം വിച്ഛേദിച്ചു വടം കെട്ടി ജെ.സി.ബി ഉപയോഗിച്ച് മരം തട്ടിയിടുകയായിരുന്നു. സംഭവത്തെ തുടര്‍ന്ന് മെഡിക്കല്‍ കോളേജ് ഉള്‍പ്പെടെ സമീപ പ്രദേശങ്ങളില്‍ വൈദ്യുതി വിതരണം തടസപെട്ടു,
തൃശൂര്‍ പതിനാലാം നിയമസഭ ബജറ്റ് സമ്മേളനത്തിന് ഗവര്‍ണറുടെ നയപ്രഖ്യാപന പ്രസംഗത്തോടെ തുടക്കമായി.
നിയമസഭാ സമ്മേളനം 15 ദിവസം നീണ്ടുനില്‍ക്കും. മാര്‍ച്ച് 3ന് ബജറ്റ് അവതരിപ്പിക്കും. നോട്ട് നിരോധനത്തിന് കേന്ദ്ര സര്‍ക്കാരിനെ നയപ്രഖ്യാപന സമ്മേളനത്തില്‍ വിമര്‍ശിച്ചു. നോട്ട് അസാധുവാക്കല്‍ കേരളത്തിലെ ജനങ്ങളെയും ദോഷമായി ബാധിച്ചു. സഹകരണ മേഖല നിശ്ചലമായതിനാല്‍ സര്‍ക്കാരിന്റെ റവന്യൂ വരുമാനം കുറഞ്ഞതായും ഗവര്‍ണര്‍ ചൂണ്ടിക്കാട്ടി. മെച്ചപ്പെട്ട പൊതുസേവനം ഉറപ്പാക്കാന്‍ സമഗ്രമായ നിയമം കൊണ്ടുവരും. സംസ്ഥാനം ഇന്ന് കൊടിയ വരള്‍ച്ചയാണ് നേരിടുന്നത്. സ്ത്രീ സുരക്ഷയ്ക്ക് പ്രത്യേക വകുപ്പ് രൂപീകരിക്കും. സ്ത്രീകളുടെ അന്തസ് ഉറപ്പാക്കും. ലൈംഗിക പീഡനത്തിന് ഇരയാകുന്നവരെ സഹായിക്കാന്‍ സമഗ്ര സഹായനിധി ഉറപ്പാക്കും. താലൂക്ക് തലത്തില്‍ വനിതാ പോലീസ് സ്റ്റേഷന്‍ സ്ഥാപിക്കും. റബര്‍ കര്‍ഷകരുടെ പ്രശ്‌നങ്ങള്‍ പരിഹരിക്കാന്‍ അടിയന്തിര നടപടിയെടുക്കും. ദേശീയപാത വികസനം വേഗത്തിലാക്കും. കുടിവെള്ള പ്രശ്‌നം നേരിടാന്‍ കളക്ടര്‍മാര്‍ക്ക് പ്രത്യേക ഫണ്ട് നല്‍കും. നെറ്റ്-കോര്‍ബാങ്കിംഗ് വഴി പെന്‍ഷന്‍ വിതരണം കാര്യക്ഷമമാക്കുമെന്നും മുളങ്കുന്നത്തുകാവ് കിലയെ അന്തര്‍ദേശീയ നിലവാരത്തിലുയര്‍ത്തുമെന്നും ഗവര്‍ണര്‍ പി.സദാശിവം പറഞ്ഞു.
പാവറട്ടി മുല്ലശേരി മാനിനയില്‍ വിശ്വഹിന്ദുപരിഷത്ത് ഭാരവാഹികളുടെ ബൈക്ക് തീവെച്ച് നശിപ്പിച്ചതായി പരാതി.
പൊന്നറമ്പില്‍ നിതീഷിന്റെ ബൈക്കാണ് കത്തിച്ചത്. അയല്‍വാസിയുടെ വീട്ടില്‍ വച്ചിരുന്ന ബൈക്ക് ഇന്ന് രാവിലെ അടുത്തുള്ള ഒഴിഞ്ഞ പറമ്പില്‍ കത്തിച്ച നിലയില്‍ കണ്ടെത്തുകയായിരുന്നു. ഗുരുവായൂര്‍ സി.ഐ.-ഇ.ബാലകൃഷ്ണന്‍, പാവറട്ടി എസ്.ഐ.-പി.ലാല്‍കുമാര്‍, വിരലടയാള വിദഗ്ധര്‍ തുടങ്ങിയവര്‍ സ്ഥലത്തെത്തി പരിശോധന നടത്തി.
തൃശൂര്‍ കൊലപാതകം ഉള്‍പ്പെടെ നിരവധി കേസുകളിലെ പ്രതിയായ ഗുണ്ടാസംഘാംഗം നടത്തറ സ്വദേശി മിഥുന്‍ പത്രോസിനെതിരെ കാപ്പാ ചുമത്തിയ നടപടി ശരിവെച്ചുകൊണ്ട് സര്‍ക്കാര്‍ ഉത്തരവ്.
മിഥുന്‍ പത്രോസിനെ കഴിഞ്ഞമാസമാണ് ഒല്ലൂര്‍ പോലീസ് അറസ്റ്റ് ചെയ്തത്. സര്‍ക്കാര്‍ ഉത്തരവിന്റെ അടിസ്ഥാനത്തില്‍ 6 മാസം കരുതല്‍ തടങ്കലില്‍ പ്രതി കഴിയേണ്ടിവരുമെന്ന് ജില്ലാ പോലീസ് മേധാവി അറിയിച്ചു.
ഇരിങ്ങാലക്കുട കാട്ടൂരില്‍ ഡി.വൈ.എഫ്.ഐ പ്രവര്‍ത്തകരെ കഞ്ചാവ് മാഫിയ ആക്രമിച്ചതായി പരാതി.
ഇന്നലെ രാത്രി എട്ടോടെ കാട്ടൂര്‍ ഗവണ്‍മെന്റ് ആശുപത്രിക്ക് സമീപം അഞ്ചംഗ സംഘമാണ് ആക്രമണം നടത്തിയത്. ആക്രമണത്തില്‍ കാട്ടൂര്‍ എസ്.എന്‍.ഡി.പി സ്വദേശിയും ഡി.വൈ.എഫ്.ഐ യൂണിറ്റ് പ്രസിഡന്റുമായ പണിക്കവീട്ടില്‍ ഷിനു, പൊഞ്ഞനം സ്വദേശി പോടിക്കാട്ട് വീട്ടില്‍ ജിതിന്‍ എന്നിവര്‍ക്ക് പരിക്കേറ്റു. ഇവരെ ഇരിങ്ങാലക്കുട ജനറല്‍ ആശുപത്രിയില്‍ പ്രവേശിപ്പിച്ചു. നിരവധി കഞ്ചാവു കേസുകളില്‍ പ്രതിയായ റജീബ്, മുഹ്ബിന്‍ എന്നിവരാണ് ആക്രമണം നടത്തിയതെന്ന് ഡി.വൈ.എഫ്.ഐ ആരോപിച്ചു.
ഇരിങ്ങാലക്കുട ഓള്‍ കേരള ടൈലറിംഗ് വര്‍ക്കേഴ്‌സ് അസോസിയേഷന്‍ സംസ്ഥാന സമ്മേളനം ഈ മാസം 26ന് ഊരകത്ത് നടക്കുമെന്ന് ഭാരവാഹികള്‍ ഇരിങ്ങാലക്കുടയില്‍ അറിയിച്ചു.
ഗീതാഗോപി എം.എല്‍.എ സമ്മേളനം ഉദ്ഘാടനം ചെയ്യും. ഭാരവാഹികളായ എ.വി.രവീന്ദ്രന്‍, എന്‍.വി.വിജയന്‍, പൗലോസ് പുതുശേരി, പി.കെ.സുരേന്ദ്രന്‍ തുടങ്ങിയവര്‍ വാര്‍ത്താസമ്മേളനത്തില്‍ പങ്കെടുത്തു.
ഇരിങ്ങാലക്കുട കാറളം താണിശേരിയില്‍ അടിസ്ഥാന സൗകര്യങ്ങള്‍ ഒരുക്കാതെ ഇതര സംസ്ഥാന തൊഴിലാളി ക്യാമ്പ് പ്രവര്‍ത്തിക്കുന്നതായി പരാതി.
താണിശേരി കല്ലട ഭഗവതി ക്ഷേത്രത്തിനു സമീപമാണ് സ്വകാര്യ വ്യക്തിയുടെ വര്‍ക്‌ഷോപ്പില്‍ തൊഴിലാളികളെ കൂട്ടമായി താമസിപ്പിക്കുന്നത്. ഗെയില്‍ പൈപ്പ് ലൈന്‍ സ്ഥാപിക്കാനെത്തിയ 300-ഓളം തൊഴിലാളികള്‍ ഇവിടെ താമസിക്കുന്നുണ്ട്. ഇത്രയും തൊഴിലാളികള്‍ക്ക് 6 ശുചിമുറി മാത്രമാണ് ഉടമ നല്‍കിയിരിക്കുന്നത്. സെപ്റ്റിക് അടക്കമുള്ള മാലിന്യങ്ങള്‍ ഒഴുക്കി വിടുന്നത് സമീപത്തെ പാടശേഖരത്തിലേക്കാണ്. കൂടാതെ തൊഴിലാളികള്‍ തുണി കഴുകുന്ന വെള്ളവും മലിനജലവും പുറത്തേക്ക് ഒഴുക്കി വിടുന്നുണ്ട്. നാട്ടുകാരുടെ പരാതിയെ തുടര്‍ന്ന് കാറളം പഞ്ചായത്ത് ആരോഗ്യവിഭാഗം സ്ഥലത്ത് പരിശോധന നടത്തി. ജൂനിയര്‍ ഹെല്‍ത്ത് ഇന്‍സ്‌പെക്ടര്‍ കെ.സി.സന്തോഷിന്റെ നേതൃത്വത്തിലായിരുന്നു പരിശോധന. അടിസ്ഥാന സൗകര്യങ്ങളില്ലാതെയുള്ള തൊഴിലാളി ക്യാമ്പ് സമീപവാസികളില്‍ ആരോഗ്യപ്രശ്‌നങ്ങള്‍ സൃഷ്ടിക്കുമെന്ന് ഉദ്യോഗസ്ഥര്‍ പറഞ്ഞു. പഞ്ചായത്ത് സെക്രട്ടറിക്ക് ഇത് സംബന്ധിച്ച റിപ്പോര്‍ട്ട് ഉടന്‍ സമര്‍പ്പിക്കുമെന്ന് ആരോഗ്യ വിഭാഗം അറിയിച്ചു.
കുന്നംകുളം സര്‍വകക്ഷിയോഗത്തിന്റെ തീരുമാനം ലംഘിച്ച് ഫെസ്റ്റിവല്‍ കോഡിനേഷന്‍ കമ്മിറ്റി നാളെ തൃശൂര്‍ ജില്ലയില്‍ പ്രഖ്യാപിച്ച ഹര്‍ത്താല്‍ അനാവശ്യമാണെന്ന് സി.പി.ഐ ജില്ലാ നേതൃത്വം.
നമ്മുടെ സംസ്‌കാരവും പാരമ്പര്യവും നിലനിര്‍ത്തി ജില്ലയില്‍ ഉത്സവങ്ങള്‍ നടത്തണമെന്നാണ് പാര്‍ട്ടിയുടെ അഭിപ്രായം. ജില്ലാ ഭരണകൂടം ആനയെഴുന്നള്ളിപ്പിനും വെടിക്കെട്ടിനും അനുമതി നല്‍കി സമവായത്തിന് ശ്രമിച്ചിരുന്നുവെന്നു സി.പി.ഐ ജില്ലാ സെക്രട്ടറി കെ.കെ.വത്സരാജ് പറഞ്ഞു.
പുതുക്കാട് അന്തര്‍സംസ്ഥാന ചന്ദന മോഷണ മാഫിയ സംഘത്തില്‍ പെട്ട നാലുപേരെ വെള്ളിക്കുളങ്ങര റേഞ്ച് വനം വകുപ്പ് ഉദ്യോഗസ്ഥര്‍ പിടികൂടി.
മണ്ണാര്‍ക്കാട് കോട്ടോപാടം കൂമഞ്ചേരി സൈഫുദ്ദീന്‍, പുറ്റാനിക്കോട് വള്ളുവന്‍പുഴ മുഹമ്മദ് ആര്‍സല്‍, കല്ലൂര്‍ കരോട്ടില്‍ രഞ്ജിത് എന്ന ഉണ്ണി, കാറളം വെള്ളാനി തെക്കൂട്ട് രാഗേഷ് എന്ന പുഴു രാഗേഷ് എന്നിവരെയാണ് മണ്ണാര്‍ക്കാട് നിന്നു വെള്ളിക്കുളങ്ങര ഫോറസ്റ്റ് റേഞ്ച് ഓഫീസര്‍ ടി.എസ്. മാത്യുവിന്റെ നേതൃത്വത്തിലുള്ള സംഘം പിടികൂടിയത്. കഴിഞ്ഞമാസം ചട്ടികുളം കനകമല ഭാഗത്തുള്ള സംരക്ഷിത വനത്തില്‍ നിന്നു രണ്ട് ചന്ദന മരങ്ങള്‍ മുറിച്ചു കൊണ്ടുപോയ കേസിലാണ് ഇവര്‍ പിടിയിലായത്. പ്രതികളെ നാളെ കോടതിയില്‍ ഹാജരാക്കും.
തൃശൂര്‍ തൃശൂര്‍ റെയില്‍വേ സ്റ്റേഷനില്‍ ഡിജിറ്റലൈസേഷന്‍ നടപ്പാക്കി.
എ-വണ്‍ പദവിയുള്ള തൃശൂര്‍ റെയില്‍വേ സ്റ്റേഷനിലെ ഇടപാടുകള്‍ നോട്ട് നിരോധനത്തിന് ശേഷം ഇന്ന് മുതല്‍ കാഷ്‌ലെസ് ആയി. ഡിജിറ്റലൈസേഷന്‍ നടപ്പിലായതോടെ ഓഫീസിലും പാര്‍സല്‍ ഓഫീസിലുമുള്ള ഇടപാടുകളും കാഷ്‌ലെസായി മാറും.
അന്തിക്കാട് അരിമ്പൂരില്‍ തെരുവ് നായ ഏഴു പേരെ ആക്രമിച്ചു.
നായയെ പിന്നീട് നാട്ടുകാര്‍ തല്ലിക്കൊന്നു. ഇന്ന് ഉച്ചതിരിഞ്ഞ് മൂന്നോടെയാണ് അരിമ്പൂര്‍ തച്ചംപിള്ളിയില്‍ ജനങ്ങളെ പരിഭ്രാന്തിയിലാഴ്ത്തി നായയുടെ ആക്രമണം നടന്നത്. നായയുടെ കടിയേറ്റ അഞ്ച് പേര്‍ തൃശൂര്‍ ഗവണ്‍മെന്റ് മെഡിക്കല്‍ കോളേജില്‍ ചികിത്സ തേടി. രണ്ട് ആട്, പൂച്ച എന്നിവയെയും നായ കടിച്ചിട്ടുണ്ട്. ആക്രമണത്തില്‍ പരിക്കേറ്റ പുത്തൂര്‍ ഡേവീസ്, കാഞ്ഞരത്തിങ്കല്‍ ജോസ്, ചാലിശ്ശേരി മറിയം, പൊന്‍മാണി ജോജു മകന്‍ നാല് വയസ്സുള്ള ഏകലന്‍, വെളുത്തൂര്‍ വില്ലേജ് അസിസ്റ്റന്റ് രജ്ഞിത്ത് എന്നിവരാണ് ആശുപത്രിയില്‍ ചികിത്സ തേടിയത്. നായയ്ക്ക് പേയുള്ളതായി സംശയമുണ്ട്. കടിയേറ്റവരെ ആദ്യം കോര്‍പ്പറേഷന്‍ ജനറല്‍ ആശുപത്രിയില്‍ കൊണ്ട് പോയെങ്കിലും വാക്‌സിന്‍ ഇല്ലാത്തതിനാല്‍ പിന്നീട് തൃശൂര്‍ ഗവണ്‍മെന്റ് മെഡിക്കല്‍ കോളേജിലേയ്ക്ക് മാറ്റാന്‍ നിര്‍ദ്ദേശിക്കുകയായിരുന്നു.
തൃശൂര്‍ വടക്കാഞ്ചേരി എം.എല്‍.എ അനില്‍ അക്കരയുടെ തെരഞ്ഞെടുപ്പ് വിജയം റദ്ദാക്കണമെന്ന് ആവശ്യപ്പെട്ട് എല്‍.ഡി.എഫ് സ്ഥാനാര്‍ത്ഥി മേരി തോമസ് സമര്‍പ്പിച്ച ഹര്‍ജി ഹൈക്കോടതി തള്ളി.
കേരള കാത്തലിക് ബിഷപ്പ് കൗണ്‍സിലിന്റെ ലെറ്റര്‍ പാഡില്‍ തിരിമറി നടത്തി കത്തുണ്ടാക്കി വോട്ടര്‍മാരുടെ ഇടയിലും നവമാധ്യമങ്ങള്‍ വഴിയും പ്രചരിപ്പിച്ചുവെന്നായിരുന്നു അനില്‍ അക്കരക്കെതിരായ ആരോപണം. ജസ്റ്റിസ് ബി.കമാല്‍ പാഷയാണ് കേസ് തള്ളിയത്.
തൃപ്രയാര്‍ ഗുജറാത്തിലെ വഡോദരയില്‍ നടക്കുന്ന ദേശീയ ജൂനിയര്‍ സ്‌കൂള്‍ മീറ്റില്‍ ലോങ്ങ്ജംപില്‍ നാട്ടിക ഫിഷറീസ് സ്‌കൂളിലെ ആന്‍സി സോജന് സ്വര്‍ണം.
5.69 മീറ്റര്‍ ദൂരം ചാടിയാണ് ആന്‍സി സോജന്‍ സ്വര്‍ണം നേടിയത്. കഴിഞ്ഞ ദിവസം നടന്ന ഡിസ്‌കസ് ത്രോയില്‍ ഫിഷറീസ് സ്‌കൂളിലെ പി.എ.അതുല്യയ്ക്ക് വെങ്കലം ലഭിച്ചിരുന്നു. വ്യാഴാഴ്ച നടക്കുന്ന 200 മീറ്റര്‍, 100 മീറ്റര്‍ റിലേ ഫൈനല്‍ മത്സരങ്ങളിലും ആന്‍സി സോജന്‍ മത്സരിക്കുന്നുണ്ട്
ഇരിങ്ങാലക്കുട ഇരിങ്ങാലക്കുട ശ്രീ കൂടല്‍മാണിക്യം ക്ഷേത്രത്തിനു ചുറ്റുമുള്ള കെട്ടിയടച്ച വഴികള്‍ പട്ടികജാതി വര്‍ഗ കമ്മീഷന്‍ ചെയര്‍മാന്‍ വിജയകുമാര്‍ സന്ദര്‍ശിച്ചു.
പൊതുപ്രവര്‍ത്തകയായ കെ.ആര്‍.തങ്കമ്മ നല്‍കിയ പരാതിയിലാണ് പട്ടികജാതി വര്‍ഗ കമ്മീഷന്‍ ചെയര്‍മാന്‍ തെളിവെടുപ്പ് നടത്തിയത്. തെളിവെടുപ്പിനിടെ ഇരിങ്ങാലക്കുട എ.എസ്.പിയെ ചെയര്‍മാന്‍ രൂക്ഷമായി വിമര്‍ശിച്ചു. ദിവസങ്ങള്‍ക്ക് മുമ്പ് നോട്ടീസ് നല്‍കിയിട്ടും തെളിവെടുപ്പില്‍ പങ്കെടുക്കാത്തതിനാലാണ് വിമര്‍ശനം ഉണ്ടായത്. എ.എസ്.പിയുടെ ഐ.പി.എസ്. പദവി പരിശോധനയ്ക്ക് വിധേയമാക്കേണ്ടി വരുമെന്ന് കമ്മീഷന്‍ പറഞ്ഞു. പത്ത് ദിവസത്തിനകം തന്റെ ഓഫീലെത്തി വിശദീകരണം നല്‍കാനും എ.എസ്.പിയോട് ചെയര്‍മാന്‍ ഉത്തരവിട്ടു. കൂടല്‍മാണിക്യം ദേവസ്വം അഡ്മിനിസ്‌ട്രേറ്റര്‍, മുന്‍സിപ്പല്‍ സെക്രട്ടറി തുടങ്ങിയവരോട് ഈ ഭാഗത്ത പഴയകാല രേഖകള്‍ ഹാജരാക്കാന്‍ കമ്മീഷന്‍ നിര്‍ദ്ദേശിച്ചു. കൂടുതല്‍ പരാതിയുള്ളവര്‍ക്ക് പോസ്റ്റല്‍ വഴി പരാതികള്‍ അയക്കാമെന്നും കമ്മീഷന്‍ വ്യക്തമാക്കി. നൂറോളം പട്ടികജാതി- പട്ടികവര്‍ഗ കുടുംബങ്ങള്‍ ഈ മേഖലയില്‍ താമസിക്കുന്നുണ്ടെന്ന് പരാതിക്കാരിയായ കെ.ആര്‍.തങ്കമ്മ കമ്മീഷനോട് പറഞ്ഞു. ക്ഷേത്രത്തിനു ചുറ്റുമുള്ള വഴി അടച്ചു കെട്ടിയതു മൂലം സഞ്ചാര സ്വാതന്ത്ര്യം നിഷേധിച്ചിരിക്കുകയാണെന്നും കമ്മീഷന്‍ മുമ്പാകെ നാട്ടുകാര്‍ പരാതി ഉന്നയിച്ചു. പരാതികള്‍ പരിശോധിച്ച ശേഷം ഈ കാര്യത്തില്‍ ആവശ്യമായ നടപടി സ്വീകരിക്കുമെന്ന് കമ്മീഷന്‍ ചെയര്‍മാന്‍ അറിയിച്ചു.
ഗുരുവായൂര്‍ നിരവധി ബൈക്ക് മോഷണ കേസുകളിലെ പ്രതിയെ ഗുരുവായൂര്‍ ടെമ്പിള്‍ പോലീസ് അറസ്റ്റ് ചെയ്തു.
കുന്നംകുളം ചിറ്റഞ്ഞൂര്‍ തേറോപ്പിള്ളിവീട്ടില്‍ കൂറാച്ചി എന്ന അനൂപിനെയാണ് ടെമ്പിള്‍ സി.ഐ. -എന്‍.രാജേഷ്‌കുമാറിന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. ദേവസ്വം പാഞ്ചജന്യം ഗസ്റ്റ് ഹൗസില്‍ നിന്നും വടക്കേനടയില്‍ നിന്നും പ്രതി രണ്ട് ബൈക്കുകള്‍ മോഷ്ടിച്ചിരുന്നു. പാഞ്ചജന്യത്തില്‍ നിന്ന് ബൈക്ക് മോഷ്ടിക്കുന്നതിന്റെ ദൃശ്യങ്ങള്‍ സി.സി.ടി.വി കാമറയില്‍ പതിഞ്ഞിരുന്നു. ഇതേ തുടര്‍ന്ന് ജില്ല പോലീസ് മേധാവി ടി.നാരായണന്‍, ഗുരുവായൂര്‍ എ.സി.പി. -പി.എ.ശിവദാസന്‍ എന്നിവരുടെ നിര്‍ദ്ദേശ പ്രകാരം ഷാഡോ പോലീസിന്റെ സഹായത്തോടെ നടത്തിയ അന്വേഷണത്തില്‍ മമ്മിയൂര്‍ എല്‍.എഫ്.കോണ്‍വെന്റിന് സമീപത്ത് നിന്നാണ് പ്രതി പിടിയിലാകുന്നത്. പ്രതിയില്‍ നിന്ന് അഞ്ച് ബൈക്കുകളും പോലീസ് കണ്ടെടുത്തു. മോഷണകേസില്‍ പിടിയിലായി ജയിലായിരുന്ന പ്രതി കഴിഞ്ഞ വര്‍ഷം ജാമ്യത്തിലിറങ്ങി തൃശൂര്‍-കുന്നംകുളം-പൊന്നാനി റൂട്ടില്‍ സ്വകര്യ ബസ്സില്‍ ജോലി നോക്കുകയായിരുന്നു. ടെമ്പിള്‍ എസ്.ഐ. -സുരേന്ദ്രന്‍ മുല്ലശേരി, ഷാഡോ പോലീസ് എസ്.ഐമാരായ എം.പി. ഡേവിസ്, വി.കെ.അന്‍സാര്‍ എന്നിവരുടെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
തൃപ്രയാര്‍ തൃപ്രയാറില്‍ രണ്ടുനില കെട്ടിടത്തിലെ സ്ഥാപനത്തിന്റെ തറയില്‍ വിരിച്ചിരുന്ന ടൈലുകള്‍ കൂട്ടത്തോടെ തകര്‍ന്നത് ഭീതിക്കിടയാക്കി.
തൃപ്രയാര്‍ സെന്ററില്‍ ക്ഷേത്രം കവാടത്തിന് തെക്ക് ഭാഗത്ത് പ്രവാസി ടൂര്‍സ് ആന്റ് ട്രാവല്‍സ് എന്ന സ്ഥാപനത്തില്‍ ഇന്ന് രാവിലെ പത്തേകാലോടെയാണ് സംഭവം. ഉപ്പത്ത് ബില്‍ഡിങ്ങില്‍ രണ്ടാം നിലയിലാണ് സ്ഥാപനം പ്രവര്‍ത്തിച്ചിരുന്നത്. സ്ഥാപനത്തിന്റെ എം.ഡി.- കെ.ജി ശേഖറിന്റെ നേതൃത്വത്തില്‍ ജീവനക്കാരുടെ യോഗം തുടങ്ങിയതിന് തൊട്ടുപിന്നാലെയാണ് സംഭവം. വലിയ ശബ്ദത്തോടെ തറയിലെ ടൈലുകള്‍ കൂട്ടത്തോടെ തകരുകയായിരുന്നു.വലിയ ശബ്ദമായതിനാല്‍ ഭൂകമ്പമെന്ന് കരുതി സ്ഥാപനത്തിന്റെ എം.ഡിയും, ഇരുപതോളം ജീവനക്കാരും സ്ഥാപനത്തിന് പുറത്തേക്ക് ഓടുകയായിരുന്നു. 38 ടൈലുകളാണ് കൂട്ടത്തോടെ തകര്‍ന്നത്. ടൈലുകള്‍ തറയില്‍ നിന്ന് ഒരേസമയം മുകളിലേക്ക് പൊന്തിവന്നാണ് തകര്‍ന്നത്. ടൈലുകള്‍ക്ക് സമീപത്തെ ചുമര്‍ വിണ്ടുകീറിയിട്ടുണ്ട്. അതേസമയം കെട്ടിടത്തിലെ മറ്റിടങ്ങളില്‍ ഇത്തരം അനുഭവം ഉണ്ടായിട്ടില്ല.
പുതുക്കാട് ചെള്ള് കുത്തി നശിപ്പിച്ച പയര്‍ വിത്തുകള്‍ വരന്തരപ്പിള്ളി കൃഷി ഭവനില്‍ നിന്നു കര്‍ഷകര്‍ക്ക് വിതരണം ചെയ്തു. ഉപ്പുഴി, കരയാംപാടം, മുപ്ലിയം പാടശേഖരങ്ങളിലേക്ക് വിതരണം ചെയ്ത പയര്‍ വിത്തുകളാണ് ഉപയോഗിക്കാന്‍ കഴിയാത്ത നിലയിലായത്.
പാലക്കാട് നാഷ്ണല്‍ സീഡ് അതോറിറ്റിയില്‍ നിന്നാണ് പയര്‍ വിത്തുകള്‍ എത്തിച്ചത്. ഉപ്പുഴി പാടശേഖരത്തിലെ അറുപത് ഏക്കര്‍ സ്ഥലത്ത് കൃഷി ചെയ്യുന്നതിനായി കൊണ്ടുവന്ന വിത്തുകള്‍ പൂര്‍ണ്ണമായും ചെള്ളുകുത്തി നശിച്ച നിലയിലാണ്. ഉപ്പുഴി പാടശേഖരത്തിലെ കര്‍ഷകര്‍ക്ക് മാത്രമായി 160 കിലോ വിത്താണ് കൃഷിഭവന്‍ വഴി എത്തിച്ചത്.ഒരു കിലോ വിത്തിന് 95 രൂപയും കര്‍ഷകരില്‍ നിന്ന് വാങ്ങിയിരുന്നു. സമീപത്തുള്ള പാടശേഖര സമിതികളും സമാനമായ രീതിയില്‍ പയര്‍ വിത്തുകള്‍ വാങ്ങിയിട്ടുണ്ട്. നാല്‍പ്പത് കിലോ വീതമുള്ള ചാക്കുകളിലായാണ് വിത്തുകള്‍ എത്തിച്ചിരിക്കുന്നത്. പല കര്‍ഷകരും ഈ വിത്തുകള്‍ കൃഷി ഇറക്കിയിട്ടുണ്ട്. വിത്തുകള്‍ ഉപയോഗിക്കാന്‍ കഴിയാതെ വന്നതോടെ തിരിച്ചെടുക്കണമെന്നാവശ്യപ്പെട്ട് ഉപ്പുഴി പാടശേഖര സമിതി സെക്രട്ടറി ടി.കെ.സുബ്രന്‍, കൃഷി ഓഫീസര്‍ക്ക് കഴിഞ്ഞ ദിവസം പരാതി നല്‍കി.ഇതേ തുടര്‍ന്ന് കൃഷി ഓഫീസറുടെ നിര്‍ദേശപ്രകാരം സീഡ് അതോറിറ്റിയില്‍ നിന്ന് ഉദ്യോഗസ്ഥര്‍ പാടശേഖരത്തിലെത്തി വിത്തുകള്‍ പരിശോധിച്ചു. വിത്തുകള്‍ മാറ്റി നല്‍കാന്‍ കഴിയില്ലെന്ന നിലപാടിലാണ് അധികൃതര്‍. എന്നാല്‍ ഒരാഴ്ചക്കുള്ളില്‍ പുതിയ വിത്തുകള്‍ നല്‍കുകയോ അല്ലെങ്കില്‍ പണം തിരിച്ചുനല്‍കുകയോ ചെയ്യണമെന്ന നിലപാടിലാണ് കര്‍ഷകര്‍.സംഭവവുമായി ബന്ധപ്പെട്ട് പാടശേഖര സമിതികള്‍ കൃഷിഭവനില്‍ പരാതി നല്‍കി.
കയ്പമംഗലം എടത്തിരുത്തി ഗ്രാമപഞ്ചായത്തിലെ വാര്‍ഷിക പദ്ധതികള്‍ തയ്യാറാക്കുന്നതിനായി വര്‍ക്കിംഗ് ഗ്രൂപ്പ് യോഗം ചേര്‍ന്നു.
പഞ്ചായത്ത് പ്രസിഡന്റ് ബൈന പ്രദീപ് ഉദ്ഘാടനം ചെയ്തു. വൈസ് പ്രസിഡന്റ് എ.വി.സതീഷ് അധ്യക്ഷത വഹിച്ചു. പഞ്ചായത്ത് സെക്രട്ടറി പി.വൈ.സാജിത പദ്ധതി അവതരണം നടത്തി. ആസൂത്രണ സമിതി വൈസ് ചെയര്‍മാന്‍ അഡ്വ. വി.കെ.ജ്യോതി പ്രകാശ്, പഞ്ചായത്ത് വിവിധ സ്റ്റാന്റിംഗ് കമ്മിറ്റി അധ്യക്ഷരായ ഗീത മോഹന്‍ദാസ്, ടി.വി.മനോഹരന്‍ എന്നിവര്‍ സംസാരിച്ചു.
കൊടുങ്ങല്ലൂര്‍ ജനമൈത്രി പോലീസ് സുരക്ഷാ പദ്ധതിയുടെ ഭാഗമായി രണ്ട് പെണ്‍കുട്ടികളടങ്ങിയ കുടുംബത്തിന് സ്വന്തമായി ഭൂമി നല്‍കി.
ഭൂമിയുടെ ഉടമസ്ഥാവകാശ രേഖ കൈമാറുന്ന ചടങ്ങ് അഡ്വ.വി.ആര്‍.സുനില്‍കുമാര്‍ എം.എല്‍.എ ഉദ്ഘാടനം ചെയ്തു. ഇ.ടി.ടൈസണ്‍ എം.എല്‍.എ അധ്യക്ഷത വഹിച്ചു. റൂറല്‍ എസ്.പി-എന്‍.വിജയകുമാര്‍ ഭൂമിയുടെ രേഖ കൈമാറി. സി.ഐ.-പി.സി.ബിജുകുമാര്‍, എസ്.ഐ.-ഇ.ആര്‍.ബൈജു, ഡോ.അബ്ദുള്‍ മജീദ് എന്നിവര്‍ പങ്കെടുത്തു.
മാള മാള എസ്.ഐ.ആയി ഇതിഹാസ് താഹ ചുമതലയേറ്റു.
എസ്.ഐ.ആയിരുന്ന കെ.ശ്രീജിത്ത് സ്ഥലം മാറിയ ഒഴിവിലേക്കാണ് ഇതിഹാസ് താഹ ചുമതലയേറ്റത്.
തൃശൂര്‍ ഇന്‍ഡോറില്‍ നടന്ന മിസ്റ്റര്‍ ഇന്ത്യ മത്സരത്തില്‍ 60 കിലോ വിഭാഗത്തില്‍ രണ്ടാം സ്ഥാനം നേടിയ അഖില്‍ ഗോപിക്കും സംഘത്തിനും തൃശൂര്‍ റെയില്‍വേ സ്റ്റേഷനില്‍ സ്വീകരണം നല്‍കി.
ബോഡി ബില്‍ഡിംഗ് ആന്റ് ഫിറ്റ്‌നസ് അസോസിയേഷന്‍ ഓഫ് തൃശൂരിന്റെ നേതൃത്വത്തിലാണ് സ്വീകരണം നല്‍കിയത്. ടി.വി.പോളി, എ.പി.ജോഷി, ടി.ടി.ജെയിംസ് എന്നിവര്‍ സംസാരിച്ചു.
കൊടുങ്ങല്ലൂര്‍ കൊടുങ്ങല്ലൂര്‍ നഗരസഭാ സാക്ഷരതാ മിഷന്റെ ആഭിമുഖ്യത്തില്‍ മാതൃഭാഷാ ദിനാചരണത്തിന്റെ ഭാഗമായി ഗുണഭോക്തൃ സംഗമവും സെമിനാറും സംഘടിപ്പിച്ചു.
നഗരസഭാ ചെയര്‍മാന്‍ സി.സി.വിപിന്‍ചന്ദ്രന്‍ ഉദ്ഘാടനം ചെയ്തു. ആരോഗ്യ സ്റ്റാന്റിംഗ് കമ്മിറ്റി ചെയര്‍മാന്‍ പി.എന്‍.രാമദാസ്, ഷീല രാജേഷ്, ലത ശശി എന്നിവര്‍ സംസാരിച്ചു.
തൃശൂര്‍ പൂത്തറയ്ക്കല്‍ വിവേകാനന്ദ സേവാ സമിതിയുടെ ആഭിമുഖ്യത്തില്‍ 'പരീക്ഷയെഴുതുന്ന വിദ്യാര്‍ത്ഥികള്‍ക്ക് ബോധവല്‍ക്കരണ ക്ലാസ് നടത്തി.
മുന്‍ എസ്.ഐ.-വാസുദേവന്‍ ഉദ്ഘാടനം ചെയ്തു. കെ.പി.ഗോപാലകൃഷ്ണന്‍ അധ്യക്ഷനായിരുന്നു. റെജീന ഡേവീസ് ക്ലാസ് നയിച്ചു. കുളത്തില്‍ വീണ അമ്മയേയും കുട്ടിയേയും രക്ഷപ്പെടുത്തിയ 4 വിദ്യാര്‍ത്ഥികളേയും സംസ്ഥാന സ്‌കൂള്‍ കലോത്സവത്തിലേയും കായികമേളയിലേയും പ്രതിഭകളെയും ചടങ്ങില്‍ ആദരിച്ചു. സിസ്റ്റര്‍ ഷെബി ചാലയ്ക്കല്‍, സേവാസമിതി പ്രസിഡന്റ് ധനേഷ്, സെക്രട്ടറി അഭിജിത്ത് എന്നിവര്‍ സംസാരിച്ചു.
തൃശൂര്‍ തട്ടിക്കൊണ്ടുപോയി ആക്രമിക്കപ്പെട്ട യുവനടിക്ക് ഐക്യദാര്‍ഢ്യം പ്രഖ്യാപിച്ച് കോര്‍പ്പറേഷന്‍ കൗണ്‍സിലര്‍ ജോണ്‍ ഡാനിയേല്‍ തൃശൂരില്‍ ഉപവാസം നടത്തി.
പാട്ടുരായക്കല്‍ സെന്ററില്‍ നടന്ന ഉപവാസം എഴുത്തുകാരി പാര്‍വ്വതി പവനന്‍ ഉദ്ഘാടനം ചെയ്തു. സിനിമാ - സീരിയല്‍ നടന്‍ ലിഷോയ്, ചലച്ചിത്ര നടി ലിയോണ ലിഷോയ്, കൗണ്‍സിലര്‍ സുബി ബാബു, യൂത്ത് കോണ്‍ഗ്രസ് നേതാവ് സുനില്‍ ലാലൂര്‍ എന്നിവര്‍ സംസാരിച്ചു.
എരുമപ്പെട്ടി പാഴിയോട്ടുമുറിയില്‍ റോഡിലേക്ക് തള്ളി നില്‍ക്കുന്ന സ്ലാബുകള്‍ അപകടങ്ങള്‍ക്ക് ഇടയാക്കുന്നു.
കടങ്ങോട് ശുദ്ധജല വിതരണ പദ്ധതിയുടെ പൈപ്പ് ലൈയിന്റെ മുകളില്‍ സ്ഥാപിച്ചിരിക്കുന്ന സ്ലാബുകളാണ് വാഹനങ്ങളെ അപകടത്തിലാക്കുന്നത്. ഇറക്കമിറങ്ങി വരുന്ന വാഹനങ്ങള്‍ വളവില്‍ എതിരെയുള്ള വാഹനങ്ങള്‍ക്ക് വശം ഒതുക്കി കൊടുക്കുമ്പോള്‍ ചക്രങ്ങള്‍ സ്ലാബില്‍ അപ്രതീക്ഷിതമായി ഇടിച്ചും കയറിയും നിയന്ത്രണം നഷ്ടപ്പെടുന്നതാണ് അപകടങ്ങള്‍ ഉണ്ടാകാന്‍ ഇടയാക്കുന്നത്. അശാസ്ത്രീയമായി റോഡിനോട് ചേര്‍ന്ന് നിര്‍മ്മിച്ചിരിക്കുന്ന സ്ലാബുകള്‍ എടുത്ത് മാറ്റണമെന്ന് ആവശ്യപ്പെട്ട് പൊതുമരാമത്ത്, ജലവിതരണ വകുപ്പുകളില്‍ നിരവധി തവണ നിവേദനം നല്‍കിയിട്ടും അധികൃതര്‍ ഇത് കണ്ടില്ലെന്ന് നടിക്കുകയാണെന്ന് നാട്ടുകാര്‍ പറഞ്ഞു.
കുന്നംകുളം കുന്നംകുളം തലക്കോട്ടുക്കര മഹാദേവ ക്ഷേത്രത്തില്‍ ക്ഷേത്ര ക്ഷേമ സമിതി നിര്‍മ്മിച്ച് നല്‍കിയ ക്ഷേത്രഗോപുര കവാടത്തിന്റെ താഴികക്കുടം സമര്‍പ്പിച്ചു.
മേല്‍ശാന്തി നാരായണന്‍ നമ്പൂതിരിയുടെ മുഖ്യകാര്‍മികത്വത്തിലാണ് സമര്‍പ്പണം നടന്നത്. നാളെ വൈകീട്ട് ദേവസ്വം വുകുപ്പ് മന്ത്രി കടകംപളളി സുരേന്ദ്രന്‍ കിഴക്കേ പ്രവേശന കവാടത്തിന്റെ സമര്‍പ്പണം നിര്‍വഹിക്കും. കവാടം രൂപകല്‍പ്പന ചെയ്ത കാണിപ്പയ്യൂര്‍ കൃഷ്ണന്‍ നമ്പൂതിരിപ്പാടിനേയും തന്ത്രി വടക്കേടത്ത് നാരായണന്‍ നമ്പൂതിരിപ്പാടിനെയും മേല്‍ശാന്തി നാരായണന്‍ നമ്പൂതിരിയേയും ആദരിക്കും. ക്ഷേത്ര ക്ഷേമ സമിതി പ്രസിഡണ്ട് ജി.ഗോപകുമാര്‍ അധ്യക്ഷത വഹിക്കും.
തൃശൂര്‍ പാമ്പാടി നെഹറു എന്‍ജിനീയറിങ്ങ് കോളേജിലെ വിദ്യാര്‍ത്ഥി ജിഷ്ണു പ്രണോയിയുടെ മരണവുമായി ബന്ധപ്പെട്ട് കേസിലെ രണ്ടാ പ്രതിയുടെ ജാമ്യാപേക്ഷ പരിഗണിക്കുന്നത് ശനിയാഴ്ചത്തേക്ക് മാറ്റി.
കേസിലെ രണ്ടാ പ്രതിയും, പി.ആര്‍.ഒയുമായ സഞ്ജിത്ത് വിശ്വന്നാഥന്റെ മുന്‍കൂര്‍ ജാമ്യപേക്ഷ പരിഗണിക്കുന്നതാണ് തൃശൂര്‍ ജില്ലാ സെഷന്‍സ് കോടതി ശനിയാഴ്ചത്തേക്ക് മാറ്റിയത്. ശനിയാഴ്ച കേസ് ഡയറി ഹാജരാക്കാനും കോടതി ഉത്തരവിട്ടു. അതേസമയം കേസിലെ ഒന്നാം പ്രതിയും കോളേജ് ചെയര്‍മാനുമായ പി. കൃഷ്ണദാസിന്റെ മുന്‍കൂര്‍ ജാമ്യപേക്ഷ ഹൈക്കോടതി നാളെ പരിഗണിക്കും. ഇതേസമയം ജിഷ്ണു കേസില്‍ പ്രമുഖ അഭിഭാഷകനായ സി.പി ഉദയഭാനുവിനെ സ്‌പെഷല്‍ പ്രോസിക്യൂട്ടറായി സര്‍ക്കാര്‍ നിയമിച്ചു. മുഖ്യമന്ത്രി പിണറായി വിജയന്‍ ഫേസ് ബുക്കിലൂടെയാണ് ഇക്കാര്യം പുറത്ത് വിട്ടത്. കേസ് അന്വേഷണത്തിലും, നടത്തിപ്പിലും സര്‍ക്കാര്‍ കൃത്യമായ ജാഗ്രതപുലര്‍ത്തുമെന്നും മുഖ്യമന്ത്രി വ്യക്തമാക്കി.
തൃശൂര്‍ ചലിച്ചിത്ര നടിയെ കാറില്‍ തട്ടിക്കൊണ്ടുപോയി ആക്രമിച്ച സംഭവത്തില്‍ മുഖ്യപ്രതിയായ പള്‍സര്‍ സുനിക്ക് വേണ്ടി തൃശൂരിലും തെരച്ചില്‍.
പള്‍സര്‍ സുനി തൃശൂര്‍ ജില്ലാ സെഷന്‍സ് കോടതിയില്‍ കീഴടങ്ങിയേക്കുമെന്ന് സൂചന ലഭിച്ചതിന്റെ അടിസ്ഥാനത്തിലാണ് അയ്യന്തോള്‍ കോടതി പരിസരത്തും മറ്റും തെരച്ചില്‍ നടത്തിയത്. കോടതി വളപ്പിലും പരിസര പ്രദേശങ്ങളിലും മഫ്തിയില്‍ പോലിസിനെ വിന്യസിക്കുകയും ചെയ്തിട്ടുണ്ട്.
തൃശൂര്‍ ബാങ്കുകള്‍ തുടര്‍ച്ചയായി 3 ദിവസം അവധിയിലേക്ക്.
ശിവരാത്രി, നാലാം ശനി, ഞായര്‍ എന്നിവ മൂലം 24, 25, 26 എന്നീ 3 ദിവസം ബാങ്കുകള്‍ അവധിയാകും. നാളെ ഹര്‍ത്താലാണെങ്കില്‍ തൃശൂര്‍ ജില്ലയില്‍ 4 ദിവസം തുടര്‍ച്ചയായ അവധി വരും. ഇതേ സമയം ഈമാസം 28ന് ചൊവ്വാഴ്ച ബാങ്ക് ജീവനക്കാര്‍ അഖിലേന്ത്യ പണിമുടക്ക് പ്രഖ്യാപിച്ചിട്ടുണ്ട്.
തൃശൂര്‍ തൃശൂര്‍ നഗരത്തില്‍ കോഫി ഷോപ്പിന് തീപിടിച്ചു.
ലക്ഷങ്ങളുടെ നഷ്ടം കണകാക്കുന്നു. പടിഞ്ഞാറോകോട്ട ഫ്രണ്ടസ് ബര്‍ഗര്‍ ഷോപ്പിലാണ് ഇന്നു പുലര്‍ച്ചെ തീപിടിത്തമുണ്ടായത്. കോഫി ഷോപ്പിലെ ഫര്‍ണീച്ചറും, ഇലക്‌ട്രോണിക്‌സ് സാധനങ്ങളും പൂര്‍ണ്ണമായി കത്തി നശിച്ചു. രണ്ട് യൂണിറ്റ് ഫയര്‍ഫോഴസ് എത്തിയാണ് തീയണച്ചത്. സമീപത്ത് തീപ്പെട്ടി ഉപേക്ഷിക്കപെട്ട നിലയില്‍ കണ്ടെത്തെയതില്‍ ദുരൂഹത ഉണ്ടെന്ന് പോലീസ് പറഞ്ഞു.
തൃശൂര്‍ ശ്രീ വടക്കുന്നാഥ ക്ഷേത്രത്തിലെ ശിവരാത്രി മഹോത്സവത്തോടനുബന്ധിച്ച് ശങ്കരനാരായണന് ലക്ഷാര്‍ച്ചന നടന്നു.
തുടര്‍ന്ന് ശ്രീരാമന് ലക്ഷാര്‍ച്ചനയും അദിശങ്കരന് സഹസ്രാര്‍ച്ചനയും കലശപ്രദക്ഷിണം, അഭിഷേകം എന്നീ ചടങ്ങുകളുമുണ്ടായി. പുലിയന്നൂര്‍ ശങ്കരനാരായണന്‍ നമ്പൂതിരി കാര്‍മ്മികത്വം വഹിച്ചു. നാളെ രാവിലെ വടക്കുന്നാഥന് ലക്ഷാര്‍ച്ചന നടക്കും. വൈകീട്ട് ശിവ സഹസ്രനാമ സമൂഹാര്‍ച്ചനയും ഉണ്ടാകും. ശിവരാത്രി ആഘോഷങ്ങളുടെ ഭാഗമായുള്ള നൃത്ത സംഗീതോത്സവത്തില്‍ ഇന്ന് വൈകീട്ട് ആര്‍.എല്‍.വി. ജോളി മാത്യുവിന്റെ മോഹിനിയാട്ടം, ദേവിക സജീവന്റെ ഭരതനാട്യം എന്നിവ അരങ്ങേറും. തുടര്‍ന്ന് രഞ്ജിനി, ഗായത്രി എന്നിവര്‍ അവതരിപ്പിക്കുന്ന സംഗീത കച്ചേരി നടക്കും.
ചേലക്കര തിരുവില്വാമല വില്വാദ്രിനാഥ ക്ഷേത്രത്തില്‍ ഏകാദശി ആഘോഷിച്ചു.
ക്ഷേത്രത്തിനകത്തു പാലപ്പുറം സ്മിത നമ്പ്യാര്‍ അവതരിപ്പിച്ച നങ്യാര്‍കൂത്ത് നടന്നു. തുടര്‍ന്ന് വില്വാദ്രിനാഥ സംഗീതോത്സവം അരങ്ങേറി. ത്യാഗരാജ പഞ്ചരത്‌ന കീര്‍ത്തനാലാപനം രാഗരത്‌നം മണ്ണൂര്‍ രാജകുമാരനുണ്ണി, ലൈല രാജകുമാരനുണ്ണി, പ്രിയ വേങ്ങശ്ശേരി എന്നിവര്‍ നയിച്ചു. ഭക്തര്‍ക്ക് ദേവസ്വം ജീവനക്കാര്‍ അന്നദാനം ഒരുക്കിയിരുന്നു. നൃത്തനൃത്യങ്ങള്‍, ഓട്ടന്‍തുള്ളല്‍ എന്നിവയും ഉണ്ടായി. വൈകീട്ട് വിളക്കുവെപ്പ്, ദീപാരാധന, നാഗസ്വരം, സിനിമാതാരം മഞ്ജു വാര്യര്‍ അവതരിപ്പിക്കുന്ന കുച്ചിപ്പുടി, രാത്രി 12ന് ഇരട്ടത്തായമ്പക, ശീവേലി, വിളക്കാചാരം എന്നിവ നടക്കും. നാളെ രാവിലെ നടക്കുന്ന ദ്വാദശി ഊട്ടോടെ ഏകാദശി ആഘോഷങ്ങള്‍ക്ക് സമാപനമാകും.
ചേലക്കര തിരുവില്വാമല വില്വാദ്രിനാഥ ക്ഷേത്രത്തില്‍ ഏകാദശി ദിവസം പതിവുപോലെ രാമനെ വണങ്ങാന്‍ കുംഭാര സേവകരെത്തി.
കേരളത്തിനകത്തുനിന്നും തമിഴ്‌നാട്ടില്‍ നിന്നുമുള്ള കുംഭാര സേവകര്‍ ചെറു സംഘങ്ങളായി വില്വാമലയിലെത്തി. ഉടുക്കുകൊട്ടു പാട്ടും പാടി ക്ഷേത്രത്തിനെ വലം വച്ചു. ഹനുമാന്റെ ലങ്കാദഹനത്തെ അനുസ്മരിപ്പിക്കുന്ന ചടങ്ങുകള്‍ നടന്നു. തുടര്‍ന്ന് നാലമ്പലത്തിനകത്തു ഇവര്‍ കൊണ്ടുവന്ന സാധനങ്ങള്‍ പൂജിച്ചു മടങ്ങി.
തൃശൂര്‍ ക്രൈസ്തവ യുവജന സംഘടനയായ പി.വൈ.പി.എ.യുടെ ആഭിമുഖ്യത്തില്‍ സംഘടിപ്പിക്കുന്ന ക്രിസ്ത്രീയ സംഗീത നിശ ഈ മാസം 25ന് പറവട്ടാനിയില്‍ നടക്കുമെന്ന് ഭാരവാഹികള്‍ തൃശൂരില്‍ വാര്‍ത്താസമ്മേളനത്തില്‍ അറിയിച്ചു.
ലോകപ്രശസ്തനായ സംഗീതജ്ഞന്‍ ഡോ.ബ്ലെസന്‍ മേമ്മനയും സംഘവും നയിക്കുന്ന സംഗീത വിരുന്ന് പറവട്ടാനി കോര്‍പ്പറേഷന്‍ സ്റ്റേഡിയത്തില്‍ വൈകീട്ട് 6ന് ആരംഭിക്കും. മീഡിയ കണ്‍വീനര്‍ ടോണി ഡി.ചെവ്വൂക്കാരന്‍, പാസ്റ്റര്‍മാരായ എ.കെ.പൗലോസ്, സി.കെ.സുഭീഷ്, തോമസ് ജോണ്‍ തുടങ്ങിയവര്‍ വാര്‍ത്താസമ്മേളനത്തില്‍ പങ്കെടുത്തു.
തൃശൂര്‍ കൊയ്‌തൊഴിഞ്ഞ പാടത്തേക്ക് ലക്ഷക്കണക്കിന് ലിറ്റര്‍ ശുദ്ധജലം ഒഴുക്കിവിട്ട് വാരിയംകോള്‍പടവ് പാടശേഖരസമിതി താറാവ്കൃഷിക്ക് വഴിയൊരുക്കിയത് പ്രതിഷേധത്തിനിടയാക്കി.
ഒരു പൂമാത്രം കൃഷിയുള്ള പാടത്തേക്ക് കൊയ്ത്തുകഴിഞ്ഞാല്‍ വെള്ളം ഒഴുക്കിവിടരുതെന്ന കൃഷിവകുപ്പിന്റേയും ജില്ലാ കളക്ടറുടേയും കര്‍ശന നിര്‍ദ്ദേശത്തെ അവഗണിച്ചാണ് പാടശേഖരസമിതിയുടെ ഈ നടപടി. കഴിഞ്ഞ പത്ത് ദിവസമായി 153 ഏക്കറോളം വരുന്ന കോള്‍പാടത്തേക്ക് ചിമ്മിനിഡാമില്‍ നിന്നു വരുന്ന ലക്ഷക്കണക്കിന് ലിറ്റര്‍ കുടിവെള്ളം പത്തോളം ഓവുകളിലൂടെയാണ് പാടത്തേക്ക് തുറന്നുവിട്ടത്. 50,000 രൂപ വാങ്ങി താറാവ് കൃഷിക്ക് പാടശേഖരസമിതി അനുമതി നല്‍കിയിരുന്നു. താറാവിന് നീന്താനാണെങ്കില്‍ പോലും ചാലിലോ കൈത്തോടുകളിലോ കുറച്ച് വെള്ളം ഉപയോഗിക്കേണ്ടതിന് പകരമാണ് കോള്‍പാടം മുഴുവന്‍ വെള്ളത്തില്‍ മുക്കിയിട്ടിരിക്കുന്നതെന്നാണ് ആരോപണം
കുന്നംകുളം കേച്ചേരിയില്‍ കുടുംബവഴക്കിനെ തുടര്‍ന്ന് ഭാര്യയുടെ ദേഹത്തേക്ക് മണ്ണെണ്ണയൊഴിച്ചു കത്തിക്കാന്‍ ശ്രമം.
ഭര്‍ത്താവുള്‍പ്പെടെ നാലു പേര്‍ക്ക് പൊള്ളലേറ്റു. കേച്ചേരി മണലി മുസ്ലീം പള്ളിക്ക് സമീപം അമ്പലത്ത് വീട്ടില്‍ ഉമ്മറാണ് ഭാര്യ സീനയെ ദേഹത്ത് മണ്ണെണ്ണയൊഴിച്ചു കത്തിക്കാന്‍ ശ്രമിച്ചത്. ഇന്നു പുലര്‍ച്ചെ രണ്ടോടെയായിരുന്നു സംഭവം. കുടുംബവഴക്കിനെ തുടര്‍ന്നാണ് സീനയെ കൊലപ്പെടുത്താന്‍ ശ്രമിച്ചതെന്ന് കരുതുന്നു. ഉമ്മറിനും തടയാനെത്തിയ മക്കളായ ആഷിക്ക്, ഷാഫിന്‍, എന്നിവര്‍ക്കും പൊള്ളലേറ്റു. സ്ഥലത്തെത്തിയ ആക്ട്‌സ് പ്രവര്‍ത്തകര്‍ ഇവരെ തൃശൂരിലെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.
തൃശൂര്‍ കോട്ടയത്തുണ്ടായ വാഹനാപകടത്തില്‍ തൃശൂര്‍ സ്വദേശിയുള്‍പ്പെടെ 2 പേര്‍ മരിച്ചു.
വടക്കാഞ്ചേരി മണിത്തറ വീട്ടില്‍ 19 വയസുള്ള സൂര്യ, വയനാട് ഗുണ്ടല്ലൂര്‍ 36 വയസുള്ളള ആന്റണി എന്നിവരാണ് മരിച്ചത്. കോട്ടയം കുറവിലങ്ങാട് കെ.എസ്.ആര്‍.ടി.സി സൂപ്പര്‍ ഫാസ്റ്റ് ബസ് കുറവിലങ്ങാട് സ്റ്റോപ്പില്‍ ആളെ കയറ്റുന്നതിനിടെ പുറകില്‍ നിന്ന് വന്ന ലോറി ബസിനു പിന്നിടിലിക്കുകയായിരുന്നു. ആന്റണി ലോറി െ്രെഡവറും സൂര്യ ക്ലീനറുമാണ്. ഡ്രൈവര്‍ ഉറങ്ങിപ്പോയതാണ് മരണകാരണമെന്ന് പോലീസ് പറഞ്ഞു.
കൊടുങ്ങല്ലൂര്‍ പള്‍സര്‍ വരുന്നതും കാത്തുനിന്ന് പോലീസ് വലഞ്ഞു.
നടിയെ തട്ടിക്കൊണ്ടു പോകാന്‍ ശ്രമിച്ച കേസില്‍ ഒളിവില്‍ കഴിയുന്ന പള്‍സര്‍ സുനി കൊടുങ്ങല്ലൂരില്‍ കോടതിയില്‍ കീഴടങ്ങുമെന്ന സൂചനയെ തുടര്‍ന്ന് കോടതി പരിസരത്ത് പോലീസ് കാവല്‍ ഏര്‍പ്പെടുത്തിയിരുന്നു. എറിയാട് ഗ്രാമീണ ന്യായാലയത്തില്‍ കേസുകള്‍ പരിഗണിക്കുന്ന ദിവസമായതിനാല്‍ ഒന്നാം ക്ലാസ് മജിസ്‌ട്രേട്ട് കൊടുങ്ങല്ലൂര്‍ കോടതിയിലുണ്ടായിരുന്നില്ല ,അതു കൊണ്ടു തന്നെ ഗ്രാമീണ ന്യായാലയത്തില്‍ പ്രതി കീഴടങ്ങുമെന്നാണ് കരുതിയിരുന്നത്.എന്നാല്‍ ഉച്ചവരെ കാത്തു നിന്നിട്ടും പള്‍സര്‍ സുനി എത്തിയില്ല. രാവിലെ മുതല്‍ക്കെ ആയുധധാരികളായ പോലീസ് സംഘം മഫ്തിയില്‍ കോടതി പരിസരത്ത് തമ്പടിച്ചിരുന്നു
തൃശൂര്‍ ഉല്‍സവ കോര്‍ഡിനഷന്‍ കമ്മിറ്റിയുമായി മന്ത്രി വി.എസ് സുനില്‍കുമാര്‍ നടത്തിയ ചര്‍ച്ച പരാജയപ്പെട്ടു. പ്രഖ്യാപിച്ച സമരങ്ങളുമായി മുന്നോട്ട് പോകുമെന്ന് ഫെസ്റ്റിവല്‍ കോര്‍ഡിനേഷന്‍ കമ്മിറ്റി.
തൃശൂര്‍ പൂരം, ഉത്രാളിക്കാവ് പൂരം ഉള്‍പ്പെടയുള്ള ഉല്‍സവങ്ങള്‍ക്ക് വെടിക്കെട്ടിനും, ആന എഴുന്നെള്ളിപ്പിനും വരുത്തിയ കടുത്ത നിയന്ത്രണങ്ങളില്‍ പ്രതിഷേധിച്ച് ഫെസ്റ്റിവല്‍ കോര്‍ഡിനേഷന്‍ തൃശൂര്‍ ജില്ലയില്‍ ഹര്‍ത്താല്‍ പ്രഖാപിച്ച സാഹചര്യത്തിലാണ് മന്ത്രി വി.എസ് സുനില്‍കുമാര്‍ തിരക്കിട്ട് ഫെസ്റ്റിവല്‍ കോര്‍ഡിനേഷന്‍ കമ്മിറ്റിയെ ചര്‍ച്ചയ്ക്ക് വിളിച്ചത്. രാമനിലയത്തില്‍ നടന്ന ചര്‍ച്ച ഒരു മണിക്കൂറോളം നീണ്ടു. ഉല്‍സവങ്ങല്‍ മുടക്കം കൂടാതെ ആചാരനുഷ്ഠനങ്ങളോടെ നടത്തണമെന്ന് തന്നെയാണ് സംസ്ഥാന സര്‍ക്കാരിന്റ നയമെന്ന് മന്ത്രി പറഞ്ഞു. 2008 ആക്ട് അനുസരിച്ചാണ് 2016 വരെ ഉല്‍സവങ്ങള്‍ നടത്തിയത്. സര്‍ക്കാര്‍ നിയമം നിലനില്‍ക്കെ ഏതെങ്കിലും ഒരു ഉദ്യോഗസ്ഥന്‍ ഉല്‍സവാഘോഷങ്ങള്‍ തടസപെടുത്തുന്ന തരത്തില്‍ സര്‍ക്കുലര്‍ ഇറക്കിയാല്‍ അത് നടപ്പിലാക്കേണ്ട ബാധ്യതയില്ല. വെടിക്കെട്ട് നിയന്ത്രണണവുമായി ബന്ധപ്പെട്ട് എക്‌സപ്ലോസീവ് ഡെപ്യൂട്ടി ചീഫ് കണ്‍ട്രോളര്‍ ഇറക്കിയ സര്‍ക്കുലര്‍ പുനപരിശോധിക്കണമെന്ന് മന്ത്രി ആവശ്യപെട്ടു. കേന്ദ്രസര്‍ക്കാര്‍ ഇതിന് തയ്യാറകണമന്നും മന്ത്രി പറഞ്ഞു. ഉത്രാളിക്കാവ് പൂരം ഉള്‍പ്പെടയുള്ള പൂരങ്ങള്‍ ആചാരനുഷ്ഠാനങ്ങളോടെ തന്നെ നടത്താന്‍ ഉടന്‍ നടപടിയുണ്ടാകുമെന്നും മന്ത്രി പറഞ്ഞു. അതേസമയം മന്ത്രിയുമായി നടത്തിയ ചര്‍ച്ചയില്‍ പൂര്‍ണ്ണ തൃപ്തിയില്ലെന്ന് ഫെസ്റ്റിവല്‍ കോര്‍ഡിനേഷന്‍ കമ്മിറ്റി ഭാരവവാഹികള്‍ മാധ്യമങ്ങളോട് പറഞ്ഞു. പ്രഖ്യാപിച്ച സമരങ്ങളുമായി മുന്നോട്ട് പോകുമെന്ന് ഫെസ്റ്റിവല്‍ കോര്‍ഡിനേഷന്‍ കമ്മിറ്റി ജനറല്‍ സെക്രട്ടറി വല്‍സന്‍ ചമ്പക്കര പറഞ്ഞു. ഫെസ്റ്റിവല്‍ കോര്‍ഡിനേഷന്‍ കമ്മിറ്റി ഭാരവാഹികളായ പത്മശ്രീ ഡോ.ടി.എ സുന്ദര്‍മേനന്‍, മുന്‍ എം.എല്‍.എ ബാബു എം. പാലിശ്ശേരി തുടങ്ങിയവര്‍ പങ്കെടുത്തു.
കൊടുങ്ങല്ലൂര്‍ സംസ്ഥാനത്ത് ഭൂഗര്‍ഭ ജലദൗര്‍ലഭ്യം ഏറ്റവുമധികം അനുഭവപ്പെടുന്ന പ്രദേശമായി കൊടുങ്ങല്ലൂര്‍ മാറിയിരിക്കുന്നു.
പഞ്ചായത്ത് പരിധിയിലുള്ള പഴയ കൊടുങ്ങല്ലൂര്‍ ബ്ലോക്ക് പ്രദേശമാണ് അപകടകരമാം വിധം ഭൂഗര്‍ഭ ജലവിതാനം താഴ്ന്ന പ്രദേശമായി കണക്കാക്കപ്പെടുന്നത്. കാസര്‍ഗോഡ്, പാലക്കാട് ജില്ലയിലെ ചിറ്റൂര്‍ എന്നീ സ്ഥലങ്ങള്‍ക്കൊപ്പമാണ് ജലവിതാനം കുറവുള്ള ഇടങ്ങളുടെ പട്ടികയില്‍ കൊടുങ്ങല്ലൂരിന്റെ സ്ഥാനം, പെരിയാറിന്റെ കൈവഴിയായ കാത്തിരപ്പുഴയിലെ അനിയന്ത്രിതമായ മണലെടുപ്പും കുഴല്‍ കിണറുകളുടെ ആധിക്യവുമാണ് ഭൂഗര്‍ഭജലത്തിന്റെ അളവില്‍ കുറവ് വരുത്തിയതെന്ന് ചൂണ്ടിക്കാണിക്കപ്പെടുന്നു. മണല്‍വാരലി ന് നിയന്ത്രണം ഏര്‍പ്പെടുത്തും വരെ കാത്തിരപ്പുഴയില്‍ നിന്നും പ്രതിദിനം ആയിരക്കണക്കിന് ടണ്‍ മണലാണ് വാരിയെടുത്തിരുന്നത്. പുഴയുടെ അടിത്തട്ട് ക്രമാതീതമായി താഴ്ന്ന തിനെ തുടര്‍ന്ന് തീരമേഖലയിലെ ശുദ്ധജല സ്രോതസ്സുകളെല്ലാം തന്നെ ഉപ്പുനിറഞ്ഞ് ഉപയോഗശൂന്യമായി. ചാമ്പ് പൈപ്പ് എന്ന പേരിലറിയപ്പെടുന്ന ചെറുകിട കുഴല്‍ക്കിണറുകള്‍ ഈ മേഖലയില്‍ വ്യാപകമാണ്. ഇത്തരം കുഴല്‍ കിണറുകളില്‍ നിന്നും മോട്ടോര്‍ ഉപയോഗിച്ച് വെള്ളം പമ്പ് ചെയ്യുന്നത് പതിവാണിവിടെ. കൂടാതെ തീരപ്രദേശം കേന്ദ്രീകരിച്ച് പ്രവര്‍ത്തിക്കുന്ന ഐസ് പ്ലാന്റുകളിലും മത്സ്യ സംസ്‌ക്കരണ ശാലകളിലും ആയിരക്കണക്കിന് ലിറ്റര്‍ വെള്ളമാണ് ദിവസേന ഉപയോഗിക്കുന്നത്. അറബിക്കടലില്‍ കാഞ്ഞിരപ്പുഴ സംഗമിക്കുന്ന അഴിമുഖ കേന്ദ്രമായ കൊടുങ്ങല്ലൂരില്‍ ജലസ്രോതസ്സുകളിലെല്ലാം തന്നെ ഉപ്പിന്റെ അംശമുണ്ട്. ജലസമൃദ്ധമായ കനോലി കനാലില്‍ പോലും വേലിയേറ്റത്തിന്റെ തോത് അനുസരിച്ച് ഉപ്പിന്റെ അളവ് ഏറിയും കുറഞ്ഞുമിരിക്കും. ജലസ്രോതസ്സുകളാല്‍ ചുറ്റപ്പെട്ട കൊടുങ്ങല്ലൂര്‍ കുടിവെള്ളത്തിനായി കിലോമീറ്ററുകളോളം ദൂരെയുള്ള ചാലക്കുടി പുഴയെ ആശ്രയിക്കേണ്ടി വരികയാണ്. വൈന്തല ജല ശുദ്ധീകരണ ശാലയില്‍ നിന്നുമെത്തുന്ന കുടിവെള്ളം ഒരു ദിവസം മുടങ്ങിയാല്‍ തീരദേശവാസികള്‍ നെട്ടോമോടേണ്ട ഗതികേടിലാണ്. നഗരത്തിലും പ്രദേശങ്ങളിലുമായി നിരവധി ശുദ്ധജല സ്രോതസ്സുകള്‍ ഉണ്ടെന്നിരിക്കെയാണ് ജനങ്ങള്‍ കുടിവെള്ളത്തിനായി ബുദ്ധിമുട്ടുന്നത്. കളങ്ങള്‍ ഉള്‍പ്പടെയുള്ള ശുദ്ധജല സ്രോതസ്സുകള്‍ സംരക്ഷിച്ച് പ്രാദേശിക ജലവിതരണ പദ്ധതികള്‍ നടപ്പിലാക്കുകയെന്നതാണ് നാട് നേരിടുന്ന ജലക്ഷാമത്തിനുള്ള പ്രധാന പരിഹാരം എന്നാല്‍ അതിനുള്ള ഇച്ഛാശക്തി അധികൃതര്‍ക്ക് ആദ്യം ഉണ്ടാകേണ്ടിയിരിക്കുന്നു.
കൊടകര കൊടകര, മറ്റത്തൂര്‍ പഞ്ചായത്തുകളുടെ അതിര്ത്തിിയിലുള്ള കാവനാട് ചിറയും അവഗണനയില്‍ നശിക്കുന്നു.
ഒരേക്കറിലധികം വിസ്തൃതിയിലുള്ള ചിറ പുല്ലും പായലും ചണ്ടിയും നിറഞ്ഞ് നശിക്കുകയാണ്. ജലസ്രോതസുകളുടെ സംരക്ഷണത്തില്‍ അധികാരികള്‍ പുലര്‍്ത്തുന്ന ഉദാസീനതയുടെ നേര്‍ക്കാഴ്ചയാണ് കാവനാട്ചിറ. ജലസമ്പന്നമായൊരു ഭൂതകാലത്തിന്റെ നനവുള്ള ഓര്‍്മ്മകള്‍ അയവിറക്കുകയാണ് ഇന്ന് ഈ ജലാശയം. ഒരു കാലത്ത് നെല്ലറയായിരുന്ന കാവനാട് മേഖലയില്‍ നെല്‍കൃഷിക്കാവശ്യമായ വെള്ളം നല്‍കിയിരുന്നത് ഈ ചിറയായിരുന്നു. വേനലിലും വര്‍ഷത്തിലും ഒരു പോലെ ജലസമൃദ്ധമായിരുന്ന ചിറയില്‍ നിന്ന് പാടങ്ങളിലേക്ക് വെള്ളം തിരിച്ചുപോകുന്നതിനായി ഓവുചാലുകളും നിര്‍മ്മിക്കപ്പെട്ടിട്ടുണ്ട്. ഈ ഓവുചാലുകളും അനുബന്ധതോടുകളും നാശോന്മുഖമായി കിടക്കുകയാണിപ്പോള്‍. സമീപപ്രദേശങ്ങളിലെ പാടങ്ങള്‍ക്ക് രൂപമാറ്റം വരികയും നെല്കൃസഷി നാമമാത്രമാവുകയും ചെയ്തതോടെ കാവനാട് ചിറ അവഗണിക്കപ്പെട്ടു. ചിറയിലെ ചളിയും ചണ്ടിയും വര്‍ഷങ്ങളോളം നീക്കം ചെയ്യപ്പെടാതെ കിടന്നതിനാല്‍ ഒരടിയിലേറെ കനത്തിലാണ് പുല്ലം പായലും അടിഞ്ഞുകൂടിയിട്ടുള്ളത്. ചണ്ടിയും ചെളിയും പൂര്‍ണ്ണമായും നീക്കം ചെയ്ത് ആഴം കൂട്ടി സംരക്ഷിച്ചാല്‍ മഴക്കാലത്ത് കൂടുതല്‍ വെള്ളം ചിറയില്‍ സംഭരിക്കാനാകും. വേനല്‍ക്കാലത്ത് അനുഭവപ്പെടുന്ന ജലക്ഷാമം പരിഹരിക്കാന്‍ ഇതുവഴി സാധ്യമാകും. സമീപപ്രദേശങ്ങളിലെ കിണറുകളില്‍ ജലവിതാനം ഉയര്‍ത്താനും കുളത്തിന്റെ നവീകരണത്തിലൂടെ കഴിയും.
തൃശൂര്‍ തൃശൂര്‍ നഗരത്തില്‍ നിന്ന് അരക്കിലോ കഞ്ചാവുമായി രണ്ട് പേരെ തൃശൂര്‍ ഈസ്റ്റ് പോലീസ് അറസ്റ്റ് ചെയ്തു.
അജ്മല്‍, അഖില്‍ എന്നിവരാണ് അറസ്റ്റിലായത്. കഞ്ചാവ് വില്‍പ്പനയക്ക് കൊണ്ടുവരുന്നതിനിടെ പറവട്ടാനിയില്‍ വെച്ചാണ് പ്രതികള്‍ പിടിയിലായത്.
ചാലക്കുടി മേലൂരില്‍ ഭൂമി സംബന്ധമായ തര്‍ക്കത്തെ തുടര്‍ന്ന് സ്‌കൂട്ടര്‍ യാത്രക്കാരനായ യുവാവിനെ ടിപ്പര്‍ ലോറിയിടിച്ച് കൊലപ്പെടുത്തിയ സംഭവത്തിലെ പ്രതി കോടതിയില്‍ കീഴടങ്ങി.
കുറ്റിച്ചിറ പുളിങ്കര കോയിക്കര സണ്ണിയാണ് ചാലക്കുടി ഒന്നാം ക്ലാസ് മജിസ്‌ട്രേറ്റ് കോടതിയിലെത്തി കീഴടങ്ങിയത്. ഇയാളെ 15 ദിവസത്തേക്ക് റിമാന്റ് ചെയ്തു. മേലൂര്‍ പന്തല്‍പ്പാടം സ്വദേശി പെല്ലിശ്ശേരി ലിബിന്‍ ജേക്കബ്ബാണ് കൊല്ലപ്പെട്ടത്. കഴിഞ്ഞ ഞായറാഴ്ച അതിരപ്പിള്ളി റോഡിലെ ചിക്ലായിയില്‍ വെച്ചായിരുന്നു സംഭവം. സഹോദരന്‍ ലിന്റോയൊനൊപ്പം സ്‌കൂട്ടറില്‍ സഞ്ചരിക്കുമ്പോഴാണ് ടിപ്പര്‍ ലോറിയിടിച്ചത്. നേരത്തെ സണ്ണി മുന്‍കൂര്‍ ജാമ്യത്തിന് ഹൈക്കോടതിയെ സമീപിക്കാന്‍ ശ്രമിച്ചതായി സൂചനയുണ്ടായിരുന്നു. പുളിങ്കരയിലെ ഭൂമി സംബന്ധമായ കേസില്‍ വര്‍ഷങ്ങളായി സണ്ണിയും ലിബിന്‍ ജേക്കബ്ബിന്റെ കുടുംബവും തമ്മില്‍ തര്‍ക്കം നടക്കുന്നുണ്ട്.
പുതുക്കാട് ചിമ്മിനി ഡാമിന്റെ ഷട്ടര്‍ താഴ്ത്തി.
ഷട്ടര്‍ പൂര്‍ണ്ണമായും അടയ്‌ക്കേണ്ടതില്ലെന്ന് അധികൃതര്‍ തീരുമാനിച്ചു. ഡാമിന്റെ ഡിസ്‌പേര്‍ഷന്‍ വാല്‍വ് ഒരു സെന്റീമീറ്ററോളം തുറന്ന നിലയിലാണ്. ഇതു വഴി 0 ദശാംശം 1 എം.എം.ക്യൂബിനു താഴെ വെള്ളം തുറന്നു വിട്ടു കൊണ്ടിരിക്കുന്നുണ്ട്. കുറച്ചു ദിവസം ഈ സ്ഥിതി നിരീക്ഷിക്കാനാണ് ജില്ലാ ഭരണ നേതൃത്വത്തിന്റെ നിര്‍ദ്ദേശം. എന്നാല്‍ മുന്‍പ് തുറന്നു വിട്ട അതേ രീതിയിലാണ് ഷട്ടര്‍ താഴ്ത്തിയിട്ടും ഡിസ്‌പേര്‍ഷന്‍ വാല്‍വില്‍ നിന്ന് വെള്ളം പുറത്തേക്ക് ഒഴുകുന്നത്. വാല്‍വിന്റെ തകരാര്‍ പരിഹരിക്കാന്‍ കഴിയാത്തതാണ് കൂടിയ അളവില്‍ വെള്ളം പാഴായി പോകുന്നതിനുള്ള കാരണമെന്ന് കരുതുന്നു.
തൃശൂര്‍ വടക്കുന്നാഥ ക്ഷേത്രക്ഷേമ സമിതിയുടേയും കൊച്ചിന്‍ ദേവസ്വം ബോര്‍ഡിന്റേയും സംയുക്താഭിമുഖ്യത്തില്‍ സംഘടിപ്പിക്കുന്ന മഹാശിവരാത്രി ആഘോഷങ്ങള്‍ വടക്കുന്നാഥ ക്ഷേത്ര സന്നിധിയില്‍ തുടരുന്നു.
വടക്കുന്നാഥ ക്ഷേത്ര ശ്രീമൂല സ്ഥാനത്ത് ശിവരാത്രി മണ്ഡപത്തില്‍ നടക്കുന്ന നൃത്തസംഗീതോത്സവത്തിന്റെ ആറാം ദിവസമായ ചൊവ്വാഴ്ച ഗോപിക എസ്.മേനോന്‍ അവതരിപ്പിച്ച നൃത്തസന്ധ്യയും ബാംഗ്ലൂര്‍ രാധിക രാജീവ്കുമാര്‍ അവതരിപ്പിച്ച ഭരതനാട്യവും തുടര്‍ന്ന് സര്‍വ്വം ലയവും അരങ്ങേറി. ചെണ്ട, മൃദംഗം, ഘടം, തവില്‍ എന്നീ വാദ്യോപകരണങ്ങളാണ് സര്‍വ്വം ലയത്തില്‍ സംഗമിച്ചത്. ബുധനാഴ്ച മോഹിനിയാട്ടം, ഭരതനാട്യം, സംഗീത കച്ചേരി എന്നിവ അരങ്ങേറും.
തൃശൂര്‍ തൃശൂര്‍ പുതൂര്‍ക്കരയിലെ ക്ലബ് പരിസരത്തു സുഹൃത്തുക്കളുമായി സംസാരിച്ചു നിന്നിരുന്ന യുവാവിനെ പോലീസ് അകാരണമായി മര്‍ദ്ദിച്ചതായി പരാതി.
പുതൂര്‍ക്കര പറവൂക്കാരന്‍ വീട്ടില്‍ ഉമേഷിനാണ് മര്‍ദ്ദനമേറ്റത്. കഴിഞ്ഞ ഞായറാഴ്ചയാണ് സംഭവം. തൃശൂര്‍ വെസ്റ്റ് സ്റ്റേഷനിലെ രണ്ട് പോലീസുകാര്‍ അകാരണമായി മര്‍ദ്ദിക്കുകയും തുടര്‍ന്ന് തന്റെ പേരില്‍ കള്ള കേസെടുക്കുകയുമായിരുന്നുവെന്ന് ഉമേഷ് പറഞ്ഞു. മര്‍ദ്ദനത്തില്‍ പരിക്കേറ്റ ഉമേഷ് തൃശൂരിലെ സ്വകാര്യ ആശുപത്രിയില്‍ ചികിത്സ തേടിയിരുന്നു. തൃശൂര്‍ വെസ്റ്റ് സി.ഐക്ക് പരാതി നല്‍കി. മനുഷ്യാവകാശ കമ്മീഷനും മുഖ്യമന്ത്രിക്കും പരാതി നല്‍കാനുള്ള ഒരുക്കത്തിലാണ് ഉമേഷ്.
കുന്നംകുളം കുന്നംകുളത്ത് കെ.എസ്.ആര്‍.ടി.സി ബസിടിച്ച് തമിഴ്‌നാട് സ്വദേശിനിയായ വഴിയാത്രക്കാരിക്ക് ഗുരുതര പരിക്ക്.
ബസ്സിന്റെക മുന്‍ചക്രം കാലിലൂടെ കയറിയ വൃദ്ധയെ തൃശൂര്‍ ഗവണ്‍മെന്റ് മെഡിക്കല്‍ കോളേജില്‍ പ്രവേശിപ്പിച്ചു. സംഭവത്തെ തുടര്‍ന്ന് െ്രെഡവറും കണ്ടക്ടറും അടുത്തുള്ള വ്യാപാര സ്ഥാപനത്തിലേക്ക് ഓടികയറി. പിന്തുടര്‍ന്ന് എത്തിയ യാത്രക്കാരും നാട്ടുകാരും വ്യാപാര സ്ഥാപനത്തിലേക്ക് ഇടിച്ചു കയറാന്‍ ശ്രമിച്ചത് നേരിയ സംഘര്‍ഷത്തിനു കാരണമായി. പൊലിസ് എത്തിയാണ് രംഗം ശാന്തമാക്കിയത്.
ഗുരുവായൂര്‍ ഗുരുവായൂര്‍ ചൊവ്വല്ലൂര്‍പ്പടി മേഖലയിലെ ജലമൂറ്റിയെടുത്ത് വില്‍പ്പനനടത്തുന്നതിനെതിരെ നാട്ടുകാര്‍ രംഗത്ത്. നാട്ടുകാരുടെ കുടിവെള്ളം മുട്ടിക്കുന്ന രീതിയില്‍ വില്‍പ്പന തുടര്‍ന്നാല്‍ വെള്ളം കൊണ്ടുപോകുന്ന ടാങ്കറുകള്‍ തടയാന്‍ സര്‍വ്വകക്ഷി യോഗം തീരുമാനിച്ചു.
ചൊവ്വല്ലൂര്‍പ്പടി മേഖലയിലെ അഞ്ച് വ്യക്തികള്‍ നടത്തുന്ന കുടിവെള്ള വില്‍പ്പനമൂലം പ്രദേശത്തെ കിണറുകളില്‍ വെള്ളം ഇല്ലാത്ത അവസ്ഥയാണെന്ന് നാട്ടുകാര്‍ പറഞ്ഞു. പല കിണറുകളിലും ഉപ്പുവെള്ളം വരുന്ന അവസ്ഥയാണ്. ഗുരുവായൂരിലെ ലോഡ്ജുകളിലേക്കും ഹോട്ടലുകളിലേക്കുമുള്ള വില്‍പ്പന കൂടാതെ തൃശൂരിലെ ഷോപ്പിങ് മാളുകളിലേക്കും ചൊവ്വല്ലൂര്‍പ്പടിയില്‍ നിന്ന് വെള്ളം കൊണ്ടുപോകുന്നുണ്ട്. വെള്ളം കൊണ്ടുപോകുന്ന സമയത്തെ കുറിച്ച് കഴിഞ്ഞ വര്‍ഷം ഉണ്ടാക്കിയ ധാരണകളൊന്നും പാലിക്കുന്നില്ലെന്ന് നാട്ടുകാര്‍ കുറ്റപെടുത്തി. പ്രദേശത്തെ വിവിധ കക്ഷികളില്‍ ഉള്‍പ്പെടുന്ന കൗണ്‍സിലര്‍മാരുടെ നേതൃത്വത്തില്‍ നാട്ടുകാര്‍ ചെയര്‍പേഴ്‌സന്റെ ചേംബറിലെത്തി തങ്ങളുടെ പ്രതിഷേധമറിയിക്കുകയും ചെയ്തു. കൗണ്‍സിലര്‍മാരായ റഷീദ് കുന്നിക്കല്‍, സവിത സുനി, ജലീല്‍ പണിക്കവീട്ടില്‍, നാട്ടുകാരായ വി.എച്ച്.സോമന്‍, പി.എ.കുഞ്ഞിമോന്‍, മനയില്‍ വിജയന്‍, ബെന്നി ചുങ്കത്ത്, സി.ആര്‍.രാജന്‍ എന്നിവരുടെ നേതൃത്വത്തിലാണ് പ്രദേശവാസികള്‍ ചെയര്‍പേഴ്‌സന്റെ ചേംബറിലെത്തി ചെയര്‍പേഴ്‌സണ്‍ പ്രൊഫ.പി.കെ.ശാന്തകുമാരി, വൈസ് ചെയര്‍മാന്‍ കെ.പി. വിനോദ് എന്നിവരുമായി ചര്‍ച്ച നടത്തിയത്. കരുവന്നൂര്‍ പദ്ധതി കമീഷന്‍ ചെയ്യുന്നതുവരെ കുടിവെള്ളം എടുക്കുന്നത് തടയരുതെന്ന് ചെയര്‍പേഴ്‌സന്‍ അഭ്യര്‍ത്ഥിച്ചെങ്കിലും നാട്ടുകാരുടെ സംഘം നിര്‍ദേശം തള്ളി. കുടിവെളളം എടുക്കുന്നത് തുടര്‍ന്നാല്‍ ടാങ്കറുകള്‍ തടയുമെന്ന് മുന്നറിയിപ്പ് നല്‍കിയാണ് നാട്ടുകാര്‍ ചെയര്‍മാന്റെ ചേംബര്‍ വിട്ടത്. അനധികൃത കുടിവെള്ള വില്‍പ്പന നിരോധിക്കണമെന്നാവശ്യപ്പെട്ട് ജില്ലാ കളക്ടര്‍, ആര്‍.ഡി.ഒ, ഗുരുവായൂര്‍ നഗരസഭ ചെയര്‍പേഴ്‌സണ്‍ എന്നിവര്‍ക്ക് ചൊവ്വല്ലൂര്‍പ്പടി നിവാസികള്‍ നിവേദനം നല്‍കി. നാട്ടുകാരുടെ കുടിവെള്ളം മുട്ടിക്കുന്ന രീതിയില്‍ വില്‍പ്പന തുടര്‍ന്നാല്‍ വെള്ളം കൊണ്ടുപോകുന്ന ടാങ്കറുകള്‍ തടയാന്‍ സര്‍വ്വകക്ഷി യോഗം തീരുമാനിക്കുകയും ചെയ്തു.
കുന്നംകുളം അടുത്ത അധ്യയന വര്‍ഷത്തേക്കുള്ള പാഠപുസ്തക വിതരണത്തില്‍ അംഗീകൃത അണ്‍എയ്ഡഡ് സ്‌കൂളുകള്‍ക്കെതിരെ സര്‍ക്കാര്‍ വിവേചനം തുടരുന്നു.
അടുത്ത അധ്യയന വര്‍ഷത്തേക്കുള്ള പാഠപുസ്തകങ്ങള്‍ സര്‍ക്കാര്‍, എയ്ഡഡ് സ്‌കൂളുകള്‍ക്ക് വിതരണം ചെയ്തു തുടങ്ങിയെങ്കിലും അംഗീകൃത അണ്‍ എയ്ഡഡ് സ്‌കൂളുകള്‍ക്ക് ഇതുവരെയും വിതരണം ചെയ്യാന്‍ സര്‍ക്കാര്‍ നടപടികള്‍ സ്വീകരിച്ചിട്ടില്ല. ഇതു സംബന്ധിച്ച ഉത്തവ് ഹാജരാക്കിയാല്‍ മാത്രമേ അംഗീകൃത സ്‌കൂളുകള്‍ക്ക് പാഠപുസ്തകങ്ങള്‍ നല്‍കാനാവൂ എന്ന നിലപാടാണ് അധികൃതര്‍്. ഇതുവരെയും പുസ്തകങ്ങള്‍ക്ക് വില നിശ്ചയിക്കാത്തത് മൂലം തുക അടയ്ക്കുവാന്‍ അംഗീകൃത സ്‌കൂളുകള്‍ക്ക് സാധിച്ചിട്ടില്ല. സര്‍ക്കാര്‍, എയ്ഡഡ് അംഗീകൃത സ്‌കൂളുകള്‍ക്ക് ഒരേ സമയം പാഠപുസ്തകം വിതരണം ചെയ്യണമെന്ന ഹൈക്കോടതി നിര്‍ദേശം നിലനില്‍ക്കെ ഇപ്പോഴും ഈ വിവേചനം തുടരുന്നു എന്നതിന്റെ തെളിവാണ് അടുത്ത അധ്യയന വര്‍ഷത്തേക്കുള്ള പുസ്തക വിതരണത്തില്‍ സര്‍ക്കാര്‍ സ്വീകരിച്ചിട്ടുള്ള നിലപാടെന്നു കേരള റെക്കഗ്നൈസ്ഡ് സ്‌കൂള്‍ മാനേജ്മെന്റ് അസോസിയേഷന്‍ ആരോപിച്ചു. അതിനാല്‍ പുസ്തകങ്ങളുടെ വില നിശ്ചയിച്ചു തുക അടയ്ക്കാനുള്ള സൗകര്യം അംഗീകൃത സ്‌കൂളുകള്‍ക്ക് നല്‍കി പുസ്തകങ്ങള്‍ ലഭ്യമാക്കുന്നതിനുള്ള നടപടികള്‍ എത്രയും വേഗം സ്വീകരിക്കണമെന്ന് അസോസിയേഷന്‍ സംസ്ഥാന പ്രസിഡണ്ട് ഡോ.വി.കെ.ജയകുമാര്‍, ജനറല്‍ സെക്രട്ടറി കെ.കെ.ഷാജഹാന്‍, ട്രഷറര്‍ ഫാ.സോളമന്‍, സെക്രട്ടറി ആര്‍.എം.ബഷീര്‍ എന്നിവര്‍ സര്‍ക്കാരിനോട് ആവശ്യപ്പെട്ടു.
തൃപ്രയാര്‍ സ്ത്രീകള്‍ ഉള്‍പ്പെടെ പിന്നോക്ക ദുര്‍ബ്ബല ജനവിഭാഗങ്ങള്‍ക്ക് നേരെയുളള പീഡനങ്ങളാണ് കേരളത്തില്‍ നടക്കുന്നതെന്ന് ഡി.സി.സി പ്രസിഡണ്ട് ടി.എന്‍ പ്രതാപന്‍.
നാട്ടികയില്‍ ദളിത് ഓട്ടോെ്രെഡവര്‍ വടക്കുംനാഥനെ മര്‍ദ്ദിച്ച പൊലീസുകാരനെ സസ്‌പെന്റ് ചെയ്യണമെന്നാവശ്യപ്പെട്ട് ഐ.എന്‍.ടി.യു.സി നാട്ടിക നിയോജകമണ്ഡലം കമ്മിറ്റി തൃപ്രയാറില്‍ തുടങ്ങിയ ഏകദിന ഉപവാസ സമരം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സ്ത്രീകള്‍ക്ക് സഞ്ചരിക്കാന്‍ കഴിയാത്തവിധം സംസ്ഥാനത്ത് ക്രമസമാധാനനില തകര്‍ന്നി രിക്കുകയാണ്. സി.പി.ഐ നേതൃത്വം പോലും ആഭ്യന്തര വകുപ്പിന്റെ പരാജയത്തിനെതിരെ പരസ്യ പ്രസ്താവന നടത്തി. നാട്ടികയില്‍ ഓട്ടോെ്രെഡവര്‍ക്കു നേരെയുളള പൊലീസ് മര്‍ദ്ദനം അത്യന്തരം ഗൗരവമുള്ളതാണ്. കുറ്റക്കാരനായ പൊലീസുകാരനെ മാറ്റി നിര്‍ത്തി അന്വേഷണം നടത്തുകയാണ് അധികാരികള്‍ ചെയ്യേണ്ടതെന്നും പ്രതാപന്‍ പറഞ്ഞു. ഉപവാസ സമരം അനുഷ്ടിക്കുന്ന ഐ.എന്‍.ടി.യു.സി നിയോജകമണ്ഡലം പ്രസിഡണ്ട് ഇ.വി.ധര്‍മ്മന്‍, നാട്ടിക ഗ്രാമപഞ്ചായത്ത് അംഗങ്ങളായ പി.എം.സിദ്ദിഖ്, കെ.വി സുകുമാരന്‍, ശ്രീദര്‍ശ് വടക്കൂട്ട് എന്നിവരെ പ്രതാപന്‍ ഷാള്‍ അണിയിച്ചു.ഡിസിസി ജനറല്‍ സെക്രട്ടറി അനില്‍്പുളിക്കല്‍ അധ്യക്ഷനായിരുന്നു. ഡിസിസി ജനറല്‍ സെക്രട്ടറിമാരായ കെ.വി ദാസന്‍, വി.ആര്‍ വിജയന്‍, കോണ്‍ഗ്രസ്സ് നാട്ടിക ബ്ലോക്ക് പ്രസിഡണ്ട് കെ.ദിലീപ്കുമാര്‍, എന്നിവര്‍ സംസാരിച്ചു. ഉപവാസ സമരം ബുധനാഴ്ച വൈകീട്ട് ആറുമണിക്ക് സമാപിക്കും.
മാള പുത്തന്‍ചിറ ഗ്രാമപഞ്ചായത്തിലെ പിണ്ടാണി ഒന്‍പതാം വാര്‍ഡില്‍ നടന്ന ഉപതെരഞ്ഞെടുപ്പില്‍ 81 ദശാംശം 9 ശതമാനം പോളിംഗ് രേഖപ്പെടുത്തി.
യു.ഡി.എഫും എല്‍.ഡി.എഫും ബി.ജെ.പി.യും തമ്മിലാണ് മത്സരം. വാര്‍ഡില്‍ നിന്ന് വിജയിച്ച സി.പി.ഐ.യിലെ മോഹനന്‍ മരിച്ചതിനെ തുടര്‍ന്നാണ് ഉപതെരഞ്ഞെടുപ്പ് നടന്നത്. മോഹനന്റെ മകന്‍ മഹേഷ് മോഹനനാണ് എല്‍.ഡി.എഫ്. സ്ഥാനാര്‍ത്ഥി. കഴിഞ്ഞ തെരഞ്ഞെടുപ്പില്‍ 12 വോട്ടിന്റെ വ്യത്യാസത്തില്‍ പരാജയപ്പെട്ട ജനതാദള്‍ -യുവിന്റെ പി.സി.ബാബു തന്നെയാണ് ഇത്തവണയും യു.ഡി.എഫ്. സ്ഥാനാര്‍ത്ഥിയായി മത്സരിച്ചത്. ഇരുമുന്നണികള്‍ക്കും വെല്ലുവിളിയായി ബി.ജെ.പി.സ്ഥാനാര്‍ത്ഥി പ്രജീഷും മത്സരരംഗത്തുണ്ടായിരുന്നു. ബുധനാഴ്ച രാവിലെ പുത്തന്‍ചിറ പഞ്ചായത്ത് ഹാളില്‍ വോട്ടെണ്ണല്‍ നടക്കും.
എരുമപ്പെട്ടി തിമിര ശസ്ത്രക്രിയക്ക് ശേഷം ചികിത്സയിലിരിക്കെ വയോധികന്‍ ഹൃദയാഘാതത്തെ തുടര്‍ന്ന് മരിച്ചു.
കടങ്ങോട് മനപ്പടി കുറുമ്പൂര്‍ വീട്ടില്‍ 77 വയസുള്ള ഭാസ്‌ക്കരന്‍ ആണ് കോയമ്പത്തൂരിലെ അരവിന്ദ് കണ്ണാശുപത്രിയില്‍ മരിച്ചത്. എരുമപ്പെട്ടി ലയണ്‍സ് ക്ലബ്ബ് ഏര്‍പ്പെടുത്തിയ നേത്ര പരിശോധ ക്യാമ്പില്‍ നിന്നാണ് ഭാസ്‌ക്കരനെ കോയമ്പത്തൂരിലേക്ക് കൊണ്ടു പോയത്. ചൊവ്വാഴ്ച നാട്ടിലേക്ക് മടങ്ങാനിരിക്കെയായിരുന്നു മരണം
മാള കര്‍ഷക കോണ്‍ഗ്രസിന്റെ നേതൃത്വത്തില്‍ വി.ആര്‍.സുനില്‍കുമാര്‍ എം.എല്‍.എയുടെ മാളയിലെ ഓഫീസിന് മുന്നില്‍ ധര്‍ണ നടത്തി.
മാള കണക്കന്‍കടവില്‍ തടയണ തകരാറിലായി ചാലക്കുടിപ്പുഴയിലേക്ക് ഉപ്പുവെള്ളം കയറുന്നത് പരിഹരിക്കാത്തതില്‍ പ്രതിഷേധിച്ചായിരുന്നു ധര്‍ണ. കെ.പി.സി.സി. സെക്രട്ടറി ടി.യു.രാധാകൃഷ്ണന്‍ ഉദ്ഘാടനം ചെയ്തു. കര്‍ഷക കോണ്‍ഗ്രസ് മണ്ഡലം പ്രസിഡന്റ് എം.എ.ജോജോ അധ്യക്ഷത വഹിച്ചു. എ.എ.അഷറഫ്, വി.എ.അബ്ദുള്‍ കരീം, ടി.എം.നാസര്‍ എന്നിവര്‍ സംസാരിച്ചു. ധര്‍ണയുടെ മുന്നോടിയായി നടന്ന പ്രകടനത്തിന് പി.ഡി.ജോസ്, ജോണ്‍ കെന്നഡി എന്നിവര്‍ നേതൃത്വം നല്‍കി.
ഗുരുവായൂര്‍ പൊതുവിജ്ഞാനത്തിന്റെ കുറവ് കാരണം ഉന്നത പരീക്ഷകളില്‍ കേരളത്തിലെ കുട്ടികള്‍ തോറ്റു പോകുകയാണെന്ന് സി.എന്‍.ജയദേവന്‍ എം.പി പറഞ്ഞു.
ഗുരുവായൂര്‍ ലിറ്റില്‍ ഫഌവര്‍ കേളേജ് ഡേ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഇതിനെ തരണം ചെയ്യാന്‍ എസ്.എസ്.എല്‍.സി വിജയ ശതമാനം കുറയ്ക്കുകയാണ് വേണ്ടതെന്നും എം.പി. അഭിപ്രായപ്പെട്ടു. പ്രിന്‍സിപ്പാള്‍ സിസ്റ്റര്‍ ട്രീസ ഡൊമിനിക് അധ്യക്ഷത വഹിച്ചു. ഫാ.സൈജന്‍ വാഴപ്പുള്ളി, ടി.എസ്.നിസാമുദ്ദീന്‍, ഡോ.തനൂജ എ.മാത്യൂ തുടങ്ങിയവര്‍ സംസാരിച്ചു.
ചാലക്കുടി വരള്‍ച്ചാക്കെടുതികള്‍ ചര്‍ച്ച ചെയ്യുന്നതിനായി എം.എല്‍.എ ബി.ഡി.ദേവസിയുടെ അധ്യക്ഷതയില്‍ ജനപ്രതിനിധികളുടേയും ഉദ്യോഗസ്ഥരുടേയും യോഗം ചേര്‍ന്നു.
ചാലക്കുടി നഗരസഭ ജൂബിലി ഹാളില്‍ നടന്ന യോഗത്തില്‍ വിവിധ പഞ്ചായത്തുകളിലിലെ കുടിവെള്ള പ്രശ്‌നം പരിഹരിക്കുന്നതിന് തീരുമാനമായി. ആദിവാസി മേഖലകള്‍ അടക്കമുള്ള ഉയര്‍ന്ന പ്രദേശങ്ങളിലേക്ക് ടാങ്കര്‍ ലോറിയില്‍ വെള്ളമെത്തിക്കുക, ഇറിഗേഷന്‍ കനാലുകളില്‍ വെള്ളം നഷ്ടപ്പടുന്നത് ഇല്ലാതാക്കുക, വാട്ടര്‍ അതോറിറ്റിയുടെ കുടിവെള്ള വിതരണം കാര്യക്ഷമമാക്കുക തുടങ്ങിയ തീരുമാനങ്ങളാണ് കൈക്കൊണ്ടത്. ചാലക്കുടി നഗരസഭ ചെയര്‍പേഴ്‌സണ്‍ ഉഷാ പരമേശ്വരന്‍, വിവിധ പഞ്ചായത്ത് പ്രസിഡന്റുമാരായ പി.പി.ബാബു, കുമാരി ബാലന്‍, ജെനീഷ് പി.ജോസ് തുടങ്ങിയവര്‍ പങ്കെടുത്തു.
ഗുരുവായൂര്‍ കര്‍ഷക തൊഴിലാളി ഫെഡറേഷന്റെ ആഭിമുഖ്യത്തില്‍ കളക്‌ട്രേറ്റുകളിലേക്ക് മാര്‍ച്ച് നടത്തുന്നതിന്റെ ഭാഗമായുള്ള പ്രചാരണയാത്രയില്‍ സി.പി.എമ്മിനെതിരെ രൂക്ഷ വിമര്‍ശനം.
വടക്കന്‍ മേഖലാ ജാഥയ്ക്ക് ഗുരുവായൂരില്‍ നല്‍കിയ സ്വീകരണയോഗത്തിലാണ് ജാഥാക്യാപ്റ്റന്‍ എ.കെ.ചന്ദ്രന്‍ സി.പി.എമ്മിനെതിരെ ആഞ്ഞടിച്ചത്. ഇന്ത്യയിലെ ഏറ്റവും വലിയ കമ്മ്യൂണിസ്റ്റ് പ്രസ്ഥാനം സി.പി.ഐ.ആണ്. ബംഗാളില്‍ പേരിന് പോലും ഇന്ന് സി.പി.എമ്മിന്റെ ഒരു കൊടി പോലും പാറുന്നില്ലെന്നും എ.കെ.ചന്ദ്രന്‍ കുറ്റപ്പെടുത്തി. മഞ്ജുളാല്‍ പരിസരത്ത് നടന്ന സ്വീകരണ സമ്മേളനത്തില്‍ സി.പി.ഐ മണ്ഡലം സെക്രട്ടറി അഡ്വ.പി. മുഹമ്മ് ബഷീര്‍ അധ്യക്ഷത വഹിച്ചു. വൈസ് ക്യാപ്റ്റന്‍ കുമ്പളം രാജപ്പന്‍, സി.പി.ഐ ജില്ല എക്‌സിക്യൂട്ടീവ് അംഗം കെ.കെ.സുധീരന്‍, പി.എസ്.ജയന്‍ തുടങ്ങിയവര്‍ സംസാരിച്ചു.
പുതുക്കാട് പണിക്കൂലി നല്‍കാത്തതിനെ തുടര്‍ന്ന് ഫയര്‍ലൈന്‍ നിര്‍മ്മാണ തൊഴിലാളികള്‍ പാലപ്പിള്ളി റേഞ്ച് ഓഫീസ് ഉപരോധിച്ച് ജീവനക്കാരെ പൂട്ടിയിട്ടു.
റേഞ്ച് ഓഫീസിന് കീഴിലുള്ള വിവിധ തേക്ക് തോട്ടങ്ങളില്‍ ഫയര്‍ലൈന്‍ നിര്‍മ്മിച്ച നാല്‍പതോളം സ്ത്രീ തൊഴിലാളികളാണ് ഓഫീസ് ഉപരോധിച്ചത്. മൂന്ന് ആഴ്ചയോളം ഫയര്‍ലൈന്‍ നിര്‍മ്മിച്ച തൊഴിലാളികള്‍ക്ക് കൂലി ഇനത്തില്‍ 4,000 രൂപ വീതം അധികൃതര്‍ കുടിശിക വരുത്തിയിരുന്നു. പല തവണ കൂലി നല്‍കാമെന്ന് പറഞ്ഞിട്ടും ലഭിക്കാതായതോടെയാണ് തൊഴിലാളികള്‍ സമരവുമായി എത്തിയത്. ഓഫീസിനുള്ളില്‍ കയറിയ തൊഴിലാളികള്‍ ഒരു മണിക്കൂറോളം കുത്തിയിരിപ്പ് സമരം നടത്തിയതിന് ശേഷം ജീവനക്കാരെ പൂട്ടിയിടുകയായിരുന്നു. പിന്നീട് വരന്തരപ്പിള്ളി പോലീസ് സ്ഥലത്തെത്തിയാണ് ഓഫീസിന്റെ വാതില്‍ തുറന്ന് കൊടുത്തത്. ഫയര്‍ലൈന്‍ പണി എടുപ്പിക്കുന്ന കണ്‍വീനര്‍ക്ക് സമയത്തിനു പണം ട്രഷറിയില്‍ നിന്നു ലഭിക്കാതിരുന്നതാണ് കൂലി വിതരണം ചെയ്യാതിരിക്കാന്‍ കാരണമെന്ന് പറയുന്നു. ട്രഷറിയില്‍ ഉണ്ടായ ചില സാങ്കേതിക തടസങ്ങളാണ് പണം വിതരണത്തിനു താമസം വരാന്‍ കാരണമെന്നും അത് പരിഹരിച്ചെന്നും ചാലക്കുടി ഡി.എഫ്.ഒ-ആര്‍. കീര്‍ത്തി അറിയിച്ചു. ഡി.എഫ.്ഒ പാലപ്പിള്ളിയിലെത്തി കൂലി അടുത്ത ദിവസം വിതരണം ചെയ്യുമെന്ന് ഉറപ്പ് നല്‍കിയതിനെ തുടര്‍ന്നാണ് തൊഴിലാളികള്‍ ഉപരോധം പിന്‍വലിച്ചത്.
അന്തിക്കാട് എറവ് പെരുമ്പുഴയില്‍ നിയന്ത്രണം വിട്ട കാര്‍ തലകീഴായി മറിഞ്ഞു.
കാറിലുണ്ടായിരുന്ന െ്രെഡവറും മൂന്ന് കുട്ടികളും നിസാര പരിക്കുകളോടെ രക്ഷപ്പെട്ടു. തൃശൂരില്‍ നിന്ന് കാഞ്ഞാണി ഭാഗത്തേക്ക് പോയിരുന്ന കാറാണ് നിയന്ത്രണം വിട്ട് പെരുമ്പുഴ പാടത്തെ തെക്ക് ഭാഗത്തെ കുഴിയിലേയ്ക്ക് മറിഞ്ഞത്. ഏങ്ങണ്ടിയൂര്‍ സ്വദേശിയായ െ്രെഡവറും പത്തും, പന്ത്രണ്ടും, നാലും വയസ്സുള്ള കുട്ടികളാണ് കാറിലുണ്ടായിരുന്നത്. അപകടം നടന്ന ഉടനെ നാട്ടുകാരെത്തി നിസാര പരിക്കേറ്റ ഇവരെ പുറത്തെടുത്തു ആശുപത്രിയിലെത്തിച്ചു. അന്തിക്കാട് പോലീസും സ്ഥലത്തെത്തിയിരുന്നു
അന്തിക്കാട് മലയാള ഭാഷയെ നെഞ്ചോട് ചേര്‍ത്ത കവി കുഞ്ഞുണ്ണി മാഷുടെ സ്മാരക നിര്‍മ്മാണം തടസങ്ങള്‍ നീക്കി ഉടന്‍ പ്രാവര്‍ത്തികമാക്കണമെന്ന് തൃപ്രയാര്‍ സര്‍ഗ സംസ്‌കൃതി പ്രവര്‍ത്തകര്‍ ആവശ്യപ്പെട്ടു.
സംഘടനയുടെ നേതൃത്വത്തില്‍ താന്ന്യം ചൈതന്യ അംഗന്‍വാടിയില്‍ സംഘടിപ്പിച്ച മാതൃഭാഷ ദിനാചാരണം എന്‍.ഇ.എസ്. കോളേജ് ചെയര്‍മാന്‍ ശിവന്‍ കണ്ണോളി കുരുന്നുകള്‍ക്ക് അക്ഷരമാല പുസ്തകം നല്‍കി ഉദ്ഘാടനം ചെയ്തു. സര്‍ഗ്ഗ സംസ്‌കൃതി ചെയര്‍മാന്‍ ജയന്‍ ബോസ് അദ്ധ്യക്ഷത വഹിച്ചു. സെക്രട്ടറി ആന്റോ തൊറയന്‍, മലയാളം സംസ്‌കാരിക വേദി സെക്രട്ടറി കണ്ണന്‍ വേളേങ്കാട്ട് തുടങ്ങിയവര്‍ പങ്കെടുത്തു
കുന്നംകുളം പൊലീസ് കസ്റ്റഡിയിലെടുത്ത കെ.എസ്.ആര്‍.ടി.സി. ബസ് കുന്നംകുളം നഗരത്തില്‍ ഗതാഗത കുരുക്കും അപകട ഭീഷണിയും സൃഷ്ടിച്ചു.
ചൂണ്ടല്‍ കുറ്റിപ്പുറം സംസ്ഥാനപാതയില്‍ അക്കിക്കാവിലുണ്ടായ അപകടത്തെ തുടര്‍ന്ന് കസ്റ്റഡിയിലെടുത്ത കെ.എസ്.ആര്‍.ടി.സി ബസ് പൊലീസ് സ്റ്റേഷനു മുന്നിലെ റോഡിനു നടുവിലായി നിര്‍ത്തിയിട്ടതാണ് വിദ്യാര്‍ത്ഥികള്‍ക്കും യാത്രക്കാര്‍ക്കും ഗതാഗത തടസമുണ്ടാക്കിയത്. പൊലീസ് സ്റ്റേഷനു മുന്നിലെ ഈ അനാസ്ഥക്ക് എതിരെ യാത്രക്കാരും വിദ്യാര്‍ത്ഥികളും പ്രതിഷേധവുമായി രംഗത്ത് എത്തി. പൊതുജനങ്ങള്‍ റോഡ് നിയമങ്ങള്‍ ലംഘിച്ചാല്‍ കര്‍ശന നടപടിയെടുക്കുന്ന കുന്നംകുളം പോലീസ് തന്നെ ഇത്തരത്തിലുള്ള പ്രവൃത്തികള്‍ ചെയ്തതില്‍ കടുത്ത പ്രതിഷേധത്തിനിടയാക്കി.
കുന്നംകുളം ദേശീയ ഭക്ഷ്യ ഭദ്രത നിയമം നടപ്പിലാക്കുന്നതിന് വേണ്ടി അന്തിമ മുന്‍ഗണന പട്ടിക കുന്നംകുളം നഗരസഭ കൗണ്‍സില്‍ യോഗം അംഗീകരിച്ചു.
ഈ മാസം 17 നാണു പട്ടിക സമര്‍പ്പിക്കാന്‍ സപ്ലൈ ഓഫീസില്‍ നിന്ന് നഗരസഭക്ക് നിര്‍ദേശം ലഭിച്ചത്. 23നുള്ളില്‍ പട്ടിക സമര്‍പ്പിക്കാനായിരുന്നു നിര്‍ദേശം. ചുരുങ്ങിയ കാലയളവിനുള്ളില്‍ ശേഖരിച്ച ഗുണഭോക്താക്കളുടെ ലിസ്റ്റില്‍ അര്‍ഹരും അനര്‍ഹരും ഉള്‍പ്പെട്ടിട്ടുള്ളതായി ചെയര്‍പേഴ്സണ്‍ അറിയിച്ചു. അതിനാല്‍ നിലവില്‍ ശേഖരിച്ച ലിസ്റ്റ് കൗണ്‍സില്‍ അംഗീകരിക്കുന്നത് ജനങ്ങള്‍ക്ക് ആനുകൂല്യങ്ങള്‍ നഷ്ടപ്പെടാതിരിക്കാന്‍ വേണ്ടിയാണെന്നും ചെയര്‍പേഴ്സണ്‍ പറഞ്ഞു. വരും ദിവസങ്ങളില്‍ വാര്‍ഡ് സഭകള്‍ കേന്ദ്രീകരിച്ചു അര്‍ഹരായവരെ ഉള്‍പ്പെടുത്താനും അനര്‍ഹരായവരെ ഒഴിവാക്കാനും നടപടികള്‍ സ്വീകരിക്കുമെന്നും ചെയര്‍പേഴ്‌സണ്‍ വ്യക്തമാക്കി.
മാള വിശുദ്ധ അന്തോണീസിന്റെ തിരുശേഷിപ്പുകള്‍ ഇറ്റലിയിലെ പാദുവയില്‍ നിന്ന് പുത്തന്‍ചിറ പാദുവയിലേക്ക് എത്തിക്കുമെന്ന് ഭാരവാഹികള്‍ അറിയിച്ചു.
പുത്തന്‍ചിറയിലെ പാദുവ തീര്‍ത്ഥാടന കേന്ദ്രത്തില്‍ വിശുദ്ധ അന്തോണീസിന്റെ തിരുശേഷിപ്പിന് ഈമാസം 25 ന് സ്വീകരണം നല്‍കും.വൈകീട്ട് നടക്കുന്ന ആഘോഷമായ ദിവ്യബലിക്ക് ഇരിങ്ങാലക്കുട രൂപത മെത്രാന്‍ മാര്‍ പോളി കണ്ണൂക്കാടന്‍ കാര്‍മ്മികത്വം വഹിക്കും. വാര്‍ത്താ സമ്മേളനത്തില്‍ ഫാ.പീറ്റര്‍ കണ്ണമ്പുഴ, ഫാ.റെജിറ്റ് തുരുത്തേല്‍, ഫാ.ജസ്റ്റിന്‍ പാലമറ്റം, ആന്റണി പയ്യപ്പിള്ളി, ജോസ് പയ്യപ്പിളളി എന്നിവര്‍ പങ്കെടുത്തു.
അന്തിക്കാട് താന്ന്യം പഞ്ചായത്തില്‍ പട്ടികജാതി വിഭാഗത്തില്‍പ്പെട്ട പത്താം ക്ലാസ്സ് വിദ്യാര്‍ത്ഥികള്‍ക്ക് സൈക്കിള്‍ വിതരണം നടത്തി.
പെരിങ്ങോട്ടുകര ഗവണ്‍മെന്റ് ഹയര്‍ സെക്കണ്ടറി സ്‌കൂളില്‍ നടന്ന ചടങ്ങില്‍ താന്ന്യം ഗ്രാമപഞ്ചായത്ത് പ്രസിഡന്റ് സി.പി.ജോസ് വിതരണോദ്ഘാടനം നിര്‍വ്വഹിച്ചു. വൈസ് പ്രസിഡന്റ് ശുഭ സുരേഷ് അദ്ധ്യക്ഷത വഹിച്ചു. പഞ്ചായത്ത് സ്ഥിരം സമിതി അംഗങ്ങളായ വി.ഐ.അബൂബക്കര്‍ ,കെ .എസ് . ഷിബു, ഷീബ രാമചന്ദ്രന്‍ തുടങ്ങിയവര്‍ സംസാരിച്ചു.
എരുമപ്പെട്ടി എരുമപ്പെട്ടി ഗ്രാമ പഞ്ചായത്ത് തുടര്‍ വിദ്യാകേന്ദ്രത്തിന്റെ നേതൃത്വത്തില്‍ ലോക മാതൃഭാഷ ദിനാചരണം നടത്തി.
ഗ്രാമപഞ്ചായത്ത് പ്രസിഡന്റ് മീന ശലമോന്‍ അക്ഷരദീപം തെളിയിച്ച് ഉദ്ഘാടനം നിര്‍വ്വഹിച്ചു. സ്റ്റാന്‍ഡിംഗ് കമ്മറ്റി ചെയര്‍ പേഴ്‌സണ്‍ പി.എം. ഷൈല അധ്യക്ഷയായി. സംസ്ഥാന അധ്യാപക അവാര്‍ഡ് ജേതാവ് എം.എസ്.രാമകൃഷ്ണന്‍ മുഖ്യ പ്രഭാഷണം നടത്തി. ഗ്രാമപഞ്ചായത്ത് അംഗങ്ങളായ സി.വി.ബിനോജ്, അനിത വിന്‍സെന്റ്, സി.എ.ജോസഫ്, എന്നിവര്‍ സംസാരിച്ചു
പുന്നയൂര്‍ക്കുളം പുന്നയൂര്‍ക്കുളം കടിക്കാട് ഗവണ്‍മെന്റ് ഹയര്‍ സെക്കണ്ടറി സ്‌ക്കൂളിലെ പൂര്‍വ്വ വിദ്യാര്‍ത്ഥി സംഗമവും, സംഘടനാ രൂപീകരണവും, വ്യാഴാഴ്ച നടക്കുമെന്ന് ഭാരവാഹികള്‍ അറിയിച്ചു.
മഹത് വ്യക്തികളെ ആദരിക്കല്‍ വിരമിക്കുന്ന അധ്യാപിക ശ്രീമതിക്ക് യാത്രയയ്പ്പ് എന്നിവയും ഇതോടൊപ്പം നടക്കും. സി.എന്‍.ജയദേവന്‍ എം.പി. ഉദ്ഘാടനം നിര്‍വ്വഹിക്കും, വിദ്യാര്‍ത്ഥികളുടെ കലാപരിപാടികളും ഉണ്ടായിരിക്കും. കടിക്കാട് ഗവണ്‍മെന്റ് സ്‌ക്കൂള്‍ ചെയര്‍മാന്‍ ആലത്തയില്‍ മൂസ, കണ്‍വീനര്‍ വി.കെ.മുഹമ്മദ്, പ്രിന്‍സിപ്പള്‍ ടി.മുഹമ്മദ് എന്നിവര്‍ വാര്‍ത്താസമ്മോളനത്തില്‍ പങ്കെടുത്തു.
പുന്നയൂര്‍ക്കുളം അപകട ഭീഷണിയുയര്‍ത്തി റോഡിന് കുറുകെ കമാനം.
മമ്മിയൂര്‍ കുണ്ടുകടവ് സംസ്ഥാന പാതയില്‍ വടക്കേക്കാട് മൂന്നാംകല്ല്, കൊമ്പത്തേല്‍പ്പടി ബസ് സ്‌റ്റോപ്പുകള്‍ക്കിടയിലാണ് അപകടങ്ങള്‍ക്കിടയാക്കുന്ന വിധം കമാനം സ്ഥാപിച്ചത്. റോഡിലെ കമാനം മാറ്റണമെന്ന് ആവശ്യപ്പെട്ട് നാട്ടുകാര്‍ പി.ഡബ്ല്യൂ ഡി എക്‌സിക്യൂട്ടീവ് എഞ്ചിനീയര്‍ക്ക് പരാതി നല്‍കി
ചാലക്കുടി ചാലക്കുടി നഗരസഭ അധികൃതര്‍ ഭൂമാഫിയകള്‍ക്ക് ഒത്താശ ചെയ്യുന്നുവെന്ന് ആരോപിച്ച് സി.പി.ഐ.-എം.എല്‍ റെഡ് സ്റ്റാറിന്റെ ആഭിമുഖ്യത്തില്‍ നഗരസഭ കാര്യാലയത്തിലേക്ക് മാര്‍ച്ച് നടത്തി.
സംസ്ഥാന സെക്രട്ടറി കെ. ശിവരാമന്‍ ഉദ്ഘാടനം ചെയ്തു. ജില്ലാ പ്രസിഡന്റ് കെ.വി.പുരുഷോത്തമന്‍ അധ്യക്ഷത വഹിച്ചു. ഏരിയാ സെക്രട്ടറി വിത്സന്‍ കോട്ടക്ക, സാജന്‍ പടിക്കല എന്നിവര്‍ സംസാരിച്ചു.
അന്തിക്കാട് അന്തിക്കാട് കോള്‍ പടവിലെ നെല്‍കര്‍ഷകര്‍ക്ക് ഇഫ്‌കോ സൗജന്യമായി നല്‍കുന്ന സൂക്ഷ്മ മൂലകങ്ങളുടെ വിതരണോദ്ഘാടനം അന്തിക്കാട് കൃഷി ഓഫീസര്‍ എ.ടി.ഗ്രേസി നിര്‍വ്വഹിച്ചു.
അന്തിക്കാട് ഗ്രാമപഞ്ചായത്തിനെ ഇഫ്‌കോ മാതൃകാ ഗ്രാമമായി ദത്തെടുത്തതിന്റെ ഭാഗമായാണ് സൂക്ഷമ മൂലകങ്ങളായ ബോറോണ്‍, സിങ്ക് എന്നിവ വിതരണം നടത്തിയത്. പാടശേഖര സമിതി പ്രസിഡന്റ് എം.ജി.സുഗുണദാസ് അധ്യക്ഷത വഹിച്ചു.
ഗുരുവായൂര്‍ ഗുരുവായൂര്‍ നഗരസഭ വള്ളത്തോള്‍ സ്മാരക തുടര്‍വിദ്യാകേന്ദ്രത്തിന്റെ ആഭിമുഖ്യത്തില്‍ മാതൃഭാഷ ദിനാചരണം നടത്തി.
ടൗണ്‍ഹാളില്‍ നടന്ന ചടങ്ങ് നഗരസഭ ചെയര്‍പേഴ്‌സന്‍ പ്രൊഫ.പി.കെ.ശാന്തകുമാരി ഉദ്ഘാടനം ചെയ്തു. കൗണ്‍സിലര്‍ പ്രിയ രാജേന്ദ്രന്‍ അധ്യക്ഷത വഹിച്ചു.
മാള തെക്കന്‍ താണിശ്ശേരി സെന്റ് സേവിയേഴ്‌സ് എല്‍.പി.സ്‌കൂളില്‍ ഭക്ഷ്യമേളയും കുട്ടികളുടേയും രക്ഷിതാക്കളുടേയും ചിത്ര പ്രദര്‍ശനവും സംഘടിപ്പിച്ചു.
മാള ഗ്രാമപഞ്ചായത്ത് വൈസ് പ്രസിഡന്റ് ബിന്ദു ബാബു ഉദ്ഘാടനം ചെയ്തു. ഉഷ സദാനന്ദന്‍ അധ്യക്ഷത വഹിച്ചു. ചിത്രകാരന്‍ പി.സി.കാര്‍ത്തികേയന്‍ പാട്ടിന്റെ അകമ്പടിയോടെ ചിത്രം വരച്ചു. കണ്ടംകുളത്തി വൈദ്യശാല മാനേജിംഗ് ഡയറക്റ്റര്‍ കെ.പി.വിത്സണ്‍ മുഖ്യാതിഥിയായിരുന്നു. ചിത്രകാരന്‍ ടി.സി.നാരായണന്‍, സില്‍വി സേവ്യര്‍, സിസ്റ്റര്‍ സുമി തുടങ്ങിയവര്‍ സംസാരിച്ചു.
പാവറട്ടി എം.എസ് സി. ഫിസിക്കല്‍ ഓഷ്യാനൊഗ്രാഫി ആന്റ് ഓഷ്യന്‍ മോഡലിങ്ങില്‍ തൃശൂര്‍ വെങ്കിടങ്ങ് സ്വദേശിനി ഒന്നാം റാങ്ക് നേടി.
വെങ്കിടങ്ങ് തോട്ടപ്പള്ളി രമേശ് ലാലിന്റെയും ഇന്ദുവിന്റെയും മകള്‍ റിഞ്ചുഷയ്ക്കാണ് ഒന്നാം റാങ്ക് ലഭിച്ചത്. കൊച്ചി പനങ്ങാടുള്ള കേരള യൂണിവേഴ്‌സിറ്റി ഓഫ് ഫിഷറീസ് ആന്റ് ഓഷ്യന്‍ സയന്‍സ് കോളേജിലായിരുന്നു പഠനം.
കയ്പമംഗലം കൈപമംഗലം ചാച്ചാമരത്ത് പലചരക്ക് കടയില്‍ നിന്നു നിരോധിത പാന്‍മസാല പിടികൂടി.
സംഭവവുമായി ബന്ധപ്പെട്ട് കടയുടമ കൈപമംഗലം കരടിവളവ് സ്വദേശി കൈതവളപ്പില്‍ ഗിരിജയെ മതിലകം പോലീസ് അറസ്റ്റ് ചെയ്തു. ജൂനിയര്‍ എസ്.ഐ.-എന്‍.ഷിബുവിന്റെ നേതൃത്വത്തില്‍ നടത്തിയ പരിശോധനയിലാണ് പാന്‍മസാല പിടിച്ചെടുത്തത്. പ്രതിയെ പിന്നീട് ജാമ്യത്തില്‍ വിട്ടയച്ചു. ഇതിനു മുമ്പും സമാന കേസില്‍ ഗിരിജയെ പോലീസ് അറസ്റ്റ് ചെയ്തിരുന്നു.
വടക്കാഞ്ചേരി ആചാരങ്ങളുടേയും അനുഷ്ഠാനങ്ങളുടേയും സംഗമമായ മച്ചാട് തിരുവാണിക്കാവ് മാമാങ്കത്തിന് സാക്ഷ്യം വഹിക്കാന്‍ ജനലക്ഷങ്ങളെത്തി.
കുംഭമാസത്തിലെ മുപ്പട്ട് വെള്ളിയാഴ്ചക്ക് ശേഷം വരുന്ന ചൊവ്വാഴ്ചയാണ് മാമാങ്ക ദിവസമായി ആഘോഷിക്കുന്നത്. വിരുപ്പാക്ക, കരുമത്ര, മണലിത്തറ ദേശക്കുതിരകളെ തോളിലേറ്റി തട്ടക നിവാസികള്‍ ആര്‍പ്പ് വിളികളുമായി കൊയ്ത് ഒഴിഞ്ഞ വയലിലൂടെ ചൂടിനെ വകവെയ്ക്കാതെ കുമരം കിണറ്റിന്‍കര ക്ഷേത്രത്തില്‍ എത്തി. ക്ഷേത്രത്തില്‍ ചോറ്റാനിക്കര വിജയന്‍മാരാരുടെ പ്രാമാണികത്വത്തില്‍ പഞ്ചവാദ്യം നടന്നു. തുടര്‍ന്ന് കിഴക്കൂട്ട് അനിയന്‍മാരാരുടെ നേതൃത്വത്തില്‍ മേളവും ഉണ്ടായി. പാര്‍ളിക്കാട് ദേശക്കുതിരയും മംഗലം കുതിരയും കുമരം കിണറ്റുങ്കര എത്തിച്ചേര്‍ന്നതിന് ശേഷം തട്ടക കുതിരകള്‍, ക്ഷേത്രകുതിരക്കൊപ്പം തിരുവാണിക്കാവ് ക്ഷേത്രത്തില്‍ എത്തി. വിവിധ തട്ടകങ്ങളെ പ്രതിനിധീകരിച്ച് എത്തിയ ദേശക്കുതിരകളെ തോളിലേറ്റിയ തട്ടക നിവാസികള്‍ ആര്‍പ്പ് വിളികളോടെ ക്ഷേത്ര പ്രദക്ഷിണം നടത്തി. മാമാങ്കത്തിലെ ഏറ്റവും ആകര്‍ഷണീയമായ കുതിരക്കളി കാണുന്നതിനായി സ്ത്രീകളും കുട്ടികളും ഉള്‍പ്പെടെ വന്‍ജനാവലിയാണ് എത്തിയിരുന്നത്. ക്ഷേത്രത്തിന് വടക്ക് ഭാഗത്ത് ഒരുക്കിയ ഉയരമുള്ള പന്തലില്‍ കുതിരകളെ വാനിലേക്ക് ഉയര്‍ത്തി എറിഞ്ഞ് പന്തലില്‍ മുട്ടിക്കാന്‍ ശ്രമിക്കുന്നത് കാണികള്‍ക്ക് ആവേശകരമായ കാഴ്ചയായി മാറി. ഹരിജന്‍ വേലയും കുംഭം കുടവും പൂതനും തിറയും തിരുവാണിക്കാവിന്റെ തിരുമുറ്റത്ത് ആടിത്തിമര്‍ത്തു. തുടര്‍ന്ന് ഫാന്‍സി വെടിക്കെട്ടും നടന്നു.
തൃശൂര്‍ പാമ്പാടി നെഹ്‌റു എന്‍ജിനീയറിങ്ങ് കോളേജ് വിദ്യാര്‍ത്ഥി ജിഷ്ണുവിന്റെ മരണവുമായി ബന്ധപ്പെട്ട് ആത്മഹത്യാ പ്രേരണാകുറ്റം നിലനില്‍ക്കില്ലെന്ന് ഹൈക്കോടതി നിരീക്ഷണം.
കോളേജ് ചെയര്‍മാന്‍ പി.കൃഷണദാസിന്റെ ജാമ്യം തുടരും. കേസിലെ ഒന്നാം പ്രതി കൃഷ്ണദാസ് സമര്‍പ്പിച്ച മുന്‍കൂര്‍ ജാമ്യാപേക്ഷ പരിഗണിച്ചപ്പോഴാണ് കോടതിയുടെ നിരീക്ഷണം. കൃഷ്ണദാസിന്റെ മുന്‍കൂര്‍ ജാമ്യാപേക്ഷ വ്യാഴാഴ്ച പരിഗണിക്കും. ജിഷ്ണു സര്‍വകലശാലയ്ക്ക് അയച്ച പകര്‍പ്പ് ലഭ്യമാക്കാനും , കോളേജ് പ്രിന്‍സിപ്പാളിന്റെ രഹസ്യ മൊഴി ഹാജരാക്കാനും കോടതി ഉത്തരവിട്ടു. അതേസമയം കേസിലെ രണ്ടാപ്രതിയും പി.ആര്‍.ഒ യുമായ സഞ്ജിത്ത് വിശ്വന്നാഥന്റെ ജാമ്യാപേക്ഷക്കെതിരെ നല്‍കിയ തടസ ഹര്‍ജിയില്‍ തൃശൂര്‍ ജില്ലാ സെഷന്‍സ് കോടതി നാളെ വാദം കേള്‍ക്കും.
തൃശൂര്‍ ജില്ലയില്‍ പന്നിപ്പനി റിപ്പോര്‍ട്ട് ചെയ്യുന്ന സാഹചര്യത്തില്‍ പൊതുജനങ്ങള്‍ ജാഗ്രത പാലിക്കണമെന്ന് ജില്ലാ മെഡിക്കല്‍ ഓഫീസര്‍ അറിയിച്ചു.
ഈ വര്‍ഷം ജില്ലയില്‍ 4 പേര്‍ക്ക് രോഗം സ്ഥീരികരിച്ചു. പനി, തൊണ്ട വേദന, ജലദോഷം എന്നിവയാണ് സാധാരണ രോഗലക്ഷണങ്ങള്‍. ചികിത്സയ്ക്കുള്ള ഗുളിക സര്‍ക്കാര്‍ ആശുപത്രികളിലും ആരോഗ്യ കേന്ദ്രങ്ങളിലും സൗജന്യമായി ലഭ്യമാണ്. വായുവിലൂടെ പകരുന്നതിനാല്‍ പനി, ജലദോഷം ബാധിച്ചവര്‍ കഴിവതും മറ്റുളളവരുമായുളള സമ്പര്‍ക്കം ഒഴിവാക്കണം. കുട്ടികളില്‍ രോഗലക്ഷണം കണ്ടാല്‍ ഒരാഴ്ചത്തേക്ക് വിശ്രമം അനുവദിക്കണമെന്നും ഡി.എം.ഒ നിര്‍ദ്ദേശിച്ചു.
ഇരിങ്ങാലക്കുട ഇരിങ്ങാലക്കുടയില്‍ ബൈക്കപടത്തില്‍ പരിക്കേറ്റ് ചികിത്സയിലായിരുന്ന വയോധികന്‍ മരിച്ചു.
ആനത്താഴത്ത് വീട്ടില്‍ 70 വയസുള്ള ജോസാണ് മരിച്ചത്. ഇന്നലെ വൈകീട്ട് വീടിന് സമീപത്ത് വെച്ചാണ് ജോസിനെ ബൈക്കിടിച്ച് വീഴ്ത്തിയത്. ഇടിച്ച ബൈക്ക് നിര്‍ത്താതെ പോയിരുന്നു. ഇരിങ്ങാലക്കുട പോലീസ് കേസെടുത്തു.
കുന്നംകുളം അക്കിക്കാവില്‍ നിയന്ത്രണം വിട്ട കാര്‍ കെ.എസ്.ആര്‍.ടി.സി ബസിലിടിച്ച് കാര്‍ ഡ്രൈവര്‍ക്കു പരിക്കേറ്റു.
പരിക്കേറ്റ കാര്‍ ഡ്രൈവര്‍ കണ്ണൂര്‍ പയ്യാവ് മുതുകാട്ടില്‍ തോമസിനെ പെരുമ്പിലാവ് അന്‍സാര്‍ ആശുപത്രിയില്‍ പ്രവേശിപ്പിച്ചു. പെരിന്തല്‍മണ്ണയില്‍ നിന്ന് തൃശൂരിലേക്ക് പോവുകയായിരുന്നു ബസ്. കോട്ടയത്തു നിന്നു കണ്ണൂരിലേക്ക് കുടുംബവുമായി വന്നിരുന്ന കാറിനു നിയന്ത്രണം നഷ്ടപ്പെട്ടതിനെ തുടര്‍ന്ന് ബസിന്റെ മധ്യഭാഗത്ത് ഇടിക്കുകയായിരുന്നു. അപകടത്തെ തുടര്‍ന്ന് മേഖലയില്‍ ഒരു മണിക്കൂറോളം ഗതാഗതം സ്തംഭിച്ചു. പോലീസില്‍ വിവരമറിയിച്ചിരുന്നെങ്കിലും എത്താത്തതിനെ തുടര്‍ന്ന് നാട്ടുകാര്‍ രംഗത്തിറങ്ങി ഗതാഗതം നിയന്ത്രിക്കുകയായിരുന്നു. ആംബുലന്‍സ് അടക്കമുള്ള വാഹനങ്ങളാണ് കുരുക്കില്‍ പെട്ട് മണിക്കൂറുകളോളം കാത്തുനിന്നത്. തുടര്‍ന്ന് വാഹനങ്ങള്‍ നിയന്ത്രിച്ചു നാട്ടുകാര്‍ തന്നെ ഗതാഗതം പുനഃസ്ഥാപിച്ചു. പരിക്കേറ്റ ആളെ ആശുപത്രിയില്‍ എത്തിച്ചതും നാട്ടുകാര്‍ തന്നെയാണ്.
ചാലക്കുടി വിദേശത്ത് ജോലി ചെയ്യുന്ന കൊരട്ടി സ്വദേശിനിയായ യുവതിയുടെ നഗ്‌നചിത്രങ്ങള്‍ പ്രസിദ്ധപ്പെടുത്തുമെന്ന് ഭീഷണിപ്പെടുത്തി പണവും സ്വര്‍ണവും തട്ടിയെടുത്ത യുവാവിനെ പൊലീസ് അറസ്റ്റ് ചെയ്തു.
ചാവക്കാട് കടപ്പുറം കുന്നത്ത് വീട്ടില്‍ നിസാമുദ്ദീനെയാണ് കൊരട്ടി എസ്.ഐ. -എം.ജെ. ജിജോയുടെ നേതൃത്വത്തില്‍ അറസ്റ്റ് ചെയ്തത്. നേഴ്‌സായ യുവതി ഡല്‍ഹില്‍ ജോലി ചെയ്തിരുന്ന രണ്ടുവര്‍ഷം മുമ്പാണ് നിസാമുദ്ദീന്‍ അവരുമായി വാട്ട്‌സ് ആപ്പിലൂടെ പരിചയപ്പെട്ടത്. തുടര്‍ന്ന് ഇരുവരും പരസ്പരം ഫോണ്‍ മുഖേന ചിത്രങ്ങള്‍ അയച്ചുകൊടുത്തിരുന്നു. പിന്നീട് ചിത്രങ്ങള്‍ ഫെയ്‌സ് ബുക്കിലിടുമെന്ന് പറഞ്ഞ ഇയാള്‍ യുവതിയില്‍ നിന്നും പണം കൈക്കലാക്കി. സ്വര്‍ണമോതിരവും മാലയും തട്ടിയെടുത്തുവെന്ന് പൊലീസ് പറഞ്ഞു. ഏതാനും മാസം മുമ്പ് ഗള്‍ഫിലേക്ക് പോയ യുവതിയില്‍ നിന്നു തുടര്‍ന്നും പണം ഈടാക്കിയിരുന്നു. ഭീഷണി മൂലം ഇയാളുടെ അക്കൗണ്ടിലേക്കാണ് 20,000 രൂപ വീതം അയച്ചത്. ഇയാളുടെ ശല്യം സഹിക്കാതെ വന്നപ്പോള്‍ യുവതി കൊരട്ടി പൊലീസില്‍ പരാതി നല്‍കുകയായിരുന്നു. എ.എസ്.ഐ.- സി.വി. ഡേവിസ്, സി.പി.ഒ.മാരായ വി.എസ്. അജിത്ത്കുമാര്‍, ടി.ടി. ബൈജു എന്നിവരും അന്വേഷണ സംഘത്തിലുണ്ടായിരുന്നു.
തൃശൂര്‍ ചലച്ചിത്രനടിയെ ആക്രമിച്ച സംഭവത്തില്‍ പ്രതിഷേധിച്ച് അഖിലേന്ത്യാ ജനാധിപത്യ മഹിളാ അസോസിയേഷന്റെ നേതൃത്വത്തില്‍ തൃശൂരില്‍ പ്രകടനം നടത്തി.
സംഭവത്തെ ശക്തമായി അപലപിച്ച പ്രവര്‍ത്തകര്‍ മെഴുകുതിരികള്‍ കത്തിച്ച് നടിക്ക് ഐക്യദാര്‍ഢ്യം പ്രഖ്യാപിച്ചു. അസോസിയേഷന്‍ ജില്ലാ കമ്മിറ്റി ഓഫീസില്‍ നിന്ന് ആരംഭിച്ച പ്രകടനം നടുവിലാല്‍ പരിസരത്ത് സമാപിച്ചു. മഹിളാ അസോസിയേഷനു പുറമേ വര്‍ക്കിംഗ് വുമണ്‍സ് കോര്‍ഡിനേഷന്‍ കമ്മിറ്റി, കര്‍ഷക തൊഴിലാളി യൂണിയന്‍, ഡി.വൈ.എഫ്.ഐ എന്നീ സംഘടനാ പ്രതിനിധികളും പ്രകടനത്തില്‍ അണിനിരന്നു. ആര്‍.ബിന്ദു, കെ.വി.നഫീസ, ടി.എ.ഉഷാകുമാരി, ഗ്രീഷ്മ അജയ്‌ഘോഷ്, ബിന്ദു പുരുഷോത്തമന്‍ എന്നിവര്‍ പ്രകടനത്തിന് നേതൃത്വം നല്‍കി.
തൃശൂര്‍ തൃശൂര്‍ പെരിങ്ങാവില്‍ തടികയറ്റിയ പിക്കപ്പ് വാന്‍ നിയന്ത്രണം വിട്ട് നടു റോഡില്‍ ചെരിഞ്ഞു.
അമിതലോഡ് കയറ്റിയ പിക്കപ്പ് വാനിന്റെ ടയര്‍ ഊരിത്തെറിച്ചതിനെ തുടര്‍ന്ന് നിയന്ത്രണം വിട്ട് ചെരിയുകയായിരുന്നു. അപകടത്തില്‍ ആര്‍ക്കും പരിക്കില്ല.
തൃപ്രയാര്‍ വാടാനപ്പള്ളി ഗ്രാമപഞ്ചായത്ത് പതിനഞ്ചാം വാര്‍ഡിലേക്കുള്ള ഉപതെരഞ്ഞെടുപ്പ് വാടാനപ്പള്ളി ആര്‍.സി.യു.പി സ്‌കൂളില്‍ നടന്നു.
പതിനഞ്ചാം വാര്‍ഡില്‍ 1595 വോട്ടര്‍മാരാണുള്ളത്. എല്‍.ഡി.എഫ് സ്ഥാനാര്‍ത്ഥിയായി സി.വി.ആനന്ദന്‍, യു.ഡി.എഫ് സ്ഥാനാര്‍ത്ഥിയായി സി.എസ്.സുവിന്‍ എന്നിവരാണ് മത്സരിക്കുന്നത്. ബിജെപി സ്ഥാനാര്‍ത്ഥി കെ.എസ് ഷിജുവും ആര്‍.എം.പി ജനകീയമുന്നണി സ്ഥാനാര്‍ത്ഥിയായി കെ.കെ .സുമേഷും മത്സരിക്കുന്നുണ്ട്. സി.പി.എം. അംഗമായിരുന്ന കെ.എസ് ഉണ്ണികൃഷ്ണന്റെ മരണത്തെ തുടര്‍ന്നാണ് പതിനഞ്ചാം വാര്‍ഡില്‍ ഉപതിരഞ്ഞെടുപ്പ് വേണ്ടി വന്നത്. നാളെ രാവിലെ വാടാനപ്പള്ളി ഗ്രാമപഞ്ചായത്ത് ഹാളിലാണ് വോട്ടെണ്ണല്‍.
തൃശൂര്‍ യുവനടിയെ ആക്രമിച്ച കേസില്‍ മുന്‍കൂര്‍ ജാമ്യത്തിന് അപേക്ഷിച്ച പള്‍സര്‍ സുനി ഉള്‍പ്പെടെയുള്ള പ്രതികളുടെ ഹര്‍ജി പരിഗണിക്കുന്നത് ഹൈക്കോടതി മാറ്റിവെച്ചു.
മാര്‍ച്ച് മൂന്നിലേക്കാണ് ഹര്‍ജി മാറ്റിയത്. സര്‍ക്കാര്‍ നിലപാട് അറിയുന്നതിന് വേണ്ടിയാണ് ഹര്‍ജി മാറ്റിയത്. കേസില്‍ 4 പ്രതികള്‍ ഇതുവരെ പിടിയിലായിട്ടുണ്ട്. പള്‍സര്‍ സുനിയെയും വിനീഷിനെയുമാണ് ഇനി പിടികൂടാനുള്ളത്. തങ്ങളെ കേസില്‍ കുടുക്കുകയായിരുന്നു എന്നു കാണിച്ചാണ് പ്രതികള്‍ മുന്‍കൂര്‍ ജാമ്യത്തിന് അപേക്ഷിച്ചിരിക്കുന്നത്.
കൊടുങ്ങല്ലൂര്‍ ശ്രീനാരായണപുരം പഞ്ചായത്തിന്റെ തീരമേഖലയില്‍ രാഷ്ട്രീയ അക്രമങ്ങള്‍ക്ക് സാധ്യതയെന്ന് രഹസ്യാന്വേഷണ വിഭാഗത്തിന്റെ മുന്നറിയിപ്പ്.
പടിഞ്ഞാറെ വെമ്പല്ലൂര്‍ എം.ഇ.എസ് അസ്മാബി കോളേജില്‍ ഇന്നലെയുണ്ടായ എസ്.എഫ്.ഐ ബി.ജെ.പി സംഘര്‍ഷത്തിന്റെ പശ്ചാത്തലത്തിലാണ് സ്‌പെഷല്‍ ബ്രാഞ്ച് റിപ്പോര്‍ട്ട് നല്‍കിയിട്ടുള്ളത്. ഈ സാഹചര്യത്തില്‍ തീരമേഖലയില്‍ പോലീസ് കൂടുതല്‍ ശ്രദ്ധ ചെലുത്തണമെന്ന് ആവശ്യമുയര്‍ന്നിട്ടുണ്ട്.
ഗുരുവായൂര്‍ ഗുരുവായൂരില്‍ വീട് കുത്തിത്തുറന്ന് മോഷണം നടത്താന്‍ ശ്രമിക്കുന്നതിനിടെ ഒരാള്‍ പിടിയില്‍.
രണ്ടു പേര്‍ ഓടി രക്ഷപ്പെട്ടു. ചൊവ്വല്ലൂര്‍പടി തിരിവില്‍ പണിക്കവീട്ടില്‍ പരേതനായ മുഹമ്മദുണ്ണിയുടെ വീട്ടിലാണ് മോഷണ ശ്രമം നടന്നത്. രണ്ടു ദിവസമായി വീട്ടില്‍ ആളില്ലായിരുന്നു. അടുക്കളയോട് ചേര്‍ന്നുള്ള ചായ്പില്‍ രാത്രി തമിഴ്‌നാട് സ്വദേശികളായ ജോലിക്കാര്‍ കിടക്കാറുണ്ടായിരുന്നു. അര്‍ദ്ധരാത്രി വീടിന്റെ മുന്‍വശത്തെ വാതില്‍ തകര്‍ത്ത് മോഷ്ടാക്കള്‍ അകത്ത് കടന്നു. രക്ഷപ്പെടുന്നതിന് സൗകര്യത്തിനായി അടുക്കള വാതില്‍ തുറന്നയുടനെ പുറത്ത് കിടന്നിരുന്ന ജോലിക്കാര്‍ നിലവിളിച്ചു. ഇതൊടെ മോഷ്ടാക്കള്‍ മുന്‍വശത്തെ വാതില്‍ വഴി ഓടി രക്ഷപ്പെട്ടു. മൂന്ന് പേരുണ്ടായിരുന്നതായി ജോലിക്കാര്‍ പറഞ്ഞു. പിന്നീട് പരിസരവാസികള്‍ നടത്തിയ തെരച്ചിലില്‍ സമീപത്തെ വീട്ടില്‍ പതുങ്ങി നില്‍ക്കുകയായിരുന്ന ഒരാളെ പിടികൂടി. കൊല്ലം സ്വദേശി ബാബുവാണ് പിടിയിലായത്. ജോലിക്കാര്‍ ഇയാളെ തിരിച്ചറിഞ്ഞതിനെ തുടര്‍ന്ന് പോലീസ് കസ്റ്റഡിയിലെടുത്തു. ഇയാള്‍ക്കെതിരെ നൂറിലധികം മോഷണകേസുകളുണ്ടെന്ന് പ്രാഥമികാന്വേഷണത്തില്‍ വ്യക്തമായതായി പോലീസ് പറഞ്ഞു. വീടിനകത്ത് സ്വര്‍ണവും പണവും സൂക്ഷിച്ചിരുന്നെങ്കിലും ജോലിക്കാരുടെ തക്കസമയത്തുള്ള ഇടപെടലില്‍ ഒന്നും നഷ്ടമായില്ല. രക്ഷപ്പെട്ടവര്‍ക്ക് വേണ്ടി പോലീസ് അന്വേഷണം ഊര്‍ജിതമാക്കി.
ചാവക്കാട് ജില്ലയിലെ മികച്ച രണ്ടാമത്തെ ഗ്രാമപഞ്ചായത്തിനുള്ള സ്വരാജ് ട്രോഫി ഒരുമനയൂര്‍ ഗ്രാമപഞ്ചായത്ത് ഏറ്റുവാങ്ങി.
കണ്ണൂരില്‍ നടന്ന ചടങ്ങില്‍ മന്ത്രി കടന്നപ്പള്ളി രാമചന്ദ്രനില്‍ നിന്ന് പഞ്ചായത്ത് പ്രസിഡന്റ് കെ.ജെ.ചാക്കോ, വൈസ് പ്രസിഡന്റ് ആഷിത കുണ്ടിയത്ത് എന്നിവരാണ് പുരസ്‌കാരം ഏറ്റുവാങ്ങിയത്.. ജില്ലയിലെ മികച്ച് രണ്ടാമത്തെ പഞ്ചായത്ത് സെക്രട്ടറിയായി ഒരുമനയൂരിലെ ഇ.എ.രാജനെ തെരഞ്ഞെടുത്തു. 2015-16കേന്ദ്ര സര്‍ക്കാരിന്റെ രാജീവ് ഗാന്ധി പഞ്ചായത്ത് ശാക്തീകരണ്‍ അഭിയാന്‍ അവാര്‍ഡിനും ഒരുമനയൂര്‍ പഞ്ചായത്തിന് നോമിനേഷന്‍ ലഭിച്ചിട്ടുണ്ട്.
ചേലക്കര പഴയന്നൂര്‍ ബ്ലോക്ക് പഞ്ചായത്തിന്റെയും, സാക്ഷരതാ മിഷന്റെയും, കൊണ്ടാഴി വികസന വിദ്യാകേന്ദ്രത്തിന്റെയും സംയുക്താഭിമുഖ്യത്തില്‍ മാതൃഭാഷാ ദിനാചരണം സംഘടിപ്പിച്ചു.
പഴയന്നൂര്‍ ബ്ലോക്ക് പഞ്ചായത്ത് ഹാളില്‍ നടത്തിയ പരിപാടി കവിയും ഗാനരചയിതാവുമായ ഏങ്ങണ്ടിയൂര്‍ ചന്ദ്രശേഖരന്‍ ഉദ്ഘാടനം ചെയ്തു. ബ്ലോക്ക് പഞ്ചായത്ത് വൈസ് പ്രസിഡന്റ് എം. പത്മകുമാര്‍ അദ്ധ്യക്ഷനായിരുന്നു. അദ്ധ്യാപകന്‍ കെ.ശശിധരന്‍ 'മാതൃഭാഷയും സംസ്‌ക്കാരവും' എന്ന വിഷയത്തില്‍ ക്ലാസ്സെടുത്തു. സാക്ഷരതാ മിഷന്‍ ബ്ലോക്ക് കോ-ഓഡിനേറ്റര്‍ സി. എസ്.സജീവന്‍, ബ്ലോക്ക് പഞ്ചായത്ത് അംഗങ്ങളായ നിര്‍മ്മല രവികുമാര്‍, വി.പി.പാറുക്കുട്ടി തുടങ്ങിയവര്‍ പങ്കെടുത്തു. സാക്ഷരതാ മിഷന്‍ പത്താംതരം തുല്യതാ പരീക്ഷയില്‍ ഏറ്റവും കൂടുതല്‍ മാര്‍ക്ക് ലഭിച്ച വിദ്യാര്‍ത്ഥികളെ അനുമോദിച്ചു.
കയ്പമംഗലം മാതൃഭാഷയെ കുറിച്ച് എഴുതിയ രചനകളും അച്ചടിച്ചിറക്കിയ ഭാഷ പത്രവും മുതിര്‍ന്നവര്‍ക്ക് സമ്മാനിച്ച് കുരുന്നുകളുടെ ലോക മാതൃഭാഷാ ദിനാചരണം.
ചെന്ത്രാപ്പിന്നി പെരുമ്പടപ്പ ഗവണ്‍മെന്റ് എല്‍.പി സ്‌കൂളിലെ വിദ്യാര്‍്ത്ഥികളാണ് മാതൃഭാഷയുടെ പ്രാധാന്യം വിളിച്ചോതുന്ന പ്ലക്കാര്‍ഡുകളും പത്രവുമായി മാതൃഭാഷ ദിനത്തില്‍ പ്രചാരണത്തിനിറങ്ങിയത്. കുഞ്ചന്‍ നമ്പ്യാര്‍, വള്ളത്തോള്‍, ഉള്ളൂര്‍, കുഞ്ഞുണ്ണിമാഷ് എന്നീ കവികള്‍ മാതൃഭാഷക്ക് വേണ്ടി എഴുതിയ വരികളായിരുന്നു പ്ലക്കാര്‍ഡുകളില്‍ അധികവും. വിദ്യാലയ അങ്കണത്തിലെ മുത്തശ്ശി മാവിനെ കുട്ടികള്‍ അക്ഷര വൃക്ഷമാക്കി മാറ്റി. പ്രധാനാധ്യാപിക പി.വി.സുഷമ, അധ്യാപകരായ സി.കെ.ബിജോയ്, ഷക്കീല ജമാല്‍ എന്നിവര്‍ നേതൃത്വം നല്കി്.
ചാവക്കാട് ഒരുമനയൂര്‍ പഞ്ചായത്ത് തുടര്‍ വിദ്യാകേന്ദ്രങ്ങളുടെ നേതൃത്വത്തില്‍ ലോക മാതൃഭാഷാ ദിനത്തോടനുബന്ധിച്ച് ഗുണഭോക്തൃ സംഗമവും മാതൃഭാഷ സെമിനാറും നടത്തി.
പഞ്ചായത്ത് പ്രസിഡന്റ് കെ.ജെ.ചാക്കോ ഉദ്ഘാടനം ചെയ്തു. വൈസ് പ്രസിഡന്റ് ആഷിത കുണ്ടിയത്ത് അധ്യക്ഷത വഹിച്ചു. മാധ്യമ പ്രവര്‍ത്തകന്‍ കെ.സി.ശിവദാസ്, പഞ്ചായത്ത് അംഗങ്ങളായ പി.കെ.അലി, ഷൈനി ഷാജി തുടങ്ങിയവര്‍ സംസാരിച്ചു.
കയ്പമംഗലം കയ്പമംഗലം ഗ്രാമപഞ്ചായത്ത് തുടര്‍ വിദ്യാ കേന്ദ്രത്തിന്റെ ആഭിമുഖ്യത്തില്‍ മാതൃഭാഷ ദിനാചരണവും ഗുണഭോക്തൃ സംഗമവും സംഘടിപ്പിച്ചു.
പഞ്ചായത്ത് കമ്മ്യൂണിറ്റി ഹാളില്‍ നടന്ന ദിനാചരണം പഞ്ചായത്ത് പ്രസിഡന്റ്ത ടി.വി.സുരേഷ് ഉദ്ഘാടനം ചെയ്തു. ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‌േേപഴ്‌സണ്‍ ജിസിനി ഷാജി അധ്യക്ഷത വഹിച്ചു. മതിലകം ബി.ആര്‍.സി ബി.പി.ഒ- ടി.എസ്.സജീവന്‍ ക്ലാസ് നയിച്ചു. പഞ്ചായത്ത് വൈസ് പ്രസിഡന്റ് ഖദീജ പുതിയവീട്ടില്‍, ബ്ലോക്ക് പഞ്ചായത്തംഗം നൂറുല്‍ ഹുദ, പഞ്ചായത്തംഗങ്ങളായ പി.എ.സെജീര്‍, എന്‍.എസ്.പ്രണവ്, എന്നിവര്‍ സംസാരിച്ചു.
പാവറട്ടി വെങ്കിടങ്ങ് ഗ്രാമപഞ്ചായത്ത് തുടര്‍ വിദ്യാ കേന്ദ്രത്തിന്റെ ആഭിമുഖ്യത്തില്‍ മാതൃഭാഷാ ദിനാചരണവും ഗുണഭോക്തൃ സംഗമവും നടത്തി.
ഗ്രാമപഞ്ചായത്ത് പ്രസിഡന്റ് രതി എം.ശങ്കര്‍ ഉദ്ഘാടനം ചെയ്തു. സ്ഥിരം സമിതി അധ്യക്ഷ രത്‌നവല്ലി സുരേന്ദ്രന്‍ അധ്യക്ഷയായിരുന്നു. ജനപ്രതിനിധികളായ കെ.വി.വേലുക്കുട്ടി, ഗ്രേസി ജേക്കബ്, സി.ഡി.എസ്.ചെയര്‍പേഴ്‌സണ്‍ ഷീജ രാജീവ് തുടങ്ങിയവര്‍ സംസാരിച്ചു.
മാള പഴമയുടെ പുതുമയുമായി കണ്ടും കേട്ടും അറിഞ്ഞ നാടന്‍ പലഹാരങ്ങളുമായി ഒരു കൂട്ടം അമ്മമാര്‍ ഒരുക്കിയ ഭക്ഷ്യ മേള വേറിട്ടതായി.
തെക്കന്‍ താണിശ്ശേരി സെന്റ് സേവിയേഴ്‌സ് എല്‍.പി. സ്‌കൂളിലായിരുന്നു ഏറെ കൗതുകത്തോടെയുള്ള പ്രദര്‍ശനം. എണ്ണ പൂര്‍ണ്ണമായും ഒഴിവാക്കിയുള്ള പരമ്പരാഗത വിഭവങ്ങളാണ് മുപ്പതോളം അമ്മമാര്‍ ചേര്‍ന്ന് ഒരുക്കിയത്. സ്‌കൂളിലെ സംസ്‌കൃതി പരിപാടിയുടെ ഭാഗമായി സംഘടിപ്പിച്ച മേളയില്‍ മുന്നൂറോളം നാടന്‍ ഭക്ഷ്യ വിഭവങ്ങള്‍ അമ്മമാര്‍ ഒരുക്കി. 20 മുതല്‍ 30 വരെ ഇനങ്ങള്‍ ഒരുക്കിയ അമ്മമാരുടെ പ്രദര്‍ശനങ്ങള്‍ കൂടുതല്‍ ശ്രദ്ധേയമായി. വിവിധ ഇനം പുട്ടുകള്‍, ദോശകള്‍, ഇഡലി, അട, പിടി, അപ്പം, ഉപ്പുമാവുകള്‍, ഔഷധ ഇലകള്‍ ചേര്‍ത്തുള്ള പലഹാരങ്ങള്‍, പഴങ്ങളും കിഴങ്ങ് വര്‍ഗങ്ങളും ചേര്‍ത്തുള്ള വിഭവങ്ങള്‍ തുടങ്ങിയ പുതുതലമുറ കേട്ട് മാത്രം പരിചയമുള്ള നിരവധി ഇനങ്ങളാണ് അമ്മമാര്‍ ഒരുക്കിയത്. ചക്ക കൊണ്ടുള്ള ഹല്‍വ അടക്കമുള്ള വിഭവങ്ങളും ഒരുക്കിയിരുന്നു. കറുക ഇല, ചേമ്പില, പ്ലാവില, വാഴയില തുടങ്ങിയവയില്‍ പൊതിഞ്ഞ വിവിധ പലഹാരങ്ങള്‍ പ്രദര്‍ശനത്തില്‍ ഉണ്ടായിരുന്നു. പാചകത്തിനായി ഉപയോഗിച്ച വസ്തുക്കളുടെ വിവരങ്ങളും അളവും പാചക രീതിയും പ്രദര്‍ശനത്തില്‍ കൗതുകമായി. പ്രദര്‍ശനം കാണാന്‍ നിരവധി പേരാണ് എത്തിയത്. വിദ്യാലയത്തില്‍ ചിത്ര പ്രദര്‍ശനവും ഒരുക്കിയിരുന്നു. കണ്ടംകുളത്തി വൈദ്യശാല മാനേജിംഗ് ഡയറക്റ്റര്‍ കെ.പി.വിത്സണ്‍, മാള ഗ്രാമപഞ്ചായത്ത് വൈസ് പ്രസിഡന്റ് ബിന്ദു ബാബു, കുഴൂര്‍ ഗ്രാമപഞ്ചായത്ത് സ്ഥിരം സമിതി അധ്യക്ഷന്മാരായ സില്‍വി സേവ്യര്‍, ഉഷ സദാനന്ദന്‍ തുടങ്ങിയവര്‍ പ്രദര്‍ശനം കാണാനെത്തി.
ചേലക്കര തിരുവില്വാമല ഏകാദശി മഹോത്സവത്തോടനുബന്ധിച്ച് ദശമി വിളക്ക് ആഘോഷിച്ചു.
ക്ഷേത്രത്തിനകത്തെ കൂത്തമ്പലത്തില്‍ നടന്ന നങ്ങ്യാര്‍ കൂത്തിന് ശേഷം വില്വാദ്രിനാഥ സംഗീതോത്സവം നടത്തി. മേളത്തിന്റെ അകമ്പടിയോടെ നടന്ന ശീവേലി എഴുന്നെള്ളിപ്പിനു 3 ഗജവീരന്‍മാര്‍ അണിനിരന്നു. കിള്ളിക്കുറിശ്ശി മംഗലം ശങ്കരനാരായണന്‍ ഓട്ടന്‍തുള്ളല്‍ അവതരിപ്പിച്ചു. വൈകീട്ട് പി.കെ. ജി. നമ്പ്യാര്‍ അവതരിപ്പിക്കുന്ന പാഠകം, തിരുവാതിരക്കളി, വിളക്കുവെപ്പ്, ദീപാരാധന, സ്‌പെഷ്യല്‍ നാഗസ്വരം, ഗസല്‍ സന്ധ്യ, ഇരട്ട ത്തായമ്പക എന്നിവ ഉണ്ടാകും. നാളെയാണ് ഏകാദശി വിളക്ക്
തൃശൂര്‍ ബി.എസ്.എന്‍.എല്‍ ഓഫീസര്‍മാരുടെ സംഘടനയായ എ.ഐ.ബി.എസ്.എന്‍.എല്‍.ഇ.എ യുടെ ആറാം സംസ്ഥാന സമ്മേളനം തൃശൂരില്‍ നാളെ നടക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു.
സാഹിത്യ അക്കാദമിയില്‍ നടക്കുന്ന സമ്മേളനം എം.ബി രാജേഷ് എം.പി ഉദ്ഘാടനം ചെയ്യും. അസോസിയേഷന്‍ സംസ്ഥാന പ്രസിഡന്റ് എം.ശ്യാംകുമാര്‍, സെക്രട്ടറി എ.വി.ഷാജി, പി.വിജയകുമാര്‍, എ.സി ഷാജി, കെ.ആര്‍ കൃഷ്ണന്‍ എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.
കുന്നംകുളം കാണിപ്പയ്യൂര്‍ പത്തങ്ങാടി നേതാജി റോഡിലെ കുടുംബങ്ങള്‍ക്ക് കുടിവെള്ളമെത്തി.
ചൊവ്വന്നൂര്‍ ബ്ലോക്ക് പഞ്ചായത്ത് ജനകീയാസൂത്രണ പദ്ധതിയില്‍ ഉള്‍പ്പെടുത്തി നിര്‍മ്മാണം പൂര്‍ത്തീകരിച്ച പത്തങ്ങാടി നേതാജി റോഡ് കുടിവെള്ള പദ്ധതിയുടെ ഉദ്ഘാടനം ബ്ലോക്ക് പഞ്ചായത്ത് പ്രസിഡണ്ട് എ.വി.സുമതി നിര്‍വ്വഹിച്ചു. പോര്‍ക്കുളം ഗ്രാമപഞ്ചായത്ത് പ്രസിഡണ്ട് ഓമന ബാബു അധ്യക്ഷത വഹിച്ചു. ചൊവ്വന്നൂര്‍ ബ്ലോക്ക് പഞ്ചായത്ത് വൈസ് പ്രസിഡണ്ട് ഉഷ പ്രഭുകുമാര്‍, സ്ഥിരം സമിതി അധ്യക്ഷരായ എം.വി പ്രശാന്ത്, എന്‍.എ.ഇക്ബാല്‍ തുടങ്ങിയവര്‍ സംസാരിച്ചു.
കൊടകര കൊടകര പന്തല്ലൂര്‍ ചെങ്ങാന്തുരുത്തി ശിവശക്തി മഹാവിഷ്ണു ക്ഷേത്രത്തിലെ മഹാശിവരാത്രി ആഘോഷം വെള്ളി, ശനി ദിവസങ്ങളില്‍ നടക്കുമെന്ന് ഭാരവാഹികള്‍ കൊടകരയില്‍ അറിയിച്ചു.
വെള്ളിയാഴ്ച രാവിലെ 5 മുതല്‍ ക്ഷേത്ര ചടങ്ങുകള്‍, വൈകീട്ട് ചികിത്സാ ധനസഹായ വിതരണം, വിദ്യാഭ്യാസ അവാര്‍ഡ് വിതരണം, കുട്ടികളുടെ കലാവിരുന്ന്, ഭജന എന്നിവ നടക്കും. ശനിയാഴ്ച പുലര്‍ച്ചെ 2.15 മുതല്‍ ക്ഷേത്രത്തോടു ചേര്‍ന്ന കുറുമാലിപ്പുഴക്കടവില്‍ പിതൃബലിതര്‍പ്പണം ഉണ്ടാകും. ക്ഷേത്ര ചടങ്ങുകള്‍ക്ക് തന്ത്രി അഴകത്ത് മാധവന്‍ നമ്പൂതിരി, മേല്‍ശാന്തി കൈമുക്ക് പ്രകാശന്‍ നമ്പൂതിരി എന്നിവരും പിതൃബലി തര്‍പ്പണ ചടങ്ങുകള്‍ക്ക് അവകം ഹരികൃഷ്ണന്‍ ഇളയതും കാവനാട് സുരേഷ് ശാന്തിയും കാര്‍മികത്വം വഹിക്കും. വാര്‍ത്താ സമ്മേളനത്തില്‍ ക്ഷേത്രം പ്രസിഡണ്ട് സജീഷ് തറയില്‍, രവീന്ദ്രന്‍ കല്ലുംപുറം, സുകുമാരന്‍ വടക്കൂടന്‍, ശശി കല്ലുംപുറം എന്നിവര്‍ പങ്കെടുത്തു.
കൊടുങ്ങല്ലൂര്‍ കൊടുങ്ങല്ലൂര്‍ താലൂക്ക് ഗവണ്‍മെന്റ് ആശുപത്രി ടി.ബി.യൂണിറ്റിന്റെ ആഭിമുഖ്യത്തില്‍ ക്ഷയരോഗ വിരുദ്ധ വാരാചരണത്തിന് തുടക്കമായി.
നഗരസഭാ ചെയര്‍മാന്‍ സി.സി.വിപിന്‍ചന്ദ്രന്‍ ഉദ്ഘാടനം ചെയ്തു. ഡോ.ബെനീഷ് ബാബു, ഡോ.സജീവന്‍, ശോഭിക എന്നിവര്‍ സംസാരിച്ചു. ഡോ.മിനി കൃഷ്ണ്‍ ക്ലാസെടുത്തു
പാവറട്ടി മുല്ലശേരി ബ്ലോക്ക് പഞ്ചായത്ത് സമഗ്ര പ്രാഥമിക ആരോഗ്യ പരിരക്ഷ ഉറപ്പാക്കുന്നതിന്റെ ഭാഗമായി ജനപ്രതിനിധികള്‍ക്കും ആരോഗ്യവകുപ്പ് ജീവനക്കാര്‍ക്കും ബോധവല്‍ക്കരണ പരിശീലനം നടത്തി.
ബ്ലോക്ക് പഞ്ചായത്ത് പ്രസിഡന്റ് ലതി വേണുഗോപാല്‍ ഉദ്ഘാടനം ചെയ്തു. വൈസ് പ്രസിഡന്റ് വി.കെ.രവീന്ദ്രന്‍ അധ്യക്ഷനായിരുന്നു. പാവറട്ടി പഞ്ചായത്ത് പ്രസിഡന്റ് എന്‍.പി.കാദര്‍മോന്‍, മുല്ലശേരി പഞ്ചായത്ത് പ്രസിഡന്റ് എ.കെ.ഹുസൈന്‍, ഡോ.കെ.ടി.സുജ തുടങ്ങിയവര്‍ സംസാരിച്ചു.
കൊടുങ്ങല്ലൂര്‍ കേരള ഏനര്‍ജി മാനേജ്‌മെന്റ് സെന്ററിന്റെ സഹകരണത്തോടെ എം.ഇ.എസ്. അസ്മാബി കോളേജിലെ ബോട്ടണി ഗവേഷണ വിഭാഗം ഊര്‍ജ സംരക്ഷണ ബോധവല്‍ക്കരണ കാമ്പയിന്‍ സംഘടിപ്പിച്ചു.
ഊര്‍ജ കിരണ്‍-2017 എന്ന പദ്ധതി ഇ.ടി.ടൈസന്‍ എം.എല്‍.എ ഉദ്ഘാടനം ചെയ്തു. വേക്കോട് ഗവണ്‍മെന്റ് ഫിഷറീസ് എല്‍.പി. സ്‌കൂളില്‍ നടന്ന ചടങ്ങില്‍ ശ്രീനാരായണപുരം പഞ്ചായത്ത് പ്രസിഡന്റ് ഇ.കെ.മല്ലിക അധ്യക്ഷത വഹിച്ചു. ജില്ലാ പഞ്ചായത്തംഗം പി.ജി.വിഷ്ണു, ബ്ലോക്ക് പഞ്ചായത്ത് അംഗം എം.ജി.ബാബു, ടി.എസ്.സജീവന്‍ തുടങ്ങിയവര്‍ സംസാരിച്ചു. പ്രൊഫ.വി.എം.അസ്മ ക്ലാസെടുത്തു
കയ്പമംഗലം മതിലകം ഗ്രാമപഞ്ചായത്തിലെ വാര്‍ഷിക പദ്ധതികള്‍ തയ്യാറാക്കുന്നതിനായി വര്‍ക്കിംഗ് ഗ്രൂപ്പ് യോഗം ചേര്‍ന്നു.
പഞ്ചായത്ത് പ്രസിഡന്റ് ഇ.ജി.സുരേന്ദ്രന്‍ അധ്യക്ഷത വഹിച്ചു. കില ഫാക്കല്‍റ്റി ഗോകുല്‍ദാസ് പഠന ക്ലാസ് നയിച്ചു. പഞ്ചായത്ത് സെക്രട്ടറി പി.വി.ഷാബു, വൈസ് പ്രസിഡന്റ് സുവര്‍ണ ജയശങ്കര്‍, പി.എസ്.രവീന്ദ്രന്‍ എന്നിവര്‍ സംസാരിച്ചു.
ചേലക്കര ചേലക്കര ഗവണ്‍മെന്റ് എല്‍.പി. സ്‌കൂള്‍ വാര്‍ഷികവും, വിരമിക്കുന്ന അധ്യാപികയ്ക്ക് യാത്രയയപ്പും സംഘടിപ്പിച്ചു.
ഗ്രാമപഞ്ചായത്ത് പ്രസിഡന്റ് ആര്‍.ഉണ്ണികൃഷ്ണന്‍ ഉദ്ഘാടനം ചെയ്തു. ഗ്രാമപഞ്ചായത്ത് വിദ്യാഭ്യാസ ആരോഗ്യ സ്റ്റാന്റിംഗ് കമ്മിറ്റി ചെയര്‍മാന്‍ പി.എ.അച്ചന്‍കുഞ്ഞ് അധ്യക്ഷനായിരുന്നു. വടക്കാഞ്ചേരി എ.ഇ.ഒ.-സിദ്ധിഖ് ഫോട്ടോ അനാഛാദനം ചെയ്തു. പൂര്‍വ്വ വിദ്യാര്‍ത്ഥികളുടെ നേതൃത്വത്തില്‍ മുന്‍കാല അധ്യാപകരെ ആദരിക്കുന്നതിനായി ഗുരുവന്ദനം പരിപാടിയും നടത്തി. പഴയന്നൂര്‍ ബി.ആര്‍.സി.-ബി.പി.ഒ. ചിത്രലേഖ, പി.ടി.എ. പ്രസിഡന്റ് സി.സുരേഷ്., എസ്.എം.സി. അംഗം എം.എന്‍.നീലകണ്ഠന്‍ തുടങ്ങിയവര്‍ സംസാരിച്ചു. വിദ്യാര്‍ത്ഥികളുടെ വിവിധ കലാപരിപാടികളും ഉണ്ടായിരുന്നു.
കൊടകര കനകമല മാര്‍ത്തോമ കുരിശുമുടി തീര്‍ത്ഥകേന്ദ്രത്തിലെ 78-ാമത് നോമ്പുകാല തീര്‍ത്ഥാടനത്തിനു മുന്നോടിയായി വിവിധ വകുപ്പ് ഉദ്യോഗസ്ഥരുടേയും ജനപ്രതിനിധികളുടേയും സംയുക്ത യോഗം ചേര്‍ന്നു.
ബി.ഡി.ദേവസി എം.എല്‍.എ. ഉദ്ഘാടനം ചെയ്തു. കനകമല തീര്‍ത്ഥകേന്ദ്രം റെക്ടര്‍ ഫാ.ആന്റോ ജി.ആലപ്പാട്ട് അധ്യക്ഷത വഹിച്ചു. ഇരിങ്ങാലക്കുട രൂപത വികാരി ജനറാള്‍ മോണ്‍സിഞ്ഞോര്‍ ജോബി പോഴോലിപ്പറമ്പില്‍, ചാലക്കുടി ഡി.എഫ്.ഒ. -ആര്‍.കീര്‍ത്തി, കൊടകര ഗ്രാമപഞ്ചായത്ത് പ്രസിഡന്റ് പി.ആര്‍.പ്രസാദന്‍, ചാലക്കുടി മുന്‍സിപ്പല്‍ വൈസ് ചെയര്‍മാന്‍ വില്‍സണ്‍ പാണാട്ടുപറമ്പില്‍, കൊടകര ബ്ലോക്ക് പഞ്ചായത്ത് പ്രസിഡന്റ് അമ്പിളി സോമന്‍ തുടങ്ങിയവര്‍ പങ്കെടുത്തു. വനം, പോലീസ് , റവന്യു, ഇറിഗേഷന്‍, ആരോഗ്യം, കെ.എസ്.ഇ.ബി., ഫയര്‍ഫോഴ്‌സ്, കെ.എസ്.ആര്‍.ടി.സി. തുടങ്ങിയ വകുപ്പുകളിലെ ഉദ്യോഗസ്ഥരും യോഗത്തില്‍ സന്നിഹിതരായിരുന്നു.
കയ്പമംഗലം കയ്പമംഗലം നിയോജകമണ്ഡലത്തിലെ വരള്‍ച്ചാ അവലോകന യോഗം ചേര്‍ന്നു.
മതിലകം ബ്ലോക്ക് പഞ്ചായത്ത് ഹാളില്‍ നടന്ന യോഗത്തില്‍ ഇ.ടി.ടൈസന്‍ എം.എല്‍.എ. അദ്ധ്യക്ഷനായിരുന്നു. ഡെപ്യൂട്ടി കളക്ടര്‍ ഗ്രേസി, കൊടുങ്ങല്ലൂര്‍ തഹസില്‍ദാര്‍ ജെസി തോമസ്, വിവിധ ഗ്രാമപഞ്ചായത്ത് പ്രസിഡന്റുമാര്‍, വില്ലേജ് ഓഫീസര്‍മാര്‍ മറ്റു ത്രിതല പഞ്ചായത്തംഗങ്ങള്‍ എന്നിവര്‍ യോഗത്തില്‍ പങ്കെടുത്തു.
കൊടകര കനകമല കലേടം ശ്രീ മഹാദേവവിഷ്ണു ക്ഷേത്രത്തിലെ പ്രതിഷ്ഠാദിന മഹോത്സവം മാര്‍ച്ച് 4,5 തിയതികളില്‍ ആഘോഷിക്കുമെന്ന് ഭാരവാഹികള്‍ കൊടകരയില്‍ അറിയിച്ചു.
ഈ മാസം 25ന് രാവിലെ 9ന് കൊടിയേറ്റം നടക്കും. മാര്‍ച്ച് 4ന് വൈകുന്നേരം 5ന് ഹിന്ദുഐക്യവേദി സംസ്ഥാന പ്രസിഡന്റ് കെ.പി.ശശികലയുടെ പ്രഭാഷണം, ഉത്സവദിനമായ 5ന് രാവിലെ ഗണപതിഹോമം, രുദ്രാഭിഷേകം, മൂന്ന് ആനകളെ അണിനിരത്തി എഴുന്നള്ളിപ്പ് എന്നിവയുണ്ടാകും. വാര്‍്ത്താസമ്മേളനത്തില്‍ പ്രസിഡന്റ് ശിവന്‍ കുണ്ടോളി, സെക്രട്ടറി നാരായണന്‍ തയ്യില്‍, വൈസ് പ്രസിഡന്റ് പി.വി.ജയചന്ദ്രന്‍, കെ.ബി.പ്രവീണ്‍, വി.പി.ബിനീഷ് എന്നിവര്‍ പങ്കെടുത്തു
പുതുക്കാട് നെന്മണിക്കര ശ്രീമഹാദേവക്ഷേത്രത്തിലെ ശിവരാത്രി ആഘോഷത്തിന് കൊടിയേറി.
ക്ഷേത്രം തന്ത്രി വടക്കേടത്ത് ഹരി സമ്പൂതിരി കൊടിയേറ്റത്തിന് കാര്‍മികത്വം വഹിച്ചു. ശിവരാത്രി ദിവസമായ വെള്ളിയാഴ്ച രാവിലെ ക്ഷേത്ര ചടങ്ങുകള്‍ക്കു ശേഷം ശ്രീഭൂതബലി, പുറത്തേക്കെഴുന്നള്ളിപ്പ് എന്നിവയും ഉച്ചതിരിഞ്ഞ് കേളത്ത് സുന്ദരന്‍ മാരാരുടെ പ്രമാണികത്വത്തില്‍ മേളത്തോടുകൂടിയ കാഴ്ചശീവേലി, രാത്രി പളളിവേട്ട എഴുന്നള്ളിപ്പ് എന്നിവ ഉണ്ടാകും. ശനിയാഴ്ച നെന്മണിക്കര കടവില്‍ ആറാട്ടു നടക്കും.
ചേര്‍പ്പ് ചേര്‍പ്പ് ബ്ലോക്ക് പഞ്ചായത്തിന്റെ പദ്ധതി പ്രകാരം ലാപ്‌ടോപ്പ്, എല്‍.സി.ഡി പ്രൊജക്ടര്‍, കാമറ എന്നിവ ചേര്‍പ്പ് സാമൂഹിക ആരോഗ്യ കേന്ദ്രത്തിനു കൈമാറി.
സാമൂഹിക ആരോഗ്യ കേന്ദ്രം കേണ്‍ഫ്രന്‍സ് ഹാളില്‍ നടന്ന ചടങ്ങ് ബ്ലോക്ക് പ്രസിഡന്റ് വി.ആര്‍.സരള ഉദ്ഘാടനം ചെയ്തു, വൈസ് പ്രസിഡന്റ് വി.ഡി.സണ്ണി അധ്യക്ഷനായിരുന്നു. ആരോഗ്യ സ്‌റാന്റിംഗ് കമ്മിറ്റി ചെയര്‍ പെഴ്‌സന്‍ രഞ്ജിനി തെക്കത്ത്, ജെന്‍സന്‍ ജോര്‍ജ്, കെ.ഡി മില്‍ടന്‍ തുടങ്ങിയവര്‍ സംസാരിച്ചു.
അന്തിക്കാട് സി.പി.ഐ.നേതാവും ജില്ലാ അസിസ്റ്റന്റ് സെക്രട്ടറിയുമായിരുന്ന വി.കെ.മോഹനന്റെ മൂന്നാം ചരമവാര്‍ഷിക ദിനാചരണവും അനുസ്മരണ സമ്മേളനവും നടത്തി.
സ്മൃതി മണ്ഡപത്തിലെ പുഷ്പാര്‍ച്ചനയ്ക്ക് ശേഷം അന്തിക്കാട് ചടയന്‍ മുറി സ്മാരക മന്ദിരത്തില്‍ നടന്ന അനുസ്മരണ സമ്മേളനം സി.പി.ഐ. സംസ്ഥാന എക്‌സിക്യൂട്ടിവ് അംഗം സി.എന്‍.ചന്ദ്രന്‍ ഉദ്ഘാടനം ചെയ്തു. സി.പി.ഐ. ജില്ലാ അസിസ്റ്റന്റ്‌സെക്രട്ടറി അഡ്വ.ടി.ആര്‍.രമേഷ്‌കുമാര്‍ അദ്ധ്യക്ഷത വഹിച്ചു. സി.എന്‍.ജയദേവന്‍ എം.പി. മുഖ്യപ്രഭാഷണം നടത്തി. സി.പി.ഐ ജില്ലാ സെക്രട്ടറി കെ.കെ.വത്സരാജ്, ഗീതാഗോപി എം.എല്‍.എ., പി.ബാലചന്ദ്രന്‍ തുടങ്ങിയവര്‍ സംസാരിച്ചു.
തൃശൂര്‍ മോട്ടോര്‍ വാഹന മേഖലയെ തകര്‍ക്കുന്ന നടപടികളില്‍ നിന്ന് സര്‍ക്കാര്‍ പിന്‍തിരിയണമെന്നാവശ്യപ്പെട്ട് ബി.എം.എസ്. മോട്ടോര്‍ തൊഴിലാളികള്‍ തൃശൂര്‍ കളക്‌ട്രേറ്റ് മാര്‍ച്ചും ധര്‍ണയും സംഘടിപ്പിച്ചു.
മോട്ടോര്‍ മേഖലയെ സംരക്ഷിക്കുന്നതില്‍ കേന്ദ്ര സംസ്ഥാന സര്‍ക്കാരുകള്‍ ഒരുപോലെ അനാസ്ഥ തുടരുകയാണെന്നും ചെറുകിട വാഹന മേഖലയെ സംരക്ഷിക്കുന്ന ഒരു നിലപാടുകളും ഒരു സര്‍ക്കാരും സ്വീകരിക്കുന്നില്ലെന്നും സംഘടന ആരോപിച്ചു. ഓട്ടോ തൊഴിലാളി ക്ഷേമനിധി ബോര്‍ഡില്‍ ബി.എം.എസിന് പ്രാതിനിധ്യം നല്‍കണമെന്നും സംഘടന ആവശ്യപ്പെട്ടു. പടിഞ്ഞാറേ കോട്ടയില്‍ നിന്നാരംഭിച്ച മാര്‍ച്ച് കളക്‌ട്രേറ്റ് പടിക്കല്‍ പോലീസ് തടഞ്ഞു. തുടര്‍ന്നു നടന്ന ധര്‍ണ ബി.എം.എസ്. സംസ്ഥാന വൈസ് പ്രസിഡന്റ് കെ.ഗംഗാധരന്‍ ഉദ്ഘാടനം ചെയ്തു. ബി.എം.എസ്. ഓട്ടോ തൊഴിലാളി യൂണിയന്‍ ജില്ല പ്രസിഡന്റ് എം.എം.വല്‍സന്‍, സെക്രട്ടറി വിനോജ്, ബി.എം.എസ്. ജില്ലാ ജോയിന്റ് സെക്രട്ടറി കെ.എന്‍.വിജയന്‍, വൈസ് പ്രസിഡന്റ് കെ.മോഹന്‍ദാസ്, പി.ഗോപി, ജയന്‍ കോലാരി എന്നിവര്‍ മാര്‍ച്ചിന് നേതൃത്വം നല്‍കി.
വടക്കാഞ്ചേരി ഉത്രാളിക്കാവ് പറപ്പുറപ്പാട് ഇന്ന് നടക്കും.
രാത്രി 8ന് ക്ഷേത്ര കോമരം പള്ളിയത്ത് മാധവന്‍ നായര്‍ മൂന്ന് ദേശക്കാര്‍ക്കും കല്‍പന നല്‍കിയതിന് ശേഷം ഉത്രാളിക്കാവിന്റെ ശ്രീമൂലസ്ഥാനമായ മുല്ലക്കല്‍ ആലിന് ചുവട്ടില്‍ നിന്ന് ആദ്യപറ സ്വീകരിക്കും. അനുമതി ലഭിക്കാത്തതിനാല്‍ വെടിക്കെട്ട് വര്‍ണശബളമാക്കാനാണ് സാധ്യത. ഇതേസമയം വെടിക്കെട്ടിന് നിയന്ത്രണമേര്‍പ്പെടുത്തിയതില്‍ പ്രതിഷേധിച്ച് പൂരകമ്മിറ്റികളുടെ നേതൃത്വത്തില്‍ ജനകീയ കമ്മിറ്റി നടത്തുന്ന ഉപവാസം ആരംഭിച്ചു. ഉത്രാളിക്കാവ് ക്ഷേത്രത്തിനു മുന്നിലായി റോഡരികില്‍ നടത്തുന്ന ഉപവാസം ക്ഷേത്രകോമരം പള്ളിയത്ത് മാധവന്‍നായര്‍ ഉദ്ഘാടനം ചെയ്തു. അനില്‍ അക്കര എം.എല്‍.എ, ബി.ജെ.പി ജില്ലാ പ്രസിഡന്റ് എ.നാഗേഷ്, ഡി.സി.സി പ്രസിഡന്റ് ടി.എന്‍.പ്രതാപന്‍, ഫെസ്റ്റിവല്‍ കോര്‍ഡിനേഷന്‍ കമ്മിറ്റി ഭാരവാഹികളായ ടി.എ.സുന്ദര്‍മേനോന്‍, പ്രൊഫ.എം.മാധവന്‍കുട്ടി എന്നിവര്‍ സംസാരിച്ചു. ഉത്രാളിക്കാവ് പൂരക്കമ്മിറ്റി ഭാരവാഹികള്‍, ഡി.സി.സി വൈസ് പ്രസിഡന്റ് രാജേന്ദ്രന്‍ അരങ്ങത്ത്, ജിജോ കുര്യന്‍ എന്നിവര്‍ പങ്കെടുത്തു. രാവിലെ 9ന് ആരംഭിച്ച ഉപവാസ സമരം വൈകീട്ട് 5നാണ് സമാപിക്കുക.
വടക്കാഞ്ചേരി പ്രസിദ്ധമായ മച്ചാട് തിരുവാണിക്കാവ് മാമാങ്കം ഇന്ന് ആഘോഷിക്കുന്നു.
ഉച്ചയ്ക്ക് തട്ടക ദേശങ്ങളില്‍ നിന്നുള്ള കുതിര എഴുന്നള്ളിപ്പുകള്‍ ആരംഭിച്ചു. തെക്കുംകര വിഭാഗമാണ് ഈ വര്‍ഷത്തെ മാമാങ്കത്തിന് നേതൃത്വം നല്‍കുന്നത്. മംഗലം, വിരുപ്പാക്ക, മണലിത്തറ, കരുമത്ര, പാര്‍ളിക്കാട് എന്നിവയാണ് മറ്റ് ദേശങ്ങള്‍. പഞ്ചവാദ്യത്തിന് ചോറ്റാനിക്കര വിജയന്‍ മാരാര്‍ പ്രാമാണികത്വം വഹിക്കും. തുടര്‍ന്ന് നടക്കുന്ന മേളത്തില്‍ കിഴക്കൂട്ട് അനിയന്‍മാരാര്‍ നേതൃത്വം വഹിക്കും.വൈകീട്ട് തട്ടക ദേശങ്ങളിലെ കുതിരകള്‍ ക്ഷേത്രം പ്രദക്ഷിണം നടത്തുന്നതോടെ പ്രസിദ്ദമായ മച്ചാട് മാമാങ്ക കതിരകളിക്ക് ആയിരങ്ങള്‍ സാക്ഷ്യം വഹിക്കും. തുടര്‍ന്ന് പൂതന്‍ചിറ, ഹരിജന്‍വേല എന്നിവ നടക്കും.
തൃശൂര്‍ തൃശൂര്‍ കോര്‍പ്പറേഷന്‍ 23-ാം ഡിവിഷനായ മിഷന്‍ ക്വാര്‍ട്ടേഴ്‌സ് ഉപതെരഞ്ഞെടുപ്പ് പുരോഗമിക്കുന്നു.
സെന്റ് തോമസ് തോപ്പ് സ്റ്റേഡിയം, സെവന്‍ത് ഡേ സ്‌കൂള്‍ എന്നിവിടങ്ങളിലായി ഒരുക്കിയ നാല് ബൂത്തുകളിലാണ് വോട്ടിംഗ് നടക്കുന്നത്. യു.ഡി.എഫിനു വേണ്ടി ജോര്‍ജ് ചാണ്ടിയും എല്‍.ഡി.എഫ് സ്വതന്ത്ര സ്ഥാനാര്‍ത്ഥിയായി ജോസഫ് മാളിയേക്കലും ബി.ജെ.പി.സ്ഥാനാര്‍ത്ഥിയായി സി.വി.പ്രേമചന്ദ്രനും സ്വതന്ത്ര സ്ഥാനാര്‍ത്ഥിയായി പരമശിവനുമാണ് മത്സര രംഗത്തുള്ളത്. യു.ഡി.എഫ് സിറ്റിംഗ് സീറ്റായിരുന്ന മിഷന്‍ ക്വാര്‍ട്ടേഴ്‌സില്‍ ജോസി ചാണ്ടിയുടെ മരണത്തെ തുടര്‍ന്നാണ് ഉപതെരഞ്ഞെടുപ്പ്.
പുതുക്കാട് അളഗപ്പനഗര്‍ ഗ്രാമപഞ്ചായത്തിലെ പതിനാലാം വാര്‍ഡിലേക്കുള്ള ഉപതെരഞ്ഞെടുപ്പ് വോട്ടെടുപ്പ് ആരംഭിച്ചു.
മണ്ണംപേട്ട മാത ഹൈസ്‌ക്കൂളിലാണ് വോട്ടെടുപ്പ് നടക്കുന്നത്. വൈകീട്ട് 5 വരെയാണ് വോട്ടെടുപ്പ്. സിപിഐയിലെ വത്സല തങ്കപ്പന്റെ മരണത്തെ തുടര്‍ന്നാണ് ഉപതെരഞ്ഞെടുപ്പ് നടക്കുന്നത്. വാര്‍ഡില്‍ 1,306 വോട്ടുകളാണ് ആകെയുള്ളത്. എല്‍.ഡി.എഫിലെ സുനിത ഷാജുവും യുഡിഎഫിലെ സുമ ആന്റോയും ബി.ജെ.പിയുടെ രഞ്ജിനി ജിനേഷും തമ്മിലാണ് പ്രധാനമത്സരം. നാളെ രാവിലെ 10ന് അളഗപ്പനഗര്‍ പഞ്ചായത്ത് ഓഫീസില്‍ വോട്ടെണ്ണല്‍ നടക്കും. 11-ഓടെ വിജയിയെ അറിയാന്‍ കഴിയും. 17 അംഗങ്ങളുള്ള ഗ്രാമപ്പഞ്ചായത്ത് ഭരണസമിതിയില്‍ യുഡിഎഫിന് 9 അംഗങ്ങളും എല്‍.ഡി.എഫിന് 8 അംഗങ്ങളുമാണ് ഉണ്ടായിരുന്നത്. യുഡിഎഫ് ഭരിക്കുന്ന അളഗപ്പനഗര്‍ പഞ്ചായത്തിനെ ഉപതെരഞ്ഞെടുപ്പു ഫലം ബാധിക്കില്ല.
ചൂരക്കാട്ടുകര ചൂരക്കാട്ടുകരയില്‍ വീട് കുത്തിത്തുറന്ന് അലമാരയില്‍ സൂക്ഷിച്ചിരുന്ന 3 പവന്റെ സ്വര്‍ണാഭരണങ്ങള്‍ കവര്‍ന്നു.
ചെമ്മങ്ങാട്ട് വളപ്പില്‍ മഹേഷിന്റെ വീട്ടിലാണ് മോഷണം നടന്നത്. പേരാമംഗലം പോലീസ് കേസെടുത്തു.
തൃശൂര്‍ കേരള ഖാദി വര്‍ക്കേഴ്‌സ് കോണ്‍ഗ്രസ് - ഐ.എന്‍.ടി.യു.സി ജില്ലാ സമ്മേളനം തൃശൂരില്‍ നടന്നു.
മുന്‍ മന്ത്രി സി.എന്‍.ബാലകൃഷ്ണന്‍ ഉദ്ഘാടനം ചെയ്തു. ഖാദി മേഖലയ്ക്ക് മുന്നോട്ട് നീങ്ങാനാകാത്ത അവസ്ഥയാണ് ഇന്നുള്ളതെന്നും അസംസ്‌കൃത പഞ്ഞിയുടെ വില വര്‍ദ്ധനവും കേന്ദ്രത്തിന്റെ നോട്ട് നിരോധനവും സംസ്ഥാന സര്‍ക്കാരിന്റെ അവഗണനയുമെല്ലാം ഖാദിമേഖലയെ ബാധിച്ചുവെന്നും സി.എന്‍.ബാലകൃഷ്ണന്‍ പറഞ്ഞു. യൂണിയന്‍ ജില്ലാ പ്രസിഡന്റ് ജോസഫ് പെരുമ്പിള്ളി ചടങ്ങില്‍ അധ്യക്ഷത വഹിച്ചു. ഡോക്ടറായി ജോലിയില്‍ പ്രവേശിച്ച കുണ്ടന്നൂര്‍ ഖാദി സെന്ററിലെ തൊഴിലാളിയുടെ മകന്‍ ഡോ.റിജോ ജോണിയെ ചടങ്ങില്‍ ആദരിച്ചു. മുന്‍ സ്പീക്കര്‍ തേറമ്പില്‍ രാമകൃഷ്ണന്‍ ഉപഹാരം സമര്‍പ്പിച്ചു. കെ.പി.സി.സി സെക്രട്ടറി ടി.യു.രാധാകൃഷ്ണന്‍, മുന്‍ ഡി.സി.സി പ്രസിഡന്റ് ഒ.അബ്ദുറഹിമാന്‍കുട്ടി, ഖാദി ഫെഡറേഷന്‍ സംസ്ഥാന സെക്രട്ടറി വി.കേശവന്‍, എം.കെ.അബ്ദുസലാം, സി.ബി.ഗീത, അഡ്വ.സുബി ബാബു, ശങ്കരനാരായണന്‍, എം.പി.വത്സല തുടങ്ങിയവര്‍ സംസാരിച്ചു.
കൊടുങ്ങല്ലൂര്‍ പടിഞ്ഞാറെ വെമ്പല്ലൂര്‍ എം.ഇ.എസ് അസ്മാബി കോളേജില്‍ ഇന്നലെയുണ്ടായ എസ്.എഫ്.ഐ-ബി.ജെ.പി സംഘര്‍ഷവുമായി ബന്ധപ്പെട്ട് 17 പേര്‍ക്കെതിരെ പോലീസ് കേസെടുത്തു.
പന്ത്രണ്ട് ബി.ജ.പി പ്രവര്‍ത്തകര്‍ക്കും അഞ്ച് എസ്.എഫ്.ഐ പ്രവര്‍ത്തകര്‍ക്കുമെതിരെയാണ് മതിലകം പോലീസ് കേസെടുത്തിട്ടുള്ളത്. കല്ലേറില്‍ പരിക്കേറ്റവരുള്‍പ്പടെ കേസില്‍ പ്രതികളാണ്. ഇതിനിടെ ഇന്നലെയുണ്ടായ സംഘര്‍ഷത്തിന്റെ സി.സി.ടി.വി കാമറാ ദൃശ്യങ്ങള്‍ പുറത്ത് വന്നു. കേസന്വേഷണത്തിന്റെ ഭാഗമായി പോലീസ് കാമറാ ദൃശ്യങ്ങള്‍ പരിശോധിക്കും. അക്രമം നടന്ന കോളേജില്‍ എം.എല്‍.എ.മാരായ ഇ.ടി.ടൈസണ്‍, പ്രൊഫ: കെ.യു അരുണന്‍ എന്നിവര്‍ സന്ദര്‍ശനം നടത്തി. മേഖലയില്‍ സമാധാനാന്തരീക്ഷം നിലനിര്‍ത്താന്‍ നടപടി സ്വീകരിക്കണമെന്ന് ഇ.ടി. ടൈസണ്‍ ആവശ്യപ്പെട്ടു
എരുമപ്പെട്ടി റേഷന്‍ സംവിധാനം തകര്‍ക്കാന്‍ കേന്ദ്ര സര്‍ക്കാര്‍ ശ്രമിക്കുന്നുവെന്ന് ആരോപിച്ച് കെ.എസ്.കെ.ടി.യു വെള്ളാറ്റഞ്ഞൂര്‍ മേഖല കമ്മറ്റിയുടെ നേതൃത്വത്തില്‍ അടുപ്പുകൂട്ടി സമരം നടത്തി.
പുലിയന്നൂര്‍ സെന്ററില്‍ സംഘടിപ്പിച്ച സമരം യൂണിയന്‍ ഏരിയ ജോയിന്റ് സെക്രട്ടറി പി.എ.ഉണ്ണികൃഷ്ണന്‍ ഉദ്ഘാടനം ചെയ്തു. മേഖല കമ്മറ്റിയംഗം പി.എ.സുബ്രഹ്മണ്യന്‍ അധ്യക്ഷനായി. സി.പി.എം ലോക്കല്‍ കമ്മറ്റി സെക്രട്ടറി കെ.ജി.ഗോപിനാഥന്‍, ബ്രാഞ്ച് സെക്രട്ടറി കെ. മഞ്ജുനാഥന്‍, മുന്‍ ഗ്രാമപഞ്ചായത്ത് പ്രസിഡന്റ് ടി.കെ.നമ്പീശന്‍ തുടങ്ങിയവര്‍ സംസാരിച്ചു.
മാള പൊയ്യ പഞ്ചായത്തിലെ പൂപ്പത്തി ആറാം വാര്‍ഡില്‍ മൊബൈല്‍ ടവര്‍ സ്ഥാപിക്കുന്നതിനെതിരെ ജനരോഷം ശക്തമായി.
നാട്ടുകാര്‍ ആക്ഷന്‍ കൗണ്‍സില്‍ രൂപീകരിച്ച് സമരം ആരംഭിച്ചു. ഇതിന്റെ ഭാഗമായി സ്ത്രീകളും കുട്ടികളും അടക്കമുള്ളവര്‍ പന്തംകൊളുത്തി പ്രകടനം നടത്തി. തുടര്‍ന്ന് നടന്ന പൊതുയോഗത്തില്‍ വാര്‍ഡംഗം സിജി വിനോദ് അധ്യക്ഷത വഹിച്ചു. വി.എസ്.ലക്ഷ്മണന്‍, സി.കെ.ശശീധരന്‍, എ.എം.ഹക്കിം തുടങ്ങിയവര്‍ സംസാരിച്ചു. ടവര്‍ നിര്‍മ്മാണത്തിനുള്ള അനുമതിക്കായി സമര്‍പ്പിച്ച അപേക്ഷ പൊയ്യ ഗ്രാമപഞ്ചായത്ത് ഭരണസമിതി തള്ളിയിരുന്നു. ടവര്‍ നിര്‍മ്മാണം തടയണമെന്ന് ആവശ്യപ്പെട്ട് നാട്ടുകാര്‍ ജില്ലാ കളക്ടര്‍ക്ക് പരാതി നല്‍കി. പൂപ്പത്തി ഏരിമ്മല്‍ അന്നപൂര്‍ണ്ണേശ്വരി ക്ഷേത്രത്തിന് സമീപത്തെ സ്വകാര്യ വ്യക്തിയുടെ സ്ഥലത്താണ് ടവര്‍ നിര്‍മ്മിക്കാന്‍ പദ്ധതിയുള്ളത്.
തൃശൂര്‍ തൃശൂര്‍ ചേംബര്‍ ഓഫ് കോമേഴ്‌സ് ദിനാഘോഷവും, പുരസ്‌കാരദാനവും ഞായറാഴ്ച നടക്കുമെന്ന് ഭാരവാഹികള്‍ തൃശൂരില്‍ വാര്‍ത്താസമ്മേളനത്തില്‍ അറിയിച്ചു.
വാര്‍ഷികാഘോഷം മന്ത്രി വി.എസ് സുനില്‍കുമാര്‍ ഉദ്ഘാടനം ചെയ്യും. ചേംബര്‍ ഓഫ് കോമേഴ്‌സിന്റെ വിവിധ പുരസ്‌കാരങ്ങള്‍ക്ക് ഷീബ അമീര്‍, ഡോ. റോസ് ബീന, പോള്‍ തയ്യില്‍, റാഫി പൊന്തെക്കന്‍, ഡോ. കനകപ്രതാപ്, എസ്.ഐ-പി.ലാല്‍കുമാര്‍, മാധ്യമ പ്രവര്‍ത്തകന്‍ ഫ്രാങ്കോ ലൂയീസ്, എം.വി രാജേന്ദ്രന്‍ തുടങ്ങിയവര്‍ അര്‍ഹരായി. ചേംബര്‍ ഓഫ് കോമേഴ്‌സ് വൈസ് പ്രസിഡന്റ് ടി.ആര്‍ വിജയകുമാര്‍, ജോയിന്റ് സെക്രട്ടറിമാരായ എം.ആര്‍.ഫ്രാന്‍സിസ്, സോളി തട്ടില്‍, ജീജി ജോര്‍ജ് , ട്രഷറര്‍ ജോണ്‍ ചിറ്റിലപ്പിള്ളി എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
വടക്കാഞ്ചേരി വിവിധ ആവശ്യങ്ങളുന്നയിച്ച് കര്‍ഷകതൊഴിലാളി ഫെഡറേഷന്‍-എ.ഐ.ടി.യു.സി ഈ മാസം 28ന് നടത്തുന്ന കളക്‌ട്രേറ്റ് മാര്‍ച്ചിനോടനുബന്ധിച്ചുള്ള വാഹന പ്രചാരണ ജാഥയ്ക്ക് ഓട്ടുപാറയില്‍ സ്വീകരണം നല്കി.
ജാഥാ ക്യാപ്റ്റന്‍ എ.കെ.ചന്ദ്രന്‍, കുമ്പളം രാജപ്പന്‍, എം.നാരായണന്‍ എന്നിവര്‍ സംസാരിച്ചു. എം.ആര്‍.സോമനാരായണന്‍, പി.കെ.പ്രസാദ്, എം.എ.വേലായുധന്‍ എന്നിവര്‍ പങ്കെടുത്തു.
തൃശൂര്‍ ചെറുതുരുത്തി ജ്യോതി എന്‍ജിനീയറിങ്ങ് കോളജിന്റെ ടെക്‌ഫെസ്റ്റ് 23,25 തിയ്യതികളില്‍ നടക്കുമെന്ന് സംഘാടകര്‍ തൃശൂരില്‍ വാര്‍ത്താ സമ്മേളനത്തില്‍ അറിയിച്ചു.
പുഴയ്ക്കല്‍ കണ്‍വന്‍ഷന്‍ സെന്ററില്‍ നടക്കുന്ന ടെക്‌ഫെസ്റ്റ് ഹൈദരാബാദ് റിസര്‍ച്ച് സെന്റര്‍ ഡയറക്ടര്‍ ഡോ.എസ്. കരുണാനിധി ഉദ്ഘാടനം ചെയ്യും. അസിസ്റ്റന്റ് മാനേജര്‍ ഫാ. ജിന്റോ പെരേപ്പാടന്‍, ഡോ. ഉഷ മേനോന്‍, കോളേജ് യൂണിയന്‍ ചെയര്‍മാന്‍ സി.പി രാമകൃഷ്ണന്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
തൃപ്രയാര്‍ ഭരണകാര്യങ്ങളില്‍ കൃത്യനിഷ്ഠയില്ലാത്ത ഉദ്യോഗസ്ഥര്‍ കേരളത്തിലല്ലാതെ മറ്റൊരു സംസ്ഥാനത്തുമില്ലെന്ന് സി.എന്‍ ജയദേവന്‍ എംപി.പറഞ്ഞു.
ഗീതാഗോപി എം.എല്‍.എയുടെ പ്രാദേശിക വികസന ഫണ്ടില്‍ നിന്ന് 15 ലക്ഷം രൂപ ചിലവഴിച്ച് വലപ്പാട് ഗവണ്മെന്റ് ആശുപത്രിയില്‍ സ്ഥാപിച്ച സെമി ഹൈമാസ്റ്റ് ലൈറ്റിന്റെ സ്വിച്ച് ഓണ്‍ നിര്‍വഹിച്ച് സംസാരിക്കുകയായിരുന്നു അദ്ദേഹം. ഗീതാഗോപി എം.എല്‍.എ അധ്യക്ഷയായിരുന്നു. തളിക്കുളം ബ്ലോക്ക് പഞ്ചായത്ത് പ്രസിഡണ്ട് എം.ആര്‍ സുഭാഷിണി, നാട്ടിക ഗ്രാമപഞ്ചായത്ത് പ്രസിഡണ്ട് പി.വിനു, വലപ്പാട് ഗ്രാമപഞ്ചായത്ത് വൈസ് പ്രസിഡണ്ട് ബീന അജയഘോഷ് എന്നിവര്‍ സംസാരിച്ചു. ഹൈമാസ്റ്റ് ലൈറ്റിനൊപ്പം 12 എല്‍.ഇ.ഡി ലൈറ്റുകളും ഉള്‍പ്പെട്ടതാണ് പദ്ധതി.
ചാലക്കുടി കേന്ദ്ര സംസ്ഥാന സര്‍ക്കാരുകളുടെ ജനദ്രോഹ നയങ്ങള്‍ക്കെതിരെ എന്ന മുദ്രാവാക്യവുമായി വി.ഡി. സതീശന്‍ നയിച്ച യു.ഡി.എഫ് മധ്യമേഖല ജാഥ ചാലക്കുടിയില്‍ സമാപിച്ചു.
മൂന്നു ജില്ലകളില്‍ നിന്നുമായി ആയിരക്കണക്കിന് പ്രവര്‍ത്തകര്‍ അണിനിരന്ന പ്രകടനം, പൊതു സമ്മേളനം എന്നിവയോടെയാരുന്നു സമാപനം. മൂന്നു കേന്ദ്രങ്ങിളില്‍ നിന്നു വാദ്യമേളങ്ങളോടെ പുറപ്പെട്ട പ്രകടനങ്ങള്‍ പുത്തുപറമ്പ് മൈതാനിയില്‍ എത്തി. തുടര്‍ന്നു നടന്ന പൊതുസമ്മേളനം മുന്‍ മുഖ്യമന്ത്രി ഉമ്മന്‍ചാണ്ടി ഉദ്ഘാടനം ചെയ്തു. യു.ഡി.എഫ് ചെയര്‍മാന്‍ പി.പി. തങ്കച്ചന്‍ അധ്യക്ഷനായിരുന്നു. പി.സി. ചാക്കോ, സി.എന്‍. ബാലകൃഷ്ണന്‍, അനൂപ് ജേക്കബ്ബ്, കെ.പി. ധാനപാലന്‍, ടി.എന്‍. പ്രതാപന്‍ എന്നിവര്‍ സംസാരിച്ചു.
ചേലക്കര ചേലക്കര ശ്രീ മാരിയമ്മന്‍ കോവില്‍ ക്ഷേത്രസമിതിയുടെ ആഭിമുഖ്യത്തില്‍ സൗജന്യ നേത്രചികിത്സ തിമിര ശസ്ത്രക്രിയ ക്യാമ്പ് സംഘടിപ്പിച്ചു.
സി.കെ.രാജാമണി ഉദ്ഘാടനം ചെയ്തു. എ.ചന്ദ്രന്‍ അധ്യക്ഷനായിരുന്നു. സംഘാടക സമിതി കണ്‍വീനര്‍ എസ്. ഷണ്മുഖന്‍, സി. ആര്‍. സെല്‍വന്‍, അരുണ്‍ കുമാര്‍ തുടങ്ങിയവര്‍ നേതൃത്വം നല്‍കി.
തൃശൂര്‍ ചേറ്റുപുഴ കണ്ണപുരം ശ്രീകൃഷ്ണക്ഷേത്രത്തിലെ ഉത്സവാഘോഷങ്ങള്‍ക്ക് കൊടിയേറി.
വടക്കേടത്ത് താമരപ്പിള്ളി ദാമോദരന്‍ നമ്പൂതിരി കൊടിയേറ്റ് നിര്‍വ്വഹിച്ചു. ഉത്സവ ദിവസമായ വെള്ളിയാഴ്ച വരെ നവകം, ശ്രീഭൂതബലി, ശീവേലി എഴുന്നെള്ളിപ്പ്, നിറമാല, ചുറ്റുവിളക്ക് എന്നിവ നടക്കും. ഈ മാസം 24ന് ആറാട്ടോടെ ഉത്സവം സമാപിക്കും.
കുന്നംകുളം ഗുരുവായൂര്‍ റോഡിലെ ചാട്ടുകുളത്തിലെ വെള്ളം വേണ്ട വിധത്തില്‍ ഉപയോഗിക്കുന്നില്ല. കൊടും വേനലില്‍ ചാട്ടുക്കുളം ചര്‍ച്ചയാവുകയാണ്.
ചാട്ടുക്കുളം കുന്നംകുളത്തിന് കേവലമൊരു ജലശ്രോതസ്സുമാത്രമല്ല. ഈ വ്യാപാര നഗരത്തിന്റെ സാംസ്‌ക്കാരവും, ചരിത്രവുമായി അതിന് ഏറെ പങ്കുണ്ട്. കുന്നംകുളം ഗുരുവായൂര്‍ റോഡില്‍ നാല് ഏക്കറോളം വിസ്ത്രിയിലുള്ള ഈ പൗരീണിക കുളം.ചാട്ടുക്കുളത്തിലെ വെള്ളം വറ്റിയതാര്‍ക്കും അറിവില്ല. മേഖലയിലുള്ളവര്‍ക്ക് ഏത് കാലവും നീന്തിക്കുളിക്കാമെന്നതിനപ്പുറം പരിസരത്താകെയള്ള ശുദ്ധ ജല ശ്രോതസ്സുകളിലെ ജലം വറ്റാതെ കാക്കുന്നതിനും ഈ കുളത്തിന് നിര്‍ണ്ണായക പങ്കുണ്ട്.വേനലില്‍ ജലക്ഷാമം നേരിട്ട് തുടങ്ങുമ്പോഴെല്ലാം ചാട്ടുകുളത്തിലെ ജലം ശേഖരിച്ച് കുടിവെള്ള സ്രോതസ്സുണ്ടാക്കുന്നതിനുള്ള പദ്ധതികള്‍ ഉണ്ടാകാറുണ്ട്, മഴ കനത്താല്‍ പിന്നെ പദ്ധതി കടലാസ്സില്‍ വിശ്രമം കൊള്ളും. കഴിഞ്ഞ രണ്ട് പതിറ്റാണ്ടിനുള്ളില്‍ വന്ന് നാല് ഭരണ സമതികളും ഇത്തരം പദ്ധതികള്‍ തയ്യാറാക്കിയിട്ടുണ്ട്. ഒരു ഭരണ സമതിയാകട്ടെ പദ്ധതി നടത്തിപ്പിനായി 10 വര്‍ഷം മുന്‍പ് 18 ലക്ഷം രൂപ നടത്തിപ്പുക്കാരായ വാട്ടര്‍ അതോററ്റിക്ക് കൈമാറുകയും ചെയ്തു. ഇന്‍ഡിഗ്രേറ്റഡ് സ്‌മോള്‍ ആന്‍ഡ് മീഡിയം ടൗണ്‍ പദ്ധതി പ്രകാരം 28 ലക്ഷം രൂപയുടെ പദ്ധതിതയ്യാറാക്കിയത് 2005 ഓടെയായിരുന്നു. മഴക്കാലത്ത് ചാട്ടുക്കുളത്തിലെ ജലം പമ്പ് ചെയ്ത് കുറുക്കന്‍പാറയിലെ ക്വോറിയില്‍ ശേഖരിച്ച് വേനലില്‍ ഈ ജലം 12 ഓളം വാര്‍ഡുകളിലേക്ക് വിതരണം ചെയ്യുന്നതായിരുന്നു പദ്ധതി. സര്‍ക്കാര്‍ അനുമതി നേടി പണം കൈമാറിയെന്നല്ലാതെ മറ്റൊന്നും നടന്നില്ല. കഴിഞ്ഞ ഭരണ സമതിയുടെ കാലത്ത് ബോട്ട് സവാരി നടത്തിയാലോ എന്നായി ആലോചന. നിറയെ തീര്‍ത്ഥാടകര്‍ സഞ്ചരിക്കുന്ന മേഖലയില്‍ ടൂറിസം പദ്ധതിയായി പുതിയമുഖം നല്‍കാനാകുമെന്നായിരുന്നു പ്രതീക്ഷ. എന്നാല്‍ ഡീസല്‍ ചോര്‍ന്ന് വെള്ളം ഉപയോഗ ശൂന്യമാകുമെന്ന് ജല അതോററ്റി റിപ്പോര്‍ട്ട് നല്‍കിയതിനാല്‍ അതും നടന്നില്ല. പലപ്പോഴായി ജല ശേഖരിച്ച് വെക്കുന്നതുള്‍പടേയുള്ള നിരവധി പദ്ധതികള്‍ ആസൂത്രണം ചെയ്‌തെങ്കിലും ഇതെല്ലാം കടലാസ്സില്‍ മാത്രമായി ഒതുങ്ങി പോയി എന്നതാണ് ചാട്ടുക്കുളത്തിന്റെ പദ്ധതി ചരിത്രം. ഈ കുളത്തിലെ ജലം ശരിയായ രീതിയില്‍ ഉപയോഗിക്കാനായാല്‍ കുന്നംകുളത്തെ ജലക്ഷാമത്തിന് ഒരു പരിധി വരേ തടയിടാനാകുമെന്ന് പതിറ്റാണ്ടുകളായി ചര്‍ച്ച ചെയ്യുന്നതാണ്. ഇത് സംബന്ധിച്ച് ചര്‍ച്ചകളും പദ്ധതികളും ഉണ്ടായെങ്കുലും അത് പ്രാവര്‍ത്തികമാക്കാന്‍ ഇതു വരേ ആരും മുന്നോട്ട് വന്നില്ല.
തൃശൂര്‍ ഇറ്റ്‌ഫോക്ക് മാതൃകയില്‍ അന്താരാഷ്ട്ര നാടന്‍ കലാമേളയ്ക്കും നൃത്തോത്സവത്തിനും കേരളത്തില്‍ വേദിയൊരുക്കുന്ന കാര്യം സര്‍ക്കാര്‍ ഗൗരവമായി ആലോചിക്കുമെന്ന് സാംസ്‌ക്കാരിക വകുപ്പ് മന്ത്രി എ.കെ. ബാലന്‍ പറഞ്ഞു.
കേരള സംഗീത നാടക അക്കാദമിയുടെ ആഭിമുഖ്യത്തില്‍ തൃശ്ശൂരില്‍ സംഘടിപ്പിക്കുന്ന അന്താരാഷ്ട്ര നാടകോത്സവം ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി എ.കെ. ബാലന്‍. കേരളത്തെ ദൈവത്തിന്റെ സ്വന്തം നാടെന്നതിനുപരി കലകളുടെ സ്വന്തം നാടാക്കി ലോകത്തിന്റെ മുന്നില്‍ അവതരിപ്പിക്കാന്‍ ശ്രമിക്കും. സാംസ്‌ക്കാരിക ദേശീയത എന്ന കപട മുദ്രാവാക്യം മുഴക്കുന്ന കാലഘട്ടമാണിത്. ഭീഷണിപ്പെടുത്തി കീഴ്‌പ്പെടുത്തുകയെന്ന തന്ത്രമാണ് സാംസ്‌ക്കാരിക മേഖലയില്‍ ഇന്ന് നാം കാണുന്നത്. ലോകത്തിന്റെ സാംസ്‌ക്കാരിക ഭൂപടത്തില്‍ സ്ഥാനം പിടിക്കാന്‍ അന്താരാഷ്ട്ര നാടകോത്സവത്തിന് സാധിച്ചിട്ടുണ്ട്. വരും വര്‍ഷങ്ങളില്‍ സംസ്ഥാന സര്‍ക്കാരിന്റെ ബജറ്റില്‍ അന്താരാഷ്ട്ര നാടകോത്സവത്തിന് പ്രത്യേക ഇനമായി തുക ഉള്‍പ്പെടുത്തും. ഈ അടുത്ത നാളുകളില്‍ കേരളത്തില്‍ നടന്ന സംഭവങ്ങള്‍ നമ്മുടെ മനസ്സിനെയെല്ലാം വേദനിപ്പിക്കുന്നതാണ്. കശ്മലന്മാര്‍ക്കും തെരുവ് ഗുണ്ടകള്‍ക്കും അഴിഞ്ഞാടാന്‍ ഇനി കേരളം അനുവദിക്കുകയില്ല. ഇതിന് നേതൃത്വം കൊടുക്കുന്നവരേയും കുറ്റവാളികളെയും നിയമത്തിന് മുന്നില്‍ കൊണ്ടുവരും. സിനിമാ മേഖലയിലെ ഒരു കലാകാരനും കലാകാരിക്കും കഴിഞ്ഞ ദിവസം സംഭവിച്ചത് ഇനി കേരളത്തില്‍ ആവര്‍ത്തിക്കില്ലെന്ന് ഉറപ്പ് നല്‍കുന്നതായും ഇതിന് പിന്നില്‍ പ്രവര്‍ത്തിച്ച എല്ലാവരേയും നിയമത്തിന് മുന്നില്‍ കൊണ്ടുവന്ന് മാതൃകാപരമായി ശിക്ഷിക്കാനുള്ള നടപടി സ്വീകരിക്കുമെന്നും എ.കെ. ബാലന്‍ പറഞ്ഞു. മന്ത്രി വി.എസ്. സുനില്‍കുമാര്‍ അദ്ധ്യക്ഷത വഹിച്ചു. അമ്മന്നൂര്‍ ചാക്യാര്‍ പുരസ്‌ക്കാരം പത്മശ്രീ സാവിത്രി കനയലിന് മന്ത്രി നല്‍കി. ശിവ വിശ്വനാഥന്‍ മുഖ്യ പ്രഭാഷണം നടത്തി. മന്ത്രി എ.സി. മൊയ്തീന്‍ ഫെസ്റ്റിവല്‍ ബുക്ക് പ്രകാശനം ചെയ്തു. ഡെയ്‌ലി ബുള്ളറ്റിന്റെ പ്രകാശനം സംഗീത നാടക അക്കാദമി ചെയര്‍പേഴ്‌സണ്‍ കെ.പി.എ.സി. ലളിത നിര്‍വ്വഹിച്ചു. ഫെസ്റ്റിവല്‍ ഡയറക്ടര്‍ അഭിലാഷ് പിള്ള, ജില്ലാ പഞ്ചായത്ത് പ്രസിഡന്റ് ഷീല വിജയകുമാര്‍ സാഹിത്യ അക്കാദമി പ്രസിഡന്റ് വൈശാഖന്‍, പ്രൊഫ. കെ.യു. അരുണന്‍ എം.എല്‍.എ., മുന്‍ സ്പീക്കര്‍ കെ. രാധാകൃഷ്ണന്‍, പത്മശ്രീ കലാമണ്ഡലം ഗോപി എന്നിവര്‍ പങ്കെടുത്തു. തുടര്‍ന്ന് സംവിധായകന്‍ ശങ്കര്‍ വെങ്കിടേശ്വരന്‍ ഒരുക്കിയ 'ഉടലുറവ് ഉയിരെഴുത്ത് ഉടലെടുപ്പ്' എന്ന പ്രത്യേക പരിപാടിയും ഇസ്രായേല്‍, ജര്‍മ്മനി എന്നീ രാജ്യങ്ങള്‍ സംയുക്തമായി അവതരിപ്പിച്ച ലോസ്റ്റ് വില്‍സ് ഓഫ് ടൈംസ് എന്ന നാടകവും അരങ്ങേറി.
തൃശൂര്‍ മലയോര സംരക്ഷണ സമിതിയുടെ നേതൃത്വത്തില്‍ സ്ത്രീകള്‍ മണ്ണുത്തി പോലീസ് സ്റ്റേഷനില്‍ കുത്തിയിരിപ്പ് സമരം നടത്തി.
വലക്കാവ് അച്ചന്‍കുന്ന് കോളനിയില്‍ കോടതി ഇടപ്പെട്ട് അടപ്പിച്ച കരിങ്കല്‍ ക്വാറി വീണ്ടും തുറക്കാനുള്ള ശ്രമം മലയോര സംരക്ഷണ സമിതിയില്‍പ്പെട്ട സ്ത്രീകള്‍ തടഞ്ഞിരുന്നു. സ്ത്രീകളോട് അപമര്യാദയായി പെരുമാറിയവര്‍ക്കെതിരെ പരാതി നല്‍കിയിട്ടും നടപടിയെടുക്കാത്തതില്‍ പ്രതിഷേധിച്ചായിരുന്നു സമരം.
തൃശൂര്‍ മഹാശിവരാത്രിയോടനുബന്ധിച്ച് തൃശൂര്‍ ശ്രീ വടക്കുന്നാഥ ക്ഷേത്രത്തില്‍ സംഘടിപ്പിക്കുന്ന നൃത്ത-സംഗീതോത്സവം തുടരുന്നു.
ക്ഷേത്രം ശ്രീമൂലസ്ഥാനത്തെ ശിവരാത്രി മണ്ഡപത്തില്‍ നടക്കുന്ന നൃത്ത-സംഗീതോത്സവത്തിന്റെ ആറാം ദിനമായ തിങ്കളാഴ്ച ഷീബ സഹദേവന്‍, രേഖ മേനോന്‍ എന്നിവര്‍ അവതരിപ്പിച്ച ഭരതനാട്യവും ചലച്ചിത്ര താരം സ്വാതി നാരായണന്‍ അവതരിപ്പിച്ച കുച്ചിപ്പുഡിയും അരങ്ങേറി. നൃത്തങ്ങള്‍ ആസ്വദിക്കാനായി നിരവധി കലാപ്രേമികളാണ് ശിവരാത്രി മണ്ഡപത്തിലേക്കെത്തിയത്. ഏഴാം ദിനമായ ചൊവ്വാഴ്ച വൈകീട്ട് ഗോപിക എസ്.മേനോന്റെ നൃത്തവും ബാംഗ്ലൂരില്‍ നിന്നുള്ള രാധിക രാജീവ്കുമാറിന്റെ ഭരതനാട്യവും തുടര്‍ന്ന് വിവിധ കലാകാരന്‍മാര്‍ പങ്കെടുക്കുന്ന 'സര്‍വ്വം ലയം' എന്ന വാദ്യോപകരണ കച്ചേരിയും അരങ്ങേറും. വെള്ളിയാഴ്ചയാണ് മഹാശിവരാത്രി.
കൊടുങ്ങല്ലൂര്‍ പടിഞ്ഞാറെ വെമ്പല്ലൂരില്‍ എസ്.എഫ്.ഐ-ബിജെപി സംഘര്‍ഷം, കല്ലേറില്‍ നിരവധി പേര്‍ക്ക് പരിക്കേറ്റു. പ്രവര്‍ത്തകര്‍ക്ക് നേരെ പോലീസ് ലാത്തിവീശി.
അസ്മാബി കോളേജിലെ വിദ്യാര്‍ത്ഥികളായ എസ്.എഫ്.ഐ പ്രവര്‍ത്തകരും പുറമെ നിന്നുമെത്തിയ ബി.ജെ.പി പ്രവര്‍ത്തകരും തമ്മിലാണ് ഏറ്റുമുട്ടലുണ്ടായത്. തിങ്കളാഴ്ച ഉച്ചതിരിഞ്ഞ് മൂന്നരയോടെയായിരുന്നു സംഭവം. കഴിഞ്ഞ ദിവസം ഡി-സോണ്‍ മത്സരത്തിന്റെ പരിശീലനത്തിനായി എത്തിയ വിദ്യാര്‍ത്ഥിയെ പുറമെ നിന്നുള്ളവര്‍ ഭീഷണിപ്പെടുത്തിയതായി പരാതിയുണ്ടായിരുന്നു. ഈ സംഭവത്തെ കുറിച്ച് പ്രിന്‍സിപ്പാളുമായി സംസാരിക്കാനെത്തിയ ബി.ജെ.പിയുടെ പ്രാദേശിക നേതാക്കളും അവര്‍ക്കൊപ്പം വന്ന് പുറത്ത് കാത്തു നിന്നിരുന്ന പ്രവര്‍ത്തകരും എസ്.എഫ്.ഐ പ്രവര്‍ത്തകരും തമ്മിലുണ്ടായ വാക്കേറ്റം സംഘര്‍ഷത്തില്‍ കലാശിക്കുകയായിരുന്നു. ഇരുവിഭാഗത്തെയും അനുനയിപ്പിക്കാന്‍ കോളേജ് അധികൃതര്‍ ശ്രമിക്കുന്നതിനിടയിലാണ് കല്ലേറുണ്ടായത്. കല്ലേറില്‍ ഇരുപക്ഷത്തുള്ളവര്‍ക്കും പരിക്കേറ്റു. ഒടുവില്‍ പോലീസെത്തി ലാത്തി വീശിയതോടെയാണ് ഇരുവിഭാഗവും പിന്‍മാറിയത്. പരിക്കേറ്റവരെ വിവിധ ആശുപത്രികളില്‍ പ്രവേശിപ്പിച്ചു. സംഭവവുമായി ബന്ധപെട്ട് മതിലകം പോലീസ് രണ്ട് കേസുകള്‍ റജിസ്റ്റര്‍ ചെയ്തിട്ടുണ്ട്. പ്രശ്‌നസാധ്യത കണക്കിലെടുത്ത് പ്രദേശത്ത് പോലീസ് കാവല്‍ ഏര്‍പ്പെടുത്തി.
ചാലക്കുടി കൊരട്ടി കിന്‍ഫ്ര വ്യവസായ പാര്‍ക്കി ല്‍ സംരംഭകര്‍ക്ക് അടിസ്ഥാന സൗകര്യം ഒരുക്കുന്ന പുതിയ പദ്ധതിക്കായി സര്‍ക്കാര്‍ 28 കോടി രൂപ അനുവദിച്ചിട്ടുണ്ടെന്ന് മന്ത്രി എ.സി.മൊയ്തീന്‍ അറിയിച്ചു.
വ്യവസായ പാര്‍ക്കിന്റെ പ്രവര്‍ത്തനങ്ങള്‍ വിലയിരുത്താന്‍ എത്തിയതായിരുന്നു മന്ത്രി. മള്‍ട്ടി സ്‌റ്റോറേജ് കെട്ടിടമാണ് ഇതിനായി നിര്‍മ്മിക്കുക. ആദ്യഘട്ടമെന്ന നിലയില്‍ ഇതിനായി പത്തു കോടി രൂപയുടെ അനുമതിയും നല്കിയിട്ടുണ്ട്. കിന്‍ഫ്രയില്‍ അവശേഷിക്കുന്ന 96 സെന്റ് സ്ഥലത്താണ് പുതിയ സംരംഭമെന്നും മന്ത്രി പറഞ്ഞു. കേന്ദ്ര സര്‍ക്കാര്‍ സ്ഥാപനമായ അച്ചടി പ്രസിന്റെ ഭാഗമായി ഉപയോഗശൂന്യമായി കിടക്കുന്ന ഭൂമി വ്യവസായ പാര്‍ക്കിന്റെ ആവശ്യത്തിന് പ്രയോജനപ്പെടുത്താന്‍ ശ്രമിക്കുന്നുണ്ടെന്നും എ.സി.മൊയ്തീന്‍ അറിയിച്ചു. ബി.ഡി.ദേവസ്സി എം.എല്‍.എ, പഞ്ചായത്ത് പ്രസിഡന്റ് കുമാരി ബാലന്‍, കിന്‍ഫ്രാ ജനറല്‍ മാനേജര്‍ പി.ഉണ്ണികൃഷ്ണന്‍ എന്നിവരും മന്ത്രിയോടൊപ്പമുണ്ടായിരുന്നു.
പുതുക്കാട് അളഗപ്പനഗര്‍ പഞ്ചായത്തിലെ പതിനാലാം വാര്‍ഡ് ഉപതിരഞ്ഞെടുപ്പുമായി ബന്ധപ്പെട്ട് എല്‍.ഡി.എഫ് പെരുമാറ്റ ചട്ടം ലംഘിച്ചതായി പരാതി.
നിശബ്ദ പര്യടനം നടത്തുന്നതിടെ എല്‍.ഡി.എഫ് പ്രവര്‍ത്തകര്‍ വീടുകളില്‍ കയറി ക്ഷേമ പെന്‍ഷന്റെ അപേക്ഷ ഫോം വിതരണം ചെയ്തുവെന്ന് ആരോപിച്ച് യു.ഡി.എഫാണ് പരാതി നല്‍കിയത്. അളഗപ്പനഗര്‍ പഞ്ചായത്ത് പ്രസിഡന്റും, യു.ഡി.എഫ് തെരഞ്ഞെടുപ്പ് ഏജന്റുമായ കെ.രാജേശ്വരിയാണ് റിട്ടേണിംഗ് ഓഫീസര്‍ക്ക് പരാതി നല്‍കിയത്. തിങ്കളാഴ്ച ഉച്ചയോടെ എല്‍.ഡി.എഫ് പ്രവര്‍ത്തകര്‍ വീടുകളില്‍ അപേക്ഷ ഫോറം വിതരണം ചെയ്തത് യു.ഡി.എഫ് പ്രവര്‍ത്തകര്‍ തടഞ്ഞിരുന്നു. തുടര്‍ന്ന് വരന്തരപ്പിള്ളി പോലീസെത്തി പ്രവര്‍ത്തകരില്‍ നിന്ന് അപേക്ഷ ഫോം പിടിച്ചെടുത്തിരുന്നു.
കയ്പമംഗലം ദേശിയപാത -17 എസ്.എന്‍.പുരം അഞ്ചാംപരത്തിയില്‍ നിര്‍ത്തിയിട്ട മിനി ലോറിക്ക് പുറകില്‍ കാറിടിച്ച് ഒരു സ്ത്രീയുള്‍പ്പെടെ 3 പേര്‍ക്ക് പരിക്കേറ്റു.
കണ്ണൂര്‍ സ്വദേശികളായ ജോസഫ്, സാന്റോ, മഞ്ജു എന്നിവര്‍ക്കാണ് പരിക്കേറ്റത്. ഇവരെ പള്ളിനട എസ്.വൈ.എസ് സാന്ത്വനം പ്രവര്‍ത്തകര്‍ എറണാകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചു. കണ്ണൂരില്‍ നിന്ന് എറണാകുളത്തേക്ക് പോവുകയായിരുന്ന കാറാണ് അപകടത്തില്‍പ്പെട്ടത്. െ്രെഡവര്‍ ഉറങ്ങിയതാണ് അപകട കാരണമെന്ന് പറയുന്നു. പരിക്കേറ്റവരില്‍ 2 പേരുടെ നില ഗുരുതരമാണ്.
പാവറട്ടി എളവള്ളി ഗ്രാമപഞ്ചായത്ത് വാക കാക്കത്തുരുത്തി പാടശേഖരത്തിലെ 184 ഏക്കറിലെ കതിര് വന്ന നെല്‍ച്ചെടികള്‍ വെള്ളമില്ലാതെ കരിഞ്ഞുണങ്ങി.
മൂന്ന് വളപ്രയോഗവും, ചാഴിയ്ക്കുള്ള അവസാന മരുന്നടിയും കഴിഞ്ഞ പാടശേഖരമാണിത്. കര്‍ഷകര്‍ക്ക് ഒരു ഏക്കറില്‍ 30,000 രൂപയോളം ചിലവ് വന്നിട്ടുണ്ട്. വരന്തരപ്പിള്ളി കുറുമാലി പുഴയ്ക്ക് കുറുകെ തടയണ നിര്‍മ്മിക്കാന്‍ വേണ്ടി 10 ദിവസത്തോളം ചിമ്മിനി ഡാമിന്റെ ഷട്ടര്‍ അടച്ചിട്ടതാണ് കൃഷി നശിക്കാനിടയാക്കിയതെന്ന് കര്‍ഷകര്‍ പരാതിപ്പെട്ടു. നെല്‍ക്കതിരുകള്‍ കരിഞ്ഞുണങ്ങി പതിരായ അവസ്ഥയാണ്. സംഭവത്തില്‍ അടിയന്തിര ധനസഹായം അനുവദിക്കണമെന്ന് കര്‍ഷകര്‍ ആവശ്യപ്പെട്ടു.
ഇരിങ്ങാലക്കുട ഇരിങ്ങാലക്കുട മുനിസിപ്പല്‍ പ്രദേശത്തെ അയ്യങ്കാളി നഗര തൊഴിലുറപ്പ് പദ്ധതി തൊഴിലാളികള്‍ നഗരസഭാ ഓഫീസ് മാര്‍ച്ചും, ധര്‍ണ്ണയും നടത്തി.
സാമ്പത്തിക വര്‍ഷം. അവസാനിക്കാറായിട്ടും തൊഴിലുറപ്പ് പദ്ധതി നടപ്പാക്കാത്തതില്‍ പ്രതിഷേധിച്ചായിരുന്നു സമരം. സി.പി.എം ഏരിയാ സെക്രട്ടറി ഉല്ലാസ് കളക്കാട്ട് ഉദ്ഘാടനം ചെയ്തു. നഗരസഭാ കൗണ്‍സിലര്‍ പി.വി.ശിവകുമാര്‍ അദ്ധ്യക്ഷത വഹിച്ചു. എം.ബി.രാജു, സുമതി ഗോപാലകൃഷ്ണന്‍, പ്രജിത സുനില്‍ കുമാര്‍ എന്നിവര്‍ സംസാരിച്ചു. കെ.കെ.ദാസന്‍, ഗീത പുരുഷോത്തമന്‍, ഗിരിജ ബാബു, പി.വി.സദാനന്ദന്‍ തുടങ്ങിയവര്‍ മാര്‍ച്ചിന് നേതൃത്വം നല്‍കി. മാര്‍ച്ച് ഒന്നു മുതല്‍ തൊഴില്‍ നല്‍കണമെന്നാവശ്യപ്പെട്ട് നഗരസഭാ ചെയര്‍പേഴ്‌സണും, സെക്രട്ടറിയ്ക്കും തൊഴിലാളികള്‍ ഒപ്പിട്ട നിവേദനം സമര്‍പ്പിച്ചു.
ഗുരുവായൂര്‍ ഗുരുവായൂര്‍ തിരുവെങ്കിടം പ്രദേശം ഗുരുവായൂരില്‍ നിന്ന് ഒറ്റപ്പെടാതിരിക്കാന്‍ അടിപ്പാത നിര്‍മിക്കണമെന്ന് നഗരസഭ കൗണ്‍സില്‍ ആവശ്യപ്പെട്ടു.
നഗരസഭാധ്യക്ഷ പ്രൊഫ.പി.കെ.ശാന്തകുമാരിയാണ് വിഷയം കൗണ്‍സിലില്‍ അവതരിപ്പിച്ചത്. രാഷ്ട്രീയവ്യത്യാസം കൂടാതെ കൗണ്‍സിലര്‍മാര്‍ നിര്‍ദേശത്തെ പിന്തുണച്ചു. നേരത്തെയുണ്ടായിരുന്ന തിരുവെങ്കിടം റെയില്‍ഗേറ്റിന് അടിയിലൂടെ പാത നിര്‍മ്മിക്കണമെന്നാണ് ആവശ്യം. ഇക്കാര്യത്തില്‍ റെയില്‍വേ അധികൃതരുമായി പ്രാഥമിക ചര്‍ച്ച നടത്തിയതായും ചെയര്‍പേഴ്‌സണ്‍ അറിയിച്ചു. നഗരസഭയുടെ പ്ലാന്‍ ഫണ്ടും അമൃത് പദ്ധതി വഴി ലഭിക്കുന്ന സഹായവും ആവശ്യമെങ്കില്‍ അടിപ്പാതക്കായി ചിലവഴിക്കും. തിരുവെങ്കിടം, ഇരിങ്ങപ്പുറം പ്രദേശങ്ങള്‍ക്ക് ഏറെ സഹായമാകും അടിപ്പാത. പാത നിര്‍മാണത്തിന് സമ്മര്‍ദ്ദം ചെലുത്താനുള്ള നഗരസഭയുടെ തീരുമാനത്തെ കോണ്‍ഗ്രസ് കൗണ്‍സിലര്‍മാര്‍ അഭിനന്ദിച്ചു. ചൂല്‍പ്പുറം ഭാഗത്ത് മൊബൈല്‍ ടവര്‍ സ്ഥാപിക്കാന്‍ നഗരസഭ നല്‍കിയിട്ടുള്ള അനുമതി പിന്‍വലിക്കണമെന്ന് എ.ടി. ഹംസ ആവശ്യപ്പെട്ടു. ചെമ്മണൂര്‍ തോട് സര്‍വേ നടത്തി അളന്ന് തിട്ടപ്പെടുത്തണമെന്ന ജലീല്‍ പണിക്കവീട്ടിലിന്റെ ആവശ്യം യോഗം അംഗീകരിച്ചു. ഈ തോടില്‍ തടയണ വേണമെന്ന് ടി.എസ്. ഷെനിലും വേഗത്തില്‍ സര്‍വേ നടത്താന്‍ നടപടി സ്വീകരിക്കണമെന്ന് ഉപാധ്യക്ഷന്‍ കെ.പി. വിനോദും ആവശ്യപ്പെട്ടു. നെന്മിനി, തൈക്കാട് പ്രദേശത്തെ ചമ്പ്രം തോടും സര്‍വേ നടത്തും. ചക്കംകണ്ടത്തെ അഴുക്കുചാല്‍ പദ്ധതിയുടെ പ്ലാന്റ് നവീകരിക്കാന്‍ 4 ദശാംശം 5 കോടി രൂപയും വിതരണ ശൃംഖലക്കായി 25 കോടി രൂപയും അമൃത് പദ്ധതിയില്‍ വകയിരുത്തും. വാട്ടര്‍ അതോറിറ്റിയെ ഒഴിവാക്കി വികേന്ദ്രീകൃത ജലവിതരണ പദ്ധതിക്ക് രൂപം നല്‍കും. ട്രഞ്ചിങ് ഗ്രൗണ്ടിന്റെ ഗ്രാന്‍ സോണിനായി 2 ദശാംശം 1,4 ഏക്കര്‍ സ്ഥലം ഏറ്റെടുക്കാനും യോഗം തീരുമാനിച്ചു. പ്രൊഫ. പി.കെ. ശാന്തകുമാരി യോഗത്തില്‍ അധ്യക്ഷത വഹിച്ചു.
പാവറട്ടി എളവള്ളി ഗ്രാമപഞ്ചായത്തില്‍ ജനകീയാസൂത്രണ പദ്ധതി പ്രകാരം കേര കര്‍ഷകര്‍ക്ക് ജൈവവളം വിതരണം ചെയ്തു.
13 ലക്ഷം രൂപ ചിലവഴിച്ച് എഴുനൂറോളം കര്‍ഷകര്‍ക്കാണ് വളം വിതരണം ചെയ്തത്. ഗ്രാമപഞ്ചായത്ത് ക്ഷേമകാര്യ സ്റ്റാന്റിങ്ങ് കമ്മിറ്റി ചെയര്‍മാന്‍ കെ.എസ്.സദാനന്ദന്‍ വിതരണോദ്ഘാടനം നിര്‍വഹിച്ചു. ചിറ്റാട്ടുകര സഹകരണ ബാങ്ക് പ്രസിഡന്റ് ജിയോ ഫോക്‌സ് അധ്യക്ഷനായി. കൃഷി ഓഫീസര്‍ കെ.ബിന്ദു, കൃഷി അസിസ്റ്റന്റ് ഓഫീസര്‍ ഇ.ബി.നിധീഷ്, പഞ്ചായത്ത് അംഗങ്ങളായ ലിസി വര്‍ഗീസ്, സി.എഫ്.രാജന്‍ തുടങ്ങിയവര്‍ സംസാരിച്ചു.
കയ്പമംഗലം എടമുട്ടം പുളിഞ്ചോട്ടില്‍ യുവാവിനെ ആറംഗ സംഘം മര്‍ദ്ദിച്ചതായി പരാതി.
പുളിഞ്ചോട് സ്വദേശി അറയ്ക്ക വീട്ടില്‍ മജീദിന്റെ മകന്‍ നിജിലിനാണ് മര്‍ദ്ദനമേറ്റത്. ഇയാളെ കൊടുങ്ങല്ലൂര്‍ മോഡേണ്‍ ആശുപത്രിയില്‍ പ്രവേശിപ്പിച്ചു. ഞായറാഴ്ച രാത്രിയായിരുന്നു സംഭവം. വെള്ളം വില്‍പ്പന കഴിഞ്ഞ് മടങ്ങി വരികയായിരുന്ന നിജിലിനെ ആറംഗ സംഘം തടഞ്ഞു നിര്‍്ത്തി മര്‍ദ്ദിക്കുകയും കയ്യിലുണ്ടായിരുന്ന 12,500 രൂപ പിടിച്ചു വാങ്ങുകയും ചെയ്യുകയായിരുന്നു. നിരവധി കഞ്ചാവ് കേസില്‍ ഉള്‍പ്പെട്ട സംഘമാണ് മര്‍ദ്ദിച്ചതെന്ന് നിജില്‍ പറഞ്ഞു. മതിലകം പോലീസ് കേസെടുത്തു അന്വേഷണം ആരംഭിച്ചു.
പെരിങ്ങോട്ടുകര പെരിങ്ങോട്ടുകര പാടത്ത് ചെയ്ത നെല്‍കൃഷിയുടെ കൊയ്ത്തുല്‍സവം നടന്നു.
താന്ന്യം ഗ്രാമ പഞ്ചായത്ത് പ്രസിഡന്റ് സി.പി.ജോസ് ഉദ്ഘാടനം ചെയ്തു. വാര്‍ഡ് അംഗം ഓമന ശങ്കരന്‍ അദ്ധ്യക്ഷത വഹിച്ചു. പഞ്ചായത്ത് വൈസ് പ്രസിഡന്റ് ശുഭ സുരേഷ്, ജില്ലാ പഞ്ചായത്ത് അംഗം സിജി മോഹന്‍ദാസ്, സ്വയം സഹായ സംഘം ഭാരവാഹികളായ ടി.കെ.ഷാജു, കെ.ജി.സുരേഷ് ബാബു തുടങ്ങിയവര്‍ പങ്കെടുത്തു. പെരിങ്ങോട്ടുകര സ്വയം സഹായ സംഘത്തിന്റെയും പെരിങ്ങോട്ടുകര പാടം സമിതിയുടെയും നേതൃത്വത്തിലാണ് നെല്‍കൃഷി നടത്തിയത്.
കൊടകര െ്രെടബല്‍ ജനമൈത്രി സുരക്ഷ പദ്ധതിയുടെ ഭാഗമായി മറ്റത്തൂര്‍ പഞ്ചായത്തിലെ ശാസ്താംപൂവ്വം, കാരിക്കടവ് ആദിവാസി കോളനി നിവാസികള്‍ക്കായി പരാതി പരിഹാര അദാലത്തും മെഡിക്കല്‍ ക്യാമ്പും സംഘടിപ്പിച്ചു.
ചാലക്കുടി ഡി.വൈ.എസ്.പി.-സി.എസ്.ഷാഹുല്‍ ഹമീദിന്റെ നേതൃത്വത്തില്‍ ശാസ്താംപൂവ്വം കോളനി കമ്യൂണിറ്റി ഹാളില്‍ നടന്ന അദാലത്ത് മറ്റത്തൂര്‍ ഗ്രാമപഞ്ചായത്ത് പ്രസിഡന്റ് പി.സി.സുബ്രന്‍ ഉദ്ഘാടനം ചെയ്തു. കൊടകര സി.ഐ-കെ.സുമേഷ് അധ്യക്ഷത വഹിച്ചു. ചാലക്കുടി ഡിവിഷണല്‍ ഫോറസ്റ്റ് ഓഫീസര്‍ ആര്‍.കീര്‍ത്തി മുഖ്യാതിഥിയായിരുന്നു. നൂറ്റമ്പതോളം പേര്‍ അദാലത്തില്‍ പങ്കെടുത്തു. കുടിവെള്ളം, പൊതുശ്മശാനം, വീട്, തൊഴില്‍ എന്നിവയുമായി ബന്ധപ്പെട്ട പരാതികള്‍ ആദിവാസികള്‍ അദാലത്തില്‍ ഉന്നയിച്ചു. ഇവ തീര്‍പ്പാക്കുന്നതിനായി വിവിധ വകുപ്പുകളിലെ അധികാരികള്‍ക്ക് കൈമാറി.
ഇരിങ്ങാലക്കുട ഇരിങ്ങാലക്കുട എച്ച്.ഡി.പി സമാജം ശ്രീ ശിവകുമാരേശ്വര ക്ഷേത്രത്തില്‍ പൂയമഹോത്സവം ആഘോഷിച്ചു.
വിവിധ ദേശങ്ങളില്‍ നിന്നായി പ്രാദേശിക കാവടി സെറ്റുകള്‍ താള വാദ്യ അകമ്പടിയോടെ ക്ഷേത്രത്തില്‍ എത്തി. ചെറുശ്ശേരി കുട്ടന്‍ മാരാര്‍, കലാമണ്ഡലം ശിവദാസ് എന്നിവരുടെ മേള പ്രമാണത്തില്‍ വിവിധ ദേശങ്ങില്‍ നിന്നെത്തിയ ചെറുപൂരങ്ങള്‍ ക്ഷേത്രത്തില്‍ വാദ്യ വിസ്മയം തീര്‍ത്തു. തിടമ്പേറ്റുന്ന ആനയെ സംബന്ധിച്ച് കഴിഞ്ഞ വര്‍ഷങ്ങളിലുണ്ടായ തര്‍ക്കങ്ങള്‍ ഒഴിവാക്കുന്നതിനായി ഇത്തവണ സമാജം നേരിട്ട് തിടമ്പേറ്റുന്നതിനായി തിരുവമ്പാടി ശിവസുന്ദറിനെ ഏര്‍പ്പാടാക്കിയിരുന്നു.
ചേര്‍പ്പ് കെ.പി.സി.സി. വൈസ് പ്രസിഡന്റ് വി.ഡി.സതീശന്‍ നയിക്കുന്ന യു.ഡി.എഫ് മേഖലാ ജാഥയ്ക്ക് നാട്ടിക നിയോജക മണ്ഡലം കമ്മിറ്റിയുടെ നേതൃത്വത്തില്‍ ചേര്‍പ്പില്‍ സ്വീകരണം നല്‍കി.
സ്വാഗതസംഘം ചെയര്‍മാന്‍ എം.കെ.അബ്ദുള്‍ സലാം അദ്ധ്യക്ഷത വഹിച്ചു. ജാഥാ ക്യാപ്റ്റന്‍ വി.ഡി. സതീശന്‍, അനൂപ് ജേക്കബ്ബ്, ടി.എന്‍.പ്രതാപന്‍, ജോസഫ് ചാലിശ്ശേരി തുടങ്ങിയവര്‍ സംസാരിച്ചു. ഷെയ്ഖ് പി.ഹാരിസ്, കെ.ആര്‍.ഗിരിജന്‍, ടി.യു.രാധാകൃഷ്ണന്‍, കെ.കെ.കൊച്ചുമൊഹമ്മദ്, ജോസ് വള്ളൂര്‍ തുടങ്ങിയവര്‍ പങ്കെടുത്തു.
പാവറട്ടി സംസ്ഥാന പഞ്ചായത്ത് ദിനാഘോഷത്തിന്റെ ഭാഗമായി ജനപ്രതിനിധികള്‍ക്കും ജീവനക്കാര്‍ക്കുമായി കണ്ണൂരില്‍ നടന്ന സംസ്ഥാന പ്രശ്‌നോത്തരി മത്സരത്തില്‍ തൃശൂര്‍ ജില്ലയെ പ്രതിനിധീകരിച്ച വെങ്കിടങ്ങ് ഗ്രാമ പഞ്ചായത്ത് മൂന്നാം സ്ഥാനം നേടി.
ഗ്രാമ പഞ്ചായത്ത് പ്രസിഡണ്ട് രതി എം.ശങ്കര്‍, ജൂനിയര്‍ സൂപ്രണ്ട് അബ്ദുല്‍ റസാക്ക് എന്നിവര്‍ പി.കെ.ശ്രീമതി എം.പിയില്‍ നിന്ന് ട്രോഫിയും പ്രശസ്തി പത്രവും ഏറ്റുവാങ്ങി. 'പഞ്ചായത്ത് രാജ് സംവിധാനവും വികേന്ദ്രീകൃത ആസൂത്രണവും' എന്ന വിഷയത്തിലായിരുന്നു പ്രശ്‌നോത്തരി മത്സരം. മലപ്പുറം ജില്ല ഒന്നാം സ്ഥാനവും കണ്ണൂര്‍ ജില്ല രണ്ടാം സ്ഥാനവും കരസ്ഥമാക്കി .
കൊടകര വൃക്കരോഗം ബാധിച്ച് ചികിത്സയില്‍ കഴിയുന്ന കൊടകര ഗവണ്‍മെന്റ് ഹയര്‍ സെക്കന്ററി സ്‌കൂള്‍ വിദ്യാര്‍ത്ഥിനി വി.കൃഷ്ണക്ക് സഹപാഠികളും പി.ടി.എ.യും ചേര്‍ന്ന് ചികിത്സാ ധന സഹായം നല്‍കി.
സ്‌കൂള്‍ അസംബ്ലിയില്‍ നടന്ന ചടങ്ങില്‍ പ്രധാനാധ്യാപകന്‍ എന്‍.സിറാജുദ്ദീന്‍ തുക ഏറ്റുവാങ്ങി.
കുന്നംകുളം പെണ്മ നിറഞ്ഞ കഥകളി കാണികള്‍ക്കു വേറിട്ട അനുഭവമായി. കഥകളി ക്ലബിന്റെ നേതൃത്വത്തില്‍ കുന്നംകുളത്താണ് സ്ത്രീകള്‍ മാത്രം കഥാപാത്രങ്ങളായുള്ള ലവണാസുര വധം അരങ്ങിലെത്തിയത്.
കളിയുടെ അരങ്ങു ഉണര്‍ന്നപ്പോള്‍ അരങ്ങില്‍ ലവനും ശത്രുഘ്‌നനും ഹനുമാനും കുശനും സീതയുമെല്ലാം സ്ത്രീകള്‍. കഥകളി ക്ലബ്ബിന്റെ നേതൃത്വത്തില്‍ കുന്നംകുളത്ത് അരങ്ങേറിയ ലവണാസുര വധം കഥകളിയില്‍ സ്ത്രീ ഭാവങ്ങള്‍ നിറഞ്ഞാടി. കഥകളിയില്‍ പുരുഷ കഥാപാത്രങ്ങളെ അവതരിപ്പിച്ചത് സ്ത്രീകളാണെന്ന് കളിയുടെ ഒരു ഘട്ടത്തിലും കാണികള്‍ തിരിച്ചറിഞ്ഞില്ല. അത്ര മാത്രം അഭിനയ പാടവത്തോടെയാണ് ഓരോ കലാകാരിയും തങ്ങളുടെ വേഷങ്ങള്‍ രംഗത്തവതരിപ്പിച്ചത്. അതിനാല്‍ ആദ്യമായി സ്ത്രീകള്‍ മാത്രം രംഗത്തെത്തിയ കഥകളി നിറഞ്ഞ സദസിനു പുതിയൊരു അനുഭവമായി. കഥകളിയ്ക്കു തിരശീല വീണതിനു ശേഷമാണ് അരങ്ങിലാടിയത് സ്ത്രീകള്‍ മാത്രമാണെന്ന് ആസ്വാദകര്‍ അറിഞ്ഞത്. പുരുഷ കഥാപാത്രങ്ങളായ ലവനായി മിത്രവൃന്ദയും, ശത്രുഘ്നനായി ഗോപിക രമേഷും, ഹനുമാനായി ആര്യ പറപ്പൂരും, കുശനായി മിഥില മാടശേരിയും, ഏക സ്ത്രീ കഥാപാത്രമായ സീതയായി ക്ഷമ രാജയും അരങ്ങില്‍ നിറഞ്ഞാടി. കഥകളിയില്‍ സാധാരണയായി മിക്ക സ്ത്രീ കഥാപാത്രങ്ങള്‍ക്കും ജീവന്‍ പകരാറുള്ളത് പുരുഷന്മാരാണ്. ആദ്യമായാണ് പുരുഷ സാന്നിധ്യമില്ലാതെ പെണ്മയില്‍ നിറഞ്ഞു കഥകളി അരങ്ങിലെത്തിയത്. സംഗീതത്തില്‍ മീര രാംമോഹനും, അദ്രിജ വര്‍മയും ചെണ്ടയില്‍ കലാമണ്ഡലം വിനോദും മദ്ദളത്തില്‍ ആര്‍.എല്‍.വി ഗീതിനും, ചുട്ടിയില്‍ കലാനിലയം വിഷ്ണുവും പിന്നണിയില്‍ അണിനിരന്നു.
കൊടകര ജനമൈത്രി സുരക്ഷ പദ്ധതിയുടെ ഭാഗമായി കല്ലേറ്റുങ്കര പോളിടെക്‌നിക്ക് കോളേജില്‍ ലഹരിവിരുദ്ധ ബോധവല്‍ക്കരണ ശില്‍പ്പശാല സംഘടിപ്പിച്ചു.
ആളൂര്‍ ഗ്രാമപഞ്ചായത്ത് പ്രസിഡന്റ് സന്ധ്യ നൈസന്‍ ഉദ്ഘാടനം ചെയ്തു. കൊടകര എസ്.ഐ-സുബീഷ്‌മോന്‍ അധ്യക്ഷത വഹിച്ചു. എ.എസ്.ഐ.-എം.സി.ഗോപി, പ്രിന്‍സിപ്പാള്‍ എന്‍.രാമചന്ദ്രന്‍, ഐവിന്‍ ആന്റണി എന്നിവര്‍ സംസാരിച്ചു. എക്‌സൈസ് ഉദ്യോഗസ്ഥന്‍ പി.രാമചന്ദ്രന്‍ ക്ലാസെടുത്തു.
എരുമപ്പെട്ടി കടങ്ങോട് പഞ്ചായത്തിലെ കുടക്കുഴി ലിങ്ക് കോണ്‍ക്രീറ്റ് റോഡിന്റെ ഉദ്ഘാടനം പ്രസിഡന്റ് രമണി രാജന്‍ നിര്‍വ്വഹിച്ചു.
ഗ്രാമപഞ്ചായത്ത് അംഗം ജലീല്‍ ആദൂര്‍, പൊതു പ്രവര്‍ത്തകനായ കെ.ഇ.ബാബു എന്നിവര്‍ പങ്കെടുത്തു. ദേശീയ ഗ്രാമീണ തൊഴിലുറപ്പ് പദ്ധതിയില്‍ ഉള്‍പ്പെടുത്തി 2 ലക്ഷത്തി 82,000 രൂപ ചിലവഴിച്ചാണ് 96 മീറ്റര്‍ റോഡിന്റെ നിര്‍മ്മാണം പഞ്ചായത്ത് നടത്തിയത്.
ചാലക്കുടി റേഷന്‍ വ്യാപാരി ലൈസന്‍സികള്‍ക്ക് മാസവേതനവും ജീവനക്കാര്‍ക്ക് ക്ഷേമനിധിയും ഏര്‍പ്പെടുത്തണമെന്ന് ഓള്‍ കേരള റീട്ടെയില്‍ റേഷന്‍ ഡീലേഴ്‌സ് അസോസിയേഷന്‍ ചാലക്കുടി താലൂക്ക് യോഗം ആവശ്യപ്പെട്ടു.
ജില്ലാ സെക്രട്ടറി പി.ബാലചന്ദ്രന്‍ ഉദ്ഘാടനം ചെയ്തു. വര്‍ക്കിംഗ് പ്രസിഡന്റ് ദിനേശന്‍ അധ്യക്ഷത വഹിച്ചു. ജില്ലാ സെക്രട്ടറി കെ.എ. വേണു, സന്തോഷ് കല്ലൂര്‍ എന്നിവര്‍ സംസാരിച്ചു.
പാവറട്ടി മുല്ലശേരിയില്‍ പേ വിഷബാധ മൂലം ഒരു പശു കൂടി ചത്തു.
ഇതോടെ മേഖലയില്‍ പേ വിഷബാധ മൂലം ചത്ത പശുക്കളുടെ എണ്ണം നാലായി. ചീരോത്ത് ഷാജിയുടെ വീട്ടിലെ കറവയുള്ള പശുവാണ് ചത്തത്. കഴിഞ്ഞ മാസമാണ് ഈ പശുവിന് നായയുടെ കടിയേറ്റത്. ഇതേ തുടര്‍ന്ന് നാല് കുത്തിവെയ്പ്പുകള്‍ എടുത്തിരുന്നു. എന്നാല്‍ ഞായറാഴ്ച രാത്രി പശു ചാവുകയായിരുന്നു. ഷാജിയുടെ വീട്ടിലെ രണ്ട് പശുക്കള്‍ക്ക് കൂടി നായയുടെ കടിയേറ്റിട്ടുണ്ട്. പേയിളകിയ തെരുവ് നായ്ക്കള്‍ പ്രദേശത്തെ നിരവധി വളര്‍ത്തു നായ്ക്കളെ കടിച്ചിരുന്നു. ഈ നായ്ക്കള്‍ നിരീക്ഷണത്തിലാണ്. പശുക്കളുടെ പാല്‍ കുടിക്കുന്നത് ആരോഗ്യ പ്രശ്‌നങ്ങള്‍ക്കിടയാക്കുമെന്ന ആശങ്കയെ തുടര്‍ന്ന് മേഖലയില്‍ കഴിഞ്ഞ ദിവസം ബോധവല്‍ക്കരണ ക്ലാസ് സംഘടിപ്പിച്ചിരുന്നു. പാല്‍ നന്നായി തിളപ്പിച്ചതിനു ശേഷം ഉപയോഗിക്കാമെന്നാണ് വിദഗ്ധരുടെ നിര്‍ദ്ദേശം. പേ വിഷബാധ മൂലം പശുക്കള്‍ ചത്ത ക്ഷീര കര്‍ഷകര്‍ക്ക് നഷ്ടപരിഹാരം നല്‍കണമെന്ന് ആവശ്യം ഉയര്‍ന്നിട്ടുണ്ട്.
കുന്നംകുളം ജനമൈത്രി സുരക്ഷ പദ്ധതിയുടെ ഭാഗമായുള്ള തൃശൂര്‍ റൂറല്‍ ജില്ല തല സെമിനാര്‍ കുന്നംകുളത്ത് നടന്നു.
മന്ത്രി എ.സിമൊയ്തീന്‍ ഉദ്ഘാടനം ചെയ്തു കെ.വി അബ്ദുള്‍ഖാദര്‍ എം.എല്‍.എ അധ്യക്ഷനായി. ഡി.വൈ.എസ് പി. -പി.എ വര്‍ഗീസ്, സി.ഐ-കെ.ബി സുരേഷ്, സിനിമാതാരം ജയരാജ് വാര്യര്‍ എന്നിവര്‍ സംസാരിച്ചു
വടക്കാഞ്ചേരിയി ഉത്സവാഘോഷങ്ങള്‍ തടസപ്പെടുത്തുന്നതിനെതിരെ ഫെസ്റ്റിവല്‍ കോര്‍ഡിനേഷന്‍ കമ്മിറ്റി ചൊവ്വാഴ്ച വടക്കാഞ്ചേരിയില്‍ ഉപവാസ സമരം നടത്തും.
തൃശൂരില്‍ ചേര്‍ന്ന യോഗത്തിലാണ് തീരുമാനം. കഴിഞ്ഞ ദിവസം മച്ചാട് നിന്ന് വെടിക്കെട്ട് സാമഗ്രികള്‍ പോലീസ് പിടിച്ചെടുത്തിരുന്നു. കളക്ടര്‍ നല്‍കിയ ഉറപ്പിന്റെ ലംഘനമാണിതെന്ന് കോര്‍ഡിനേഷന്‍ കമ്മിറ്റി ഭാരവാഹികള്‍ പറഞ്ഞു. അധികാരികള്‍ നിലപാട് മാറ്റിയില്ലെങ്കില്‍ മറ്റ് സമര മാര്‍ഗങ്ങളിലേക്ക് തിരിയുമെന്നും ഭാരവാഹികള്‍ അറിയിച്ചു.
തൃശൂര്‍ സംസ്ഥാന വ്യാപകമായി ഗുണ്ടകള്‍ക്കെതിരെ നടപടി ശക്തമാക്കുന്നതിന്റെ ഭാഗമായി ഗുണ്ടകളുടെ ലിസ്റ്റ് ഇന്റലിജന്‍സ് തയ്യാറാക്കി.
കാപ്പപ്രകാരം കേസെടുക്കണമെന്നാവശ്യപ്പെട്ട് ജില്ലയില്‍ നിന്ന് 176 പേരുടെ ലിസ്റ്റാണ് ഗുണ്ടാ പട്ടികയില്‍ ഉള്‍പ്പെടുത്തിയിരിക്കുന്നത്. റൂറലില്‍ 141 പേരും തൃശൂര്‍ സിറ്റിയില്‍ 35 പേരും ഗുണ്ടാപട്ടികയിലുണ്ട്. യുവനടിയെ ക്വട്ടേഷന്‍ സംഘം തട്ടിക്കൊണ്ടുപോയി ആക്രമിച്ച പശ്ചാത്തലത്തിലാണ് സംസ്ഥാന വ്യപാകമായി പോലീസ് ഗുണ്ടാലിസ്റ്റ് എടുത്തത്. ഗുണ്ടകള്‍ക്കെതിരെ കാപ്പ ചുമത്താന്‍ കളക്ടര്‍മാര്‍ക്ക് സര്‍ക്കാര്‍ നിര്‍ദ്ദേശം നല്‍കി. ഇന്റലിജന്‍സ് വിഭാഗം തയ്യാറാക്കിയ പട്ടികയില്‍ ഐ.ജിയുടേയും എസ്.പിയുടേയും കമ്മീഷണറുടേയും നിര്‍ദ്ദേശത്തില്‍ തുടര്‍ നടപടികള്‍ സ്വീകരിക്കും.
തൃശൂര്‍ യുവനടിയെ തട്ടിക്കൊണ്ടുപോയി ആക്രമിച്ച സംഭവത്തിലെ കുറ്റക്കാര്‍ക്കെതിരെ കര്‍ശന നടപടി സ്വീകരിക്കണമെന്നാവശ്യപ്പെട്ട് കേരളാ മഹിളാ സംഘം ജില്ലാ കമ്മിറ്റിയുടെ ആഭിമുഖ്യത്തില്‍ തൃശൂര്‍ കോര്‍പ്പറേഷന് ഓഫീസ് മാര്‍ച്ച് നടത്തി.
മഹിളാ സംഘം ഓഫീസില്‍ നിന്നാരംഭിച്ച മാര്‍ച്ച് നഗരം ചുറ്റി കോര്‍പ്പറേഷനു മുന്നില്‍ സമാപിച്ചു. മഹിളാ സംഘം ജില്ലാ സെക്രട്ടറി എം.സ്വര്‍ണലത, പ്രസിഡന്റ് ഷീന പറയങ്ങാട്ടില്‍, സംസ്ഥാന കമ്മിറ്റിയംഗങ്ങളായ സി.ആര്‍.റോസിലി, സുനന്ദ രാജന്‍, മിനി ഷാജി തുടങ്ങിയവര്‍ സംസാരിച്ചു. തൃശൂര്‍ മണ്ഡലം പ്രസിഡന്റ് ശാന്താ അപ്പു, സെക്രട്ടറി ബീനാ മുരളി, സുനന്ദ ശശി, ഗീതാരാജന്‍, സോഫി തിലകന്‍ തുടങ്ങിയവര്‍ നേതൃത്വം നല്‍കി.
തൃശൂര്‍ കുടിവെളളക്ഷാമം രൂക്ഷമായ പ്രദേശങ്ങളില്‍ തദ്ദേശസ്വയഭരണസ്ഥാപനങ്ങളുടെ നേതൃത്വത്തില്‍ തനതു ഫണ്ടോ, പ്ലാന്‍ഫണ്ടോ ഉപയോഗിച്ച് കുടിവെള്ള വിതരണത്തിന് അനുമതി നല്‍കിയിട്ടുണ്ടെന്ന് മന്ത്രി എ.സി.മൊയ്തീന്‍ അറിയിച്ചു.
വരള്‍ച്ചാ ഫണ്ടില്‍ നിന്ന് അവ നല്‍കുന്നതിന് സര്‍ക്കാര്‍ അംഗീകാരം നല്‍കിയിട്ടുണ്ട്. ജലവിതരണം ആക്ഷേപരഹിതമാക്കാന്‍ കുടിവെളളം വിതരണം ചെയ്യുന്ന വാഹനത്തിന്റെ നമ്പറും വിതരണശേഷിയും വിശദാംശങ്ങളും പഞ്ചായത്തില്‍ പ്രദര്‍ശിപ്പിക്കണം. ജലമോഷണം തടയുന്നതിന് ഇറിഗേഷന്‍, വാട്ടര്‍ അതോറിറ്റി ഉദ്യോഗസ്ഥര്‍ കര്‍ശന നടപടി സ്വീകരിക്കണമെന്ന് മന്ത്രി നിര്‍ദ്ദേശിച്ചു. അവിണിശ്ശേരി ഗ്രാമപഞ്ചായത്തിലെ 9, 10, 11വാര്‍ഡുകളില്‍ ഉടന്‍ കിയോസ്‌കുകള്‍ സ്ഥാപിച്ച് കുടിവെളളം വിതരണം നടത്താന്‍ ബന്ധപ്പെട്ടവര്‍ക്ക് മന്ത്രി നിര്‍ദ്ദേശം നല്‍കി.
തൃശൂര്‍ ജില്ലാ സഹകരണ ആശുപത്രിയിലെ ജനറല്‍ നേഴ്‌സിംഗ് പതിനാലാം ബാച്ച് വിദ്യാര്‍ത്ഥികളുടെ ലാംപ് ലൈറ്റിംഗ് സെറിമണി തൃശ്ശൂരില്‍ നടന്നു.
അനില്‍ അക്കര എം.എല്‍.എ. ഉദ്ഘാടനം ചെയ്തു. ആശുപത്രി പ്രസിഡന്റ് ടി.കെ. പൊറിഞ്ചു അദ്ധ്യക്ഷനായിരുന്നു. കൗണ്‍സിലര്‍ എം.എസ്.സമ്പൂര്‍ണ്ണ, ഷീബ ഡാനിയേല്‍, വി.ജി.ശശികുമാര്‍, തുടങ്ങിയവര്‍ സംസാരിച്ചു.
തൃശൂര്‍ ജവഹര്‍ ബാലജന വേദിയുടെ ചെയര്‍മാനായി സുരേഷ് കെ. കരുണിനെ നിയമിച്ചു.
ഒരു വര്‍ഷത്തേക്ക് നിയമിച്ച് ജവഹര്‍ ബാലജനവേദി സംസ്ഥാന ചെയര്‍മാന്‍ ജി.വി.ഹരിയാണ് ഉത്തരവിറക്കിയിരിക്കുന്നത്.
തൃശൂര്‍ പന്നിപ്പനി ബാധിച്ച് അമല ആശുപത്രിയില്‍ ചികിത്സയിലായിരുന്ന വീട്ടമ്മ മരിച്ചു.
പാലക്കാട് കിഴക്കഞ്ചേരി മമ്പാട് വീട്ടില്‍ 55 വയസുള്ള ആസിയ ആണ് മരിച്ചത്. ഒരാഴ്ച മുമ്പ് നാട്ടുകാല്‍ സ്വദേശിയായ വിദ്യാര്‍ത്ഥിനി പന്നിപ്പനി ബാധിച്ച് മരിച്ചിരുന്നു. തൃശൂര്‍ ജില്ലയില്‍ പന്നിപ്പനി സ്ഥിരീകരിച്ചവരുടെ എണ്ണം അഞ്ചായി.
എരുമപ്പെട്ടി എരുമപ്പെട്ടി കരിയന്നൂരില്‍ രണ്ട് പേര്‍ക്ക് എച്ച് വണ്‍ -എന്‍ വണ്‍ സ്ഥിരീകരിച്ചു.
കരിയന്നൂര്‍ സ്വദേശിയായ യുവാവിനും ഭാര്യക്കുമാണ് പന്നിപ്പനി സ്ഥിരീകരിച്ചത്. ഒരു മാസം മുന്‍പ് അപകടത്തില്‍ പരിക്കേറ്റ യുവാവ് കോയമ്പത്തൂരിലെ സ്വകാര്യ ആശുപത്രിയില്‍ ചികിത്സയിലായിരുന്നു.ഇയാളോടൊപ്പം വാര്‍ഡില്‍ കിടന്നിരുന്ന മറ്റൊരാള്‍ക്ക് എച്ച് വണ്‍ എന്‍ വണ്‍ പിടിപ്പെട്ടിരുന്നു. അയാളില്‍ നിന്നാണ് യുവാവിനും കൂടെ പരിചരിക്കാന്‍ നിന്നിരുന്ന ഭാര്യക്കും പന്നിപ്പനി പകര്‍ന്നത്. ആശുപത്രി അധികൃതരുടെ നിര്‍ദ്ദേശപ്രകാരം 2 പേരേയും തൃശൂര്‍ ഗവണ്‍മെന്റ് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.
വടക്കാഞ്ചേരി മച്ചാട് മാമാങ്കം എഴുന്നെള്ളിപ്പ് കുതിരകള്‍ ഒരുങ്ങുന്നു.
കുതിര നിര്‍മ്മാണത്തില്‍ സജീവമായിരിക്കുകയാണ് തട്ടകങ്ങളിലെ പ്രായഭേദമന്യേ പ്രദേശവാസികള്‍. തേക്ക് തടി കൊണ്ടുള്ള ഫ്രെയിമില്‍ മുള അലകുകള്‍ കൊണ്ടാണ് കുതിരയുടെ രൂപത്തിന്റെ ആദ്യഘട്ടം ഒരുക്കുന്നത്. ഇതിനു ചുറ്റും വൈക്കോല്‍ പൊതിഞ്ഞ് തുടര്‍ന്ന് വെള്ളത്തുണിയും അതിന് മീതെ നിറമുള്ള തുണിയും പൊതിയുന്നതോടെ എഴുന്നെള്ളിപ്പ് കുതിരകള്‍ തയ്യാറാകും. ഈ ഘട്ടത്തില്‍ കുതിരകള്‍ക്ക് തല ഉണ്ടാകില്ല. മാമാങ്ക ദിവസമായ നാളെ രാവിലെ ദേശത്തെ തച്ചന്‍, പൂജ നടത്തിയതിന് ശേഷം മാത്രമേ കുതിരയ്ക്ക് തല വെച്ച് പിടിപ്പിക്കുകയുള്ളൂ. ഇനി മണിക്കൂറുകള്‍ മാത്രമാണ് മാമാങ്കത്തിലെ പ്രധാന ആകര്‍ഷണമായ ദേശക്കുതിര എഴുന്നെള്ളിപ്പിനുള്ളത്. തങ്ങളുടെ കുതിരകളുടെ മോടി കൂട്ടുന്നതിനുള്ള ഉത്സാഹത്തിലാണ് തട്ടകത്തെ ആബാലവൃദ്ധം ജനങ്ങള്‍.
തൃപ്രയാര്‍ വാടാനപ്പള്ളി ഗ്രാമപഞ്ചായത്ത് പതിനഞ്ചാം വാര്‍ഡില്‍ നാളെ ഉപതിരഞ്ഞെടുപ്പ് നടക്കും.
സി.പി.എം അംഗമായിരുന്ന കെ.എസ്.ഉണ്ണികൃഷ്ണന്റെ മരണത്തെ തുടര്‍ന്നാണ് ഉപതിരഞ്ഞെടുപ്പ്. എല്‍.ഡി.എഫ് സ്ഥാനാര്‍്ത്ഥിയായി സി.വി.ആനന്ദനും യുഡിഎഫ് സ്ഥാനാര്‍ത്ഥിയായി സി.എസ്.സുവിനുമാണ് മത്സരിക്കുന്നത്. കെ.എസ്.ഷിജുവാണ് ബി.ജെ.പി സ്ഥാനാര്‍ത്ഥി. ആര്‍.എം.പിയുടെ ജനകീയമുന്നണി സ്ഥാനാര്‍ത്ഥിയായി കെ.കെ.സുമേഷും, വെല്‍ഫെയര്‍ പാര്‍ട്ടി് സ്ഥാനാര്‍ത്ഥിയായി സി.എ.ഉഷാകുമാരിയും മത്സരരംഗത്തുണ്ട്. സി.വി.ആനന്ദനിലൂടെ പതിനഞ്ചാം വാര്‍്ഡ് നിലനിര്‍ത്താമെന്ന പ്രതീക്ഷയിലാണ് എല്‍.ഡി.എഫ്. കഴിഞ്ഞ തവണ 130 വോട്ടുകളുടെ ഭൂരിപക്ഷത്തിലാണ് കെ.എസ് ഉണ്ണികൃഷ്ണന്‍ ജയിച്ചത്. അതേസമയം പതിനഞ്ചാം വാര്‍ഡ് പിടിച്ചെടുക്കാമെന്ന കണക്കുകൂട്ടലിലാണ് യു.ഡി.എഫും, ബി.ജെ.പിയും. വാടാനപ്പള്ളി ആര്‍.സി.യുപി സ്‌കൂളിലെ രണ്ട് ബൂത്തുകളില്‍ നാളെ രാവിലെ ഏഴ് മുതല്‍ വൈകീട്ട് അഞ്ച് വരെയാണ് വോട്ടെടുപ്പ് നടക്കുക. പതിനഞ്ചാം വാര്‍ഡില്‍ പന്ത്രണ്ട് ബൂത്തുകളിലായി 1,655 വോട്ടര്‍മാരാണ് ഉള്ളത്. ബുധനാഴ്ച ഫലം പ്രഖ്യാപനം നടക്കും.
വടക്കാഞ്ചേരി ഉത്രാളിക്കാവ് പൂരം വെടിക്കെട്ടിന് അനുമതി നല്‍കാത്തതില്‍ പ്രതിഷേധിച്ച് പൂരകമ്മിറ്റി ഭാരവാഹികളുടെ നേതൃത്വത്തില്‍ ജനകീയ സമിതി ഉത്രാളിക്കാവ് ക്ഷേത്രത്തിന് മുന്നില്‍ ഉപവാസം നടത്തും.
നാളെ രാവിലെ 9 മുതല്‍ വൈകീട്ട് 5 വരെയാണ് ഉപവാസം. വെടിക്കെട്ടിന് അനുമതി നല്‍കുന്നത് സംബന്ധിച്ച് റവന്യൂ, പോലീസ്, ഡിപ്പാര്‍ട്ട്‌മെന്റുകളുടെ നിഷേധാത്മക സമീപനത്തില്‍ പ്രതിഷേധിച്ചാണ് ഉപവാസ സമരം നടത്തുന്നത്.
ചേലക്കര തിരുവില്വാമല ശ്രീ വില്വാദ്രിനാഥ ക്ഷേത്രത്തിലെ ഏകാദശി മഹോത്സവത്തിനോടനുബന്ധിച്ച് നവമി വിളക്ക് ആഘോഷിച്ചു.
മേളത്തിന്റെ അകമ്പടിയോടെ നടന്ന ശീവേലി എഴുന്നെള്ളിപ്പിന് മനിശ്ശേരി രഘുറാം, മനിശ്ശേരി രാജേന്ദ്രന്‍, മനിശ്ശേരി പത്മനാഭന്‍ എന്നീ ഗജവീരന്മാര്‍ തിടമ്പേറ്റി. ക്ഷേത്രത്തിനകത്ത് കൂത്തമ്പലത്തില്‍ മൂന്ന് നാള്‍ നീണ്ടു നില്‍ക്കുന്ന നൃത്ത സംഗീതോത്സവത്തിനു തുടക്കമായി. പാലപ്പുറം സ്മിത നമ്പ്യാര്‍ നങ്ങ്യാര്‍ക്കൂത്ത് അവതരിപ്പിച്ചു. വൈകീട്ട് വിളക്ക് വെപ്പ് , ദീപാരാധന എന്നിവക്ക് ശേഷം തത്തമംഗലം സുരേഷ് ദണ്ഡപാണിയും സംഘവും അവതരിപ്പിക്കുന്ന നാദസ്വരം, ഭക്തിഗാന സുധ, ഇരട്ട തായമ്പക എന്നിവ നടക്കും. തുടര്‍ന്ന് മേളം, പഞ്ചവാദ്യം എന്നിവയുടെ അകമ്പടിയോടെ ശീവേലിയും ഉണ്ടായിരിക്കും.
പാവറട്ടി റേഷനരി വിതരണം ചെയ്യാതെ പൊതുജനങ്ങളെ ബുദ്ധിമുട്ടിക്കുന്ന സംസ്ഥാന സര്‍ക്കാരിന്റെ നയത്തില്‍ പ്രതിഷേധിച്ച് ബി.ജെ.പി പാവറട്ടി പഞ്ചായത്ത് കമ്മിറ്റിയുടെ നേതൃത്വത്തില്‍ ദിനരാത്ര സമരം തുടങ്ങി.
പാവറട്ടി സെന്ററില്‍ ആരംഭിച്ച സമരം ബി.ജെ.പി ജില്ലാ വൈസ് പ്രസിഡന്റ് അഡ്വ.രവികുമാര്‍ ഉപ്പത്ത് ഉദ്ഘാടനം ചെയ്തു. ബി.ജെ.പി പഞ്ചായത്ത് കമ്മിറ്റി പ്രസിഡന്റ് അനില്‍ അമ്പാടി അധ്യക്ഷനായിരുന്നു. പൂവത്തൂര്‍ സെന്ററില്‍ ആരംഭിച്ച ദിനരാത്ര സമരം എ.എന്‍.രാധാകൃഷ്ണനും മുല്ലശേരി ബസ് സ്റ്റാന്റ് പരിസരത്ത് ആരംഭിച്ച സമരം ജില്ലാ വൈസ് പ്രസിഡന്റ് ജസ്റ്റിന്‍ ജേക്കബും ഉദ്ഘാടനം ചെയ്തു.
ചേലക്കര ബി.ജെ.പി പഴയന്നൂര്‍ പഞ്ചായത്ത് കമ്മിറ്റിയുടെ നേതൃത്വത്തില്‍ 24 മണിക്കൂര്‍ ഉപവാസസമരം ആരംഭിച്ചു.
ചേലക്കര നിയോജക മണ്ഡലം ജനറല്‍ സെക്രട്ടറി രാജേഷ് നമ്പ്യാത്ത് ഉദ്ഘാടനം ചെയ്തു. പഞ്ചായത്ത് കമ്മിറ്റി പ്രസിഡന്റ് ടി.സി.പ്രകാശന്‍ അദ്ധ്യക്ഷനായിരുന്നു. കര്‍ഷക മോര്‍ച്ച നിയോജക മണ്ഡലം പ്രസിഡന്റ് രാധാകൃഷ്ണന്‍, പി.എസ്.സുരേഷ്‌കുമാര്‍, എം.യു.കൃഷ്ണന്‍കുട്ടി, ടി.അജിത്, ഒ.പി.ഉണ്ണികൃഷ്ണന്‍ തുടങ്ങിയവര്‍ സംസാരിച്ചു.
ചേലക്കര ബി.ജെ.പി തിരുവില്വാമല പഞ്ചായത്ത് കമ്മിറ്റിയുടെ നേതൃത്വത്തില്‍ നടത്തിയ ഉപവാസസമരം ഭാരതീയ വിചാര കേന്ദ്രം ഭാരവാഹി ഷാജി വരവൂര്‍ ഉദ്ഘാടനം ചെയ്തു.
പഞ്ചായത്ത് കമ്മിറ്റി പ്രസിഡന്റ് വിശ്വനാഥന്‍ അദ്ധ്യക്ഷനായിരുന്നു. മഹിളാ മോര്‍ച്ച നിയോജക മണ്ഡലം സെക്രട്ടറി ഷീല പണിക്കര്‍, ബാലകൃഷ്ണന്‍, രാം കുമാര്‍ തുടങ്ങിയവര്‍ സംസാരിച്ചു.
കൊടുങ്ങല്ലൂര്‍ ബി.ജെ.പി. മണ്ഡലം കമ്മിറ്റിയുടെ നേതൃത്വത്തില്‍ കൊടുങ്ങല്ലൂരില്‍ ധര്‍ണ നടത്തി.
സംസ്ഥാന സമിതിയംഗം ഷാജുമോന്‍ വട്ടേക്കാട് ഉദ്ഘാടനം ചെയ്തു. മണ്ഡലം പ്രസിഡന്റ് എം.ജി.പ്രശാന്ത്‌ലാല്‍ അധ്യക്ഷത വഹിച്ചു. നഗരസഭാ പ്രതിപക്ഷ നേതാവ് വി.ജി.ഉണ്ണികൃഷ്ണന്‍, എല്‍.കെ.മനോജ്, ഇറ്റിത്തറ സന്തോഷ് എന്നിവര്‍ സംസാരിച്ചു.
പാവറട്ടി കേന്ദ്ര- സംസ്ഥാന സര്‍ക്കാരുകളുടെ ജനദ്രോഹ നയങ്ങള്‍ക്കെതിരെ യു.ഡി.എഫ് നടത്തുന്ന മേഖലാ ജാഥയ്ക്ക് പാവറട്ടിയില്‍ സ്വീകരണം നല്‍കി.
വി.ഡി.സതീശന്‍ നയിക്കുന്ന ജാഥയെ നൂറുകണക്കിന് പ്രവര്‍ത്തകരുടെ അകമ്പടിയോടെ പാവറട്ടി ബസ് സ്റ്റാന്റിലെ സമ്മേളന വേദിയിലേക്ക് സ്വീകരിച്ചാനയിച്ചു. പാവറട്ടി കോണ്‍ഗ്രസ് ബ്ലോക്ക് പ്രസിഡന്റ് എ.ടി.സ്റ്റീഫന്‍ അധ്യക്ഷനായിരുന്നു. ഡി.സി.സി പ്രസിഡന്റ് ടി.എന്‍.പ്രതാപന്‍, പത്മജ വേണുഗോപാല്‍, പി.മാധവന്‍, ഒ.അബ്ദുറഹ്മാന്‍ കുട്ടി എന്നിവര്‍ സംസാരിച്ചു.
എരുമപ്പെട്ടി എരുമപ്പെട്ടി പഞ്ചായത്തിലെ പൊതു കിണറുകളില്‍ നിന്നു സ്വകാര്യ വ്യക്തികള്‍ മോട്ടോര്‍ ഉപയോഗിച്ച് വെള്ളമൂറ്റുന്നതായി പരാതി.
പഞ്ചായത്തിലെ അഞ്ചാം വാര്‍ഡില്‍ മുരങ്ങത്തേരി മുല്ലക്കല്‍ ക്ഷേത്രത്തിന് സമീപമുള്ള പഞ്ചായത്ത് കിണറില്‍ നിന്നാണ് സ്വകാര്യ വ്യക്തികള്‍ മോട്ടോറുകള്‍ ഉപയോഗിച്ച് വെള്ളം പമ്പ് ചെയ്‌തെടുക്കുന്നത്. വീട്ട് ഉപയോഗത്തിന് പുറമെ പറമ്പ് നനയ്ക്കുന്നതിനും കുടിവെള്ളം ഉപയോഗിക്കുന്നതായും ആരോപണമുണ്ട്. അമിതമായ ജല ചൂഷണത്താല്‍ കിണര്‍ വറ്റി വരണ്ട അവസ്ഥയിലാണ്. ഇത്തരത്തില്‍ പഞ്ചായത്തിന്റെ വിവിധ പ്രദേശങ്ങളിലെ പൊതു കിണറുകളില്‍ നിന്നു വന്‍തോതില്‍ ജലമൂറ്റല്‍ നടക്കുന്നുണ്ടെന്ന് ബി.ജെ.പി. ആരോപിച്ചു. പഞ്ചായത്തില്‍ ജനങ്ങള്‍ പരാതി നല്‍കിയിട്ടുണ്ടെങ്കിലും നടപടി സ്വീകരിക്കാന്‍ അധികൃതര്‍ തയ്യാറാകുന്നില്ലെന്നും ഇതിനെതിരെ ശക്തമായ സമര നടപടികള്‍ ആരംഭിക്കുമെന്നും ബി.ജെ.പി. പഞ്ചായത്ത് കമ്മറ്റി പ്രസിഡന്റ് കെ.രാജേഷ്‌കുമാര്‍ പറഞ്ഞു.
ഇരിങ്ങാലക്കുട യുവാവിന്റെ ചികിത്സാ സഹായത്തിനായി സ്വകാര്യ ബസ് സര്‍വീസ് നടത്തി.
നട്ടെല്ല് തകര്‍ന്ന് കിടപ്പിലായ പൊറത്തിശേരി സ്വദേശി അഖിലിന്റെ ചികിത്സയ്ക്ക് ധനസഹായം തേടുന്നതിനായാണ് തൃശൂര്‍-കൊടുങ്ങല്ലൂര്‍ - ഗുരുവായൂര്‍ റൂട്ടിലോടുന്ന മരിയ ബസ് ഇന്ന് സര്‍വീസ് നടത്തിയത്. ഡിവൈ.എഫ്.ഐ നടത്തുന്ന ചികിത്സാ സഹായ ശേഖരണത്തിന്റെ ഭാഗമായി ഈ ബസിലെ ജീവനക്കാരുടെ ഒരു ദിവസത്തെ വേതനവും ചികിത്സാ നിധിയിലേക്ക് നല്‍കി. സര്‍വീസിന്റെ ഉദ്ഘാടനം ഡി.വൈ.എഫ്.ഐ ജില്ലാപ്രസിഡന്റ് കെ.വി.രാജേഷ് നിര്‍വഹിച്ചു. ബസിന്റെ ഉടമ ചേനത്ത്പറമ്പില്‍ ലോറന്‍സ്, ആര്‍.എല്‍.ശ്രീലാല്‍ തുടങ്ങിയവര്‍ നേതൃത്വം നല്‍കി.
കുന്നംകുളം കുന്നംകുളത്ത് അഖില കേരള ബാസ്‌ക്കറ്റ് ബോള് ടൂര്‍ണമെന്റിനു സമാപനം കുറിച്ച് നടന്ന പള്ളി വികാരിമാരുടെ ബാസ്‌ക്കറ് ബോള്‍ മത്സരം കൗതുകകരമായി.
കുന്നംകുളത്തെ വെറ്ററന്‍സ് ബാസ്‌ക്കറ്റ് ബോള്‍ ടീമും തൃശൂരിലെ വെറ്ററന്‍സ് ബാസ്‌ക്കറ്റ് ബോള്‍ ടീമും തമ്മിലാണ് സൗഹൃദ മത്സരം നടന്നത്. പ്രായം പോലും മറന്നു ബാസ്‌ക്കറ്റ് പ്രേമികളായ വൈദികര്‍ കളത്തില്‍ ഇറങ്ങിയപ്പോള്‍ കണ്ടു നിന്ന കാണികള്‍ക്കും ആവേശമായി. കൈയ്യടിച്ചും ആരവങ്ങള്‍ ഉയര്‍ത്തിയും വൈദികരെ ഒന്നടങ്കം കാണികള്‍ പ്രോത്സാഹിപ്പിച്ചു. കുന്നംകുളം ബാസ്‌ക്കറ്റ് ബോള്‍ ക്ലബും ഗുഡ് ഷെപ്പേര്‍ഡും സംയുക്തമായാണ് ടൂര്‍ണമെന്റ് സംഘടിപ്പിച്ചത്. വനിതാ വിഭാഗത്തില്‍ ഇരിങ്ങാലക്കുട സെന്റ് ജോസഫും പുരുഷ വിഭാഗത്തില്‍ തൃശൂര്‍ കേരളവര്‍മ്മയും ജേതാക്കളായി. മന്ത്രി എ.സി.മൊയ്തീന്‍, സി.പി.ജോണ്‍ തുടങ്ങിയവര്‍ വിജയികള്‍ക്ക് സമ്മാനങ്ങള്‍ നല്‍കി.
ചേലക്കര പഴയന്നൂര്‍ പുത്തിരിത്തറ-കൊണ്ടാഴി റോഡ് സഞ്ചാര യോഗ്യമല്ലാത്തതില്‍ പ്രതിഷേധിച്ച് പഴയന്നൂര്‍ ഓട്ടോ തൊഴിലാളി യൂണിയന്റെ നേതൃത്വത്തില്‍ റോഡ് ഉപരോധിച്ചു.
റോഡിന്റെ ശോചനീയാവസ്ഥ പരിഹരിക്കാന്‍ ബന്ധപ്പെട്ട അധികാരികള്‍ തയ്യാറായില്ലെങ്കില്‍ ശക്തമായ പ്രക്ഷോഭങ്ങളുമായി മുന്നോട്ടു പോകുമെന്ന് യൂണിയന്‍ ഭാരവാഹികള്‍ അറിയിച്ചു. വി.ജി.റിജോ., സുരേഷ്, സുമേഷ്, തുടങ്ങിയവര്‍ നേതൃത്വം നല്‍കി.
മാള മാള സര്‍ക്കാര്‍ ആശുപത്രിയുടെ ശോചനീയാവസ്ഥ പരിഹരിക്കാത്തതില്‍ പ്രതിഷേധിച്ച് മാള പ്രതികരണ വേദി ധര്‍ണ നടത്തി.
ആശുപത്രിക്ക് മുന്നില്‍ നടന്ന സമരം പ്രതികരണവേദി പ്രസിഡന്റ് സലാം ചൊവ്വര ഉദ്ഘാടനം ചെയ്തു. ഹര്‍ഷാദ് കടവില്‍ അധ്യക്ഷത വഹിച്ചു. വി.എസ്.നിസാര്‍, ഇ.ഡി.റോയ്, വി.കെ.ജോണ്‍സണ്‍ തുടങ്ങിയവര്‍ സംസാരിച്ചു.
അന്തിക്കാട് കാരമുക്ക് ഏമൂര്‍ ശിവപാര്‍വ്വതി ക്ഷേത്രം ഏര്‍പ്പെടുത്തിയ ശ്രീരുദ്രം പുരസ്‌കാരം തോല്‍പാവ കൂത്ത് കലാകാരന്‍ രാമചന്ദ്ര പുലവര്‍ക്ക് നല്‍കും.
ശിവരാത്രി മഹോത്സവത്തിന്റെ ഭാഗമായി ബുധനാഴ്ച അരങ്ങേറുന്ന കലാ-സംസ്‌കാരിക പരിപാടിയില്‍ മാധ്യമ പ്രവര്‍ത്തകന്‍ എം.പി.സുരേന്ദ്രന്‍ പുരസ്‌കാരം സമ്മാനിക്കും. തോല്‍പാവകൂത്ത് കലയില്‍ കാല്‍ നൂറ്റാണ്ടിലധികമായി നടത്തുന്ന കലാ സേവനങ്ങളെ മാനിച്ചാണ് രാമചന്ദ്ര പുലവര്‍ക്ക് പുരസ്‌കാരം നല്‍കുന്നതെന്ന് ക്ഷേത്രം ട്രസ്റ്റി വൈക്കത്ത് നീലകണ്ഠന്‍ ഷാജികുമാര്‍ അറിയിച്ചു.
കയ്പമംഗലം കയ്പമംഗലം ഗ്രാമപഞ്ചായത്തിലെ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് തൊഴിലാളികളുടെ നേതൃത്വത്തില്‍ കോണ്‍ക്രീറ്റ് ബ്ലോക്ക് നിര്‍മ്മാണ യൂണിറ്റ് ആരംഭിച്ചു.
ഇ.ടി.ടൈസന്‍ എം.എല്‍.എ ഉദ്ഘാടനം ചെയ്തു. കയ്പമംഗലം ഗ്രാമപഞ്ചായത്ത് പ്രസിഡന്റ് ടി.വി.സുരേഷ് അധ്യക്ഷത വഹിച്ചു. മതിലകം ബ്ലോക്ക് പഞ്ചായത്ത് പ്രസിഡന്റ് കെ.കെ.അബീദലി മുഖ്യാതിഥിയായി. ബ്ലോക്ക് പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍്‌പേഴ്‌സണ്‍ സി.കെ.ഗിരിജ, ബ്ലോക്ക് പഞ്ചായത്തംഗം നൂറുല്‍ ഹുദ, മതിലകം ബി.ഡി.ഒ -ജോസ് പ്രകാശ്, എം.പി.കുമാരി എന്നിവര്‍ സംസാരിച്ചു.
കുന്നംകുളം ലഹരി വിമുക്ത കേരളത്തിനായി സംസ്ഥാന സര്‍ക്കാരും എക്സൈസ് വകുപ്പും സംയുക്തമായി നടത്തുന്ന വിമുക്തി ലഹരി വര്‍ജ്ജന മിഷന്റെ പ്രവര്‍ത്തനങ്ങളുടെ ഭാഗമായി പഴഞ്ഞി എം.ഡി. കോളേജില്‍ ലഹരി വിരുദ്ധ ക്ലബ് രൂപികരിച്ചു.
മന്ത്രി എ.സി.മൊയ്തീന്‍ ഉദ്ഘാടനം ചെയ്തു. കാട്ടകാമ്പാല്‍ പഞ്ചായത്ത് പ്രസിഡണ്ട് സി.കെ.സദാനന്ദന്‍ ലഹരി വിരുദ്ധ പ്രതിജ്ഞ ചൊല്ലിക്കൊടുത്തു. തൃശൂര്‍ അസിസ്റ്റന്റ് എക്സൈസ് കമ്മീഷണര്‍ ഷാജി എസ്.രാജന്‍ മുഖ്യപ്രഭാഷണം നടത്തി. കോളേജ് പ്രിന്‍സിപ്പല്‍ പ്രൊഫ.ബേബി ജോസഫ് അധ്യക്ഷനായിരുന്നു. പഞ്ചായത്ത് വൈസ് പ്രസിഡണ്ട് സജിനി ബാബു, കോളേജ് ഗവേണിങ് ബോര്‍ഡ് സെക്രട്ടറി ജോണ്‍ പി. എബ്രഹാം തുടങ്ങിയവര്‍ സംസാരിച്ചു. വടക്കാഞ്ചേരി എക്സൈസ് സര്‍ക്കിള്‍ ഇന്‍സ്പെക്ടര്‍ ഡി.ശ്രീകുമാര്‍, എക്സൈസ് പ്രിവന്റീവ് ഓഫീസര്‍ എം.ആര്‍ രാധാകൃഷ്ണന്‍, കുന്നംകുളം എക്സൈസ് ഇന്‍സ്പെക്ടര്‍ എസ്. കമാലുദീന്‍ തുടങ്ങിയവര്‍ പങ്കെടുത്തു.
കയ്പമംഗലം മതിലകം ജനമൈത്രി പോലീസ് ഹൈവേ സുരക്ഷാ ജാഗ്രതാ സമിതിയുടെ നേതൃത്വത്തില്‍ ചെന്ത്രാപ്പിന്നി ആക്ട്‌സുമായി സഹകരിച്ച് 'െ്രെഡവര്‍ക്ക് ഒരു ചായ' എന്ന പദ്ധതി ആരംഭിച്ചു.
കൊടുങ്ങല്ലൂര്‍ സി.ഐ- പി.സി.ബിജു കുമാര്‍ പദ്ധതിയുടെ ഉദ്ഘാടനം നിര്‍വ്വഹിച്ചു. മതിലകം എസ്.ഐ -കെ.എസ്.സുശാന്ത് അധ്യക്ഷനായി. ജൂനിയര്‍ എസ്.ഐ- എന്‍.ഷിബു, ഷെമീര്‍ എളയേടത്ത്, മുഹമ്മദ് അജ്മല്‍ തുടങ്ങിയവര്‍ സംസാരിച്ചു. ദേശീയപാത-17ല്‍ രാത്രിക്കാലങ്ങളിലെ വാഹനാപകടങ്ങള്‍ ഒഴിവാക്കുന്നതിന്റെ ഭാഗമായി ആരംഭിച്ച പദ്ധതിയോടനുബന്ധിച്ച് രാത്രി 12 മുതല്‍ പുലര്‍ച്ചെ 5 വരെ ചെന്ത്രാപ്പിന്നി സെന്ററില്‍ ചായ വിതരണം ചെയ്യും.
തൃശൂര്‍ പാമ്പാടി നെഹ്‌റു കോളേജിലെ ബിടെക് വിദ്യാര്‍ത്ഥി ജിഷ്ണു പ്രണോയിയുടെ മരണത്തിന് കാരണക്കാരായവര്‍ക്കെതിരെ കൊലക്കുറ്റത്തിന് കേസ് എടുക്കാന്‍ തയ്യാറാകണമെന്ന് ജനതാദള്‍ യു സംസ്ഥാന ജനറല്‍ സെക്രട്ടറി ഷെയ്ക്ക് പി.ഹാരിസ് തൃശൂരില്‍ വാര്‍ത്താസമ്മേളനത്തില്‍ ആവശ്യപ്പെട്ടു.
കേസ് അട്ടിമറിക്കാനുള്ള ശ്രമമാണ് നടക്കുന്നത്. അന്വേഷണത്തില്‍ വീഴ്ചകള്‍ ഉണ്ടായിട്ടും ഉത്തരവാദിത്വപ്പെട്ട ഉദ്യോഗസ്ഥര്‍ക്കെതിരെ യാതൊരു നടപടിയും ഉണ്ടായിട്ടില്ല. ജിഷ്ണുവിന്റെ മരണം സംബന്ധിച്ച് ജുഡീഷല്‍ അന്വേഷണം നടത്തണമെന്നും പ്രതികളെ ഉടന്‍ പിടികൂടണമെന്നും ആവശ്യപ്പെട്ട് യുവജനതാദള്‍ യു സംസ്ഥാന കമ്മിറ്റിയുടെ നേതൃത്വത്തില്‍ ചൊവ്വാഴ്ച കളക്‌ട്രേറ്റിനു മുന്നില്‍ ഉപവാസ സമരം നടത്തുമെന്നും പി.ഹാരിസ് പറഞ്ഞു. ജില്ലാ പ്രസിഡന്റ് യൂജിന്‍ മൊറേലി, സംസ്ഥാന കമ്മിറ്റി അംഗങ്ങളായ കെ.കെ.ബാബു, അജില്‍ ഫ്രാന്‍സിസ് തുടങ്ങിയവരും വാര്‍ത്താസമ്മേളനത്തില്‍ പങ്കെടുത്തു.
തൃപ്രയാര്‍ പെരിങ്ങോട്ടുകര ആവണേങ്ങാട്ട് കളരി ശ്രീ വിഷ്ണുമായാ ക്ഷേത്രത്തില്‍ വെള്ളാട്ട് മഹോത്സവത്തിന്റെ ഭാഗമായി ഇന്നലെ അരങ്ങേറിയ വിവിധ കലാപരിപാടികള്‍ ശ്രദ്ധേയമായി.
കുച്ചിപ്പുഡി, ഭരതനാട്യം, മോഹിനിയാട്ടം, കൈക്കോട്ടിക്കളി എന്നിവയാണ് അരങ്ങേറിയത്. ദീപാരാധനക്ക് ശേഷം അടിയന്തിര കൊമ്പ്പറ്റ്, കുഴല്‍പറ്റ് എന്നിവ നടന്നു. തുടര്‍ന്ന് തായമ്പകയും, നാദസ്വരവും അരങ്ങേറി. രാത്രി വിഷ്ണുമായാ സ്വാമി തീവെട്ടി പ്രഭയില്‍ എഴുന്നള്ളുന്നത് കാണാന്‍ വന്‍ഭക്തജന തിരക്കാണ് ക്ഷേത്രത്തില്‍ അനുഭവപ്പെട്ടത്. വിഷ്ണുമായാ സ്വാമിയുടെ വരവറിയിച്ച് ഇടവിട്ട് ശംഖ്‌നാദം മുഴങ്ങി. പഞ്ചവാദ്യവും, പഞ്ചാരി മേളവും എഴുന്നള്ളിപ്പിന് അകമ്പടിയേകി. നൂറുക്കണക്കിന് ഭക്തരുടെ സാന്നിധ്യത്തില്‍ മൂന്നു തവണ ക്ഷേത്രം വലം വെച്ച വിഷ്ണുമായാ സ്വാമി തുടര്‍്ന്ന് ക്ഷേത്രത്തിലേക്ക് തിരിച്ചെഴുന്നള്ളി. ക്ഷേത്രം മഠധിപതി അഡ്വ.എ.യു.രഘുരാമ പണിക്കര്‍ ചടങ്ങുകള്‍ക്ക് നേതൃത്വം നല്കി്. എഴുന്നള്ളിപ്പിന് ശേഷം ഡ്യൂയറ്റ് കുച്ചുപ്പുടി അരങ്ങേറി. ഇന്ന് രാത്രി എഴുന്നള്ളിപ്പിന് ശേഷം കാവടിയാട്ടവും തുടര്‍്ന്ന് ഇരിങ്ങാലക്കുട ഉണ്ണായിവാര്യര്‍ സ്മാരക കലാനിലയം അവതരിപ്പിക്കുന്ന കഥകളി-ശ്രീവിഷ്ണുമായാ പുരാണം അരങ്ങേറും. ഉത്സവ ദിവസങ്ങളില്‍ ഭക്തജനങ്ങളുടെ വഴിപാടായി വിവിധ കലാപരിപാടികള്‍ അരങ്ങേറി.
മാള മാള ജനമൈത്രി പൊലീസിന്റെ നേതൃത്വത്തില്‍ വിദ്യാര്‍ത്ഥികള്‍ക്കായി ലഹരി വിരുദ്ധ ബോധവല്‍ക്കരണ സെമിനാര്‍ സംഘടിപ്പിച്ചു.
അഡ്വ.വി.ആര്‍.സുനില്‍കുമാര്‍ എം.എല്‍.എ. ഉദ്ഘാടനം ചെയ്തു. മാള ഗ്രാമപഞ്ചായത്ത് പ്രസിഡന്റ് പി.കെ.സുകുമാരന്‍ അധ്യക്ഷത വഹിച്ചു. വാര്‍ഡ് അംഗം ജൂലി ബെന്നി, എ.എസ്.ഐ. -പി.വി.ഡേവിസ്, യു.സി.ലാല്‍സന്‍ എന്നിവര്‍ സംസാരിച്ചു. സേവ്യര്‍ പള്ളിപ്പാട്ട് ക്ലാസെടുത്തു.
കയ്പമംഗലം എം.എസ്.എഫ് ജില്ല കമ്മിറ്റിയുടെ ആഭിമുഖ്യത്തില്‍ ഷുക്കൂര്‍ അനുസ്മരണം നടത്തി.
ചെന്ത്രാപ്പിന്നിയില്‍ നടന്ന അനുസ്മരണ സമ്മേളനം മുസ്‌ലിം ലീഗ് ജില്ല വൈസ് പ്രസിഡന്റ് കെ.എ.ഹാറൂണ്‍ റഷീദ് ഉദ്ഘാടനം ചെയ്തു. എം.എസ്.എഫ് ജില്ല പ്രസിഡന്റ് അഫ്‌സല്‍ യൂസഫ് അധ്യക്ഷത വഹിച്ചു. യൂത്ത് ലീഗ് ജില്ല പ്രസിഡന്റ് കെ.കെ.അഫ്‌സല്‍ മുഖ്യപ്രഭാഷണം നടത്തി. ടി.കെ.ഉബൈദ്, അല്‍ റസിന്‍ എന്നിവര്‍ സംസാരിച്ചു.
മാള മാള ഹോളി ഗ്രേസ് അക്കാദമി ഓഫ് മാനേജ്‌മെന്റ് സ്റ്റഡീസിന്റെ ആഭിമുഖ്യത്തില്‍ 'ഇന്‍ഗീനിയോ - 2017 എന്ന പേരില്‍ ദക്ഷിണേന്ത്യന്‍ ക്വിസ് ചാമ്പ്യന്‍ഷിപ്പ് സംഘടിപ്പിക്കുമെന്ന് ഭാരവാഹികള്‍ തൃശൂരില്‍ വാര്‍ത്താസമ്മേളനത്തില്‍ അറിയിച്ചു.
ദക്ഷിണേന്ത്യയിലെ 100 കോളേജുകളില്‍ നിന്നുള്ള മത്സരാര്‍ത്ഥികളാണ് ഈ മാസം 23ന് നടക്കുന്ന ചാമ്പ്യന്‍ഷിപ്പില്‍ മാറ്റുരയ്ക്കുക. വിജയികള്‍ക്ക് 25,000 രൂപയുടെ കാഷ് പ്രൈസ് നല്‍കും. പ്രൊഫ.ജോബി ജേക്കബ്, പ്രൊഫ.ജെസി ഉമ്മന്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
തൃശൂര്‍ തൃശൂര്‍ കോര്‍പ്പറേഷനിലെ 23-ാം ഡിവിഷനായ മിഷന്‍ ക്വാര്‍ട്ടേഴ്‌സില്‍ നാളെ ഉപതെരഞ്ഞെടുപ്പ്.
സിറ്റിംഗ് കൗണ്‍സിലറായിരുന്ന കോണ്‍ഗ്രസിലെ ജോസി ചാണ്ടിയുടെ മരണത്തെ തുടര്‍ന്നാണ് ഉപതെരഞ്ഞെടുപ്പ് നടക്കുന്നത്. യു.ഡി.എഫിനു വേണ്ടി ജോസി ചാണ്ടിയുടെ മകന്‍ ജോര്‍ജ്ചാണ്ടിയാണ് മത്സര രംഗത്തുള്ളത്. എല്‍.ഡി.എഫ് സ്വതന്ത്ര സ്ഥാനാര്‍ത്ഥിയായി ജോസഫ് മാളിയേക്കരയും ജനവിധി തേടുന്നു. ബി.ജെ.പി സ്ഥാനാര്‍ത്ഥിയായി സി.വി.പ്രേമചന്ദ്രനാണ് മത്സരിക്കുന്നത്. സ്വതന്ത്ര സ്ഥാനാര്‍ത്ഥിയായി പരമശിവനും മത്സര രംഗത്തുണ്ട്. ജൂബിലി മിഷന്‍ മെഡിക്കല്‍ കോളേജ്, കിഴക്കേ കോട്ട, ലൂര്‍ദ്ദ് കത്തീഡ്രല്‍, തോപ്പ് സ്റ്റേഡിയം എന്നിവയെല്ലാം ഉള്‍പ്പെടുന്ന സുപ്രധാന ഡിവിഷനാണ് മിഷന്‍ ക്വാര്‍ട്ടേഴ്‌സ്. കോര്‍പ്പറേഷനില്‍ നേരിയ ഭൂരിപക്ഷം മാത്രമുള്ളതിനാല്‍ എല്‍.ഡി.എഫിനും സിറ്റിംഗ് സീറ്റായതിനാല്‍ യു.ഡി.എഫിനും ഒരുപോലെ നിര്‍ണായകമാണ് ഉപതെരഞ്ഞെടുപ്പ്
തൃശൂര്‍ ജിഷ്ണുവിന്റെ മരണവുമായി ബന്ധപ്പെട്ട കേസിലെ രണ്ടാം പ്രതിയും നെഹ്‌റു കോളേജ് പി.ആര്‍.ഒയുമായ സഞ്ജിത്ത് കെ.വിശ്വനാഥന്റെ മുന്‍കൂര്‍ ജാമ്യാപേക്ഷ ബുധനാഴ്ചത്തേക്ക് മാറ്റി.
തൃശൂര്‍ പ്രിന്‍സിപ്പല്‍ ജില്ലാ സെഷന്‍സ് കോടതിയാണ് മുന്‍കൂര്‍ ജാമ്യാപേക്ഷ പരിഗണിക്കുന്നത്. കേസിലെ ഒന്നാംപ്രതിയും നെഹ്‌റു ഗ്രൂപ്പ് ചെയര്‍മാനുമായ കൃഷ്ണദാസിന്റെ മുന്‍കൂര്‍ ജാമ്യാപേക്ഷയില്‍ ഹൈക്കോടതി നാളെ വാദം കേള്‍ക്കും. സര്‍ക്കാര്‍ അഭിഭാഷകന്‍ ഇക്കാര്യം ചൂണ്ടിക്കാണിച്ചപ്പോഴാണ് തൃശൂര്‍ കോടതി സഞ്ജിത്തിന്റെ ജാമ്യാപേക്ഷ ബുധനാഴ്ചയിലേക്ക് മാറ്റിയത്. നേരത്തെ കൃഷ്ണദാസിന്റെ മുന്‍കൂര്‍ ജാമ്യാപേക്ഷ പരിഗണിച്ച ഹൈക്കോടതി 5 ദിവസത്തേക്ക് അറസ്റ്റ് ഒഴിവാക്കാന്‍ ഉത്തരവിട്ടിരുന്നു.
തൃശൂര്‍ തൃശൂര്‍ പൂരം പ്രദര്‍ശന നഗരിയുടെ ഭൂമിപൂജയും കാല്‍നാട്ടലും നടന്നു.
പാറമേക്കാവ് മേല്‍ക്കാവ് മേല്‍ശാന്തി കറയേക്കാട്ട് മനയ്ക്കല്‍ രാമന്‍ നമ്പൂതിരി, കീരമ്പിള്ളി വാസുദേവന്‍ നമ്പൂതിരി എന്നിവരുടെ മുഖ്യ കാര്‍മികത്വത്തില്‍ നടന്ന ഭൂമിപൂജയ്ക്കു ശേഷം പൂരം പ്രദര്‍ശന കമ്മിറ്റി ഭാരവാഹികളും തിരുവമ്പാടി, പാറമേക്കാവ് ഉള്‍പ്പെടെയുള്ള ദേവസ്വം ഭാരവാഹികളും കൊച്ചിന്‍ ദേവസ്വം ബോര്‍ഡംഗങ്ങളും സാമൂഹിക രാഷ്ട്രീയ സാംസ്‌കാരിക സാമുദായിക പ്രതിനിധികളും കൂടിചേര്‍ന്നാണ് കാല്‍നാട്ടല്‍ നിര്‍വഹിച്ചത്. സി.എന്‍.ജയദേവന്‍ എം.പി, അഡ്വ.കെ.രാജന്‍ എം.എല്‍.എ, മേയര്‍ അജിത ജയരാജന്‍, ജില്ലാ പോലീസ് മേധാവി എന്‍.വിജയകുമാര്‍, പാറമേക്കാവ് ദേവസ്വം പ്രസിഡന്റ് സതീഷ് മേനോന്‍, വൈസ് പ്രസിഡന്റ് വി.എം.ശശി, സെക്രട്ടറി രാജേഷ് പൊതുവാള്‍, തിരുവമ്പാടി ദേവസ്വം സെക്രട്ടറി പ്രൊഫ.എം.മാധവന്‍കുട്ടി, പ്രസിഡന്റ് പ്രൊഫ.ചന്ദ്രശേഖരന്‍, കൗണ്‍സിലര്‍മാരായ എം.എസ്.സമ്പൂര്‍ണ, കെ.മഹേഷ്, സി.രാവുണ്ണി, ബി.ജെ.പി. ജില്ലാ പ്രസിഡന്റ് എ.നാഗേഷ്, വ്യവസായ പ്രമുഖന്‍ ഡോ.ടി.എ സുന്ദര്‍മേനോന്‍, ഫാ.ഡോ.ഫ്രാന്‍സിസ് ആലപ്പാട്ട്, മുന്‍മേയര്‍ ഐ.പി.പോള്‍, പത്മജ വേണുഗോപാല്‍, പ്രദര്‍ശന കമ്മിറ്റി പ്രസിഡന്റ് ഡോ.എം.ബാലഗോപാല്‍, സെക്രട്ടറി കെ.വിജയരാഘവന്‍ തുടങ്ങിയവര്‍ ചടങ്ങില്‍ പങ്കെടുത്തു. മെയ് 5നാണ് തൃശൂര്‍പൂരം.
കയ്പമംഗലം മതിലകം പുന്നക്കബസാറില്‍ ബസുകള്‍ക്ക് നേരെ കല്ലേറ്.
ഇന്ന് പുലര്‍ച്ചെ മൂന്നോടെയായിരുന്നു സംഭവം. പുന്നക്കബസാറില്‍ നിര്‍്ത്തിയിട്ടിരുന്ന 3 ബസുകള്‍ക്ക് നേരെ ബൈക്കിലെത്തിയ സംഘം കല്ലെറിയുകയായിരുന്നു. കൊടുങ്ങല്ലൂര്‍-ഗുരുവായൂര്‍ റൂട്ടിലോടുന്ന ബനാസിനി ബസ്സിന്റെ മുന്‍വശത്തെ ചില്ലുകള്‍ തകര്‍ന്നിട്ടുണ്ട്. ശബ്ദം കേട്ട് സമീപവാസികള്‍ പുറത്തിറങ്ങി നോക്കിയെങ്കിലും അക്രമികളെ കണ്ടെത്താനായില്ല. മതിലകം പോലീസ് കേസെടുത്തു അന്വേഷണം ആരംഭിച്ചു.
തൃശൂര്‍ വിവിധ ആവശ്യങ്ങളുന്നയിച്ച് നിയമസഭാ മാര്‍ച്ച് നടത്തുമെന്ന് യു.എ.പി.എ വിരുദ്ധ വേദി പ്രവര്‍ത്തകര്‍ തൃശൂരില്‍ വാര്‍ത്താസമ്മേളനത്തില്‍ അറിയിച്ചു.
അനാവശ്യമായി ചുമത്തിയ യു.എ.പി.എ കേസുകള്‍ പിന്‍വലിക്കുക, പുനപരിശോധന സുതാര്യവും വേഗത്തിലുമാക്കുക തുടങ്ങിയ ആവശ്യങ്ങളുന്നയിച്ചാണ് മാര്‍ച്ച്. ടാഡ, പോട്ട തുടങ്ങിയ നിയമങ്ങള്‍ സംസ്ഥാനത്ത് നടപ്പാക്കില്ലെന്ന രാഷ്ട്രീയ തീരുമാനമെടുത്ത കേരളത്തില്‍ അഭിപ്രായ സ്വാതന്ത്ര്യം പ്രകടിപ്പിക്കുന്നവരെ പോലും യു.എ.പി.എ ചുമത്തുന്ന രീതി തുടര്‍ന്നു വരികയാണ്. ഇതിനെതിരെ ഈമാസം 28ന് നിയമസഭാ മാര്‍ച്ചും ജില്ലാ തലത്തില്‍ യു.എ.പി.എ കേസില്‍ പ്രതിചേര്‍ക്കപ്പെട്ടവരുടെ കുടുംബാംഗങ്ങളെയും ഉള്‍പ്പെടുത്തി പ്രതിഷേധ യോഗവും സംഘടിപ്പിക്കുമെന്ന് ഭാരവാഹികള്‍ പറഞ്ഞു. വാര്‍ത്താസമ്മേളനത്തില്‍ ടി.കെ.വാസു, നവീന ചന്ദ്രന്‍, പി.ജെ.മോന്‍സി, സാഹൈബ് അലി, ദിലീപ് എന്നിവര്‍ പങ്കെടുത്തു.
തൃശൂര്‍ പൂങ്കുന്നത്ത് ഓടികൊണ്ടിരുന്ന കെ.എസ്. ആര്‍.സി ബസിനുള്ളില്‍ തെറിച്ചു വീണ് സ്ത്രീക്ക് പരിക്കേറ്റു.
മലപ്പുറം സ്വദശിനി മൂടുംപറമ്പില്‍ റസിയക്കാണ് തോളെല്ലിന് പരിക്കേറ്റത്. ഇവരെ തൃശൂര്‍ വെസ്റ്റ്‌ഫോര്‍ട്ടാശുപത്രിയില്‍ പ്രവേശിപ്പിച്ചു. ബസ് പെട്ടന്ന് ബ്രേക്ക് ചെയ്തതിനെ തുടര്‍ന്ന് മുന്‍ സീറ്റിലിരുന്ന റസിയ ബസിന്റെ മുന്‍വാതിലിന്റെ ചവട്ടു പടിയിലേക്ക് വീഴുകയായിരുന്നു.
ചേലക്കര ചേലക്കര നിയോജകമണ്ഡലത്തിലെ വരള്‍ച്ചാ പ്രശ്‌നങ്ങള്‍ ചര്‍ച്ച ചെയ്യുന്നതിനും, വരള്‍ച്ചയെ നേരിടുന്നതിനുമായി അവലോകന യോഗം ചേര്‍ന്നു.
ചേലക്കര റസ്റ്റ് ഹൗസില്‍ ചേര്‍ന്ന യോഗത്തില്‍ യു.ആര്‍പ്രദീപ് എം.എല്‍.എ. അദ്ധ്യക്ഷനായിരുന്നു. പഴയന്നൂര്‍ ബ്ലോക്ക് പഞ്ചായത്ത് പ്രസിഡന്റ് വി.തങ്കമ്മ, വൈസ് പ്രസിഡന്റ് എം.പത്മകുമാര്‍, ജില്ലാപഞ്ചായത്ത് അംഗം ഇ.വേണുഗോപാലമേനോന്‍, തലപ്പിള്ളി താലൂക്ക് തഹസില്‍ദാര്‍ ബ്രിജാ കുമാരി, വിവിധ ഗ്രാമപഞ്ചായത്ത് പ്രസിഡന്റുമാര്‍, വില്ലേജ് ഓഫീസര്‍മാര്‍, കൃഷി ഓഫീസര്‍, താലൂക്ക് ഉദ്യോഗസ്ഥര്‍ തുടങ്ങിയവര്‍ യോഗത്തില്‍ പങ്കെടുത്തു.
പുതുക്കാട് ബി.ജെ.പി. നെന്മണിക്കര പഞ്ചായത്ത് സമിതിയുടെ ആഭിമുഖ്യത്തില്‍ തലോരില്‍ ദിനരാത്രസമരം സംഘടിപ്പിച്ചു.
കേന്ദ്രം തന്ന അരിയെവിടെ പിണറായി എന്ന മുദ്രവാക്യവുമായി നടത്തുന്ന സമരം മധ്യമേഖല സെക്രട്ടറി എ.ഉണ്ണികൃഷ്ണന്‍ ഉദ്ഘാടനം ചെയ്തു. എസ്.സി.മോര്‍ച്ച ജില്ല പ്രസിഡന്റ് പി.കെ.ബാബു, നിയോജക മണ്ഡലം പ്രസിഡന്റ് വി.കെ.രാജന്‍, ജനറല്‍ സെക്രട്ടറി എ.ജി.രാജേഷ്, തുടങ്ങിയവര്‍ സംസാരിച്ചു.
കൊടകര കേന്ദ്രം നല്‍കിയ അരി തരൂ സര്‍ക്കാരെ എന്നാവശ്യപ്പെട്ടു ബി.ജെ.പി കുന്നംകുളം മുനിസിപ്പല്‍ കമ്മിറ്റിയുടെ നേതൃത്വത്തില്‍ 24 മണിക്കൂര്‍ സമരം ആരംഭിച്ചു.
കുന്നംകുളം താലൂക്കാശുപത്രിക്ക് മുന്നില്‍ ആരംഭിച്ച സമരം ബി.ജെ.പി സംസ്ഥാന സമിതിയംഗം ദയാനന്ദന്‍ മാമ്പുള്ളി ഉദ്ഘാടനം ചെയ്തു. മുരളി സംഘമിത്ര അധ്യക്ഷനായി. ജില്ലാ വൈസ് പ്രസിഡണ്ട് അനീഷ് ഈയ്യാല്‍, മണ്ഡലം പ്രസിഡണ്ട് കെ.എസ്.രാജേഷ്, ജനറല്‍ സെക്രട്ടറിമാരായ കെ.കെ.മുരളി, സുഭാഷ് പാക്കത്ത് തുടങ്ങിയവര്‍ പങ്കെടുത്തു.
എരുമപ്പെട്ടി ശിവരാത്രി മഹോത്സവത്തോടനുബന്ധിച്ച് എരുമപ്പെട്ടി കരിയന്നൂര്‍ കാവില്‍വട്ടം മഹാദേവ ക്ഷേത്രത്തില്‍ ശിവപുരാണ മഹാസത്രം ആരംഭിച്ചു.
ക്ഷേത്രം തന്ത്രി പുലിയന്നൂര്‍ മനകൃഷ്ണന്‍ നമ്പൂതിരിപ്പാട് ചടങ്ങ് ഉദ്ഘാടനം ചെയ്തു. മേല്‍ശാന്തി പുതുമന വല്ലഭന്‍, കേരള മാതൃസമിതി സംസ്ഥാന അധ്യക്ഷ വി.ടി.രമ, ആചാര്യ രമാദേവി തൃപ്പൂണിത്തുറ എന്നിവര്‍ സംസാരിച്ചു. 7 ദിവസങ്ങളിലായി നടക്കുന്ന മഹാസത്രത്തിന്റെ ഭാഗമായി വിദ്യാഗോപാല മന്ത്രാര്‍ച്ചന, പഞ്ചഭൂത ദോഷപരിഹാര യജ്ഞം, വാസ്തു ദോഷ നിവാരണ പൂജ എന്നിവ നടക്കും.
കൊടകര നെല്ലായി വയലൂര്‍ ശ്രീ മഹാദേവക്ഷേത്രത്തിലെ ശിവരാത്രി ഉത്സവത്തിന് കൊടിയേറി.
തന്ത്രിമാരായ അഴകത്ത് ത്രിവിക്രമന്‍ നമ്പൂതിരി, അണിമംഗലത്ത് ത്രിവിക്രമന്‍ നമ്പൂതിരി എന്നിവര്‍ ചേര്‍ന്ന് കൊടിയേറ്റം നിര്‍വ്വഹിച്ചു. തുടര്‍ന്ന് മേജര്‍സെറ്റ് കഥകളി ഉണ്ടായി. രണ്ടാം ഉത്സവ നാളായ ഇന്ന് ഉച്ചകഴിഞ്ഞ് ഓട്ടംതുള്ളല്‍, ചാക്യാര്‍കൂത്ത്, വൈകുന്നേരം തായമ്പക എന്നിവ നടക്കും. ഞായറാഴ്ച രാവിലെ നെല്ലായി മഹാമുനിമംഗലം ക്ഷേത്രക്കടവില്‍ ആറാട്ടോടെ ഉുത്സവത്തിന് കൊടിയിറങ്ങും
ചേര്‍പ്പ് തബല വാദനത്തിലെ മാന്ത്രികന്‍ ഉസ്താദ് സാക്കിര്‍ ഹുസൈന് ചേര്‍പ്പ് ഗ്രാമത്തില്‍ ഊഷ്മളമായ വരവേല്‍പ്പ്.
ചേര്‍പ്പ് സി.എന്‍.എന്‍ സ്‌കൂളിലാണ് സാക്കിര്‍ ഹുസൈന്‍ പങ്കെടുത്ത പരിപാടി അരങ്ങേറിയത്. ഞായറാഴ്ച വൈകീട്ട് ചേര്‍പ്പിലെത്തിയ സാക്കിര്‍ ഹുസൈനെ പഞ്ചവാദ്യത്തോടെ വേദിയിലേക്ക് ആനയിച്ചു. തുടര്‍ന്ന് പത്മശ്രീ പെരുവനം കുട്ടന്‍മാരാരുടെ നേതൃത്വത്തില്‍ നടന്ന പാണ്ടി മേളത്തിന് ശേഷം 'പെരുവനം ഗ്രാമം ചരിത്രം കലയിലൂടെ' എന്ന പദ്ധതിയുടെ ഉദ്ഘാടനം സാക്കിര്‍ ഹുസൈന്‍ നിര്‍വ്വഹിച്ചു. വാദ്യകലയിലെ ആചാര്യന്മാരായ പെരുവനം കുട്ടന്‍ മാരാര്‍, മട്ടന്നൂര്‍ ശങ്കരന്‍കുട്ടി മാരാര്‍, തൃക്കൂര്‍ രാജന്‍, പി.കെ.നാരായണന്‍ നമ്പ്യാര്‍ എന്നിവര്‍ ചേര്‍ന്ന് ഉസ്താദിന് വീരശൃംഖല നല്‍കി. മന്ത്രി അഡ്വ.വി.എസ്.സുനില്‍കുമാര്‍ പ്രശസ്തി പത്രവും സി.എന്‍.ജയദേവന്‍ എം.പി ഉപഹാരവും നല്‍കി ആദരിച്ചു. ഗീതാ ഗോപി എം.എല്‍.എ പൊന്നാട അണിയിച്ചു. വിവിധ രാഷ്ട്രീയ-സമുദായ സംഘടനാ നേതാക്കള്‍ ചടങ്ങില്‍ പങ്കെടുത്തു. തുടര്‍ന്ന് അരങ്ങേറിയ സാക്കിര്‍ ഹുസൈന്റെ തബല കച്ചേരി ആയിരങ്ങളെ ആനന്ദസാഗരത്തിലാറാടിച്ചു. മട്ടന്നൂര്‍ ശങ്കരന്‍ കുട്ടി മാരാരും ഉസ്താദും ചേര്‍ന്നുള്ള തബല-ചെണ്ട ലയ വിന്യാസവും അരങ്ങേറി. മുംബൈ ആസ്ഥാനമായി പ്രവര്‍ത്തിക്കുന്ന കേളി സംഘടനയുടെ നേതൃത്വത്തിലാണ് പരിപാടി സംഘടിപ്പിച്ചത്
പുന്നയൂര്‍ക്കുളം ബണ്ട് പൊട്ടി കൃഷി നാശം സംഭവിച്ച പരൂര്‍ പടവ്, ഉപ്പുങ്ങല്‍ പാലിയേക്കല്‍ ഭാഗങ്ങളിലുള്ള പാടശേഖരങ്ങള്‍ വെള്ളം ഇല്ലാതെ വരണ്ട് ഉണങ്ങുന്നു. തരിശുരഹിത പഞ്ചായത്തായി പ്രഖ്യാപിച്ച പുന്നയൂര്‍ക്കുളം ഇന്ന് കര്‍ഷകരുടെ വിലാപ ഭൂമിയാണ്.
പരൂര്‍ പടവ്, ഉപ്പുങ്ങല്‍ പാലിയേക്കല്‍ ഭാഗങ്ങളില്‍ ജനുവരി 16-നാണ് ബണ്ട് പൊട്ടി കൃഷിനാശം സംഭവിച്ചത്. വിത്ത് വിതച്ച നാല് ഏക്കര്‍ കൃഷിക്ക് ബണ്ട് പൊട്ടിയതിനു ശേഷം നാശം സംഭവിച്ചു. കൂടാതെ നടീല്‍ കഴിഞ്ഞ വിളകളും നശിച്ചു കൊണ്ടിരിക്കുകയാണ്. 30 ഏക്കറോളം ഈ ഭാഗത്ത് കൃഷി ഉണ്ട്. ബണ്ട് പൊട്ടി വെള്ളം കയറിയ ഭാഗങ്ങളിലുള്ള വെള്ളം വറ്റിക്കുകയും അതിനുശേഷം പാടശേഖരങ്ങളിലേക്ക് വെള്ളം തിരിച്ചടിച്ചില്ലെന്നും കര്‍ഷ.കര്‍ പറയുന്നു. പടവ് കമ്മറ്റിയുടേ അനാസ്ഥയാണ് കൃഷി നശിക്കാന്‍ കാരണമായതെന്നാണ് കര്‍ഷകര്‍ ആവശ്യപ്പെടുന്നത്. കൃഷിയോഗ്യമായ ബാക്കിയുള്ള 350 ഏക്കറില്‍ കൃഷി ഇറക്കാനാണ് കര്‍ഷക സമിതിയുടെ തീരുമാനം. വെള്ളം കയറിയ ഭാഗങ്ങളില്‍ അടിഞ്ഞു കൂടിയ ചണ്ടി നീക്കം ചെയ്യാന്‍ ചിലവ് ഏറിയതോടെ കുറച്ച് പേര്‍ കൃഷി ഇറക്കിയില്ല. മൂപ്പ് കുറഞ്ഞ വിത്തായതിനാല്‍ ചില കര്‍ഷകര്‍ വിത്ത് വിതച്ചാണ് കൃഷി ഇറക്കിയത്. വിത്ത് വിതച്ച് ദിവസങ്ങള്‍ക്കകം തന്നെ ഈ ഭാഗങ്ങളില്‍ എരണ്ടകള്‍ കൂട്ടമായി ഇറങ്ങി വിത്തെല്ലം തിന്നു. മതിയായ വെള്ളം ഈ സമയത്ത് പാടശേഖരങ്ങളില്‍ ഉണ്ടായിരുന്നില്ലെന്നാണ് കൃഷി ഇറക്കിയ കര്‍ഷകര്‍ പറയുന്നത്. പാടശേഖരങ്ങളിലേക്ക് പടവ് കമ്മറ്റി വെള്ളം അടിക്കാത്തതിനാല്‍ ചെടികളുകളുടെ അടിഭാഗം ഉണങ്ങിയിട്ടുണ്ട്. പടവ് കമ്മറ്റി ഭാരവാഹികളെ പലതവണ ബന്ധപെട്ടെങ്കിലും നടപടിയൊന്നും എടുക്കുന്നില്ലെന്ന് കര്‍ഷകര്‍ കുറ്റപെടുത്തി. ഫെബ്രുവരി ആദ്യ വാരം തൊട്ടേ വെള്ളം വറ്റിക്കല്‍ കഴിഞ്ഞിരുന്നു. 600 ഏക്കറിലാണ് വെള്ളം കയറിയത്. ഏക്കറിന് 20,000 രൂപയിലധികം കര്‍ഷര്‍ക്ക് നഷ്ടം സംഭവിച്ചിരുന്നു. നഷ്ടം സഹിച്ച് വീണ്ടും കൃഷി ഇറക്കിയത് കൂടി നശിക്കുമ്പോള്‍ വന്‍ സാമ്പത്തിക നഷ്ടമാണ് കര്‍ഷകര്‍ക്ക് ഉണ്ടാവുക. ഒരു മാസം മുമ്പ് തരിശുരഹിത പഞ്ചായത്തായി പ്രഖ്യാപിച്ച് മാതൃകയായ പുന്നയൂര്‍ക്കുളം ഇന്ന് കര്‍ഷകരുടെ വിലാപ ഭൂമിയായിരിക്കുകയാണ്.
തൃശൂര്‍ സി.പി.എം. നേതാവും പാര്‍ലിമെന്റ് അംഗവുമായിരുന്ന പി.ആര്‍.രാജന്റെ സ്മരണയ്ക്കായി ഏര്‍പ്പെടുത്തിയ എന്‍ഡോവ്‌മെന്റ് തൃശൂരില്‍ വിതരണം ചെയ്തു.
സി.പി.എം സംസ്ഥാന സെക്രട്ടേറിയറ്റംഗം കെ.ജെ.തോമസ് അനുസ്മരണയോഗം ഉദ്ഘാടനം ചെയ്തു. സി.പി.എം ജില്ലാ സെക്രട്ടറി കെ.രാധാകൃഷ്ണന്‍ അധ്യക്ഷത വഹിച്ചു. മുതിര്‍ന്ന മാധ്യമപ്രവര്‍ത്തകന്‍ എം.വി.നികേഷ്‌കുമാറിന് വ്യവസായ വകുപ്പു മന്ത്രി എ.സി.മൊയ്തീന്‍ പി.ആര്‍.രാജന്‍ എന്‍ഡോവ്‌മെന്റ് നല്‍കി. സി.പി.എം സംസ്ഥാന സെക്രട്ടേറിയറ്റംഗം ബേബിജോണ്‍ അനുസ്മരണ പ്രഭാഷണം നടത്തി. ഡെപ്യൂട്ടി മേയര്‍ വര്‍ഗീസ് കണ്ടംകുളത്തി, യു.പി.ജോസഫ്, പി.കെ.ഷാജന്‍ എന്നിവര്‍ സംസാരിച്ചു
തൃശൂര്‍ ഫുഡ് കോര്‍പ്പറേഷന്‍ ഓഫ് ഇന്ത്യ അസോസിയേഷന്‍ സംസ്ഥാന സമ്മേളനം സി.ഐ.ടി.യു സംസ്ഥാന ജനറല്‍ സെക്രട്ടറി എളമരം കരിം ഉദ്ഘാടനം ചെയ്തു.
തൃശൂരില്‍ നടന്ന സമ്മേളനത്തില്‍ സി.ഐ.ടി.യു. സംസ്ഥാന സെക്രട്ടറി എം.എം.വര്‍ഗീസ്, എ.വേലപ്പന്‍ നായര്‍, സി.പി.എം ജില്ലാ സെക്രട്ടേറിയറ്റംഗം പി.കെ.ഷാജന്‍ തുടങ്ങിയവര്‍ സംസാരിച്ചു.
തൃശൂര്‍ മഹാശിവരാത്രിയോടനുബന്ധിച്ച് വടക്കുന്നാഥ ക്ഷേത്ര ക്ഷേമ സമിതിയും കൊച്ചിന്‍ ദേവസ്വം ബോര്‍ഡും സംയുക്തമായി വടക്കുന്നാഥ ക്ഷേത്ര ശ്രീമൂല സ്ഥാനത്തെ ശിവരാത്രി മണ്ഡപത്തില്‍ സംഘടിപ്പിക്കുന്ന നൃത്തസംഗീതോത്സവം തുടരുന്നു.
നാലാം ദിവസമായ ഞായറാഴ്ച വൈകീട്ട് രാമ മംഗലം ഷഡ്കാല ഗോവിന്ദമാരാര്‍ സ്മാരക സമിതിയുടെ മോഹിനിയാട്ടവും തുടര്‍ന്ന് കേരള കലാമണ്ഡലത്തിന്റെ നൃത്ത നൃത്യങ്ങളും അരങ്ങേറി. തിങ്കളാഴ്ച ഷിബ സഹദേവന്‍, കലാക്ഷേത്ര രേഖാമേനോന്‍ എന്നിവര്‍ അവതരിപ്പിക്കുന്ന ഭരതനാട്യവും ചലച്ചിത്ര താരം സ്വാതി നാരായണന്‍ അവതരിപ്പിക്കുന്ന കുച്ചിപ്പുഡിയും അരങ്ങേറും. മഹാശിവരാത്രി ദിനമായ വെള്ളിയാഴ്ച നൃത്ത സംഗീതോത്സവത്തിന് സമാപനമാകും.
തൃശൂര്‍ ഭൂമി സംബന്ധമായ തര്‍ക്കത്തെ തുടര്‍ന്ന് ബൈക്കില്‍ സഞ്ചരിച്ച യുവാവിനെ ടിപ്പര്‍ ലോറി ഇടിപ്പിച്ച് കൊലപ്പെടുത്തി.
ചാലക്കുടി മേലൂര്‍ പന്തല്‍പ്പാടം സ്വദേശി പല്ലിശ്ശേരി ജേക്കബ്ബ് മകന്‍ 32 വയസ്സുള്ള ലിബിനാണ് കൊല്ലപ്പെട്ടത്. ബൈക്കില്‍ ഉണ്ടായിരുന്ന ഇരട്ട സഹോദരന്മാരില്‍ ഒരാളായ ലിന്റോയെ പരിക്കുകളോടെ ചാലക്കുടി സെന്റ് ജെയിംസ് ആശുപത്രിയില്‍ പ്രവേശിപ്പിച്ചു. സംഭവുമായി ബന്ധപ്പെട്ട് കുറ്റിച്ചിറ പുളിങ്കര സ്വദേശി കോനിക്കര സണ്ണിയുടെ പേരില്‍ അതിരപ്പിള്ളി പോലീസ് കൊലപാതകത്തിന് കേസെടുത്തു. പുളിങ്കരയിലെ ഭൂമി സംബന്ധമായ തര്‍ക്കമാണ് കൊലപാതകത്തില്‍ കലാശിച്ചതെന്ന് പോലീസ് പറഞ്ഞു. ഞായറാഴ്ച വൈകീട്ട് പുളിങ്കരയില്‍ വെച്ച് ഇരുകൂട്ടരും തമ്മില്‍ വാക്കേറ്റവും ബഹളവും നടന്നിരുന്നു. ഇതിന് ശേഷം ബൈക്കില്‍ തിരിച്ചുപോയ സഹോദരങ്ങളെ സണ്ണി ടിപ്പര്‍ ലോറിയില്‍ പിന്‍തുടര്‍ന്ന് അപായപ്പെടുത്തുകയായിരുന്നു. നേരത്തേ പുളിങ്കരയില്‍ താമസിച്ചിരുന്ന ലിബിയുടെ കുടുംബം ഭൂമി സംബന്ധമായ തര്‍ക്കത്തെ തുടര്‍ന്ന് ആറ് മാസം മുമ്പാണ് മേലൂരിലേക്ക് താമസം മാറ്റിയത്.
ചാലക്കുടി കുടിവെള്ളം കിട്ടാക്കാനിയായതോടെ കപ്പത്തോട്ടില്‍ താല്‍ക്കാലിക ചിറ നിര്‍്മ്മിച്ച് ബദല്‍ സംവിധാനം ഒരുക്കുകയാണ് പരിയാരം പാറക്കുന്നില്‍ നാട്ടുകാര്‍.
സമീപത്തെ തകര്‍ന്നു കിടക്കുന്ന ചിറയോടൊപ്പം താല്‍ക്കാലിക ബണ്ട് നിര്‍മ്മാണത്തിന് അമ്പതോളം പേരാണ് രംഗത്തുള്ളത്. സി.പി.എം ലോക്കല്‍ കമ്മറ്റി നേതൃത്വം നല്‍കുന്ന കുടിവെള്ള സംരക്ഷണ സംവിധാനം മൂന്നു ദിവസത്തിനകം പൂര്‍ണ സ്ഥിതിയിലാകുമെന്നാണ് പ്രതീക്ഷിക്കുന്നത്. ബ്രാഞ്ച് കനാലിലൂടെ വെള്ളം വിടുന്നതാണ് ആഴ്ചകളായി വരണ്ടു കിടക്കുന്ന കപ്പത്തോടിന് അനുഗ്രഹമായത്. മൂന്നു കിലോ മീറ്റര്‍ നീളത്തില്‍ ചിറ നിറയുന്നതോടെ ഈ പ്രദേശത്തെ കുടിവെള്ളക്ഷാമം പരിഹരിക്കുമെന്ന് മുന്‍ ജില്ലാ പഞ്ചായത്തംഗവും സി.പി.എം ലോക്കല്‍ സെക്രട്ടറിയുമായ ജെയ്‌മോന്‍ താക്കോല്‍ക്കാരന്‍ പറഞ്ഞു. മൂന്നു പതിറ്റാണ്ട് മുമ്പാണ് ഇറിഗേഷന്‍ വകുപ്പ് പാറക്കുന്നില്‍ ചിറ നിര്‍മ്മിച്ചത്. താല്‍ക്കാലിക ചിറനിര്‍മ്മാണത്തിന്റെ ഉദ്ഘാടനം ജില്ലാ പഞ്ചായത്തംഗം സി.ജി. സിനി നിര്‍വ്വഹിച്ചു.
ചാലക്കുടി നായരങ്ങാടിയിലെ കരിങ്ങാലിക്കുളം നിറച്ചു കൊണ്ട് നാട്ടുകാര്‍ കുടിവെള്ള പ്രശ്‌നത്തിന് സ്വയം പരിഹാരം കാണുന്നു.
വറ്റി വരണ്ടുപോയ പൊതുകുളം ആറടിയോളം മണ്ണെടുത്ത് വൃത്തിയാക്കി വെള്ളം നിറയ്ക്കലാണ് കഴിഞ്ഞ ദിവസം പൂര്‍ത്തിയായത്. ഇതിനായി മേച്ചിറ ബ്രാഞ്ച് ഇറിഗേഷന്‍ കനാലില്‍ നിന്നു വെള്ളമെത്തിച്ചിരിക്കുകയാണ്. കുളം നിറഞ്ഞുകഴിഞ്ഞാല്‍ ഇരുനൂറോളം കുടുംബങ്ങളുടെ കുടിവെള്ള ക്ഷാമം പരിഹരിക്കപ്പെടും. ഏക്കര്‍ കണക്കിന് സ്ഥലത്തെ കാര്‍ഷിക വിളകള്‍ക്കും ഇതു പ്രയോജനപ്പെടും. ഇതിനായി ചിലവു വന്ന തുക പദ്ധതി വിഹിതത്തില്‍ നിന്നു നല്‍കുമെന്ന് കോടശേരി പഞ്ചായത്ത് ഭരണസമിതി ഉറപ്പു നല്‍കിയിട്ടുണ്ടെന്ന് മുന്‍ പ്രസിഡന്റ് സി.കെ. ശശി പറഞ്ഞു.
കൊടുങ്ങല്ലൂര്‍ തിരുവഞ്ചിക്കുളം മഹാദേവക്ഷേത്രത്തിലെ ശിവരാത്രി മഹോത്സവത്തിന് ആനയോട്ടത്തോടെ തുടക്കമായി.
ക്ഷേത്രത്തിന്റ പടിഞ്ഞാറെ ആല്‍ത്തറയില്‍ നിന്നു ആരംഭിച്ച ആനയോട്ടത്തില്‍ പുതുപ്പുളളി അര്‍ജ്ജുനന്‍ തിരുവഞ്ചിക്കുളത്തപ്പന്റെ പറ തൊട്ട് ഒന്നാമതെത്തി. ആനയോട്ടത്തില്‍ 3 ഗജവീരന്മാര്‍ പങ്കെടുത്തു. തുടര്‍ന്ന് ക്ഷേത്രം തന്തി പഴയിടം നാരായണന്‍ നമ്പൂതിരി കൊടിയേറ്റം നടത്തി. ഇത്തവണ പ്രദോഷവും, ശിവരാത്രിയും ഒരേ ദിവസമായതിനാല്‍ വെളളിയാഴ്ച രാത്രി 10ന് ശിവരാത്രി നൃത്തം നടക്കും.
കൊടകര വര്‍ഷങ്ങളായി വൈദ്യുതി ലഭിക്കാതെ ഇരുട്ടില്‍ കഴിഞ്ഞിരുന്ന വിധവയുടെ വീട്ടില്‍ വെളിച്ചമെത്തിച്ച് മറ്റത്തൂരിലെ സേവാഭാരതി പ്രവര്‍ത്തകര്‍ മാതൃകയായി.
മൂലംകുടം സ്വദേശിനി ഉഷയുടെ വീട്ടിലാണ് സേവാഭാരതി പ്രവര്‍ത്തകര്‍ വൈദ്യുതി കണക്ഷന്‍ എത്തിച്ചത്. സേവാഭാരതി പ്രവര്‍ത്തകരായ ഹരി പള്ളത്തേരി, സുബി മറ്റത്തൂര്‍, ശരത്, ജയന്‍ എന്നിവരും, കെ.എസ്.ഇ.ബി വെള്ളിക്കുളങ്ങര സെക്ഷനിലെ ജീവനക്കാരും സംരംഭത്തില്‍ പങ്കാളികളായി. ഉഷയുടെ വീട്ടുമുറ്റത്തുനടന്ന ചടങ്ങില്‍ സേവാഭാരതി മാതൃസമിതി മറ്റത്തൂര്‍ പഞ്ചായത്ത് സമിതിയംഗം ഷില്‍ജന ഉണ്ണികൃഷ്ണന്‍ ഉഷക്ക് എല്‍.ഇ.ഡി. ബള്‍ബ് കൈമാറി വെളിച്ചമെത്തിയതിന്റെ ആഹ്ലാദം പങ്കിട്ടു. സമിതിയംഗങ്ങളായ കവിത പ്രസാദ്, സുഗന്ധി ഷാജി, അശ്വതി ദിലീപ് എന്നിവരും പങ്കെടുത്തു.
പുതുക്കാട് വര്‍ഷങ്ങളുടെ കാത്തിരിപ്പിനൊടുവില്‍ വടക്കേ തൊറവില്‍ പുതുക്കാട് പറപ്പൂക്കര ശുദ്ധജല വിതരണ പ്ലാന്റിന്റെ നിര്‍മ്മാണം ആരംഭിച്ചു.
പ്രതിദിനം 60 ലക്ഷം ലിറ്റര്‍ ശേഷിയുള്ള ജലശുദ്ധീകരണ പ്ലാന്റ് ഒമ്പതര കോടിയിലേറെ രൂപ ചെലവഴിച്ചാണ് നിര്‍മ്മിക്കുന്നത്. പല ഘട്ടങ്ങളിലും ഫണ്ട് അനുവദിച്ചിരുന്നുവെങ്കിലും പദ്ധതി പാതിവഴിയില്‍ മുടങ്ങുകയായിരുന്നു. പത്ത് വര്‍ഷങ്ങള്‍ക്ക് ശേഷമാണ് പദ്ധതി യാഥാര്‍ത്ഥ്യമായത്. പറപ്പൂക്കര, പുതുക്കാട് പഞ്ചായത്തുകളിലെ ഉയര്‍ന്ന പ്രദേശങ്ങളിലേക്ക് ശുദ്ധജലം എത്തിക്കുന്നതാണ് പദ്ധതി. കുറുമാലി പുഴയില്‍ നിന്നു പമ്പ് ചെയ്യുന്ന വെള്ളമാണ് നിര്‍ദിഷ്ട ടാങ്കില്‍ എത്തിക്കുന്നത്. അത്യാധുനിക സജ്ജീകരണങ്ങളോടെ വെള്ളം ശുദ്ധീകരിച്ച് വിതരണം ചെയ്യുകയാണ് പദ്ധതിയുടെ ലക്ഷ്യം. നിര്‍മ്മാണോദ്ഘാടനം മന്ത്രി പ്രൊഫ.സി. രവീന്ദ്രനാഥ് നിര്‍വ്വഹിച്ചു. പഞ്ചായത്തംഗം സരിത രാജേഷ്, എം.എ.ഫ്രാന്‍സീസ്, കെ.എസ്. അജയന്‍ എന്നിവര്‍ സന്നിഹിതരായിരുന്നു.
മാള കാല്‍പന്തിനൊപ്പം കാരുണ്യമെന്ന സന്ദേശവുമായി പൂപ്പത്തിയിലെ കൂട്ടായ്മയായ സോയൂസ് സ്റ്റാര്‍ സോക്കറിന്റ ഒരുക്കങ്ങള്‍ക്ക് തുടക്കമായി.
കാല്‍പന്ത് കളിയുടെ നടത്തിപ്പില്‍ നിന്ന് മിച്ചം വരുന്ന പണം ജീവകാരുണ്യ പ്രവര്‍ത്തനങ്ങള്‍ക്ക് വിനിയോഗിക്കാനാണ് സംഘാടകര്‍ പദ്ധതിയിട്ടിരിക്കുന്നത്. പൂപ്പത്തി ഗ്രാമത്തിന്റെ ഉത്സവമായി മാറുന്ന സോക്കര്‍ ഫെസ്റ്റ് ഏപ്രില്‍ രണ്ടിന് തുടങ്ങും.സ്ത്രീകളും കുട്ടികളും പ്രായമായവരും അടക്കം ആയിരങ്ങളാണ് ഇവിടെ കളികാണാന്‍ എത്താറുള്ളത്. ഫുട്‌ബോള്‍ മത്സരങ്ങള്‍ക്ക് മുന്‍പായി എല്ലാ ദിവസവും നാട്ടിലെ കലാകാരന്മാരും നിരവധി പ്രമുഖരും പങ്കെടുക്കുന്ന വിവിധ കലാപരിപാടികള്‍ അരങ്ങേറും. ഇത്തവണ അനില്‍ വട്ടത്തറ ചികിത്സാ സഹായ നിധിയിലേക്ക് 25,000 രൂപ കൈമാറി. അഡ്വ.വി.ആര്‍.സുനില്‍കുമാര്‍ എം.എല്‍.എ. സംഘാടക സമിതി ഓഫീസും കാരുണ്യ പ്രവര്‍ത്തന പദ്ധതിയും ഉദ്ഘാടനം ചെയ്തു. എം..മുഹമ്മദ് റാഫി അധ്യക്ഷത വഹിച്ചു. സന്തോഷ് താന്നിക്കല്‍, വിനോദ് മണപ്പുറത്ത്, സി.കെ.പുരുഷോത്തമന്‍ നമ്പൂതിരി തുടങ്ങിയവര്‍ സംസാരിച്ചു.
കൊടകര മനക്കുളങ്ങര ലയണ്‍സ് ക്ലബ്ബിന്റെ ആഭിമുഖ്യത്തിലുള്ള 80-ാമത്തെ സൗജന്യ നേത്രപരിശോധന ക്യാമ്പ് കൊടകര ജി.എല്‍.പി.സ്‌കൂളില്‍ സംഘടിപ്പിച്ചു.
തിമിരരോഗമുള്ളതായി കണ്ടെത്തിയ രോഗികളെ സൗജന്യ ശസ്ത്രക്രിയക്കായി പാലക്കാട്ടെ സ്വകാര്യ കണ്ണാശുപത്രിയിലേക്ക് കൊണ്ടുപോയി. ലയണ്‍സ് ക്ലബ്ബ് ഭാരവാഹികളായ കെ.ആര്‍.സുരേന്ദ്രന്‍, കെ.കെ.വെങ്കിടാചലം, ഷോജന്‍ ഡി.വിതയത്തില്‍ തുടങ്ങിയവര്‍ നേതൃത്വം നല്‍കി.
പൊങ്ങണംകാട് ഇ.പി.എഫ് പെന്‍ഷനേഴ്‌സ് അസോസിയേഷന്‍ പൊങ്ങണംകാട് - വില്‍വട്ടം യൂണിറ്റ് സമ്മേളനം നടന്നു.
എം.രാമദാസ് അധ്യക്ഷത വഹിച്ചു. ജോസ് പനയ്ക്കല്‍, എം.എസ്.ഉണ്ണികൃഷ്ണന്‍, എം.എ.സണ്ണി എന്നിവര്‍ സംസാരിച്ചു.
പുന്നയൂര്‍ക്കുളം പുന്നയൂര്‍ കുരഞ്ഞിയൂര്‍ ഏരിമ്മല്‍ ഭഗവതി ക്ഷേത്രത്തിലെ താലപ്പൊലി ഭക്തിനിര്‍ഭരമായി.
വിവിധ ദേശങ്ങളില്‍ നിന്നുള്ള കാളി, തെയ്യം, കരിങ്കാളി,തിറ തുടങ്ങിയവയുടെ എഴുന്നള്ളിപ്പുകള്‍ നടന്നു. ദീപാരാധന, കേളി, കൊമ്പ് പറ്റ്, തായമ്പക എന്നിവയും ഉണ്ടായി. 18 ദേശങ്ങളില്‍ നിന്നുള്ള താലം ക്ഷേത്രത്തില്‍ സംഗമിച്ചു.
എരുമപ്പെട്ടി കടങ്ങോട് കൈക്കുളങ്ങര ഭഗവതി ക്ഷേത്രത്തില്‍ കുംഭമാസ കള പൂജക്ക് തുടക്കമായി.
7 ദേശക്കാരുടെ കൂറയിടല്‍ ചടങ്ങോടെയാണ് കള പൂജക്ക് തുടക്കം കുറിച്ചത്. തെക്കുമുറി ദണ്ഡായുധപാണി ക്ഷേത്രത്തില്‍ നിന്നു വന്ന താലപ്പൊലിയുടെ അകമ്പടിയോടെ ഗജവീരന്റെ പുറത്ത് തിടമ്പ് എഴുന്നെള്ളിച്ചു. തുടര്‍ന്ന് ഭഗവതിയെ മാളികയില്‍ വരച്ച കളത്തിലേക്ക് എഴുന്നെള്ളിച്ചു. പിന്നീട് മേളം, നാഗസ്വരം, ദീപാരാധന, നടക്കല്‍പ്പറ വെക്കല്‍ എന്നിവ നടന്നു.
പുതുക്കാട് ദേശീയപാതയില്‍ പാലിയേക്കര ടോള്‍പ്ലാസക്കു സമീപം പുല്ലിനു തീപിടിച്ചത് ഭീതി പരത്തി.
തൊട്ടടുത്ത പെട്രോള്‍ പമ്പിന് 25 മീറ്റര്‍ അടുത്തു വെച്ചാണ് അഗ്‌നി രക്ഷാ സേന തീയണച്ചത്. ഞായറാഴ്ച വൈകീട്ട് ഉച്ചതിരിഞ്ഞ് 3.30നായിരുന്നു സംഭവം. അവധി ദിവസമായതിനാല്‍ പമ്പിനകത്ത് നിരവധി വാഹനങ്ങള്‍ നിര്‍ത്തിയിട്ടിരുന്നു. പുതുക്കാട് നിന്ന് ഫയര്‍ഫോഴ്‌സ് എത്തി തീയണച്ചു.
പുതുക്കാട് പട്ടികജാതിക്കാര്‍ക്കെതിരെയുള്ള അതിക്രമങ്ങളില്‍ പ്രതിഷേധിച്ച് ആമ്പല്ലൂരില്‍ ദളിത് കൂട്ടായ്മ സംഘടിപ്പിച്ചു.
രക്ഷാധികാരി അഡ്വ. പി.കെ. പ്രദീപ് കുമാര്‍ ഉദ്ഘാടനം ചെയ്തു. മേഖല പ്രസിഡന്റ് കുമാരന്‍ വരന്തരപ്പിള്ളി അധ്യക്ഷനായിരുന്നു. ദളിതര്‍ക്കു വേണ്ടിയുള്ള പോരാട്ടങ്ങള്‍ക്ക് പൊതുജനങ്ങള്‍ പിന്തുണ നല്‍കണമെന്ന് യോഗം ആവശ്യപ്പെട്ടു.
കൊടകര കൊടകര കണ്ടംകുളങ്ങര എസ്.എന്‍.ഡി.പി. ശാഖക്കു കീഴിലെ ചെമ്പഴന്തി, പെരിങ്ങാംകുളം പുരുഷഗണങ്ങളുടെ ആഭിമുഖ്യത്തില്‍ സൗജന്യ ഹോമിയോ മെഡിക്കല്‍ ക്യാമ്പും മരുന്നുവിതരണവും നടത്തി.
കൊടകര ഗ്രാമപഞ്ചായത്തംഗം ആന്‍സി ജിന്റോ ഉദ്ഘാടനം ചെയ്തു. ബാലന്‍ കുറ്റിപ്പറമ്പന്‍ അധ്യക്ഷത വഹിച്ചു. പഞ്ചായത്തംഗം ഷീബ ഹരി, വിജയന്‍ പെരുമ്പുള്ളി എന്നിവര്‍ സംസാരിച്ചു.
കുന്നംകുളം അച്ഛന്‍ നഷ്ടപ്പെട്ടതോടെ ദുരിതത്തിലായ കാര്‍ത്തിക്കിനും അമ്മ കാര്‍ത്ത്യായനിക്കും ചെമ്മണ്ണൂരിലെ ജനകീയക്കൂട്ടായ്മ ഒരുക്കിയ സ്‌നേഹവീടിന്റെ താക്കോല്‍ദാനം മന്ത്രി എ.സി.മൊയ്തീന്‍ നിര്‍വഹിച്ചു.
ചടങ്ങില്‍ വാര്‍ഡ് കൗണ്‍സിലര്‍ ഒ.ജി.ബാജി അധ്യക്ഷത വഹിച്ചു. ഫാ.സ്റ്റാഴ്സണ്‍ കള്ളിക്കാടന്‍, പുഷ്പ ജോണ്‍, എന്‍.ജെ.ഷോബി തുടങ്ങിയവര്‍ സംസാരിച്ചു. കാര്‍ത്തിക്കിന് സ്‌നേഹത്തണല്‍ സമ്മാനിച്ചു. ഒറ്റമുറി കൂരയില്‍ കഴിഞ്ഞിരുന്ന ഇവര്‍ക്ക് നാട്ടുകാരാണ് സംരക്ഷണമൊരുക്കാന്‍ നേതൃത്വം നല്‍കിയത്. നഗരസഭയുടെ എസ്.സി ഫണ്ടും നാട്ടുകാരുടെ സഹായവും കൊണ്ടാണ് വീട് നിര്‍മ്മിച്ചത്. രണ്ടു മാസം കൊണ്ട് വീടിന്റെ നിര്‍മ്മാണം പൂര്‍ത്തിയായി. കാര്‍ത്തിക്കിനും അമ്മ കാര്‍ത്ത്യയനിക്കും വീടെന്ന സ്വപ്നം അങ്ങനെ യാഥാര്‍ഥ്യമായി.
തൃശൂര്‍ പാടൂര്‍ വാണിവിലാസം യു.പി.സ്‌കൂളില്‍ മെറിറ്റ് ഡേയും വാര്‍ഷികവും ആഘോഷിച്ചു. മന്ത്രി എ.സി.മൊയ്തീന്‍ ഉദ്ഘാടനം ചെയ്തു.
മുല്ലശേരി ബ്ലോക്ക് പഞ്ചായത്ത് പ്രസിഡന്റ് ലതി വേണുഗോപാല്‍ അധ്യക്ഷയായിരുന്നു. പച്ചക്കറി കൃഷി ചെയ്യുന്ന ജില്ലയിലെ മികച്ച രണ്ടാമത്തെ വിദ്യാലയത്തില്‍ പച്ചക്കറി വികസന പദ്ധതി നടപ്പിലാക്കുന്ന അധ്യാപകന്‍ ടി.ടി.പയസിന് മന്ത്രി ഉപഹാരം നല്‍കി. ഉപജില്ല വിദ്യാഭ്യാസ ഓഫീസര്‍ പി.മണികണ്ഠലാല്‍ പഠന-പാഠ്യേതര രംഗങ്ങളില്‍ മികവ് തെളിയിച്ച വിദ്യാര്‍ത്ഥികള്‍ക്ക് സമ്മാനങ്ങള്‍ വിതരണം ചെയ്തു. ജില്ലാ പഞ്ചായത്ത് വികസന സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ ജെമ്മി ജോസഫ്, സര്‍വ്വീസില്‍ നിന്നുവിരമിക്കുന്ന അധ്യാപകരുടെ ഫോട്ടോ അനാച്ഛാദനം നടത്തി. പി.ടി.എ പ്രസിഡന്റ് ടി.വി.ഹരിദാസന്‍, പ്രധാനാധ്യാപിക കെ.ആര്‍.റീന, മാനേജര്‍ പ്രതിനിധി കെ.എല്‍.ജോര്‍ജ് തുടങ്ങിയവര്‍ സംസാരിച്ചു.
തൃശൂര്‍ കുതിരാനിലെ ഇരട്ടക്കുഴല്‍ തുരങ്ക പാതയില്‍ ഒരെണ്ണം തിങ്കളാഴ്ച കൂട്ടിമുട്ടും. ചരിത്രമെഴുതി കേരളത്തിലെ ആദ്യ തുരങ്കപാത.
തൃശൂര്‍-പാലക്കാട് റൂട്ടിലെ ഗതാഗതക്കുരുക്കഴിച്ചുകൊണ്ട് കുതിരാന്‍ തുരങ്കപാത യാഥാര്‍ത്ഥ്യത്തിലേക്ക് അടുക്കുകയാണ്. ഇരട്ടക്കുഴല്‍ തുരങ്കപാതയിലെ ഒരു തുരങ്കം തിങ്കളാഴ്ച കൂട്ടിമുട്ടും. ഇരുവശത്തു നിന്നും ഒരേസമയം തുരന്നുകൊണ്ട് രാപ്പകലില്ലാതെ തുടര്‍ന്ന പ്രവൃത്തികള്‍ക്കൊടുവില്‍ തുരങ്കം കൂട്ടിമുട്ടുമ്പോള്‍ അത് ചരിത്രമാവും. കേരളത്തിലെ ആദ്യ തുരങ്കപാതയുടെ നിര്‍മ്മാണം ആരംഭിച്ചത് 2016 മേയിലാണ്. 28 കിലോമീറ്ററുള്ള മണ്ണുത്തി-വടക്കഞ്ചേരി ആറുവരിപ്പാത കുതിരാന്‍ തുരങ്കത്തിലൂടെ കടന്നുപോകുമ്പോഴും ഓരോ തുരങ്കത്തിലും മൂന്നുവരി വാഹനങ്ങള്‍ക്ക് കടന്നുപോകാനാകും. വിദേശ നിര്‍മ്മിതമായ ബൂമറുകള്‍ ഉപയോഗിച്ച് തുരന്നും വെടിമരുന്ന് നിറച്ച് പാറ തകര്‍ത്തുമാണ് തുരങ്ക നിര്‍മ്മാണം മുന്നോട്ട് പോയിരുന്നത്. ഇതിനിടെ സമീപവാസികളുടെ പരാതിമൂലം ഏറെ ദിനങ്ങള്‍ തുരങ്ക നിര്‍മ്മാണം നിര്‍ത്തിവെക്കേണ്ടിയും വന്നിരുന്നു. ഇതേസമയം രണ്ടാം തുരങ്കപാത നിര്‍മ്മാണം തുടരുകയാണ്. പൂര്‍ത്തിയാകാറായ തുരങ്കത്തിന് 20 മീറ്റര്‍ അകലത്തിലാണ് രണ്ടാം തുരങ്ക നിര്‍മ്മാണം നടക്കുന്നത്. ഇരു തുരങ്കങ്ങളെയും കൂട്ടിമുട്ടിച്ച് സമാന്തരമായ 2 തുരങ്കപാതകള്‍ വേറെയും ഒരുക്കുന്നുണ്ട്. തുരങ്കപാതകള്‍ യാഥാര്‍ത്ഥ്യമാവുമ്പോള്‍ കുതിരാനിലെ ഗതാഗതക്കുരുക്ക് ഓര്‍മ്മയാകും. തുരങ്കങ്ങള്‍ കൂട്ടിമുട്ടിയാലും നിരവധി പ്രവൃത്തികള്‍ ഇനിയും ബാക്കിയുണ്ട്. ഈ ഉന്നതനിലവാരത്തില്‍ തുരങ്കപാത ഒരുക്കിയെടുക്കാനുള്ള ശ്രമങ്ങളാവും അടുത്ത നാളുകളില്‍ തുടരുക.
പാമ്പാടി പാമ്പാടി നെഹ്‌റു എന്‍ജിനീയറിങ്ങ് കോളേജിലെ വിദ്യാര്‍ത്ഥി ജിഷ്ണുവിന്റെ മരണവുമായി ബന്ധപ്പെട്ട പ്രതികളെ ഒരാഴ്ച കഴിഞ്ഞിട്ടും അറസ്റ്റ് ചെയ്യാനായില്ല.
കോളേജ് ചെയര്‍മാന്‍ പി.കൃഷ്ണദാസ് ഉള്‍പ്പെടെ 5 പേര്‍ക്കെതിരെയാണ് ആത്മഹത്യാ പ്രേരണകുറ്റം, മര്‍ദ്ദനം ഉള്‍പ്പെടെ 7 കുറ്റങ്ങള്‍ ചുമത്തി കേസെടുത്തത്. ഇതില്‍ കോളേജ് ചെയര്‍മാന്‍ പി.കൃഷ്ണദാസ്, പി.ആര്‍.ഒ.സജിത്ത് വിശ്വനാഥന്‍ എന്നിവര്‍ കോടതി മുഖാന്തരം മുന്‍കൂര്‍ ജാമ്യത്തിന് അപേക്ഷ നല്‍കിയതിനാല്‍ ഇവരെ അറസ്റ്റ് ചെയ്യാനാവില്ല. അതേസമയം വൈസ് പ്രിന്‍സിപ്പാള്‍ ശക്തിവേല്‍ ഉള്‍പ്പെടെ 3 പേര്‍ ഒളിവിലാണ്. ഇവരെ പിടികൂടുന്നതിനായി പ്രത്യേക അന്വേഷണ സംഘം തമിഴ്‌നാട്ടിലും കര്‍ണാടകയിലും തെരച്ചില്‍ നടത്തുന്നുണ്ട്. പ്രതികളെ കണ്ടെത്തുന്നതിനായി ലുക്ക് ഔട്ട് നോട്ടീസ് പുറത്തിറക്കുമെന്ന് പോലീസ് അറിയിച്ചുവെങ്കിലും ഇത് സംബന്ധിച്ച് തുടര്‍ നടപടിയുണ്ടായിട്ടില്ല. കോടതിയില്‍ മുന്‍കൂര്‍ ജാമ്യാപേക്ഷ നല്‍കിയ ചെയര്‍മാന്‍ പി.കൃഷ്ണദാസ്, പി.ആര്‍.ഒ.സജിത്ത് വിശ്വനാഥന്‍ എന്നിവരുടെ ജാമ്യാപേക്ഷ തടയുന്നതിനായി അന്വേഷണ സംഘം നാളെ കോടതിയില്‍ ഹര്‍ജി നല്‍കും
തൃശൂര്‍ യുവനടിയെ തട്ടിക്കൊണ്ടുപോകാന്‍ ശ്രമിച്ച സംഭവത്തില്‍ ദേശീയപാതയിലെ സി.സി.ടി.വി കാമറകള്‍ പരിശോധിക്കും.
നടിയുടെ തൃശൂരില്‍ നിന്നുള്ള വീട്ടില്‍ നിന്നു എറണാകുളത്തെ യാത്രയ്ക്കിടെയുള്ള ദേശീയപാതയിലെ സി.സി.ടി.വി. കാമറകളാണ് അന്വേഷണ സംഘം പരിശോധനയ്ക്ക് വിധേയമാക്കുക. നടി സഞ്ചരിച്ചിരുന്ന വാഹനത്തെ അസ്വാഭാവികമായി വാഹനങ്ങള്‍ പിന്‍തുടര്‍ന്നത് എവിടെ നിന്നാണെന്ന് തിരിച്ചറിയുന്നതിനും കൂടുതല്‍ ശാസ്ത്രീയ തെളിവുകള്‍ കണ്ടെത്തുന്നതിനും വേണ്ടിയാണ് പരിശോധന. അതിനിടെ നടി സഞ്ചരിച്ചിരുന്ന വാഹനം ആക്രമിക്കാ ഉപയോഗിച്ച വാഹനം ചാലക്കുടി സ്വദേശിയുടേതാണെന്ന് കണ്ടെത്തിയിട്ടുണ്ട്.
തൃശൂര്‍ ഏതൊരു സ്ത്രീക്കും നേരെയുള്ള പുരുഷന്റെ ശാരീരികവും മാനസികവുമായ ആക്രമണങ്ങള്‍ വികലമായ മനോനിലയുടെയും സംസ്‌കാരത്തിന്റെയും സൂചനകളാണെന്ന് ചലച്ചിത്ര താരം മഞ്ജു വാര്യര്‍.
തൃശൂര്‍ സ്വദേശിനിയായ യുവനടിയെ തട്ടികൊണ്ടുപോയി ഉപദ്രവിച്ച സംഭവത്തിന്റെ പ്രതികരണമായുള്ള ഫേസ് ബുക്ക് പോസ്റ്റിലാണ് മഞ്ജുവാര്യര്‍ ഇങ്ങനെ അഭിപ്രായപ്പെട്ടത്. കേവലം പ്രസംഗങ്ങളില്‍ ഉയര്‍ത്തിപ്പിടിക്കേണ്ടതല്ല സ്ത്രീത്വത്തിന്റെ അഭിമാനം. അത് ചോദിച്ചോ, കെഞ്ചി കരഞ്ഞോ വാങ്ങേണ്ടതുമല്ല. പുരുഷനു താന്‍ കൊടുക്കുന്ന ബഹുമാനം തിരിച്ചു കിട്ടാന്‍ സ്ത്രീക്ക് അവകാശമുണ്ട്. വീടിനകത്തും പുറത്തും ആ പരസ്പര ബഹുമാനം ഒരു സംസ്‌കാരമായി തീരണം. അപ്പോഴേ പുരുഷന്‍ വേട്ടക്കാരനും സ്ത്രീ ഇരയുമാകുന്ന പതിവ് അവസാനിക്കൂ. സൗമ്യയും ജിഷയുമുണ്ടായപ്പോള്‍ നമ്മള്‍ അടച്ചുറപ്പില്ലാത്ത തീവണ്ടി മുറികളെയും വീടുകളെയും കുറിച്ചു വിലപിച്ചു. പക്ഷേ ഇപ്പോള്‍ യുവനടി അക്രമിക്കപ്പെട്ടത് ഒരു വാഹനത്തില്‍ ആള്‍ത്തിരക്കുള്ള ദേശീയപാതയിലൂടെ സഞ്ചരിക്കുമ്പോഴാണ്. അപ്പോള്‍ അടച്ചുറപ്പു വേണ്ടത് മനോനിലയ്ക്കാണ്. ഓരോ തവണയും ഇതുണ്ടാകുമ്പോള്‍ നമ്മള്‍ പരാതി പറഞ്ഞും ഹാഷ് ടാഗുകള്‍ സൃഷ്ടിച്ചും കുറച്ചു ദിവസങ്ങള്‍ കൊണ്ടാടും. പക്ഷേ അതിനപ്പുറം ഈ മഹാവിപത്തിന് ഒരവസാനം വേണ്ടേയെന്നും ഒരു തിരുത്തിനുള്ള പോരാട്ടമല്ലേ ആവശ്യമെന്നും ചോദിക്കുന്ന മഞ്ജു വാര്യര്‍ ഇത്തരം പോരാട്ടങ്ങള്‍ക്ക് താന്‍ മുന്നിലുണ്ടാകുമെന്നും ഫേസ് ബുക്ക് പോസ്റ്റില്‍ പറയുന്നു.
തൃശൂര്‍ യുവനടിക്ക് നേരെയുണ്ടായ അക്രമം ദൗര്‍ഭാഗ്യകരമെന്ന് ചലച്ചിത്ര താരം പത്മശ്രീ മോഹന്‍ലാല്‍ പ്രതികരിച്ചു.
അക്രമികളെ മനുഷ്യനായി കണക്കാക്കാനാകില്ല. മെഴുകുതിരി കത്തിച്ചുള്ള ഐക്യദാര്‍ഢ്യമല്ല വേണ്ടത്. നിയമം കര്‍ശനമാക്കുകയാണ് വേണ്ടത്. കുറ്റക്കാരനെ മാതൃകാപരമായി ശിക്ഷിക്കണമെന്നും മോഹന്‍ലാല്‍ ഫെയ്‌സ്ബുക്ക് പോസ്റ്റില്‍ ആവശ്യപ്പെട്ടു. നടീനടന്‍മാരായ പ്രിഥ്വിരാജ്, ദുല്‍ക്കര്‍ സല്‍മാന്‍, ലാല്‍, ഭാമ, ഗീതുമോഹന്‍ദാസ്, റീമ കല്ലിങ്കല്‍, സരയു, സംവിധായകരായ ആഷിക് അബു, മേജര്‍രവി, പ്രിയദര്‍ശന്‍ തുടങ്ങിയവരും ഫെയ്‌സ്ബുക്കിലൂടെ സംഭവത്തില്‍ രൂക്ഷമായി പ്രതികരിച്ചിട്ടുണ്ട്.
തൃശൂര്‍ കലാഭവന്‍ മണിയുടെ മരണവുമായി ബന്ധപ്പെട്ട അന്വേഷണം പോലീസ് അവസാനിപ്പിക്കാനൊരുങ്ങുന്നു.
കൂടുതല്‍ ശാസ്ത്രീയ തെളിവുകള്‍ കണ്ടെത്താന്‍ സാധിക്കാത്ത സാഹചര്യത്തിലാണ് കേസന്വേഷണം അവസാനിപ്പിക്കുന്നത്. മണിയുടെ മരണവുമായി ബന്ധപ്പെട്ട് പ്രാഥമിക പരിശോധനയില്‍ ലഭിച്ചതിനേക്കാള്‍ കൂടുതല്‍ തെളിവുകള്‍ ഇന്നു പോലീസിനു ലഭിച്ചിട്ടില്ല. മണിയുടെ ആന്തരികാവയവങ്ങള്‍ പോലീസ് പരിശോധിക്കുകയും 6 പേരെ നുണ പരിശോധനയ്ക്ക് വിധേയമാക്കുകയും ചെയ്തിരുന്നു. എന്നാല്‍ നിര്‍ണായകമായ തെളിവൊന്നും അന്വേഷണ സംഘത്തിന് ലഭിച്ചില്ല. കേസ് സി.ബി.ഐ ഏറ്റെടുക്കണമെന്ന് സംസ്ഥാന സര്‍ക്കാര്‍ നേരത്തെ ആവശ്യപ്പെട്ടിരുന്നു. എന്നാല്‍ കേസില്‍ അന്വേഷണത്തിന്റെ സാഹചര്യമില്ലെന്ന നിലപാടാണ് സി.ബി.ഐ സ്വീകരിച്ചിരിക്കുന്നത്.
തൃശൂര്‍ കാസര്‍കോഡ് പെരുമ്പട്ട താഴത്തിടം ശ്രീ പാടാര്‍കുളങ്ങര ഭഗവതി ക്ഷേത്രത്തിലെ കളിയാട്ട മഹോത്സവത്തിന്റെ ഭാഗമായി ഏര്‍പ്പെടുത്തിയ മാനവ മൈത്രി പുരസ്‌കാരം വ്യവസായ പ്രമുഖന്‍ പത്മശ്രീ ഡോ.ടി.എ.സുന്ദര്‍മേനോന് സമ്മാനിച്ചു.
സംയുക്ത ജമായത്ത് കമ്മിറ്റി പ്രസിഡന്റ് സയ്യിദ് പൂക്കോയ തങ്ങളും സ്വാമി ഹരിദാസ് ജയാനന്ദ ഉഡുപ്പിയും ചേര്‍ന്നാണ് സുന്ദര്‍മേനോന് പുരസ്‌കാരം സമ്മാനിച്ചത്. മതങ്ങള്‍ക്കതീതമായി എല്ലാ മനുഷ്യരും ഒറ്റക്കെട്ടായി ജീവിക്കണമെന്നും മതമൈത്രിയോടെ കഴിയുന്ന പെരുമ്പട ഗ്രാമം മാതൃകയാണെന്നും ടി.എ.സുന്ദര്‍മേനോന്‍ അഭിപ്രായപ്പെട്ടു. ഗ്രാമപഞ്ചായത്ത് പ്രസിഡന്റുമാരായ കെ.ശകുന്തള, പ്രസീതരാജന്‍, ഗ്രാമപഞ്ചായത്തംഗം പി.സുകുമാരന്‍, പാറമേക്കാവ് ദേവസ്വം വൈസ് പ്രസിഡന്റ് വി.എം.ശശി, ജസ്റ്റിസ് വി.ആര്‍.കൃഷ്ണയ്യര്‍ ലോ ഫൗണ്ടേഷന്‍ ഓഫ് ഇന്ത്യ വൈസ് ചെയര്‍മാന്‍ ഷാജി തലവില്‍, ആഘോഷ കമ്മിറ്റി ജനറല്‍ കണ്‍വീനര്‍ കെ.വി.ശശികുമാര്‍, ചെയര്‍മാന്‍ എം.സി.സലാം , അബ്ജുള്‍ ലത്തീഫ്, പി.വി.ബാലകൃഷ്ണന്‍ എന്നിവര്‍ സംസാരിച്ചു.
കുന്നംകുളം ജലക്ഷാമം രൂക്ഷമാകുന്ന സാഹചര്യത്തില്‍ മേയ് 31 വരെ സംസ്ഥാനത്ത് കുഴല്‍ക്കിണര്‍ നിര്‍മ്മാണത്തിന് നിരോധനം ഏര്‍പ്പെടുത്താന്‍ ഭൂഗര്‍ഭ ജലവകുപ്പിന്റെ നിര്‍ദേശം ലഭിച്ചതായി മന്ത്രി എ സി മൊയ്തീന്‍ പറഞ്ഞു.
കാട്ടകാമ്പാല്‍ നമ്പടിപറമ്പ് കുടിവെള്ള പദ്ധതി ഉദ്ഘാടനം ചെയ്തു സംസാരിക്കുകയായിരുന്നു മന്ത്രി. കുഴല്‍ക്കിണറുകളില്‍ നിന്ന് വെള്ളമെടുത്ത് വില്പന നടത്തുന്ന സ്വകാര്യവ്യക്തികളെയും ഏജന്‍സികളെയും നിയന്ത്രിക്കും. ദുരന്തനിവാരണ നിയമപ്രകാരം ആവശ്യമെങ്കില്‍ ഇത്തരം കുഴല്‍ക്കിണറുകള്‍ പിടിച്ചെടുക്കാനും വരള്‍ച്ച രൂക്ഷമായ പ്രദേശങ്ങളിലേക്ക് ഇവിടെ നിന്ന് വെള്ളം വിതരണം ചെയ്യാനും കളക്ടര്‍മാര്‍ക്ക് നല്കിയ സര്‍ക്കുലറില്‍ വ്യക്തമാക്കുന്നുണ്ട്. മഴവെള്ളം സംഭരിച്ചു കുടിവെള്ള ക്ഷാമം പരിഹരിക്കാനായി ശ്രമിക്കണമെന്നും കിണര്‍ റീചാര്‍ജ്ജിങ് പോലെയുള്ള പ്രവര്‍ത്തനങ്ങള്‍ നടപ്പിലാക്കണമെന്നും മന്ത്രി കൂട്ടിച്ചേര്‍ത്തു. ചൊവ്വന്നൂര്‍ ബ്ലോക്ക് പഞ്ചായത്ത് ജനകീയാസൂത്രണ പദ്ധതിയില്‍ ഉള്‍പ്പെടുത്തി ആറു ലക്ഷം രൂപ ചെലവഴിച്ചാണ് പദ്ധതി നടപ്പിലാക്കിയിട്ടുള്ളത്. ചൊവ്വന്നൂര്‍ ബ്ലോക്ക് പഞ്ചായത്ത് വൈസ് പ്രസിഡണ്ട് ഉഷ പ്രഭുകുമാര്‍ അധ്യക്ഷയായിരുന്നു. കാട്ടകാമ്പാല്‍ പഞ്ചായത്ത് പ്രസിഡണ്ട് സി.കെ.സദാനന്ദന്‍ മുഖ്യാതിഥിയായി. എം.വി.പ്രശാന്ത്, സിജി പീറ്റര്‍, പി.കെ.കൗസല്യ എന്നിവര്‍ സംസാരിച്ചു
പുതുക്കാട് വരന്തരപ്പിളളി വേലൂപ്പാടത്ത് യുവാവിനെ നഗ്‌നനാക്കി മര്‍ദിച്ച സംഭവത്തില്‍ പ്രതികള്‍ക്കായി തിരച്ചില്‍ വ്യാപകമാക്കി.
പ്രതികള്‍ വിദേശത്തേക്ക് കടക്കാനുള്ള സാധ്യത കണക്കിലെടുത്ത് വിമാനത്താവളങ്ങളില്‍ ലുക്കൗട്ട് നോട്ടീസും നല്‍കിയിട്ടുണ്ട്. അക്രമികള്‍ ആറു പേരുണ്ടായിരുന്നുവെന്ന് പരിക്കേറ്റ വേലൂപ്പാടം മഠം സ്വദേശി ചാത്തഞ്ചിറ മുഹമ്മദ് ആഷിഫ് പോലിസിനോട് പറഞ്ഞു. പാലക്കാട്, മലപ്പുറം ജില്ലകളിലാണ് അന്വേഷണം നടക്കുന്നത്. കഴിഞ്ഞ ഞായറാഴ്ച രാത്രിയാണ് ആഷിഫിന് മര്‍ദനമേറ്റത്. തന്റെ ജീവന് ഭീഷണിയുണ്ടെന്ന് കാണിച്ച് ആഷിഫ് മനുഷ്യാവകാശ കമ്മീഷനും പരാതി നല്‍കിയിട്ടുണ്ട്.
അന്തിക്കാട് അന്തിക്കാട് കെ.ജി.എം.എല്‍.പി. സ്‌കൂളിലെ 116-ാമത് വാര്‍ഷിക ആഘോഷം കൃഷിമന്ത്രി അഡ്വ.വി.എസ്.സുനില്‍കുമാര്‍ ഉദ്ഘാടനം ചെയ്തു.
ഹരിത കേരളത്തിന്റെ ലക്ഷ്യം വെള്ളത്തിന്റെ സമൃദ്ധി തിരിച്ച് കൊണ്ട് വരിക എന്നതാണെന്ന് കൃഷിമന്ത്രി പറഞ്ഞു. അന്തിക്കാട് ഗ്രാമപഞ്ചായത്ത് പ്രസിഡന്റ് കെ.എം.കിഷോര്‍ കുമാര്‍ അദ്ധ്യക്ഷത വഹിച്ചു. മികച്ച വിദ്യാര്‍ത്ഥികള്‍ക്കുള്ള ഉപഹാരങ്ങള്‍ വൈസ് പ്രസിഡന്റ് ജ്യോതിരാമനും എന്റോവ്‌മെന്റ് വിതരണം ബ്ലോക്ക് പഞ്ചായത്തംഗം മേനുജാ പ്രതാപനും നിര്‍വ്വഹിച്ചു. ചടങ്ങില്‍ വിദ്യഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍ എ.ബി.ബാബു, പി.ടി.എ.പ്രസിഡന്റ് ഗോകുല്‍ കരിപ്പിള്ളി, പ്രധാന അധ്യാപകന്‍ ജോഷി ഡി കൊള്ളന്നൂര്‍, ജോസ് വള്ളൂര്‍ തുടങ്ങിയവര്‍ സംസാരിച്ചു.
തൃശൂര്‍ അയ്യന്തോള്‍ പേള്‍ പാര്‍ക്ക് റസിഡന്റ്‌സ് അസോസിയേഷന്റെ നേതൃത്വത്തില്‍ പ്ലാസ്റ്റിക് നിര്‍മ്മാര്‍ജന യജ്ഞം നടത്തി.
കോര്‍പ്പറേഷന്‍ കൗണ്‍സിലര്‍ എ.പ്രസാദ് ഉദ്ഘാടനം ചെയ്തു. റസിഡന്റ് അസോസിയേഷന്‍ പ്രസിഡന്റ് ഷാജകുമാര്‍, സെക്രട്ടറി മധുസൂദനന്‍, അഡ്വ. ബൂണി സന്തോഷ് എന്നിവര്‍ നേതൃത്വം നല്‍കി.
തൃശൂര്‍ എന്‍.ജി.ഒ യൂണിയന്‍ ജില്ലാ സമ്മേളനത്തിന്റെ ഭാഗമായുള്ള പ്രതിനിധി സമ്മേളനം തൃശൂരില്‍ നടന്നു.
മന്ത്രി പ്രൊഫ.സി.രവീന്ദ്രനാഥ് 'ഇടതുപക്ഷ ബദലിന്റെ പ്രസക്തി എന്ന വിഷയത്തില്‍ പ്രഭാഷണം നടത്തി. യൂണിയന്‍ സംസ്ഥാന പ്രസിഡന്റ് പി.എച്ച്.എം. ഇസ്മയില്‍, പി.എസ്.നാരായണന്‍ കുട്ടി, ടി.ബി.ഹുസൈന്‍ഖാന്‍, പി.ജോയ്, കെ.എല്‍.ജോസ്, ഹാജിറ തുടങ്ങിയവര്‍ സംസാരിച്ചു. പ്രതിനിധി സമ്മേളനത്തിന് ശേഷം സൗഹൃദ സമ്മേളനവും നടന്നു. സമ്മേളനത്തിന്റെ ഭാഗമായി നാളെ വൈകീട്ട് നഗരത്തില്‍ പ്രകടനം നടക്കും. തെക്കേഗോപുരനടയില്‍ നടക്കുന്ന പൊതുസമ്മേളനം മന്ത്രി എ.സി.മൊയ്തിന്‍ ഉദ്ഘാടനം ചെയ്യും.
തൃപ്രയാര്‍ പെരിങ്ങോട്ടുകര ആവണേങ്ങാട്ടില്‍ കളരി ശ്രീവിഷ്ണുമായ ക്ഷേത്രത്തില്‍ വെള്ളാട്ട് മഹോത്സവത്തിന് ഭക്തിനിര്‍ഭരമായ തുടക്കം.
നൂറ് കണക്കിന് ഭക്തരാണ് വെള്ളാട്ട് മഹോത്സവത്തിന്റെ് ആദ്യ ദിനത്തില്‍ എത്തിയത്. ക്ഷേത്രം മഠാധിപതി അഡ്വ.് എ.യു.രഘുരാമ പണിക്കരുടെ മുഖ്യകാര്‍മികത്വത്തില്‍ ചടങ്ങുകള്‍ നടന്നു. പല്ലശന മാധവന്‍കുട്ടിയുടെ നേതൃത്വത്തില്‍ ഇരട്ട തായമ്പകയും തുടര്‍ന്ന് പഞ്ചരത്‌നകീര്‍ത്തനാലാപനവും നടന്നു. ശ്രീവിഷ്ണുമായാ മാഹാത്മ്യം കഥയെ ആസ്പദമാക്കി മുരിയാട് മുരളിധരന്‍ അവതരിപ്പിച്ച ഓട്ടന്‍തുള്ളല്‍ അരങ്ങേറി. ദീപാരാധനക്ക് ശേഷം അടിയന്തിര കേളി, തായമ്പക, കാവടിയാട്ടം എന്നിവ നടന്നു. പഞ്ചവാദ്യത്തിന്റെ അകമ്പടിയോടെ വിഷ്ണുമായാ സ്വാമി എഴുന്നള്ളി. കല്ലാറ്റ് സത്യനാരായണനും, കലൂര്‍ ഗോപിനാഥനും പഞ്ചവാദ്യത്തിന് നേതൃത്വം നല്കി. പച്ചപ്പട്ടുക്കുട ചൂടി തീവെട്ടി പ്രഭയിലാണ് വിഷ്ണുമായാ സ്വാമി എഴുന്നള്ളിയത്. വിഷ്ണുമായാസ്വാമിക്ക് മുമ്പില്‍ കുട്ടികള്‍ നൃത്ത രൂപങ്ങള്‍ അവതരിപ്പിച്ചു. എഴുന്നള്ളിപ്പിന് ശേഷം ഇല്ലം കലാകേന്ദ്രത്തിലെ എളവൂര്‍ അനില്‍ അവതരിപ്പിച്ച ശ്രീവിഷ്ണുമായാചരിതം ചാക്യാര്‍കൂത്ത് അരങ്ങേറി. മഹോത്സവത്തിന്റെ രണ്ടാം ദിവസമായ ഇന്ന് വൈകീട്ട് കൈക്കൊട്ടിക്കളി, മോഹിനിയാട്ടം തുടങ്ങിയ വിവിധ കലാപരിപാടികള്‍ അരങ്ങേറും. രാത്രി പഞ്ചാരിമേളത്തിന്റെ അകമ്പടിയോടെ വിഷ്ണുമായ സ്വാമി എഴുന്നള്ളും. എഴുന്നള്ളിപ്പിന് ശേഷം ഡ്യൂയറ്റ് കുച്ചിപ്പുടി അരങ്ങേറും. ബാലെ, തിരുവാതിരക്കളി, നാടന്‍പാട്ട്, ശാസ്ത്രീയ സംഗീതം തുടങ്ങിയ ഒട്ടേറെ കലാപരിപാടികള്‍ സംഘടിപ്പിച്ചിട്ടുണ്ട്.
കുന്നംകുളം സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ സംഘടിപ്പിക്കുന്ന ഇസ്ലാമിക് കലാമേളയുടെ കുന്നംകുളം മേഖലാതല മത്സരം കരിക്കാട് നടന്നു.
ഇല്‍യാസ് ഫൈസി ഉദ്ഘാടനം ചെയ്തു. വി മൊയ്തീന്‍ കുട്ടി മുസ്ലിയാര്‍ അധ്യക്ഷത വഹിച്ചു. അബൂബക്കര്‍ മുസ്ലിയാര്‍, സുലൈമാന്‍ ദാരിമി, മുഹമ്മദലി ലത്തീഫി തുടങ്ങിയവര്‍ സംസാരിച്ചു.
ഇരിങ്ങാലക്കുട കാട്ടൂര്‍ പഞ്ചായത്തിലെ തകര്‍ന്ന റോഡുകള്‍ ടാര്‍ ചെയ്യാത്തതില്‍ പ്രതിഷേധിച്ച് ബി.ജെ.പി പ്രവര്‍ത്തകര്‍ പ്രക്ഷോഭ പരിപാടികള്‍ ആരംഭിച്ചു.
ഇതിന്റെ ഭാഗമായി കാട്ടൂര്‍ ഇരിങ്ങാലക്കുട തൃപ്രയാര്‍ റോഡിലെ ഗവണ്‍മെന്റ് സ്‌കൂളിനു സമീപം തകര്‍ന്ന റോഡില്‍ യുവമോര്‍ച്ച പ്രവര്‍ത്തകര്‍ റീത്ത് സമര്‍പ്പിച്ചു. ബി.ജെ.പി നിയോജകമണ്ഡലം പ്രസിഡന്റ് ടി.എസ്.സുനില്‍കുമാര്‍ ഉദ്ഘാടനം ചെയ്തു. യുവമോര്‍ച്ച കാട്ടൂര്‍ മണ്ഡലം പ്രസിഡന്റ് ഷിജില്‍ അധ്യക്ഷനായിരുന്നു. എം.എ.സനി, സ്പാനിഷ് തുടങ്ങിയവര്‍ സംസാരിച്ചു.
വടക്കാഞ്ചേരി ഉത്രാളിക്കാവ് പൂരം എക്‌സിബിഷനിലെ വ്യത്യസ്തമാര്‍ന്ന പവലിയനുകളും സാംസ്‌കാരിക പരിപാടികളും ജനശ്രദ്ധ ആകര്‍ഷിക്കുന്നു.
റോബോട്ടിക് അനിമല്‍സ് പവലിയനുകള്‍ കുട്ടികള്‍ക്ക് വിസ്മയമാണ് പകരുന്നത്. സാംസ്‌കാരിക പരിപാടികളുടെ ഭാഗമായി കഴിഞ്ഞ ദിവസം മണലൂര്‍ ഗോപിനാഥ് അവതരിപ്പിച്ച ഓട്ടന്‍തുള്ളലും ആറങ്ങോട്ടുകര കലാപാഠശാലയുടെ നാടകവും ഉണ്ടായിരുന്നു. ഇന്ന് വൈകീട്ട് 7.30ന് സിനിമാതാരം രചന നാരായണന്‍കുട്ടിയുടെ കുച്ചിപ്പുഡി ഉണ്ടാകും. കെ.എസ്.ഇ.ബി, വ്യവസായ വകുപ്പ്, സ്റ്റുഡന്റ് പോലീസ്, എക്‌സൈസ് എന്നിവയുടെ പവലിയനുകളും ജനശ്രദ്ധ ആകര്‍ഷിക്കുന്നവയാണ്. മാര്‍ച്ച് ഒന്നുവരെയാണ് അഖിലേന്ത്യ പ്രദര്‍ശനം.
ചേലക്കര തിരുവില്വാമല ശ്രീ വില്വാദ്രിനാഥ ക്ഷേത്രത്തിലെ ഏകാദശി മഹോത്സവത്തോടനുബന്ധിച്ചുള്ള അഷ്ടമി വിളക്ക് ആഘോഷത്തിന് തുടക്കമായി.
മേളത്തിന്റെ അകമ്പടിയോടെ ശീവേലി എഴുന്നളിപ്പും, ക്ഷേത്രം തന്ത്രി കുന്നത്തൂര്‍ പടിഞ്ഞാറേടത്ത് വിഷ്ണു ഭട്ടതിരിപ്പാടിന്റെയും, ഉണ്ണി ഭട്ടതിരിപ്പാടിന്റെയും മുഖ്യകാര്‍മികത്വത്തില്‍ കളഭാഭിഷേകവും നടന്നു. ഉച്ചപൂജ, ശീവേലി, അന്നദാനം എന്നിവയും ഉണ്ടായി . അന്നദാനത്തില്‍ നിരവധി ഭക്തജനങ്ങള്‍ പങ്കെടുത്തു. വൈകീട്ട് അക്ഷരശ്ലോകം, വിളക്ക് വെപ്പ്, ദീപാരാധന, നാഗസ്വരം, നൃത്തസന്ധ്യ, സ്‌പെഷ്യല്‍ കേളി എന്നിവ നടക്കും. വ്യാഴാഴ്ച വരെയാണ് ക്ഷേത്രത്തില്‍ ഏകാദശി മഹോത്സവം ആഘോഷിക്കുന്നത്.
വടക്കാഞ്ചേരി ഓള്‍ കേരള ഫോട്ടോഗ്രാഫേഴ്‌സ് അസോസിയേഷന്‍ വടക്കാഞ്ചേരി മേഖലയുടെ നേതൃത്വത്തില്‍ ഉത്സവക്കാഴ്ചകള്‍ എന്ന വിഷയത്തില്‍ സംസ്ഥാന തല ജനകീയ ഫോട്ടോഗ്രാഫി മത്സരം - 2017 നടത്തുമെന്ന് ഭാരവാഹികള്‍ അറിയിച്ചു.
എന്‍ട്രികള്‍ അയക്കേണ്ട അവസാന തിയതി മാര്‍ച്ച് 3 ആണ്. കുറ്റിയങ്കാവ്, മച്ചാട് മാമാങ്കം, ഉത്രാളിക്കാവ് എന്നീ ഉത്സവങ്ങളുടെ ചിത്രങ്ങളാണ് മത്സരത്തില്‍ പരിഗണിക്കുന്നത്. വാര്‍ത്താസമ്മേളനത്തില്‍ എം.എച്ച്.ഹരീഷ്, മേഖലാ പ്രസിഡന്റ് രാഹുല്‍ കല്ലംപാറ, ഫ്രാന്‍സീസ് ചെമ്പരത്തി, സിജോ എന്നിവര്‍ പങ്കെടുത്തു.
കുന്നംകുളം കുന്നംകുളം സെന്റ് സെബാസ്റ്റ്യന്‍ ദേവാലയത്തിലെ തിരുനാളിനോടനുബന്ധിച്ചു ജീവകാരുണ്യപ്രവര്‍ത്തനങ്ങളുടെ ഭാഗമായി രക്തദാന മെഡിക്കല്‍ ക്യാമ്പു നടത്തി.
വികാരി ഫാ. ബിജു ജോസഫ് ആലപ്പാട് രക്ത ദാനം നടത്തി ക്യാമ്പ് ഉദ്ഘാടനം ചെയ്തു. സി.ഒ ആന്റണി, എം.എല്‍ സുനില്‍, വി.സി ജോസി എന്നിവര്‍ സംസാരിച്ചു. കത്തോലിക്കാ കോണ്‍ഗ്രസ് കുന്നംകുളം യൂണിറ്റിന്റെ നേതൃത്വത്തില്‍ ഐ.എം.എയുടെ സഹകരണത്തോടെയാണ് ക്യാമ്പ് നടത്തിയത്.
അന്തിക്കാട് അന്തിക്കാട് കാറും ബൈക്കും കൂട്ടിയിടിച്ചുണ്ടായ അപകടത്തില്‍ പരിക്കേറ്റ വിദ്യാര്‍ത്ഥി അപകടനില തരണം ചെയ്തതായി ആശുപത്രി അധികൃതര്‍ അറിയിച്ചു.
അന്തിക്കാട് ആലിന് കിഴക്ക് ചിരിയങ്കണ്ടത്ത് തോമസിന്റെ മകന്‍ ശ്യാംതോമസാണ് പരിക്കുകളോടെ തൃശ്ശൂര്‍ ദയ ആശുപത്രിയില്‍ ചികിത്സയിലുള്ളത്. അപകടത്തില്‍ ശ്യാം തോമസിന്റെ അനുജന്‍ 15 വയസ്സുള്ള സെബാസ്റ്റന്‍ ഇന്നലെ രാത്രി മരിച്ചിരുന്നു. അന്തിക്കാട് ഹൈസ്‌കൂളിലെ പത്താം ക്ലാസ്സ് വിദ്യാര്‍ത്ഥിയാണ് സെബാസ്റ്റ്യന്‍. അന്തിക്കാട് പേരാന്‍ മാര്‍ക്കറ്റിന് സമീപമായിരുന്നു അപകടം. സഹോദരങ്ങള്‍ സഞ്ചരിച്ചിരുന്ന ബൈക്ക് മറ്റൊരു വാഹനത്തെ മറികടക്കുന്നതിനിടെ കാഞ്ഞാണി ഭാഗത്ത് നിന്ന് വന്നിരുന്ന കാറില്‍ ഇടിക്കുകയായിരുന്നു. ഇടിയുടെ ആഘാതത്തില്‍ ബൈക്കില്‍ നിന്ന് തെറിച്ച് വീണ ഇരുവരെയും നാട്ടുകാര്‍ ഒളരിയിലെ മദര്‍ ആശുപത്രിയിലും പിന്നീട് തൃശൂര്‍ ദയ ആശുപത്രിയിലുമെത്തിച്ചെങ്കിലും തലയ്ക്ക് ഗുരുതരമായി പരിക്കേറ്റ സെബാസ്റ്റ്യന്റെ ജീവന്‍ രക്ഷിക്കാനായില്ല. ശ്യാം തോമസാണ് ബൈക്ക് ഓടിച്ചിരുന്നത്. ശ്യാം തോമസും അന്തിക്കാട് സ്‌കൂളിലെ പത്താം ക്ലാസ്സ് വിദ്യാര്‍ത്ഥിയാണ്.
കൊടുങ്ങല്ലൂര്‍ കേരള ക്ഷേത്ര സംരക്ഷണ സമിതി ജില്ലാ കമ്മറ്റി വിദ്യാര്‍ത്ഥികള്‍ക്കായി കൊടുങ്ങല്ലൂരില്‍ സംഘടിപ്പിച്ച വിദ്യാഗോപാലമന്ത്രാര്‍ച്ചനയിലും ദോഷപരിഹാര യജ്ഞത്തിലും ആയിരങ്ങള്‍ പങ്കെടുത്തു.
ചലച്ചിത്ര താരവും എം.പി.യുമായ സുരേഷ് ഗോപി ചടങ്ങ് ഉദ്ഘാടനം ചെയ്തു. ശ്രീ കുരുംബ ഭഗവതി ക്ഷേത്രാങ്കണത്തില്‍ പ്രത്യേകം തയ്യാറാക്കിയ യജ്ഞശാലയില്‍ നടന്ന മന്ത്രാര്‍ച്ചനയില്‍ പ്രസന്നന്‍ അടികള്‍ മുഖ്യ കാര്‍മ്മികത്വം വഹിച്ചു. തപസ്യ സംസ്ഥാന സംഘടനാ സെക്രട്ടറി പി.ഉണ്ണികൃഷ്ണന്‍ പ്രഭാഷണം നടത്തി. ക്ഷേത്ര സംരക്ഷണ സമിതി സംസ്ഥാന പ്രസിഡന്റ് പ്രൊഫ. പി.എം.ഗോപി, ദേവസ്വം അസിസ്റ്റന്റ് കമ്മീഷണര്‍ വിദ്യാസാഗര്‍, ഡോ.എം.ലക്ഷ്മി കുമാരി എന്നിവര്‍ സംസാരിച്ചു.
എരുമപ്പെട്ടി കടങ്ങോട് പഞ്ചായത്തിലെ ആദൂര്‍ ആരോഗ്യ ഉപകേന്ദ്രത്തിന്റെ ശോചനീയാവസ്ഥ പരിഹരിക്കണമെന്നാവശ്യപ്പെട്ട് കോണ്‍ഗ്രസ് പ്രവര്‍ത്തര്‍ മാര്‍ച്ച് നടത്തി.
അധികൃതരുടെ അനാസ്ഥയില്‍ റീത്ത് സമര്‍പ്പിച്ച് പ്രവര്‍ത്തകര്‍ പ്രതിഷേധിക്കുകയും ചെയ്തു. ആശുപത്രി കെട്ടിടത്തിന്റെ അറ്റകുറ്റപ്പണി നടത്തുന്നതിനായി എം.എല്‍.എയായിരുന്ന ബാബു എം.പാലിശ്ശേരിയുടെ ഫണ്ടില്‍ നിന്നു രണ്ട് വര്‍ഷം മുമ്പ് 30 ലക്ഷം രൂപ അനുവദിച്ചിട്ടുണ്ട് എന്ന് പ്രഖ്യാപിച്ചിരുന്നെങ്കിലും നിര്‍മ്മാണ പ്രവര്‍ത്തനങ്ങള്‍ ഒന്നും നടത്തിയിട്ടില്ലെന്ന് കോണ്‍ഗ്രസ് ആരോപിച്ചു. സാധാരണ ജനങ്ങള്‍ക്ക് ആശ്രയമായിരുന്ന ആരോഗ്യ കേന്ദ്രം വര്‍ഷങ്ങളായി അടഞ്ഞ് കിടക്കുകയാണെന്ന് പ്രവര്‍ത്തകര്‍ ചൂണ്ടിക്കാട്ടി. പ്രതിഷേധമാര്‍ച്ചിന് ശേഷം നടന്ന ധര്‍ണ ഡി.സി.സി സെക്രട്ടറി വി.കെ.രഘുസ്വാമി ഉദ്ഘാടനം ചെയ്തു. ബൂത്ത് പ്രസിഡന്റ് കെ.അബ്ദുട്ടി അധ്യക്ഷനായി. ഡി.സി.സി സെക്രട്ടറിമാരായ ടി.കെ.ശിവശങ്കരന്‍, ഇട്ടിമാത്യു, മണ്ഡലം പ്രസിഡന്റ് ഒ.എസ്.വാസുദേവന്‍, എം.പി.റഫീക്ക് തങ്ങള്‍ തുടങ്ങിയവര്‍ സംസാരിച്ചു.
കൊടുങ്ങല്ലൂര്‍ വേനലില്‍ ജലസംരക്ഷണത്തിന്റെ ആവശ്യകത ഓര്‍മ്മപ്പെടുത്തിയും വഴിയാത്രക്കാര്‍ക്ക് ദാഹജലമൊരുക്കിയും അഴീക്കോട് കൊട്ടിക്കല്‍ രണ ചേതന ക്ലബ്ബ് തണ്ണീര്‍ പന്തല്‍ തുറന്നു.
ഇനിയുള്ള ദിവസങ്ങളില്‍ ഇവിടെ പാതയോരത്തെ തണ്ണീര്‍ പന്തലില്‍ കുടിവെള്ളമുണ്ടാകും. തണ്ണീര്‍ പന്തലിന്റെ ഉദ്ഘാടന ത്തോടനുബന്ധിച്ച് സംഭാരം വിതരണവും നടന്നു. പഞ്ചായത്തംഗം കെ.കെ.അനില്‍കുമാര്‍, ഷായി അയ്യാരില്‍, വി.ഐ.അഷറഫ് എന്നിവര്‍ നേതൃത്വം നല്‍കി
മാള പുത്തന്‍ചിറ ഗ്രാമ പഞ്ചായത്തിലെ പിണ്ടാണി വാര്‍ഡില്‍ നടക്കുന്ന ഉപതെരഞ്ഞെടുപ്പില്‍ ശക്തി തെളിയിക്കാന്‍ യു.ഡി.എഫും ബി.ജെ.പി.യും പോരാടുമ്പോള്‍ സീറ്റ് നിലനിര്‍ത്താനാണ് എല്‍.ഡി.എഫ്. പൊരുതുന്നത്.
പിണ്ടാണി വാര്‍ഡില്‍ നിന്ന് വിജയിച്ച സി.പി.ഐയിലെ മോഹനന്‍ മരിച്ചതിനെ തുടര്‍ന്നാണ് ഉപതെരഞ്ഞെടുപ്പ്. എല്‍.ഡി.എഫിനും യു.ഡി.എഫിനും ഉപതെരഞ്ഞെടുപ്പ് ഏറെ നിര്‍ണ്ണായകമാണ്. ഇരു മുന്നണികള്‍ക്കും തുല്യ അംഗങ്ങള്‍ ഉണ്ടായിരുന്നപ്പോള്‍ സി.പി.എം. വിട്ട് സ്വതന്ത്രനായി മത്സരിച്ച് വിജയിച്ച കെ.സുജിത്ത്‌ലാല്‍ പ്രസിഡന്റ് സ്ഥാനത്ത് എത്തുകയായിരുന്നു. 14 അംഗ ഭരണ സമിതിയില്‍ ആറ് വീതം അംഗങ്ങള്‍ ഇരുപക്ഷത്തും ഉണ്ടായിരുന്നിട്ടും പ്രസിഡന്റ് സ്ഥാനം ലഭിച്ചില്ല. യു.ഡി.എഫിന് ആറും എല്‍.ഡി.എഫിന് യു.ഡി.എഫ്. വിമതന്‍ എം.പി.സോണി അടക്കം ആറ് പേരുടെ പിന്തുണയുമുണ്ടായിരുന്നു. തുടക്കത്തില്‍ എം.പി.സോണിയെ എല്‍.ഡി.എഫ്. പ്രസിഡന്റ് സ്ഥാനത്തെത്തിച്ചു. തുടര്‍ന്ന് അവിശ്വാസ പ്രമേയത്തിലൂടെ എം.പി.സോണിയെ യു.ഡി.എഫ്. പുറത്താക്കി പ്രതികാരം തീര്‍ത്തു. ഈ വിഷയത്തോടെ കോണ്‍ഗ്രസില്‍ കടുത്ത ചേരിതിരിവ് പ്രകടമായിരുന്നു. പഞ്ചായത്തംഗമായിരിക്കേ മരിച്ച മോഹനന്റെ മകന്‍ മഹേഷ് മോഹനനാണ് എല്‍.ഡി.എഫ്. സ്ഥാനാര്‍ത്ഥി. അതേസമയം കഴിഞ്ഞ തെരഞ്ഞെടുപ്പില്‍ 12 വോട്ടിന്റെ വ്യത്യാസത്തില്‍ പരാജയപ്പെട്ട ജനതാദള്‍-യുവിന്റെ പി.സി.ബാബു തന്നെയാണ് ഇത്തവണയും യു.ഡി.എഫ്.സ്ഥാനാര്‍ത്ഥി. ഇരുമുന്നണികള്‍ക്കും വെല്ലുവിളിയായി ബി.ജെ.പി.സ്ഥാനാര്‍ത്ഥി പ്രജീഷും മത്സരരംഗത്തുണ്ട്. വിജയിച്ചാല്‍ ഏഴ് അംഗങ്ങളുമായി തുല്യത പാലിച്ച് വിമതനായ എം.പി. സോണിയെ ഒപ്പം നിര്‍ത്തി ഭരണം പിടിക്കാനും യു.ഡി.എഫില്‍ നീക്കമുണ്ടാകുമെന്നാണ് സൂചന.
പുന്നയൂര്‍ക്കുളം പുന്നയൂര്‍ക്കുളം സഹൃദയനഗര്‍ റസിഡന്റ്‌സ് അസോസിയേഷന്‍ ജൈവ പച്ചക്കറി വിപണന ആഴ്ചച്ചന്ത സംഘിപ്പിച്ചു.
അസോസിയേഷനിലെ ഓരോ വീട്ടിലും തികച്ചും ജൈവ രീതിയില്‍ ഉല്‍പാദിപ്പിക്കുന്ന പച്ചക്കറികളാണ് ആഴ്ചച്ചന്തയില്‍ വിപണനം നടത്തുന്നത്. എല്ലാ ഞായറാഴ്ചയും രാവിലെ 7 മുതല്‍ 10 വരെയാണ് ചന്ത . ബ്ലോക്ക് പഞ്ചായത്ത് അംഗം ജസീറ നസീര്‍ ഉദ്ഘാടനം നിര്‍വ്വഹിച്ചു. സര്‍വ്വീസ് സഹകരണ ബാങ്ക് പ്രസിഡന്റ് പി.ഗോപാലന്‍ അദ്ധ്യക്ഷത വഹിച്ചു. ഡോ.നഹീല്‍, അബ്ദുല്‍ റഷീദ്, ബാബു പേരോത്ത് തുടങ്ങിയവര്‍ ചടങ്ങില്‍ പങ്കെടുത്തു.
കൊടുങ്ങല്ലൂര്‍ സംസ്ഥാന സര്‍ക്കാരിന്റെ സമ്പൂര്‍ണ പാര്‍പ്പിട സുരക്ഷാ പദ്ധതി -ലൈഫ്മിഷന്റെ ഗുണഭോക്തൃ സര്‍വേയുടെ നിയോജക മണ്ഡലതല ഉദ്ഘാടനം കൊടുങ്ങല്ലൂരില്‍ നടന്നു.
കടുംബശ്രീ രണ്ടാം നമ്പര്‍ സി.ഡി.എസിന്റെ ആഭിമുഖ്യത്തില്‍ മേത്തലയില്‍ നടന്ന ചടങ്ങില്‍ അഡ്വ: വി.ആര്‍.സുനില്‍കുമാര്‍ എം.എല്‍.എ ഉദ്ഘാടനം നിര്‍വഹിച്ചു. നഗരസഭാ ചെയര്‍മാന്‍ സി.സി.വിപിന്‍ ചന്ദ്രന്‍ അദ്ധ്യക്ഷത വഹിച്ചു. വൈസ് ചെയര്‍പേഴ്‌സണ്‍ ഷീല രാജ്കമല്‍, സ്റ്റാന്റിംഗ് കമ്മറ്റി അധ്യക്ഷരായ സി.കെ.രാമനാഥന്‍, തങ്കമണി സുബ്രഹ്മണ്യന്‍, കൗണ്‍സിലര്‍മാര്‍ തുടങ്ങിയവര്‍ സംസാരിച്ചു
പുന്നയൂര്‍ക്കുളം ഓള്‍ കേരള ടൈലേഴ്‌സ് അസോസിയേഷന്‍ ഗുരുവായൂര്‍ ഏരിയ കണ്‍വെന്‍ഷന്‍ ആല്‍ത്തറ രാമരാജ സ്‌കൂളില്‍ നടത്തി.
എ.കെ.ടി.എ സംസ്ഥാന കമ്മറ്റി അംഗം അമ്മിണി കുമാരന്‍ ഉദ്ഘാടനം നിര്‍വ്വഹിച്ചു. ടി.കെ. ജയപ്രകാശ് അദ്ധ്യക്ഷത വഹിച്ചു. എ.കെ. സുകുമാരന്‍, രാധിക, ഷൈമ രവീന്ദ്രന്‍, വിജയ കൃഷ്ണന്‍ തുടങ്ങിയവര്‍ സംസാരിച്ചു.
എരുമപ്പെട്ടി എരുമപ്പെട്ടി ലയണ്‍സ് ക്ലബ്ബിന്റെ നേതൃത്വത്തില്‍ എരുമപ്പെട്ടി സര്‍ക്കാര്‍ ആശുപത്രിയില്‍ സൗജന്യ നേത്ര പരിശോധന ക്യാമ്പ് സംഘടിപ്പിച്ചു.
ആശുപത്രി സൂപ്രണ്ട് ഡോ. ടോണി ആളൂര്‍ ഉദ്ഘാടനം ചെയ്തു. ലയണ്‍സ് ക്ലബ്ബ് പ്രസിഡന്റ് ജോണ്‍സന്‍ ചുങ്കത്ത് അധ്യക്ഷനായി. ഡോ.സുധീഷ്‌കുമാര്‍, കേണല്‍ റെജീന ജെയിംസ്, കെ.ശങ്കരന്‍കുട്ടി എന്നിവര്‍ സംസാരിച്ചു. ക്യാമ്പില്‍ നിന്ന് തെരഞ്ഞെടുക്കുന്ന 30 രോഗികള്‍ക്കുള്ള ശസ്ത്രക്രിയയ്ക്കുള്ള ചിലവ് ലയണ്‍സ് ക്ലബ്ബ് വഹിക്കും.
ചേലക്കര ഹെഡ്‌ലോഡ് ആന്റ് ജനറല്‍ വര്‍ക്കേഴ്‌സ് യൂണിയന്‍- സി.ഐ.ടി.യു ചേലക്കര ഏരിയ സമ്മേളനം പങ്ങാരപ്പിള്ളി വള്ളിക്കുന്നത്ത് കല്യാണമണ്ഡപത്തില്‍ നടന്നു.
സി.പി.എം.ഏരിയ കമ്മിറ്റി അംഗം ഇ.എന്‍. വാസുദേവന്‍ ഉദ്ഘാടനം ചെയ്തു. യൂണിയന്‍ പ്രസിഡന്റ് എന്‍.എം.ശ്രീനിവാസന്‍ അധ്യക്ഷനായിരുന്നു. യൂണിയന്‍ സെക്രട്ടറി കെ.കെ. മുരളീധരന്‍, സി.പി.എം. ഏരിയ കമ്മിറ്റി സെക്രട്ടറി പി.എ. ബാബു, കെ. നന്ദകുമാര്‍ തുടങ്ങിയവര്‍ സംസാരിച്ചു.
തൃശൂര്‍ ഈ നിലയ്ക്ക് പോകുകയാണെങ്കില്‍ എല്‍.ഡി.എഫിന് സ്വഭാവിക പതനമായിരിക്കും വിധിയെന്ന് മുസ്ലീം ലീഗ് നേതാവ് പി.കെ.കുഞ്ഞാലിക്കുട്ടി പറഞ്ഞു.
കെ.പി.സി.സി വൈസ് പ്രസിഡന്റ് വി.ഡി.സതീശന്റെ നേതൃത്വത്തില്‍ നടക്കുന്ന യു.ഡി.എഫ് മധ്യമേഖലാ ജാഥയ്ക്ക് തൃശൂര്‍ കിഴക്കേ കോട്ടയില്‍ നല്‍കിയ സ്വീകരണം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സി.പി.എമ്മും സി.പി.ഐയുമായുള്ള തമ്മിലടി മാത്രമാണ് കേരളത്തില്‍ നടക്കുന്നത്. കേന്ദ്രത്തിലും കേരളത്തിലും ഭരണമാറ്റം വന്നാല്‍ മാത്രമേ സാധാരണക്കാരന് രക്ഷയുള്ളൂ. എല്‍.ഡി.എഫ് ഭരണം നിശ്ചലാവസ്ഥയിലാണ്. അക്രമവും അരാജകത്വവുമാണ് എങ്ങും നടക്കുന്നത്. കാമ്പസുകളില്‍ പോലും അരക്ഷിതമായ സാഹചര്യമാണ് നിലനില്‍ക്കുന്നതെന്നും കുഞ്ഞാലിക്കുട്ടി പറഞ്ഞു. സി.പി.എമ്മും സി.പി.ഐയും തമ്മില്‍ നടക്കുന്നത് ചക്ലാത്തി പോരാട്ടമാണെന്നും മാധ്യമങ്ങളില്‍ വാര്‍ത്ത വരാന്‍ മാത്രമാണ് സി.പി.ഐ, സി.പി.എമ്മിനെ വിമര്‍ശിക്കുന്നതെന്നും സി.എം.പി നേതാവ് സി.പി.ജോണ്‍ പറഞ്ഞു. അനൂപ് ജേക്കബ്, സി.എന്‍.ബാലകൃഷ്ണന്‍, കെ.പി.വിശ്വനാഥന്‍, അഡ്വ.തേറമ്പില്‍ രാമകൃഷ്ണന്‍, ഐ.പി.പോള്‍, സി.എച്ച്.റഷീദ് വിവിധ ഘടക കക്ഷി നേതാക്കള്‍ എന്നിവര്‍ പങ്കെടുത്തു. വാദ്യമേളങ്ങളുമായി വാഹന റാലിയോടെയാണ് ജാഥയെത്തിയത്.
തൃശൂര്‍ കയറ്റുമതി നയം ഉടന്‍ നിയമസഭയില്‍ അവതരിപ്പിക്കുമെന്ന് വ്യവസായ മന്ത്രി എ.സി.മൊയ്തീന്‍.
വ്യവസായം ആരംഭിക്കാന്‍ സംരംഭകര്‍ക്ക് ഏകജാലക അനുമതി ലഭ്യമാക്കുന്നതിനുളള സംവിധാനം ഉടന്‍ സജ്ജമാക്കും. 30 ദിവസത്തിനകം അനുമതി ലഭിക്കാന്‍ കഴിയുന്ന വിധമാണ് സംവിധാനം ഒരുക്കുന്നതെന്നും മന്ത്രി പറഞ്ഞു. പുഴയ്ക്കല്‍പ്പാടത്ത് രണ്ടാമത്തെ ബഹുനില വ്യവസായ സമുച്ചയം സ്ഥാപിക്കുന്നതിന് ഇരുപത്തഞ്ചേകാല്‍ കോടി രൂപയും, അത്താണി വ്യവസായ എസ്റ്റേറ്റുകളിലെ റോഡുകള്‍ക്ക് എഴുപത്തി അഞ്ചര ലക്ഷം രൂപയും, വരവൂര്‍ വ്യവസായ പ്ലോട്ടിന്റെ രണ്ടാം ഘട്ട വികസനത്തിന് 3 കോടി 32 ലക്ഷം രൂപയും സര്‍ക്കാര്‍ അനുവദിച്ചതായി മന്ത്രി അറിയിച്ചു.
തൃശൂര്‍ ഡോ.എം.ആര്‍.ഗോവിന്ദന്‍ രചിച്ച 'എക്‌സറേ ജനാരോഗ്യ ഡോക്ടറുടെ ഓര്‍മ്മക്കുറിപ്പുകള്‍' എന്ന പുസ്തകം തൃശൂരില്‍ പ്രകാശനം ചെയ്തു.
സാഹിത്യകാരി പ്രൊഫ.സാറാ ജോസഫ് പ്രകാശനം നിര്‍വ്വഹിച്ചു. പുസ്തകത്തിന്റെ ആദ്യപ്രതി മേയര്‍ അജിത ജയരാജന്‍ ഏറ്റുവാങ്ങി. ഡോ.ഇ.ദിവാകരന്‍ അധ്യക്ഷത വഹിച്ചു. ഡോ.കെ.അരവിന്ദാക്ഷന്‍ പുസ്തകം പരിചയപ്പെടുത്തി. സിവിക് ചന്ദ്രന്‍, നീലന്‍, ഡോ.സി.എന്‍.പരമേശ്വരന്‍, കെ.ജെ.ജോണി, മീര ഗോവിന്ദ് രാജീവന്‍ എന്നിവര്‍ സംസാരിച്ചു.
തൃശൂര്‍ മഹാശിവരാത്രിയോടനുബന്ധിച്ച് കൊച്ചിന്‍ ദേവസ്വം ബോര്‍ഡും വടക്കുന്നാഥ ക്ഷേത്ര ക്ഷേമസമിതിയും സംയുക്തമായി വടക്കുന്നാഥ ക്ഷേത്രത്തില്‍ സംഘടിപ്പിക്കുന്ന നൃത്ത സംഗീതോസ്വം തുടരുന്നു.
മൂന്നാം ദിവസമായ ശനിയാഴ്ച വൈകീട്ട് ശ്രീദേവി ബാലകൃഷ്ണയുടെ നേതൃത്വത്തില്‍ നൃത്ത നൃത്യങ്ങള്‍ അരങ്ങേറി. തുടര്‍ന്ന് തൃശൂര്‍ കഥകളി ക്ലബിന്റെ സീതാസ്വയംവരം കഥകളി അരങ്ങേറി. പരശുരാമനായി കലാമണ്ഡലം ബാലസുബ്രഹ്മണ്യനും ശ്രീരാമനായി കലാമണ്ഡലം ശരത്തും അരങ്ങിലെത്തി. ഞായറാഴ്ച വൈകീട്ട് രാമമംഗലം ഷഡ്കാല ഗോവിന്ദമാരാര്‍ സ്മാരക സമിതിയുടെ മോഹിനിയാട്ടവും കേരള കലാമണ്ഡലം അവതരിപ്പിക്കുന്ന നൃത്തനൃത്യങ്ങളും അരങ്ങേറും.
തൃശൂര്‍ വ്യാജമദ്യം ബൈക്കില്‍ കടത്തി കൊണ്ടുവന്ന കേസില്‍ പ്രതിയെ ഒരു മാസം തടവിനും അയ്യായിരം രൂപ പിഴയടക്കാനും ശിക്ഷിച്ചു.
കാട്ടകാമ്പാല്‍ പെങ്ങാമുക്ക് സ്വദേശി മേനോത്ത് വീട്ടില്‍ പച്ചകാജ എന്ന് വിളിക്കുന്ന സുരേഷിനെയാണ് തൃശൂര്‍ സെക്കന്ററ് അഡീഷണല്‍ അസിസ്റ്റന്റ് സെഷന്‍സ് ജഡ്ജി ടി.പി.അനില്‍ ശിക്ഷിച്ചത്. പ്രോസിക്യൂഷന് വേണ്ടി അഡീഷണല്‍ പബ്ലിക് പ്രോസിക്യൂട്ടര്‍ അഡ്വ.കെ.എന്‍.വിവേകാനന്ദന്‍, അഡ്വ.കെ.എന്‍.ശ്രീജിത്ത് എന്നിവര്‍ കോടതിയില്‍ ഹാജരായി.
പുതുക്കാട് പാലപ്പിള്ളി വനമേഖലയില്‍ കാട്ടുതീ നിയന്ത്രണ വിധേയമായില്ല.
ശനിയാഴ്ച പാലപ്പിള്ളി റേഞ്ചിലെ കുട്ടഞ്ചിറ ഭാഗത്തേക്ക് തീ പടര്‍ന്നു. ഇവിടെ വനം വകുപ്പോ അഗ്‌നി രക്ഷാ സേനയോ എത്തിയിട്ടില്ല. ദിവസങ്ങളായി വനമേഖലയില്‍ കാട്ടുതീ പടരുന്നതിനാല്‍ നാട്ടുകാര്‍ ഭീതിയിലാണ്. എന്നാല്‍ ചിമ്മിനി വനാതിര്‍ത്തിയില്‍ തീ പടരാതിരിക്കാനായി ചിമ്മിനി ഇക്കോ ഡവലപ്പ്‌മെന്റ് കമ്മിറ്റിയുടെയും െ്രെടബല്‍ ഡവലപ്പ്‌മെന്റ് കമ്മിറ്റിയുടെയും നേതൃത്വത്തില്‍ ഫയര്‍ലൈന്‍ നിര്‍മ്മിക്കുന്നുണ്ട്.
വടക്കാഞ്ചേരി നരേന്ദ്രമോദിയുടെ ഫോട്ടോസ്റ്റാറ്റ് കോപ്പിയാണ് പിണറായിയെന്ന് കെ.പി.സി.സി വൈസ് പ്രസിഡന്റ് വി.ഡി.സതീശന്‍ പറഞ്ഞു.
കേന്ദ്ര സംസ്ഥാന സര്‍ക്കാരുകളുടെ ജനവിരുദ്ധ നയങ്ങള്‍ക്കെതിരെ എന്ന മുദ്രാവാക്യവുമായി യു.ഡി.എഫ് നടത്തുന്ന മധ്യമേഖല ജാഥയ്ക്ക് വടക്കാഞ്ചേരിയില്‍ സ്വീകരണം നല്‍കിയ ചടങ്ങില്‍ സംസാരിക്കുകയായിരുന്നു അദ്ദേഹം. ഓരോ ഫയലിലും ഓരോ ജീവിതമാണ് ഉറങ്ങുന്നതെന്ന് പറഞ്ഞ മുഖ്യമന്ത്രിയുടെ ഓഫീസ് മുറിയിലാണ് ഏറ്റവും കൂടുതല്‍ ആളുകള്‍ ഉറങ്ങുന്നതെന്നും സതീശന്‍ പറഞ്ഞു. അനില്‍ അക്കര എം.എല്‍.എ അധ്യക്ഷത വഹിച്ചു. എം.എല്‍.എ.മാരായ അനൂപ് ജേക്കബ്, പി.സി.വിഷ്ണുനാഥ്, ഡി.സി.സി പ്രസിഡന്റ് ടി.എന്‍.പ്രതാപന്‍, കെ.എസ്.വേണുഗോപാല്‍, ടി.യു.രാധാകൃഷ്ണന്‍, ജോസഫ് ചാലിശേരി, ജോസ് വള്ളൂര്‍ എന്നിവര്‍ സംസാരിച്ചു.
തൃപ്രയാര്‍ കര്‍ഷകര്‍ക്കുള്ള ജൈവവളം വിതരണത്തിലെ ക്രമക്കേടുകള്‍ മറച്ചുവെയ്ക്കാന്‍ തളിക്കുളം ഗ്രാമപഞ്ചായത്ത് ഭരണസമിതി വ്യാജപ്രചാരണം നടത്തുകയാണെന്ന് സര്‍വ്വീസ് സഹകരണ ബാങ്ക് ഭരണസമിതി ഭാരവാഹികള്‍ ആരോപിച്ചു.
ബാങ്ക് മുഖേന കര്‍ഷകര്‍ക്ക് വേപ്പിന്‍ പിണ്ണാക്ക് വിതരണം ചെയ്യാനുള്ള പദ്ധതിക്ക് കഴിഞ്ഞ വര്‍ഷം സെപ്റ്റംബറില്‍ വിദഗ്ദ സമിതിയുടെ അംഗീകാരം ലഭിച്ചിരുന്നു. എന്നാല്‍ ഗുണനിലവാരമുള്ള വളം കുറഞ്ഞ നിരക്കില്‍ ലഭിക്കുമെന്നിരിക്കെ കൂടിയ നിരക്കില്‍ സ്വകാര്യ കമ്പനിയില്‍ നിന്ന് വാങ്ങുന്നതിന്റൈ ഉത്തരവാദിത്ത്വം ബാങ്കിന് ഏറ്റെടുക്കാനാകില്ലെന്ന് പഞ്ചായത്തിനെ അറിയിച്ചിരുന്നു. നിശ്ചിത സര്‍വ്വീസ് ഈടാക്കി വളം വിതരണം ചെയ്യാന്‍ ബാങ്ക് ഇപ്പോഴും തയ്യാറാണ്. ബാങ്ക് അറിയാതെ വളം വിതരണം ചെയ്യുമെന്ന പഞ്ചായത്തിന്റൊ അറിയിപ്പിനെ തുടര്‍ന്ന് നിരവധി കര്‍ഷകരാണ് വളം വാങ്ങാന്‍ ബാങ്കിലെത്തുകയും ഒടുവില്‍ മടങ്ങുകയും ചെയ്തത്. വളം വിതരണത്തിന് നടപടിയെടുക്കാതെ കര്‍ഷകരെ നെട്ടോട്ടമോടിച്ചതിന് ഗ്രാമപഞ്ചായത്ത് പ്രസിഡണ്ട് മറുപടി പറയണമെന്നും ബാങ്ക് അധികൃതര്‍ ആവശ്യപ്പെട്ടു. സഹകരണബാങ്ക് പ്രസിഡണ്ട് ടി.എല്‍ സന്തോഷ്, വിനയപ്രസാദ്, ബാലന്‍ കൊപ്പര, ഇ.വി.എസ്. സ്മിത്ത് എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
കൊടുങ്ങല്ലൂര്‍ സാമൂഹിക സേവനരംഗത്ത് 20 വര്‍ഷം പൂര്‍ത്തീകരിച്ച ശ്രീകുമാര്‍ ശര്‍മ്മയ്ക്ക് കൊടുങ്ങല്ലൂര്‍ സാംസ്‌കാരിക സമിതി സ്‌നേഹാദരം നല്‍കി.
നഗരസഭാ ചെയര്‍മാന്‍ സി.സി.വിപിന്‍ചന്ദ്രന്‍ ഉദ്ഘാടനം ചെയ്തു. സി.എസ്.തിലകന്‍ അധ്യക്ഷത വഹിച്ചു. ടി.ഗോപാലന്‍കുട്ടി മേനോന്‍ ഉപഹാര സമര്‍പ്പണം നടത്തി. ചേരമാന്‍ ജുമാ മസ്ജിദ് ഇമാം സൈഫുദ്ദീന്‍ അല്‍ഖാസിമി, സ്വാമി ബ്രഹ്മസ്വരൂപാനന്ദ, ഫാ.നിമേഷ് കാട്ടാശേരി എന്നിവര്‍ സംസാരിച്ചു.
തൃശൂര്‍ പെരുമ്പിലാവ് അറയ്ക്കല്‍ പാടത്ത് ചരിത്രത്തിന്റെ കഥ പറയുന്ന അത്താണിക്കല്ലുക്കള്‍ മണ്ണിട്ട് മൂടാന്‍ സ്വകാര്യവ്യക്തി ശ്രമിക്കുന്നതായി പരാതി. കുന്നംകുളം
അറയ്ക്കല്‍ പാടത്ത് നിര്‍മാണം പൂര്‍ത്തിയാക്കിയ കെട്ടിടത്തിനു മുന്‍വശത്തായി നില്‍ക്കുന്ന അത്താണിക്കല്ലുകളാണ് മണ്ണിട്ട് മൂടാനായി ശ്രമിക്കുന്നത്. കെട്ടിടത്തിനു മാര്‍ഗ്ഗതടസമാകുന്നുവെന്ന് കണ്ടെത്തിയതിനെ തുടര്‍ന്നാണ് ഈ നടപടി. അഞ്ചടിയോളം വലിപ്പമുള്ള അത്താണിക്കല്ലുകളുടെ നാലടിയോളം ഇപ്പോള്‍ മണ്ണിട്ട്മൂടിയിട്ടുണ്ട്. ഇരിക്കുന്ന കല്ലുകള്‍ മാത്രമേ ഇപ്പോള്‍ കാണാന്‍ സാധിക്കുകയുള്ളൂ. കാലുകള്‍ പൂര്‍ണമായും മണ്ണിട്ട് മൂടി കഴിഞ്ഞു. പണ്ട് കാലത്ത് വഴിയാത്രക്കാര്‍ക്ക് വിശ്രമിക്കുന്നതിനായി വഴിനീളെ പണിതതാണ് അത്താണിക്കല്ലുകള്‍. വൈകുന്നേരങ്ങളില്‍ നാട്ടുകാരും സമയം ചിലവഴിക്കാന്‍ ഇവിടെ ഒത്തുകൂടുക പതിവാണ്. വിഖ്യാതമായ ഒരു രാജ്യഭരണകാലത്തിന്റെ അവശേഷിപ്പുകള്‍ തുടച്ചുനീക്കുന്ന നടപടിയില്‍ നാട്ടുകാര്‍ക്കിടയിലും ജനപ്രതിനിധികള്‍ക്കിടയിലും പ്രതിഷേധം ശക്തമാണ്.
കുന്നംകുളം കുന്നംകുളം നഗരത്തില്‍ ഒരേസമയം രണ്ടിടത്ത് തീപിടിത്തം.
തീയും പുകയും ഉയര്‍ന്നതോടെ പരിസരവാസികള്‍ പരിഭ്രാന്തിയിലായി. ശനിയാഴ്ച വൈകീട്ട് നാലോടെയാണ് കുന്നംകുളം നഗരത്തിലെ ഹൃദയഭാഗത്ത് ഒഴിഞ്ഞ പറമ്പില്‍ തീപിടിത്തമുണ്ടായത്. ഫയര്‍ഫോഴ്‌സ് എത്തി തീയണച്ചു. നിരവധി വ്യാപാര സ്ഥാപനങ്ങള്‍ പ്രവര്‍ത്തിക്കുന്ന പ്രദേശത്ത് നാട്ടുകാരുടെ സമയോചിത ഇടപെടല്‍ മൂലം വന്‍ ദുരന്തമാണ് ഒഴിവായത്. കുന്നംകുളം - ഗുരുവായൂര്‍ റോഡിലുള്ള സെന്റ് തോമസ് പള്ളി കോമ്പൗണ്ടിനകത്താണ് ഇതേ സമയത്തു തീപിടിത്തമുണ്ടായത്. കോമ്പൗണ്ടിനകത്തെ വാഴകള്‍ കത്തി നശിച്ചു. പുല്ലുകള്‍ക്കു തീപിടിച്ചാണ് തീ പടര്‍ന്നത്. ഫയര്‍ഫോഴ്‌സെത്തിയാണ് തീയണച്ചത്.
ചേര്‍പ്പ് തബല വാദകരില്‍ താരമായ ഉസ്താദ് സാക്കിര്‍ ഹുസൈനെ സ്വീകരിക്കാന്‍ ചേര്‍പ്പ് ഗ്രാമം ഒരുങ്ങി.
ചേര്‍പ്പ് സി.എന്‍.എന്‍ സ്‌കൂളിലാണ് സാക്കിര്‍ ഹുസൈന്‍ പങ്കെടുക്കുന്ന പരിപാടി അരങ്ങേറുന്നത്. മുംബൈ ആസ്ഥാനമായി പ്രവര്‍ത്തിക്കുന്ന കേളി സംഘടനയാണ് പരിപാടിക്ക് നേതൃത്വം നല്കുന്നത്. ഞായറാഴ്ച വൈകീട്ട് ആറോടെ പരിപാടി ആരംഭിക്കും. പഞ്ചവാദ്യത്തോടെ ഉസ്താദിനെ വേദിയിലേക്ക് ആനയിക്കും. തുടര്‍ന്ന് പെരുവനം കുട്ടന്‍മാരാരുടെ നേതൃത്വത്തില്‍ നടക്കുന്ന പാണ്ടി മേളത്തിന് ശേഷം 'പെരുവനം ഗ്രാമം ചരിത്രം കലയിലൂടെ' എന്ന പദ്ധതിയുടെ ഉദ്ഘാടനം സാക്കിര്‍ ഹുസൈന്‍ നിര്‍വ്വഹിക്കും. വാദ്യകലയിലെ ആചാര്യന്മാര്‍ ചേര്‍ന്ന് അദേഹത്തിനു വീരശൃംഖല സമര്‍പ്പിക്കും. തുടര്‍ന്ന് തബല കച്ചേരി അരങ്ങേറും. ഉസ്താദിനൊപ്പം മട്ടന്നൂര്‍ ശങ്കരന്‍ കുട്ടി മാരാര്‍ ലയ വിന്യാസത്തിന്റെ മാസ്മരികതയ്ക്ക് കൈ കോര്‍ക്കും.
പാവറട്ടി മുല്ലശേരി ഗ്രാമ പഞ്ചായത്തിലെ മധുക്കരയില്‍ വളര്‍ത്തുമൃഗങ്ങള്‍ക്ക് പ്രധിരോധ കുത്തിവെപ്പ് നടത്തി.
ഒരാഴ്ചക്കുള്ളില്‍ മൂന്ന് പശുക്കളാണ് മധുക്കരയില്‍ പേ ഇളകി ചത്തത്. മണ്ണുത്തിയിലെ വെറ്ററിനറി യൂണിവേഴ്‌സിറ്റിയില്‍ നടത്തിയ പരിശോധനയില്‍ പശുക്കള്‍ ചത്തത് പേ വിഷ ബാധ മൂലമാണെന്ന് സ്ഥിരീകരിച്ചിരുന്നു. മുല്ലശേരി ബ്ലോക്ക് വെറ്ററിനറി ഓഫീസര്‍ ഡോ. ഫ്രാന്‍സിസ്, ഡോ. ഹരീഷ്, ഡോ.കെ.രാഗേഷ് ലൈവ് സ്‌റ്റോക്ക് ഇന്‍സ്‌പെക്ടര്‍ ബിന്ദു സത്യന്‍ എന്നിവരുടെ നേതൃത്വത്തില്‍ ക്ഷീര കര്‍ഷകര്‍ക്ക് ബോധവല്‍ക്കരണ സെമിനാര്‍ നടത്തി. പ്രതിരോധ കുത്തിവെപ്പും നല്‍കി. മുല്ലശ്ശേരി ഗ്രാമ പഞ്ചായത്ത് പ്രസിഡണ്ട് എ.കെ. ഹുസൈന്‍ സെമിനാര്‍ ഉദ്ഘാടനം ചെയ്തു. വാര്‍ഡംഗം ഒ.എസ്. പ്രദീപ് അധ്യക്ഷനായിരുന്നു.
ചാവക്കാട് വട്ടേക്കാട് ശൈഖ് ബര്‍ദാന്‍ തങ്ങളുടെ ജാറത്തില്‍ ചന്ദനക്കുടം നേര്‍ച്ചയ്ക്ക് ആയിരങ്ങളെത്തി.
താബൂത്ത് കാഴ്ചയും കൊടിക്കയറ്റ കാഴ്ചകളും എത്തിയതോടെ ആയിരങ്ങള്‍ ആഘോഷത്തിമിര്‍പ്പിലായി. കൊടികയറ്റ കാഴ്ചയെത്തി ഗജവീരന്‍മാര്‍ റോഡില്‍ അണിനിരന്നു. ചാവക്കാട് ബ്ലോക്ക് പഞ്ചായത്ത് അംഗം എം.എ.ആബൂബക്കര്‍ കൊടിയേറ്റം നിര്‍വ്വഹിച്ചു. വിവിധ ക്ലബുകളുടെയും സാംസ്‌കാരിക സംഘടനകളുടേയും നേതൃത്വത്തില്‍ കാഴ്ചകള്‍ ജാറത്തിലെത്തി.
തൃപ്രയാര്‍ എങ്ങണ്ടിയൂര്‍ പൊക്കുളങ്ങരയില്‍ ശക്തമായ കാറ്റില്‍ വീട് തകര്‍ന്നു.
പൊക്കുളങ്ങര ബീച്ച് സ്വദേശി ചുള്ളിയില്‍ സുരേഷ്‌കുമാറിന്റെ ഓടുമേഞ്ഞ വീടാണ് കഴിഞ്ഞ ദിവസം ഉച്ചയ്ക്ക് ഭാഗികമായി തകര്‍ന്നത്. സുരേഷ്‌കുമാറും ഭാര്യയും ജോലിക്ക് പോയിരിക്കെയാണ് അപകടം നടന്നത്. ഏങ്ങണ്ടിയൂര്‍ ഗ്രാമപഞ്ചായത്ത് പ്രസിഡണ്ട് കെ.വി അശോകന്‍, വില്ലേജ് അധികൃതര്‍ എന്നിവര്‍ സ്ഥലത്തെത്തിയിരുന്നു.
ചെമ്മന്നൂര്‍ കേന്ദ്രസര്‍ക്കാര്‍ വെട്ടിക്കുറച്ച റേഷന്‍ പുനഃസ്ഥാപിക്കണമെന്ന് ആവശ്യപ്പെട്ട് ചെമ്മന്നൂര്‍ കെ.എസ്.കെ.ടി.യു കമ്മിറ്റി പ്രവര്‍ത്തകര്‍ അടുപ്പു കൂട്ടി സമരം നടത്തി.
എ.എച്ച്. അക്ബര്‍ ഉദ്ഘാടനം ചെയ്തു. യൂണിയന്‍ മേഖലാ പ്രസിഡന്റ് കെ.ടി.കമറു അധ്യക്ഷത വഹിച്ചു. വി.എസ്.സുരേഷ്, സി.ടി.സോമരാജന്‍, പഞ്ചായത്തംഗം ജയലക്ഷ്മി രാജന്‍ തുടങ്ങിയവര്‍ സംസാരിച്ചു.
ചേര്‍പ്പ് ചേര്‍പ്പ് തിരുവുള്ളക്കാവ് ക്ഷേത്രം മേല്‍ശാന്തി മഴമംഗലത്ത് തരണനെല്ലൂര്‍ പരമേശ്വരന്‍ നമ്പൂതിരിയെ ആദരിച്ചു.
ക്ഷേത്രം ദേവസ്വവും പെരുവനം ഗ്രാമസഭയും യോഗക്ഷേമ സഭ ചെറുവത്തേരി ഉപസഭയും സംയുക്തമായാണ് ആദരിക്കല്‍ ചടങ്ങ് നടത്തിയത്. ദേവസ്വം പ്രസിഡന്റ് മുല്ലനേഴി ശിവദാസന്‍ നമ്പൂതിരി, സെക്രട്ടറി എ.എ.കുമാരന്‍, കമ്മിറ്റി അംഗങ്ങള്‍ തുടങ്ങിയവര്‍ ചടങ്ങില്‍ പങ്കെടുത്തു
തൃശൂര്‍ കൈപറമ്പ് പഞ്ചായത്തിലെ വിവിധ വികസന പദ്ധതികള്‍ക്കായി ഒരു കോടി 10 ലക്ഷം രൂപ അനുവദിച്ചതായി അനില്‍ അക്കര എം.എല്‍.എ അറിയിച്ചു.
തെരുവ് വിളക്കുകള്‍ ആധുനിക രീതിയലുള്ള എല്‍.ഇ.ഡി വിളക്കുകളായി മാറ്റുന്നതിന് 7,23,200 രൂപയാണ് മണ്ഡലത്തിന് അനുവദിച്ച ആസ്തി ഫണ്ടില്‍ നിന്നും വകയിരുത്തിയിട്ടുള്ളത് പൊതുമരാമത്ത് റോഡുഖളിലെ 321 വിളക്കുകളും പഞ്ചായത്ത് റോഡിലെ 2206 വിളക്കുകളുമാണ് മാറ്റി സ്ഥാപിക്കുന്നത്.
മാള അപകടത്തില്‍ പരിക്കേറ്റ് കഴിയുന്ന മാള മഠത്തുംപടി സ്വദേശി ലിനീഷ ചികിത്സാ സഹായം തേടുന്നു.
മാസങ്ങള്‍ക്ക് മുന്‍പാണ് പഴനിയിലേക്കുള്ള യാത്രക്കിടയില്‍ ഉണ്ടായ അപകടത്തില്‍ മഠത്തുംപടി പാണ്ട്യപ്പിള്ളി കൃഷ്ണന്‍കുട്ടി, ഭാര്യ ഓമന, മകള്‍ ലിനീഷ എന്നിവര്‍ക്ക് പരിക്കേറ്റത്. തലയ്ക്ക് ഗുരുതരമായി പരിക്കേറ്റ 26 കാരിയായ ലിനീഷ കിടപ്പിലാണ്. ചികിത്സയ്ക്കായി നാല് ലക്ഷത്തിലധികം രൂപ ചെലവായിട്ടുണ്ട്. കൂലിപ്പണിക്കാരനായ കൃഷ്ണന്‍കുട്ടിക്ക് ഇനിയുള്ള ചികിത്സാ ചെലവ് താങ്ങാവുന്നതിനപ്പുറമാണ്. എം.എ.യും ബി.എഡും കഴിഞ്ഞ ലിനീഷ സ്വകാര്യ സ്‌കൂളില്‍ അധ്യാപികയായി ജോലി ചെയ്യുന്നതിനിടയിലാണ് അപകടം സംഭവിച്ചത്. ഈ കുടുംബത്തിന്റെ സഹായത്തിനായി നാട്ടുകാര്‍ സഹായനിധി രൂപീകരിച്ചു. കാത്തലിക് സിറിയന്‍ ബാങ്ക്, മഠത്തുംപടി ശാഖയിലെ 04 22 03 55 03 90190701 എന്ന അക്കൗണ്ട് നമ്പറിലേക്കാണ് സാമ്പത്തിക സഹായങ്ങള്‍ അയക്കേണ്ടത്.
കൊടുങ്ങല്ലൂര്‍ സര്‍ക്കാരിന്റെ ജനസമ്പര്‍ക്ക പരിപാടിക്ക് കൊടുങ്ങല്ലൂരില്‍ തണുത്ത പ്രതികരണം.
താലൂക്ക് തല ജനസമ്പര്‍ക്ക പരിപാടി നടന്ന ശനിയാഴ്ച്ച ആകെ അറുപത് അപേക്ഷകള്‍ മാത്രമാണ് ലഭിച്ചത്. അവയിലേറെയും ചികിത്സാ സഹായം തേടിയുള്ളതായിരുന്നു കൊടുങ്ങല്ലൂര്‍ താലൂക്കിലെ പതിനാല് വില്ലേജുകളില്‍ നിന്നുമുള്ള അപേക്ഷകളാണ് ജനസമ്പര്‍ക്ക പരിപാടിയില്‍ പരിഗണിച്ചത്. നേരത്തെ ജനസമ്പര്‍ക്ക പരിപാടിയിലേക്ക് അപേക്ഷ ക്ഷണിച്ചതിനെ തുടര്‍ന്ന് 369 അപേക്ഷകള്‍ ലഭിച്ചിരുന്നു. ഈ അപേക്ഷകള്‍ തുടര്‍ നടപടികള്‍ക്കായി അയച്ചിരിക്കുകയാണ് . കൈപ്പമംഗലം നിയോജക മണ്ഡലത്തിലെ വില്ലേജുകളില്‍ നിന്നാണ് താരതമ്യേന കൂടുതല്‍ അപേക്ഷകള്‍ ലഭിച്ചിട്ടുള്ളത്. മുന്‍ കാലങ്ങളില്‍ നടന്ന ജനസമ്പര്‍ക്ക പരിപാടികളെ അപേക്ഷിച്ച് വേണ്ടത്ര പ്രചാരണം നല്‍കാതിരുന്നതും ജനപ്രതിനിധികളുടെ സഹകരണം കുറഞ്ഞതുമാണ് ഇക്കുറി പരിപാടി നേരാംവണ്ണം ഫലം കാണാതെ പോയത്. ജില്ലാ കളക്ടര്‍ പങ്കെടുക്കുമെന്ന് അറിയിച്ചിരുന്നുവെങ്കിലും പകരം ഡെപ്യൂട്ടി കളക്ടര്‍ ഇ.ജെ.ഗ്രേസിയാണ് ജനസമ്പര്‍ക്ക പരിപാടിക്കെത്തിയത്. തഹസില്‍ദാര്‍ ജെസി സേവ്യറിന്റെ നേതൃത്വത്തില്‍ വില്ലേജ് ഓഫീസര്‍മാര്‍, വിവിധ വകുപ്പ് ഉദ്യോഗസ്ഥര്‍ തുടങ്ങിയവര്‍ പങ്കെടുത്തു
പാവറട്ടി എളവള്ളി മാങ്ങാരെ ശിവക്ഷേത്രത്തിനു സമീപം ക്ഷേത്രം ഊരാളന്‍മാരുടെ കൃഷിഭൂമി തീവെച്ച് നശിപ്പിച്ചതായി പരാതി.
പടയത്ത് പെരുമ്പായില്‍ സുജാതയുടേയും ഉളനാട്ട് ചെമ്പഴെ ആനന്ദപണിക്കരുടേയും പേരിലുള്ള തെങ്ങിന്‍തോപ്പാണ് സാമൂഹികവിരുദ്ധര്‍ തീവെച്ച് നശിപ്പിച്ചിട്ടുള്ളത്. ഭൂവുടമകള്‍ ജോലിക്കായി പുറത്തു പോയിരുന്ന സമയത്തായിരുന്നു തെങ്ങിന്‍ തോപ്പില്‍ തീ പടര്‍ന്നത്. തെങ്ങിന്‍ തൈകള്‍, കവുങ്ങ്, കശുമാവ് തുടങ്ങിയവ കത്തി നശിച്ചു. പറമ്പിലെ പുല്ലിന് തീപിടിച്ചതോടെ ഒരേക്കറോളം വരുന്ന തെങ്ങിന്‍തോപ്പില്‍ തീപടരുകയായിരുന്നു. പരിസരവാസികള്‍ ചേര്‍ന്നാണ് തീയണച്ചത്. ഈ സ്ഥലത്തു നിന്ന് മരങ്ങള്‍ മുറിച്ചു മാറ്റുന്നതുമായി ബന്ധപ്പെട്ട് ഒരാഴ്ച മുമ്പ് പാവറട്ടി പോലീസില്‍ ഭൂവുടമകള്‍ പരാതി നല്‍കിയിരുന്നു. ഇതിനിടെയാണ് തീപിടിത്തമുണ്ടായത്.
വടക്കാഞ്ചേരി വടക്കാഞ്ചേരി പുഴയോരത്ത് ഒമ്പത് ചാക്ക് ജീവന്‍ രക്ഷാ മരുന്നുകള്‍ ഉപേക്ഷിച്ച നിലയില്‍ കണ്ടെത്തി.
ഒന്നാംകല്ല് ചിറയോട് ചേര്‍ന്ന സ്വകാര്യ വ്യക്തിയുടെ പറമ്പിലാണ് തുള്ളിമരുന്നുകളും കുപ്പി മരുന്നുകളും ഗുളികകളും ഉള്‍പ്പെടെ 9 ചാക്കുകള്‍ കണ്ടെത്തിയത്. പലതും പൊട്ടിക്കാത്ത പായ്ക്കറ്റുകളാണ്. ഇത്രയേറെ മരുന്നുകള്‍ ഉപേക്ഷിച്ചിരിക്കുന്നതിന്റെ കാരണം. ദുരൂഹമാണ്.
പുതുക്കാട് റേഷന്‍ വിഹിതം വെട്ടിക്കുറച്ച കേന്ദ്ര സര്‍ക്കാര്‍ നടപടിക്കെതിരെ കെ.എസ്.കെ.ടി.യു നെല്ലായി വില്ലേജ് കമ്മറ്റിയുടെ നേതൃത്വത്തില്‍ വില്ലേജ് ഓഫീസിനുമുന്നില്‍ അടുപ്പ് കൂട്ടി സമരം സംഘടിപ്പിച്ചു.
കെ.എസ്.കെ.ടി.യു ജില്ലാ കമ്മിറ്റി അംഗം ഇ.കെ.അനൂപ് ഉദ്ഘാടനം ചെയ്തു. പഞ്ചായത്തംഗം രാധ ഉണ്ണിച്ചെക്കന്‍ അധ്യക്ഷയായിരുന്നു. എം.ജി. ഹരിഹരന്‍, ടി.വി. മോഹനന്‍ എന്നിവര്‍ സംസാരിച്ചു.
തൃശൂര്‍ ജില്ലാതല താലൂക്ക് ജനസമ്പര്‍ക്ക പരിപാടി സംഘടിപ്പിച്ചു.
തൃശൂര്‍ താലൂക്കില്‍ ലഭിച്ച 2439 പരാതികളില്‍ 617 പരാതികള്‍ തീര്‍പ്പാക്കി. തൃശൂര്‍ ടൗണ്‍ഹാളിലാണ് തൃശൂര്‍ താലൂക്കിനു കീഴിലുള്ള ജനസമ്പര്‍ക്ക പരിപാടി സംഘടിപ്പിച്ചത്. 220 പരാതികള്‍ ചികിത്സാ ധനസഹായത്തിനായുള്ള അപേക്ഷകളാണ്. 400-ഓളം അപേക്ഷകളില്‍ ഭൂമി ലഭ്യമാക്കണമെന്ന ആവശ്യങ്ങളായിരുന്നു. ഇവ ഭൂരഹിതരില്ലാത്ത കേരളം പദ്ധതിയില്‍ പരിഗണിക്കും. 995 അപേക്ഷകള്‍ കൂടുതല്‍ പരിശോധനക്കായി തരംതിരിച്ചിട്ടുണ്ട്. 426 അപേക്ഷകള്‍ മറ്റു വകുപ്പുകള്‍ കൈകാര്യം ചെയ്യുന്നവയായതിനാല്‍ അതത് വകുപ്പുകള്‍ക്ക് കൈമാറും. പുതുതായി 187 പരാതികള്‍ ജനസമ്പര്‍ക്ക പരിപാടിയില്‍ സ്വീകരിച്ചു. റേഷന്‍കാര്‍ഡ് പുതുക്കുന്നതുമായി ബന്ധപ്പെട്ട പരാതികള്‍ തുടരുന്നതിനാല്‍ എ.പി.എല്‍. കാര്‍ഡ് ബി.പി.എല്‍ കാര്‍ഡാക്കി മാറ്റുന്ന അപേക്ഷ ജനസമ്പര്‍ക്ക പരിപാടിയുടെ ഭാഗമായി പരിഗണിച്ചിരുന്നില്ല. ഡെപ്യൂട്ടി കളക്ടര്‍ എ.ഉണ്ണികൃഷ്ണന്‍ തൃശൂര്‍ താലൂക്ക് ജനസമ്പര്‍ക്ക പരിപാടി ഉദ്ഘാടനം ചെയ്തു. തഹസില്‍ദാര്‍ കെ.സി.ചന്ദ്രബാബു അധ്യക്ഷത വഹിച്ചു. സപ്ലൈ ഓഫീസര്‍ കെ.ആര്‍.ജയചന്ദ്രന്‍, അഡീഷണല്‍ തഹസില്‍ദാര്‍ കെ.കെ.സുരേഷ്, സോളി ആന്റണി എന്നിവര്‍ പങ്കെടുത്തു. ജില്ലാ കളക്ടറുടെ നേതൃത്വത്തില്‍ ജില്ലയിലെ 6 താലൂക്കിലും ജനസമ്പര്‍ക്ക പരിപാടി സംഘടിപ്പിച്ചിരുന്നു.
തൃശൂര്‍ മാസങ്ങള്‍ നീണ്ട വിദ്യാര്‍ത്ഥി സമരത്തിന് ശേഷം തുറന്ന പാമ്പാടി നെഹ്‌റു എന്‍ജിനീയറിങ്ങ് കോളേജില്‍ അധ്യാപകര്‍ സമരം തുടങ്ങി.
ശനിയാഴ്ച ഉച്ചയോടെയാണ് അധ്യാപകര്‍ പണിമുടക്കിയത്. വിദ്യാര്‍ത്ഥികള്‍ മര്‍ദ്ദിക്കുകയും, ഭീഷണിപ്പെടുത്തുകയും ചെയ്തുവെന്നാരോപിച്ചാണ് അധ്യാപകര്‍ സമരം തുടങ്ങിയത്. മുപ്പതോളം വരുന്ന അധ്യാപകര്‍ അഡ്മിനിസ്‌ട്രേഷന്‍ ബ്ലോക്കിന് മുന്നില്‍് കുത്തിയിരിപ്പ് സമരം തുടങ്ങി. മാനേജ്‌മെന്റിന്റെ സമ്മര്‍ദ്ദത്തെ തുടര്‍ന്നാണ് അധ്യാപകര്‍ പണിമുടക്കുന്നതെന്ന് വിദ്യാര്‍ത്ഥികള്‍ പറഞ്ഞു. വിദ്യാര്‍ത്ഥികള്‍ക്കെതിരെ അധ്യാപകരെ കരുവാക്കി പകപോക്കല്‍ നടത്താനാണ് മാനേജമെന്റ് ശ്രമിക്കുന്നതെന്നും വിദ്യാര്‍ത്ഥികള്‍ ആരോപിച്ചു.
തൃശൂര്‍ കേരള ആരോഗ്യ സര്‍വകലാശാല സെനറ്റ് അംഗത്വത്തില്‍ നിന്ന് നെഹ്‌റു കോളേജ് ചെയര്‍മാന്‍ പി.കെ.കൃഷ്ണദാസിനെ നീക്കണമെന്നാവശ്യപ്പെട്ട് എ.വി.ബി.പി പ്രവര്‍ത്തകര്‍ ആരോഗ്യ സര്‍വകലാശാല പ്രോ വൈസ് ചാന്‍സലര്‍ക്ക് നിവേദനം നല്‍കി.
നിവേദനം നല്‍കാന്‍ പത്ത് മിനിറ്റ് സമയം ചോദിച്ചെത്തിയ ആറ് എ.വി.ബി.പി പ്രവര്‍ത്തകര്‍ മാധ്യമങ്ങളെ കണ്ടതോടെ മുദ്രാവാക്യം വിളിക്കുകയായിരുന്നു. സ്ഥലത്ത് ഉണ്ടായിരുന്ന മെഡിക്കല്‍ കോളേജ് സ്റ്റേഷന്‍ എസ്.ഐയുടെ നേതൃത്വത്തിലുള്ള പോലീസ് പ്രവര്‍ത്തകരെ പ്രോ വൈസ് ചാന്‍സലര്‍ ഡോ.എ.നളിനാക്ഷന്റെ ഓഫീസില്‍ നിന്ന് പുറത്താക്കി. കൃത്യനിര്‍വഹണം തടസപ്പെടുത്തിയതിനെതിരെ പരാതി നല്‍കിയാല്‍ നടപടിയെടുക്കാമെന്ന് എസ്.ഐ-അറിയിച്ചുവെങ്കിലും പ്രോ വൈസ് ചാന്‍സലര്‍ അത് നിരസിക്കുകയായിരുന്നു.
അരണാട്ടുകര അരണാട്ടുകര തോപ്പിന്‍മൂലയില്‍ സ്റ്റേഷനറി കടയില്‍ അഗ്നിബാധയുണ്ടായത് പരിഭ്രാന്തി സൃഷ്ടിച്ചു.
തോപ്പിന്‍മൂല ജംഗ്ഷനിലെ ഇരുനില കെട്ടിടത്തിന്റെ താഴെനിലയില്‍ പ്രവര്‍ത്തിക്കുന്ന എം.എസ്.സ്റ്റോഴ്‌സിനാണ് തീപിടിച്ചത്. സമീപത്തെ കടയിലേക്ക് തീ പടരാതിരുന്നതിനാല്‍ വന്‍ ദുരന്തം ഒഴിവായി. തൊട്ടപ്പുറത്ത് ഗൃഹോപകരണങ്ങള്‍ വിപണനം ചെയ്യുന്ന സ്ഥാപനമാണ് പ്രവര്‍ത്തിക്കുന്നത്. ഫയല്‍ഫോഴ്‌സെത്തി തീയണച്ചെങ്കിലും സ്റ്റേഷനറി കടയിലെ സ്റ്റോക്ക് പൂര്‍ണമായും കത്തി നശിച്ചു. അരണാട്ടുകര സ്വദേശി കുമാരന്‍ മകന്‍ സുനില്‍കുമാറാണ് സ്ഥാപനത്തിന്റെ ഉടമ. ഫ്രിഡ്ജില്‍ നിന്നു ഷോര്‍ട്ട് സര്‍ക്യൂട്ട് മൂലമാണ് അഗ്നിബാധയുണ്ടായതെന്നാണ് പ്രാഥമിക നിഗമനം. 2 യൂണിറ്റ് ഫയര്‍ഫോഴ്‌സെത്തി ഏറെ പരിശ്രമിച്ച ശേഷമാണ് തീയണക്കാനായത്. കോര്‍പ്പറേഷന്‍ കൗണ്‍സിലര്‍ ലാലി ജെയിംസടക്കമുള്ളവര്‍ സ്ഥലത്തെത്തിയിരുന്നു.
പുതുക്കാട് കൊടും വരള്‍ച്ചയും കാട്ടുതീയും ആശങ്കയുയര്‍ത്തുന്ന തോട്ടം മേഖലയില്‍ വന്യമൃഗങ്ങളും ഭീഷണിയാകുന്നു.
ദിവസങ്ങളായി തുടരുന്ന കാട്ടുതീ നിയന്ത്രണാതീതമായി തുടരുന്നതിനാല്‍ മൃഗങ്ങള്‍ കൂട്ടമായി കാടിറങ്ങുകയാണ്. ചിമ്മിനി വന്യജീവി സങ്കേതത്തില്‍ നിന്ന് പ്രാണരക്ഷാര്‍ത്ഥം പുറത്തിറങ്ങുന്ന മൃഗങ്ങള്‍ ജനവാസ കേന്ദ്രങ്ങളിലാണ് എത്തുന്നത്. വരണ്ടുണങ്ങിയ ചിമ്മിനി ഡാമിലെ അവശേഷിക്കുന്ന വെള്ളമാണ് വന്യ ജീവികളെ പുറത്തേക്കാകര്‍ഷിക്കുന്ന പ്രധാന ഘടകം. ചിമ്മിനി ഡാമിന്റെ സംഭരണ പ്രദേശത്ത് കഴിഞ്ഞ ദിവസം കാട്ടാനകള്‍ കൂട്ടമായെത്തിയതും കടുവയുടെ കാല്‍പ്പാടുകള്‍ കണ്ടതും നാട്ടുകാരെ ഭീതിയിലാക്കുന്നുണ്ട്. നാല് ആനകളും ഒരു കുട്ടിയാനയുമാണ് ഡാമിലിറങ്ങിയിരുന്നത്. സംഭരണിയിലെ വരണ്ട ഭാഗത്ത് കടുവയുടെ കാല്‍പ്പാടുകള്‍ വ്യക്തമായി പതിഞ്ഞു കിടപ്പുണ്ട്. കഴിഞ്ഞ ദിവസം കാടിറങ്ങിയ മ്ലാവ് മണ്ണംപേട്ടയില്‍ എത്തിയിരുന്നു. സാധാരണ മ്ലാവിനെ ചിമ്മിനി വനമേഖലയില്‍ കാണാത്തതാണ്. കൊടുംചൂടും ശക്തമായ കാറ്റും കാട്ടുതീ പടരുന്നതിനും വരള്‍ച്ചയ്ക്കും ആക്കം കൂട്ടുകയാണ്.
പുതുക്കാട് ചിമ്മിനി വനമേഖലയില്‍ കടുവകളെ നിരീക്ഷിക്കുന്നതിന് വനം വകുപ്പിന്റെ നിരീക്ഷണ കാമറകള്‍ സ്ഥാപിച്ചു.
കടുവകളുടെ എണ്ണമറിയുന്നതിന് പറമ്പിക്കുളം ടൈഗര്‍ ഫൗണ്ടേഷനുമായി സഹകരിച്ചാണ് കാമറകള്‍ സ്ഥാപിച്ചത്. വനാന്തരത്തില്‍ വിവിധയിടങ്ങളിലായി 27 കാമറകളാണുള്ളത്. കടുവകള്‍ പതിവായി സഞ്ചരിക്കുന്നതും വെള്ളം കുടിക്കാനെത്തുന്നതുമായ സ്ഥലങ്ങള്‍ കേന്ദ്രീകരിച്ച് കാമറകള്‍ ഉറപ്പിച്ചിട്ടുണ്ട്. കാമറയുടെ പരിധിയില്‍ എത്തുന്ന വന്യമൃഗങ്ങളുടെ ശരീര ഊഷ്മാവ് സെന്‍സര്‍ വെച്ച് പിടിച്ചെടുത്താണ് കാമറകള്‍ പ്രവര്‍ത്തിക്കുക. കടുവകളെ കൂടാതെ പുലിയുള്‍പ്പെടെ മറ്റു വന്യ ജീവികളേയും നിരീക്ഷിക്കും. ഒരു മാസം നിരീക്ഷണം പൂര്‍ത്തിയാക്കിയ ശേഷമേ കാമറകള്‍ പരിശോധിക്കൂ എന്ന് പാലപ്പിള്ളി റേഞ്ച് ഓഫീസര്‍ കെ.ടി.പയസ് അറിയിച്ചു.
തൃശൂര്‍ തൃശൂര്‍ മുണ്ടുപാലത്തിന് സമീപം ഒഴിഞ്ഞ പറമ്പില്‍ മൃതദേഹം കണ്ടെത്തി.
അറുപത് വയസ് തോന്നിക്കുന്ന പുരുഷന്റെ മൃതദഹേമാണ് കണ്ടെത്തിയത്. മൃതദേഹത്തിന് ഇരുപത് ദിവസത്തെ പഴക്കമുണ്ട്. നെടുപുഴ പോലീസ് മേല്‍നടപടികള്‍ സ്വീകരിച്ചു.
പുതുക്കാട് ഹയര്‍ സെക്കണ്ടറി വിദ്യാഭ്യാസം തകര്‍ക്കുന്ന നടപടികളില്‍ നിന്ന് സംസ്ഥാന സര്‍ക്കാര്‍ പിന്‍മാറണമെന്ന് ബി.ജെ.പി സംസ്ഥാന ജനറല്‍ സെക്രട്ടറി എ.എന്‍.രാധാകൃഷ്ണന്‍ പറഞ്ഞു.
ദേശീയ അധ്യാപക പരിഷത്ത് സംസ്ഥാന കമ്മിറ്റിയുടെ നേതൃത്വത്തില്‍ പുതുക്കാട് സംഘടിച്ച ഭിക്ഷാടന സമരം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.2014 അദ്ധ്യയന വര്‍ഷം അനുവദിച്ച ഹയര്‍ സെക്കണ്ടറി സ്‌കൂളുകളിലെ തസ്തിക നിര്‍ണ്ണയം പൂര്‍ത്തീകരിക്കാന്‍ സര്‍ക്കാരിന് ഇതുവരെ കഴിഞ്ഞിട്ടില്ലെന്നും ഇത് മൂലം നിരവധി അധ്യാപകരുടെ നിയമനം അനിശ്ചിതത്വത്തിലായെന്നും രാധാകൃഷ്ണന്‍ പറഞ്ഞു. സംഘടന സംസ്ഥാന പ്രസിഡന്റ് എ.വിനോദ് അധ്യക്ഷത വഹിച്ചു. സംസ്ഥാന ജനറല്‍ സെക്രട്ടറി പി.എസ്.ഗോപകുമാര്‍, ബി.ജെ.പി ജില്ലാ പ്രസിഡന്റ് എ.നാഗേഷ്, വി.വി.രാജേഷ് തുടങ്ങിയവര്‍ സംസാരിച്ചു.
ചാലക്കുടി കലാഭവന്‍ മണി ചേനത്തുനാട്ടില്‍ നിര്‍മ്മിച്ച കലാഗൃഹത്തില്‍ അദ്ദേഹത്തിന്റെ പൂര്‍ണകായ പ്രതിമ സ്ഥാപിക്കുന്നു.
കൊടുങ്ങല്ലൂരിലെ ചിത്രകാരനായ ഡാവിഞ്ചി സുരേഷാണ് ഫൈബറിലുള്ള പ്രതിമ തയ്യാറാക്കുന്നത്. അടുത്ത ദിവസം ഇതിന്റെ നിമ്മാണം ആരംഭിക്കും. മണിയുടെ ചരമ വാര്‍ഷികമായ മാര്‍്ച്ച് 6ന് മുമ്പ് പ്രതിമ അനാവരണം ചെയ്യാനാണ് തീരുമാനം. മണിയുടെ സഹോദരന്‍ ആര്‍.എല്‍.വി രാമകൃഷ്ണനാണ് പ്രതിമ നിര്‍മ്മിക്കണമെന്ന ആവശ്യവുമായി ഡാവിഞ്ചിയെ സമീപിച്ചത്. ഇതോടെ ആ ദൗത്യം സുരേഷ് ഏറ്റെടുക്കുകയായിരുന്നു. ആറടി ഉയരത്തിലുള്ള പ്രതിമയുടെ രൂപരേഖയെല്ലാം സുരേഷിന്റെ പക്കലുണ്ട്.
തൃപ്രയാര്‍ വാടാനപ്പള്ളിയില്‍ സമയക്രമത്തെചൊല്ലി കെ.എസ്.ആര്‍.ടി.സി ബസ് കണ്ടക്ടര്‍ക്ക് നേരെ സ്വകാര്യ ബസ് കണ്ടക്ടറുടെ ആക്രമണം.
രാവിലെ അഞ്ചേമുക്കാലോടെ ഗുരുവായൂര്‍-എറണാകുളം വൈറ്റില റൂട്ടിലോടുന്ന കെ.എസ്.ആര്‍.ടി.സി ബസിലെ കണ്ടക്ടര്‍ തളിക്കുളം പുതുകുളങ്ങര സ്വദേശി വാലത്ത് മനോഹരനെയാണ് എറണാകുളം റൂട്ടിലോടുന്ന ആറ്റുപറമ്പത്ത് ബസ്സിലെ കണ്ടക്ടര്‍ ആക്രമിച്ചത്. ഡ്യൂട്ടി കഴിഞ്ഞ് വീട്ടിലേക്ക് പോകുന്നതിനിടെ കഴിഞ്ഞ ദിവസം രാത്രി എട്ടരയോടെ വാടാനപ്പള്ളി സെന്ററിലായിരുന്നു സംഭവം. മര്‍ദ്ദനത്തില്‍ സാരമായി പരിക്കേറ്റ കെ.എസ്.ആര്‍.ടി.സി കണ്ടക്ടറെ തൃത്തലൂര്‍ ഗവണ്‍മെന്റ് പ്രാഥമികാരോഗ്യ കേന്ദ്രത്തില്‍ പ്രവേശിപ്പിച്ചു. സംഭവത്തില്‍ സ്വകാര്യ ബസിലെ കണ്ടക്ടര്‍ വാടാനപ്പള്ളി സ്വദേശി വടക്കുംതല വിനോജിനെതിരെ വാടാനപ്പള്ളി പൊലീസ് കേസെടുത്തു.
പുതുക്കാട് വേലൂപ്പാടത്ത് പെണ്‍കുട്ടിയെ പ്രേമിച്ചതിന്റെ പേരില്‍ യുവാവിന് ക്രൂരമര്‍ദ്ദനമേറ്റ സംഭവത്തില്‍ പോലീസ് അന്വേഷണം ആരംഭിച്ചു.
പുതുക്കാട് സി.ഐ-എസ്.പി. സുധീരന്റെ നേതൃത്വത്തിലാണ് അന്വേഷണം നടക്കുന്നത്. വേലൂപ്പാടം മഠം ചാത്തഞ്ചിറ വീട്ടില്‍ മുഹമ്മദ് ആഷിഫിനാണ് മര്‍ദ്ദനമേറ്റത്. ഗുരുതരമായി പരിക്കേറ്റ ആഷിഫ് തൃശൂരിലെ സ്വകാര്യ ആശുപതിയിലെ തീവ്രപരിചരണ വിഭാഗത്തില്‍ ചികിത്സയിലാണ്. ആഷിഫിനെ പട്ടിക കൊണ്ട് അടിക്കുകയും ബ്ലേഡ് കൊണ്ട് ശരീരത്തില്‍ വരയുകയും ചെയ്തിട്ടുണ്ട്. പെണ്‍കുട്ടിയെ പ്രണയിച്ചു എന്ന കാരണം പറഞ്ഞായിരുന്നു മര്‍ദ്ദനം. ആഷിഫിനെ വിളിച്ചുവരുത്തി പെണ്‍കുട്ടിയുടെ ബന്ധുക്കള്‍ അതിക്രൂരമായി മര്‍ദ്ദിക്കുകയായിരുന്നു. ആഷിഫിനെ നഗ്‌നനാക്കിയ ശേഷം ചിത്രങ്ങള്‍ മൊബൈലില്‍ പകര്‍ത്തുകയും ചെയ്തു. തുടര്‍ന്ന് ഇരുമ്പുവടി കൊണ്ട് കാലില്‍ അടിക്കുകയും ഇടതുകൈയിലെ നടുവിരല്‍ വെട്ടി പരിക്കേല്‍പ്പിക്കുകയും ചെയ്തു. ആഷിഫിന്റെ വീട്ടുകാര്‍ ജില്ലാ പൊലീസ് മേധാവിക്കും മനുഷ്യാവകാശ കമ്മീഷനും പരാതി നല്കി .
തൃശൂര്‍ ഇറ്റ്‌ഫോക് അന്താരാഷ്ട്ര നാടകോത്സവത്തിന് ഈ മാസം 20ന് തൃശൂരില്‍ തിരിതെളിയും.
സാംസ്‌കാരിക മന്ത്രി എ.കെ.ബാലന്‍ ഇറ്റ്‌ഫോക് ഉദ്ഘാടനം ചെയ്യും. 9 രാജ്യങ്ങളില്‍ നിന്നുള്ള 32 നാടകാവതരണങ്ങളാണ് ഇറ്റ്‌ഫോക്കിനെ സമ്പന്നമാക്കുക. ഈ മാസം 28 വരെ നീളുന്ന നാടകോത്സവത്തില്‍ തെരുവു നാടകവതരണങ്ങല്‍ക്കാണ് ഇത്തവണ പ്രാമുഖ്യം നല്‍കിയിട്ടുള്ളത്. സംഗീത നാടക അക്കാദമി കാമ്പസ്, സ്‌കൂള്‍ ഓഫ് ഡ്രാമ, കോര്‍പ്പറേഷന്‍ ഹോക്കി മൈതാനം, സാഹിത്യ അക്കാദമി, സ്വരാജ് റൗണ്ട് എന്നിവിടങ്ങളിലാണ് നാടകാവതരണങ്ങള്‍ നടക്കുക. ഉദ്ഘാടനത്തോടനുബന്ധിച്ച് ഉടലുറവ്, ഉയിരെഴുത്ത്, ഉടലെടുപ്പ് എന്ന പ്രത്യേക പരിപാടി നടക്കും. ജര്‍മനി- ഇസ്രായേല്‍ രാഷ്ട്രങ്ങള്‍ സംയുക്തമായി അവതരിപ്പിക്കുന്ന ലോസ്റ്റ് വീല്‍സ് ഓഫ് ടൈം എന്ന നാടകമാണ് ആദ്യദിനം അരങ്ങിലെത്തുക. ഉദ്ഘാടനത്തോടനുബന്ധിച്ച് അമ്മന്നൂര്‍ പുരസ്‌കാരം ഹെയ്‌സനാം സാബിത്രിക്ക് സമ്മാനിക്കും. വാര്‍ത്താസമ്മേളനത്തില്‍ സംഗീത നാടക അക്കാദമി സെക്രട്ടറി എന്‍.രാധാകൃഷ്ണന്‍ നായര്‍, ഫെസ്റ്റിവല്‍ ഡയറക്ടര്‍ അഭിലാഷ് പിള്ള, വിദേശ നാടകപ്രവര്‍ത്തകര്‍, സംഘാടകര്‍ എന്നിവരും പങ്കെടുത്തു.
ഗുരുവായൂര്‍ ഗുരുവായൂര്‍ ദേവസ്വത്തിന്റെ ജ്ഞാനപ്പാന പുരസ്‌കാരത്തിന് പ്രശസ്ത കവയിത്രി സുഗതകുമാരി അര്‍ഹയായി.
25,000 രൂപയും പ്രശസ്തി പത്രവും ഫലകവുമടങ്ങുന്ന പുരസ്‌കാരം പൂന്താനദിനമായ മാര്‍ച്ച് 2ന് സമ്മാനിക്കും.
പാവറട്ടി പ്രതിസന്ധികള്‍ക്കിടയിലും നൂറുമേനി വിളവ് നല്‍കിയ ഏലമുത കോള്‍പടവിലെ നെല്‍കൃഷിയുടെ വിളവെടുപ്പ് ആവേശമായി.
310 ഏക്കര്‍ വിസ്തൃതിയുള്ള ഏലമുത കോള്‍പടവില്‍ ഉമ വിത്ത് ഉപയോഗിച്ചാണ് കൃഷിയിറക്കിയിട്ടുള്ളത്. ഉപ്പുവെള്ള ഭീഷണിയും ജല ദൗര്‍ലഭ്യവും കര്‍ഷകര്‍ക്ക് പ്രതിസന്ധി സൃഷ്ടിച്ചെങ്കിലും അവയെ മറികടന്ന് മികച്ച വിളവാണ് ലഭിച്ചത്. വെങ്കിടങ്ങ് പഞ്ചായത്ത് മെമ്പര്‍ അപ്പു ചീരോത്ത് വിളവെടുപ്പ് ഉദ്ഘാടനം ചെയ്തു. പടവു കമ്മിറ്റി പ്രസിഡന്റ് എം.എ.വാസുദേവന്‍ അധ്യക്ഷനായിരുന്നു. കൃഷി അസിസ്റ്റന്റ് ഓഫീസര്‍ സുനില്‍ദത്ത്, ടി.എസ്.രാമകൃഷ്ണന്‍, ഭാസ്‌കരന്‍ മരക്കാത്ത് എന്നിവര്‍ സംസാരിച്ചു.
മാള അഷ്ടമിച്ചിറ ജലസേചന പദ്ധതിയുടെ വെള്ളമെത്തിയെങ്കിലും പുല്ലംകുളത്തില്‍ മാലിന്യം നിറഞ്ഞത് തടസമാകുന്നു.
ഏതാനും ദിവസം മുന്‍പാണ് ഏറെനാളത്തെ കാത്തിരിപ്പിന് ശേഷം ജലസേചന പദ്ധതി പൂര്‍ണമായി പ്രവര്‍ത്തിച്ചത്. ദിവസങ്ങളായി കനാല്‍ വഴി പുല്ലംകുളത്തിലേക്ക് വെള്ളമെത്തുന്നുണ്ടെങ്കിലും മാലിന്യം നിറഞ്ഞത് കാരണം ഒഴുക്ക് കുറഞ്ഞ അവസ്ഥയിലാണ്. ഈ കുളത്തില്‍ നിന്നുള്ള ഒഴുക്ക് തടസമില്ലാതിരുന്നാല്‍ മാത്രമേ പുത്തന്‍ചിറ ഭാഗത്തേക്ക് വെള്ളം എത്തുകയുള്ളൂ. അഷ്ടമിച്ചിറയില്‍ നിന്ന് വെള്ളം വിട്ട് ദിവസങ്ങള്‍ കഴിഞ്ഞിട്ടും പുത്തന്‍ചിറയില്‍ എത്താത്ത അവസ്ഥയിലാണ്. കുളത്തില്‍ നിന്നുള്ള തോടുകളില്‍ മാലിന്യം നിക്ഷേപിച്ചതും തോട് കയ്യേറിയതും വെള്ളം തടയാന്‍ ഇടയാക്കിയിട്ടുണ്ട്. കുളവും അനുബന്ധ തോടും വൃത്തിയാക്കിയിട്ട് വര്‍ഷങ്ങള്‍ ഏറെയായിട്ടുണ്ടെന്ന് കര്‍ഷകര്‍ പറയുന്നു. മാള ഗ്രാമപഞ്ചായത്തിന്റെ ഉടമസ്ഥതയിലുള്ള ഈ കുളം അധികൃതരുടെ അനാസ്ഥയെ തുടര്‍ന്ന് നാശത്തിന്റെ വക്കിലാണ്. പായലും മാലിന്യവും മൂടി കുളത്തിന്റെ സംഭരണ ശേഷി പകുതിയിലധികം കുറഞ്ഞു. അഷ്ടമിച്ചിറ ജലസേചന പദ്ധതി പ്രാവര്‍ത്തികമായതോടെ പുല്ലംകുളങ്ങര പാടശേഖരത്തില്‍ പുഞ്ച കൃഷി ചെയ്യാനുള്ള തയ്യാറെടുപ്പിലാണ് കര്‍ഷകര്‍.
കൊടകര കോടാലി ചെട്ടിച്ചാല്‍ മാരിയമ്മന്‍ ക്ഷേത്രത്തിലെ ഉത്സവത്തിന് ഞായറാഴ്ച കൊടിയേറുമെന്ന് ക്ഷേത്രഭാരവാഹികള്‍ കൊടകരയില്‍ അറിയിച്ചു.
ഉത്സവത്തിന്റെ ഭാഗമായി ഈമാസം 24 വരെ ദിവസേന വിശേഷാല്‍ ്പൂജകളും അന്നദാനവും ഉണ്ടാകും. ഉത്സവം ആഘോഷിക്കുന്ന 25ന് രാവിലെ ശീവേലി എഴുന്നള്ളിപ്പ്, ഉച്ചകഴിഞ്ഞ് പൂരം എഴുന്നള്ളിപ്പ്, രാത്രിയില്‍ കലാപരിപാടികള്‍, തായമ്പക, താലംഎഴുന്നള്ളിപ്പ് എന്നിവ നടക്കും. പുലര്‍ച്ചെ 2ന് അപൂര്‍വ ചടങ്ങുകളായ അഗ്‌നിവിളയാട്ടം, മഞ്ഞള്‍നീരാട്ട് എന്നിവയും ഉണ്ടാകും. വാര്‍ത്താസമ്മേളനത്തില്‍ കെ.കെ.മണികണ്ഠന്‍, ജനാര്‍ദ്ദനന്‍ നടപ്പറമ്പില്‍ എന്നിവര്‍ പങ്കെടുത്തു.
ചാലക്കുടി ചാലക്കുടി എസ്.എന്‍.ഡി.പി യൂണിയന്റെ ആഭിമുഖ്യത്തില്‍ ശാഖാ ഭാരവാഹികള്‍ക്ക് ഗുരുദര്‍ശനത്തെക്കുറിച്ച് പഠിക്കാന്‍ പരിശീലന പരിപാടി ആരംഭിച്ചു.
ശ്രീനാരായണ ഹാളില്‍ എല്ലാ മാസത്തിലും രണ്ടാം ശനിയാഴ്ച ക്ലാസുകള്‍ നടക്കും. യൂണിയന്‍ സെക്രട്ടറി കെ.എ.ഉണ്ണികൃഷ്ണന്‍ പരിശീലന കളരി ഉദ്ഘാടനം ചെയ്തു. വനിതാ സംഘം പ്രസിഡന്റ് മിനി സുഭാഷ് അധ്യക്ഷത വഹിച്ചു. യോഗം ഡയറക്ടര്‍മാരായ ചന്ദ്രന്‍ കൊളത്താപ്പിള്ളി, എം.കെ.സുനില്‍, വനിതാ സംഘം സെക്രട്ടറി അജിതാ നാരായണന്‍ എന്നിവര്‍ സംസാരിച്ചു. പായിപ്ര ദഗമനന്‍ ക്ലാസ് നയിച്ചു.
കൊടകര കൊടകര ബ്ലോക്ക് പഞ്ചായത്തിന്റെയും പുതുക്കാട് താലൂക്ക് ആശുപത്രിയിലെ പാലിയേറ്റീവ് പരിചരണ വിഭാഗത്തിന്റെയും നേതൃത്വത്തില്‍ സ്‌നേഹസംഗമം നടത്തി.
വീടുകളില്‍ പാലിയേറ്റീവ് പരിചരണം നടത്തുന്നവരും അവരുടെ കുടുംബാംഗങ്ങളും സംഗമത്തില്‍ പങ്കെടുത്തു. ബ്ലോക്ക് പഞ്ചായത്ത് പ്രസിഡന്റ് അമ്പിളി സോമന്‍ ഉദ്ഘാടനം ചെയ്തു. വൈസ് പ്രസിഡന്റ് മോഹനന്‍ ചള്ളിയില്‍ അധ്യക്ഷത വഹിച്ചു. ബ്ലോക്ക് പഞ്ചായത്തംഗങ്ങളായ വി.കെ.ലതിക, ആശാ ഉണ്ണികൃഷ്ണന്‍, ജിനി മുരളി എന്നിവര്‍ സംസാരിച്ചു. തുടര്‍ന്ന് ഹോം കെയര്‍ രോഗീപരിചരണത്തെ കുറിച്ച് നടന്ന സെമിനാറില്‍ ഡോ.ജെസ്‌ന ക്ലാസ്സെടുത്തു. ചടങ്ങില്‍ രോഗികള്‍ക്ക് കാസറോള്‍ വിതരണം ചെയ്തു.
വടക്കാഞ്ചേരി മച്ചാട് മാമാങ്കം പറപ്പുറപ്പാടിനോടനുബന്ധിച്ച് നടന്ന ഡിജിറ്റല്‍ വെടിക്കെട്ട് കാണികള്‍ക്ക് നവ്യാനുഭവമായി.
പഴയ രീതിയിലുള്ള വെടിക്കെട്ട് മാറ്റിവെച്ചാണ് ഇക്കുറി പുതിയ പരീക്ഷണം നടത്തിയത്. സ്ത്രീകളും കുട്ടികളും ഉള്‍പ്പെടെ വന്‍ ജനാവലിയാണ് വര്‍ണാഭമായ വെടിക്കെട്ട് ആസ്വദിക്കാനായി എത്തിയിരുന്നത്.
പാവറട്ടി പാവറട്ടി തൊയക്കാവ് ആര്‍.സി.യു.പി.സ്‌കൂളില്‍ സ്പന്ദനം എന്ന പേരിലുള്ള കുട്ടികളുടെ പത്രം പ്രകാശനം ചെയ്തു.
വിദ്യാലയത്തിലെ കഴിഞ്ഞ ഒരുവര്‍ക്ഷത്തിലെ പ്രവര്‍ത്തനങ്ങളും പൂര്‍വ്വ വിദ്യാര്‍ത്ഥികളുടെ അനുഭവങ്ങളും ഉള്‍കൊള്ളിച്ചാണ് പത്രം തയ്യാറാക്കിയിട്ടുള്ളത്.ടി സി വി റിപ്പോര്‍ട്ടറും പാവറട്ടി പ്രസ് ഫോറം പ്രസിഡണ്ടുമായ ബിജോയ് പെരുമാട്ടില്‍ പ്രകാശനം നിര്‍വ്വഹിച്ചു. സ്‌കൂള്‍ മാനേജര്‍ ഫാ.ജോസഫ് അറാശ്ശേരി യോഗത്തില്‍ അധ്യക്ഷത വഹിച്ചു.പ്രധാന അധ്യാപകന്‍ ഒ.എല്‍.ജോസ്, സിനി ജോസ് കെ., സ്‌കൂള്‍ ലീഡര്‍ ഒ.ഡി.ഒലിവര്‍ തുടങ്ങിയവര്‍ സംസാരിച്ചു. പത്രത്തിലേക്ക് വാര്‍ത്തകള്‍ തയ്യാറാക്കിയ വിദ്യാര്‍ത്ഥികള്‍ക്ക് ഉപഹാരങ്ങള്‍ നല്‍കി ആദരിച്ചു .
ചാലക്കുടി ചാലക്കുടി പോട്ട മേഖലയില്‍ വാട്ടര്‍ അതോറിറ്റിയുടെ പൊട്ടിയ പൈപ്പിന്റെ അറ്റകുറ്റപ്പണി പൂര്‍ത്തിയായില്ല.
ചാലക്കുടി വെള്ളിക്കുളം ജംഗ്ഷനിലാണ് കഴിഞ്ഞ ദിവസം പൈപ്പ് പൊട്ടിയത്. പൈപ്പ് പൊട്ടിയതിനെ തുടര്‍ന്ന് ഇന്നലെ വൈകീട്ടു മുതല്‍ പോട്ട പ്രദേശത്ത് നിലച്ച കുടിവെള്ള വിതരണം ഇനി നാളെ ഉച്ചയോടെ മാത്രമേ പുനഃസ്ഥാപിക്കാന്‍ കഴിയുകയുള്ളുവെന്ന് അധികൃതര്‍ പറയുന്നു. പോട്ട ഹൈലെവല്‍ കുടിവെള്ള പദ്ധതിയിലേക്കുള്ള സ്‌റ്റേണ്‍ പൈപ്പിലാണ് ചെറിയ തോതില്‍ ചോര്‍ച്ച കണ്ടെത്തിയത്. ഇന്നലെ രാത്രിയോടെ അറ്റകുറ്റ പണികള്‍ ആരംഭിക്കുകയും ചെയ്തു. കത്തുന്ന വേനലില്‍ കുടിവെള്ളം കൂടി നിലച്ചതോടെ പോട്ടയിലെ ജനങ്ങള്‍ കൂടുതല്‍ ദുരിതത്തിലായി.
പാവറട്ടി വിശ്വഹിന്ദു പരിഷത്ത് മുല്ലശേരി പ്രഖണ്ഡിന്റെ നേതൃത്വത്തില്‍ പറമ്പന്‍തളിയില്‍ നാമജപ ഉപവാസ യജ്ഞം നടത്തി.
മുല്ലശേരി പഞ്ചായത്തിലെ പറമ്പന്‍തളി മാനിന റോഡ് പുനര്‍നിര്‍മ്മാണം പൂര്‍ത്തിയാക്കാത്തതില്‍ പ്രതിഷേധിച്ചാണ് നാമജപ ഉപവാസ യജ്ഞം നടത്തിയത്. വിശ്വഹിന്ദു പരിഷത്ത് പ്രഖണ്ഡ് പ്രസിഡന്റ് പി.മോഹന്‍ദാസ് ഉദ്ഘാടനം ചെയ്തു. ജില്ലാ വൈസ് പ്രസിഡന്റ്എം.വി.രത്‌നാകരന്‍ അധ്യക്ഷനായിരുന്നു. പി.വി.വിബീഷ്, ഷൈജു പൂവത്തൂര്‍, സിന്ധു ശിവദാസന്‍ എന്നിവര്‍ സംസാരിച്ചു. പ്രധാനമന്ത്രി ഗ്രാമസഡക് യോജന പദ്ധതി പ്രകാരം 168 ലക്ഷത്തോളം രൂപ ചിലവഴിച്ചാണ് 2 കിലോമീറ്റര്‍ ദൂരം വരുന്ന പറമ്പന്‍തളി മാനിന റോഡ് മണ്ണിട്ട് ഉയര്‍ത്തി ടാര്‍ ചെയ്ത് പുനര്‍ നിര്‍മ്മിക്കുന്നത്. റോഡിനോട് ചേര്‍ന്ന് 4 കലുങ്കുകളും നിര്‍മ്മിക്കുന്നുണ്ട്. 2 വര്‍ഷമായിട്ടും ബന്ധപ്പെട്ട അധികൃതരുടെ അനാസ്ഥമൂലം ഇതുവരേയും നിര്‍മ്മാണ പ്രവര്‍ത്തനങ്ങള്‍ പൂര്‍ത്തീകരിക്കാനായിട്ടില്ലെന്ന് വിശ്വഹിന്ദു പരിഷത്ത് നേതാക്കള്‍ പറഞ്ഞു.
കൊടകര കൊടകര പഞ്ചായത്തിലെ മനക്കുളങ്ങരയില്‍ ബീവറേജസ് കോര്‍പ്പറേഷന്റെ ഔട്ട്‌ലെറ്റ് കേന്ദ്രം തുറക്കാനുള്ള നീക്കത്തിനെതിരെ ജനകീയസമരസമിതി നടത്തുന്ന അനിശ്ചിതകാല സത്യഗ്രഹ സമരം അഞ്ചുദിവസം പിന്നിട്ടു.
പ്രദേശവാസികളായ വീട്ടമ്മമാരടക്കമുള്ളവരാണ് സത്യഗ്രഹം അനുഷ്ഠിക്കുന്നത്. കേരള മദ്യനിരോധന സമിതി പ്രവര്‍ത്തകര്‍ സമരപന്തലിലെത്തി സത്യഗ്രഹമനുഷ്ഠിക്കുന്നവര്‍ക്ക് പിന്തുണ അറിയിച്ചു. ദേശീയപാതയോരത്തുള്ള മദ്യവില്പ്പിനകേന്ദ്രങ്ങള്‍ ജനവാസമേഖലയിലേക്ക് മാറ്റിസ്ഥാപിക്കണമെന്ന് സുപ്രീംകോടതി പറഞ്ഞിട്ടില്ലെന്ന് മദ്യനിരോധന സമിതി സംസ്ഥാന സെക്രട്ടറി സി.സി.സാജന്‍ പറഞ്ഞു. സമരസമിതി കണ്വീിനര്‍ എന്‍.വി.ബിജു അധ്യക്ഷത വഹിച്ചു.
എരുമപ്പെട്ടി കടങ്ങോട് പാറപ്പുറം ഗവണ്‍മെന്റ് എല്‍.പി സ്‌കൂള്‍ വാര്‍ഷികാഘോഷവും രക്ഷാകര്‍ത്തൃ ദിനവും കടങ്ങോട് ഗ്രാമപഞ്ചായത്ത് പ്രസിഡന്റ് രമണിരാജന്‍ ഉദ്ഘാടനം ചെയ്തു.
വാര്‍ഡംഗം പി.വി.കൃഷ്ണന്‍ അധ്യക്ഷനായി. മികച്ച പി.ടി.എയ്ക്കുളള അവാര്‍ഡ് ദാനം ജില്ലാപഞ്ചായത്തംഗം കെ.ജയശങ്കര്‍ നിര്‍വ്വഹിച്ചു. ഗ്രാമപഞ്ചായത്ത് ആരോഗ്യ വിദ്യാഭ്യാസ സ്റ്റാന്റിംഗ് കമ്മറ്റി ചെയര്‍മാന്‍ ടി.പി.ജോസഫ്, മാഗസിന്‍ പ്രകാശനവും ജില്ലാപഞ്ചായത്തംഗം കല്ല്യാണി എസ്.നായര്‍ സ്റ്റാള്‍ ഉദ്ഘാടനവും നിര്‍വ്വഹിച്ചു.ബ്ലോക്ക് പഞ്ചായത്തംഗം പി.കെ.ദേവദാസ്, ഗ്രാമപഞ്ചായത്ത് പ്രതിപക്ഷനേതാവ് പി.സി.ഗോപാലകൃഷ്ണന്‍ തുടങ്ങിയവര്‍ സംസാരിച്ചു.
മാള മാള ജനമൈത്രി പൊലീസിന്റെ നേതൃത്വത്തില്‍ ഡ്രൈവര്‍മാര്‍ക്കായി ഗതാഗത ബോധവല്‍ക്കരണ ക്ലാസ് സംഘടിപ്പിച്ചു.
'സ്ത്രീ സുരക്ഷയ്ക്ക് ഡ്രൈവര്‍മാരുടെ പങ്ക് ' എന്ന വിഷയത്തില്‍ ക്ലാസെടുത്തു. മാള സി.ഐ.- റോയ് ബോധവല്‍ക്കരണ ക്ലാസ് ഉദ്ഘാടനം ചെയ്തു. ഗ്രാമപഞ്ചായത്ത് സ്ഥിരം സമിതി അധ്യക്ഷ രാധ ഭാസ്‌ക്കരന്‍ അധ്യക്ഷത വഹിച്ചു. സേവ്യര്‍ പള്ളിപ്പാട്ട് ക്ലാസെടുത്തു. വാര്‍ഡംഗം വര്‍ഗീസ് വടക്കന്‍, എ.എസ്.ഐ. - യു.സി.ലാല്‍സണ്‍ എന്നിവര്‍ സംസാരിച്ചു.
ഇരിങ്ങാലക്കുട കോഴിക്കോട് സര്‍വ്വകലാശാലയിലെ ഏറ്റവും മികച്ച വിദ്യാര്‍ത്ഥി പ്രതിഭയ്ക്ക് ഇരിങ്ങാലക്കുട ക്രൈസ്റ്റ് കോളേജ് ഏര്‍പ്പെടുത്തിയിട്ടുള്ള ഫാ.ജോസ് ചുങ്കന്‍ കലാലയ രത്‌ന പുരസ്‌കാരത്തിന് തൃശൂര്‍ സെന്റ്‌തോമസ് കൊളേജ് എം.എ. ഇംഗ്ലീഷ് വിദ്യാര്‍ത്ഥിനി ശ്രുതി സജിയെ തെരഞ്ഞെടുത്തു.
അക്കാദമിക് നിലവാരത്തോടൊപ്പം സാമൂഹിക പ്രതിബദ്ധതയും പാഠ്യേതരപ്രവര്‍ത്തനങ്ങളിലെ മികവും കണക്കാക്കിയാണ് അവാര്‍ഡ് നല്‍കുന്നത്. തിങ്കളാഴ്ച ഉച്ചയ്ക്ക് 2ന് കാലടി ശ്രീശങ്കര സര്‍വ്വകലാശാല വൈസ് ചാന്‍സിലര്‍ ഡോ.എം.സി.ദിലീപ്കുമാര്‍ പുരസ്‌കാരം സമര്‍പ്പിക്കും.
ചേലക്കര യു. ഡി. എഫിന്റെ ആഭിമുഖ്യത്തില്‍ നടത്തുന്ന മേഖല പ്രചരണ ജാഥയ്ക്ക് ചേലക്കരയില്‍ സ്വീകരണം നല്‍കി.
യു. ഡി. എഫ് സര്‍ക്കാരിന്റെ കാലത്ത് ഒരു രൂപക്ക് അരി കിട്ടിയിരുന്ന ജനങ്ങള്‍ക്ക് ഇപ്പോള്‍ 45 മുതല്‍ 50 രൂപ വരെ കൊടുക്കേണ്ട ഗതികേടാണെന്ന് ജാഥാ കാപ്റ്റന്‍ വി.ഡി.സതീശന്‍ എം.എല്‍.എ. പറഞ്ഞു. യു.ഡി എഫ്. നിയോജകമണ്ഡലം ചെയര്‍മാന്‍ പി.എം.അമീര്‍ അധ്യക്ഷനായിരുന്നു. എം.എല്‍.എ.മാരായ അനൂപ് ജേക്കബ്, അനില്‍ അക്കര, പി. സി. വിഷ്ണുനാഥ് തുടങ്ങിയവര്‍ പങ്കെടുത്തു.
കയ്പമംഗമലം കെ.എസ്.കെ.ടി.യു എടത്തിരുത്തി വില്ലേജ് കമ്മിറ്റിയുടെ നേതൃത്വത്തില്‍ അടുപ്പു കൂട്ടി സമരം നടത്തി.
കേരളത്തിന് അര്‍ഹമായ റേഷനരി കേന്ദ്ര സര്‍ക്കാര്‍ അനുവദിക്കുന്നില്ല എന്നാരോപിച്ചായിരുന്നു സമരം. കെ.എസ്.കെ.ടി.യു നാട്ടിക ഏരിയ പ്രസിഡന്റ് എം.കെ.രാമചന്ദ്രന്‍ ഉദ്ഘാടനം ചെയ്തു. കെ.എസ്.കെ.ടി.യു എടത്തിരുത്തി പ്രസിഡന്റ് ബേബി ശിവദാസ് അധ്യക്ഷത വഹിച്ചു. കെ.എസ്.ഷിനിത്ത്, കെ.വി.ശ്രീധരന്‍, പി.സി.രവി എന്നിവര്‍ സംസാരിച്ചു.
പുന്നയൂര്‍ക്കുളം വടക്കേകാട് നാലാം കല്ലിലെ എം ആന്റ് ടി ഓഡിറ്റോറിയത്തിലെ മലിനജലം കാനയിലേക്ക് ഒഴുക്കി വിടുന്നത് പരിസരവാസികള്‍ക്ക് ദുരിതമാകുന്നു.
പലപ്രാവശ്യം മണ്ഡപത്തിന്റെ നടത്തിപ്പുകാരോട് പരാതി പറഞ്ഞിട്ടും നടപടിയെടുത്തിട്ടില്ല. ആരോഗ്യ വിഭാഗത്തില്‍ അറിയിക്കുമ്പോള്‍ നടപടിയെടുക്കാന്‍ തയ്യാറാകുന്നില്ലെന്ന് പ്രദേശവാസികള്‍ പറയുന്നു. മണ്ഡപത്തില്‍ മിക്ക ദിവസങ്ങളിലും വിവാഹം നടക്കുന്നുണ്ട്. എത്രയും വേഗം മാലിന ജലം കാനയിലേക്ക് ഒഴുക്കുന്നത് തടയാന്‍ നടപടികള്‍ എടുക്കണമെന്നാവശ്യപ്പെട്ട് വാര്‍ഡ് അംഗം ജോണ്‍സന്റെ നേതൃത്വത്തില്‍ ഉന്നത അധികാരികള്‍ക്ക് പരാതിനല്‍കി.
തൃശൂര്‍ ഫുഡ് കോര്‍പ്പറേഷന്‍ ഓഫ് ഇന്ത്യ വര്‍ക്കേഴ്‌സ് അസോസിയേഷന്‍ -സി.ഐ.ടി.യു.വിന്റെ നാലാമത് സംസ്ഥാന സമ്മേളനം നാളെ തൃശൂരില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
പടിഞ്ഞാറേചിറ മന്നം സ്മാരക മന്ദിരം ഹാളില്‍ രാവിലെ 9ന് ആരംഭിക്കുന്ന സമ്മേളനം മുന്‍ മന്ത്രി എളമരം കരീം ഉദ്ഘാടനം ചെയ്യും. വാര്‍ത്താസമ്മേളനത്തില്‍ സ്വാഗതസംഘം ജനറല്‍ കണ്‍വീനര്‍ പി.പി.സണ്ണി, ഭാരവാഹികളായ കെ.ജി.രാജു, കെ.വി.ബെന്നി, ഇ.എന്‍.പീതാംബരന്‍ എന്നിവര്‍ പങ്കെടുത്തു.
തൃശൂര്‍ ഖാദി തൊഴിലാളികളുടെ മിനിമം കൂലി പുതുക്കി നിശ്ചയിക്കണമെന്നാവശ്യപ്പെട്ട് തൊഴിലാളികള്‍ സി.ഐ.ടി.യുവിന്റെ നേതൃത്വത്തില്‍ കളക്‌ട്രേറ്റ് മാര്‍ച്ച് നടത്തി.
സി.ഐ.ടിയു ജില്ലാ സെക്രട്ടറി യു.പി.ജോസഫ് ഉദ്ഘാടനം ചെയ്തു. പ്രസിഡന്റ് പി.ചന്ദ്രന്‍, യൂണിയന്‍ സെക്രട്ടറി കെ.ഒ.പൗലോസ് തുടങ്ങിയവര്‍ സംസാരിച്ചു.
തൃശൂര്‍ ഉല്‍പ്പാദനം കൂട്ടാതെ ഖാദിമേഖലയെ അവഗണിക്കുന്ന നിലപാടാണ് കേന്ദ്ര - സംസ്ഥാന സര്‍ക്കാരുകളുടേതെന്ന് കേരള ഖാദി വര്‍ക്കേഴ്‌സ് കോണ്‍ഗ്രസ് ഐ.എന്‍.ടി.യു.സി തൃശൂരില്‍ വാര്‍ത്താസമ്മേളനത്തില്‍ ആരോപിച്ചു.
ഖാദി മേഖലയുടെ വികസനത്തിനായി കേന്ദ്ര-സംസ്ഥാന സര്‍ക്കാരുകളുടെ ഫലപ്രഖ്യാപനങ്ങള്‍ ഇന്നും വാക്കുകളില്‍ മാത്രമാണെന്ന് വര്‍ക്കേഴ്‌സ് കോണ്‍ഗ്രസ് കുറ്റപ്പെടുത്തി. സംഘടനയുടെ 40-ാമത് ജില്ലാ സമ്മേളനം ഈ മാസം 21ന് രാവിലെ 10ന് തൃശൂര്‍ ടൗണ്‍ഹാളില്‍ നടക്കും. ഖാദി-സഹകരണ വകുപ്പ് മുന്‍ മന്ത്രി സി.എന്‍.ബാലകൃഷ്ണന്‍ ഉദ്ഘാടനം ചെയ്യും. തുടര്‍ന്ന് നടക്കുന്ന പ്രതിനിധി സമ്മേളനം ഡി.സി.സി പ്രസിഡന്റ് ടി.എന്‍.പ്രതാപന്‍ ഉദ്ഘാടനം ചെയ്യുമെന്നും ഭാരവാഹികള്‍ അറിയിച്ചു. വാര്‍ത്താസമ്മേളനത്തില്‍ കേരള ഖാദി വര്‍ക്കേഴ്‌സ് കോണ്‍ഗ്രസ് ജില്ലാ പ്രസിഡന്റ് ജോസഫ് പെരുമ്പിള്ളി, ജനറല്‍ സെക്രട്ടറി എം.പി.വത്സല, സെക്രട്ടറി സി.കെ.ലളിത, വൈസ് പ്രസിഡന്റ് സി.വി.ലില്ലി, എം.ശാലിനി എന്നിവര്‍ പങ്കെടുത്തു.
ഇരിങ്ങാലക്കുട മുകുന്ദപുരം താലൂക്ക് തല ജനസമ്പര്‍ക്ക പരിപാടി മിനി സിവില്‍ സ്റ്റേഷനില്‍ ആരംഭിച്ചു.
ഡെപ്യൂട്ടി കളക്ടര്‍ സി.വി.സജന്‍ ഉദ്ഘാടനം ചെയ്തു. മുകുന്ദപുരം തഹസില്‍ദാര്‍ ഐ.ജെ.മധുസൂദനന്‍ അധ്യക്ഷത വഹിച്ചു. അഡീഷണല്‍ തഹസില്‍ദാര്‍ കെ.വി.ജോസഫ്, ഇരിങ്ങാലക്കുട സി.ഐ-സുരേഷ്‌കുമാര്‍ എന്നിവര്‍ സംസാരിച്ചു. 422 പരാതികള്‍ പരിഗണിച്ചതില്‍ 97 എണ്ണം തീര്‍പ്പാക്കി. റവന്യൂ വിഭാഗത്തില്‍ 376 പരാതികളും മറ്റു വകുപ്പുകളിലേക്ക് 66 പരാതികളുമാണ് ലഭിച്ചത്. ചികിത്സാ സഹായത്തിനായി ഒരു ലക്ഷത്തി 72,000 രൂപയും അനുവദിച്ചു.
എരുമപ്പെട്ടി വേലൂര്‍ ഗ്രാമപഞ്ചായത്തിലെ പകല്‍ വീട് പദ്ധതി ഭരണസമിതി പാതി വഴിയില്‍ ഉപേക്ഷിച്ചുവെന്ന പ്രതിപക്ഷത്തിന്റെ ആരോപണം അടിസ്ഥാനരഹിതമാണെന്ന് പഞ്ചായത്ത് പ്രസിഡന്റ് ഷേര്‍ളി ദിലീപ്കുമാര്‍ പറഞ്ഞു.
കിരാലൂര്‍ തണല്‍ ചാരിറ്റബിള്‍ സൊസൈറ്റിയുമായി സഹകരിച്ചാണ് പദ്ധതി നടപ്പിലാക്കാന്‍ തീരുമാനിച്ചിരുന്നത്. എന്നാല്‍ ഇതില്‍ നിയമ തടസം ഉണ്ടായതിനാലാണ് പദ്ധതിയുടെ പ്രവര്‍ത്തനം താല്‍ക്കാലികമായി നിര്‍ത്തിവെക്കാന്‍ തീരുമാനിച്ചത്. പഞ്ചായത്ത് സ്വന്തമായി കെട്ടിടം നിര്‍മ്മിച്ച് പദ്ധതി നടപ്പിലാക്കാന്‍ തീരുമാനിക്കുകയും ചെയ്തിട്ടുണ്ട്. വസ്തുതകള്‍ ഇങ്ങനെയാണെന്നിരിക്കെ അത് മറച്ച് രാഷ്ട്രീയ മുതലെടുപ്പിന് വേണ്ടി കോണ്‍ഗ്രസിന്റെ നേത്യത്വത്തിലുള്ള പ്രതിപക്ഷം ഇല്ലാത്ത ആരോപണങ്ങള്‍ ഉന്നയിച്ച് ജനങ്ങളെ തെറ്റിദ്ധരിപ്പിക്കുകയാണ്. വയോജനങ്ങള്‍ക്ക് ആശ്വാസം പകരുന്ന പകല്‍ വീട് പദ്ധതി ഭരണ സമിതി നടപ്പിലാക്കുമെന്നും ഷേര്‍ളി ദിലീപ്കുമാര്‍ വ്യക്തമാക്കി.
കയ്പമംഗലം പെരിഞ്ഞനം ഗവണ്‍മെന്റ് യു.പി.സ്‌കൂളിന്റെ 114-ാം വാര്‍ഷികാഘോഷങ്ങളുടെ ഭാഗമായി ബാലോത്സവം സംഘടിപ്പിച്ചു.
കളിമണ്‍ ശില്പകല, ചിത്രരചന, ക്രാഫ്റ്റ് വര്‍ക്ക് തുടങ്ങിയവയില്‍ കുട്ടികള്‍ക്ക് പ്രത്യേക പരിശീലനം നല്കി. പി.ടി.എ പ്രസിഡന്റ് സരിത കണ്ണന്‍ ഉദ്ഘാടനം ചെയ്തു. സി.കെ.ബീന അധ്യക്ഷത വഹിച്ചു. പി.ബി.സജീവ്, എം.ഡി.ദിനകരന്‍ എന്നിവര്‍ സംസാരിച്ചു.
എരുമപ്പെട്ടി വേലൂര്‍ വെങ്ങിലശേരി മണിമലര്‍ക്കാവ് ഭഗവതി ക്ഷേത്രത്തിലെ കുതിരവേലയുടെ പറ പുറപ്പാട് നടന്നു.
14 ദിവസങ്ങളിലായി നടക്കുന്ന ദേശ പറകളില്‍ ആയിരത്തിലധികം പറകളാണ് കൈകൊള്ളുക. മാര്‍ച്ച് 2, 3, 4 തിയ്യതികളിലാണ് കുതിരവേല. ട്രസ്റ്റി ശിവദാസന്‍ പെരുവഴിക്കാട്ട് ക്ഷേത്ര മണ്ഡപത്തില്‍ പറചൊരിഞ്ഞു. മാര്‍ച്ച് 3ന് രാവിലെ നടയ്ക്കല്‍ പറക്ക് ശേഷം കുറൂര്‍ മനപ്പറമ്പിലെ പറയോടെ പറയെടുപ്പ് സമാപിക്കും.
കയ്പമംഗലം കയ്പമംഗലം കൂരിക്കുഴി ഇഴ സാംസ്‌ക്കാരിക വേദിയുടെയും പ്രൊഫ. പി.വി.അപ്പു മാസ്റ്റര്‍ വായനശാലയുടെയും ആഭിമുഖ്യത്തില്‍ സൗജന്യ നേത്ര ചികിത്സാ ക്യാമ്പ് സംഘടിപ്പിച്ചു.
കൂരിക്കുഴി എല്‍.പി സ്‌കൂളില്‍ നടന്ന ക്യാമ്പ് മതിലകം എസ്.ഐ -കെ.എസ്.സുശാന്ത് ഉദ്ഘാടനം ചെയ്തു. സാംസ്‌ക്കാരിക വേദി ചെയര്‍്മാന്‍ കെ.ബി.അനില്‍കുമാര്‍ അധ്യക്ഷത വഹിച്ചു. ബ്ലോക്ക് പഞ്ചായത്തംഗം ലൈല മജീദ്, ഗ്രാമപഞ്ചായത്തംഗങ്ങളായ എന്‍.എസ്.പ്രണവ്, അജീഷ നവാസ്, സുരേഷ് ബാബു എന്നിവര്‍ സംസാരിച്ചു.
കുന്നംകുളം കുന്നംകുളം താലൂക്കാശുപത്രിയില്‍ പാലിയേറ്റീവ് പരിചരണ വിഭാഗത്തിന്റെ ആഭിമുഖ്യത്തില്‍ സന്നദ്ധ പ്രവര്‍ത്തകര്‍ക്കുള്ള ത്രിദിന തീവ്രപരിശീലന പരിപാടിക്ക് തുടക്കമായി.
നഗരസഭ സ്ഥിരം സമിതി അധ്യക്ഷ സുമ ഗംഗാധരന്‍ ഉദ്ഘാടനം ചെയ്തു. വികസനകാര്യ സ്ഥിരം സമിതി അധ്യക്ഷ ഗീത ശശി അധ്യക്ഷത വഹിച്ചു. ആശുപത്രി സൂപ്രണ്ട് ഡോ.താജ്‌പോള്‍ പനക്കല്‍, കൗണ്‍സിലര്‍മാരായ സോമന്‍ ചെറുകുന്ന്, ബീന രവി തുടങ്ങിയവര്‍ സംസാരിച്ചു. മൂന്നു ദിവസങ്ങളിലായി നടക്കുന്ന ക്യാമ്പ് തിങ്കളാഴ്ച സമാപിക്കും.
കൊടുങ്ങല്ലൂര്‍ നരേന്ദ്രമോദി നോട്ട് നല്‍കാതെ ജനങ്ങളെ വഞ്ചിക്കുമ്പോള്‍ റേഷന്‍ അരി നല്‍കാതെയാണ് പിണറായി ജനങ്ങളെ വഞ്ചിക്കുന്നതെന്ന് കെ.പി.സി.സി. പ്രസിഡന്റ് വി.എം. സുധീരന്‍ പറഞ്ഞു.
കെ.പി.സി.സി. വൈസ് പ്രസിഡന്റ് വി.ഡി. സതീശന്‍ എം.എല്‍.എ. നയിക്കുന്ന യു.ഡി.എഫ്. മധ്യമേഖല ജാഥയുടെ ജില്ലാതല പര്യടനം കൊടുങ്ങല്ലൂരില്‍ ഉദ്ഘാടനം ചെയ്ത് സംസാരിക്കുകയായിരുന്നു സുധീരന്‍. നോട്ട് നിരോധനത്തിലൂടെ ഇന്ത്യന്‍ ഭരണകൂടത്തിന്റെ വിശ്വാസ്യത തകര്‍ത്തു, നോട്ടുകള്‍ നിരോധിക്കുക മാത്രമല്ല നിരക്ഷരരായ ജനകോടികള്‍ക്കിടയിലേക്ക് ഡിജിറ്റല്‍ സമ്പ്രദായം കൊണ്ടുവന്ന് ഭ്രാന്തന്‍ സമീപനങ്ങള്‍ നടപ്പിലാക്കി ഒരു ഇരുണ്ട കാലഘട്ടത്തിലേക്കാണ് രാജ്യത്തെ മോദി സര്‍ക്കാര്‍ കൊണ്ടുപോകുന്നത്. പോലീസ് പോലീസിന്റെ പണിയെടുക്കണമെന്ന് പറയുന്ന പിണറായി ഇത് നേരത്തെ പറയുകയായിരുന്നെങ്കില്‍ കേരളത്തിലെ രാഷ്ട്രീയ കൊലപാതകങ്ങള്‍ ഇത്രകണ്ട് പെരുകില്ലായിരുന്നു. പോലീസിനെ രാഷ്ട്രീയവല്‍ക്കരിച്ചത് പിണറായിയാണെന്ന് സുധീരന്‍ പറഞ്ഞു. ടി.യു. രാധാകൃഷ്ണന്‍ അധ്യക്ഷനായി. ഡി.സി.സി. പ്രസിഡന്റ് ടി.എന്‍. പ്രതാപന്‍, എം.എല്‍.എ.മാരായ പി.സി. വിഷ്ണുനാഥ്, അനൂപ് ജേക്കബ് , മുന്‍ മന്ത്രി സി.എന്‍. ബാലകൃഷ്ണന്‍, ജോസഫ് ചാലിശ്ശേരി, യൂജിന്‍ മൊറേലി, പി.എ. മാധവന്‍, എം.കെ. അബ്ദുള്‍സലാം, ജോസ് വെള്ളൂര്‍, ടി.എം. നാസര്‍, തുടങ്ങിയവര്‍ സംസാരിച്ചു.
തൃശൂര്‍ കേബിള്‍ ടി.വി. ഓപ്പറേറ്റേഴ്‌സ് അസോസിയേഷന്‍ സംസ്ഥാന കണ്‍വെന്‍ഷന്‍ ശനി, ഞായര്‍ ദിവസങ്ങളില്‍ ആലപ്പുഴയില്‍ നടക്കും.
ഹോട്ടല്‍ പവരേയില്‍ ശനിയാഴ്ച രാവിലെ 10ന് പൊതുമരാമത്ത് വകപ്പ് മന്ത്രി ജി.സുധാകരന്‍ ഉദ്ഘാടനം ചെയ്യും. ഞായറാഴ്ച രാവിലെ 10ന് നടക്കുന്ന സമ്മേളനത്തില്‍ ബ്രോഡ് കാസ്റ്റിംഗ് മന്ത്രാലയത്തില്‍ നിന്നു ലഭിച്ച കേരളാവിഷന്‍ സാറ്റലൈറ്റ് ചാനല്‍ അനുമതി പത്രം പ്രതിപക്ഷനേതാവ് രമേശ് ചെന്നിത്തല കൈമാറും.
കൊടുങ്ങല്ലൂര്‍ കൊടുങ്ങല്ലൂര്‍ ബേബി വധക്കേസില്‍ പോലീസിനെ തുണച്ചത് സ്വര്‍ണക്കമ്മല്‍.
പ്രതിക്ക് കോടതി കഠിനതടവ് ശിക്ഷ വിധിച്ച സാഹചര്യത്തില്‍ പോലീസിനെ സംബന്ധിച്ചിടത്തോളം ഒരു പണത്തൂക്കമുള്ള കമ്മല്‍ കേസില്‍ ഏറെ വില പിടിപ്പുള്ള തെളിവായിരുന്നു. അജ്ഞാത ജഡം തിരിച്ചറിയാന്‍ പോലുമാകാതെ പോലീസ് കുഴങ്ങിയ സമയത്താണ് യുവതിയുടെ കാതില്‍ നിന്നു കണ്ടെത്തിയ കമ്മല്‍ കേസന്വേഷണത്തില്‍ വഴിത്തിരിവായത്. പറവൂരിലെ ലക്ഷ്മി ജ്വല്ലറിയില്‍ നിന്നു വാങ്ങിയതാണ് ഈ കമ്മലെന്ന് തിരിച്ചറിഞ്ഞതോടെ വഴിമുട്ടി നിന്ന അന്വേഷണം ശരവേഗത്തിലായി. ബേബിയുടേതാണ് മൃതദേഹമെന്ന് ഉറപ്പായെങ്കിലും അത് ശാസ്ത്രീയമായി തെളിയിക്കുകയെന്നതായിരുന്നു അടുത്ത കടമ്പ. ഹൈദരാബാദ് നാഷണല്‍ ഫോറന്‍സിക് ലാബില്‍ നടത്തിയ ഡി.എന്‍.എ പരിശോധനയിലൂടെ പോലീസ് അതും മറികടന്നു. മരിച്ചയാളെ തിരിച്ചറിഞ്ഞതോടെ പോലീസ് പ്രതിക്ക് തൊട്ടു പിറകിലെത്തി. പടിഞ്ഞാറെ നടയിലെ ഒ.കെ കോംപ്ലക്‌സിലെ വാടകമുറിയില്‍ ബേബിയോടൊപ്പംതാമസിച്ചിരുന്ന കായംകുളം സ്വദേശി ഷാജി എന്ന ജപ്പാന്‍ ഷാജിയെതിരിച്ചറിഞ്ഞതോടെ അന്വേഷണം ലക്ഷ്യസ്ഥാനത്തോടടുത്തു. തുടര്‍ന്നുള്ള തെരച്ചിലില്‍ 2014 ഡിസംബര്‍ 27ന് പ്രതി ഷാജിയെപോലീസ് അറസ്റ്റ് ചെയ്തു. ഒരു പക്ഷേ എങ്ങുമെത്താതെ പോകുമായിരുന്ന ഒരു കൊലപാതക കേസ് തെളിയിച്ചതും അന്വേഷണ സംഘത്തിന് ഡി.ജി.പിയുടെ ബാഡ്ജ് ഓഫ് ഓണര്‍ സമ്മാനം നേടിക്കൊടുത്തതും ആ പാലക്ക കമ്മലാണ്.
തൃശൂര്‍ ശബരി റെയില്‍ പാതയ്ക്ക് 214 കോടി രൂപ കേന്ദ്ര ബജറ്റില്‍ വകയിരുത്തിയതിന്റെ അടിസ്ഥാനത്തില്‍ തുടര്‍ നിര്‍മ്മാണ പ്രവര്‍ത്തനങ്ങള്‍ ഈ ആഴ്ച തന്നെ ആരംഭിക്കുമെന്ന് ഇന്നസെന്റ് എം പി അറിയിച്ചു.
ശബരി പദ്ധതി പ്രഖ്യാപിക്കപ്പെട്ടതിനു ശേഷം ഇത്രയും തുക ബജറ്റ് വിഹിതമായി അനുവദിക്കുന്നത് ഇതാദ്യമായാണ്. ശബരിപാതയുടെ ഭാഗമായുള്ള അങ്കമാലി - കാലടി പാത കമ്മിഷന്‍ ചെയ്യുന്നതിന് ആവശ്യമായ ജോലികള്‍ ഉടന്‍ ആരംഭിക്കുമെന്നും എം പി അറിയിച്ചു.
തൃശൂര്‍ ജില്ലയില്‍ കുടിവെളളത്തിന് ചിലയിടങ്ങളില്‍ ക്ഷാമമുെണ്ടങ്കിലും മാധ്യമ റിപ്പോര്‍ട്ടുകള്‍ പോലെ കുടിവെളളം കിട്ടാത്ത അവസ്ഥ വരുമെന്ന് ആശങ്കപ്പെടേണ്ടതില്ലെന്ന് ജില്ലാ കളക്ടര്‍ ഡോ. എ.കൗശിഗന്‍ കണക്കുകള്‍ നിരത്തി വ്യക്തമാക്കി.
ചിമ്മിനി ഡാമില്‍ 51 ദശാംശം 9,7 മീറ്ററാണ് ഫെബ്രുവരി 16ലെ ജലനിരപ്പ്. ഇത് 22ദശാംശം 4,2 മില്ല്യണ്‍ ഘനമീറ്റര്‍ ജലത്തിന്റെ അളവാണ്. 2 ദശാംശം 8,5 മില്ല്യണ്‍ ഘനമീറ്റര്‍ ഡെഡ് സ്റ്റോറേജ് കഴിഞ്ഞാല്‍ 19 ദശാംശം 5,7 മില്ല്യണ്‍ ഘനമീറ്റര്‍ വെളളം ഉണ്ടാകും. നിലവില്‍ കോള്‍ കൃഷിക്കായി ദിനംപ്രതി 1 ദശാംശം 2,0 മില്ല്യണ്‍ ഘനമീറ്റര്‍ വെളളമാണ് തുറന്നുകൊടുക്കുന്നത്. ഇത് തിങ്കളാഴ്ച വരെ തുടരും. 13 ദശാംശം 5,7 മില്ല്യണ്‍ ഘനമീറ്റര്‍ വെളളം കുടിവെളള വിതരണത്തിന് ചിമ്മിനി സംഭരണിയില്‍ ഉണ്ട്. 130 ലക്ഷം കിലോ ലിറ്റര്‍ വെളളമാണ് ഒരു ദിവസം കുടിവെളള വിതരണത്തിന് ആവശ്യമുളളത്. മെയ് 31 വരെ കുടിവെളളം വിതരണം ചെയ്യാനുളളത് സംഭരണിയിലുണ്ടെന്നും ആശങ്കപ്പെടേണ്ടതില്ലെന്നും ജില്ലാ കളക്ടര്‍ ആവര്‍ത്തിച്ചു.
തൃശൂര്‍ ശ്രീവടക്കുന്നാഥ ക്ഷേത്രത്തിലെ മഹാശിവരാത്രി ആഘോഷങ്ങളുടെ ഭാഗമായി ശ്രീമൂല സ്ഥാനത്തെ ശിവരാത്രി മണ്ഡപത്തില്‍ നൃത്തസംഗീതോത്സവം തുടരുന്നു.
രണ്ടാം ദിനമായ വെള്ളിയാഴ്ച തൃശൂര്‍ മുദ്ര നൃത്തവിദ്യാലയം അവതരിപ്പിച്ച നൃത്ത-നൃത്യങ്ങള്‍, ഗിന്നസ് റെക്കോര്‍ഡ് ജേതാവായ ഗിറ്റാറിസ്റ്റ് സെബാസ്റ്റ്യന്‍ ജോസഫ് നയിച്ച ഭക്തിഗാനസുധ, ഡോ.വസന്ത് കിരണ്‍, പ്രൊഫ. അശ്വിനി നമ്പ്യാര്‍, ചലച്ചിത്ര - സീരിയല്‍ താരങ്ങളായ രചന നാരായണന്‍കുട്ടി, സോനു സതീഷ് കുമാര്‍ എന്നിവര്‍ അവതരിപ്പിച്ച കുച്ചിപ്പുഡി എന്നിവ അരങ്ങേറി. ശനിയാഴ്ച വൈകീട്ട് നൃത്ത-നൃത്യങ്ങളും തുടര്‍ന്ന് സീതാസ്വയംവരം കഥകളിയും അരങ്ങേറും.
കുന്നംകുളം കുന്നംകുളം പോര്‍ക്കുളത്ത് രക്ഷിതാക്കളുമായി പിണങ്ങിയ പതിമൂന്നുകാരന്‍ ആത്മഹത്യ ചെയ്തു.
പോര്‍ക്കുളം കാരുകുളം അയ്യപ്പന്‍പറമ്പില്‍ സുരേന്ദ്രന്റെ മകന്‍ ശ്രീഹരിയാണ് മരിച്ചത്. മങ്ങാട് ഗവണ്‍മെന്റ് സ്‌കൂളിലെ എട്ടാം ക്ലാസ് വിദ്യാര്‍ത്ഥിയാണ്.
എരുമപ്പെട്ടി എരുമപ്പെട്ടി കുട്ടഞ്ചേരി വനത്തില്‍ അഗ്‌നിബാധ.
പൂങ്ങോട് ഫോറസ്റ്റ് സ്‌റ്റേഷന്‍ പരിധിയിലുള്ള തുവ്വാറ വനപ്രദേശത്താണ് വെള്ളിയാഴ്ച രാത്രിയില്‍ തീപിടിത്തമുണ്ടായത്. അഞ്ച് ഏക്കറോളം വരുന്ന സ്ഥലത്തുള്ള അടിക്കാടുകളും മുളങ്കൂട്ടങ്ങളും പാഴ്മരങ്ങളും അഗ്‌നിക്കിരയായി. വനപാലകരും നാട്ടുകാരും ചേര്‍ന്ന് മണിക്കൂറുകളോളം പരിശ്രമിച്ചാണ് തീ കെടുത്തിയത്.
ചാലക്കുടി പ്രധാന പൈപ്പു ലൈനില്‍ പൊട്ടിയതിനാല്‍ ചാലക്കുടിയിലെ ഹൈലെവല്‍ പദ്ധതിയിലെ കുടിവെള്ള വിതരണം തടസ്സപ്പെട്ടു.
വെള്ളിക്കുളം റോഡിലാണ് വെള്ളിയാഴ്ച വൈകീട്ട് പൈപ്പു പൊട്ടിയത്. ഇതേതുടര്‍ന്ന് പോട്ട മേഖലയിലെ കുടിവെള്ള വിതരണം സ്തംഭിച്ചു. വാട്ടര്‍ അതോറിറ്റി ജീവനക്കാര്‍ സ്ഥലത്തെത്തി അറ്റകുറ്റ പണികള്‍ ആരംഭിച്ചു. ശനിയാഴ്ച പോട്ട മേഖലയില്‍ കുടിവെള്ളം വിതരണം മുടങ്ങുമെന്ന് അധികൃതര്‍ അറിയിച്ചു.
വടക്കാഞ്ചേരി പ്രസിദ്ധമായ മച്ചാട് തിരുവാണിക്കാവ് മാമാങ്കം പറ പുറപ്പെട്ടു.
ആചാരങ്ങള്‍ക്കും അനുഷ്ഠാനങ്ങള്‍ക്കും പേരു കേട്ട മച്ചാട് തിരുവാണിക്കാവില്‍ കുംഭമാസത്തിലെ മുപ്പെട്ട് വെള്ളിയാഴ്ച അത്താഴ പൂജയ്ക്ക് ശേഷമാണ് പറ പുറപ്പെട്ടത്. പറ പുറപ്പാടിന് മുന്നോടിയായി ഭഗവതിയുടെ പ്രതിരൂപമായ അരീക്കര ഇല്ലത്തെ ഇളയത് ജയരാജന്‍ ശ്രീകോവിലിന് മുന്നില്‍ കുരുത്തോല കൊണ്ട് തോരണം തൂക്കി കൂറയിട്ടു. അവകാശിയായ പാലിശേരി തറവാട്ടു കാരണവര്‍ രാധാകൃഷ്ണന്‍ നായര്‍ ദേവിയുടെ കൈപിടിച്ച് ഓലക്കുടയും ആര്‍പ്പു വിളികളുമായി പാമ്പുംകാവിലേക്ക് പോയി. തുടര്‍ന്ന് വടക്കേ ആല്‍ത്തറയിലെ വിളക്ക് തെളിയിച്ച് പ്രദക്ഷിണം വെച്ച് അരിയെറിഞ്ഞ് എടുപ്പന്‍മാരുടെ തോളിലേറി കിഴക്ക് ഭാഗത്തെ ഹരിജന്‍ പറ സ്വീകരിച്ചു.
പുതുക്കാട് വേലൂപ്പാടത്ത് യുവാവിനെ സംഘം ചേര്‍ന്ന് നഗ്‌നനാക്കിയ ശേഷം ക്രൂരമായി മര്‍ദ്ദിച്ചു.
വേലൂപ്പാടം മഠം ചാത്തഞ്ചിറ വീട്ടില്‍ മുഹമ്മദ് ആഷിഫിനാണ് മര്‍ദ്ദനമേറ്റത്. ഗുരുതരമായി പരിക്കേറ്റ ആഷിഫ് തൃശ്ശൂരിലെ സ്വകാര്യ ആശുപതിയിലെ തീവ്രപരിചരണ വിഭാഗത്തില്‍ ചികിത്സയിലാണ്. ആഷിഫിനെ പട്ടിക കൊണ്ട് അടിക്കുകയും ബ്ലേഡ് കൊണ്ട് ശരീരത്തില്‍ വരിയുകയും ചെയ്തീട്ടുണ്ട് .. പെണ്‍കുട്ടിയെ പ്രണയിച്ചു എന്ന കാരണം പറഞ്ഞായിരുന്നു മര്‍ദ്ദനം.
മാള ചാലക്കുടി പുഴയിലേക്ക് ഉപ്പ് കയറിയതോടെ കുഴൂര്‍ പഞ്ചായത്തിലെ നൂറുകണക്കിന് ഏക്കര്‍ കൃഷി കൃഷി നശിക്കുന്നു. വെള്ളത്തില്‍ ഉപ്പു കലര്‍ന്നതോടെ ജലസേചന പദ്ധതികളുടെ പ്രവര്‍ത്തനം നിര്‍ത്തിവെച്ചിരിക്കുകയാണ്.
വെള്ളം പമ്പ് ചെയ്താല്‍ ഉപ്പുകയറി നശിക്കും. എന്നാല്‍ വെള്ളം ഇല്ലാതായാല്‍ കരിഞ്ഞുണങ്ങും എന്ന ത്രിശങ്കുവിലാണ് കുഴൂര്‍ മേഖലയിലെ കര്‍ഷകര്‍. വെള്ളമില്ലായ്മ നെല്‍കൃഷിയെ ഏറെക്കുറെ ഇല്ലാതാക്കുന്ന അവസ്ഥയിലാണ്. കതിരെത്തി നില്‍ക്കുന്ന എഴുന്നൂറോളം ഏക്കര്‍ സ്ഥലത്തെ കൃഷിയും ഒപ്പം നൂറുകണക്കിന് കര്‍ഷകരുടെ പ്രതീക്ഷകളുമാണ് വെള്ളമില്ലാത്തതിനെ തുടര്‍ന്ന് കരിയുന്നത്. കരിക്കാട്ടുചാലിലെ വെള്ളത്തെ മാത്രം ആശ്രയിച്ച് കൃഷിചെയ്യുന്ന അന്നമനട പഞ്ചായത്തിലെ അടൂപ്പാടവും ഉണക്കുഭീഷണിയിലാണ്. കുഴൂര്‍ പഞ്ചായത്തിലെ കുണ്ടൂര്‍ ഭാഗത്തെ പുഴയില്‍ നിന്നുള്ള നെന്മണിച്ചിറ പദ്ധതിയില്‍ നിന്നാണ് വെള്ളം എത്തിച്ചിരുന്നത്. എന്നാല്‍ പുഴയിലേക്ക് ഉപ്പുകയറിയതിനാല്‍ വെള്ളം പമ്പ് ചെയ്യാനാകാത്ത അവസ്ഥയിലാണ്. ഇനി അന്നമനട പഞ്ചായത്തിലെ കല്ലൂര്‍, പൂവ്വത്തുശ്ശേരി, പാലിശ്ശേരി ജലസേചന പദ്ധതികള്‍ പ്രവര്‍ത്തിപ്പിച്ച് വെള്ളം എത്തിക്കാനായാല്‍ മാത്രമേ കൃഷിക്ക് ആശ്വാസം കണ്ടെത്താനാകൂ. എക്കാലത്തും ജലസമൃദ്ധിയായി കിടന്നിരുന്ന കരിക്കാട്ടുചാല്‍ ഇപ്പോള്‍ വറ്റിയ അവസ്ഥയിലും. കതിരായി നില്‍ക്കുന്ന നെല്‍ച്ചെടികളുള്ള പാടം കട്ട വിണ്ടുകീറിയ നിലയിലുമാണ്. ഈ അവസ്ഥ നാല് ദിവസം കൂടി തുടര്‍ന്നാല്‍ കര്‍ഷകര്‍ക്ക് കൃഷിയും കൊയ്ത്തും ഒരു സ്വപ്നമായി മറക്കേണ്ടി വന്നേക്കും. ഇത്രയും കടുത്ത പ്രതിസന്ധിയുണ്ടായിട്ടും ഗ്രാമപഞ്ചായത്തോ, കൃഷി വകുപ്പോ തിരിഞ്ഞ് നോക്കിയില്ലെന്ന് തുമ്പരശ്ശേരി കര്‍ഷക സംഘം സെക്രട്ടറി വര്‍ക്കി കൊടിയനും കെ.സി.വിജയനും പറയുന്നു. ഗ്രാമപഞ്ചായത്ത് മുന്‍ അംഗം പോള്‍സണ്‍ കൊടിയനും പാടശേഖര സമിതി നേതാക്കളും ചേര്‍ന്ന് മേഖലയിലേക്ക് വെള്ളമെത്തിക്കാനുള്ള ശ്രമങ്ങള്‍ തുടരുന്നുണ്ട്. കണക്കന്‍കടവ് റെഗുലേറ്റര്‍ കം ബ്രിഡ്ജിലെ തടയണ തകരാറിലായ കാരണമാണ് വന്‍ തോതില്‍ ഉപ്പുകയറാന്‍ ഇടയാക്കിയത്. ചോര്‍ച്ച സംബന്ധിച്ച് നിരവധി തവണ പരാതിപ്പെട്ടിട്ടും അധികൃതര്‍ പരിഗണിച്ചില്ല. എറണാകുളം ജില്ലയിലെ കണക്കന്‍കടവില്‍ പ്രവര്‍ത്തിക്കുന്ന ഈ തടയണയുടെ ഗുണഭോക്താക്കള്‍ തൃശൂര്‍ ജില്ലയിലാണ്. അഡ്വ.വി.ആര്‍.സുനില്‍കുമാര്‍ എം.എല്‍.എ. ഇടപെട്ട് താല്‍ക്കാലിക മണല്‍ ബണ്ട് നിര്‍മ്മിക്കാന്‍ നടപടിയുണ്ടാക്കിയെങ്കിലും പുഴയിലേക്ക് കയറിയ ഉപ്പ് ഏതാനും വര്‍ഷത്തേക്ക് നിലനില്‍ക്കുമെന്നാണ് കരുതുന്നത്.
പാവറട്ടി എ.ഐ.വൈ.എഫ് പ്രവര്‍ത്തകര്‍ ഗുരുവായൂര്‍ വാട്ടര്‍ അതോററ്റി അസിസ്റ്റന്റ് എക്‌സിക്യൂട്ടീവ് എഞ്ചിനിയറെ ഉപരോധിച്ചു.
വെങ്കിടങ്ങ് കണ്ണോത്ത് കുടിവെള്ള പദ്ധതിയുടെ ഉദ്ഘാടനം കഴിഞ്ഞ് ഒന്നര വര്‍ഷത്തോളമായിട്ടും പൊതു ടാപ്പുകളിലൂടെ കുടിവെള്ളം വിതരണം ചെയ്യാത്തതില്‍ പ്രതിഷേധിച്ചാണ് വാട്ടര്‍ അതോററ്റി അസിസ്റ്റന്റ് എക്‌സിക്യൂട്ടീവ് എഞ്ചിനിയര്‍ മനു ദേവസിയെ ഉപരോധിച്ചത്. വെള്ളിയാഴ്ച ഉച്ചതിരിഞ്ഞ് മൂന്നരയോടെ ആരംഭിച്ച ഉപരോധ സമരം ഒരു മണിക്കൂറോളം നീണ്ടു നിന്നു. നിലവില്‍ സ്ഥാപിച്ചിട്ടുള്ള പൊതു ടാപ്പുകളിലൂടെ ശനിയാഴ്ച തന്നെ കുടിവെള്ളം വിതരണം ചെയ്യാമെന്നും ബാക്കിയുള്ള നൂറോളം പൊതുടാപ്പുകള്‍ പഞ്ചായത്തിന്റെ വിവിധ ഭാഗങ്ങളില്‍ സ്ഥാപിക്കുന്നതിനു നടപടി സ്വീകരിക്കാമെന്നുമുള്ള ഉദ്യോഗസ്ഥരുടെ ഉറപ്പിലാണ് ഉപരോധം അവസാനിപ്പിച്ചത്. എ.ഐ.വൈ.എഫ്. ഭാരവാഹികളായ എന്‍.സി.സതീഷ്, കെ.എച്ച്.നജീബ്, എം.എ.അജ്മല്‍, ഷാജി കാക്കശേരി തുടങ്ങിയവര്‍ ഉപരോധസമരത്തിന് നേതൃത്വം നല്‍കി.
കൊടകര ഹെഡ് ലോഡ് ആന്റ് ജനറല്‍ വര്‍ക്കേഴ്‌സ് യൂണിയന്‍ കൊടകര ഏരിയ സമ്മേളനം നടന്നു.
സി.ഐ.ടി.യു ജില്ലാ ട്രഷറര്‍ കെ.കെ. രാമചന്ദ്രന്‍ ഉദ്ഘാടനം ചെയ്തു. ഏരിയ പ്രസിഡന്റ് പി.കെ. ശങ്കരനാരായണന്‍ അധ്യക്ഷനായിരുന്നു. സെക്രട്ടറി പി.ആര്‍. പ്രസാദന്‍, യൂണിയന്‍ നേതാക്കളായ കെ.ആര്‍.രവി, എന്‍.എന്‍.ദിവാകരന്‍, എം.ടി. പൗലോസ് തുടങ്ങിയവര്‍ സംസാരിച്ചു.
കുന്നംകുളം കുന്നംകുളം-തൃശൂര്‍ റോഡില്‍ താലൂക്ക് ആശുപത്രിയുടെ മുന്‍ വശത്ത് ജലം പാഴായി പോയിരുന്ന പൈപ്പിന്റെ തകരാര്‍ പരിഹരിക്കാന്‍ ജല അതോററ്റി അധികൃതരെത്തി.
കഴിഞ്ഞ മൂന്ന് വര്‍ഷങ്ങളിലായി നിരന്തര പരാതികളുണ്ടായിട്ടും മന്ത്രി തന്നെ നേരിട്ട് നിര്‍ദ്ദേശം നല്‍കിയിട്ടും ഇതിന് തയ്യാറാകാതിരുന്നത് പൊതുജനങ്ങള്‍ക്കിടയില്‍ വലിയ പ്രതിഷേധത്തിന് ഇടയാക്കിയിരുന്നു. നഗരസഭ വിമത കോണ്‍ഗ്രസ്സ് കൗണ്‍സിലര്‍മാരുടെ നേതൃത്വത്തില്‍ പ്രതിഷേധ സമരവും നടത്തി. കുടിവെള്ളം കിട്ടാക്കനിയാകുന്ന വേനലില്‍ രാവിലെ മുതല്‍ വൈകുന്നേരം വരേ ജലം പാഴായി പോകുകയായിരുന്നു. പരാതികള്‍ നല്‍കിയാല്‍ ജലവിതരണം നിര്‍ത്തിവെക്കുകയായിരുന്നു ജലഅതോററ്റിയുടെ സാധാരണ നടപടി, എന്നാല്‍ വിഷയത്തില്‍ പൊതുജന പ്രതിഷേധത്തിന് ശക്തിയാര്‍ജ്ജിച്ചതോടെയാണ് അടിയന്തിര പ്രവൃത്തി നടത്താന്‍ അധികൃതര്‍ തയ്യാറായത്. പൈപ്പ് പൊട്ടിയത് പുനസ്ഥാപിക്കാനും, ചോര്‍ച്ച അടയ്ക്കുന്നതിനുമായി റോഡ് കുഴിച്ചിരിക്കുകയാണ്. യുദ്ധകാലാടിസ്ഥാനത്തില്‍ പ്രവൃത്തി പൂര്‍ത്തിയാക്കുമെന്ന് അതോററ്റി ഉദ്യോഗസ്ഥര്‍ പറഞ്ഞു.
പുതുക്കാട് വരന്തരപ്പിളളി കോരനൊടിയില്‍ റബ്ബര്‍ തോട്ടത്തില്‍ തീ പിടിത്തം.
വെള്ളിയാഴ്ച രാവിലെ 11 ഓടെ ശ്മശാനത്തിന് സമീപമുള്ള റബ്ബര്‍ എസ്‌റ്റേറ്റുകളിലാണ് തീപടര്‍ന്നത്. പുതുക്കാട് നിന്നെത്തിയ അഗ്‌നി ശമന സേനാംഗങ്ങളും നാട്ടുകാരും ചേര്‍ന്നാണ് തീയണച്ചത്.
കയ്പമംഗലം എടത്തിരുത്തിയില്‍ ബണ്ട് കെട്ടാന്‍ വൈകിയതിനെ തുടര്‍ന്ന് ഉപ്പുവെള്ളം കയറി നെല്‍കൃഷി നശിച്ച കടവത്ത് കുമാരന്റെ കൃഷിയിടം ഇ.ടി.ടൈസന്‍ എം.എല്‍.എ സന്ദര്‍ശിച്ചു.
കഴിഞ്ഞ ദിവസം മാധ്യമങ്ങളില്‍ വന്ന വാര്‍ത്ത ശ്രദ്ധയില്‍പ്പെട്ടതിനെ തുടര്‍ന്നാണ് എം.എല്‍.എയുടെ സന്ദര്‍ശനം. കൃഷിക്കാരുമായി കാര്യങ്ങള്‍ ചോദിച്ചറിഞ്ഞ എം.എല്‍.എ ഇവര്‍ക്ക് വേണ്ട സഹായങ്ങള്‍ നല്‍കാമെന്ന് ഉറപ്പ് നല്കി. എടത്തിരുത്തി പൈനൂരിലെ പല്ലയിലുള്ള നെല്‍കൃഷിയാണ് നശിച്ചത്. ചിറക്കല്‍ ചെറുപുഴയോട് ചേര്‍ന്ന പല്ല പാട ശേഖരത്തില്‍ രണ്ടേക്കറിലധികം ഭാഗത്താണ് കൃഷി ചെയ്തിരുന്നത്. ഒന്നര മാസം വൈകിയാണ് ബണ്ട് നിര്‍മ്മാണം ആരംഭിച്ചത്. ഇതോടെ ഈ ഭാഗത്തുള്ള നെല്‍പ്പാടങ്ങളും ശുദ്ധജല സ്രോതസുകളും വെള്ളം കയറി ഉപയോഗ ശൂന്യമാവുകയായിരുന്നു. കഴിഞ്ഞ ദിവസം പഞ്ചായത്തിലെ കോണ്‍ഗ്രസ് അംഗങ്ങളും കൃഷിയിടം സന്ദര്‍ശിച്ചിരുന്നു.
പാവറട്ടി ബൈക്കിലെത്തിയ രണ്ടംഗ സംഘം യുവാക്കളെ മര്‍ദ്ദിച്ചതായി പരാതി.
പെരുവല്ലൂര്‍ സ്വദേശികളായ വെണ്ണേങ്കോട്ട് വിവേക്, ആനേടത്ത് രാജേഷ് എന്നിവര്‍ക്കാണ് മര്‍ദ്ദനമേറ്റത്. പരിക്കേറ്റ വിവേകിനെ പാവറട്ടിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. രാജേഷിനെ പ്രാഥമിക ശുശ്രൂഷ നല്‍കി വിട്ടയച്ചു. പാവറട്ടി എസ്.ഐ.-ലാല്‍കുമാര്‍ കേസെടുത്ത് അന്വേഷണം ആരംഭിച്ചു. മുന്‍ വൈരാഗ്യമാണ് ആക്രമണത്തിന് കാരണമെന്ന് സംശയിക്കുന്നതായി പോലീസ് പറഞ്ഞു.
തൃപ്രയാര്‍ ഈ മാസം 19 മുതല്‍ 26 വരെ തൃപ്രയാര്‍ ടി.എസ്.ജി.എ ഇന്‍ഡോര്‍ സ്‌റ്റേഡിയത്തില്‍ നടത്താനിരുന്ന 19-ാമത് അഖിലേന്ത്യാ വോളിബോള്‍ ടൂര്‍ണമെന്റ് മാര്‍്ച്ച് മാസത്തിലേക്ക് മാറ്റി.
മാര്‍്ച്ച് 12 മുതല്‍ 19 വരെയാണ് ടൂര്‍്ണമെന്റിന്റെ പുതിയ തിയ്യതി. നിലവില്‍ വിതരണം ചെയ്ത പാസുകള്‍ ഉപയോഗിച്ച് കളി കാണാമെന്ന് ടി.എസ്.ജി.എ ജനറല്‍ സെക്രട്ടറി സി.ജി.അജിത്കുമാര്‍ അറിയിച്ചു.
ഇരിങ്ങാലക്കുട തീരദേശമേഖലയിലെ എസ്.എന്‍.പുരം മുതല്‍ ഏങ്ങണ്ടിയൂര്‍ വരെയുള്ള പത്ത് പഞ്ചായത്തുകളിലേക്കുള്ള കുടിവെള്ള വിതരണം ഭാഗികമായി പുനഃസ്ഥാപിച്ചു.
കെ.എല്‍.ഡി.സി. കരാറുകാരന്റെ അനാസ്ഥയെ തുടര്‍ന്ന് കരുവന്നൂര്‍ പുഴയില്‍ നിന്ന് കാറളം വെള്ളാനിയിലെ പ്ലാന്റിലേക്ക് വെള്ളമെത്തിക്കുന്ന പൈപ്പ് പൊട്ടുകയും വാല്‍വ് ചേംബറിന് തകരാര്‍ സംഭവിക്കുകയും ചെയ്തിരുന്നു. അറ്റകുറ്റപ്പണികള്‍ നടത്തി വ്യാഴാഴ്ച രാത്രിയോടെ പമ്പിംഗ് പുനരാരംഭിച്ചിരുന്നു. ജലവിതരണം സാധാരണ നിലയിലാകാന്‍ ഒരാഴ്ചയോളം സമയമെടുക്കുമെന്ന് അധികൃതര്‍ അറിയിച്ചു.
കൊടകര വെള്ളിക്കുളങ്ങര കിഴക്കേ മഠം പരിസരത്തെ സ്വകാര്യ പറമ്പിലുണ്ടായ തീപിടിത്തത്തില്‍ കാര്‍ഷിക വിളകള്‍ നശിച്ചു.
വെള്ളിയാഴ്ച ഉച്ചയ്ക്ക് രണ്ടോടെയാണ് വെള്ളിക്കുളങ്ങര സെറാഫിക് ഐ.ടി.സി.ക്കു സമീപത്തെ സ്വകാര്യ പറമ്പുകളില്‍ തീപിടിത്തമുണ്ടായത്. റബര്‍, കുരുമുളക്, വാഴ, കാപ്പിമരങ്ങള്‍ എന്നിവ കത്തി നശിച്ചു. നാട്ടുകാരും ചാലക്കുടിയില്‍ നിന്നെത്തിയ ഫയര്‍ഫോഴ്‌സും ചേര്‍ന്നാണ് തീയണച്ചത്. ഇരുപതേക്കറോളം സ്ഥലം കത്തിനശിച്ചു. നാട്ടുകാരുടെ സമയോചിതമായ ഇടപെടല്‍ മൂലം തൊട്ടടുത്തുള്ള വനംവകുപ്പിന്റെ തേക്കുതോട്ടത്തിലേക്ക് തീപടര്‍ന്നില്ല. തീയണയ്ക്കുന്നതിനിടെ നാട്ടുകാരനായ കോയ എന്നയാള്‍ക്ക് പരിക്കേറ്റു.
മാള പോലീസ് സേനയിലെ പാമ്പുപിടിത്തക്കാരനായ ഫൈസല്‍ കോറോത്ത് തുടര്‍ച്ചയായി നാല് ദിവസം നാല് മൂര്‍ഖനെ പിടികൂടി അപൂര്‍വ്വ നേട്ടത്തിലെത്തി.
കഴിഞ്ഞ നാല് ദിവസങ്ങളിലായി ആറ് മുതല്‍ എട്ട് അടിയോളം നീളമുള്ള നാല് പാമ്പുകളെയാണ് ഫൈസല്‍ കോറോത്ത് പിടിച്ച് കൂട്ടില്‍ സംരക്ഷിക്കുന്നത്. പാമ്പുകളുടെ ശരീരത്തിന് ക്ഷതം ഏല്‍ക്കാത്ത തരത്തില്‍ പിടിക്കുന്ന പാമ്പുകളെ കൂട്ടിലെത്തിച്ച് പൂര്‍ണ്ണമായ സംരക്ഷണം നല്‍കിയ ശേഷമാണ് വനം വകുപ്പ് അധികൃതര്‍ക്ക് കൈമാറുക. കഴിഞ്ഞ 25 വര്‍ഷത്തിലധികമായി ആയിരത്തിലധികം പാമ്പുകളെ പിടി കുടിയിട്ടുണ്ടെങ്കിലും ഒരിക്കല്‍ പോലും ഫൈസലിന് വിഷപാമ്പുകളുടെ കടിയേറ്റിട്ടില്ല.
പുതുക്കാട് ചിമ്മിനി വന്യമൃഗസംരക്ഷണ കേന്ദ്രം പാലപ്പിള്ളി ഫോറസ്റ്റ് റെയ്ഞ്ച് എന്നിവിടങ്ങളില്‍പെട്ട ഈറ്റകൊമ്പന്‍, വള്ളിക്കാട്, പുന്നമറ്റം, എന്നിവിടങ്ങളില്‍ രണ്ട് ദിവസമായി കാട്ടുതീ പടരുന്നു.
വനപാലകര്‍ തീയണയ്ക്കാന്‍ കഠിന പ്രയത്‌നം നടത്തി കൊണ്ടിരിക്കുകയാണ്. ഉള്‍വനത്തില്‍ തീ പടര്‍ന്നത് കെടുത്താനായി ഫയര്‍ഫോഴ്‌സിന്റെ വാഹനങ്ങള്‍ക്ക് ഇവിടെ എത്തിച്ചേരാന്‍ സാധിക്കില്ല. പച്ചില തൂപ്പു കൊണ്ട് തല്ലിക്കെടുത്തിയും, തീ പടരാതിരിക്കാന്‍ കരിയിലകള്‍ നീക്കിയും പരിശ്രമിക്കുന്നതിനിടെ മൂന്ന് ദിവസമായി ആഞ്ഞു വീശുന്ന കാറ്റിനെ തുടര്‍ന്ന് തീ കൂടുതല്‍ സ്ഥലങ്ങളിലേക്ക് വ്യാപിച്ചു. വേനല്‍ മഴ ലഭിക്കാത്തത് കാട്ടുതീയുടെ തീവ്രത വര്‍ദ്ധിക്കുകയാണ്. പീച്ചി റെയ്ഞ്ചിലെ മരോട്ടിച്ചാല്‍, ഓലക്കയം കുത്ത് പ്രദേശത്തും മൂന്ന് ദിവസമായി കാട്ടുതീ പടര്‍ന്നിട്ടുണ്ട്. കൃത്യമായ സമയത്ത് ഫയര്‍ ലൈന്‍ തീര്‍ക്കാത്തതാണ് കാട്ടു തീ പടര്‍ന്നു പിടിക്കാനുള്ള പ്രധാന കാരണമെന്നാണ് ആരോപണം.
അന്തിക്കാട് ദേശങ്ങളുടെ കൂട്ടായ്മയില്‍ പെരിങ്ങോട്ടുകര ശ്രീ സോമശേഖരക്ഷേത്ര മഹോത്സവം ആഘോഷിച്ചു.
വിശേഷാല്‍ പൂജകള്‍ക്ക് മേല്‍ശാന്തി ദാമോദരന്‍ മുഖ്യകാര്‍മ്മികനായി. തുടര്‍ന്ന് ഗ്രാമ വീഥികളെ പൂരാവേശത്തിലാഴ്ത്തി ഏഴ് ദേശങ്ങളില്‍ നിന്നു പൂരം വരവുണ്ടായി. തെയ്യം, കാവടി, പരമ്പരാഗത കലാരൂപങ്ങള്‍ എന്നിവ പൂരക്കാഴ്ചകള്‍ക്ക് മാറ്റേകി. ക്ഷേത്രാങ്കണത്തില്‍ ഏഴ് ദേശങ്ങളുടെ സംഗമത്തോടെ കൂട്ടി എഴുന്നുള്ളിപ്പ് നടന്നു. താന്ന്യം ദേശത്തിന്റെ കൊമ്പന്‍ചിറയ്ക്കല്‍ കാളിദാസന്‍ ഭഗവാന്റെ തിടമ്പേറ്റി. തുടര്‍ന്ന് ചെറായി രമേശന്റെ നേതൃത്വത്തില്‍ നൂറ്റമ്പതില്‍പരം വാദ്യകലാകാരന്‍മാരെ അണിനിരത്തി പാണ്ടിമേളം അരങ്ങേറി് വര്‍ണ്ണ വെടിക്കെട്ടും നടന്നു.
കൊടകര ഫലവൃക്ഷത്തൈകളുടെ വിത്ത് ഉള്ളില്‍ നിറച്ച് കടലാസുപേനകള്‍ സഹപാഠികള്‍ക്കും അധ്യാപകര്‍ക്കും സമ്മാനിച്ചാണ് വെള്ളിക്കുളങ്ങരയിലെ നിവേദിത എസ്.മേനോന്‍ എന്ന വിദ്യാര്‍ത്ഥിനി തന്റെ പിറന്നാള്‍ ആഘോഷിച്ചത്.
ഇന്ന് അനുഭവപ്പെടുന്ന കൊടുംചൂടിന് പരിഹാരമുണ്ടാകണമെങ്കില്‍ മരങ്ങള്‍ നട്ടുപിടിപ്പിക്കണെന്ന തിരിച്ചറിവാണ് ഈ ആറാം ക്ലാസുകാരിയെ ഇത്തരത്തിലുള്ള വേറിട്ട പിറന്നാളാഘോഷത്തിന് പ്രേരിപ്പിച്ചത്. മറ്റത്തൂര്‍ ശ്രീകൃഷ്ണ ഹൈസ്‌കൂളിലെ വിദ്യാര്‍ത്ഥിനിയാണ് നിവേദിത. നൂറോളം പേനകള്‍ കുടുംബാംഗങ്ങളുടെ സഹകരണത്തോടെ നിവേദിത തയ്യാറാക്കി. ഫലവൃക്ഷങ്ങളുടേയും വിവിധയിനം പച്ചക്കറികളുടേയും വിത്തുകള്‍ ഉള്ളില്‍ നി്‌റച്ചാണ് ഓരോ പേനയും മെനഞ്ഞടുത്തത്. ക്ലാസ് മുറിയില്‍ നടന്ന ചടങ്ങില്‍ പരിസ്ഥിതി പ്രവര്‍ത്തകന്‍ എം.മോഹന്‍ദാസിന് വിത്തടങ്ങിയ കടലാസുപേന നിവേദിത സമ്മാനിച്ചു. പിറന്നാള്‍ മരമായി സ്‌കൂള്‍ അങ്കണത്തില്‍ നിവേദിതയും എം.മോഹന്‍ദാസും ചേര്‍ന്ന് മാവിന്‍തൈ നട്ടുപിടിപ്പിക്കുകയും ചെയ്തു. പ്രധാനധ്യാപിക എം.മഞ്ജുള, കെ.പി.ഹരിദാസ് എന്നിവര്‍ സംസാരിച്ചു.
ചാവക്കാട് ചക്കയ്ക്ക് മാര്‍ക്കറ്റില്‍ വന്‍ ഡിമാന്റ്.
പച്ചച്ചക്ക കിലോയ്ക്ക് 25 രൂപ വരെയാണ് വില. സീസണാകാത്തതിനാലാണ് വില കൂടുതലെന്ന് ചാവക്കാട് കച്ചവടം നടത്തുന്ന മുഹമ്മദ് കുട്ടി പറയുന്നു. നാല് മുതല്‍ 10 കിലോ വരെയുള്ള ചക്കകളാണ് മാര്‍ക്കറ്റില്‍ കൂടുതലും വില്‍ക്കുന്നത്. കുന്നംകുളം, ചൂണ്ടല്‍, ആല്‍ത്തറ , കൂറ്റനാട് തുടങ്ങിയ മേഖലകളില്‍ നിന്നെത്തുന്ന വരിക്ക ചക്കയ്ക്കാണ് കൂടുതല്‍ ഡിമാന്റ്. എന്നാല്‍ പഴച്ചക്കയ്ക്ക് ആവശ്യക്കാരില്ല. ഇടിച്ചക്കയ്ക്കും ധാരാളം ആവശ്യക്കാരുണ്ട്. പ്രമേഹത്തിനെ പ്രതിരോധിക്കുന്ന ഔഷധമാണെന്ന പ്രചാരണമാണ് പച്ച ചക്കയ്ക്ക് ഡിമാന്റ് കൂട്ടിയതെന്ന് വ്യാപാരികള്‍ പറയുന്നു. ചക്ക ധാരാളമുള്ള ഇടങ്ങളില്‍ നിന്ന് ഉത്തരേന്ത്യയിലേക്കും തമിഴ്‌നാട്ടിലേക്കുമൊക്കെ ധാരാളം കയറ്റിപ്പോകുന്നുമുണ്ട്.
ചാവക്കാട് തിരുവത്ര കുഞ്ചേരി ഗവണ്‍മെന്റ് മാപ്പിള എല്‍.പി.സ്‌കൂള്‍ 89-ാം വാര്‍ഷികാഘോഷവും അധ്യാപക രക്ഷാകര്‍തൃ ദിനവും കെ.വി അബ്ദുല്‍ കാദര്‍ എം.എല്‍.എ. ഉദ്ഘാടനം ചെയ്തു.
നഗരസഭാ ചെയര്‍മാന്‍ എന്‍.കെ.അക്ബര്‍ അധ്യക്ഷനായി. സ്‌കോളര്‍ഷിപ്പ് വിതരണവും ഉന്നത വിദ്യാഭ്യാസം നേടിയ ഹഷ്മി സോമനെ ആദരിക്കലും നഗരസഭാ വിദ്യാഭ്യാസ സ്റ്റാന്റിങ് കമ്മിറ്റി ചെയര്‍മാന്‍ എ.സി.ആനന്ദന്‍ നിര്‍വഹിച്ചു. ടി.എ. ദാസന്‍, സഫൂറ ബക്കര്‍, എ.പി. സുരേഷ് എന്നിവര്‍ സംസാരിച്ചു.
വടക്കാഞ്ചേരി ഉത്രാളിപൂരം വടക്കാഞ്ചേരി വിഭാഗത്തിന്റെ ദേശപന്തലിന് കാല്‍നാട്ടി.
സംസ്ഥാന പാതയില്‍ ദേശകമ്മിറ്റി ഓഫിസിന് മുന്നിലാണ് ബഹുനില പന്തല്‍ നിര്‍മ്മാണം. എടപ്പാള്‍ നാദം പന്തല്‍ വര്‍ക്‌സിലെ ബൈജുവാണ് ഇത്തവണ ദേശപന്തല്‍ നിര്‍മ്മിയ്ക്കുന്നത്. ദേശ കമ്മിറ്റി പ്രസിഡണ്ട് പി.എന്‍. ഗോകുലന്‍, സി.എ. ശങ്കരന്‍ കുട്ടി, കെ. രാമകൃഷ്ണന്‍, കാഞ്ഞൂര്‍ ഉണ്ണികൃഷ്ണന്‍ തുടങ്ങിയവര്‍ പങ്കെടുത്തു
അന്തിക്കാട് ശ്രീനാരായണ ഗുരുദേവന്‍ ദീപപ്രതിഷ്ഠ നടത്തിയ കാരമുക്ക് ശ്രീ ചിദംബര ക്ഷേത്രത്തിലെ കാവടി മഹോത്സവം വര്‍ണാഭമായി.
ക്ഷേത്രത്തിലെ വിശേഷാല്‍ പൂജകള്‍ക്ക് ശേഷം പന്ത്രണ്ട് കരകളില്‍ നിന്നുള്ള കാവടി വരവുണ്ടായി. അഭിഷേക ചടങ്ങുകളോടെ കാവടി മഹോത്സവം സമാപിച്ചു.
പുന്നയൂര്‍ക്കുളം ക്ലീന്‍ പുന്നയൂര്‍ക്കുളം പദ്ധതിയുടെ ഭാഗമായി പുന്നയൂര്‍ക്കുളം പഞ്ചായത്ത് ആരംഭിച്ച പ്ലാസ്റ്റിക്ക് പാഴ്‌വസ്തു ശേഖരണ പദ്ധതിയുടെ പ്രവര്‍ത്തനം നിലച്ചു. പലയിടത്തും പ്ലാസ്റ്റിക് മാലിന്യം കുമിഞ്ഞു കൂടി കിടക്കുകയാണ്
പ്ലാസ്റ്റിക് നിക്ഷേപ കേന്ദങ്ങള്‍ മാലിന്യകൂമ്പാരമായി മാറി. പഞ്ചായത്തിനെ മാലിന്യമുക്തമാക്കുക എന്ന ലക്ഷ്യത്തോടെയാണ് ഒരു വര്‍ഷം മുമ്പ് ക്ലീന്‍ പുന്നയൂര്‍ക്കുളം പദ്ധതി ആരംഭിച്ചത്. ഇതിന്റെ ഭാഗമായി എല്ലാ വാര്‍ഡുകളിലും കുടുംബശ്രി, സന്നദ്ധ സംഘടനകള്‍ എന്നിവരെ സംഘടിപ്പിച്ച് ശൂചീകരണ യജ്ഞങ്ങളും നടത്തിയിരുന്നു. ഡിസംബര്‍ എട്ടിനു സംസ്ഥാനത്തൊട്ടാകെ നടത്തിയ ഹരിത കേരളം മിഷന്‍ പദ്ധതി പ്രകാരമാണ് വാര്ഡുതകളിലെ പ്രധാന കേന്ദ്രങ്ങളില്‍ പ്ലാസ്റ്റിക് മാലിന്യങ്ങള്‍ നിക്ഷേപിക്കാന്‍ വലിയ തൊട്ടികള്‍ സ്ഥാപിച്ചത്. ഇതു പ്രകാരം എല്ലായിടത്തും മാലിന്യം കുന്നുകൂടി. രണ്ട് ദിവസത്തിനകം ഇത് കൊണ്ടുപോകുകയും ചെയ്തു. എന്നാല്‍ പിന്നീട് നിക്ഷേപിച്ച മാലിന്യങ്ങള്‍ എടുക്കാന്‍ ആരും എത്തിയില്ല. പ്ലാസ്റ്റിക് മാലിന്യങ്ങള്‍ നിശ്ചിത കേന്ദങ്ങളില്‍ നിക്ഷേപിക്കണമെന്നും മാസത്തില്‍ ഒരു തവണയെങ്കിലും ഇത് നീക്കം ചെയ്യുമെന്നുമാണ് പഞ്ചായത്ത് അറിയിച്ചിരുന്നത്. പഞ്ചായത്തിന്റെ പ്ലാസ്റ്റിക് നിരോധന ഉത്തരവ് നടപ്പാക്കുന്നതില്‍ വ്യാപാരികള്‍ സഹകരിക്കുന്നില്ലെന്ന് പഞ്ചായത്ത് അധികൃതര്‍ പറയുന്നു. പ്ലാസ്റ്റിക് കവറുകള്‍ നല്കുന്ന കടകളില്‍ പരിശോധന ആരംഭിക്കുമെന്നും അധികൃതര്‍ അറിയിച്ചു. മാലിന്യം എവിടെ തള്ളും എന്നറിയാതെ കുഴങ്ങുകയാണ് നാട്ടുകാര്‍.
തൃശൂര്‍ പുറ്റേക്കര ആണ്ടപറമ്പ് കുറുവില്‍ക്കാവ് നൈതിലക്കാവ് മഹാവിഷ്ണു - ഭഗവതി ക്ഷേത്രത്തിലെ പൂരമഹോത്സവം ഭക്തിനിര്‍ഭരമായി.
വിവിധ ഉത്സവകമ്മിറ്റികളുടെ എഴുന്നെള്ളിപ്പ് ക്ഷേത്രസന്നിധിയില്‍ എത്തി കൊട്ടിക്കലാശിച്ചു. ഗുരുവായൂര്‍, ഇന്ദ്രസെന്‍, പാറമേക്കാവ് പത്മനാഭന്‍ തുടങ്ങി 7 ആനകള്‍ കൂട്ടിയെഴുന്നെള്ളിപ്പില്‍ അണിനിരന്നു. ചേമാനിക്കോട് വിജയ് സുന്ദര്‍ ദേവസ്വം പൂരത്തിന്റെ തിടമ്പേറ്റി. വെള്ളത്തിരുത്തി ഉണ്ണിനായര്‍ നയിച്ച മേളം എഴുന്നെള്ളിപ്പിന് അകമ്പടിയായി. വിവിധ വാദ്യമേളങ്ങളുടെ അകമ്പടിയോടെ എത്തിയ തെയ്യങ്ങളും നാടന്‍ കലാരൂപങ്ങളും ഉത്സവലഹരി നിറച്ചു.
പുതുക്കാട് കല്ലൂര്‍ ഭരതയില്‍ ശക്തമായ കാറ്റില്‍ തെങ്ങ് വീടിന് മുകളിലേക്ക് കടപുഴകി വീണു.
കോഴിക്കോടന്‍ ദേവസ്സിയുടെ ഓട് വീടിന് മുകളിലേക്കാണ് തെങ്ങ് വീണത്. സംഭവം നടക്കുമ്പോള്‍ വീടിനകത്ത് ദേവസിയും ഭാര്യയും ഉണ്ടായിരുന്നുവെങ്കിലും പരിക്കേല്‍ക്കാതെ രക്ഷപ്പെട്ടു. തെങ്ങ് കടപുഴകി വൈദ്യുതി കമ്പിയിലേക്ക് ചെരിഞ്ഞതിനാല്‍ വീടിന് ഭാഗികമായ കേടുപാടുകള്‍ മാത്രമാണ് സംഭവിച്ചത്. വൈദ്യുതി ബന്ധം ഇല്ലാത്തതിനാല്‍ വന്‍ ദുരന്തം ഒഴിവായി.
ചാവക്കാട് വട്ടേക്കാട് ശൈഖ് ബര്‍ദാന്‍ തങ്ങളുടെ ജാറത്തിലെ ചന്ദനക്കുടം നേര്‍ച്ച തുടങ്ങി.
വട്ടേക്കാട് നിന്ന് ആദ്യക്കാഴ്ച ആരംഭിച്ചതോടെ നേര്‍ച്ചയിലേക്ക് കാഴ്ചകള്‍ പ്രവഹിച്ചു തുടങ്ങി. ശനിയാഴ്ച വട്ടേക്കാട് ആലുംപറമ്പ് പള്ളിയില്‍ നിന്ന് കൊടിക്കയറ്റ കാഴ്ച ആരംഭിച്ച് വട്ടേക്കാടിന്റെ വിവിധ ഭാഗങ്ങളില്‍ സഞ്ചരിച്ച് 12ന് ജാറത്തിലെത്തി കൊടിയേറ്റം നടത്തും.
ഗുരുവായൂര്‍ ഗുരുവായൂര്‍ ചാമുണ്ഡേശ്വരി ക്ഷേത്രത്തിലെ താലപ്പൊലി മഹോത്സവത്തിന് ആയിരങ്ങളെത്തി.
താലപ്പൊലിയോടനുബന്ധിച്ച് ക്ഷേത്രത്തില്‍ വിശേഷാല്‍ പൂജകളുണ്ടായി. നടക്കല്‍ പറയും ഗുരുതിയും നടന്നു. തുടര്‍ന്ന് വിവിധ ദേശപൂരങ്ങളെത്തി ക്ഷേത്ര പ്രദക്ഷിണം നടത്തി. മമ്മിയൂര്‍ നാരായണംകുളങ്ങര ക്ഷേത്രത്തില്‍ നിന്ന് താലം എഴുന്നള്ളിപ്പും ഉണ്ടായി. ട്രിപ്പിള്‍ തായമ്പകയും അരങ്ങേറി.
കൊരട്ടി കൊരട്ടി ലിറ്റില്‍ഫ്‌ളവര്‍ കോണ്‍വെന്റ് ഗേള്‍സ് സ്‌കൂളിന് കൂടുതല്‍ ഡിവിഷനുകള്‍ അനുവദിക്കുന്നതിനുള്ള നടപടികള്‍ വിദ്യാഭ്യാസ വകുപ്പ് സ്വീകരിക്കണമെന്ന് ന്യൂനപക്ഷ കമ്മീഷന്‍ ഉത്തരവിട്ടു.
സ്‌കൂള്‍ മാനേജര്‍ സിസ്റ്റര്‍ ലിയോ നല്‍കിയ പരാതിയിലാണ് കമ്മീഷന്‍ ഉത്തരവ്.
ഗുരുവായൂര്‍ ഗുരുവായൂര്‍ ക്ഷേത്രോത്സവത്തിന് 2 കോടി 46 ലക്ഷം രൂപയുടെ എസ്റ്റിമേറ്റിന് ഭരണസമിതി അംഗീകാരം നല്‍കിയതായി ദേവസ്വം ചെയര്‍മാന്‍ എന്‍.പീതാംബരകുറുപ്പ് അറിയിച്ചു.
അടുത്ത മാസം എട്ടിന് കൊടിയേറി 17ന് ആറാട്ടോടെ സമാപിക്കുന്ന ഉത്സവത്തിനുള്ള ഒരുക്കങ്ങള്‍ തുടങ്ങി. ഉത്സവത്തിന് മുന്നോടിയായ സഹസ്രകലശം ഈ മാസം 28ന് ആരംഭിക്കും. ഉത്സവത്തിന് തുടക്കം കുറിച്ചുള്ള ആനയോട്ടം മാര്‍ച്ച് എട്ടിന് നടക്കും. അന്ന് രാത്രിയാണ് ഉത്സവ കൊടിയേറ്റം. ഉത്സവം തുടങ്ങുന്നത് മുതല്‍ എട്ടാം ദിവസം വരെ ഭക്തര്‍ക്ക് പ്രസാദ ഊട്ട് നല്‍കും. 1 കോടി 71 ലക്ഷം രൂപയാണ് ഇതിനായി വകയിരുത്തിയിട്ടുള്ളത്. ഉത്സവത്തിന്റെ ഭാഗമായി മേല്‍പത്തൂര്‍ ഓഡിറ്റോറിയത്തിലും പ്രത്യേക വേദിയിലുമായി നടക്കുന്ന വിവിധ കലാപരിപാടികള്‍ അരങ്ങേറും. ഉത്സവത്തിന്റെ കഞ്ഞിയും പുഴുക്കും ഭക്തര്‍ക്ക് വിളമ്പാന്‍ ഇക്കുറി നാട്ടുകാരായ അഞ്ഞൂറോളം പേരുണ്ടാകും. അംഗപരിമിതര്‍ക്കും വൃദ്ധജനങ്ങള്‍ക്കും വരി നില്‍ക്കാതെ ഉല്‍സവക്കഞ്ഞി നല്‍കും. മാര്‍ച്ച് 16നാണ് പള്ളിവേട്ട. 17ന് ആറാട്ടോടെ ഉത്സവം സമാപിക്കും. ഭരണ സമിതി അംഗങ്ങളായ കെ.കുഞ്ഞുണ്ണി, അഡ്വ. എ. സുരേശന്‍, കെ. ഗോപിനാഥ്, സി.അശോകന്‍, പി.കെ. സുധാകരന്‍, അഡ്മിനിസ്‌ട്രേറ്റര്‍ സി.സി. ശശിധരന്‍ എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.
കുന്നംകുളം കുന്നംകുളം പാറയില്‍ മാര്‍ക്കറ്റ് പിന്നേയും പൂട്ടി.
കോടതി നടപടികളില്‍ ഭയന്നാണ് നഗരസഭ ആരോഗ്യ വിഭാഗം ഉദ്യോഗസ്ഥര്‍ മാര്‍ക്കറ്റ് പൂട്ടി സീല്‍ ചെയ്തത്. അറവ് ശാലയില്ലാത്ത സാഹചര്യത്തില്‍ മാംസ വില്‍പന ശാലകള്‍ അടച്ചുപൂട്ടണമെന്ന് സംസ്ഥാന തലത്തിലുണ്ടായ വിധിയുടെ അടിസ്ഥാനത്തില്‍ കഴിഞ്ഞ വര്‍ഷം അവസാനത്തോടെ കുന്നംകുളെത്ത മാര്‍ക്കറ്റ് പൂട്ടിയിരുന്നു. മാര്‍ക്കറ്റ് തുറന്ന് നല്‍കിയത് ചട്ട ലംഘനവും, കോടതി വിധിയുടെ പരസ്യമായ ലംഘനവുമാണെന്ന് കാട്ടിയുള്ള പാരതിയിന്‍മേല്‍ സെക്രട്ടറിയുള്‍പ്പടേയുള്ളവര്‍ക്ക് നോട്ടീസ് നല്‍കുകയും വിശദീകരണം ആവശ്യപെടുകയും ചെയ്തിരുന്നു. ഈ മാസം 8 ന് തന്നെ കച്ചവടം നിര്‍ത്തിവെയ്ക്കാന്‍ കോടതി നഗരസഭക്ക് നോട്ടീസ് നല്‍കിയിരുന്നുവെങ്കിലും ഇത് പാലിക്കപ്പെടാത്ത സാഹചര്യത്തില്‍ പരാതിക്കാരന്‍ വീണ്ടും കോടതിയെ സമീപിക്കുമെന്ന ഘട്ടമെത്തിയപ്പോഴാണ് മാര്‍ക്കറ്റ് പൂട്ടിയിടാന്‍ നഗരസഭ തീരുമാനിച്ചത്. കുന്നംകുളത്ത് അറവ് ശാല നിര്‍മ്മിക്കാന്‍ കരാറുകാര്‍ പണം വാങ്ങി പോയിട്ട് 5 വര്‍ഷം പിന്നിട്ടിട്ടും പ്രവൃത്തി ഇതുവരേയും ആരംഭിച്ചിട്ടില്ല. ഈ സാഹചര്യമാണ് നഗരത്തിലെ മാംസ കച്ചവടം നിര്‍ത്തിവെയ്‌ക്കേണ്ട അവസ്ഥയിലെത്തിച്ചത്. നഗരസഭ അനുമതിയില്ലാതെ മേഖലയില്‍ മാര്‍ക്കറ്റില്‍ കച്ചവടം പാടില്ലെന്ന നിര്‍ദ്ദേശം നല്‍കിയാണ് ഇപ്പോള്‍ ഉദ്യോഗസ്ഥര്‍ മാര്‍ക്കറ്റ് അടച്ചുപൂട്ടിയിത്.
ചാവക്കാട് ചാവക്കാട് തിരുവത്ര വെങ്കളത്ത് രുധിരമാല ഭഗവതി ക്ഷേത്രത്തില്‍ ഉത്സവം ആഘോഷിച്ചു.
വിശേഷാല്‍ പൂജകളും ഭഗവതിപ്പാട്ടും കളവും ഉണ്ടായി. തുടര്‍ന്ന് വെങ്കളത്ത് മുത്തി വിഷ്ണുമായ ക്ഷേത്രത്തില്‍ നിന്ന് തിറ, പൂതന്‍, പൂത്താലം എന്നിവയോടെയുള്ള എഴുന്നെള്ളിപ്പും ഉണ്ടായി. മുത്തി വിഷ്ണുമായ ക്ഷേത്രത്തില്‍ നിന്ന് മണത്തല എം.ഡി.ജനാര്‍ദ്ദനന്റെ നേതൃത്വത്തില്‍ തായമ്പക, താലം എഴുന്നെള്ളിപ്പ് എന്നിവയുമെത്തി. പറ നിറയ്ക്കാന്‍ വിശ്വാസികളുടെ തിരക്കനുഭവപ്പെട്ടു.
പുന്നയൂര്‍ക്കുളം കെ.എസ്.ഇ.ബി വര്‍ക്കേഴ്‌സ് അസോസിയേഷന്‍ പുന്നയൂര്‍ക്കുളം യൂണിറ്റിന്റെ നേതൃത്വത്തില്‍ ചെറായി തെക്കത്ത് സുനിതാ രാജന്റെ വീട് വയറിംഗ് നടത്തി വൈദ്യുതി കണക്ഷന്‍ നല്‍കി.
സമ്പൂര്‍ണ്ണ വൈദ്യുതീകരണം 3-ാം ഘട്ടത്തോടനുബന്ധിച്ചാണ് വൈദ്യൂതീകരണം നടത്തിയത്. പുന്നയൂര്‍ക്കുളം പഞ്ചായത്ത് പ്രസിഡണ്ട് എ.ഡി ധനീപ് ഉദ്ഘാടനം നിര്‍വ്വഹിച്ചു. വാര്‍ഡ് അംഗം കെ.എസ് ഭാസ്‌കരന്‍ അധ്യക്ഷനായിരുന്നു. കെ.എസ്.ഇ.ബി ഉദ്യോഗസ്ഥരായ സതീഷ് , ടോവി , ബ്ലോക്ക് പഞ്ചായത്തംഗം ആലത്തയില്‍ മൂസ എന്നിവര്‍ പങ്കെടുത്തു.
പുതുക്കാട് ചിമ്മിനിഡാമില്‍ ജലനിരപ്പ് ഏറ്റവും താഴ്ന്ന നിലയില്‍.
വെള്ളിയാഴ്ച ഡാമില്‍ അവശേഷിക്കുന്നത് 21 ദശാംശം 2, 3 എം.എം ക്യൂബ് ജലം മാത്രം. തിങ്കളാഴ്ച ഡാം അടയ്ക്കുമെന്ന് അധികൃതര്‍ അറിയിച്ചു. ഡാമില്‍ ഇപ്പോള്‍ ജലനിരപ്പ് 51 ദശാംശം 5,3ലെത്തി. പൂര്‍ണതോതില്‍ കമ്മീഷന്‍ ചെയ്തതിനുശേഷം 2008 മെയ് മാസത്തിലാണ് ഡാമില്‍ ഇതുവരെ ഏറ്റവും കുറവ് ജലനിരപ്പ് രേഖപ്പെടുത്തിയത്. ആ വര്‍ഷം 21 ദശാംശം 7,4 എം.എം ക്യൂബ് ജലമാണ് ഡാമില്‍ അവശേഷിച്ചത്. ഇത്തവണ ഫെബ്രുവരിയില്‍ തന്നെ ചിമ്മിനി ഡാമിലെ ജലത്തിന്റെ അളവ് കുറഞ്ഞത് ആശങ്കാജനകമാണ്. തിങ്കളാഴ്ച ഡാം അടയ്ക്കുമ്പോള്‍ ജലത്തിന്റെ അളവ് 20 എം.എം ക്യൂബിനു താഴെയെത്തും. റിസര്‍വോയറിലുള്ള മൂന്ന് എം.എം ക്യൂബ് ജലം തുറന്നുവിടാനാകില്ല. അവശേഷിക്കുന്ന 17 എം.എം ക്യൂബ് ജലം കടുത്ത വരള്‍ച്ച നേരിടുന്ന അടുത്ത 100 ദിവസത്തേക്ക് ഉപയോഗിക്കണമെന്നുള്ളത് അധികൃതര്‍ക്കു മുന്നില്‍ ചോദ്യചിഹ്നം ഉയര്‍ത്തുന്നു. ഡാമിന്റെ വൃഷ്ടിപ്രദേശങ്ങളില്‍ പലയിടത്തും വെള്ളം വറ്റിത്തുടങ്ങി. വെള്ളം തുറന്നുവിടുന്നത് ദിവസങ്ങളോളം പൂര്‍ണമായും നിര്‍ത്തേണ്ടിവന്നാല്‍ ഡാമിന്റെ പ്രധാന ജലവിതരണ മാര്‍ഗമായ കുറുമാലി പുഴ വറ്റാനിടയാക്കും. ഇത് നിരവധി ശുദ്ധജല പദ്ധതികളെ ബാധിക്കുമെന്നതാണ് പ്രധാന ആശങ്ക.
പാവറട്ടി പാവറട്ടി മുല്ലശേരി ഗ്രാമ പഞ്ചായത്തിലെ മധുക്കരയില്‍ പശു ചത്തത് പേ വിഷ ബാധ മൂലമാണെന്ന് സ്ഥിരീകരിച്ചു.
മണ്ണുത്തിയിലെ വെറ്ററിനറി യൂണിവേഴ്‌സിറ്റിയില്‍ നടത്തിയ പരിശോധനയിലാണ് പേ വിഷ ബാധ മൂലമാണ് പശു ചത്തതെന്ന് ഉറപ്പാക്കിയത്. ഒരാഴ്ചയ്ക്കുള്ളില്‍ മൂന്ന് പശുക്കളാണ് മധുക്കരയില്‍ പേയിളകി ചത്തത്. ഈ സാഹചര്യത്തില്‍ രണ്ട് തവണയായി മധുക്കരയിലെ വളര്‍ത്തു മൃഗങ്ങള്‍ക്ക് പ്രതിരോധ കുത്തിവെപ്പു നല്‍കും. ആദ്യ തവണയായി ശനിയാഴ്ച മുല്ലശ്ശേരി ബ്ലോക്ക് വെറ്ററിനറി ഓഫീസര്‍ ഡോ ഫ്രാന്‍സിസ്, ഡോ.കെ.രാഗേഷ് എന്നിവരുടെ നേതൃത്വത്തില്‍ ക്ഷീര കര്‍ഷകര്‍ക്ക് ബോധവല്‍ക്കരണ സെമിനാര്‍ നടത്തും. മധുക്കര മേഖലയില്‍ തെരുവ് നായ്ക്കളുടെ ശല്യം മാസങ്ങളായി രൂക്ഷമാണ്. എന്നാല്‍ ഇതിനെതിരെ അധികൃതര്‍ ഇതുവരെയും നടപടിയെടുത്തിട്ടില്ലെന്ന് നാട്ടുകാര്‍ പറഞ്ഞു.
തൃശൂര്‍ ഒളരിക്കര ലിറ്റില്‍ ക്യൂന്‍ പബ്ലിക് സ്‌കൂളിന്റെ പുതിയ കെട്ടിടത്തിന്റെ ഉദ്ഘാടനവും അഞ്ചാമത് വാര്‍ഷികാഘോഷങ്ങളുടെ ഉദ്ഘാടനവും നടന്നു.
സ്‌കൂള്‍ അങ്കണത്തില്‍ നടന്ന ചടങ്ങില്‍ അതിരൂപതാ ആര്‍ച്ച് ബിഷപ്പ് മാര്‍ ആന്‍ഡ്രൂസ് താഴത്ത് പുതിയ കെട്ടിടത്തിന്റെ ആശീര്‍വാദവും വാര്‍ഷികാഘോഷങ്ങളുടെ ഉദ്ഘാടനവും നിര്‍വ്വഹിച്ചു. കോര്‍പ്പറേറ്റ് മാനേജരും നവജ്യോതി പ്രോവിന്‍സ് പ്രോവിന്‍ഷ്യാളുമായ സിസ്റ്റര്‍ മേഴ്‌സിപോള്‍ അധ്യക്ഷത വഹിച്ചു. കേന്ദ്ര സാഹിത്യ അക്കാദമി അവാര്‍ഡ് ജേതാവ് സിപ്പി പള്ളിപ്പുറം മുഖ്യപ്രഭാഷണം നടത്തി. സ്‌കൂള്‍ പ്രിന്‍സിപ്പാള്‍ സിസ്റ്റര്‍ വന്ദന ജോസ്, സിസ്റ്റര്‍ ഫിലോ ജോസഫ്, ഫാ. ജോസ് കോനിക്കര, തൃശൂര്‍ വെസ്റ്റ് സി.ഐ.-വി.കെ.രാജു തുടങ്ങിയവര്‍ സംസാരിച്ചു. തുടര്‍ന്ന് കുട്ടികളുടെ വിവിധ കലാപരിപാടികളും അരങ്ങേറി.
തൃശൂര്‍ തൃശൂര്‍ ഗവണ്‍മെന്റ് മെഡിക്കല്‍ കോളേജിലെ സംരക്ഷിത വനമേഖലയിലെ ഔഷധത്തോട്ടം കത്തി നശിച്ചു.
രണ്ടായിരത്തോളം ഔഷധ ചെടികളാണ് കത്തിനശിച്ചത്. തൃശൂരില്‍ നിന്നും വടക്കാഞ്ചരിയില്‍ നിന്നും രണ്ട് യൂണിറ്റ് ഫയര്‍ഫോഴ്‌സ് എത്തി മൂന്ന് മണിക്കൂര്‍ കൊണ്ടാണ് തീയണച്ചത്.
തൃശൂര്‍ ശക്തമായ കാറ്റില്‍ രണ്ടിടങ്ങളില്‍ മരം വീണു.
കളക്‌ട്രേറ്റ് പരിസരത്തും, വലക്കാവ് വില്ലേജ് ഓഫീസിന് മുന്നിലുമാണ് മരം വീണത്. വില്ലേജ് ഓഫീസിന് മുന്നിലെ മരം റോഡിലേക്ക് വീണതിനെ തുടര്‍ന്ന് ഗതാഗതം തടസപെട്ടു. ഫയര്‍ഫോഴസ് എത്തിയാണ് മരം മുറിച്ച് നീക്കിയത്.
തൃശൂര്‍ ജിഷ്ണു പ്രണോയിയുടെ മരണത്തിന് ഉത്തരവാദികളായ പ്രതികള്‍ക്കായി ലുക്ക്ഔട്ട് നോട്ടീസ് ഇറക്കും.
നെഹ്‌റു ഗ്രൂപ്പ് ചെയര്‍മാന്‍ പി.കൃഷ്ണദാസ് അടക്കം 5 പ്രതികള്‍ക്കായാണ് ലുക്ക് ഔട്ട് നോട്ടീസ് ഇറക്കുന്നത്. പ്രതികള്‍ വിദേശത്തേക്ക് കടക്കാന്‍ സാധ്യതയുണ്ടെന്ന വിലയിരുത്തലിലാണ് തീരുമാനം.
കൊടുങ്ങല്ലൂര്‍ യുവതിയെ ചാക്കില്‍ കെട്ടി പുഴയില്‍ തള്ളിയ കേസില്‍ പ്രതി യെ ശിക്ഷിച്ച കോടതി വിധി അന്വേഷണ സംഘത്തിന് അഭിമാനര്‍ഹമായ അംഗീകാരമായി.
അജ്ഞാത ജഡമെന്ന നിലയില്‍ എങ്ങുമെത്താതെ പോകുമായിരുന്ന മരണം അതീവ ക്രൂരമായൊരു കൊലപാതകമാണെന്ന് കണ്ടെത്തുകയും ഒരു മാസത്തിനകം പ്രതിയെ പിടികൂടുകയും ചെയ്ത അന്വേഷണ സംഘം മികച്ച പ്രവര്‍ത്തനത്തിലൂടെ പ്രശംസ നേടിയിരുന്നു. അന്വേഷണ സംഘത്തിന്റെ പ്രവര്‍ത്തന മികവിനുള്ള അംഗീകാരമായി ഡി.ജി.പിയുടെ ബാഡ്ജ് ഓഫ് ഓണര്‍ പുരസ്‌ക്കാരത്തിന് ഇക്കഴിഞ്ഞ ദിവസം അന്വേഷണ സംഘം അര്‍ഹമായി. ഈ അംഗീകാരത്തിന് തൊട്ടുപിറകെയാണ് പ്രതിയെ കുറ്റക്കാരനാണെന്ന് കണ്ട് കോടതി ശിക്ഷിച്ചത്. ആലപ്പുഴ സ്വദേശിനി ബേബിയെന്ന ലോട്ടറി വില്‍പ്പനക്കാരിയുടെ ജഡം 2014 നവംബര്‍ പതിനഞ്ചിനാണ് കോട്ടപ്പുറം പുഴയില്‍ കണ്ടെത്തിയത്. യുവതിയുടെ ഒപ്പം താമസിച്ചിരുന്ന കായംകുളം സ്വദേശി വലിയ വീട്ടില്‍ കിഴക്കേതില്‍ ഷാജിയെ ഡിസംബര്‍ 27 നാണ് അറസ്റ്റ് ചെയ്തത്. ഇരിങ്ങാലക്കുട ഡിവൈ.എസ്പി പി.എ.വര്‍ഗീസിന്റെ നേതൃത്വത്തില്‍ സി.ഐ.-കെ.ജെ.പീറ്റര്‍, എസ്.ഐ.-പി.കെ.പത്മരാജന്‍, എ.എസ്.ഐ ഫ്രാന്‍സിസ്, രവി, കെ.എ.ഹബീബ്, തോമസ്, എം.കെ.ഗോപി, അഷറഫ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.
പാവറട്ടി പെരുവല്ലൂര്‍ മദര്‍ ആര്‍ട്‌സ് ആന്റ് സയന്‍സ് കോളേജിലെ പ്രിന്‍സിപ്പാള്‍ ഇന്‍-ചാര്‍ജിനെ മാനേജ്‌മെന്റ് പുറത്താക്കി.
വൈസ് പ്രിന്‍സിപ്പാള്‍ ആയിരുന്ന പി.വി.മിനിക്കാണ് പ്രിന്‍സിപ്പാളിന്റെ താല്‍ക്കാലിക ചുമതല. ഇതോടെ കോളേജ് കവാടത്തിന് മുന്നില്‍ നടന്നിരുന്ന സമരങ്ങള്‍ അവസാനിപ്പിച്ച് വിവിധ വിദ്യാര്‍ത്ഥി സംഘടനകള്‍ ആഹ്ലാദ പ്രകടനം നടത്തി. പ്രിന്‍സിപ്പാള്‍ ഇന്‍ ചാര്‍ജ് ആര്‍.യു.അബ്ദുള്‍ സലീമിനെയാണ് വിദ്യാര്‍ത്ഥിനികളോട് അപമര്യാദയായി പെരുമാറിയെന്ന ആരോപണത്തെ തുടര്‍ന്ന് മാനേജ്‌മെന്റ് പുറത്താക്കിയത്. വിദ്യാര്‍ത്ഥിനികള്‍ നല്‍കിയ പരാതിയെ തുടര്‍ന്ന് പാവറട്ടി പോലീസ് അബ്ദുള്‍ സലിമിനെതിരെ കേസെടുത്തിട്ടുണ്ട്. പ്രിന്‍സിപ്പാളിനെ പുറത്താക്കണമെന്ന് ആവശ്യപ്പെട്ട് നേരത്തെ കെ.എസ്.യു, എസ്.എഫ്.ഐ, എ.ഐ.എസ്.എഫ്, എം.എസ്.എഫ് എന്നീ സംഘടനകളുടെ നേതൃത്വത്തില്‍ മാര്‍ച്ച് നടത്തിയിരുന്നു.
പീച്ചി മാടക്കത്തറ തേറമ്പത്ത് പീച്ചി വലതുകര കനാലിലെ വെള്ളം സ്വകാര്യ വ്യക്തികള്‍ സ്വന്തം സ്ഥലത്തേക്ക് ജെ.സി.ബി ഉപയോഗിച്ച് തുറന്നു വിട്ടതായി പരാതി.
ഒരു സ്വകാര്യ വ്യക്തി തന്റെ 5 ഏക്കറോളം വരുന്ന പാടത്തിലേക്കാണ് കനാല്‍ തകര്‍ത്ത് വെള്ളം തുറന്നുവിട്ടത്. കൂടാതെ സമീപത്തെ 2 നഴ്‌സറി ഉടമകളും നഴ്‌സറിയിലേക്ക് വെള്ളം തുറന്നു വിട്ടിട്ടുണ്ട്. ഒരു സ്വകാര്യ നഴ്‌സറിയില്‍ അനധികൃതമായി വലിയ കുളം നിര്‍മ്മിച്ച് ജലചൂഷണം നടത്തിയതായും ആരോപണമുണ്ട്. പീച്ചി വെള്ളം അനധികൃതമായി ഊറ്റിയെടുത്ത സ്വകാര്യവ്യക്തിയുടെ നടപടിക്കെതിരെ ആര്‍.ഡി.ഒ ,ഇറിഗേഷന്‍ വകുപ്പ് മണ്ണുത്തി, പോലീസ് എന്നിവര്‍ക്ക് പരാതി നല്‍കിയതായും ഇവര്‍ അന്വേഷണമാരംഭിച്ചതായും മാടക്കത്തറ പഞ്ചായത്ത് പ്രസിഡന്റ് പി.എസ്.വിനയന്‍, വികസന കാര്യ സ്റ്റാന്റിംഗ് കമ്മിറ്റി ചെയര്‍മാന്‍ സുരേഷ് പുളിക്കന്‍ എന്നിവര്‍ അറിയിച്ചു. ജലചൂഷണം നടത്തുന്നതിനെതിരെ ആക്ഷന്‍ കമ്മിറ്റി രൂപീകരിച്ച് പ്രക്ഷോഭം നടത്തുമെന്നും കനാലിന്റെ ഇരുകരകളിലുമായി താമസിക്കുന്നവരുടെ യോഗം വിളിച്ചു ചേര്‍ക്കുമെന്നും പഞ്ചായത്ത് പ്രസിഡന്റ് അറിയിച്ചു.
ചേലക്കര ഊര്‍ജ്ജ സംരക്ഷണത്തിന്റെ ഭാഗമായി എനര്‍ജി മാനേജ്‌മെന്റ് സെന്ററിന്റെയും, സെന്റര്‍ ഫോര്‍ സയന്‍സ് ആന്റ് ടെക്‌നൊളജി എന്റര്‍പ്രണര്‍ഷിപ് ഡെവലപ്‌മെന്റിന്റെയും സംയുക്ത ആഭിമുഖ്യത്തില്‍ ഊര്‍ജ്ജ സംരക്ഷണ ബോധവല്‍ക്കരണ പരിപാടി സംഘടിപ്പിച്ചു.
'കിരണ്‍- 2017 ' എന്ന പേരില്‍ ചേലക്കര ഗ്രാമപഞ്ചായത്ത് ഹാളില്‍ സംഘടിപ്പിച്ച പരിപാടിയുടെ ഉദ്ഘാടനം യു.ആര്‍.പ്രദീപ് എം. എല്‍. എ.നിര്‍വഹിച്ചു. ചേലക്കര ഗ്രാമപഞ്ചായത്ത് പ്രസിഡന്റ് ആര്‍. ഉണ്ണികൃഷ്ണന്‍ അദ്ധ്യക്ഷനായിരുന്നു. പഴയന്നൂര്‍ ബ്ലോക്ക് പഞ്ചായത്ത് പ്രസിഡന്റ് വി.തങ്കമ്മ, വൈസ് പ്രസിഡന്റ് എം. പത്മകുമാര്‍ എന്നിവര്‍ മുഖ്യാതിഥികളായിരുന്നു. പഞ്ചായത്ത് അംഗങ്ങളായ സൈനബ ഇഖ്ബാല്‍, സുപ്രിയ സുരേഷ്, ബിനി വിനോദ് തുടങ്ങിയവര്‍ പങ്കെടുത്തു.
എരുമപ്പെട്ടി എരുമപ്പെട്ടി ഗവണ്‍മെന്റ് ഹയര്‍ സെക്കന്‍ഡറി സ്‌കൂളിലെ വാര്‍ഷികാഘോഷം ബ്ലോക്ക് പഞ്ചായത്ത് പ്രസിഡന്റ് എസ്.ബസന്ത് ലാല്‍ ഉദ്ഘാടനം ചെയ്തു.
ജില്ലാ പഞ്ചായത്ത് അംഗം കല്യാണി എസ്.നായര്‍. അധ്യക്ഷയായി. വിരമിക്കുന്ന അധ്യാപകര്‍ക്ക് ചടങ്ങില്‍ യാത്രയയപ്പ് നല്‍കി. ഗ്രാമപഞ്ചായത്ത് പ്രസിഡന്റ് മീന ശലമോന്‍ ഫോട്ടോ അനാച്ഛാദനം നിര്‍വ്വഹിച്ചു. മുഖ്യാതിഥിയായ മുന്‍ ഇന്ത്യന്‍ ഫുട്‌ബോള്‍ പരിശീലകന്‍ ടി.കെ.ചാത്തുണ്ണി ജില്ലാ-സംസ്ഥാന കായിക മേളയില്‍ മികച്ച നേട്ടം കൈവരിച്ച വിദ്യാര്‍ത്ഥികളെ ഉപഹാരം നല്‍കി അനുമോദിച്ചു. പി.ടി.എ.പ്രസിഡന്റ് കുഞ്ഞുമോന്‍ കരിയന്നൂര്‍, എസ്.എം.സി.ചെയര്‍മാന്‍ എം.എ.ഉസ്മാന്‍, പ്രിന്‍സിപ്പാള്‍ സി.എം.പൊന്നമ്മ, പ്രധാനാധ്യാപിക എ.എസ്.പ്രേംസി തുടങ്ങിയവര്‍ സംസാരിച്ചു.
തൃപ്രയാര്‍ തളിക്കുളം പുലാമ്പുഴ കടവില്‍ ചകിരി കമ്പനിയുടെ മറവില്‍ കനോലികനാല്‍ കയ്യേറ്റം. കയ്യേറ്റം തുടങ്ങിയിട്ട് ഒന്നരപതിറ്റാണ്ട് കഴിഞ്ഞിട്ടും കയ്യേറ്റക്കാര്‍്‌ക്കെതിരെ നടപടിയെടുക്കാത്തത് രാഷ്ട്രീയഉദ്യോഗസ്ഥ വൃന്ദങ്ങളും സ്വകാര്യവ്യക്തിയും തമ്മിലുള്ള അവിശുദ്ധ ബന്ധം മൂലമാണെന്നാണ് ആരോപണം.
തളിക്കുളം ഗ്രാമപഞ്ചായത്തിലെ അഞ്ചാം വാര്‍ഡിലുള്‍പ്പെടുന്ന പുലാമ്പുഴകടവിലാണ് കഴിഞ്ഞ പതിനഞ്ച് വര്‍ഷത്തിലേറെക്കാലമായി സ്വകാര്യവ്യക്തിയുടെ നേതൃത്വത്തില്‍ കനോലികനാല്‍ കയ്യേറിയിരിക്കുന്നത്. പുലാമ്പുഴ തെക്കുഭാഗത്ത് വര്‍ഷങ്ങളായി ചകിരി കമ്പനിയാണ് പ്രവര്‍ത്തിക്കുന്നത്. പച്ച ചകിരിയും അഴുകിയ ചകിരിയുമെല്ലാം മറ്റിടങ്ങളില്‍ നിന്ന് ഇവിടെ എത്തിച്ച് നാരാക്കി മാറ്റിയെടുക്കും. ഉത്പാദിപ്പിക്കുന്ന ചകിരിനാര് പിന്നീട് മറ്റിടങ്ങളിലേക്ക് വില്‍പ്പനയും നടത്തും. ചകിരി നാരാക്കി മാറ്റുമ്പോള്‍ ലഭിക്കുന്ന അവശിഷ്ടമായ ചകിരിചോറ് കമ്പനിക്ക് മുന്‍പില്‍ പുഴയോരത്ത് തന്നെ തള്ളുകയാണ് പതിവ്. വര്‍ഷങ്ങള്‍ പിന്നിടുന്നതിനിടെ കമ്പനി വക കരഭൂമിയില്‍ നിന്ന് പുഴയുടെ ഒരുഭാഗം വരെ ചകിരിചോറും ചരല്‍ മണ്ണുമിട്ട് നികത്തിയെടുത്ത നിലയിലാണ്. യഥാര്‍്ഥത്തില്‍ പുഴയുടെ അര ഏക്കറോളം ഭാഗം ഇന്ന് മനുഷ്യനിര്‍്മ്മിത ദ്വീപിന് തുല്യമായി. ചകിരിയുടെ അവശിഷ്ടങ്ങള്‍ ആദ്യം പുഴയില്‍ തള്ളുകയും പിന്നീട് ഇവക്കുമീതെ മണ്ണും നിറച്ച് ഉറപ്പുവരുത്തിയെടുക്കുകയാണ് കയ്യേറ്റക്കാര്‍ ചെയ്യുന്നത്. കനോലികനാലിന്റെ നടുഭാഗം വരെ എത്തിയതിനാല്‍ പുഴയില്‍ കമ്പിവല കെട്ടി തിരിച്ച് കയ്യേറ്റം ഇപ്പോഴും തുടരുകയാണ്. ചകിരി വെള്ളത്തില്‍ ഒഴുകിപോകാതിരിക്കാനെന്ന വ്യാജേനയാണ് ഇത് ചെയ്യുന്നതെന്നാണ് പറയുന്നത്. ചകിരിചോറ് നിറച്ച് മലിനമാക്കുന്നുവെന്ന് മാത്രമല്ല പ്രധാന ഉള്‌നാകടന്‍ ജലസംഭരണിയായ കനോലി കനാലിന്റെ് സംഭരണശേഷി ഇല്ലാതാക്കുകയും ചെയ്യുന്നതാണ് കയ്യേറ്റം.ഇക്കാലയളവില്‍ തളിക്കുളം ഗ്രാമപഞ്ചായത്ത് മാറിമാറി ഭരിച്ച യു.ഡി.എഫ്-എല്‍.ഡി.എഫ് വിമത സിപിഎം നേതൃത്വം പുലാമ്പുഴ കടവിലെ കയ്യേറ്റം അറിഞ്ഞും അറിയാതെയും കണ്ടില്ലെന്ന് നടിച്ചു. തളിക്കുളം ഗ്രാമപഞ്ചായത്തിന് പുറമേ റവന്യൂഇറിഗേഷന്‍ വകുപ്പുകളും കയ്യേറ്റത്തിനെതിരെ നടപടി എടുക്കുന്നതില്‍ കൃത്യവിലോപം തുടരുകയാണ്. കയ്യേറ്റത്തെ കുറിച്ച് വ്യക്തമായ വിവരം ലഭിച്ചിട്ടും സര്‍വേ പോലും നടത്താന്‍ ബന്ധപ്പെട്ട വകുപ്പുകള്‍ തയ്യാറാകുന്നില്ല. കനോലി കനാലിലെ കയ്യേറ്റം ഒഴിപ്പിക്കണമെന്നാവശ്യപ്പെട്ട് കഴിഞ്ഞ 7ന് തൃപ്രയാറില്‍ നടന്ന മത്സ്യതൊഴിലാളികളുടെ ക്ഷേമത്തിനായുള്ള നിയമസഭാ സമിതി സിറ്റിങ്ങില്‍ പരാതി ലഭിച്ചിരുന്നു. പുഴക്കൊപ്പം കരഭൂമിയും കയ്യേറിയിട്ടുണ്ടെങ്കില്‍ സര്‍വേയിലൂടെ തിരിച്ചുപിടിക്കാന്‍ അധികൃതര്‍ തയ്യാറാകണമെന്നാണ് നാട്ടുകാരുടെ ആവശ്യം.
ചേര്‍പ്പ് മത്സ്യകര്‍ഷകര്‍ക്ക് ഫിഷറീസ് വകുപ്പ് പരിശീലന പരിപാടി സംഘടിപ്പിച്ചു.
ചേര്‍പ്പ് പഞ്ചായത്ത് കമ്മ്യുണിറ്റി ഹാളില്‍ നടന്ന ചടങ്ങ് ഗ്രാമ പഞ്ചായത്ത് വൈസ് പ്രസിഡന്റ് സുജിഷ കല്ലിയത്ത് ഉദ്ഘാടനം ചെയ്തു. ചേര്‍പ്പ് കൃഷി അസിസ്റ്റന്റ് ഡയറക്ടര്‍ കെ.കെ.ജയന്‍ അധ്യക്ഷനായിരുന്നു. പ്രോജക്റ്റ് കോ ഓഡിനേറ്റര്‍ എം.കിരണ്‍ദാസ് മത്സ്യകൃഷിയിലെ നൂതന രീതികള്‍ എന്ന വിഷയത്തെ കുറിച്ചു ക്ലാസെടുത്തു. തൃശൂര്‍ ഫിഷറീസ് എക്സ്റ്റന്‍ഷന്‍ ഓഫീസര്‍ പി.അനീഷ്, കെ.ആര്‍ ദീപ്തി തുടങ്ങിയവര്‍ സംസാരിച്ചു.
തൃപ്രയാര്‍ നാട്ടികയില്‍ ദളിത് ഓട്ടോെ്രെഡവറെ മര്‍ദ്ദി ച്ച പോലീസുകാരനെതിരെ നടപടി ആവശ്യപ്പെട്ട് ഏകദിന ഉപവാസസമരം നടത്താന്‍ ഐ.എന്‍.ടി.യുസി തീരുമാനിച്ചു.
ചൊവ്വാഴ്ച്ച വൈകീട്ട് നാലരക്ക് തൃപ്രയാര്‍ ബസ്സ്സ്റ്റാന്റിന് സമീപം നടക്കുന്ന സമരം ഡിസിസി പ്രസിഡണ്ട് ടി.എന്‍.പ്രതാപന്‍ ഉദ്ഘാടനം ചെയ്യും. ചൊവ്വാഴ്ച്ച വൈകീട്ട് അഞ്ച് മുതല്‍ ബുധനാഴ്ച വൈകീട്ട് അഞ്ച് വരെയാണ് ഉപവാസ സമരം നടക്കുക. ഓട്ടോെ്രെഡവര്‍ വടക്കുംനാഥനും കുടുംബാംഗങ്ങള്‍ക്കുമൊപ്പം ഐഎന്‍.ടി.യു.സി നാട്ടിക നിയോജകമണ്ഡലം പ്രസിഡണ്ട് ഇ.വി.ധര്‍മ്മജന്‍, നാട്ടിക ഗ്രാമപഞ്ചായത്ത് അംഗം പി.എം.സിദ്ദിഖ് തുടങ്ങിയവരും ഉപവാസ സമരത്തില്‍ പങ്കെടുക്കും.
കയ്പമംഗലം എടത്തിരുത്തി കുട്ടമംഗലം ഗ്രാമീണ വായനശാലയില്‍ ഇ-സേവന കേന്ദ്രം തുറന്നു.
ഇ.ടി.ടൈസന്‍ എം.എല്‍.എ ഉദ്ഘാടനം ചെയ്തു. മതിലകം ബ്ലോക്ക് പഞ്ചായത്ത് വൈസ് പ്രസിഡന്റ് ഷീന വിശ്വന്‍ അധ്യക്ഷത വഹിച്ചു. വായനശാല സെക്രട്ടറി എന്‍.സി.രവി, കെ.എം.കുഞ്ഞിബാവ എന്നിവര്‍ സംസാരിച്ചു.
തൃശൂര്‍ കൈപ്പറമ്പ് ഗ്രാമപഞ്ചായത്ത് സ്‌പോര്‍ട്‌സ് പ്രമോഷന്‍ കൗണ്‍സിലിന്റെ നേതൃത്വത്തില്‍ സംഘടിപ്പിക്കുന്ന 16-ാമത് അഖിലേന്ത്യാ സെവന്‍സ് ഫുട്‌ബോള്‍ ചാമ്പ്യന്‍ഷിപ്പിന് ഞായറാഴ്ച തുടക്കമാകുമെന്ന് ഭാരവാഹികള്‍ തൃശൂരില്‍ വാര്‍ത്താസമ്മേളനത്തില്‍ അറിയിച്ചു.
ഞായറാഴ്ച മുതല്‍ മാര്‍ച്ച് 5 വരെ കൈപ്പറമ്പ് ഗ്രാമപഞ്ചായത്തിന്റെ മുണ്ടൂരിലുള്ള ഫ്‌ളഡ്‌ലിറ്റ് സ്റ്റേഡിയത്തിലാണ് മത്സരങ്ങള്‍ നടക്കുന്നത്. ചാമ്പ്യന്‍ഷിപ്പില്‍ എഫ്.സി. ഗോവയുള്‍പ്പടെയുള്ള 16 ടീമുകള്‍ മത്സരിക്കും. പ്രാദേശിക ടീമുകളെ പങ്കെടുപ്പിച്ച് വി.എം.ശശി മെമ്മോറിയല്‍ പ്രാദേശിക ടൂര്‍ണമെന്റും സബ് ജൂനിയര്‍ താരങ്ങളെ പങ്കെടുപ്പിച്ച് അഖില കേരള സബ് ജൂനിയര്‍ ഫുട്‌ബോള്‍ മേളയും ഇതോടൊപ്പം സംഘടിപ്പിക്കുന്നുണ്ട്. ദിവസേന വൈകീട്ട് 6നും 7നും 8നും യഥാക്രമം സബ് ജൂനിയര്‍, പ്രാദേശികം, അഖിലേന്ത്യ മത്സരങ്ങള്‍ അരങ്ങേറും. ഞായറാഴ്ച വൈകീട്ട് 7ന് നടക്കുന്ന ചടങ്ങില്‍ അനില്‍ അക്കര എം.എല്‍.എ. ചാമ്പ്യന്‍ഷിപ്പ് ഉദ്ഘാടനം ചെയ്യും. വാര്‍ത്താസമ്മേളനത്തില്‍ സെവന്‍സ് ഫുട്‌ബോള്‍ അസോസിയേഷന്‍ സംസ്ഥാന പ്രസിഡന്റ് കെ.എം.ലെനിന്‍, സംസ്ഥാന എക്‌സിക്യൂട്ടീവ് അംഗം ഗിരീശന്‍, അസോസിയേഷന്‍ തൃശൂര്‍ മേഖലാ പ്രസിഡന്റ് കെ.ജി.ശശി, ടൂര്‍ണമെന്റ് ഭാരവാഹികളായ ജോണ്‍സണ്‍ ജോര്‍ജ്, എ.ആര്‍.വാസു എന്നിവര്‍ പങ്കെടുത്തു.
ചാവക്കാട് ചാവക്കാട് എസ്.എസ്.എ.യുടെ ആഭിമുഖ്യത്തില്‍ ചാവക്കാട് ബി.ആര്‍.സി.സിഗ്മ ഗണിതോത്സവം നടന്നു.
കടപ്പുറം ഗവണ്‍മെന്റ് ഫിഷറീസ് യു.പി.സ്‌കൂളില്‍ നടന്ന പരിപാടി ബ്ലോക്ക് പഞ്ചായത്ത് പ്രസിഡന്റ് ഉമ്മര്‍ മുക്കണ്ടത്ത് ഉദ്ഘാടനം ചെയ്തു. സ്‌കൂള്‍ പ്രധാനാധ്യാപിക പി.ശാലിനി, പി.ടി.എ.പ്രസിഡന്റ് പൂക്കോയ തങ്ങള്‍, എച്ച്.എം.ഫോറം സെക്രട്ടറി സലീംകുമാര്‍ എന്നിവര്‍ സംസാരിച്ചു.
അന്തിക്കാട് പെരിങ്ങോട്ടുകര സോമശേഖരക്ഷേത്ര മഹോത്സവത്തിന്റെ ഭാഗമായി നടന്ന കലാസാംസ്‌കാരിക പരിപാടികള്‍ സമാപിച്ചു.
സമാപന സമ്മേളനം പ്രൊഫ.കെ.യു.അരുണന്‍ എം.എല്‍.എ. ഉദ്ഘാടനം ചെയ്തു. ക്ഷേത്രം ഉപദേശക സമിതി വൈസ് പ്രസിഡന്റ് വി.കെ.മാധവന്‍ അദ്ധ്യക്ഷത വഹിച്ചു. കേരള ഫെസ്റ്റിവല്‍ കോഡിനേറ്റര്‍ സംസ്ഥാന സെക്രട്ടറി വത്സന്‍ ചമ്പക്കര മുഖ്യാതിഥിയായി.
കയ്പമംഗലം വിവിധ ആവശ്യങ്ങള്‍ ഉന്നയിച്ച് എല്‍.ഡി.എഫ് നാളെ സംഘടിപ്പിക്കുന്ന രാജ്ഭവന്‍ മാര്‍ച്ചിന്റെ മുന്നോടിയായി നടത്തിയ പ്രചാരണ ജാഥക്ക് സമാപനമായി.
ചെന്ത്രാപ്പിന്നി സെന്ററില്‍ നടന്ന സമാപന സമ്മേളനം സി.പി.ഐ സംസ്ഥാന എക്‌സിക്യൂട്ടീവ് അംഗം കെ.ജി.ശിവാനന്ദന്‍ ഉദ്ഘാടനം ചെയ്തു. സി.പി.ഐ മണ്ഡലം എക്‌സിക്യൂട്ടീവ് അംഗം ആര്‍.കെ.ബദറുദ്ദീന്‍ അധ്യക്ഷത വഹിച്ചു.
ചേര്‍പ്പ് ചേര്‍പ്പ് പൂത്തറയ്ക്കല്‍ സെന്റ് റോക്കീസ് സി.എ.എല്‍.പി സ്‌കൂളിന്റെ വാര്‍്ഷികം ആഘോഷിച്ചു.
തൃശൂര്‍ അസീസി പ്രൊവിന്‍സ് എജ്യുക്കേഷന്‍ കൗണ്‍്‌സിലര്‍ സിസ്റ്റര്‍ ജ്യോതി ഫ്രാന്‍സിസ് ഉദ്ഘാടനം ചെയ്തു. ഫാ. ടെഡ്‌സ് കുന്നപ്പിള്ളി അധ്യക്ഷനായിരുന്നു. ചേര്‍പ്പ് ബ്ലോക്ക് പഞ്ചായത്ത് ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍പെഴ്‌സണ്‍ രഞ്ജിനി തെക്കത്ത്, വാര്‍ഡ് മെമ്പര്‍ കെ.വി ലൌലി, പി.ടി.എ പ്രസിഡന്റ് എ.ജെ ജോഷി തുടങ്ങിയവര്‍ സംസാരിച്ച്.
തൃശൂര്‍ സംസ്ഥാന ബോഡി ബില്‍ഡിംഗ് അസോസിയേഷന്റെ ആഭിമുഖ്യത്തില്‍ സംഘടിപ്പിക്കുന്ന മിസ്റ്റര്‍ കേരള മത്സരം ഞായറാഴ്ച പാവറട്ടിയില്‍ നടക്കുമെന്ന് ഭാരവാഹികള്‍ തൃശൂരില്‍ വാര്‍ത്താസമ്മേളനത്തില്‍ അറിയിച്ചു.
സബ് ജൂനിയര്‍, ജൂനിയര്‍, സീനിയര്‍, മാസ്റ്റേഴ്‌സ് ഫിസിക്കലി ചലഞ്ചഡ്, മെന്‍സ് ഫിസിക് കോമ്പറ്റീഷ്യന്‍ എന്നീ വിഭാഗങ്ങളിലായി കേരളത്തിലെ 14 ജില്ലകളില്‍ നിന്നായി 300ല്‍പരം പേര്‍ മത്സരത്തില്‍ മാറ്റുരയ്ക്കും. പാവറട്ടി സാന്‍ജോസ് പബ്ലിക് സ്‌കൂള്‍ ഗ്രൗണ്ടില്‍ രാവിലെ 10നാണ് മത്സരങ്ങള്‍ ആരംഭിക്കുക. വൈകീട്ട് 4.30ന് നടക്കുന്ന ചടങ്ങില്‍ മന്ത്രി എ.സി.മൊയ്തീന്‍ മത്സരത്തിന്റെ ഔദ്യോഗിക ഉദ്ഘാടനം നിര്‍വ്വഹിക്കും. മന്ത്രി വി.എസ്.സുനില്‍കുമാര്‍ മുഖ്യാതിഥിയാകും. വാര്‍ത്താസമ്മേളനത്തില്‍ സംസ്ഥാന ബോഡി ബില്‍ഡിംഗ് അസോസിയേഷന്‍ ജനറല്‍ സെക്രട്ടറി എം.പണിക്കര്‍, സംഘാടക സമിതി ഭാരവാഹികളായ കെ.സി.പ്രസാദ്, കെ.പി.റഷീദ്, പി.ബി.ജോയ്, പി.എ.അബു താഹിര്‍ എന്നിവര്‍ പങ്കെടുത്തു.
അന്തിക്കാട് അന്തിക്കാട് കെ.ജി.എം.എല്‍.പി.സ്‌കൂളിന്റെ പുതിയ കെട്ടിട നിര്‍മ്മാണോ ദ്ഘാടനം സി.എന്‍.ജയദേവന്‍ എം.പി. നിര്‍വ്വഹിച്ചു
ഗീതാഗോപി എം.എല്‍.എ.അദ്ധ്യക്ഷത വഹിച്ചു. അഡ്വ.കെ.രാജന്‍ എം.എല്‍.എ. മുഖ്യാതിഥിയായി. അന്തിക്കാട് ഗ്രാമപഞ്ചായത്ത് പ്രസിഡന്റ് കെ.എം.കിഷോര്‍ കുമാര്‍, വൈസ് പ്രസിഡന്റ് ജ്യോതിരാമന്‍, ജില്ലാ പഞ്ചായത്ത് അംഗം സിജി മോഹന്‍ദാസ് തുടങ്ങിയവര്‍ സംസാരിച്ചു. രാഷ്ട്രീയ-സാമൂഹിക-സാംസ്‌കാരിക മണ്ഡലങ്ങളില്‍ പ്രവര്‍ത്തിക്കുന്നവരും ചടങ്ങില്‍ പങ്കെടുത്തു.
തൃശൂര്‍ മാപ്രാണത്ത് അനധികൃതമായി മണ്ണെടുത്ത 3 വാഹനങ്ങള്‍ ഇരിങ്ങാലക്കുട പോലീസ് പിടികൂടി.
3 ടിപ്പര്‍ ലോറികളും ഒരു ജെ.സി.ബിയുമാണ് ഇരിങ്ങാലക്കുട എസ്.ഐ.- സിബീഷിന്റെ നേതൃത്വത്തിലുള്ള പോലീസ് പിടികൂടിയത്. മാപ്രാണത്തെ ബ്ലോക്ക് പഞ്ചായത്ത് ഓഫീസിനു സമീപം സ്വകാര്യ വ്യക്തിയുടെ സ്ഥലത്താണ് മണ്ണെടുപ്പ് നടത്തിയിരുന്നത്. വാഹനങ്ങള്‍ ജിയോളജി വകുപ്പിന് കൈമാറുമെന്ന് പോലീസ് അറിയിച്ചു.
ഗുരുവായൂര്‍ എന്‍.എസ്.എസ്.ചാവക്കാട് താലൂക്ക് കരയോഗ യൂണിയന്റെ ആഭിമുഖ്യത്തില്‍ റൂറല്‍ മാര്‍ട്ട് പ്രവര്‍ത്തനം ആരംഭിച്ചു.
സ്വയംസഹായ സംഘങ്ങളുടെ ഉത്പന്നങ്ങള്‍ പ്രദര്‍ശിപ്പിക്കുന്നതിനും വിപണനം നടത്തുന്നതിനുമായി നബാര്‍ഡിന്റെ സഹായത്തോടെ ആരംഭിച്ച റൂറല്‍ മാര്‍ട്ട് കെ.വി.അബ്ദുള്‍ഖാദര്‍ എം.എല്‍.എ ഉദ്ഘാടനം ചെയ്തു. യൂണിയന്‍ പ്രസി്ഡന്റ് പ്രൊഫ എന്‍.രാജേശഖരന്‍ നായര്‍ അധ്യക്ഷത വഹിച്ചു. സോഷ്യല്‍ സര്‍വ്വീസ് വകുപ്പ് സെക്രട്ടറി വി.വി.ശശീധരന്‍ നായര്‍ മുഖ്യപ്രഭാഷണം നടത്തി. നബാര്‍ഡ് എ.ജി.എം. -ദീപ എസ്.പിള്ള, വാര്‍ഡ് കൗണ്‍സിലര്‍ സി.അനില്‍കുമാര്‍, കെ.രാമചന്ദ്രന്‍ തുടങ്ങിയവര്‍ സംസാരിച്ചു.
ചെറുതുരുത്തി ചെറുതുരുത്തി കലാമണ്ഡലത്തിനു സമീപം ഡി.വൈ.എഫ്.ഐ പ്രവര്‍ത്തകരായ യുവാക്കളെ സംഘം ചേര്‍ന്നു ആക്രമിച്ചതായി പരാതി.
പരിക്കേറ്റ 4 പേരെ ആശുപത്രിയില്‍ പ്രവേശിപ്പിച്ചു. കലാമണ്ഡലത്തിനു സമീപം താമസിക്കുന്ന അമ്പാഴപ്പള്ളിയില്‍ സന്തോഷ്, അയ്യപ്പന്‍കാട്ടില്‍ ഷെഫീക്ക്, കളരിക്കല്‍ വീട്ടില്‍ ലിജു, ഗഫൂര്‍ എന്നിവര്‍ക്കാണ് പരിക്കേറ്റത്. ഇവരില്‍ ഗഫൂറിന്റെ തലയോട്ടിക്കു പൊട്ടല്‍ സംഭവിച്ചതിനാല്‍ തൃശൂരിലെ ആശുപത്രിയിലേക്ക് മാറ്റി.
ചാവക്കാട് കേന്ദ്ര-കേരള സര്‍ക്കാരുകളുടെ ജനദ്രോഹ നടപടിക്കെതിരെ എന്ന മുദ്രാവാക്യവുമായി വി.ഡി.സതീശന്‍ എം.എല്‍.എ നയിക്കുന്ന യു.ഡി.എഫ് ജാഥയ്ക്ക് ചാവക്കാട് മുന്‍സിപ്പല്‍ സ്‌ക്വയറില്‍ ശനിയാഴ്ച വൈകീട്ട് 5.30ന് സ്വീകരണം നല്‍കുമെന്നു യുഡിഎഫ് നേതാക്കള്‍ അറിയിച്ചു.
മുസ്ലീം ലീഗ് സംസ്ഥാന പ്രസിഡന്റ് പാണക്കാട് ഹൈദരലി ശിഹാബ് തങ്ങള്‍ സമ്മേളനം ഉദ്ഘാനം ചെയ്യും. വാര്‍ത്താസമ്മേളനത്തില്‍ പി.കെ.അബൂബക്കര്‍, ആര്‍.വി.അബ്ദുള്‍ റഹീം, വി.കെ.മുഹമ്മദ്, സുരേഷ് ചങ്ങത്ത് എന്നിവര്‍ പങ്കെടുത്തു.
ചേലക്കര ഒരു മാസത്തിലേറെ നീണ്ട ഇടവേളയ്ക്കു ശേഷം പാമ്പാടി നെഹ്‌റു കോളേജിലെ ക്ലാസുകള്‍ പുനരാരംഭിച്ചു.
ജനുവരി 6നാണ് കോളേജില്‍ ജിഷ്ണു പ്രണോയിയെ മരിച്ച നിലയില്‍ കണ്ടെത്തിയത്. ഇതേ തുടര്‍ന്ന് ഒരു മാസത്തിലേറെയായി കോളേജ് അടച്ചിട്ടിരിക്കുകയായിരുന്നു. ഇന്ന് രാവിലെ മുതല്‍ തന്നെ കോളേജില്‍ വിദ്യാര്‍ത്ഥികള്‍ എത്തി. കോളേജിലെ ബാസ്‌കറ്റ് കോര്‍ട്ടില്‍ മൂവായിരത്തോളം വിദ്യാര്‍ത്ഥികള്‍ ഒരുമിച്ചു ചേര്‍ന്ന് ജിഷ്ണുവിന് അനുശോചനം രേഖപ്പെടുത്തി. തുടര്‍ന്ന് മാനേജ്‌മെന്റിനെതിരെയുള്ള മുദ്രാവാക്യങ്ങളുമായി കോളേജില്‍ പ്രതിഷേധ പ്രകടനവും നടത്തി. തുടര്‍ന്ന് സമരത്തിന് നേതൃത്വം നല്‍കിയ വിദ്യാര്‍ത്ഥികളെ അനുമോദിച്ചു. പിന്നീട് എഞ്ചിനീയറിംഗ് കോളേജില്‍ നിന്നും ഫാര്‍മസി കോളേജില്‍ നിന്നും 15 വിദ്യാര്‍ത്ഥികളെ വീതം ഉള്‍ക്കൊള്ളിച്ച് പുതിയ കോളേജ് യൂണിയന്‍ രൂപീകരിച്ചു. ഫെബ്രുവരി 17ന് നെഹ്‌റു കോളേജിലെ വിദ്യാര്‍ത്ഥികളുടെ സ്വാതന്ത്ര്യ ദിനമായി ആഘോഷിക്കാനും കോളേജിലെ ടെന്നീസ് കോര്‍ട്ടിന് ജിഷ്ണുവിന്റെ പേരിടുവാനും തീരുമാനിച്ചു. പതിനൊന്നരയോടെ വിദ്യാര്‍ഥികള്‍ ക്ലാസില്‍ കയറി. ഇന്ന് വേണ്ടത്ര അദ്ധ്യാപകര്‍ കോളേജില്‍ എത്തിയിട്ടില്ലെന്നാണ് സൂചന. കോളേജ് യൂണിയന്‍ ഭാരവാഹികളായ അതുല്‍ ജോസ്, അഖില്‍, ജെറിന്‍, അഖില തുടങ്ങിയവര്‍ പരിപാടികള്‍ക്ക് നേതൃത്വം നല്‍കി.
മാള വിദ്യാര്‍ത്ഥികള്‍ക്ക് സ്ഥിരമായി കഞ്ചാവ് എത്തിച്ച് നല്‍കുന്ന യുവാവിനെ ഷാഡോ പോലീസ് അറസ്റ്റ് ചെയ്തു.
മാള പൂപ്പത്തി സ്വദേശി നെടുംപറമ്പില്‍ ഷാജിയെന്ന് വിളിക്കുന്ന പൂപ്പത്തി ഷാജിയാണ് അറസ്റ്റിലായത്. ഇയാളില്‍ നിന്ന് പത്ത് പൊതി കഞ്ചാവും, പതിനയ്യായിരം രൂപയും അന്വേഷണ സംഘം കണ്ടെടുത്തു.
തൃശൂര്‍ പ്രശസ്ത കഥാകൃത്തും സാഹിത്യ അക്കാദമി വൈസ് പ്രസിഡന്റുമായിരുന്ന അക്ബര്‍ കക്കട്ടിലിനെ ഒന്നാം ചരമവാര്‍ഷികത്തോടനുബന്ധിച്ച് തൃശൂരില്‍ അനുസ്മരിച്ചു.
സാഹിത്യ അക്കാദമി സ്മൃതി മണ്ഡപത്തില്‍ നടന്ന ചടങ്ങില്‍ അക്ബര്‍ കക്കട്ടിലിന്റെ ഛായാചിത്രത്തിനു മുന്നില്‍ ഭദ്രദീപം തെളിയിച്ചു. തുടര്‍ന്ന് പുഷ്പാര്‍ച്ചന നടത്തി. സാഹിത്യ നിരൂപകന്‍ ബാലചന്ദ്രന്‍ വടക്കേടത്ത്, ഡോ.പി.വി.കൃഷ്ണന്‍നായര്‍, ഡോ.സി.രാവുണ്ണി, പ്രൊഫ.വി.ജി.തമ്പി, എന്‍.രാജന്‍, എന്‍.ശ്രീകുമാര്‍. ആര്‍.ടി.ഷംസുദ്ദീന്‍ തുടങ്ങിയവര്‍ പങ്കെടുത്തു. അങ്കണം സാംസ്‌കാരിക വേദിയും അക്ബര്‍ കക്കട്ടിലിന്റെ സുഹൃത്തുക്കളും ചേര്‍ന്നാണ് അനുസ്മരണം സംഘടിപ്പിച്ചത്.
എരുമപ്പെട്ടി വേലൂര്‍ ഗ്രാമ പഞ്ചായത്ത് ഭരണ സമിതി നടപ്പിലാക്കാന്‍ തീരുമാനമെടുത്തിരുന്ന പകല്‍ വീട് പദ്ധതി പാതിവഴിയില്‍ ഉപേക്ഷിച്ചു. ഭരണപക്ഷത്തിന്റെ കഴിവ് കേടാണെന്ന് ആരോപിച്ച് പ്രതിപക്ഷമായ കോണ്‍ഗ്രസ് പ്രക്ഷോഭത്തിനൊരുങ്ങുന്നു.
മുതിര്‍ന്ന പൗരന്‍മാരുടെ മാനസിക ഉല്ലാസം ലക്ഷ്യമിട്ടാണ് വേലൂര്‍ പഞ്ചായത്ത് ഭരണസമിതി പകല്‍ വീട് പദ്ധതി നടപ്പിലാക്കാന്‍ തീരുമാനമെടുത്തിരുന്നത്. കിരാലൂര്‍ തണല്‍ ചാരിറ്റബിള്‍ സൊസൈറ്റിയുടെ സഹകരണത്തോടെ നടപ്പാക്കാന്‍ തീരുമാനിച്ചിരുന്ന പദ്ധതിയുടെ പ്രാരംഭ പ്രവര്‍ത്തനങ്ങള്‍ നടന്നുകൊണ്ടിരിക്കുന്നതിനിടയിലാണ് കഴിഞ്ഞ ദിവസം നടന്ന പഞ്ചായത്ത് യോഗത്തില്‍ പദ്ധതി ഉപേക്ഷിക്കാന്‍ ഭരണ സമിതി തീരുമാനിച്ചത്. പഞ്ചായത്തിലെ വയോജനങ്ങളെ വാഹനങ്ങളില്‍ പകല്‍ വീട്ടിലെത്തിച്ച് മാനസിക ഉല്ലാസം ലഭിക്കുന്ന കലാ-കായിക പരിപാടികളില്‍ പങ്കാളികളാക്കി വിശ്രമ ജീവിതം ആനന്ദപൂര്‍ണ്ണമാക്കുവാന്‍ വേണ്ടിയുള്ള പദ്ധതിക്ക് ഭരണ-പ്രതിപക്ഷ വ്യത്യാസമില്ലാതെ പിന്തുണ നല്‍കിയിരുന്നു. കിരാലൂരില്‍ പ്രവര്‍ത്തിക്കുന്ന തണല്‍ ചാരിറ്റബിള്‍ സൊസൈറ്റിയുടെ സ്ഥലവും കെട്ടിടമാണ് പദ്ധതി നടപ്പിലാക്കുവാന്‍ തിരഞ്ഞെടുത്തിരുന്നത്. ഇതിന് വേണ്ടി സൊസൈറ്റിയുമായി ചര്‍ച്ച നടത്തുകയും സന്നദ്ധ പ്രവര്‍ത്തരെ ഉള്‍പ്പെടുത്തി കമ്മറ്റി രൂപീകരിക്കുകയും ചെയ്തു. പദ്ധതി നടപ്പിലാക്കുന്നതിന്റെ മുന്നോടിയായി കിരാലൂരില്‍ വെച്ച് വികസന സെമിനാര്‍ നടത്തുകയും ചെയ്തിരുന്നു. എന്നാല്‍ ഗ്രാമസഭകള്‍ വഴി ഗുണഭോക്താക്കളുടെ അപേക്ഷകളും കൈപ്പറ്റിയതിന് ശേഷമാണ് പദ്ധതി ഉപേക്ഷിച്ചതായി ഭരണ സമിതി അറിയിച്ചത് . തണലുമായി സഹകരിക്കാനുള സാങ്കേതിക തടസങ്ങളാണ് പദ്ധതി ഉപേക്ഷിക്കാന്‍ ഇടയാക്കിയതെന്നാണ് ഭരണസമിതി നല്‍കുന്ന വിശദീകരണം. എന്നാല്‍ സര്‍ക്കാരില്‍ നിന്ന് അനുമതി വാങ്ങുന്നതില്‍ ഭരണ സമിതിക്കുണ്ടായ പരാജയമാണ് പദ്ധതി ഉപേക്ഷിച്ചതിന്റെ പുറകിലെന്ന് പ്രതിപക്ഷ അംഗങ്ങള്‍ ആരോപിച്ചു. വയോജനങ്ങള്‍ക്ക് ആശ്വാസം നല്‍കുന്ന പകല്‍വീട് പദ്ധതി പൊതുജന പങ്കാളിത്തത്തോടെ നടപ്പിലാക്കണമെന്ന് അവശ്യപ്പെട്ട് പ്രക്ഷോഭ പരിപാടികള്‍ നടത്തുവാനുള്ള തയ്യാറെടുപ്പിലാണ് പഞ്ചായത്തിലെ പ്രതിപക്ഷമായ കോണ്‍ഗ്രസ്.
പുതുക്കാട് മണ്ണംപേട്ട ഷാപ്പുംപടിയ്ക്ക് സമീപം മ്ലാവിനെ സോഡാ ഫാക്ടറിക്കുള്ളില്‍ വീണ നിലയില്‍ കണ്ടെത്തി.
ഇന്ന് പുലര്‍ച്ചെ വഴി തെറ്റി വന്ന മ്ലാവ് സോഡാ കമ്പനിയുടെ മേല്‍ക്കൂരയുടെ ട്രസ്സിന് മുകളിലൂടെ നടക്കുമ്പോള്‍ ഷീറ്റ് തകര്‍ന്ന് ഫാക്ടറിയ്ക്കുള്ളിലേയ്ക്ക് പതിക്കുകയായിരുന്നു. വീഴ്ചയില്‍ മ്ലാവിന് സാരമായി പരിക്കേറ്റിട്ടുണ്ട്. മുഖത്തു നിന്നു ചോര വാര്‍ന്ന നിലയിലാണ്. രക്ഷപ്പെടാനുള്ള ശ്രമത്തിനിടെ ഫാക്ടറിയില്‍ പായ്ക്ക് ചെയ്തു വെച്ചിരുന്ന സോഡയും മറ്റ് പല സാമഗ്രികളും മ്ലാവ് നശിപ്പിച്ചു. ഏകദേശം 3 ലക്ഷം രൂപയുടെ നഷ്ടം കണക്കാക്കുന്നുണ്ട്. കൂടലി ജോണ്‍്‌സന്റെ ഉടമസ്ഥതയിലുള്ളതാണ് സോഡാ ഫാക്ടറി. വനപാലകര്‍ സ്ഥലത്തെത്തി മ്ലാവിനെ പിടികൂടി.
പാവറട്ടി പെരുവല്ലൂര്‍ മദര്‍ ആര്‍ട്‌സ് ആന്റ് സയന്‍സ് കോളേജിലേക്ക് വിവിധ വിദ്യാര്‍ത്ഥി സംഘടനകളുടെ നേതൃത്വത്തില്‍ പ്രതിഷേധ മാര്‍ച്ച് നടത്തി.
വിദ്യാര്‍ത്ഥി വിരുദ്ധ നിലപാടെടുക്കുന്ന പ്രിന്‍സിപ്പാളിനെ പുറത്താക്കണമെന്ന് ആവശ്യപ്പെട്ട് കെ.എസ്.യു, എസ്.എഫ്.ഐ, എ.ഐ.എസ്.എഫ്, എം.എസ്.എഫ് എന്നീ സംഘടനകളുടെ നേതൃത്വത്തിലാണ് മാര്‍ച്ച് നടത്തിയത്. കെ.എസ്.യു.വിന്റെ നേതൃത്വത്തില്‍ നടന്ന മാര്‍ച്ച് ഡി.സി.സി സെക്രട്ടറി പി.കെ.രാജന്‍ ഉദ്ഘാടനം ചെയ്തു. കെ.എസ്.യു. നിയോജകമണ്ഡലം പ്രസിഡന്റ് സി.ശില്പ അധ്യക്ഷയായിരുന്നു. പ്രതിഷേധ യോഗത്തിനു ശേഷം കോളേജ് കവാടത്തില്‍ പ്രവര്‍ത്തകര്‍ റിലേ നിരാഹാര സമരം ആരംഭിച്ചു. എസ്.എഫ്.ഐയുടെ നേതൃത്വത്തില്‍ നടന്ന സമരം ജില്ലാ സെക്രട്ടറി കെ.എസ്.റോസല്‍ രാജ് ഉദ്ഘാടനം ചെയ്തു. എസ്.എഫ്.ഐ സംസ്ഥാന കമ്മിറ്റിയംഗം കെ.സച്ചിന്‍ അധ്യക്ഷനായിരുന്നു. പ്രതിഷേധ യോഗത്തിനു ശേഷം കോളേജ് കവാടത്തില്‍ എസ്.എഫ്.ഐയുടെ നേതൃത്വത്തില്‍ രാപ്പകല്‍ സമരം ആരംഭിച്ചു. എം.എസ്.എഫിന്റെ നേതൃത്വത്തില്‍ നടന്ന പ്രതിഷേധ മാര്‍ച്ചിന് നിസാര്‍ മരുതയൂര്‍, അഫ്‌സല്‍ യൂസഫ്, റസിന്‍ ഷെയ് എന്നിവര്‍ നേതൃത്വം നല്‍കി. എ.ഐ.എസ്.എഫിന്റെ നേതൃത്വത്തില്‍ കോളേജിലേക്ക് നടന്ന പ്രതിഷേധ മാര്‍ച്ച് ദേശീയ സെക്രട്ടറി കെ.പി.സന്ദീപ് ഉദ്ഘാടനം ചെയ്തു. എ.ഐ.വൈ.എഫ്. മണലൂര്‍ മണ്ഡലം സെക്രട്ടറി എന്‍.സി.സതീഷ് അധ്യക്ഷനായിരുന്നു. സുരക്ഷ കണക്കിലെടുത്ത് ഗുരുവായൂര്‍ സി.ഐ.- ഇ.ബാലകൃഷ്ണന്‍, പാവറട്ടി എസ്.ഐ.-ലാല്‍കുമാര്‍, അഡീഷണല്‍ എസ്.ഐ.-അരുണ്‍ ഷാ എന്നിവരുടെ നേതൃത്വത്തില്‍ വന്‍ പോലീസ് സംഘം ജലപീരങ്കിയടക്കമുള്ള സംവിധാനങ്ങളോടെ കോളേജ് കവാടത്തില്‍ നിലയുറപ്പിച്ചിരുന്നു. തിങ്കളാഴ്ചയ്ക്കകം പ്രിന്‍സിപ്പാളിനെ മാനേജ്‌മെന്റ് പുറത്താക്കിയില്ലെങ്കില്‍ പ്രക്ഷോഭം കൂടുതല്‍ ശക്തമാക്കുമെന്ന് വിവിധ വിദ്യാര്‍ത്ഥി സംഘടന നേതാക്കള്‍ പറഞ്ഞു.
വടക്കാഞ്ചേരി മച്ചാട് മാമാങ്കം തെക്കുംകര വിഭാഗം സാംസ്‌കാരിക സമ്മേളനം അനില്‍ അക്കര എം.എല്‍.എ ഉദ്ഘാടനം ചെയ്തു.
കൊമ്പ് വാദ്യകലാകാരന്‍ മച്ചാട് രാമകൃഷ്ണന്‍ നായര്‍ക്ക് സംഗീത നാടക അക്കാദമി ചെയര്‍പേഴ്‌സണ്‍ കെ.പി.എ.സി.ലളിത മാമാങ്ക പുരസ്‌കാരം നല്‍കി. സംവിധായകന്‍ പ്രിയനന്ദനന്‍, കവി ഏങ്ങണ്ടിയൂര്‍ ചന്ദ്രശേഖരന്‍, ഗുരുവായൂര്‍ ദേവസ്വം അഡ്മിനിസ്‌ട്രേറ്റര്‍ വി.മുരളി തുടങ്ങിയവര്‍ സംസാരിച്ചു. വിവിധ മേഖലകളില്‍ വ്യക്തിമുദ്ര പതിപ്പിച്ചവരെ ചടങ്ങില്‍ ആദരിച്ചു.
ചേര്‍പ്പ് ചേര്‍പ്പ് മേഖലയിലെ വിവിധ ഭാഗങ്ങളില്‍ നിന്ന് കഞ്ചാവുമായി മൂന്നു പേരെ ചേര്‍പ്പ് എക്‌സൈസ് സംഘം പിടികൂടി.
കോടന്നൂര്‍ ചാഴൂര്‍ വീട്ടില്‍ അഖില്‍, വെങ്ങിണിശേരി മൂലക്കല്‍ വീട്ടില്‍ സുമേഷ്, പറപ്പൂക്കര കല്ലായി വീട്ടില്‍ അനീഷ് എന്നിവരെയാണ് ചേര്‍പ്പ് എക്‌സൈസ് ഇന്‍സ്‌പെക്ടര്‍ വൈശാഖ് പി.പിള്ളയുടെ നേതൃത്വത്തില്‍ പിടികൂടിയത്. കോയമ്പത്തൂര്‍, പഴനി എന്നിവിടങ്ങളില്‍ നിന്ന് പലപ്പോഴായി കഞ്ചാവ് കടത്തിയെന്ന് പ്രതികള്‍ സമ്മതിച്ചതായി എക്‌സൈസ് ഇന്‍സ്‌പെക്ടര്‍ പറഞ്ഞു. ഫോണ്‍ മുഖേന ആവശ്യക്കാര്‍ക്ക് എത്തിച്ചു കൊടുക്കുന്ന രീതിയാണ് ഇവര്‍ സ്വീകരിച്ചിരുന്നത്. വിദ്യാര്‍ത്ഥികള്‍, ഇതര സംസ്ഥാന തൊഴിലാളികള്‍, നാസിക്‌ഡോള്‍ ടീമുകള്‍ എന്നിവരെ കേന്ദ്രീകരിച്ചായിരുന്നു പ്രധാനമായും വില്പന നടത്തിയിരുന്നതെന്നും ഇദ്ദേഹം കൂട്ടിച്ചേര്‍ത്തു. ചെറിയ പൊതികളിലായി 500, 600 രൂപ നിരക്കിലാണ് ഇവര്‍ കഞ്ചാവ് വില്പന നടത്തിയിരുന്നത്. സിവില്‍ എക്‌സൈസ് ഓഫീസര്‍മാരായ വി.എം.സ്മിബിന്‍, എന്‍.ജി സുരേഷ്, ടി.ശിവദാസന്‍, പി.ശശി കുമാര്‍, വി.ആര്‍.ജോര്‍ജ് എന്നിവരും പ്രതികളെ പിടികൂടിയ സംഘത്തിലുണ്ടായിരുന്നു,
തൃശൂര്‍ അര്‍ണോസ് പാതിരി മലയാള ഭാഷയ്ക്ക് നല്‍കിയ സംഭാവനകളെ ആസ്പദമാക്കി നിര്‍മ്മിച്ച 'പാതിരി വെളിച്ചം എന്ന ഡോക്യുമെന്ററിയുടെ ആദ്യ പ്രദര്‍ശനം ഈ മാസം 24ന് തൃശൂരില്‍ നടക്കുമെന്ന് അണിയറ പ്രവര്‍ത്തകര്‍ വാര്‍ത്താസമ്മേളനത്തില്‍ അറിയിച്ചു.
വളര്‍ക്കാവ് ഗാനം സിനിമാസില്‍ രാവിലെ 9ന് നടക്കുന്ന പ്രദര്‍ശനം അതിരൂപതാ ആര്‍ച്ച് ബിഷപ്പ് മാര്‍ ആന്‍ഡ്രൂസ് താഴത്ത് ഉദ്ഘാടനം ചെയ്യും. തിരുവനന്തപുരത്തെ ജര്‍മ്മന്‍ സാംസ്‌കാരിക കേന്ദ്രമായ ഗോത്തെ സെന്‍ട്രം ഡയറ്ടര്‍ ഡോ.സയ്യിദ് ഇബ്രാഹിം മുഖ്യാതിഥിയാകും. കോലഞ്ചേരി സെന്റ് പീറ്റേഴ്‌സ് കോളേജിലെ ചരിത്രാദ്ധ്യാപികയായ ഡോ.കെ.എസ്.ഗ്രേസി നടത്തിയ ചരിത്ര ഗവേഷണപഠനത്തെ ആധാരമാക്കി കേരള പ്രസ് അക്കാദമി മുന്‍ ഡയറക്ടറും മാധ്യമ പ്രവര്‍ത്തകനുമായ രാജു റാഫേല്‍ ആണ് ഡോക്യുമെന്ററിയുടെ സംവിധാനം നിര്‍വ്വഹിച്ചിരിക്കുന്നത്. വാര്‍ത്താസമ്മേളനത്തില്‍ സംവിധായകന്‍ രാജു റാഫേല്‍, നിര്‍മ്മാതാവ് ദിനേശ് കല്ലറയ്ക്കല്‍, ഡോ.കെ.എസ്.ഗ്രേസി എന്നിവര്‍ പങ്കെടുത്തു.
തൃശൂര്‍ ദുരൂഹ സാഹചര്യത്തില്‍ ജിഷ്ണു എന്ന വിദ്യാര്‍ത്ഥി മരിക്കാനിടയായ പാമ്പാടി നെഹ്‌റു കോളേജിലെ വൈസ് പ്രിന്‍സിപ്പാളിന്റെ മുറിയില്‍ രക്തക്കറ കണ്ടെത്തി.
ഫോറന്‍സിക് പരിശോധനയിലാണ് രക്തക്കറ കണ്ടെത്തിയത്. ജിഷ്ണുവിന് വൈസ് പ്രിന്‍സിപ്പാളിന്റെ മുറിയില്‍ വെച്ച് മര്‍ദ്ദനമേറ്റെന്ന് നേരത്തേ ആരോപണം ഉയര്‍ന്നിരുന്നു. പി.ആര്‍.ഒ.യുടെ മുറിയില്‍ നിന്നും ശുചിമുറിയില്‍ നിന്നും രക്തക്കറ കണ്ടെത്തിയിട്ടുണ്ട്. രക്തം ജിഷ്ണുവിന്റേതാണോ എന്ന് പരിശോധനക്കായി അയച്ചിട്ടുണ്ട്. ജിഷ്ണുവിന്റെ മരണം കഴിഞ്ഞ് ഒന്നരമാസം പിന്നിട്ട ശേഷമാണ് നിര്‍ണായക തെളിവ് പോലീസ് കണ്ടെത്തുന്നത്. ജിഷ്ണു തൂങ്ങി മരിച്ച ഹോസ്റ്റല്‍ മുറി പരിശോധിച്ച് പോലീസും ഫോറന്‍സിക്ക് സംഘവും ഏറെ വൈകിയാണ് തെളിവ് ശേഖരിച്ചതെന്ന് പരാതി ഉയര്‍ന്നിരുന്നു.
തൃശൂര്‍ കണ്ണൂരിലെ സര്‍വ്വകക്ഷി യോഗത്തില്‍ പോലീസിനോട് മുഖം നോക്കാതെ നടപടി സ്വീകരിക്കാന്‍ ആവശ്യപ്പെട്ട മുഖ്യമന്ത്രിയുടെ വാക്കുകള്‍ക്ക് ഘടകവിരുദ്ധമായാണ് മുക്കാട്ടുകര നിര്‍മ്മല്‍ വധക്കേസിലെ പോലീസ് നടപടിയെന്ന് ബിജെപി സംസ്ഥാന ജനറല്‍ സെക്രട്ടറി കെ. സുരേന്ദ്രന്‍ പറഞ്ഞു.
മുക്കാട്ടുകരയില്‍ നിര്‍മ്മലിന്റെ വീട്ടില്‍ സന്ദര്‍ശനം നടത്തിയ ശേഷം ബിജെപി ജില്ലാ കമ്മിറ്റി ഓഫീസില്‍ വാര്‍ത്താസമ്മേളനത്തില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു സുരേന്ദ്രന്‍. അറസ്റ്റിലായവരില്‍ ബി.ജെ.പി പ്രവര്‍ത്തകന്‍ ഉണ്ടെന്ന പോലീസ് ഭാഷ്യം സിപിഎമ്മിന്റെ കണ്ണൂര്‍ മോഡല്‍ തന്ത്രമാണ്. മാടക്കത്തറയില്‍ ബിജെപി പ്രവര്‍ത്തകരെ ആക്രമിച്ച കേസിലെ പ്രതി കൂടിയാണ് അറസ്റ്റിലായ അരുണ്‍. ഇയാള്‍ക്ക് ബിജെപിയുമായി യാതൊരു ബന്ധവുമില്ല. തൃശൂരിനെ കണ്ണൂര്‍ ആക്കി മാറ്റാനുള്ള ആസൂത്രിതമായ ശ്രമമാണ് സി.പി.എം നടത്തുന്നത്. സംഭവത്തില്‍ രാഷ്ട്രീയമില്ലെന്നും ബി.ജെ.പി അംഗം പ്രതിയാണെന്നും പ്രചരിപ്പിക്കുന്നത് സിപിഎമ്മിന്റെ തിരക്കഥ നടപ്പാക്കുന്നതിന്റെ ഭാഗമായാണ്. പ്രതിയായ കൗണ്‍സിലറെ സംരക്ഷിച്ചാല്‍ മറ്റ് കൗണ്‍സിലര്‍മാര്‍ക്ക് വീട്ടിലിരിക്കേണ്ടി വരും. സംഭവത്തില്‍ നിക്ഷ്പക്ഷ അന്വേഷണം വേണമെന്നും സുരേന്ദ്രന്‍ ആവശ്യപ്പെട്ടു. ബി.ജെ.പി ജില്ലാ പ്രസിഡന്റ് എ. നാഗേഷും വാര്‍ത്താസമ്മേളനത്തില്‍ പങ്കെടുത്തു.
പുതുക്കാട് നന്തിക്കര സ്‌കൂള്‍ പരിസരത്തുനിന്ന് 140 ഗ്രാം കഞ്ചാവുമായി മൂന്ന് പേരെ പുതുക്കാട് പോലീസ് പിടികൂടി.
കോടശേരി മേച്ചിറ ചെമ്പകശേരി വീട്ടില്‍ സൂരജ്, മുരിയാട് ആനക്കല്ലില്‍ അനിഷേദ്, നന്തിക്കര ഇറ്റപ്പിരിപ്പറമ്പില്‍ വൈഷ്ണവ് എന്നിവരാണ് പിടിയിലായത്. വ്യാഴാഴ്ച വൈകീട്ട് നാലോടെയാണ് ഇവരെ പിടികൂടിയത്. മൂന്ന് പൊതികളിലാക്കി കൊണ്ടുവന്ന കഞ്ചാവ് വിദ്യാര്‍ത്ഥികള്‍ക്ക് വില്പന നടത്തുന്നതിനാണെന്ന് കരുതുന്നു. ഇവര്‍ സഞ്ചരിച്ചിരുന്ന ഓട്ടോറിക്ഷയും പോലീസ് കസ്റ്റഡിയിലെടുത്തു. എസ്.ഐ-വി.സജീഷ്‌കുമാര്‍, പോലീസുകാരായ സുനില്‍ കുമാര്‍, അജി, സജീവന്‍, തുടങ്ങിയവരുടെ നേതൃത്വത്തിലാണ് പ്രതികളെ അറസ്റ്റ് ചെയ്തത്.
പുതുക്കാട് ചിമ്മിനി ഡാമില്‍ ശേഷിക്കുന്ന വെള്ളം അളവ് കുറച്ച് തുറന്ന് വിടണമെന്നാവശ്യപ്പെട്ട് കോണ്‍ഗ്രസ് പ്രവര്‍ത്തകര്‍ ചിമ്മിനിയിലെ ഇറിഗേഷന്‍ ഓഫീസ് ഉപരോധിച്ചു.
എക്‌സിക്യൂട്ടീവ് എന്‍ജിനീയറെ അരമണിക്കൂറിലേറെ തടഞ്ഞുവച്ചു. അര മണിക്കൂറോളം നടന്ന ഉപരോധത്തിനിടെ കളക്ടര്‍ ഇടപെട്ടാണ് സമരം അവസാനിപ്പിച്ചത്. വെള്ളിയാഴ്ച രാവിലെ കളക്ടറുടെ നേതൃത്വത്തില്‍ ചര്‍ച്ച നടത്തി തീരുമാനിക്കാമെന്ന ഉറപ്പിലാണ് സമരം അവസാനിപ്പിച്ചത്. തുടര്‍ന്ന് പ്രവര്‍ത്തകര്‍ ഡാമില്‍ ഇറങ്ങി നിന്ന് മനുഷ്യചങ്ങല തീര്‍ത്തു. വരന്തരപ്പിള്ളി മണ്ഡലം കമ്മിറ്റിയുടെ നേതൃത്വത്തിലാണ് ഉപരോധസമരം നടന്നത്.
തൃശൂര്‍ തൃശിവപേരൂര്‍ ശ്രീ വടക്കുനാഥന്‍ ക്ഷേത്രത്തിലെ മഹാശിവരാത്രി ആഘോഷത്തോടനുബന്ധിച്ചുള്ള നൃത്തസംഗീതോത്സവത്തിന് ആരംഭമായി.
വടക്കുംനാഥ ക്ഷേത്ര ശ്രീമൂലസ്ഥാനത്ത് പ്രത്യേകം സജ്ജീകരിച്ചിട്ടുള്ള ശിവരാത്രി മണ്ഡപത്തില്‍ നടന്ന ചടങ്ങില്‍ കൊച്ചിന്‍ ദേവസ്വം ബോര്‍ഡ് പ്രസിഡന്റ് ഡോ. എം.കെ.സുദര്‍ശന്‍ നൃത്തസംഗീതോത്സവം ഉദ്ഘാടനം ചെയ്തു. കൊച്ചിന്‍ ദേവസ്വം ബോര്‍ഡിന്റെ ഹരിതക്ഷേത്രത്തിലൂടെ എന്ന ബൃഹത് പദ്ധതിയില്‍ വടക്കുംനാഥന്‍ ക്ഷേത്രത്തിന് മുഖ്യപ്രധാന്യമാണ് നല്‍കിയിരിക്കുന്നത്. വ്യവസായ പ്രമുഖന്‍ പത്മശ്രീ അഡ്വ. സി.കെ. മേനോന്‍ ചടങ്ങില്‍ മുഖ്യാതിഥിയായിരുന്നു. വടക്കുംനാഥ ക്ഷേത്രസമിതി സെക്രട്ടറി സി. വിജയന്‍ അദ്ധ്യക്ഷത വഹിച്ചു. കൊച്ചിന്‍ ദേവസ്വം ബോര്‍ഡ് അംഗങ്ങളായ അഡ്വ. ടി.എസ്.അരുണ്‍കുമാര്‍, കെ.എന്‍.ഉണ്ണികൃഷ്ണന്‍, കോര്‍പ്പറേഷന്‍ കൗണ്‍സിലര്‍ എം.എസ്.സമ്പൂര്‍ണ്ണ, ക്ഷേത്രക്ഷേമസമിതി ഭാരവാഹികളായ രാമകൃഷ്ണന്‍, ടി.ആര്‍.ഹരിഹരന്‍ തുടങ്ങിയവര്‍ പങ്കെടുത്തു. നൃത്ത സംഗീതോത്സവത്തിന്റെ ഉദ്ഘാടനത്തിനു മുന്നോടിയായി യദു എസ്. മാരാര്‍ അവതരിപ്പിച്ച സോപാന സംഗീതവും തുടര്‍ന്ന് ചലച്ചിത്രതാരം ശ്രിതാ ഭാസ്‌ക്കറും സംഘവും അവതരിപ്പിച്ച കഥക്കും അരങ്ങേറി. നൃത്ത സംഗീതോത്സവത്തിന്റെ രണ്ടാം ദിനമായ വെള്ളിയാഴ്ച വൈകീട്ട് നൃത്തനൃത്യങ്ങള്‍, ഭക്തിഗാന സുധ, ഡോ. വസന്ത് കിരണ്‍, പ്രൊഫ. അശ്വിനി നമ്പ്യാര്‍, ചലച്ചിത്ര സീരിയല്‍ താരങ്ങളായ രചന നാരായണന്‍കുട്ടി, സോനു സതീഷ്‌കുമാര്‍ എന്നിവര്‍ അവതരിപ്പിക്കുന്ന കുച്ചിപ്പുഡിയും അരങ്ങേറും. ഈ മാസം 24നാണ് മഹാശിവരാത്രി.
തൃശൂര്‍ രൂക്ഷമായ വരള്‍ച്ച നേരിടുന്ന ചിമ്മിനി ഡാം ഈ മാസം 20 ന് അടയ്ക്കുമെന്ന് ഇറിഗേഷന്‍ വകുപ്പ് അധികൃതര്‍.
നേരത്തേ ജില്ല കളക്ടറുടെ നേതൃത്വത്തില്‍ നടന്ന ചര്‍ച്ചയിലെ തീരുമാനപ്രകാരമാണിത്. വരന്തരപ്പിള്ളി, പാലപ്പിള്ളി തോട്ടം വനം മേഖല ഇതുവരെയില്ലാത്ത കൊടും വരള്‍ച്ചയിലേക്കാണ് നീങ്ങുന്നത്. നിലവില്‍ 22 എം.എം.ക്യൂബ് വെള്ളം മാത്രമാണ് ഡാമില്‍ അവശേഷിക്കുന്നത്. ജില്ലയിലെ 14,000 ഹെക്ടര്‍ കോള്‍ പാടങ്ങള്‍ക്ക് ചിമ്മിനി ഡാമിലെ വെള്ളമാണ് ആശ്രയം. കോള്‍ കര്‍ഷകരുടെ നിരന്തരമായ ആവശ്യത്തെ തുടര്‍ന്നാണ് ചിമ്മിനി ഡാം തുറന്നത്. ഈ മാസം 20ന് ഡാം അടയ്ക്കുമെങ്കിലും വലിയ ആശങ്കയാണ് നേരിടുന്നത്. കുറുമാലിപ്പുഴയിലെ ശുദ്ധജല പദ്ധതികളും മാഞ്ഞാംകുഴി റെഗുലേറ്ററിനെ ആശ്രയിക്കുന്ന കര്‍ഷകരും വലിയ പ്രതിസന്ധിയിലേക്കാണ് നീങ്ങുന്നത്.
തൃശൂര്‍ തൃശൂര്‍ ഗവണ്‍മെന്റ് മെഡിക്കല്‍ കോളേജില്‍ ചികില്‍സയില്‍ കഴിയുന്ന ഭര്‍ത്താവിന് കൂട്ടിരിപ്പിന് വന്ന സ്ത്രീയുടെ മൂന്ന് പവന്റെ മാല മോഷ്ടിച്ച പ്രതിയെ മെഡിക്കല്‍ കോളേജ് എസ്.ഐ -അരുണിന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തു.
വാര്‍ഡില്‍ ചികില്‍സയില്‍ കഴിഞ്ഞിരുന്ന വാടാനപ്പിള്ളി സ്വദേശി അറയ്ക്കല്‍ മുഹമ്മദാണ് അറസ്റ്റിലായത്.
തൃശൂര്‍ ഗവണ്‍മെന്റ് മെഡിക്കല്‍ കോളേജില്‍ വൃക്ക രോഗികള്‍ക്ക് ഡയാലിസിസ് ചികിത്സ നിഷേധിക്കുന്നത് പതിവാകുന്നു.
കൊടുങ്ങല്ലൂര്‍ സ്വദേശി ചാണാടിക്കല്‍ ദാസനാണ് ഡയാലിസിസ് നിഷേധിച്ചതായി കാണിച്ച് ആശുപത്രി സൂപ്രണ്ടിന് പരാതി നല്‍കിയത്. തൃശൂരിലെ ഒരു സ്വകാര്യ ആശുപത്രിയില്‍ പോയി ഡയാലിസിസ് നടത്താന്‍ നെഫ്രോളജി വിഭാഗത്തിന്റെ ചുമതല വഹിച്ചിരുന്ന ഡോ. വിനു തോമസ് നിര്‍ബന്ധിച്ചതായി പരാതിയില്‍ പറയുന്നു. ഡോക്ടറുടെ നിര്‍ദ്ദേശ പ്രകാരം രോഗി സ്വകാര്യ ആശുപത്രിയില്‍ പോയി ഡയാലിസിസിന് വേണ്ട ഫിസ്റ്റുല ശസ്ത്രക്രിയ നടത്തി. അതിനു ശേഷം തിരിച്ച് മെഡിക്കല്‍ കോളേജിലെത്തിയപ്പോള്‍ സ്വകാര്യ ആശുപത്രിയില്‍ തന്നെ ഡയാലിസിസ് തുടരാന്‍ ഡോക്ടര്‍ നിര്‍ബന്ധിച്ചു. രാത്രി 8 മണി വരെ ഡയാലിസിസിനായി കാത്തിരുന്നെങ്കിലും ഫലമുണ്ടായില്ല. അവശനായ രോഗി രാത്രി മെഡിക്കല്‍ കോളേജില്‍ തങ്ങി പിറ്റേ ദിവസമാണ് വീട്ടിലേക്ക് മടങ്ങിയത്. പരാതി ഉയര്‍ന്നതിനെ തുടര്‍ന്ന് ഡോകടര്‍ രാജിവെച്ച് സ്വകാര്യ ആശ്രപത്രിയില്‍ സേവനം അനുഷ്ഠിക്കുകയാണ് ഇപ്പോള്‍ .
തൃശൂര്‍ സ്വകാര്യ ബസില്‍ യാത്രക്കാരികളുടെ മാലയും പേഴസും മോഷ്ടിക്കാന്‍ ശ്രമിച്ച സംഭവത്തില്‍ രണ്ട് തമിഴ് സ്ത്രീകള്‍ പോലീസ് പിടിയിലായി.
മധുര സ്വദേശിനികളായ മലര്‍ സിദ്ദാര്‍ത്ഥ് , പ്രിയ മുരുകേശന്‍ എന്നിവരാണ് പോലീസ് പിടിയിലായത്. മലരിനെ തൃശൂര്‍ ഈസ്റ്റ് പോലീസും, പ്രിയയെ ഒല്ലൂര്‍ പോലീസുമാണ് പിടികൂടിയത്. നഗരത്തില്‍ ബസ് യാത്രക്കാരിയായ കെ.എസ്.എഫ്.ഇ ജീവനക്കാരിയുടെ പേഴ്‌സ് മോഷ്ടിക്കാന്‍ ശ്രമിക്കുന്നതിനിടെ ജീവനക്കാരി ബഹളം വെയ്ക്കുകയായിരുന്നു. മോഷടിക്കാന്‍ ശ്രമിച്ച തമിഴ്‌സ്ത്രി മലരിനെ പിടികൂടി ഈസ്റ്റ് പോലീസിന് കൈമാറി. ഒല്ലൂരില്‍ ബസ് യാത്രക്കാരിയായ സ്ത്രീയുടെ മാല മോഷ്ടിക്കാന്‍ ശ്രമിക്കുന്നതിനിടെയാണ് പ്രിയ പിടിയലായത് കോടതിയില്‍ ഹാജരാക്കിയ പ്രതികളെ റിമാന്റ് ചെയ്തു.
തൃശൂര്‍ ജില്ലാ കളക്ടറുടെ നേതൃത്വത്തിലുള്ള താലൂക്ക്തല ജനസമ്പര്‍ക്ക പരിപാടി ഈ മാസം 18 ന് ആരംഭിക്കും.
തൃശൂര്‍ താലൂക്കിന്റേത് തൃശൂര്‍ ടൗണ്‍ഹാളിലും മറ്റ് താലൂക്കുകളുടേത് അതത് താലൂക്ക് ഓഫീസുകളിലുമാണ് സംഘടിപ്പിക്കുന്നത്. അന്നേ ദിവസവും പൊതുജനങ്ങളില്‍ നിന്ന് ജനസമ്പര്‍ക്കപരിപാടിയുമായി ബന്ധപ്പെട്ട അപേക്ഷ സ്വീകരിക്കും.
തൃപ്രയാര്‍ ഉപ്പ് വെള്ളം കയറി കുടിവെള്ളം മലിനമാകുന്നത് തടയാന്‍ ചേറ്റുവ പടന്ന ചീപ്പ് ശാസ്ത്രീയമായി സംരക്ഷിക്കണമെന്നാവശ്യപ്പെട്ട് ജില്ലാ കളക്ടര്‍ക്ക് പരാതി.
ഏങ്ങണ്ടിയൂര്‍ ഗ്രാമപഞ്ചായത്തിലെ രണ്ടാം വാര്‍ഡ് അംഗം ഇര്‍ഷാദ്. കെ ചേറ്റുവയാണ് കളക്ടര്‍ക്ക് പരാതി നല്‍കിയത്. ചേറ്റുവ അഴിമുഖം വഴി പുഴയിലൂടെ കയറുന്ന ഉപ്പ് വെള്ളം, പടന്ന ചീപ്പിലൂടെ ചേലോട് തോട്ടിലേക്കാണ് ഒഴുകിയെത്തുന്നത്. ഇതേ തുടര്‍ന്ന് പ്രദേശത്തെ കിണറുകളും, കുളങ്ങളും, തണ്ണീര്‍ത്തടങ്ങളും പൂര്‍ണ്ണമായും ഉപ്പ് വെള്ളം കയറിയ നിലയിലാണ്. വാട്ടര്‍ അതോറിറ്റിയുടെ പൈപ്പുകള്‍ മുഖേന ആഴ്ചയില്‍ രണ്ട് തവണയാണ് നിലവില്‍ പ്രദേശത്ത് കുടിവെള്ളം ലഭിക്കുന്നത്. എന്നാല്‍ കാലപഴക്കത്തെ തുടര്‍ന്ന് പൈപ്പുകള്‍ തകര്‍ന്നതോടെ കുടിവെള്ള വിതരണം നിലച്ച സാഹചര്യമാണ്. മേഖലയില്‍ ആവശ്യമായ കിയോസ്‌ക്കുകള്‍ സ്ഥാപിച്ച് കുടിവെള്ളക്ഷാമത്തിന് അടിയന്തിര പരിഹാരം കണ്ടെത്തണമെന്നും വാര്‍ഡ് അംഗം കളക്ടര്‍ക്ക് നല്‍കിയ പരാതിയില്‍ ആവശ്യപ്പെട്ടു.
ചേലക്കര നവകേരളം പദ്ധതിയുടെ ഭാഗമായ ആര്‍ദ്രം പദ്ധതിക്കുകീഴില്‍ ആരോഗ്യസഭ 2017 എന്ന പരിപാടി സംഘടിപ്പിച്ചു.
തോന്നൂര്‍ക്കര പ്രാഥമികാരോഗ്യ കേന്ദ്ര പരിസരത്ത് നടന്ന പരിപാടി ചേലക്കര ഗ്രാമപഞ്ചായത്ത് പ്രസിഡന്റ് ആര്‍.ഉണ്ണികൃഷ്ണന്‍ ഉദ്ഘാടനം ചെയ്തു. ജില്ലാ പഞ്ചായത്ത് അംഗം ഇ.വേണുഗോപാലമേനോന്‍ അദ്ധ്യക്ഷത വഹിച്ചു. പഞ്ചായത്ത് സ്റ്റാന്റിംഗ് കമ്മിറ്റി ചെയര്‍മാന്‍മാരായ പി.എ. അച്ചന്‍കുഞ്ഞ്, ശ്രീകുമാര്‍, തോന്നൂക്കര പ്രാഥമികാരോഗ്യകേന്ദ്രം മെഡിക്കല്‍ ഓഫീസര്‍ ഡോ.എസ്. അപര്‍ണ്ണ തുടങ്ങിയവര്‍ സംസാരിച്ചു.
തൃശൂര്‍ ജലവിതരണത്തിന് ജില്ലാ ദുരന്തനിവാരണ അതോറിറ്റി ചെയര്‍മാന്‍ കൂടിയായ ജില്ലാ കളക്ടര്‍ കൂടുതല്‍ നിയന്ത്രണമേര്‍പ്പെടുത്തി.
മുല്ലശ്ശേരി, തോളൂര്‍, എളവള്ളി, കണ്ടാണശ്ശേരി എന്നീ പഞ്ചായത്തുകളിലാണ് നിയന്ത്രണം. കോള്‍ചാല്‍ പുഴയില്‍ നിന്നുളള തോളൂര്‍ ലിഫറ്റ് ഇറിഗേഷന്‍ മുതല്‍ ആളൂര്‍ പാലം വരെ കൃഷിക്ക് ഉപയോഗിക്കുന്ന മോട്ടോര്‍, പെട്ടി പറ മുതലായവ ഫെബ്രുവരി 20 വരെ പ്രവര്‍ത്തിപ്പിക്കുന്നതിനാണ് നിയന്ത്രണം. നെല്‍കൃഷിക്കല്ലാത്ത ഇതര ആവശ്യങ്ങള്‍ക്ക് ഉപയോഗിക്കുന്ന മോട്ടോറുകള്‍, പെട്ടിപറ എന്നിവ 20 വരെ പ്രവര്‍ത്തിപ്പിക്കുന്നതിന് നിയന്ത്രണമുണ്ട്. മുല്ലശ്ശേരി, തോളൂര്‍, എളവളളി, കണ്ടാണശ്ശേരി പഞ്ചായത്തുകളില്‍ കുടിവെള്ളത്തിനും നെല്‍കൃഷിയ്ക്കുമല്ലാതെ വെളളം തുറന്നു വിടുന്നുണ്ടോ എന്നു പരിശോധിക്കുന്നതിന് പോലീസ് പട്രോളിംഗ് ശക്തിപ്പെടുത്തി.
ഇരിങ്ങാലക്കുട കാട്ടൂര്‍ ചേലക്കത്തറയില്‍ വില്ലേജ് അധികൃതര്‍ സ്റ്റോപ്പ് മെമ്മോ നല്‍കിയ സ്ഥലത്ത് അനധികൃത നിര്‍മ്മാണം നടക്കുന്നതായി പരാതി.
സ്വകാര്യവ്യക്തിയുടെ പാടശേഖരം മണ്ണടിച്ച് നികത്താനുള്ള ശ്രമം നേരത്തെ അധികൃതര്‍ നടത്തിയിരുന്നു. എന്നാല്‍ വീണ്ടും ഇവിടെ നിര്‍മ്മാണ പ്രവര്‍ത്തനങ്ങള്‍ ആരംഭിച്ചതായി നാട്ടുകാര്‍ ആരോപിക്കുന്നു.
എരുമപ്പെട്ടി വേലൂര്‍ വെങ്ങിലശേരിയില്‍ മരം വീണ് വീടിന്റെ മേല്‍ക്കൂര ഭാഗികമായി തകര്‍ന്നു.
കോട്ടപ്പുറത്ത് ശശിധരന്റെ വീടിനാണ് മരം വീണ് കേടുപാടുകള്‍ സംഭവിച്ചത്. ശക്തമായ കാറ്റില്‍ സമീപമുള്ള പറമ്പിലെ വലിയ മരം കടപുഴകി വീടിന് മുകളിലേക്ക് വീഴുകയായിരുന്നു. സംഭവസമയത്ത് വീട്ടില്‍ ആരുമുണ്ടായിരുന്നില്ല.
തൃപ്രയാര്‍ നിര്‍ദ്ധന കുടുംബത്തിന് കാരുണ്യത്തിന്റെ കുടിവെള്ളം ഒരുക്കി സി.പി.എം പ്രവര്‍ത്തകര്‍ മാതൃകയായി.
നാട്ടിക ഗ്രാമപഞ്ചായത്തിലെ പത്താം വാര്‍ഡില്‍ താമസിക്കുന്ന ചങ്ങരംകുളത്ത് രാമന്‍കുട്ടിയുടെ വീട്ടിലേക്കാണ് സി.പി.എം നാട്ടിക ബ്രാഞ്ച് കമ്മിറ്റി പ്രവര്‍ത്തകര്‍ ഇടപെട്ട് കുടിവെള്ളം ഒരുക്കിയത്. കുടിവെള്ളത്തിന് ബുദ്ധിമുട്ടുന്ന വിവരം കഴിഞ്ഞ ബ്രാഞ്ച് കമ്മിറ്റി യോഗത്തില്‍ രാമന്‍കുട്ടി അറിയിച്ചിരുന്നു. ഇതേ തുടര്‍ന്ന് പ്രവര്‍ത്തകര്‍ അടിയന്തിരമായി ഫില്‍ട്ടര്‍ പമ്പും, മോട്ടോറും സ്ഥാപിച്ച് കുടിവെള്ളം ലഭ്യമാക്കുകയായിരുന്നു. സി.പി.എം നാട്ടിക ലോക്കല്‍ സെക്രട്ടറി കെ.ബി.ഹംസ മോട്ടോറിന്റെ സ്വിച്ച് ഓണ്‍ നിര്‍വ്വഹിച്ചു. എ.എം ദില്‍ഷാദ് അധ്യക്ഷനായിരുന്നു.
അന്തിക്കാട് കോള്‍ കര്‍ഷകര്‍ക്ക് ഭീഷണിയായി കോള്‍ പാടങ്ങളില്‍ താറാവ് എരണ്ടകള്‍ സജീവമാകുന്നു.
ജില്ലയിലെ പടിഞ്ഞാറന്‍ മേഖലയിലെ കോള്‍ പാടങ്ങളിലാണ് താറവ് എരണ്ടകള്‍ കൃഷി നശിപ്പിക്കുന്നത്. വിളഞ്ഞ നെന്മണികളെല്ലാം കൊത്തിപറിക്കുന്നതിനാല്‍ കര്‍ഷകര്‍ക്ക് വൈക്കോല്‍ മാത്രമാണ് ലഭിക്കുന്നത്. പുലര്‍ച്ചയോടെയാണ് ഇവ കോള്‍ പാടങ്ങളില്‍ വന്ന് കൃഷി നശിപ്പിക്കുന്നത്. അതിനാല്‍ ഇവയുടെ ആക്രമണം കര്‍ഷകര്‍ക്ക് തലവേദന ആയിരിക്കുകയാണ്.
ചേലക്കര ചേലക്കര അന്തിമഹാകാളന്‍കാവ് വേലയോടനുബന്ധിച്ചുള്ള പുല്ല് വേല നടന്നു.
പരമ്പരാഗത ചടങ്ങുകളോടുകൂടി നടന്ന പുല്ലു വേലയില്‍ നൂറ് കണക്കിനാളുകള്‍ പങ്കെടുത്തു. ഇത്തവണ വടക്കും കൂര്‍ വേലയായതിനാല്‍ അന്തിമഹാകാളന്‍കാവ് ക്ഷേത്രത്തിന് സമീപമുള്ള കടുകശ്ശേരി മഹാവിഷ്ണു ക്ഷേത്രത്തിലാണ് വേലയോടനുബന്ധിച്ചുള്ള ചടങ്ങുകള്‍ നടക്കുക. 64 കാലുള്ള പന്തല്‍ മേയുന്നതിനിനുള്ള പുല്ലെത്തിക്കുന്ന ചടങ്ങാണ് പുല്ലുവേല എന്നറിയപ്പെടുന്നത്.
വടക്കാഞ്ചേരി മച്ചാട് മാമാങ്കത്തിന് മുന്നോടിയായി തെക്കുംകര വിഭാഗം നടത്തിയ മാമാങ്ക നിലാവ് വിളംബര ഘോഷയാത്ര അനുഷ്ഠാന കലാരൂപങ്ങളാലും, വാദ്യഘോഷയാത്രകളാലും നിറക്കാഴ്ചയായി മാറി.
പുന്നംപറമ്പ് സെന്ററില്‍ നിന്ന് ആരംഭിച്ച ഘോഷയാത്രയില്‍ തട്ടക വാസികള്‍ക്കൊപ്പം വിവിധ കലാരൂപങ്ങള്‍ അണിനിരന്നു. മാമാങ്കം കമ്മിറ്റി, കുടുംബശ്രീ പ്രവര്‍ത്തകര്‍, വനിതാവേദി പ്രവര്‍ത്തകര്‍ എന്നിവരും ഘോഷയാത്രയില്‍ പങ്കെടുത്തു. പുന്നംപറമ്പ് മുതല്‍ തെക്കുംകര വരെ എത്തിയ ഘോഷയാത്ര തുടര്‍ന്ന് മച്ചാട് തിരുവാണിക്കാവ് സന്നിധിയില്‍ സമാപിച്ചു.
കൊടുങ്ങല്ലൂര്‍ കൊടുങ്ങല്ലൂരിലെ പൊതുമതിലുകളില്‍ പോലും പരസ്യ പ്രളയം.
നഗരത്തില്‍ പോലീസ് സ്‌റ്റേഷന്റെയും വിദ്യാലയത്തിന്റെയും മതിലുകള്‍ പോലും ചുവരെഴുത്തും പോസ്റ്റര്‍ പതിക്കലും മൂലം വൃത്തിഹീനമായ നിലയിലാണ്. രാഷ്ട്രീയ പാര്‍ട്ടികളുടെയും വിവിധ സംഘടനകളുടെയും ചുവരെഴുത്തും, പോസ്റ്ററുകളും നഗരത്തിലെ പൊതു സ്ഥാപനങ്ങളുടെ മതിലുകളില്‍ കടന്നുകയറ്റം നടത്തുമ്പോഴും അധികൃതരുടെ ഭാഗത്ത് നിന്നു നടപടിയുണ്ടാകുന്നില്ല. നഗരത്തിലെ പൊതു മതിലുകളെല്ലാം കയ്യേറി പരസ്യം പതിച്ച് വ്യത്തിഹീനമാക്കുന്നവര്‍ക്കെതിരെ കര്‍ശന നടപടി സ്വീകരിക്കണമെന്ന ആവശ്യം ശക്തമായിട്ടുണ്ട്.
ഗുരുവായൂര്‍ ഗുരുവായൂര്‍ ബ്രഹ്മകുളം എ.എല്‍.പി സ്‌കൂള്‍ വാര്‍ഷികാഘോഷം മുരളി പെരുനെല്ലി എം.എല്‍.എ ഉദ്ഘാടനം ചെയ്തു.
പി.ടി.എ പ്രസിഡന്റ് പി.കെ.അനില്‍ അധ്യക്ഷത വഹിച്ചു. നഗരസഭ ചെയര്‍പേഴ്‌സന്‍ പ്രൊഫ. പി.കെ.ശാന്തകുമാരി മുഖ്യപ്രഭാഷണം നടത്തി. സ്‌കൂള്‍ മാനേജര്‍ വി.ബി.ഹീരലാല്‍, അരവിന്ദ് ബ്രഹ്മകുളം, കെ.എല്‍ ഡെയ്‌സി തുടങ്ങിയവര്‍ സംസാരിച്ചു.
കുന്നംകുളം സ്റ്റുഡന്റ് പോലീസ് കേഡറ്റുകള്‍ക്കായി നടത്തിയ ബോംബ് - ഡോഗ് സ്‌ക്വാഡുകളുടെ പരിശീലന ക്ലാസില്‍ ബെല്ല എന്ന പോലീസ് നായ നടത്തിയ പ്രകടനം വിദ്യാര്‍ത്ഥികള്‍ക്ക് കൗതുകമായി.
വിദ്യാര്‍ത്ഥികളുടെ നിരത്തി വെച്ച ബാഗുകള്‍ക്കിടയിലൂടെ മണം പിടിച്ച് നടന്ന ബെല്ല ഒടുവില്‍ സ്‌ഫോടക വസ്തു ഒളിപ്പിച്ച ബാഗിന് സമീപം ഇരുന്നപ്പോള്‍ വിദ്യാര്‍ഥികളും മറ്റും കയ്യടികളോടെയാണ് പ്രകടനത്തെ അനുമോദിച്ചത്. പഴഞ്ഞി ഗവണ്‍മെന്റ് ഹയര്‍ സെക്കന്ററി സ്‌കൂള്‍ പ്രധാനാധ്യാപകന്‍ എം.സുരേഷ് പരിശീലന ക്ലാസ് ഉദ്ഘാടനം ചെയ്തു. കമ്യൂണിറ്റി പോലീസ് ഓഫീസര്‍മാരായ എം.കെ.സോമന്‍ , കെ.പി.ഹബീബ് റഹ്മാന്‍ എന്നിവര്‍ സംസാരിച്ചു.
ചേലക്കര പ്രസിദ്ധമായ കാളിയാ റോഡ് പള്ളി ജാറം ചന്ദനക്കുടം നേര്‍ച്ചയുടെ സുരക്ഷാ ക്രമീകരണങ്ങള്‍ വിലയിരുത്തുന്നതിനായുള്ള അവലോകന യോഗം യു.ആര്‍.പ്രദീപ് എം.എല്‍.എ ഉദ്ഘാടനം ചെയ്തു.
കേന്ദ്ര ജമാ അത്ത് കമ്മറ്റി പ്രസിഡന്റ് എ.മുഹമ്മദ് ഇബ്രാഹിം അധ്യക്ഷത വഹിച്ചു. കമ്മറ്റി സെക്രട്ടറി കെ.ഐ.അസീസ്, ട്രഷറര്‍ വി.എസ് ഖാസിം, ചേലക്കര ഗ്രാമപഞ്ചായത്ത് പ്രസിഡന്റ് ആര്‍.ഉണ്ണികൃഷ്ണന്‍, ചേലക്കര സി.ഐ വിജയകുമാരന്‍, തുടങ്ങിയവര്‍ സംസാരിച്ചു. മാര്‍ച്ച് 11നാണ് ചന്ദനക്കുടം നേര്‍ച്ച.
കുന്നംകുളം വിശിഷ്ട സേവനത്തിന് മെഡല്‍ ലഭിച്ച പോലീസ് ഉദ്യോഗസ്ഥരെ കുന്നംകുളം നഗരസഭ കൗണ്‍സില്‍ യോഗത്തില്‍ ആദരിച്ചു.
രാഷ്ട്രപതിയുടെ മെഡലിന് അര്‍ഹനായ ലീഡിംഗ് ഫയര്‍മാന്‍ ബെന്നി മാത്യു, മുഖ്യമന്ത്രിയുടെ മെഡലിന് അര്‍ഹനായ കുന്നംകുളം പൊലീസ് സ്റ്റേഷനിലെ സി.പി.ഒ - എ.വി.സജീവ്, എന്നിവരെയാണ് ആദരിച്ചത്. നഗരസഭാ ചെയര്‍പഴ്‌സണ്‍ സീതാരവീന്ദ്രന്‍ അധ്യക്ഷത വഹിച്ചു. സ്ഥിരം സമതി അധ്യക്ഷരായ ഗീതാശശി, കെ.കെ.മുരളി, സുമ ഗംഗാധരന്‍, എ.വി.ഷാജി, കൗണ്‍സിലര്‍മാര്‍ എന്നിവര്‍ സംസാരിച്ചു.
പുതുക്കാട് കല്ലൂര്‍ പാടത്ത് തീ പടര്‍ന്നത് പരിഭ്രാന്തി പരത്തി.
മൂന്നേക്കറോളം വരുന്ന പാടത്തെ പുല്ലിനാണ് തീ പിടിച്ചത്. വ്യാപകമായി പുക ഉയര്‍ന്നതോടെ കല്ലൂര്‍, ഞെള്ളൂര്‍ എന്നിവിടങ്ങളിലേക്കുള്ള വാഹനയാത്രികര്‍ ബുദ്ധിമുട്ടിലായി. സമീപത്തുള്ള വീടുകളിലേക്ക് പുക വ്യാപിച്ചതോടെ വീട്ടിലുള്ളവര്‍ക്ക് ശ്വാസതടസ്സവും നേരിട്ടു. നൂറ് കണക്കിന് നേന്ത്രവാഴകളും കരിഞ്ഞു. പുതുക്കാട് നിന്നെത്തിയ ഫയര്‍ഫോഴ്‌സും നാട്ടുകാരും ചേര്‍ന്ന് രണ്ട് മണിക്കൂറിലേറെ പ്രയത്‌നിച്ചാണ് തീ അണച്ചത്.
അന്തിക്കാട് ഇരിങ്ങാലകുട കേരള സോള്‍വെന്റ് ലിമിറ്റഡിന്റെ നേതൃത്വത്തില്‍ സൗജന്യമായി ഡയാലിസിസ്സ് നല്‍കി വരുന്ന പെരിങ്ങോട്ടുകര ഡയാലിസിസ്സ് സെന്ററിന് ഡയാലിസിസ് യന്ത്രം സമര്‍പ്പിച്ചു.
കമ്പനി ചെയര്‍മാന്‍ എം.സി. പോള്‍ സമര്‍പ്പണ ഉദ്ഘാടനം നടത്തി. ഡയറക്ടര്‍ ഡോ.കെ.സി.വിജയരാഘവന്‍ അദ്ധ്യക്ഷത വഹിച്ച ചടങ്ങില്‍ എ.പി.ജോര്‍ജ്, സി.എല്‍.ജോയ്, ഇ.നന്ദനന്‍ തുടങ്ങിയവര്‍ സംസാരിച്ചു.
കൊടകര തൊഴില്‍ സുരക്ഷിതത്വം ഉറപ്പാക്കുക, 2014-ലെ വഴിയോരകച്ചവട നിയമം നടപ്പാക്കുക, തുടങ്ങിയ ആവശ്യങ്ങളുന്നയിച്ച് വഴിയോരകച്ചവട തൊഴിലാളി യൂണിയന്‍ നടത്തുന്ന ജില്ല സമര പ്രചാരണജാഥയ്ക്ക് കൊടകരയില്‍ സ്വീകരണം നല്‍കി.
സി.ഐ.ടി.യു. പഞ്ചായത്ത് തല സെക്രട്ടറി എ.സി.വേലായുധന്‍ അധ്യക്ഷത വഹിച്ചു. ജാഥാ ക്യാപ്റ്റന്‍ കെ.വേണുഗോപാല്‍, വൈസ് ക്യാപ്റ്റന്‍ ടി.ശ്രീകുമാര്‍, ജെയിംസ് ആളൂര്‍ തുടങ്ങിയവര്‍ സംസാരിച്ചു.
ചാലക്കുടി ജനമൈത്രി ചാലക്കുടി ഡിവിഷന്റെ നേതൃത്വത്തില്‍ പൊലീസ് ഉദ്യോഗസ്ഥര്‍ക്കായി പരിശീലന ക്യാമ്പ് നടത്തി.
വ്യാപാര ഭവനില്‍ നടന്ന ചടങ്ങ് ചാലക്കുടി നഗരസഭ ചെയര്‍പേഴ്‌സണ്‍ ഉഷാ പരമേശ്വരന്‍ ഉദ്ഘാടനം ചെയ്തു. ഡിവൈ.എസ്.പി. - സി.എസ്.ഷാഹുല്‍ ഹമീദ്, പുതുക്കാട് അഡീഷണല്‍ എസ്.ഐ-വി.എസ് സന്തോഷ് എന്നിവര്‍ സംസാരിച്ചു.
കൊടകര ചാലക്കുടി പോലിസ് സബ്ഡിവിഷന്റെ ആഭിമുഖ്യത്തില്‍ കൊടകര ഗവണ്‍മെന്റ് ഹയര്‍ സെക്കന്ററി സ്‌കൂളില്‍ ലഹരിവിരുദ്ധ ബോധവല്‍ക്കണ ക്ലാസ് സംഘടിപ്പിച്ചു.
കൊടകര ബ്ലോക്ക് പഞ്ചായത്ത് പ്രസിഡന്റ് അമ്പിളി സോമന്‍ ഉദ്ഘാടനം ചെയ്തു. പ്രിന്‍സിപ്പാള്‍ യു. നന്ദകുമാര്‍ അധ്യക്ഷത വഹിച്ചു. പ്രധാനാധ്യാപകന്‍ സിറാജുദ്ദീന്‍, ചാലക്കുടി ട്രാഫിക് എസ്.ഐ. -വി.എസ്. വത്സകുമാര്‍, എ.എസ്.ഐ. -സി.കെ.സുരേഷ് എന്നിവര്‍ സംസാരിച്ചു.
ചാലക്കുടി ബിവറേജ് ഔട്ട്‌ലറ്റിന് ചാലക്കുടി മാര്‍ക്കറ്റിലെ ഷോപ്പിംഗ് കോംപ്ലക്‌സില്‍ മുറികള്‍ നല്കിയ തീരുമാനം പിന്‍വലിക്കണമെന്ന് ആവശ്യപ്പെട്ട് ചാലക്കുടി മണ്ഡലം കോണ്‍ഗ്രസ് കമ്മറ്റിയുടെ നേതൃത്വത്തില്‍ നഗരസഭാ ഓഫീസിന് മുന്നില്‍ ധര്‍ണ നടത്തി.
ഡി.സി.സി പ്രസിഡന്റ് ടി.എന്‍.പ്രതാപന്‍ ധര്‍ണ ഉദ്ഘാടനം ചെയ്തു. മണ്ഡലം പ്രസിഡന്റ് ഷിബു വാലപ്പന്‍ അധ്യക്ഷത വഹിച്ചു. നഗരസഭ പ്രതിപക്ഷ നേതാവ് വി.ഒ.പൈലപ്പന്‍, എ.ബി.ജോജ്ജ്, പി.കെ. ഭാസി എന്നിവര്‍ സംസാരിച്ചു. ധര്‍ണയ്ക്ക് മുന്നോടിയായി പ്രവര്‍ത്തകര്‍ പ്രകടനവും നടത്തി. തുടര്‍ന്ന് നഗരസഭ കവാടത്തില്‍ നഗരസഭ ചെയര്‍പേഴ്‌സന്റെ കോലം കത്തിച്ചു.
ചാലക്കുടി ചാലക്കുടി കൂടപ്പുഴ വെട്ടുകടവ് ഭാഗത്ത് ഒഴിഞ്ഞ പറമ്പില്‍ തീപിടിത്തമുണ്ടായി.
സമീപത്തെ വൈദ്യുത കമ്പികള്‍ കൂട്ടിയിടിച്ചായിരുന്നു തീപടര്‍ന്ന ത്. പറമ്പിലെ ഉണങ്ങിയ ചെടികള്‍ കത്തിനശിച്ചു. തൊട്ടടുത്തുള്ള 11 കെ.വി. ട്രാന്‍സ്‌ഫോര്‍മറിലേക്ക് പടരുന്നതിനിടെ നാട്ടുകാര്‍ തീയണച്ചു. ചാലക്കുടി ഫയര്‍ഫോഴ്‌സും സ്ഥലത്തെത്തിയിരുന്നു.
കൊടകര സംസ്ഥാന സര്‍ക്കാരിന്റെ ആര്‍ദ്രം- മിഷന്റെ ഭാഗമായി കൊടകര ഗ്രാമപഞ്ചായത്തില്‍ ആരോഗ്യസഭ ചേര്‍ന്നു.
ഗ്രാമപഞ്ചായത്ത് വൈസ് പ്രസിഡന്റ് കെ.എസ്.സുധ ഉദ്ഘാടനം ചെയ്തു. സ്ഥിരം സമിതി അധ്യക്ഷന്‍ ഇ.എല്‍.പാപ്പച്ചന്‍ അധ്യക്ഷനായിരുന്നു. പഞ്ചായത്തംഗങ്ങളായ വിലാസിനി ശശി, മിനി ദാസന്‍ എന്നിവര്‍ സംസാരിച്ചു
തൃപ്രയാര്‍ പട്ടയമായി ലഭിച്ച ഭൂമിയില്‍ സുരക്ഷിതവാസത്തിനായൊരു കുടില്‍ പോലുമില്ലാതെ വയോധികയായ വീട്ടമ്മ.വാടാനപ്പള്ളിയിലാണ് ദ്രവിച്ചു തകര്‍ന്ന ഓലകുടിലിനുള്ളില്‍ അറുപത്തഞ്ചുകാരിയുടെ ദുരിത ജീവിതം.
വാടാനപ്പള്ളി തൃശൂര്‍ റോഡില്‍ ആല്‍്മാവ് ജംഗ്ഷന് വടക്ക് ഇത്തിക്കാട്ട് ദേവകി കുഞ്ഞയ്യപ്പനാണ് തകര്‍്ന്ന് കുടിലില്‍ ദുരിതത്തില്‍ കഴിയുന്നത്. അവിവാഹിതയായ ഈവൃദ്ധ തന്റെ മാതാപിതാക്കളുടെ മരണത്തോടെ രണ്ട് പതിറ്റാണ്ടുകളായി ഇവിടെ ഒറ്റക്കാണ് താമസം. ആകെയുള്ളത് വര്‍ഷങ്ങള്‍ക്ക് മുന്‍പ് പട്ടയമായി ലഭിച്ച ആറുസെന്റ് ഭൂമി. വാടാനപ്പള്ളി തൃശൂര്‍ റോഡില്‍ നിന്ന് അരകിലോമീറ്റര്‍ വടക്ക് വിജനമായ പറമ്പുകള്‍ കടന്നുവേണം ദേവകിയുടെ വീട്ടിലെത്താന്‍. ഇരുപത് വര്‍്ഷമായി തീര്‍്ത്തും ദുരിതത്തിലാണ് വൃദ്ധയുടെ ജീവിതം. വര്‍ഷങ്ങള്‍ക്കിപ്പുറം ഓലക്കുടിലിന്റെ ഭൂരിഭാഗവും ദ്രവിച്ച് തകര്ന്ന നിലയിലായി.മണ്‍തറയില്‍ ഇരിക്കാനായി പഴയ രണ്ട് പ്ലാസ്റ്റിക് കസേരകളും, വെള്ളം നിറക്കാനായി ഏതാനും പ്ലാസ്റ്റിക് കുടങ്ങളും മാത്രമാണ് സ്വന്തമായുള്ള വീടുപകരണങ്ങള്‍. മേല്‍ക്കൂര പൊളിഞ്ഞതിനാല്‍ പ്രദേശവാസികളില്‍ ചിലര്‍ ചേര്‍ന്ന് വര്‍ഷ ങ്ങള്‍ക്കു മുന്‍പ് പ്ലാസ്റ്റിക് ഷീറ്റുകൊണ്ട് പൊതിഞ്ഞു നല്‍കുകയായിരുന്നു. കുടിലിന്റെ മുഴുവന്‍ ഭാഗങ്ങളും ദ്രവിച്ച് പൊളിഞ്ഞ നിലയിലാണ്. കിണര്‍ ഇല്ലാത്തതിനാല്‍ വെള്ളത്തിനായി ദൂരെയുള്ള പൊതുടാപ്പുകളെ ആശ്രയിച്ചാണ് ദേവകി കഴിഞ്ഞിരുന്നത്. മുന്‍പ് മണ്ണ് കൊണ്ട് നിര്‍മ്മിച്ച വീട് വര്‍്ഷങ്ങള്‍ക്ക് മുന്‍പ് മഴയില്‍ തകര്ന്നു വീണതോടെയാണ് കുടില്‍ കെട്ടിയത്. വീടിന് പുറകില്‍ ശുചിമുറിക്ക് മറപോലുമില്ല. വൃദ്ധയെ അറിയുന്നവരില്‍ ചിലരെല്ലാം ഇടയ്ക്കു ഇവര്‍ക്ക് ചെറിയ സഹായങ്ങളെല്ലാം നല്‍കുമായിരുന്നു. ഇത്തരത്തില്‍ കുടിലിലെ പെട്ടിയില്‍ സൂക്ഷിച്ചുവെച്ച ഇരുന്നൂറോളം രൂപയും, വീട്ടിലെ വെട്ടുകത്തിയുമെല്ലാം ചില നാടോടികള്‍ പകല്‍ സമയത്ത് വീട്ടില്‍ നിന്ന് അപഹരിച്ചുകളഞ്ഞു. കുടിലിന്റെ അവസ്ഥ പരിതാപകരമായതോടെ ദേവകി എങ്ങണ്ടിയൂരിലുള്ള സഹോദരിയുടെ വീട്ടിലേക്ക് താല്ക്കാലികമായി താമസം മാറിയിരിക്കുകയാണ്. പകല്‍ സമയം വാടാനപ്പളിയിലെ വീട്ടില്‍ കഴിയുന്ന ഇവര്‍ രാത്രിയിലാണ് സഹോദരിയുടെ വീട്ടിലെത്തുക. സിപിഐ വാടാനപ്പള്ളി ലോക്കല്‍ സെക്രട്ടറി അഷ്‌റഫ് വലിയകത്തും, വാടാനപ്പള്ളി പത്താം വാര്‍ഡ് അംഗം ഗീതാ ആനന്ദനുമാണ് ദേവകിയമ്മയുടെ ദുരിത ജീവിതം തിരിച്ചറിയുന്നത്. തുടര്‍്ന്ന് ഇരുവരുടെയും നേതൃത്വത്തില്‍ പരിചയമുള്ളവരെ കണ്ട് സഹായം അഭ്യര്‍ഥിയക്കുകയായിരുന്നു. അടിയന്തിരമായി ഇവര്‍ക്ക് താല്ക്കാലികമായൊരു കുടില്‍ നിര്‍്മ്മിച്ചുകൊടുക്കുകയാണ് സിപിഐയുടെ ലക്ഷ്യം. അരലക്ഷത്തോളമാണ് ഇതിന് മാത്രം ചിലവ് പ്രതീക്ഷിക്കുന്നത്. കുടില്‍ നിര്‍്മ്മാണം കഴിഞ്ഞാല്‍ അടുത്തദിവസം തന്നെ വീടിന്റെ് വൈദ്യുതീകരണവും നടത്തും. തുടര്‍ന്ന് പട്ടയത്തിന്റെയും മറ്റ് കൈവശാവകാശ രേഖകളും ശരിയാക്കി നിരാലംബയായ ദേവകിക്ക് ആശ്രയ പദ്ധതി പ്രകാരം പുതിയ വീട് വെച്ച് നല്കുകന്നതും പൊതുപ്രവര്ത്തംകരുടെ ലക്ഷ്യമാണ്.
തൃശൂര്‍ ഒളരിക്കര ലിറ്റില്‍ ക്യൂന്‍ പബ്ലിക് സ്‌കൂളിന്റെ വാര്‍ഷികം വെള്ളിയാഴ്ച ആര്‍ച്ച് ബിഷപ്പ് മാര്‍ ആന്‍ഡ്രൂസ് താഴത്ത് ഉദ്ഘാടനം ചെയ്യും.
പുതിയ കെട്ടിടത്തിന്റെ ഉദ്ഘാടനവും മാര്‍ താഴത്ത് നിര്‍വ്വഹിക്കും. നവജ്യോതി പ്രോവിന്‍ഷ്യാള്‍ സിസ്റ്റര്‍ മേഴ്‌സി പോള്‍ ചടങ്ങില്‍ അധ്യക്ഷത വഹിക്കും. സമ്മാനദാനവും ഉണ്ടാകും.
പുന്നയൂര്‍ക്കുളം വടക്കേക്കാട് പഞ്ചായത്തിലെ നായരങ്ങാടി-ഞമനേങ്ങാട് റോഡ് വീണ്ടും കുണ്ടും കുഴികളും നിറഞ്ഞ് കാല്‍നടയാത്ര പോലും സാധിക്കാത്ത സ്ഥിതിയിലായി. പഞ്ചായത്ത് ഭരിക്കുന്ന കോണ്‍ഗ്രസിലെ എ-ഐ ഗ്രൂപ്പ് പോര് കാരണമാണ് റോഡ് നന്നാക്കാന്‍ കാലതാമസം നേരിടുന്നതെന്ന് ആക്ഷേപം.
നായരങ്ങാടി-ഞമനേങ്ങാട് റോഡ് ആറു മാസം മുമ്പാണ് മെറ്റലിട്ട് ഉയര്‍ത്തിയത്. ഉടനെ ടാറിങ് നടത്തുമെന്ന് അന്ന് പഞ്ചായത്ത് അധികൃതര്‍ പറഞ്ഞിരുന്നു പക്ഷേ ടാറിങ് ഇതുവരെ നടന്നില്ല. മെറ്റല്‍ ഇളകി റോഡ് കേടാവുകയും ചെയ്തു. വെള്ളക്കെട്ട് മൂലം ഗതാഗത തടസം പതിവായിരുന്ന ഇവിടെ നാട്ടുകാരുടെ നീണ്ട കാലത്തെ മുറവിളികള്‍ക്കു ശേഷമാണ് കാനയും കലുങ്കും പണിയാനും റോഡ് ഉയരം കൂട്ടാനും പഞ്ചായത്ത് പദ്ധതിയിട്ടത്. റോഡ് തകര്‍ന്ന് കിടക്കുന്നതിനാല്‍ സ്‌കൂളിലേക്ക് കുട്ടികളെ കൊണ്ടുവരാന്‍ െ്രെഡവര്‍മാര്‍ വിസമ്മതിക്കുകയാണ്. അതേസമയം, കോണ്‍ഗ്രസിലെ എ-ഐ ഗ്രൂപ്പ് പോര് കാരണമാണ് റോഡ് നന്നാക്കാന്‍ കാലതാമസം നേരിടുന്നെതന്ന് നാട്ടുകാര്‍ക്കിടയില്‍ ആക്ഷേപമുണ്ട്. വാര്‍ഡ് അംഗം ഐ-ഗ്രൂപ്പ് കാരനാണന്നതിനാല്‍ വികസന പ്രവര്‍ത്തനങ്ങള്‍ക്ക് ഭരണ സമിതിയുടെ ഭാഗത്ത് അവഗണനയാണെന്നാണ് നാട്ടുകാരുടെ ആരോപണം. 2016-17ലെ ബജറ്റില്‍ 60 ലക്ഷം രൂപ റോഡ് ഇനത്തില്‍ വകയിരുത്തിയിട്ടുണ്ട്. എന്നാല്‍ സാമ്പത്തിക വര്‍ഷം അവസാനിക്കാറായിട്ടും ഫണ്ട് വിനിയോഗത്തിലെ അലംഭാവത്തില്‍ കടുത്ത നിരാശയിലാണ് നാട്ടുകാര്‍.
എരുമപ്പെട്ടി കടങ്ങോട് പാറപ്പുറത്ത് കര്‍ഷകന്‍ കുഴഞ്ഞ് വീണ് മരിച്ചു.
പാറപ്പുറം പുതൂര്‍ വീട്ടില്‍ 60 വയസ്സുള്ള രാമകൃഷ്ണനാണ് മരിച്ചത്. വ്യാഴാഴ്ച ഉച്ചതിരിഞ്ഞ് വീടിന് സമീപമുള്ള കൃഷിത്തോട്ടം നനയ്ക്കാന്‍ പോയ രാമകൃഷ്ണനെ നാട്ടുകാരാണ് പറമ്പില്‍ വീണ് കിടക്കുന്നത് കണ്ടത്. എരുമപ്പെട്ടി ആക്ട്‌സ് പ്രവര്‍ത്തകര്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
അന്തിക്കാട് സംസ്ഥാന സര്‍ക്കാറിന്റെ ആര്‍ദ്രം പദ്ധതിക്ക് അന്തിക്കാട് ഗവണ്‍മെന്റ് ആശുപത്രിയില്‍ തുടക്കമായി.
ഗ്രാമപഞ്ചായത്ത് പ്രസിഡന്റ് കെ.എം .കിഷോര്‍കുമാര്‍ ഉദ്ഘാടനം ചെയ്തു. വൈസ് പ്രസിഡന്റ് ജ്യോതി രാമന്‍ അദ്ധ്യക്ഷയായി. ആശുപത്രി സൂപ്രണ്ട് ബീന മൊയ്തീന്‍ വിഷയാവതരണം നടത്തി. പഞ്ചായത്ത് അംഗങ്ങള്‍, ആശവര്‍ക്കര്‍മാര്‍, ആരോഗ്യ പ്രവര്‍ത്തകര്‍, ഡോ. വി.പി.വേണുഗോപാല്‍ തുടങ്ങിയവര്‍ സംസാരിച്ചു.
ഇരിങ്ങാലക്കുട തൃശൂര്‍ ജില്ലയിലെ മികച്ച ഗ്രാമപഞ്ചായത്തായി പൂമംഗലത്തെ വീണ്ടും തിരഞ്ഞെടുത്തു.
സംസ്ഥാന സര്‍ക്കാര്‍ ഏര്‍പ്പെടുത്തിയ സ്വരാജ് ട്രോഫിയും പത്ത് ലക്ഷം രൂപയുടെ കാഷ് അവാര്‍ഡും പുരസ്‌ക്കാരമായി പൂമംഗലത്തിന് ലഭിക്കും. നാലാം തവണയാണ് പൂമംഗലം പഞ്ചായത്ത് സ്വരാജ് ട്രോഫിക്കര്‍ഹമാകുന്നത്. ഇതിനകം രണ്ടു തവണ ''ആരോഗ്യകേരളം'' പുരസ്‌കാരവും ശുചിത്വമിഷന്റെ ജില്ലാ പുരസ്‌കാരവും നേടിയിട്ടുള്ള പൂമംഗലം പഞ്ചായത്ത്, ഐ.എസ്.ഒ അംഗീകാരം നേടിയിട്ടുള്ള തൃശൂര്‍ ജില്ലയിലെ ചുരുക്കം ചില പഞ്ചായത്തുകളിലൊന്നാണ്.
തൃപ്രയാര്‍ നാട്ടികയില്‍ സ്വകാര്യബസിന് പുറകില്‍ സ്‌കൂട്ടര്‍ ഇടിച്ച് സ്‌കൂട്ടര്‍ യാത്രികരായ രണ്ട് വിദ്യാര്‍ത്ഥിനികള്‍ക്ക് പരിക്കേറ്റു.
കൊടുങ്ങല്ലൂര്‍ ചേരമാന്‍ പള്ളിക്ക് സമീപം നമ്പൂരി മഠത്തില്‍ റാബിയ ഇബ്രാഹിം, മെഹവിന്‍ എനിവര്‍ക്കാണ് പരിക്കേറ്റത്. പടിഞ്ഞാറെ വെമ്പല്ലൂര്‍ എം.ഇ.എസ് അസ്മാബി കോളേജിലെ വിദ്യാര്‍ത്ഥിനികളാണ് ഇരുവരും. ചെന്ത്രാപ്പിന്നിയില്‍ നിന്ന് തൃശൂരിലേക്ക് പോയിരുന്ന ബട്ടര്‍ഫ്‌ളൈ എന്ന സ്വകാര്യബസ്സിന് പുറകില്‍ സ്‌കൂട്ടര്‍ ഇടിച്ചാണ് അപകടം. സ്‌കൂട്ടര്‍ പൂര്‍ണമായും തകര്‍ന്നതിനാല്‍ സ്‌കൂട്ടര്‍ ഓടിച്ചിരുന്ന കുട്ടിക്ക് പുറത്തിറങ്ങാന്‍ കഴിയാത്ത സ്ഥിതിയിലായിരുന്നു. പരിക്കേറ്റവരെ തൃപ്രയാര്‍ റോഡ് സുരക്ഷാ ജാഗ്രതാസമിതി പ്രവര്‍ത്തകര്‍ തൃശൂര്‍ വെസ്റ്റ്‌ഫോര്‍ട്ട് ആശുപത്രിയില്‍ പ്രവേശിപ്പിച്ചു.
കുന്നംകുളം സ്വകാര്യ ബസ്സില്‍ നിന്നു വീണ് വിദ്യാര്‍ഥികള്‍ക്ക് പരിക്കേറ്റു.
കൂറ്റനാട് വാവന്നൂര്‍ ശ്രീപതി എഞ്ചിനീയറിംഗ് കോളേജ് വിദ്യാര്‍ത്ഥികളായ ലെനിന്‍, ശരത് എന്നിവര്‍ക്കാണ് പരിക്കേറ്റത്. പട്ടാമ്പിയില്‍ നിന്നും ഗുരുവായൂരിന് പോവുകയായിരുന്ന സ്വകാര്യ ബസ്സില്‍ നിന്നാണ് ഇവര്‍ വീണത്.
മാള മാളയില്‍ 150-ഓളം സാമൂഹികപ്രവര്‍ത്തകര്‍ ചേര്‍ന്ന് രൂപീകരിച്ച ഉണര്‍വ്വ് എന്ന വാട്‌സ്ആപ്പ് കൂട്ടായ്മ, അവശത അനുഭവിക്കുന്നവര്‍ക്ക് സഹായഹസ്തവുമായെത്തി മാതൃകയാകുന്നു.
കൂട്ടായ്മ പ്രവര്‍ത്തകര്‍ പൊയ്യ പഞ്ചായത്തിലെ പുളിപ്പറമ്പ് ചെറുപുഷ്പ ഭവനിലെത്തി് മുപ്പതോളം കുട്ടികള്‍ക്ക് വസ്ത്രങ്ങള്‍ നല്‍കി. മധുരവും വിതരണം ചെയ്തു. വിവിധ വ്യക്തികളില്‍ നിന്ന് ഒരു ദിവസം കൊണ്ട് ശേഖരിച്ച വസ്ത്രങ്ങളാണ് കുട്ടികള്‍ക്കായി എത്തിച്ചതെന്ന് കൂട്ടായ്മയിലെ അംഗങ്ങളായ പി.കെ.സുജനും പോള്‍സണ്‍ കൊടിയനും പറഞ്ഞു.
കൊടുങ്ങല്ലൂര്‍ കൊടുങ്ങല്ലൂര്‍ നഗരസഭ കൗണ്‍സില്‍ യോഗത്തില്‍ ബഹളം.
കോട്ടപ്പുറം കായ ചന്തയുടെ അരിക് സംരക്ഷണത്തിന് തയ്യാറാക്കിയ 4 ലക്ഷത്തി 90,000 രൂപയുടെയും, നഗരസഭ ടൗണ്‍ഹാളിന്റെ അടുക്കള, ചുറ്റുമതില്‍, കാന എന്നിവയുടെ അറ്റകുറ്റപണികള്‍ക്കുള്ള 4,95,000 രൂപയുടെയും ടെണ്ടറുകള്‍ അംഗീകരിക്കുന്നത് സംബന്ധിച്ചാണ് തര്‍ക്കം നടന്നത്. പ്രതിപക്ഷത്തെ ബി.ജെ.പി. കൗണ്‍സിലര്‍മാര്‍ വി.ജി. ഉണ്ണികൃഷ്ണന്റെ നേതൃത്വത്തില്‍ സഭ നടപടികള്‍ തടസ്സപ്പെടുത്തുവാന്‍ ശ്രമിക്കുകയും ചെയ്തു.. എന്നാല്‍ പ്രതിപക്ഷത്തെ ബി.ജെ.പി. കൗണ്‍സിലര്‍മാരുടെ വിയോജനക്കുറിപ്പോടെ ടെന്‍ഡറുകള്‍ അംഗീകരിച്ചു. ചെയര്‍മാന്‍ സി.സി. വിപിന്‍ ചന്ദ്രന്‍ അധ്യക്ഷനായി
പാവറട്ടി മുല്ലശ്ശേരി ഗ്രാമ പഞ്ചായത്തിലെ മധുക്കരയില്‍ വീണ്ടും ഒരു പശു ചത്തു.
ചുള്ളിപ്പറമ്പില്‍ ബാബുവിന്റെ വീട്ടിലെ ഒന്നര വയസുള്ള പശുവാണ് ചത്തത്. പേയിളകിയാണ് പശു ചത്തതെന്ന് സംശയിക്കുന്നു. ക്ഷീര കര്‍ഷകനായ ബാബു വിവരമറിയിച്ചതിനെ തുടര്‍ന്ന് വ്യാഴാഴ്ച ഉച്ചയോടെ ജില്ലാ ചീഫ് വെറ്ററിനറി ഓഫീസര്‍ ഡോ എം.കെ.പ്രദീപ് കുമാര്‍, മുല്ലശ്ശേരി ബ്ലോക്ക് വെറ്റിറിനറി ഓഫീസര്‍ ഡോ ഫ്രാന്‍സിസ് എന്നിവരുടെ നേതൃത്വത്തിലുള്ള സംഘം മധുക്കരയിലെത്തി പരിശോധന നടത്തി.
പുന്നയൂര്‍ക്കുളം പുന്നയൂര്‍ക്കുളം ആല്‍ത്തറ ഗോവിന്ദപുരം മഹാവിഷ്ണു ക്ഷേത്രത്തിന്റെ ഓഫീസിന് തീപിടിച്ചു.
ക്ഷേത്രത്തിന് പുറത്തുള്ള ഓഫീസ് മുറിയിലാണ് തീപിടിത്തം ഉണ്ടായത്. അലമാര, മേശ, കസേര എന്നിവ കത്തി നശിച്ചു. ഓഫീസ് രേഖകളും, പണംവും അലമാരയ്ക്ക് അകത്ത് ഉണ്ടായിരുന്നതായി ക്ഷേത്രം ഭാരവാഹികള്‍ പറഞ്ഞു.പ്രദേശവാസികളും ക്ഷേത്ര ഭാരാവഹികളും ചേര്‍ന്ന് പീന്നീട് തീ അണച്ചു .
ചാവക്കാട് കിഴക്കേ ബ്ലാങ്ങാട് പട്ടാപ്പകല്‍ പുലിയെ കണ്ടതായി അഭ്യൂഹം.
വാര്‍ത്ത പരന്നതോടെ ജനം ഭീതിയിലായി. വ്യാഴാഴ്ച രാവിലെയാണ് പുലി റോഡ് മുറിഞ്ഞ് വീട്ടുപറമ്പിലേക്ക് കടന്നതായി ഇതുവഴിയെ പോയ ഓട്ടോ ഡ്രൈവര്‍ സ്ഥലത്തെ സ്ത്രീകളോട് പറഞ്ഞത്. കെ.വി. അബ്ദുള്‍ഖാദര്‍ എംഎല്‍എ യുടെ നേതൃത്വത്തിലുള്ള ജനപ്രതിനിധികളും സ്ഥലത്തെത്തി. തുടര്‍ന്ന് വനം അധികൃതരും സ്ഥലത്തെത്തി പരിശോധന നടത്തി. എന്നാല്‍ സ്ഥലത്ത് കണ്ട കാല്‍പ്പാടുകള്‍ കാട്ടുപൂച്ചയുടേതെന്ന് വനം വകുപ്പ് അധികൃതര്‍ അറിയിച്ചു. പ്രദേശത്തുകാര്‍ക്ക് ഭീതി വേണ്ടെന്നും ഉദ്യോഗസ്ഥര്‍ പറഞ്ഞു.
കുന്നംകുളം കുന്നംകുളത്ത് ഓട്ടോ തൊഴിലാളികളുടെ മിന്നല്‍ പണിമുടക്ക്.
തൊഴിലാളികള്‍ക്കെതിരെയുള്ള പൊലീസ് നടപടിയില്‍ പ്രതിഷേധിച്ച് വടക്കാഞ്ചേരി റോഡിലെ തൊഴിലാളികളാണ് വ്യാഴാഴ്ച വൈകീട്ട് ആറോടെ പണിമുടക്കിയത്. വടക്കാഞ്ചേരി റോഡിലെ പാര്‍ക്കില്‍ രണ്ട് വരിയായി ഓട്ടോറിക്ഷകള്‍ പാര്‍ക്ക് ചെയ്തതാണ് പോലീസിനെ ചൊടിപ്പിച്ചത്. വീതി കുറഞ്ഞ റോഡില്‍ രണ്ട് വരി പാര്‍ക്കിംഗ് യാത്ര ദുരിതം ഉണ്ടാക്കുന്നുവെന്ന പരാതിയിലായിരുന്നു നടപടി. റോഡിലേക്ക് ചേര്‍ത്തിട്ട മൂന്ന് ഓട്ടോകളുടെ ഡ്രൈവര്‍മാരുടെ ലൈസന്‍ പോലീസ് വാങ്ങി വെച്ചതാണ് പണിമുടക്കിന് കാരണമായത്. പിന്നീട് തൊഴിലാളി നേതാക്കള്‍ സി.ഐ- കൃഷ്ണദാസുമായി നടത്തിയ ചര്‍ച്ചയ്ക്ക് ശേഷം പണിമുടക്ക് അവസാനിപ്പിച്ചു.
എരുമപ്പെട്ടി സി.പി.എം കടങ്ങോട് ലോക്കല്‍ കമ്മറ്റിയുടെ നേതൃത്വത്തില്‍ ജനകീയ കൂട്ടായ്മ സംഘടിപ്പിച്ചു.
തെക്കുമുറിയില്‍ നടന്ന സമ്മേളനം ജില്ലാ സെക്രട്ടേറിയറ്റ് അംഗം സേവ്യര്‍ ചിറ്റിലപ്പിള്ളി ഉദ്ഘാടനം ചെയ്തു. ബ്ലോക്ക് പഞ്ചായത്ത് മെമ്പര്‍ എ.എം.മുഹമ്മദ്കുട്ടി അധ്യക്ഷനായി. ലോക്കല്‍ കമ്മറ്റി സെക്രട്ടറി പി.ഇ.ബാബു, ഏരിയാകമ്മറ്റി അംഗങ്ങളായ കെ.ഡി.ബാഹുലേയന്‍, പി.എസ്.പ്രസാദ് എന്നിവര്‍ സംസാരിച്ചു.' വിവിധ മേഖലകളില്‍ കഴിവ് തെളിയിച്ച പ്രതിഭകളെ സമ്മേളനത്തില്‍ ഉപഹാരം നല്‍കി അനുമോദിച്ചു
കൊടുങ്ങല്ലൂര്‍ സ്ത്രീയെ ചാക്കില്‍ കെട്ടി കോട്ടപ്പുറം കായലിലേക്കെറിഞ്ഞു കൊലപ്പെടുത്തിയ കേസിലെ പ്രതി ഷാജി എന്ന ജപ്പാന്‍ ഷാജിയെ കുറ്റക്കാരനാണെന്ന് ഇരിങ്ങാലക്കുട അഡീഷണല്‍ ജില്ലാ സെഷന്‍സ് ജഡ്ജി ഗോപകുമാര്‍ കണ്ടെത്തി.
പ്രതിക്കുള്ള ശിക്ഷ നാളെ വിധിക്കും. 2014 നവംബര്‍ 13നാണ് കേസിനാസ്പദമായ സംഭവം. ലോട്ടറി വില്‍ക്കുന്നതിനെ കുറിച്ചുണ്ടായ സാമ്പത്തിക ഇടപാടിനെ തുടര്‍ന്ന് ഷാജിയുടെ മുഖത്ത് ബേബി അടിച്ചതിന്റെ പ്രതികാരമായിട്ടാണ് കൊലപാതകം നടന്നതെന്നാണ് പ്രോസിക്യൂഷന്‍ കേസ്. പ്രതി വാടയ്‌ക്കെടുത്ത ലോഡ്ജ് മുറിയില്‍ വെച്ച് ബേബിയെ ശ്വാസം മുട്ടിച്ച് തളര്‍ത്തിയ ശേഷം ചാക്കിലാക്കി ബൈക്കില്‍ കൊണ്ടുപോയി കോട്ടപ്പുറം പാലത്തിനു മുകളില്‍ നിന്ന് കായലിലേക്ക് എറിഞ്ഞ് കൊലപ്പെടുത്തുകയായിരുന്നു. കേസില്‍ പ്രോസിക്യൂഷന്‍ 18 സാക്ഷികളെ വിസ്തരിക്കുകയും 47 രേഖകളും 27 തൊണ്ടിമുതലുകളും കണ്ടെത്തുകയും ചെയ്തിരുന്നു. ദൃക്‌സാക്ഷികളില്ലാതിരുന്ന കേസില്‍ സാഹചര്യ തെളിവുകളുടെ അടിസ്ഥാനത്തിലും പ്രതിയില്‍ നിന്ന് കണ്ടെടുത്ത തൊണ്ടിമുതലുകളുടെ അടിസ്ഥാനത്തിലുമാണ് ഷാജിയെ കുറ്റക്കാരനെന്നു കോടതി കണ്ടെത്തിയത്.
കയ്പമംഗലം ചെന്ത്രാപ്പിന്നിയില്‍ ഗൃഹനാഥനെ വാടക വീട്ടില്‍ മരിച്ച നിലയില്‍ കണ്ടെത്തി.
ചെന്ത്രാപ്പിന്നി ഹൈസ്‌കൂള്‍ റോഡിന് കിഴക്ക് കൊരട്ടില്‍ രാമകൃഷ്ണന്‍ മകന്‍ 53 വയസുള്ള പ്രകാശനാണ് മരിച്ചത്. ഇന്ന് ഉച്ചതിരിഞ്ഞ് മൂന്നരയോടെയാണ് മൃതദേഹം കണ്ടെത്തിയത്. പ്രകാശനെ പുറത്ത് കാണാത്തതിനെ തുടര്‍ന്ന് അയല്‍വാസികള്‍ ഇയാളുടെ സഹോദരന്‍ പ്രദീപിനെ വിളിച്ചു വരുത്തി അടുക്കള വാതില്‍ പൊളിച്ച് അകത്ത് കടന്നപ്പോഴാണ് രക്തം ഛര്‍ദ്ദിച്ച് കമിഴ്ന്ന് കിടക്കുന്ന രീതിയില്‍ മൃതദേഹം കണ്ടെത്തിയത്. പ്രകാശന്റെ ഭാര്യ സുനന്ദ ജോലിക്കായി ഇന്നലെ കോയമ്പത്തൂരിലേക്ക് പോയിരുന്നു. പെയിന്റിംഗ് തൊഴിലാളിയായിരുന്നു പ്രകാശന്‍. മതിലകം പോലീസ് സ്ഥലത്തെത്തി മേല്‍ നടപടികള്‍ സ്വീകരിച്ചു.
ചാവക്കാട് കനോലി കനാലിനു കുറുകെ ലക്ഷങ്ങള്‍ മുടക്കി നിര്‍മ്മിച്ച ചലിക്കുന്ന പാലങ്ങളുടെ കേബിളുകളും ഗിയര്‍ ബോക്‌സുകളും തുരുമ്പെടുത്ത് നശിക്കുന്നു. ചിലയിടങ്ങളില്‍ ഗിയര്‍ ബോക്‌സ് കാണ്മാനില്ല.
പുന്നയൂര്‍, ചാവക്കാട് മേഖലയിലെ പുന്ന, എടക്കഴിയൂര്‍ ഒറ്റയിനി, നാലാംകല്ല് , ചാവക്കാട് ആശുപത്രി റോഡ് എന്നിവിടങ്ങളിലെ കനോലി കനാലിന് കുറുകെയുള്ള ചലിക്കും പാലങ്ങള്‍ നിയന്ത്രിക്കാന്‍ സ്ഥാപിച്ച ഗിയര്‍ വീല്‍, റോപ്പ് ഡ്രം, ഗിയര്‍ബോക്‌സ് എന്നിവ മഴയും വെയിലും കൊണ്ട് തുരുമ്പെടുത്ത് നശിക്കുകയാണ്. താഴെകൂടി വള്ളങ്ങളും മറ്റും പോകുമ്പോള്‍ ആവശ്യാനുസരണം പാലം ഉയര്‍ത്താനാണ് കേബിളുകളും അവ ബന്ധിപ്പിക്കുന്ന ഗിയര്‍ ബോക്‌സുകളും സ്ഥാപിക്കുന്നത്. കനോലി കനാലിനു കുറുകെ ചെറുവാഹനങ്ങള്‍ക്കു സഞ്ചരിക്കാന്‍ പാകത്തില്‍ ഉരുക്കു കൊണ്ട് നിര്‍മ്മിച്ച പാലം ഇപ്പോള്‍ ചലിപ്പിക്കാന്‍ കഴിയാത്ത അവസ്ഥയിലാണ്. വര്‍്ഷാവര്‍്ഷം ബന്ധപ്പെട്ട തദ്ദേശ ഭരണ സ്ഥാപനങ്ങളാണ് ഇവയുടെ അറ്റകുറ്റ പണികള്‍ നടത്തി സംരക്ഷിക്കേണ്ടത്. പാലത്തിന്റെ ഇരുമ്പ് പാളികള്‍ അറ്റകുറ്റ പണികള്‍ നടത്താറുണ്ടെങ്കിലും ലക്ഷങ്ങള്‍ വില വരുന്ന കേബിളുകളില്‍ പലതും തുരുമ്പെടുത്ത് നശിച്ചു കഴിഞ്ഞു. പാലത്തിനു സമീപം തന്നെ ചെറിയ മേല്‍ക്കൂരയോ ആവരണമോ ഇല്ലാതെ സ്ഥാപിച്ച ഗിയര്‍ ബോക്‌സുകളും പാലവുമായി നേരിട്ടുള്ള ബന്ധമില്ലാത്ത സ്ഥിതിയിലായി. പുന്നയൂര്‍ പഞ്ചായത്തിലെ നാലാം കല്ല് പതേരിക്കടവില്‍ നിര്‍മ്മിച്ച പാലത്തിന്റെ ഗിയര്‍ ബോക്‌സുകളും അനുബന്ധ സാധനങ്ങളും കാണാനില്ല നാളുകളായിട്ടും അധികാരികള്‍ നടപടി എടുക്കാത്തത് നാട്ടുകാരില്‍ വന്‍ പ്രതിഷേധത്തിനിടയാക്കിയിട്ടുണ്ട്.
തൃശൂര്‍ പാമ്പാടി നെഹ്‌റു എഞ്ചിനീയറിങ്ങ് കോളേജ് വിദ്യാര്‍ത്ഥി ജിഷ്ണുവിന്റെ മരണവുമായി ബന്ധപ്പെട്ട് കോളേജ് ചേയര്‍മാന്‍ പി.കൃഷ്ണദാസന്റെ അറസ്റ്റ് ഹൈക്കോടതി തടഞ്ഞു.
കൃഷ്ണദാസ് സമര്‍പ്പിച്ച ജാമ്യാപേക്ഷ പരിഗണിച്ച ഹൈക്കോടതി അടുത്ത 5 ദിവസത്തേക്ക് അറസ്റ്റ് ചെയ്യരുതെന്നാണ് ഉത്തരവ്. 21ന് കൃഷ്മദാസിന്റെ ജാമ്യാപേക്ഷയില്‍ വിശദമായ വാദം കേള്‍ക്കും. അതേസമയം കേസിലെ രണ്ടാംപ്രതിയും നെഹ്‌റു കോളേജ് പി.ആര്‍.ഒയുമായ സഞ്ജിത്ത് കെ.വിശ്വനാഥന്റെ മുന്‍കൂര്‍ ജാമ്യാപേക്ഷ ഈമാസം 20ന് പരിഗണിക്കും. തൃശൂര്‍ പ്രിന്‍സിപ്പല്‍ ജില്ലാ സെഷന്‍സ് കോടതിയാണ് മുന്‍കൂര്‍ ജാമ്യാപേക്ഷ പരിഗണിക്കുന്നത്.
തൃശൂര്‍ തൃശൂര്‍ പൂരം ഉള്‍പ്പെടെയുള്ള ഉത്സവാഘോഷങ്ങളുടെ നടത്തിപ്പുമായി ബന്ധപ്പെട്ട ആശങ്കകള്‍ ചര്‍ച്ച ചെയ്യാന്‍ ജില്ലാ കളക്ടര്‍ യോഗം വിളിച്ചു.
നാളെ രാവിലെ 10ന് കളക്ടറുടെ ചേംബറിലാണ് ചര്‍ച്ച. ഉത്സവങ്ങളില്‍ ആനയെഴുന്നെള്ളിപ്പും വെടിക്കെട്ടും ഇല്ലാതാക്കാന്‍ ഉദ്യോഗസ്ഥര്‍ ഗൂഢാലോചന നടത്തുന്നു എന്നാരോപിച്ച് ഫെസ്റ്റിവല്‍ കോ-ഓഡിനേഷന്‍ കമ്മറ്റി പ്രതിഷേധത്തിലേക്ക് നീങ്ങിയിരുന്നു. മന്ത്രി എ.സി മൊയ്തീന്റെ നിര്‍ദ്ദേശ പ്രകാരമാണ് കളക്ടര്‍ എ.കൗശിഗന്‍ യോഗം വിളിച്ചത്.
ഇരിങ്ങാലക്കുട കെ.എല്‍.ഡി.സി കരാറുകാരന്റെ അനാസ്ഥയെ തുടര്‍ന്ന് കുടിവെള്ള വിതരണപൈപ്പിന്റെ വാല്‍വ് ചേംബറിനും പമ്പിംഗ് ലൈനും കേടുപാടുകള്‍ സംഭവിച്ചു.
കരുവന്നൂര്‍ പുഴയിലെ ഇല്ലിക്കലില്‍ നിന്നു കാറളം വെള്ളാനിക്കരയിലേക്ക് വെള്ളമെത്തിക്കുന്ന 70 എം.എം പ്രമോ പൈപ്പിനും, പുല്ലത്തറ പാലത്തിനു സമീപമുള്ള വാല്‍വ് ചേംബറിനുമാണ് കേടുപാടുകള്‍ സംഭവിച്ചിരിക്കുന്നത്. കെ.എല്‍.ഡി.സി കനാല്‍ ബണ്ട് ബലപ്പെടുത്തുന്നതിനായി കരാറുകാരന്‍ ലോഡു കണക്കിന് മണ്ണ് , പൈപ്പിനും വാല്‍വ് ചേംബറിനും മുകളില്‍ നിക്ഷേപിച്ചതും ഇതിനു മുകളില്‍ ജെ.സി.ബി ഉപയോഗിച്ച് നിര്‍മ്മാണ പ്രവര്‍ത്തനങ്ങള്‍ നടത്തിയതുമാണ് കേടുപാടുകള്‍ സംഭവിക്കാന്‍ കാരണമെന്ന് ഉദ്യോഗസ്ഥര്‍ പറഞ്ഞു. ഇവിടെ നിര്‍മ്മാണ പ്രവര്‍ത്തനങ്ങള്‍ നടത്തുമ്പോള്‍ വാട്ടര്‍ അതോററ്റിയെ അറിയിക്കണമെന്ന ചട്ടവും കരാറുകാരന്‍ ലംഘിച്ചതായി ഉദ്യോഗസ്ഥര്‍ ചൂണ്ടിക്കാട്ടി. കേടുപാടുകള്‍ സംഭവിച്ചതിനെ തുടര്‍ന്ന് തീരദേശ മേഖലയിലെ എസ്.എന്‍.പുരം മുതല്‍ ഏങ്ങണ്ടിയൂര്‍ വരെയുള്ള 10 പഞ്ചായത്തുകളിലെ കുടിവെള്ള വിതരണം ഒരാഴ്ചയോളം തടസപ്പെടും. കുടിവെള്ള വിതരണം പുനസ്ഥാപിക്കാനുള്ള അറ്റകുറ്റപ്പണികള്‍ യന്ത്ര സഹായത്തോടെ ആരംഭിച്ചിട്ടുണ്ട്. അസിസ്റ്റന്റ് എക്‌സിക്യൂട്ടീവ് എഞ്ചിനിയര്‍ പി.എം.രാജേഷ്, അസിസ്റ്റന്റ് എഞ്ചീനിയര്‍ ഇ.എ.ബെന്നി എന്നിവര്‍ സ്ഥലത്ത് ക്യാമ്പ് ചെയ്യുന്നുണ്ട്.
ചേര്‍പ്പ് ചേര്‍പ്പില്‍ രണ്ടിടത്ത് തീ പിടിത്തം.
ചേര്‍പ്പ് പടിഞ്ഞാട്ടുമുറിയില്‍ പണ്ടാരചിറ പാടശേഖരത്തിലാണ് ഉണങ്ങിയ പുല്ലിന് തീ പിടിച്ചത്. ചേര്‍പ്പ് വല്ലച്ചിറയില്‍ മണവാളന്‍ ഓട്ടു കമ്പനിക്കു സമീപമുള്ള ഒഴിഞ്ഞ പറമ്പിലും തീപിടിത്തം ഉണ്ടായി. തൃശൂരില്‍ നിന്നുള്ള ഫയര്‍ഫോഴ്‌സ് എത്തി തീയണച്ചു. രണ്ടിടത്തും രണ്ടു മണിക്കൂറിലധികം ചിലവഴിച്ചാണ് ഫയര്‍ഫോഴ്‌സ് തീ നിയന്ത്രണ വിധേയമാക്കിയത്.
അന്തിക്കാട് കളിക്കളത്തില്‍ ഇനി തനിക്ക് വീഴ്ചയുണ്ടാകില്ലെന്ന് മുന്‍ ഇന്ത്യന്‍ ക്രിക്കറ്റ് താരം ശ്രീശാന്ത് പറഞ്ഞു.
പെരിങ്ങോട്ടുകര ശ്രീ സോമശേഖര ക്ഷേത്രത്തിലെ ഉത്സവത്തോടനുബന്ധിച്ച് നടന്ന സാംസ്‌ക്കാരികസമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു ശ്രീശാന്ത്. മോശമായ കാലഘട്ടത്തിലൂടെ കടന്നുപോകേണ്ടിവന്ന അനുഭവം ജീവിതത്തില്‍ പാഠമാകും. രാജ്യാന്തര ക്രിക്കറ്റിലേക്ക് അടുത്ത് തന്നെ പ്രവേശിക്കാനാകും. അവിടെ തുടരാനുള്ള മികച്ച ഫോം നിലനിര്‍ത്തുമെന്നും ശ്രീശാന്ത് പറഞ്ഞു. ക്ഷേത്ര ഉപദേശകസമിതി രക്ഷാധികാരി സജിത്ത് പാണ്ടാരിക്കല്‍ അദ്ധ്യക്ഷനായി. സോമശേഖരക്ഷേത്രത്തിന്റെ ഉപഹാരം ഗോകുലം ഗോപാലന്‍ ശ്രീശാന്തിന് സമ്മാനിച്ചു. കാക്കാത്തുരുത്തി കാളിമലര്‍ക്കാവ് ക്ഷേത്രപാലകന്‍ ശിവദാസ്, ഗോപകുമാര്‍ വല്ലത്ത്, വാര്‍ഡംഗം സുജിന്‍ വൈലോപ്പിള്ളി എന്നിവര്‍ സംസാരിച്ചു. ഉത്സവത്തോടനുബന്ധിച്ച് നടന്ന കലാ മത്സരങ്ങളില്‍ വിജയികളായവര്‍ക്ക് ശ്രീശാന്ത് സമ്മാനങ്ങള്‍ വിതരണം ചെയ്തു.
ഗുരുവായൂര്‍ ഗീത സത്സംഗസമിതിയുടെ ആഭിമുഖ്യത്തില്‍ തിങ്കളാഴ്ച ഗുരുവായൂര്‍ മേല്‍പ്പത്തൂര്‍ ഓഡിറ്റോറിയത്തില്‍ ഭഗവത് ഗീത സമ്പൂര്‍ണപാരായണവും സത്സംഗവും നടക്കുമെന്ന് സംഘാടകര്‍ അറിയിച്ചു.
രാവിലെ ഏഴിന് ബദരീനാഥ് റാവല്‍ജി ഈശ്വരന്‍ നമ്പൂതിരി, മുകാംബിക ക്ഷേത്രത്തിലെ ഡോ.നരസിംഹഅടിഗ, സാക്‌സഫോണ്‍ വിദഗ്ദ്ധന്‍ കദ്രി ഗോപാല്‍നാഥ് എന്നിവര്‍ ചേര്‍ന്ന് ഭദ്രീപം തെളിയിക്കും. ഉച്ചയ്ക്ക് 12.30 വരെ പാലക്കാട് കൃഷ്ണാത്മാനന്ദ സ്വാമിയുടെ നേതൃത്വത്തില്‍ സമ്പൂര്‍ണ്ണ ഭഗവത് ഗീത പാരായണം ഉണ്ടാകും. വിവിധ മേഖലകളില്‍ പ്രശസ്തരായ 20-ഓളം വ്യക്തിത്വങ്ങളെ ചടങ്ങില്‍ ആദരിക്കും. ഗുരുവായൂര്‍ കണ്ണന്‍ സ്വാമി, ബാലന്‍ വാറണാട്ട്, ആര്‍.നാരായണന്‍, വേണുഗോപാല്‍ പട്ടത്താക്കില്‍, മോഹന്‍ദാസ് ചേലനാട്ട് എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.
തൃപ്രയാര്‍ പട്ടയമായി ലഭിച്ച ഭൂമിയില്‍ സുരക്ഷിതവാസത്തിനായൊരു കുടില്‍ പോലുമില്ലാതെ വയോധികയായ വീട്ടമ്മ.വാടാനപ്പള്ളിയിലാണ് ദ്രവിച്ചു തകര്‍ന്ന ഓലകുടിലിനുള്ളില്‍ അറുപത്തഞ്ചുകാരിയുടെ ദുരിത ജീവിതം.
വാടാനപ്പള്ളി തൃശൂര്‍ റോഡില്‍ ആല്‍്മാവ് ജംഗ്ഷന് വടക്ക് ഇത്തിക്കാട്ട് ദേവകി കുഞ്ഞയ്യപ്പനാണ് തകര്‍്ന്ന് കുടിലില്‍ ദുരിതത്തില്‍ കഴിയുന്നത്. അവിവാഹിതയായ ഈവൃദ്ധ തന്റെ മാതാപിതാക്കളുടെ മരണത്തോടെ രണ്ട് പതിറ്റാണ്ടുകളായി ഇവിടെ ഒറ്റക്കാണ് താമസം. ആകെയുള്ളത് വര്‍ഷങ്ങള്‍ക്ക് മുന്‍പ് പട്ടയമായി ലഭിച്ച ആറുസെന്റ് ഭൂമി. വാടാനപ്പള്ളി തൃശൂര്‍ റോഡില്‍ നിന്ന് അരകിലോമീറ്റര്‍ വടക്ക് വിജനമായ പറമ്പുകള്‍ കടന്നുവേണം ദേവകിയുടെ വീട്ടിലെത്താന്‍. ഇരുപത് വര്‍്ഷമായി തീര്‍്ത്തും ദുരിതത്തിലാണ് വൃദ്ധയുടെ ജീവിതം. വര്‍ഷങ്ങള്‍ക്കിപ്പുറം ഓലക്കുടിലിന്റെ ഭൂരിഭാഗവും ദ്രവിച്ച് തകര്ന്ന നിലയിലായി.മണ്‍തറയില്‍ ഇരിക്കാനായി പഴയ രണ്ട് പ്ലാസ്റ്റിക് കസേരകളും, വെള്ളം നിറക്കാനായി ഏതാനും പ്ലാസ്റ്റിക് കുടങ്ങളും മാത്രമാണ് സ്വന്തമായുള്ള വീടുപകരണങ്ങള്‍. മേല്‍ക്കൂര പൊളിഞ്ഞതിനാല്‍ പ്രദേശവാസികളില്‍ ചിലര്‍ ചേര്‍ന്ന് വര്‍ഷ ങ്ങള്‍ക്കു മുന്‍പ് പ്ലാസ്റ്റിക് ഷീറ്റുകൊണ്ട് പൊതിഞ്ഞു നല്‍കുകയായിരുന്നു. കുടിലിന്റെ മുഴുവന്‍ ഭാഗങ്ങളും ദ്രവിച്ച് പൊളിഞ്ഞ നിലയിലാണ്. കിണര്‍ ഇല്ലാത്തതിനാല്‍ വെള്ളത്തിനായി ദൂരെയുള്ള പൊതുടാപ്പുകളെ ആശ്രയിച്ചാണ് ദേവകി കഴിഞ്ഞിരുന്നത്. മുന്‍പ് മണ്ണ് കൊണ്ട് നിര്‍മ്മിച്ച വീട് വര്‍്ഷങ്ങള്‍ക്ക് മുന്‍പ് മഴയില്‍ തകര്ന്നു വീണതോടെയാണ് കുടില്‍ കെട്ടിയത്. വീടിന് പുറകില്‍ ശുചിമുറിക്ക് മറപോലുമില്ല. വൃദ്ധയെ അറിയുന്നവരില്‍ ചിലരെല്ലാം ഇടയ്ക്കു ഇവര്‍ക്ക് ചെറിയ സഹായങ്ങളെല്ലാം നല്‍കുമായിരുന്നു. ഇത്തരത്തില്‍ കുടിലിലെ പെട്ടിയില്‍ സൂക്ഷിച്ചുവെച്ച ഇരുന്നൂറോളം രൂപയും, വീട്ടിലെ വെട്ടുകത്തിയുമെല്ലാം ചില നാടോടികള്‍ പകല്‍ സമയത്ത് വീട്ടില്‍ നിന്ന് അപഹരിച്ചുകളഞ്ഞു. കുടിലിന്റെ അവസ്ഥ പരിതാപകരമായതോടെ ദേവകി എങ്ങണ്ടിയൂരിലുള്ള സഹോദരിയുടെ വീട്ടിലേക്ക് താല്ക്കാലികമായി താമസം മാറിയിരിക്കുകയാണ്. പകല്‍ സമയം വാടാനപ്പളിയിലെ വീട്ടില്‍ കഴിയുന്ന ഇവര്‍ രാത്രിയിലാണ് സഹോദരിയുടെ വീട്ടിലെത്തുക. സിപിഐ വാടാനപ്പള്ളി ലോക്കല്‍ സെക്രട്ടറി അഷ്‌റഫ് വലിയകത്തും, വാടാനപ്പള്ളി പത്താം വാര്‍ഡ് അംഗം ഗീതാ ആനന്ദനുമാണ് ദേവകിയമ്മയുടെ ദുരിത ജീവിതം തിരിച്ചറിയുന്നത്. തുടര്‍്ന്ന് ഇരുവരുടെയും നേതൃത്വത്തില്‍ പരിചയമുള്ളവരെ കണ്ട് സഹായം അഭ്യര്‍ഥിയക്കുകയായിരുന്നു. അടിയന്തിരമായി ഇവര്‍ക്ക് താല്ക്കാലികമായൊരു കുടില്‍ നിര്‍്മ്മിച്ചുകൊടുക്കുകയാണ് സിപിഐയുടെ ലക്ഷ്യം. അരലക്ഷത്തോളമാണ് ഇതിന് മാത്രം ചിലവ് പ്രതീക്ഷിക്കുന്നത്. കുടില്‍ നിര്‍്മ്മാണം കഴിഞ്ഞാല്‍ അടുത്തദിവസം തന്നെ വീടിന്റെ് വൈദ്യുതീകരണവും നടത്തും. തുടര്‍ന്ന് പട്ടയത്തിന്റെയും മറ്റ് കൈവശാവകാശ രേഖകളും ശരിയാക്കി നിരാലംബയായ ദേവകിക്ക് ആശ്രയ പദ്ധതി പ്രകാരം പുതിയ വീട് വെച്ച് നല്കുകന്നതും പൊതുപ്രവര്ത്തംകരുടെ ലക്ഷ്യമാണ്.
ഗുരുവായൂര്‍ സുന്ദരനാരായണ ഗാനാഞ്ജലി ട്രസ്റ്റിന്റെ ആഭിമുഖ്യത്തില്‍ ഈ മാസം 23ന് ഗുരുവായൂര്‍ മേല്‍പ്പത്തൂര്‍ ഓഡിറ്റോറിയത്തില്‍ സുന്ദര നാരായണ കൃതികളുടെ സഗീത കച്ചേരിയും സംഗീതാരാധനയും ഭജനയും നടക്കുമെന്ന് സംഘാടകര്‍ ഗുരുവായൂരില്‍ അറിയിച്ചു.
രാവിലെ എട്ടുമുതല്‍ രാത്രി പത്ത് വരെ തുടര്‍ച്ചയായി പരിപാടികള്‍ ഉണ്ടാകും. ഉച്ചതിരിഞ്ഞ് 3.45 മുതല്‍ തിരുവാതിരകളിയും വൈകീട്ട് അഞ്ചുമതല്‍ തിരുവനന്തപുരം ലീല മുരളീധരന്റെ ഭജനയും നടക്കും. തുടര്‍ന്ന് ചേര്‍ത്തല ഡോ.കെ.എന്‍.രംഗനാഥശര്‍മ്മ പാടിയ തെരഞ്ഞെടുത്ത ഒമ്പത് സുന്ദര നാരായണ കൃതികളുടെ സി.ഡി പ്രകാശനവും നടക്കും. ദേവസ്വം ചെയര്‍മാന്‍ എന്‍.പീതാംബര കുറുപ്പ് അധ്യക്ഷത വഹിക്കും. പ്രൊഫ എം.ലീലാവതി സി.ഡി.പ്രകാശനം നിര്‍വ്വഹിക്കും. ട്രസ്റ്റ് ഭാരവാഹികളായ ഡോ.ശ്രീദേവി എന്‍.മേനോന്‍, മാലതി എസ് നായര്‍, വി.നന്ദകുമാര്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
പുന്നയൂര്‍ക്കുളം വടക്കേക്കാട് ഗ്രാമപഞ്ചായത്തിലെ 7 -ാം വാര്‍ഡിലെ ജനങ്ങള്‍ പ്രതിഷേധവുമായി രംഗത്ത്.
വീട്ടിപ്പറമ്പില്‍ കര്‍ണ്ണാക്കി പള്ളി റോഡിന്റെ പണി പൂര്‍ത്തീകരിക്കുക, സ്വകാര്യ ഭൂവുടമകളെ സഹായിക്കുന്നതിന് വേണ്ടി പഞ്ചായത്ത് ഫണ്ട് ഉപയോഗിക്കുന്നത് നിര്‍ത്തിവെയ്ക്കുക എന്നീ ആവശ്യങ്ങളുന്നയിച്ചാണ് നാട്ടുകാര്‍ പ്രതിഷേധവുമായ് രംഗത്ത് വന്നത്. സ്വകാര്യ വ്യക്തിക്ക് വേണ്ടി റോഡിനെ രണ്ട് ഭാഗമാക്കി രണ്ട് വ്യത്യസ്ത പദ്ധതിയില്‍ ഉള്‍പ്പെടുത്തി രണ്ട് കോണ്‍ട്രാക്ടര്‍മാരെ വെച്ചാണ് പണികള്‍ നടത്തുന്നതെന്നു നാട്ടുകാര്‍ ആരോപിച്ചു. വിഷയത്തില്‍ നാട്ടുകാര്‍ ഒപ്പിട്ട നിവേദനം പഞ്ചായത്ത് സെക്രട്ടറിക്ക് നല്‍കി.
പാവറട്ടി മുല്ലശേരി ബ്ലോക്ക് പഞ്ചായത്തില്‍ 5 വര്‍ഷത്തെ വികസന രേഖ തയ്യാറാക്കുന്നതിന്റെ ഭാഗമായി വര്‍ക്കിങ്ങ് ഗ്രൂപ്പ് യോഗം ചേര്‍ന്നു.
ബ്ലോക്ക് പഞ്ചായത്ത് പ്രസിഡന്റ് ലതി വേണുഗോപാല്‍ ഉദ്ഘാടനം ചെയ്തു. വൈസ് പ്രസിഡന്റ് എ.രവീന്ദ്രന്‍ അധ്യക്ഷത വഹിച്ചു. മേരി പ്രിന്‍സ്, ബി.ആര്‍.സന്തോഷ്, ജിഷ പ്രമോദ് തുടങ്ങിയവര്‍ സംസാരിച്ചു.
കുന്നംകുളം ബൈക്കില്‍ സഞ്ചരിക്കുകയായിരുന്ന ദമ്പതികളെ ആക്രമിച്ച് സ്വര്‍ണമാല കവര്‍ന്നു.
ചാലിശ്ശേരി പൗര്‍ണ്ണമി നിലയത്തില്‍ നീതുവിന്റെ രണ്ടര പവന്റെ മാലയാണ് കവര്‍ന്നത്. ഭര്‍ത്താവുമൊത്ത് ബൈക്കില്‍ തൃശൂരില്‍ നിന്നു വരുന്നതിനിടെ കഴിഞ്ഞ ദിവസം രാത്രി 11ന് ചൂണ്ടല്‍ എക്‌സൈസ് ഓഫീസിനു മുന്‍വശത്തായിരുന്നു സംഭവം. ബൈക്കില്‍ പിന്തുടര്‍ന്നെത്തിയ രണ്ടുപേര്‍ നീതുവിന്റെ മാല പൊട്ടിക്കാന്‍ ശ്രമിച്ചു. തടയാനുള്ള ശ്രമത്തിനിടെ ദമ്പതികള്‍ റോഡില്‍ വീണു. ഇതിനിടെ കയ്യില്‍ കിട്ടിയ മാലയുടെ പകുതി ഭാഗവുമായി മോഷ്ടാക്കള്‍ രക്ഷപെട്ടു. ദമ്പതികള്‍ പിന്നീട് കുന്നംകുളം പൊലീസ് സ്്‌റ്റേഷനിലെത്തി പരാതി നല്‍കി.
തൃശൂര്‍ നിയമന അംഗീകാരം ലഭിക്കാത്തതില്‍ പ്രതിഷേധിച്ച് വിദ്യാഭ്യാസ മന്ത്രിയുടെ പുതുക്കാടുള്ള ക്യാമ്പ് ഓഫീസിനു മുന്നില്‍ ഹയര്‍ സെക്കന്ററി അധ്യാപകര്‍ ഭിക്ഷാടന സമരം നടത്തുമെന്ന് ദേശീയ അധ്യാപക പരിഷത്ത് ഭാരവാഹികള്‍ തൃശൂരില്‍ വാര്‍ത്താസമ്മേളനത്തില്‍ അറിയിച്ചു.
ഈ മാസം 18ന് നടത്തുന്ന ഭിക്ഷാടന സമരം ബി.ജെ.പി സംസ്ഥാന ജനറല്‍ സെക്രട്ടറി എ.എന്‍.രാധാകൃഷ്ണന്‍ ഉദ്ഘാടനം ചെയ്യും. സംസ്ഥാനത്ത് 3,500 അധ്യാപകരാണ് നിയമനാംഗീകാരം ലഭിക്കാതെ ജോലി ചെയ്യുന്നത്. ഇവരുടെ ദുരിതം നിരന്തരം ശ്രദ്ധയില്‍പ്പെടുത്തിയിട്ടും സര്‍ക്കാര്‍ അനങ്ങാപാറ നയം സ്വീകരിക്കുന്നതില്‍ പ്രതിഷേധിച്ചാണ് ഭിക്ഷാടന സമരം നടത്തുന്നതെന്ന് ദേശീയ അധ്യാപക പരിഷത്ത് ഭാരവാഹികള്‍ പറഞ്ഞു. പി.എസ്.ഗോപകുമാര്‍, സി.വി.രാജീവന്‍, കെ.എസ്.ജയചന്ദ്രന്‍, സി.മനോജ്, എം.കെ.പ്രസാദ് എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
തൃശൂര്‍ വിവിധ ആവശ്യങ്ങളുന്നയിച്ച് മദ്യവിരുദ്ധ ജനകീയ മുന്നണിയുടെ ആഭിമുഖ്യത്തില്‍ കളക്‌ട്രേറ്റിന് മുന്നില്‍ ധര്‍ണ നടത്തി.
പുരുഷോത്തമാനന്ദ സരസ്വതി സ്വാമി ഉദ്ഘാടനം ചെയ്തു. മദ്യവിരുദ്ധ ജനകീയ മുന്നണി ജില്ലാ ചെയര്‍മാന്‍ സി.സി.സാജന്‍ അധ്യക്ഷത വഹിച്ചു. സംസ്ഥാന സെക്രട്ടറി ഇയ്യാച്ചേരി കുഞ്ഞികൃഷ്ണന്‍ മുഖ്യപ്രഭാഷണവും ഫാ.ഡോ.ദേവസി പന്തല്ലൂക്കാരന്‍ അനുഗ്രഹപ്രഭാഷണവും നടത്തി. കണ്‍വീനര്‍ പി.സി.ആന്റണി, ജോസ് ചെമ്പേരി, കെ.കെ.ചന്ദ്രശേഖരന്‍, അഡ്വ.ടി.ഗോപകുമാര്‍, മുഹമ്മദ് ഷാഫി, കെ.എ.ഗോവിന്ദന്‍ തുടങ്ങിയവര്‍ സംസാരിച്ചു.
തൃശൂര്‍ സംസ്ഥാന പിന്നോക്ക വിഭാഗ വികസന കോര്‍പ്പറേഷന്‍ നടപ്പാക്കുന്ന സംരംഭകത്വ ശില്പശാല ദിശ-2017ന്റെ ജില്ലാതല ഉദ്ഘാടനം തൃശൂരില്‍ നടന്നു.
മുണ്ടശേരി ഹാളില്‍ നടന്ന ചടങ്ങില്‍ മേയര്‍ അജിതാ ജയരാജന്‍ ഉദ്ഘാടനം നിര്‍വഹിച്ചു. കൗണ്‍സിലര്‍ കെ.മഹേഷ് അധ്യക്ഷത വഹിച്ചു. പിന്നോക്ക വിഭാഗം വികസന കോര്‍പ്പറേഷന്‍ ജില്ലാ മാനേജര്‍ വി.ലത, വി.എസ്.വിനോദ്, വി.ടി.മിനി, ബിജി വി.വടക്കുംപുറം തുടങ്ങിയവര്‍ സംസാരിച്ചു. പ്ലസ്ടു പരീക്ഷയില്‍ എല്ലാ വിഷയങ്ങളിലും എ പ്ലസ് നേടിയ ഒ.ബി.സി വിദ്യാര്‍ത്ഥികള്‍ക്കുള്ള സ്‌കോളര്‍ഷിപ്പ് വിതരണവും നടന്നു.
പുതുക്കാട് സ്‌കൂട്ടറില്‍ സഞ്ചരിക്കുകയായിരുന്ന യുവാവിനെ തടഞ്ഞ് നിര്‍ത്തി ആക്രമിച്ച് പരിക്കേല്‍്പ്പിച്ചു.
പൗണ്ട് കലവറക്കുന്ന് മുല്ല വീട്ടില്‍ ശങ്കരന്റെ മകന്‍ അഖിലിനെയാണ് ആക്രമിച്ചത്. വരാക്കരയില്‍ ഇന്ന് രാവിലെ ബൈക്കില്‍ എത്തിയ രണ്ടംഗ സംഘം സ്‌കൂട്ടര്‍ തടഞ്ഞ് നിര്‍ത്തി അഖിലിനെ ആക്രമിക്കുകയായിരുന്നു. തലയില്‍ കനമുള്ള മോതിരം കൊണ്ട് ഇടിച്ചാണ് പരിക്കേല്‍്പ്പിച്ചത്. രക്തം വാര്‍ന്ന് നിന്നിരുന്ന അഖിലിനെ സുഹൃത്തുക്കളും പോലീസും ചേര്‍ന്ന് പുതുക്കാട് താലൂക്ക് ആശുപത്രിയില്‍ പ്രവേശിപ്പിച്ചു. വരന്തരപ്പിള്ളിയില്‍ നിന്നു പിന്തുടര്‍ന്ന സംഘം ആളൊഴിഞ്ഞ ഭാഗത്ത് വച്ച് തന്നെ ആക്രമിക്കുകയായിരുന്നുവെന്നും ഇവരെ അറിയില്ലെന്നും അഖില്‍ പറഞ്ഞു. വരന്തരപ്പിള്ളി പോലീസ് കേസ്സെടുത്ത് അന്വേഷണം ആരംഭിച്ചു.
എരുമപ്പെട്ടി എരുമപ്പെട്ടി സര്‍ക്കാര്‍ ആശുപത്രിയില്‍ നിര്‍ത്തിവെച്ചിരുന്ന കിടത്തി ചികിത്സ പുനരാരംഭിച്ചു.
സ്റ്റാഫ് നഴ്‌സിന്റെ കുറവ് മൂലമാണ് കിടത്തി ചികിത്സയും ഉച്ചതിരിഞ്ഞുളള പരിശോധനയും നിര്‍ത്തിവെച്ചിരുന്നത്. ആശുപത്രി ജീവനക്കാരുടെ കുറവ്മൂലം 24 മണിക്കൂറും സേവനം ലഭിക്കേണ്ട ആശുപത്രി ഒ.പി.പരിശോധന കഴിഞ്ഞ് പൂട്ടിപ്പോകുന്ന സാഹചര്യമാണ് ഉണ്ടായിരുന്നത്. സ്ഥലം എം.എല്‍.എയും മന്ത്രിയുമായ എ.സി.മൊയ്തീന്‍, വടക്കാഞ്ചേരി ബ്ലോക്ക് പഞ്ചായത്ത് പ്രസിഡന്റ് എസ്.ബസന്ത്‌ലാല്‍ എന്നിവരുടെ ഇടപെടല്‍ മൂലമാണ് പാഞ്ഞാളില്‍ നിന്ന് താല്‍ക്കാലികമായി സ്റ്റാഫ് നഴ്‌സിനെ നിയമിച്ചത്. ഒഴിവുള്ള തസ്തികയിലേക്ക് പുതിയ ആളെ നിയമിക്കുന്നതിനായി പി.എസ്.സിക്ക് റിപ്പോര്‍ട്ട് നല്കിയിട്ടുണ്ട്. സാമൂഹികാരോഗ്യ കേന്ദ്രമാണെങ്കിലും സര്‍ക്കാര്‍ രേഖകളില്‍ ജീവനക്കാരുടെ തസ്തിക പ്രാഥമികാരോഗ്യ കേന്ദ്രത്തിന്റേതായതാണ് സ്റ്റാഫ് നഴ്‌സ് തസ്തികയിലേക്ക് നിയമനം നടക്കാന്‍ വൈകുന്നത്.
അന്തിക്കാട് പെരിങ്ങോട്ടുകര സോമശേഖര ക്ഷേത്രോത്സവം നാളെ ആഘോഷിക്കും.
ഏഴ് ദേശങ്ങളില്‍ നിന്നുള്ള ഉത്സവങ്ങള്‍ വൈകീട്ട് നാലോടെ ക്ഷേത്രാങ്കണത്തില്‍ എത്തും. തുടര്‍ന്ന് കൂട്ടി എഴുന്നുള്ളിപ്പ് നടക്കും. ചെറായി രമേശന്റെ നേതൃത്വത്തില്‍ നൂറ്റി അമ്പതില്‍പരം വാദ്യകലാകാരന്‍മാരെ അണിനിരത്തി മേളം അരങ്ങേറും. രാത്രി ഏഴ് മണിയോടെ ഫാന്‍സി വെടിക്കെട്ട് നടക്കും.ഉത്സവത്തിനിടെ അനിഷ്ട സംഭവങ്ങള്‍ ഉണ്ടാകാതിരിക്കാന്‍ കനത്ത സുരക്ഷ സംവിധാനങ്ങള്‍ ഏര്‍പ്പെടുത്തിയതായി ചേര്‍പ്പ് സി.ഐ.- മനോജ് കുമാര്‍ അറിയിച്ചു. വിവിധ രാഷ്ട്രീയ പാര്‍ട്ടി നേതാക്കളെ വിളിച്ച് ചേര്‍ത്ത് അമ്പലം ഹാളില്‍ സര്‍വ്വകക്ഷി യോഗവും നടത്തി.
മാഞ്ഞാംകുഴി മാഞ്ഞാംകുഴി റെഗുലേറ്ററിന്റെ ഷട്ടര്‍ അടച്ച് വെള്ളം സംഭരിക്കാനുള്ള നീക്കത്തെ ചൊല്ലി പ്രാദേശിക കര്‍ഷകരും കോള്‍ കര്‍്ഷകരും തമ്മില്‍ തര്‍ക്കം.
വിഷയത്തില്‍ പരിഹാരം നിര്‍്‌ദ്ദേശിക്കാന്‍ കളക്ടറും ഇറിഗേഷന്‍ ഉദ്യോഗസ്ഥരും മാഞ്ഞാംകുഴി റെഗുലേറ്റര്‍ പരിസരവും പാടശേഖരവും സന്ദര്‍ശിച്ചു. ആറര അടി വെള്ളം രണ്ടര ദിവസത്തേയ്ക്ക് സംഭരിക്കാനും ഞായര്‍ മുതല്‍ വെള്ളം തുറന്ന് വിടാനും കളക്ടര്‍ ഇറിഗേഷന്‍ അധികൃതര്‍ക്ക് ഉത്തരവ് നല്‍കി.
തൃശൂര്‍ വിദ്യാര്‍ത്ഥികളുടെ ആശയവിനിമയ ശേഷിയും വ്യക്തിത്വ വികസനവും വളര്‍ത്തുകയെന്ന ലക്ഷ്യവുമായി തൃശൂര്‍ ദേവമാത പബ്ലിക് സ്‌കൂളില്‍ പ്രസംഗ പരമ്പര - ' ദി വേര്‍ഡ് ജൂനിയര്‍ - 2017' സംഘടിപ്പച്ചു.
കിന്റര്‍ ഗാര്‍ട്ടന്‍ വിഭാഗത്തിലെ 545 കുട്ടികള്‍ പ്രസംഗ പരമ്പരയില്‍ പങ്കെടുത്തു. ഒരു മിനിറ്റു മുതല്‍ മൂന്നു മിനിറ്റു വരെ സമയമാണ് പ്രസംഗത്തിനായി ഓരോരുത്തരും ഉപയോഗിച്ചത്. ഇന്ത്യ ബുക്ക് ഓഫ് റെക്കോര്‍ഡ്‌സ് പ്രതിനിധി പ്രസംഗ പരമ്പരയ്ക്ക് സാക്ഷിയാകാനെത്തിയിരുന്നു. ദേവമാത പ്രൊവിന്‍ഷ്യാള്‍ ഫാ.വാള്‍ട്ടര്‍ തേലപ്പിള്ളി ഉദ്ഘാടനം ചെയ്തു. സ്‌കൂള്‍ പ്രിന്‍സിപ്പാള്‍ ഫാ.ഷാജു എടമന അധ്യക്ഷത വഹിച്ചു. ജിജി ജോണ്‍, ഷമീദ ഹമീദ്, ജിനു വിജോ എന്നിവര്‍ നേതൃത്വം നല്‍കി.
തൃശൂര്‍ ജിഷ്ണു പ്രണോയിയുടെ മരണവുമായി ബന്ധപ്പെട്ട് പ്രതിചേര്‍ക്കപ്പെട്ട കോളേജ് ചെയര്‍മാന്‍ കൃഷ്ണദാസിനെ അറസ്റ്റ് ചെയ്യണമെന്നാവശ്യപ്പെട്ട് ജനതാദള്‍ യു ജില്ലാ കമ്മിറ്റിയുടെ ആഭിമുഖ്യത്തില്‍ തൃശൂര്‍ നഗരത്തില്‍ പ്രകടനം നടത്തി.
കോര്‍പ്പറേഷനു മുന്നില്‍ പ്രകടനം സമാപിച്ചു. തുടര്‍ന്ന് കൃഷ്ണദാസിന്റെ കോലം കത്തിച്ചു. ജനതാദള്‍ ജില്ലാ പ്രസിഡന്റ് യുജിന്‍ മോറേലി, പാമ്പാടി നെഹ്‌റു കോളേജ് വിദ്യാര്‍ത്ഥിയും വിദ്യാര്‍ത്ഥി ജനത നേതാവുമായ അദൈ്വത്, പാര്‍ട്ടി നേതാക്കളായ അജി ഫ്രാന്‍സിസ്, അഡ്വ. പ്രിന്‍സ് ജോര്‍ജ്ജ്, റോബര്‍ട്ട് ഫ്രാന്‍സീസ്, ജെയ്‌സന്‍ മാണി, ജോര്‍ജ്ജ് കെ. തോമസ് തുടങ്ങിയവര്‍ പങ്കെടുത്തു.
മണ്ണുത്തി മണ്ണുത്തി ദേശീയപാതയില്‍ ബസുകളുടെ അമിത വേഗം നിയന്ത്രിക്കണമെന്നാവശ്യപെട്ട് യൂത്ത് കോണ്‍ഗ്രസ് പ്രവര്‍ത്തകര്‍ റോഡ് ഉപരോധിച്ചു.
യൂത്ത് കോണ്‍ഗ്രസ് തൃശൂര്‍ മണ്ഡലം കമ്മിറ്റിയുടെ നേതൃത്വത്തില്‍ കാളത്തോട് നടത്തിയ ഉപരോധ സമരം മണ്ഡലം പ്രസിഡന്റ് ഷിജു വെളിയത്ത് ഉദ്ഘാടനം ചെയ്തു. ജലീണ്‍ ജോണ്‍, അധ്യക്ഷത വഹിച്ചു. കെ.എല്‍.ജെയ്‌സണ്‍, സി.എം.രതീഷ് തുടങ്ങിയവര്‍ നേതൃത്വം നല്‍കി.
പാവറട്ടി പെരുവല്ലൂര്‍ മദര്‍ കോളേജിലെ വിദ്യാര്‍ത്ഥി സമരം ഒത്തുതീര്‍പ്പാക്കുന്നതുമായി ബന്ധപ്പെട്ട വിളിച്ചു ചേര്‍ത്ത യോഗം അലസി പിരിഞ്ഞു.
സമരക്കാര്‍ കോളേജ് ഉപരോധിക്കാന്‍ നടത്തിയ ശ്രമം സംഘര്‍ഷത്തില്‍ കലാശിച്ചു. സമരകാര്‍ക്ക് നേരെ പോലീസ് ലാത്തി വീശി. കോളേജ് പ്രിന്‍സിപ്പാളിനെതിരെ നടക്കുന്ന സമരം ഒത്തു തീര്‍പ്പാക്കുന്നതുമായി ബന്ധപ്പെട്ടാണ് മാനേജ്‌മെന്റ് അധികൃതര്‍ വിദ്യാര്‍ത്ഥി സംഘടന പ്രതിനിധികളെ ചര്‍ച്ചയ്ക്ക് വിളിച്ചത്. വിദ്യാര്‍ത്ഥികളെ പ്രതികാര ബുദ്ധിയോടെ നേരിടുന്ന പ്രിന്‍സിപ്പാളിനെ മാറ്റാതെ ഒത്തുതീര്‍പ്പിനില്ലെന്ന് കെ.എസ്.യു നേതാക്കള്‍ വ്യക്തമാക്കിയതോടെ ചര്‍ച്ച അലസി പിരിയുകയായിരുന്നു. യോഗം ബഹിഷ്‌കരിച്ച് പുറത്തിങ്ങിയ കെ.എസ്.യു പ്രവര്‍ത്തകര്‍ കോളേജ് കവാടം ഉപരോധിച്ചു. ഇതിനിടെ മറ്റു സംഘടനാപ്രവര്‍ത്തകരും ഉപരോധ സമരത്തില്‍ പങ്കെടുത്തു. ഉപരോധക്കാരെ നീക്കുന്നതിനിടെ പോലീസും , വിദ്യാര്‍ത്ഥികളും തമ്മില്‍ സംഘര്‍ഷമുണ്ടാവുകയും പോലീസ് ലാത്തി വീശുകയുമായിരുന്നു. ഇതിനിടെ ഹോസ്റ്റലില്‍ വെച്ച് പ്രിന്‍സിപ്പാള്‍ മോശം പരാമാര്‍ശം നടത്തിയെന്ന് ആരോപിച്ച് 5 വിദ്യാര്‍ത്ഥിനികള്‍ പ്രിന്‍സിപ്പാളിനെതിരെ ഗുരുവായൂര്‍ സി.ഐയ്ക്ക് പരാതി നല്‍കി. കെ.എസ്.യുവിനെ പ്രതിനിധികരിച്ച് അനീഷ് ആന്റണി, സി.,ശില്‍പ, മുഹമ്മദ് സറൂക്ക്, എസ്.എഫ്.ഐ യെ പ്രതിനിധികരിച്ച് ഷിയാദ്, ഹസന്‍ മുബാറക്, എം.എസ്.എഫിനെ പ്രതിനിധീകരിച്ച് അനസ് എന്നിവര്‍ ചര്‍ച്ചയില്‍ പങ്കെടുത്തു.
തൃശൂര്‍ തൃശൂര്‍ സെന്റ് തോമസ് കോളേജ് ലഹരി വിരുദ്ധ സേനയുടെയും, ജനമൈത്രി പോലിസിന്റെയും നേതൃത്വത്തില്‍ ലഹരിവിരുദ്ധ സന്ദേശ യാത്ര നടത്തി.
തൃശൂര്‍ ഈസ്റ്റ് എസ്.ഐ.- മുരളി ഉദ്ഘാടനം ചെയ്തു. കെ.കെ സുരേന്ദ്രന്‍ അധ്യക്ഷത വഹിച്ചു.
തൃശൂര്‍ എറണാകുളം രാജഗിരി കോളേജ് ഓഫ് മാനേജ്‌മെന്റ് ആന്റ് അപ്ലൈഡ് സയന്‍സിലെ അവസാന വര്‍ഷ ബി.കോം വിദ്യാര്‍ത്ഥിയെ വ്യാജ കേസില്‍പെടുത്തി പരീക്ഷ എഴുതാന്‍ അനുവാദം നിഷേധിച്ച സംഭവത്തില്‍ പോലീസ് ഉദ്യോഗസ്ഥര്‍ക്കെതിരെ നടപടിക്ക് സംസ്ഥാന മനുഷ്യാവകാശകമ്മീഷന്‍ ഉത്തരവ്.
എറണാകുളം ഇന്‍ഫോപാര്‍ക്ക് പോലീസ് സ്റ്റേഷനിലുള്ള കേസ് വിശദമായി പുനരന്വേഷിക്കണമെന്ന് കമ്മീഷന്‍ അംഗം കെ.മോഹന്‍കുമാര്‍ ക്രൈംബ്രാഞ്ചിന് നിര്‍ദ്ദേശം നല്‍കി. കാക്കനാട് ഇന്‍ഫോപാര്‍ക്ക് പോലീസ് സ്റ്റേഷനിലെ പോലീസുകാര്‍ തന്നെ താമസ സ്ഥലത്ത്‌വന്ന് മര്‍ദ്ദിച്ച് കസ്റ്റഡിയിലെടുത്തെന്ന് തൃശൂര്‍ സ്വദേശിയായ വിദ്യാര്‍ത്ഥി സമര്‍പ്പിച്ച പരാതിയിലാണ് കമ്മീഷന്റെ ഇടപെടല്‍.
തൃശൂര്‍ പേരാമംഗലത്ത് കാര്‍ യാത്രക്കാരായ ദമ്പതികളെ മര്‍ദ്ദിച്ച കേസില്‍ യുവാവിനെ പോലീസ് അറസ്റ്റ് ചെയ്തു.
പേരാമംഗലം സ്വദേശി പ്ലാക്കല മനോജിനെയാണ് അറസ്റ്റ് ചെയതത് . വാഹനത്തിന് സൈഡ് കൊടുക്കുന്നത് സംബന്ധിച്ച തര്‍ക്കമാണ് മര്‍ദ്ദനത്തില്‍ കലാശിച്ചത്.
തൃശൂര്‍ മുന്‍ എം.പി -പി.ആര്‍ രാജന്റെ സ്മരണയ്ക്കായി ഏര്‍പ്പെടുത്തിയ 3-ാമത് പി.ആര്‍.രാജന്‍എന്‍ഡോവ്‌മെന്റിന് മാധ്യമ പ്രവര്‍ത്തകന്‍ എം.വി. നികേഷ് കുമാര്‍ അര്‍ഹനായി.
25,000 രൂപയും പ്രശസ്തി പത്രവും അടങ്ങുന്ന പുരസ്‌കാരം ഈ മാസം 19 ന് തൃശൂരില്‍ നടക്കുന്ന ചടങ്ങില്‍ സമ്മാനിക്കും.
എരുമപ്പെട്ടി എരുമപ്പെട്ടി പുഴയിലെ കോട്ടപ്പുറം തടയണയില്‍ നിന്നു അമിതമായി ജലം ഊറ്റിയിരുന്നത് നാട്ടുകാര്‍ തടഞ്ഞു.
തടയണയുടെ സമീപമുള്ള സ്വകാര്യ വ്യക്തികള്‍ അവരുടെ പറമ്പുകളിലേക്ക് രാപ്പകല്‍ വ്യത്യാസമില്ലാതെ മോട്ടോര്‍ ഉപയോഗിച്ച് അനിയന്ത്രിതമായി പമ്പ് ചെയ്ത ജലം പാഴാക്കി കളയുകയാണ്. കാര്‍ഷികവൃത്തിക്ക് വൈദ്യുതി സൗജന്യമായതിനാല്‍ കൃഷിയുടെ പേര് പറഞ്ഞാണ് ജല ദുരുപയോഗവും ചൂഷണവും നടത്തുന്നത്. എരുമപ്പെട്ടി പഞ്ചായത്തിലെ മങ്ങാട് കോട്ടപ്പുറം പ്രദേശങ്ങളിലേക്ക് കുടിവെള്ള വിതരണത്തിനായിട്ടാണ് കോട്ടപ്പുറത്ത് പുഴയില്‍ തടയണ നിര്‍മ്മിച്ചിട്ടുള്ളത്. പഞ്ചായത്തിലെ 6, 16 വാര്‍ഡുകളിലെ ഭൂരിഭാഗം വീടുകളിലേക്കും കുടിവെള്ളമെത്തിക്കുന്ന ഐക്യം ശുദ്ധജല വിതരണ പദ്ധതി കോട്ടപ്പുറം തടയണയിലെ വെള്ളത്തെ ആശ്രയിച്ചാണ് പ്രവര്‍ത്തിക്കുന്നത്. കോട്ടപ്പുറം പാലം നിര്‍മ്മാണത്തിനായി വര്‍ഷങ്ങള്‍ക്ക് മുമ്പ് കോണ്‍ക്രീറ്റ് തടയണയുടെ ഒരു വശം തകര്‍ത്തിരുന്നു. അധികൃതര്‍ ഇത് പുനര്‍ നിര്‍മ്മിക്കാത്തതിനാല്‍ തടയണയുടെ തകര്‍ന്ന വശം നാട്ടുകാര്‍ പണം പിരിച്ചെടുത്ത് മണല്‍ ചാക്ക് ഉപയോഗിച്ച് താല്‍ക്കാലികമായി അടച്ചാണ് ജലം സംരക്ഷിക്കുന്നത്. എന്നാല്‍ സ്വകാര്യ വ്യക്തികളുടെ വന്‍തോതിലുള്ള ജലമൂറ്റല്‍ മൂലം തടയണയിലെ ജലം വലിയ തോതില്‍ കുറഞ്ഞ് കൊണ്ടിരിക്കുകയാണ്. രൂക്ഷമായ വരള്‍ച്ച അനുഭവപ്പെടുന്ന വരുന്ന നാല് മാസത്തേക്ക് സംഭരിച്ചിരിക്കുന്ന വെള്ളമാണ് സ്വകാര്യ വ്യക്തികള്‍ കൃഷിയുടെ പേരില്‍ നിയന്ത്രണമില്ലാതെ പാഴാക്കി കളയുന്നത്. ഇതിനെ തുടര്‍ന്നാണ് ഗ്രാമപഞ്ചായത്ത് അംഗം സി.എ.ജോസഫിന്റെ നേതൃത്വത്തില്‍ നാട്ടുകാരും കുടിവെള്ള പദ്ധതി ഗുണഭോക്താക്കളും ചേര്‍ന്ന് ജലമൂറ്റല്‍ തടഞ്ഞത്. വടക്കാഞ്ചേരി കേച്ചേരി പുഴയിലെ വിവിധ ഭാഗങ്ങളില്‍ നടക്കുന്ന ജലമൂറ്റലും ജല ദുരുപയോഗവും രൂക്ഷമായ വരള്‍ച്ചയ്ക്ക് ഇടയാക്കുന്നതായി ടി.സി.വി നേരത്തെ റിപ്പോര്‍ട്ട് ചെയ്തിരുന്നു.
തൃപ്രയാര്‍ ദേശീയപാത പതിനേഴിന്റെ വികസനവുമായി ബന്ധപ്പെട്ട് വിളിച്ചു ചേര്‍ത്ത യോഗത്തില്‍ ഗീതാഗോപി എം.എല്‍.എയും ഉദ്യോഗസ്ഥരും പങ്കെടുക്കാത്തത്തിനെതിരെ പ്രതിഷേധം.
നാട്ടിക ഗ്രാമപഞ്ചായത്ത് പ്രസിഡണ്ട് പി.വിനു, തളിക്കുളം ബ്ലോക്ക്പഞ്ചായത്ത് അംഗം കെ.ജെ യദുകൃഷ്ണ, ടി.വി ഷൈന്‍, നാട്ടിക പഞ്ചായത്ത് അംഗങ്ങളായ പി.എം സിദ്ദിഖ് തുടങ്ങിയവരാണ് യോഗം വിളിച്ചുചേര്‍ത്ത എം.എല്‍.എ പങ്കെടുക്കാത്തതില്‍ പ്രതിഷേധിച്ചത്. വലപ്പാട് പഞ്ചായത്ത് ഹാളിലാണ് യോഗം എം.എല്‍.എ വിളിച്ചുചേര്‍്ത്തിരുന്നത്. കഴിഞ്ഞ നാലാം തിയതി നടന്ന യോഗത്തില്‍ ബുധനാഴ്ച യോഗം നടക്കുമെന്ന് എംഎല്‍.എ ് അറിയിച്ചിരുന്നു. ജനപ്രതിനിധികളും, ഭൂവുടമകളും എത്തിയിരുന്നെങ്കിലും എംഎല്‍.എ വിദേശ പര്യടനത്തിലാണെന്ന വിവരം യോഗത്തിനെത്തിയപ്പോഴാണ് ഇവര്‍ അറിയുന്നത്. ദേശീയപാത അധികൃതര്‍ ആരും തന്നെ യോഗത്തിനെത്തിയില്ല. ദേശീയപാതയുടെ രൂപരേഖ അംഗീകരിക്കുന്നതിനൊപ്പം സര്‍വേ പ്രകാരം ഭൂമിയും മറ്റും നഷ്ടപ്പെടുന്ന സ്ഥലങ്ങള്‍ നേരിട്ട് സന്ദര്‍ശിച്ച് റിപ്പോര്‍ട്ട് ജില്ലാകളക്ടര്‍ക്ക് സമര്‍പ്പിക്കുമെന്നും നേരത്തെ എം.എല്‍.എ വ്യക്തമാക്കിയിരുന്നു. യോഗം നടക്കില്ലെന്ന് ഉറപ്പായതോടെ പി.വിനു ഉള്‍പ്പെടെയുള്ള ജനപ്രതിനിധികളും ഭൂവുടമകളും തിരിച്ചുപോവുകയായിരുന്നു.
കൊടുങ്ങല്ലൂര്‍ എല്‍.ഡി.എഫ് കൈപ്പമംഗലം നിയോജക മണ്ഡലം കമ്മറ്റി സംഘടിപ്പിക്കുന്ന രാഷ്ട്രീയ പ്രചാരണ ജാഥ ആരംഭിച്ചു.
ഇ.ടി.ടൈസണ്‍ എം.എല്‍.എ നയിക്കുന്ന ജാഥ അഴീക്കോട് പുത്തന്‍പള്ളി ജംഗ്ഷനില്‍ സി.പി.എം. ജില്ലാ സെക്രട്ടറിയേറ്റംഗം പി.കെ.ഡേവിസ് ഉദ്ഘാടനം ചെയ്തു. വി.എ.കൊച്ചു മൊയ്തീന്‍ അദ്ധ്യക്ഷത വഹിച്ചു. പി.കെ.ചന്ദ്രശേഖരന്‍, പി.വി.മോഹനന്‍, കെ.വി.രാജേഷ്, കെ.എസ്.സതീഷ് കുമാര്‍ എന്നിവര്‍ സംസാരിച്ചു
ഗുരുവായൂര്‍ ഗുരുവായൂര്‍ ആനത്താവളം പാര്‍ക്കിങ്ങ് ഗ്രൗണ്ടില്‍ മൂന്നു തവണ തീപിടുത്തമുണ്ടായത് പരിഭ്രാന്തിക്കിടയാക്കി.
ആനത്താവളത്തിന്റെ പ്രധാന കവാടത്തിന് വടക്ക് പടിഞ്ഞാറ് ഭാഗത്ത് കൂട്ടിയിട്ട മാലിന്യത്തിനാണ് ബുധനാഴ്ച രാവിലെ 9 മണിയോടെ തീപിടിച്ചത്. പുല്ലിലേക്ക് തീ പടര്‍ന്നതോടെ ഒരേക്കറോളം സ്ഥലത്തേക്ക് വ്യാപിച്ചു. ഫയര്‍ ഫോഴ്‌സെത്തി തീയണച്ചെങ്കിലും ഉച്ചക്ക് രണ്ടോടെ വീണ്ടും തീ ഉയര്‍ന്നു. തീ ഉയരുന്നതിന് സമീപത്ത് സന്ദര്‍ശകരുടെ നിരവധി വാഹനങ്ങളുണ്ടായിരുന്നു. ശക്തിയായ കാറ്റില്‍ പ്രദേശത്തെ വീടുകളിലേക്ക് തീ വ്യാപിക്കുമോയെന്ന ആശങ്കക്കിടയില്‍ നാട്ടുകാര്‍ വീണ്ടും ഫയര്‍ഫോഴ്‌സിനെ വിവരം അറിയിച്ചു. ഫയര്‍ഫോഴ്‌സെത്തി തീയണച്ചു പോയതിന് ശേഷം ഉച്ചയ്ക്ക് മൂന്നോടെ വീണ്ടും തീ ഉയര്‍ന്നു. നാട്ടുകാര്‍ വീണ്ടും ഫയര്‍ഫോഴ്‌സിനെ വിവരം അറിയിച്ചെങ്കിലും എത്താനാകില്ലെന്ന മറുപടിയാണ് ലഭിച്ചത്. പത്തോളം സ്ഥലങ്ങളില്‍ തീപിടുത്തമുണ്ടായതിനാല്‍ എല്ലായിടത്തും ഓടിയെത്താന്‍ കഴിയില്ലെന്നും ഫയര്‍ഫോഴ്‌സ് അറിയിച്ചതോടെ ദേവസ്വത്തിലെ ഹെല്‍ത്ത് വിഭാഗം ജീവനക്കാരെത്തി തീയണച്ചു. അടിക്കടിയുണ്ടായ തീപിടുത്തം പ്രദേശത്തെ 25 വീട്ടുകാരെയാണ് ഭീതിയിലാഴ്ത്തിയത്. പാര്‍ക്കിംഗ് ഗ്രൗണ്ടില്‍ മാലിന്യം കുമിഞ്ഞു കൂടുന്നതും പൊന്തക്കാടുകള്‍ വെട്ടി വൃത്തിയാക്കാത്തതുമാണ് തീപിടിത്തത്തിന് കാരണമാകുന്നതെന്ന് നാട്ടുകാര്‍ പറഞ്ഞു.
ചാവക്കാട് ചാവക്കാട് ദേശീയപാത- 17 മണത്തല മുതല്‍ എടക്കഴിയൂര്‍ വരെയുള്ള റോഡ് പൊളിഞ്ഞ് അപകടങ്ങള്‍ പതിവാകുന്നു.
റോഡിലെ ടാര്‍ പൊളിഞ്ഞ് പലയിടങ്ങളിലും വലിയ കുഴികളും മറ്റും രൂപപ്പെട്ടിട്ടുണ്ട്. ഇതിലൂടെ പോകുന്ന ഇരുചക്രവാഹനങ്ങള്‍ മറിയുന്നത് പതിവാണ്. മണത്തല ബ്ലോക്ക് ഓഫീസ്, എടക്കഴിയൂര്‍ കാജ, തെക്കെമദ്രസ എന്നിവിടങ്ങളിലാണ് വലിയ കുഴികള്‍ ഏറെയും രൂപപ്പെട്ടിട്ടുള്ളത്. രാത്രിയില്‍ പോകുന്ന വാഹനങ്ങള്‍ റോഡിലെ കുഴിയില്‍ വീണ് അപകടം പതിവായി. കഴിഞ്ഞ ദിവസങ്ങളായി ഒട്ടേറെ അപകടങ്ങളാണ് നടന്നത്.
ഗുരുവായൂര്‍ ഗുരുവായൂര്‍ നഗരസഭയില്‍ പ്രധാനമന്ത്രി ആവാസ് യോജന പദ്ധതിയുടെ ഭാഗമായ പലിശ സബ്‌സിഡിയോടുകൂടിയ ഭവന വായ്പക്ക് എഴുന്നൂറോളം അപേക്ഷകര്‍.
പദ്ധതിയുടെ ആദ്യഘട്ടമായ ബാങ്ക് - ഗുണഭോക്തൃ സംഗമത്തിലാണ് അപേക്ഷകരുടെ തള്ളികയറ്റം അനുഭവപ്പെട്ടത്. ടൗണ്‍ഹാളില്‍ നടന്ന സംഗമം നഗരസഭ ചെയര്‍പേഴ്‌സന്‍ പ്രൊഫ.പി.കെ.ശാന്തകുമാരി ഉദ്ഘാടനം ചെയ്തു. വൈസ് ചെയര്‍മാന്‍ കെ.പി.വിനോദ് അധ്യക്ഷത വഹിച്ചു. ക്ഷേമകാര്യ സ്റ്റാന്‍ഡിംഗ് കമ്മിറ്റിചെയര്‍മാന്‍ സുരേഷ് വാര്യര്‍, പാര്‍ലമെന്റ് പാര്‍ട്ടി ലീഡര്‍ ആന്റോ തോമസ് തുടങ്ങിയവര്‍ സംസാരിച്ചു. ഏഴ് ദേശസാത്കൃത ബാങ്ക് പ്രതിനിധികള്‍ വായ്പാ പദ്ധതിയെകുറിച്ച് വിവരിച്ചു.
കൊടകര കൊടകര ലയണ്‍സ് ക്ലബ്ബിന്റെ ആഭിമുഖ്യത്തില്‍ കൊടകര പഞ്ചായത്തിലെ 10 സ്‌കൂളുകളിലേക്ക് ചെസ് ബോര്‍ഡുകളും അനുബന്ധ സാമഗ്രികളും വിതരണം ചെയ്തു.
കൊടകര ഗവണ്‍മെന്റ് ഗേള്‍സ് ഹൈസ്‌കൂളില്‍ നടന്ന ചടങ്ങ് ഗ്രാമപഞ്ചായത്ത് പ്രസിഡണ്ട് പി.ആര്‍.പ്രസാദന്‍ ഉദ്ഘാടനം ചെയ്തു. ലയണ്‍സ് ക്ലബ് പ്രസിഡണ്ട് ഫ്രാന്‍സിസ് ഏറ്റുമാനൂക്കാരന്‍ അധ്യക്ഷനായിരുന്നു. ലയണ്‍സ് ഡിസ്ട്രിക്റ്റ് ചെയര്‍മാന്‍ സുധീര്‍കുമാര്‍, റീജിയന്‍ ചെയര്‍മാന്‍ പോള്‍ ഡേവീസ്, സ്‌കൂള്‍ പ്രധാനാധ്യാപകന്‍ സിറാജുദ്ദീന്‍ തുടങ്ങിയവര്‍ സംസാരിച്ചു.
ഗുരുവായൂര്‍ ജീവനക്കാരുടെ പെന്‍ഷന്‍ വിതരണം പൂര്‍ണ്ണമായി സര്‍ക്കാര്‍ ഏറ്റെടുക്കണമെന്ന് കെ.എസ്.ആര്‍.ടി.സി പെന്‍ഷനേഴ്‌സ് ഓര്‍ഗനൈസേഷന്‍ ഗുരുവായൂര്‍ യൂണിറ്റ് വാര്‍ഷിക സമ്മേളനം ആവശ്യപ്പെട്ടു.
മുതുവട്ടൂര്‍ ശിക്ഷക് സദനില്‍ നടന്ന സമ്മേളനം ഓര്‍ഗനൈസേഷന്‍ സംസ്ഥാന സെക്രട്ടറി വി.വി.അച്ചുതന്‍ ഉദ്ഘാടനം ചെയ്തു. യൂണിറ്റ് പ്രസിഡന്റ് കെ.കെ.രവീന്ദ്രന്‍ അധ്യക്ഷത വഹിച്ചു. സെക്രട്ടറി കെ.രാധാകൃഷ്ണന്‍, പി.ബാലന്‍, സി.ഐ.ബാബു തുടങ്ങിയവര്‍ സംസാരിച്ചു.
തൃശൂര്‍ കൊടകര പഞ്ചായത്തിലെ മനക്കുളങ്ങരയില്‍ അടഞ്ഞുകിടക്കുന്ന ബീവറേജസ് ഔട്ട്‌ലെറ്റ് തുറന്നു പ്രവര്‍ത്തിപ്പിക്കാനുള്ള നീക്കത്തിനെതിരെ ജനകീയ സമരസമിതി നടത്തുന്ന സത്യഗ്രഹ സമരം രണ്ടു ദിവസം പിന്നിട്ടു.
പ്രദേശത്തെ വീട്ടമ്മമാരടക്കമുള്ളവരാണ് രാവിലെ മുതല്‍ വൈകുന്നേരം വരെ സമരപന്തലില്‍ സത്യഗ്രഹം അനുഷ്ഠിക്കുന്നത്. മദ്യവില്‍പ്പന കേന്ദ്രം തുറക്കില്ലെന്ന് അധികൃതരില്‍ നിന്ന് ഉറപ്പുകിട്ടുന്നതുവരെ സമരം തുടരാനാണ് ഇവരുടെ തീരുമാനം. നിരവധി സംഘടനകളുടെ പ്രതിനിധികള്‍ ബുധനാഴ്ച സമരപന്തല്‍ സന്ദര്‍ശിച്ച് സത്യാഗ്രഹം നടത്തുന്നവര്‍ക്ക് പിന്തുണ വാഗ്ദാനം ചെയ്തു.
കൊടകര ദേശീയ കുഷ്ഠരോഗ നിര്‍മ്മാര്‍ജ്ജന പക്ഷാചരണത്തിന്റെ ജില്ലാ തല സമാപനം കൊടകരയില്‍ നടന്നു.
ജില്ലാ ലെപ്രസി സെല്ലിന്റെയും കൊടകര പ്രാഥമികാരോഗ്യ കേന്ദ്രത്തിന്റെയും സംയുക്താഭിമുഖ്യത്തിലാണ് പരിപാടി നടന്നത്. സമാപന സമ്മേളനം കൊടകര ബ്ലോക്ക് പഞ്ചായത്ത് പ്രസിഡണ്ട് അമ്പിളി സോമന്‍ ഉദ്ഘാടനം ചെയ്തു. കൊടകര ഗ്രാമപഞ്ചായത്ത് പ്രസിഡണ്ട് പി.ആര്‍. പ്രസാദന്‍ അധ്യക്ഷനായിരുന്നു. കൊടകര പ്രാഥമികാരോഗ്യകേന്ദ്രം മെഡിക്കല്‍ ഓഫീസര്‍ ഡോ.സി.വി. സംഗീത, മറ്റത്തൂര്‍ സാമൂഹ്യാരോഗ്യ കേന്ദ്രം സൂപ്രണ്ട് ഡോ.എ.സി. സരള, വി.ആര്‍. സോമസുന്ദരന്‍, എന്നിവര്‍ സംസാരിച്ചു പരിപാടിയുടെ ഭാഗമായി ത്വക്ക് രോഗ വിദഗ്ദ്ധര്‍ പങ്കെടുത്ത മെഡിക്കല്‍ ക്യാമ്പും സമാപന റാലിയും നടന്നു.
കയ്പമംഗലം എടത്തിരുത്തിയില്‍ പഞ്ചായത്തില്‍ ബണ്ട് കെട്ടാന്‍ വൈകിയതിനെ തുടര്‍ന്ന് ഉപ്പുവെള്ളം കയറി നെല്‍കൃഷി നശിച്ചതായി പരാതി.
എടത്തിരുത്തി പൈനൂരിലെ കടവത്ത് കുമാരന്റെ പല്ലയിലുള്ള നെല്‍കൃഷിയാണ് നശിച്ചത്. ചിറക്കല്‍ ചെറുപുഴയോട് ചേര്‍ന്ന് പല്ല പാടശേഖരത്തില്‍ രണ്ടേക്കറിലധികം ഭാഗത്താണ് കൃഷി ചെയ്തിരുന്നത്. കനോലി കനാലുമായി ബന്ധപ്പെട്ട ചിറക്കല്‍ ചെറുപുഴയില്‍ ഡിസംബര്‍ ആദ്യത്തില്‍ തന്നെ ബണ്ട് കെട്ടാറുണ്ട്. എന്നാല്‍, ഇക്കുറി ഒന്നര മാസം വൈകിയാണ് ബണ്ട് നിര്‍മ്മാണം ആരംഭിച്ചത്. അപ്പോഴേക്കും ഈ ഭാഗത്തുള്ള നെല്‍പ്പാടങ്ങളും ശുദ്ധജല സ്രോതസുകളും ഉപ്പ് വെള്ളം കയറി ഉപയോഗ ശൂന്യമായിരുന്നു. 400 പറ നെല്ല് കിട്ടുന്ന പാടത്തില്‍ നിന്ന് ഇക്കുറി പരമാവധി 80 പറ നെല്ല് മാത്രമേ കിട്ടൂ എന്ന് കുമാരന്‍ പറഞ്ഞു.
മാള പുത്തന്‍ചിറ ഗ്രാമപഞ്ചായത്ത് പിണ്ടാണി വാര്‍ഡിലെ ഉപ തെരഞ്ഞെടുപ്പില്‍ യു.ഡി.എഫും എല്‍.ഡി.എഫും കടുത്ത പോരാട്ടത്തില്‍.
ഇരു മുന്നണികള്‍ക്കും ഈ തെരഞ്ഞെടുപ്പ് നിര്‍ണ്ണായകമാണ് .പിണ്ടാണി വാര്‍ഡില്‍ നിന്ന് വിജയിച്ച സി.പി.ഐ.ലെ മോഹനന്‍ മരിച്ചതിനെ തുടര്‍ന്നാണ് ഉപതെരഞ്ഞെടുപ്പ് നടക്കുന്നത്. മോഹനന്റെ മകന്‍ മഹേഷ് മോഹനനാണ് എല്‍.ഡി.എഫ്. സ്ഥാനാര്‍ത്ഥി. അതേസമയം കഴിഞ്ഞ തെരഞ്ഞെടുപ്പില്‍ 12 വോട്ടിന്റെ വ്യത്യാസത്തില്‍ പരാജയപ്പെട്ട ജനതാദള്‍ യുവിന്റെ പി.സി.ബാബു തന്നെയാണ് ഇത്തവണയും യു.ഡി.എഫ്. സ്ഥാനാര്‍ത്ഥി. ഇരുമുന്നണികള്‍ക്കും വെല്ലുവിളിയായി ബി.ജെ.പി. സ്ഥാനാര്‍ത്ഥി പ്രജീഷും മത്സരരംഗത്തുണ്ട്. വിജയിച്ചാല്‍ ഏഴ് അംഗങ്ങളുമായി തുല്യത പാലിച്ച് വിമതനായ എം.പി. സോണിയെ ഒപ്പം നിര്‍ത്തി ഭരണം പിടിക്കാനായി യു.ഡി.എഫില്‍ നീക്കം നടന്നേക്കും.
കുന്നംകുളം കുന്നംകുളത്ത് ജല അതോററ്റി ഗോഡൗണില്‍ തീപിടുത്തം.
തൃശ്ശൂര്‍ റോഡില്‍ നേരത്തെ പാവറട്ടി കുടിവെള്ള പദ്ധതിയുടെ ഭാഗമായുള്ള അസിസ്റ്റന്റ് എക്‌സിക്യൂട്ടീവ് എഞ്ചിനീയറുടെ കാര്യാലയമായി പ്രവര്‍ത്തിച്ചിരുന്ന കെട്ടിടത്തിലാണ് തീപിടിച്ചത്. വര്‍ഷങ്ങളായി പരിസരം വൃത്തിയാക്കാത്തതിനാല്‍ കാട് പിടിച്ച് കിടക്കുന്ന ഒന്നര ഏക്കറോളം വരുന്ന സ്ഥലത്താണ് തീപിടിച്ചത്. പരിസരത്ത് നിരവധി വീടുകളുണ്ടെന്നതിനാല്‍ ജനങ്ങള്‍ പരിഭ്രാന്തിയിലായി. തീ പടരാതിരിക്കാന്‍ പരിസരവാസികളുടെ നേതൃത്വത്തില്‍ ശ്രമം നടത്തി. കുന്നംകുളത്ത് നിന്നും ഫയര്‍ ഫോഴ്‌സെത്തിയാണ് തീയണച്ചത്. തീയണക്കാന്‍ എത്തിയ ഫയര്‍ഫോഴ്‌സ് വാഹനത്തിന്റെ ആക്‌സില്‍, കെട്ടിടത്തിന്റെ 500 മീറ്റര്‍ അകലെ വെച്ച് ഒടിഞ്ഞു. തുടര്‍ന്ന് ഇവിടെ നിര്‍ത്തിയിട്ടാണ് ഹോസ് വഴി ജലമെത്തി്ച്ചത്. കാടുപിടിച്ചു കിടക്കുന്ന കെട്ടിട വളപ്പില്‍ നിരവധി പൈപ്പുകളും മറ്റും കൂട്ടിയിട്ടിരിക്കുന്നതിനാല്‍ നാശ നഷ്ടം കണക്കാക്കാനായിട്ടില്ല.
തൃശൂര്‍ ജീവകാരുണ്യ പ്രവര്‍ത്തനങ്ങള്‍ക്കായി ജില്ലയിലെ 72 ബസുകള്‍ സര്‍വീസ് നടത്തി.
സ്വകാര്യ ബസുകളുടെ ജീവന്‍ രക്ഷായാത്രയ്ക്ക് തൃശൂര്‍ ശക്തന്‍ സ്റ്റാന്റില്‍ റൂറല്‍ എസ്പി-എന്‍.വി ജയകുമാര്‍ ഫ്‌ളാഗ് ഓഫ് ചെയ്തു. ആക്ട്‌സ് ജനറല്‍ സെക്രട്ടറി ഫാ. ഡേവീസ് ചിറമ്മല്‍ ബസില്‍ യാത്ര ചെയ്ത് ജീവന്‍ രക്ഷായാത്രയ്ക്ക് നേതൃത്വം നല്കി. റോഡപകടങ്ങളില്‍പ്പെട്ടും അല്ലാതെയും കിടപ്പുരോഗികളായവര്‍, കാന്‍സര്‍ രോഗികള്‍, കിഡ്‌നി, കരള്‍, ഹൃദയം തുടങ്ങിയവ മാറ്റിവച്ച് തുടര്‍ ചികിത്സയ്ക്കു സാമ്പത്തിക സഹായം തേടുന്നവര്‍ എന്നിവര്‍ക്ക് ധനസഹായം കണ്ടെത്തുന്നതിന് വേണ്ടിയാണ് ജീവന്‍ രക്ഷായാത്ര നടത്തിയത്.
തൃശൂര്‍ കിള്ളിമംഗലം ഗവണ്‍മെന്റ് ആര്‍ട്‌സ് കോളേജിലും, ലോ കോളേജിലും റാഗിങ്ങ് എന്ന് പരാതി.
കിള്ളിമംഗലം ഗവണ്‍മെന്റ് ആര്‍ട്‌സ് കോളേജിലെ ജനറല്‍ ക്യാപ്റ്റന്‍ കെ.എസ് മുഹിയുദ്ദിനാണ് റാഗിങ്ങിനിരയായത്. കണ്ണിന് പരിക്കേറ്റ മുഹിയുദ്ധിനെ വടക്കാഞ്ചേരി ജില്ലാശുപത്രിയില്‍ പ്രവേശിപ്പിച്ചു. പരിക്കേറ്റ മുഹിയുദ്ധിനെ അനില്‍ അക്കര എം.എല്‍.എ സന്ദര്‍ശിച്ചു. തൃശൂര്‍ ഗവണ്‍മെന്റ് ലോ കോളേജിലെ ഒന്നാംവര്‍ഷ വിദ്യാര്‍ത്ഥി ജെറിനാണ് റാഗിങ്ങിനിരയായതായി പരാതി നല്‍കിയത്. പരിക്കേറ്റ ജെറിനെ തൃശൂര്‍ സഹകരണാശുപത്രിയില്‍ പ്രവേശിപ്പിച്ചു. തൃശൂര്‍ വെസ്റ്റ് പോലീസില്‍ പരാതി നല്‍കി.
എരുമപ്പെട്ടി കുട്ടഞ്ചേരി സര്‍ക്കാര്‍ എല്‍.പി.സ്‌കൂളില്‍ കിഡ്‌സ് ഫെസ്റ്റിന്റെ ഭാഗമായി ജന്മാന്തര സുകൃതം സംഘടിപ്പിച്ചു.
ഇതിന്റെ ഭാഗമായി കുട്ടഞ്ചേരി ഗ്രാമത്തിലെ മുത്തശ്ശി മുത്തശ്ശന്‍മാരെ കുട്ടികള്‍ ആദരിച്ചു. ചടങ്ങില്‍ പങ്കെടുത്ത വയോധികള്‍ തങ്ങളുടെ ബാല്യകാല ഓര്‍മ്മകള്‍ കുട്ടികളുമായി പങ്കുവെച്ചു. കിഡ്‌സ് ഫെസ്റ്റിന്റെ സമാപന സമ്മേളനം ഗ്രാമ പഞ്ചായത്ത് പ്രസിഡന്റ് മീന ശലമോന്‍ ഉദ്ഘാടനം ചെയ്തു. വാര്‍ഡ് അംഗം വി.സി.ബിനോജ് അധ്യക്ഷനായി. പഞ്ചായത്ത് അംഗങ്ങളായ എം.രവീന്ദ്രന്‍, പ്രീതി ഷാജു, പ്രധാന അധ്യാപിക മോളിയമ്മ മാത്യു, കെ.എ.മനോജ് എന്നിവര്‍ പങ്കെടുത്തു. കുട്ടികളുടെ വിവിധ കലാപരിപാടികളും അരങ്ങേറി.
തൃശൂര്‍ പാദുവായിലെ വിശുദ്ധ അന്തോണീസിന്റെ തിരുശേഷിപ്പിന് വിവിധ സ്ഥലങ്ങളില്‍ സ്വീകരണം നല്‍കി. മാര്‍ച്ച് 15 വരെ കേരളത്തിന്റെ പല ഭാഗങ്ങളിലും വിശ്വാസികളുടെ വണക്കത്തിനായി തിരുശേഷിപ്പ് പ്രതിഷ്ഠിക്കും.
നായത്തോട് സെന്റ് ജോസഫ് ദേവാലയത്തിലും അത്താണി സെന്റ് ആന്റണീസ് ദേവാലയത്തിലും അങ്കമാലി സുബോധന പാസ്റ്റര്‍ സെന്ററിലും ബുധനാഴ്ച തിരുശേഷിപ്പ് വണക്കത്തിനായി പ്രതിഷ്ഠിച്ചു. തുടര്‍ന്ന് കറുകുറ്റി അസീസി ശാന്തി കേന്ദ്ര ആശ്രമ ദേവാലയത്തിലും തിരുശേഷിപ്പ് വണക്കത്തിനായി വെച്ചു. വിശുദ്ധ അന്തോണീസിന്റെ 800-ാം ജന്മവാര്‍ഷികം മുതല്‍ പാദുവായിലെ ബസലിക്ക സന്ദര്‍ശിച്ചു പ്രാര്‍ത്ഥിക്കാന്‍ സാധിക്കാത്ത വിശ്വാസികള്‍ക്കായാണ് വിശുദ്ധന്റെ തിരുശേഷിപ്പുകള്‍ ബസലിക്കയില്‍ നിന്നു നേരിട്ട് ലോകത്തിന്റെ പല ഭാഗങ്ങളിലേക്കും വണക്കത്തിനായി കൊണ്ടു പോകുന്നത്. തീര്‍ത്ഥയാത്രയ്ക്ക് നേതൃത്വം നല്‍കുന്നത് പാദുവായിലെ ബസിലിക്കയുടെ സംരക്ഷണ ചുമതലയുള്ള കണ്‍വെഞ്ച്വല്‍ ഫ്രാന്‍സിസ്‌കന്‍ വൈദികരാണ് . 2 തിരുശേഷിപ്പുകളാണ് ഇറ്റലിയില്‍ നിന്ന് കൊണ്ടുവന്നിട്ടുള്ളത്. സ്വീകരണം നടന്ന സ്ഥലങ്ങളില്‍ നിരവധി വിശ്വാസികള്‍ തിരുശേഷിപ്പ് വണങ്ങി പ്രാര്‍ത്ഥിക്കാനായി എത്തിയിരുന്നു.
ഇരിങ്ങാലക്കുട കേരള പോലീസ് അസ്സോസിയേഷന്‍ തൃശ്ശൂര്‍ റൂറല്‍ ജില്ലാ കമ്മിറ്റി വനിത കണ്‍വെന്‍്ഷന്‍ ഇരിങ്ങാലക്കുട പോലീസ് സബ്ബ് ഡിവിഷന്‍ ട്രയിനിങ്ങ് സെന്ററില്‍ പ്രൊഫ.കെ.യു.അരുണന്‍ ഉദ്ഘാടനം ചെയ്തു.
കെ.പി.എ സംസ്ഥാന കമ്മിറ്റി അംഗം അപര്‍ണ്ണ അദ്ധ്യക്ഷത വഹിച്ചു. തൃശ്ശൂര്‍ റൂറല്‍ ജില്ലാ പോലീസ് മേധാവി എന്‍.വിജയകുമാര്‍ മുഖ്യാതിഥി ആയിരുന്നു. ഒല്ലൂര്‍ ആയുര്‍വേദ കോളേജ് അദ്ധ്യാപിക ഡി.ഷീല മുഖ്യപ്രഭാഷണം നടത്തി. ഇരിങ്ങാലക്കുട എ.എസ്.പി -കിരണ്‍ നാരായണന്‍, കെ.പി.എ സംസ്ഥാന കമ്മിറ്റി സെക്രട്ടറി പി.ജി.അനില്‍ കുമാര്‍ , വനിത സെല്‍ ഇന്‍സ്‌പെക്ടര്‍ പ്രസന്ന അംബുരത്ത് എന്നിവര്‍ സംസാരിച്ചു.
തൃപ്രയാര്‍ 19-ാമത് അഖിലേന്ത്യാ വോളിബോള്‍ ടൂര്‍ണമെന്റിലെ പുരുഷവിഭാഗം ജേതാക്കള്‍ക്കുള്ള സ്വര്‍്ണ്ണക്കപ്പ് ടി.എസ്.ജി.എ അധികൃതര്‍ക്ക് കൈമാറി.
ടി.എസ്.ജി.എ ചെയര്‍മാന്‍ ടി.എന്‍.പ്രതാപന്‍ സ്വര്‍്ണ്ണക്കപ്പ് ഏറ്റുവാങ്ങി. ജനറല്‍ സെക്രട്ടറി സി.ജി.അജിത്കുമാര്‍ അധ്യക്ഷനായിരുന്നു. തളിക്കുളം ബ്ലോക്ക് പഞ്ചായത്ത് പ്രസിഡണ്ട് എം.ആര്‍.സുഭാഷിണി, കെ.പി.സി.സി അംഗം ശിവന്‍ കണ്ണോളി, പി.കെ.സുഭാഷ്ചന്ദ്രന്‍, ടി.സി.ഉണ്ണികൃഷ്ണന്‍ എന്നിവര്‍ സംസാരിച്ചു.
വടക്കാഞ്ചേരി ഉത്രാളിക്കാവ് പൂരം എങ്കക്കാട് ദേശം പൂരപ്പന്തലിന്റെ കാല്‍നാട്ടല്‍ ഉത്രാളിക്കാവ് ക്ഷേത്ര സന്നിധിയില്‍ നടന്നു.
എങ്കക്കാട് പൂരകമ്മിറ്റി പ്രസിഡന്റ് കുങ്കുമത്ത് പരമേശ്വരന്‍ നായര്‍, സെക്രട്ടറി തുളസി കണ്ണന്‍, കുമരനെല്ലൂര്‍, വടക്കാഞ്ചേരി ദേശം പ്രസിഡന്റുമാരായ ടി.പി.പ്രഭാകര മേനോന്‍, പി.എന്‍.ഗോകുലന്‍, പൂരം ചീഫ് കോര്‍ഡിനേറ്റര്‍ ബാബു പൂക്കുന്നത്ത് എന്നിവര്‍ പങ്കെടുത്തു. ചന്ദ്രന്‍ മിണാലൂരാണ് എങ്കക്കാടിന് വേണ്ടി പന്തല്‍ ഒരുക്കുന്നത്. ഈ മാസം 28നാണ് ഉത്രാളിക്കാവ് പൂരം.
പുതുക്കാട് മണലി പുഴയില്‍ വെള്ളം ഒഴുകിയത്തിയതോടെ വരള്‍ച്ചക്ക് ശമനമായി.
എന്നാല്‍ പുഴയില്‍ എത്തിയ വെള്ളം മുഴുവനായി സംഭരിച്ചു നിര്‍ത്താനാകാത്ത അവസ്ഥയാണ്. പുഴയിലെ ഓടന്‍ച്ചിറ റഗുലേറ്ററിന്റെ ഷട്ടറുകള്‍ പഴകി ദ്രവിച്ചതിനാല്‍ വെള്ളം ഒഴുകി പോകും. ഷട്ടറുകളുടെ അറ്റകുറ്റപണികള്‍ നടത്തണമെന്ന് ഗ്രാമപഞ്ചായത്തും, നാട്ടുകാരും എറെ നാളായി ആവശ്യപെട്ടു വരികയാണ് . പുഴയിലെ ചെളിനീക്കം ചെയ്യുന്നതിന് യന്ത്രം ഉപയോഗിച്ച് പുഴയുടെ വശങ്ങളില്‍ തന്നെ നിക്ഷേപിച്ചതും കടുത്ത പ്രതിഷേധത്തിന് ഇടയാക്കിയിരുന്നു. ഇറിഗേഷന്‍ വകുപ്പ് അധികൃതരുടെ അനാസ്ഥയില്‍ പ്രതിഷേധിച്ച് തൃശൂരിലെ ഓഫീസ് ഉപരോധം ഉള്‍പടെയുള്ള പ്രക്ഷോഭത്തിന് ഒരുങ്ങുകയാണ് നാട്ടുകാര്‍. മണലി പുഴവറ്റിയതോടെ കുടിവെള്ള, ജലസേചന പദ്ധതികളുടെ പ്രവര്‍ത്തനം നിലച്ചിരുന്നു.
തൃപ്രയാര്‍ വളം വിതരണ പദ്ധതിയില്‍ അഴിമതി ആരോപിച്ച് തളിക്കുളം ഗ്രാമപഞ്ചായത്ത് ഭരണസമിതി യോഗത്തില്‍ നിന്ന് യുഡിഎഫ് അംഗങ്ങള്‍ ഇറങ്ങിപോയി.
ജനകീയാസൂത്രണ പദ്ധതിപ്രകാരമുള്ള വളം വിതരണ പദ്ധതിയില്‍ വന്‍ അഴിമതി നടന്നെന്ന യുഡിഎഫിന്റെ ആരോപണം നിലനില്‍ക്കെയാണ് ബുധനാഴ്ച ഭരണസമിതി യോഗം നടന്നത്. വളം വിതരണം അജണ്ടയില്‍ ഉള്‍പ്പെടുത്താതെയായിരുന്നു ഗ്രാമപഞ്ചായത്ത് പ്രസിഡണ്ട് കെ.കെ രജനിയുടെ അധ്യക്ഷതയില്‍ യോഗം തുടങ്ങിയത്. ഇതോടെ വളം വിതരണം ആദ്യ അജണ്ടയാക്കി യോഗം തുടങ്ങണമെന്ന് യു.ഡി.എഫ് അംഗങ്ങള്‍ ആവശ്യപ്പെട്ടു. എല്‍.ഡി.എഫ് ഭരണസമിതി അംഗങ്ങള്‍ ഇത് നിരാകരിച്ചത് രൂക്ഷമായ തര്‍ക്കത്തിന് ഇടയാക്കി. തുടര്‍ന്ന് വിഷയം അജണ്ടയില്‍ ഉള്‍പ്പെടുത്താതെ തന്നെ ചര്‍ച്ച ചെയ്യാമെന്ന് പ്രസിഡണ്ട് അറിയിച്ചെങ്കിലും യു.ഡി.എഫ് അംഗങ്ങള്‍ വഴങ്ങിയില്ല. എന്നാല്‍ പ്രസിഡണ്ട് രാജി വെച്ചൊഴിയണമെന്ന് യുഡിഎഫ് അംഗങ്ങള്‍ ആവശ്യപ്പെട്ടു. തുടര്‍ന്ന് ഭരണ-പ്രതിപക്ഷ അംഗങ്ങള്‍ തമ്മില്‍ രൂക്ഷമായ തര്‍ക്കം നടന്നു. ബന്ധപ്പെട്ട വിഷയത്തില്‍ ചര്‍ച്ചയില്ലെന്ന് വ്യക്തമായതോടെ യു.ഡി.എഫ് അംഗങ്ങള്‍ യോഗത്തില്‍ നിന്ന് ഇറങ്ങിപോയി. വളം വിതരണ പദ്ധതി അഴിമതി വിജിലന്‍സ് അന്വേഷിക്കണമെന്നും നടപടിയുണ്ടായില്ലെങ്കില്‍ പ്രക്ഷോഭം തുടങ്ങുമെന്നും യു.ഡി.എഫ് നേതാക്കള്‍ പറഞ്ഞു. അതേസമയം പദ്ധതികള്‍ നടപ്പിലാക്കുന്നത് തടയുകയും പണം നഷ്ടപ്പെടുത്തുകയുമാണ് യു.ഡി.എഫിന്റെ ലക്ഷ്യമെന്ന് പ്രസിഡണ്ട് കെ.കെ രജനി ആരോപിച്ചു.
പുന്നയൂര്‍ക്കുളം വടക്കേക്കാട് പഞ്ചായത്തിലെ ചക്കിത്തറ പാലത്തിനടുത്തുള്ള പാടശേഖരം കത്തിനശിച്ചു.
കൃഷിയിറക്കി കൊയ്ത്ത് കഴിഞ്ഞതിനാല്‍ നാശനഷ്ടം ഉണ്ടായില്ല. ഗുരുവായൂര്‍ ഫയര്‍ഫോഴ്‌സ് സ്ഥലത്തെത്തി തീയണച്ചു.
തൃശൂര്‍ വില്ലേജ് ഓഫീസറുടെ ഔദ്യോഗിക ഫോണില്‍ വിളിച്ച് അസഭ്യം പറഞ്ഞതായി പരാതി.
പുത്തൂര്‍ വില്ലേജ് ഓഫീസര്‍ സിമി ഒല്ലൂര്‍ പോലീസില്‍ നല്‍കിയ പരാതിയില്‍ പുത്തൂര്‍ സ്വദേശി പ്രകാശിനെതിരെ പോലീസ് കേസ് എടുത്തു.
വടക്കാഞ്ചേരി കൊലക്കേസില്‍ ഉള്‍പ്പെട്ട് കണ്ണൂര്‍ സെന്‍ട്രല്‍ ജയിലില്‍ ജീവപര്യന്തം തടവിന് ശിക്ഷിക്കുകയും പരോളില്‍ ഇറങ്ങി തനി്‌ക്കെതിരെ സാക്ഷി പറഞ്ഞവരെ വധഭീക്ഷണി മുഴക്കുകയും ചെയ്ത 37-കാരന്റെ പരോള്‍ വടക്കാഞ്ചേരി മജിസട്രേറ്റ് കോടതി റദ്ദാക്കി.
തെക്കുംകര കോളനിയില്‍ താമസി്ക്കുന്ന വിളക്കത്തറ വീട്ടില്‍ പ്രദീപിന്റെ പരോളാണ് വടക്കാഞ്ചേരി കോടതി റദ്ദാക്കിയത്. പരാതിയെ തുടര്‍ന്ന് പ്രതിയെ വടക്കാഞ്ചേരി പൊലിസ് അറസ്റ്റ് ചെയ്ത് കോടതിയില്‍ ഹാജരാക്കിയപ്പോഴാണ് നടപടി. ഇത്തരം പ്രതികള്‍ സമൂഹത്തിന് വലിയ ബാധ്യതയാണെന്നും കോടതി നിരീക്ഷിച്ചു. 2006-ല്‍ തെക്കുംകര കോളനി വിളക്കത്തറ രാധാകൃഷ്ണനെ കുത്തികൊലപ്പെടുത്തിയ കേസിലാണ് പ്രദീപ് ജീവപര്യന്തം തടവിന് ശിക്ഷിക്കപ്പെട്ടത്. ഈ മാസം ഒമ്പതിന് ഒരു മാസത്തെ പരോള്‍ ലഭിച്ച പ്രദീപ് തുടര്‍ന്ന് നിരന്തരം സാക്ഷികളെ ഭീക്ഷണിപ്പെടുത്തുകയായിരുന്നു. പരോള്‍ റദ്ദാക്കിയതിനെ തുടര്‍ന്ന് പ്രതിയെ ജയിലിലേക്കയച്ചു.
തൃശൂര്‍ ജില്ലാ പഞ്ചായത്തില്‍ യോഗത്തില്‍ ഉദ്യോഗസ്ഥര്‍ക്കെതിരെ രൂക്ഷവിമര്‍ശനം.
അധികാര കേന്ദ്രീകരണമാണ് ജില്ലാ പഞ്ചായത്തില്‍ നടക്കുന്നതെന്ന് യോഗത്തില്‍ അംഗങ്ങള്‍ ആരോപിച്ചു. ഉദ്യോഗസ്ഥ തലത്തില്‍ ഉള്ള തടസങ്ങളാണ് പദ്ധതികള്‍ നടപ്പാക്കാന്‍ തടസമാകുന്നെതന്നും ജില്ലാ പഞ്ചായത്ത് അംഗങ്ങള്‍ കുറ്റപ്പെടുത്തി. ജില്ലാ പഞ്ചായത്തില്‍ കഴിഞ്ഞ 14 മാസമായി സെക്രട്ടറി ഇല്ലാത്തതിന്റെ കുറവ് നന്നായി അനുഭവിക്കുന്നുണ്ടെന്ന് പ്രസിഡന്റ് ഷീലാ വിജയകുമാര്‍ പറഞ്ഞു. പദ്ധതി നടത്തിപ്പിനായി നല്‍കുന്ന ഫണ്ട് യഥാസമയം കൊടുക്കാതെ ഉദ്യോഗസ്ഥര്‍ തട്ടിക്കളിക്കുകയാണ്. ജില്ലാ പഞ്ചായത്തില്‍ സെക്രട്ടറി ഇല്ലാത്തത് ആരുടേയും വീഴ്ചയല്ല. എന്നാല്‍ എവിടെയോ വീഴ്ചകളുണ്ടെന്നും അംഗങ്ങളുടെ ചോദ്യത്തിന് മറുപടിയായി ഷീലാ വിജയകുമാര്‍ പറഞ്ഞു. ജില്ലാ പഞ്ചായത്തിന്റെ ഫണ്ടുകള്‍ ചെലവഴിക്കുന്നതില്‍ വളരെയധികം പിന്നിലാണെന്നും മൊറട്ടോറിയം പ്രഖ്യാപിച്ച് ഫണ്ടുകള്‍ വിനിയോഗിക്കുന്നതിനുള്ള പദ്ധതികളുമായി മുന്നോട്ടു പോകണമെന്നും അംഗങ്ങള്‍ ആവശ്യപ്പെട്ടു. പദ്ധതികള്‍ നടപ്പാക്കാത്തതിന്റെ ഉത്തരവാദിത്വം ഉദ്യോഗസ്ഥര്‍ ഏറ്റെടുക്കേണ്ടതാണെന്നും പണി അറിയാത്ത ഉദ്യോഗസ്ഥരെ പിരിച്ചു വിട്ട് പണിയറിയാവുന്നവരെ നിയമിക്കണമെന്നും ഷീലാ വിജയകുമാര്‍ പറഞ്ഞു. ഉദ്യോഗസ്ഥ തലത്തില്‍ നടക്കുന്ന തടസവാദങ്ങളാണ് പദ്ധതികള്‍ യഥാസമയം നടപ്പാക്കാതിരിക്കുന്നതിന് കാരണമെന്ന് ഭൂരിപക്ഷം അംഗങ്ങളും ആരോപിച്ചു.
തൃശൂര്‍ കേരളത്തിന്റെ സംസ്‌കാരത്തിന്റെ ഭാഗമായ ഉത്സവങ്ങളെയും ആന എഴുന്നള്ളിപ്പിനെയും വെടിക്കെട്ടിനെയും പരിരക്ഷിക്കണമെന്ന ആവശ്യവുമായി തൃശൂരില്‍ ഫെസ്റ്റിവല്‍ കോര്‍ഡിനേഷന്‍ കമ്മിറ്റി സംഘടിപ്പിക്കുന്ന കൂട്ടായ്മയ്ക്ക് നടന്‍ ജയറാമിന്റെ ഐക്യദാര്‍ഢ്യം.
ഷൂട്ടിംഗുമായി ബന്ധപ്പെട്ട് ഹൈദരാബാദിലാണെങ്കിലും മനസുകൊണ്ട് താന്‍ തൃശൂരിലെ ഉത്സവ പ്രേമികളുടെ കൂട്ടായ്മ മുന്നോട്ടു വെയ്ക്കുന്ന ആവശ്യങ്ങള്‍ക്കൊപ്പമുണ്ടെന്ന് വ്യക്തമാക്കി് ഫെയ്‌സ്ബുക്കിലൂടെയാണ് ജയറാം തന്റെ പിന്തുണ അറിയിച്ചത്.
പേരാമംഗലം പേരാമംഗലത്ത് കാര്‍ യാത്രക്കാരായ ദമ്പതികളെ മര്‍ദ്ദിച്ച കേസില്‍ യുവാവിനെ പോലീസ് അറസ്റ്റ് ചെയ്തു.
പേരാമംഗലം സ്വദേശി പ്ലാക്കല മനോജിനെയാണ് അറസ്റ്റ് ചെയതത് . വാഹനത്തിന് സൈഡ് കൊടുക്കുന്നത് സംബന്ധിച്ച തര്‍ക്കമാണ് മര്‍ദ്ദനത്തില്‍ കലാശിച്ചത്.
കുന്നംകുളം കേച്ചേരി എരനെല്ലൂര്‍ പള്ളിയിലെ അമ്പ് തിരുനാള്‍ ആഘോഷത്തിലേക്ക് മാരുതി വാനിടിച്ച് കയറി ഒരാള്‍ മരിച്ച കേസില്‍ െ്രെഡവര്‍ അറസ്റ്റില്‍.
മലപ്പുറം കാവനൂര്‍ സ്വദേശി നീരുട്ടിചാലില്‍ റഹ്മത്തുള്ള ആണ് അറസ്റ്റിലായത്. ഈ മാസം 4ന് രാത്രിയിലായിരുന്നു സംഭവം. കയ്പറമ്പ് ഭാഗത്തുനിന്ന് പള്ളിയിലേക്ക് വരുന്ന അമ്പ് തിരുനാള്‍ ആഘോഷത്തിലേക്ക് വാന്‍ ഇടിച്ചു കയറുകയായിരുന്നു. അപകടത്തില്‍ എരനെല്ലൂര്‍ അറങ്ങാശ്ശേരി, കുരിയാക്കുവിന്റെ മകന്‍ ഡേവിഡാണ് മരിച്ചത്. എസ്.ഐ.-ടി.പി.ഫര്‍ഷാദ്, അഡീഷണല്‍ എസ്.ഐ-കാസിം എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.
തൃശൂര്‍ പാമ്പാടി നെഹ്‌റു എന്‍ജിനീയറിങ്ങ് കോളേജ് വെള്ളിയാഴ്ച തുറക്കാന്‍ തീരുമാനം.
ജില്ലാ കളക്ടര്‍ ഡോ. എ.കൗശീഗന്റെ നേതൃത്വത്തില്‍ കോളേജ് മാനേജ്‌മെന്റ് പ്രതിനിധികളുമായും വിദ്യാര്‍ത്ഥി പ്രതിനിധികളുമായും തൃശൂരില്‍ നടത്തിയ ചര്‍ച്ചയിലാണ് തീരുമാനം. എന്‍ജിനീയറിങ്ങ് വിദ്യാര്‍ത്ഥിയായ ജിഷ്ണു പ്രണോയിയെ ഹോസ്റ്റല്‍ മുറിയില്‍ തുങ്ങിമരിച്ച നിലയില്‍ കണ്ടെ